رواية هروب ما بعد اغتصاب الحلقة الثانية 2 بقلم ميرو أحمد

 رواية هروب ما بعد اغتصاب الحلقة الثانية 2 بقلم ميرو أحمد

رواية هروب ما بعد اغتصاب الجزء الثاني 

رواية هروب ما بعد اغتصاب البارت الثاني

رواية هروب ما بعد اغتصاب الحلقة الثانية 2 بقلم ميرو أحمد


رواية هروب ما بعد اغتصاب الفصل الثاني


#هروب_مابعد_اغتصاب
#الحلقه_التانيه
الكاتبه مــيــرو احــمــد

💗"«قـــراءة مــمــتــعــةة»"💕

رقدت امع الساعه 2 نسمع في تخبيط ع الباب

جلال كان مش واعي: افتحي يا#%%%
😨
انا خفت متت من الخوف 😨😨 قعدت حاطه ايدي علي قلبي وانشوف في الباب وخايفه
جلال: بنت#%%
قعد ايسب وايقول في كلام مش مفهوم
نسمع في سالمه اتكلم فيه لين اختفى الصوت معاش سمعت شي عرفتهم مشو

قعدت طول اليل سهرانه 💔😢 ماغمضتش عيني من الخوف انفكر في حاجه وحده وكيف نطلع من هل البيت 💔

سمعت صوت اذن الفجر توضيت وصليت قعدت نقرا في قران وندعي عشان انفوت الوقت مانحسس بيه

امع الساعه 7 رن هاتفي وكان مسعود
سكرت المصحف رديت عليه بصوت ناعس
انا: ايوااا
مسعود بنفس صوت ناعس: انا توا اوصلت قريب من بيتكم
انا فتحت اعيوني نستوعب: جديات
مسعود: اها المهم وتي روحك كان بتطلعي
انا : انا واتيه بس خايفه ايفيقو
مسعود: طز فيهم ماحد يقدر يتكلم انتي بنت عمتي خلي واحد فيهم يتكلم
انا: مش هك خايفه تطردك ولا تكذب ع الشرطه اتقول صاحبها اتورطك هذي شيطانه اي شي يخطر عليها
مسعود: عنجد صاحبها وشن اتكون هذي الي خايفه منها
في النهايه انسانه زينا مافيهاش زايد

انا خايفه كان جاء مسعود مرت بوي تكذب اتقول انها امصاحبه ولدي وتقلب الكلام عشان ايزوجني لي ولدها هدا وين تالقها فرصه هي
انا: انت ماتعرفاهش يا مسعود بالله عليك لو تبي اتساعدي ماتخليهاش اتشوفك ولا تعرفك توا انا نصرف كيف نطلع من البيت هذي انسانه ظالمه مانبيها تعرف لانها بدير اي شي عشان اتخليني هنا وتمنعني مانمشي ونتزوج ولدها
مسعود رقيتله:شنو هي بالغصب تبي حد ايوقفها عن حدها ساد مادرات في عمتي
انا استغربت: شن دارت
مسعود حس روحه زلق في الكلام: ولا شي المهم ديري رايك ولا نصرف من عندي اما انك تقعد امع راجل غريب في بيت واحد ماتجيش بكل انا الي خلاني انوافق انجي نرفعك من هنا الا وانه ولد مرت بوك عايش امعاكم وقلتي ايضايق فيك وانا رجولتي ماتسمحلي انخلي بنت عمي بين ناس غريبه عليها وطامعين فيها

((انا حسيت من كلامه كانه عندي ظهر نسند عليه ويحميني بس بعد شنو ياريت نقدر انغير الوقت وشفت رسالة بابا بعد ماتوفى طولت لكنت موجوده توا بينهم وبامان ماقدرش كلب يقرب مني 💔 بس الله غالب الوقت ديما ايجي ضدك ))
انا: توا نتصرف وانقولك
مسعود: تمام نضمي امورك قاعد قريب من البيت
انا: خلاص اتفقنا انشوف فرصه مناسبه وانكلمك
مسعود: تمام ماطوليش ضروري نطلعو قبل ما اظلم الدنيا عشان نوصلو
انا: به
صكرت منه وانا قلبي امعبه خواف فحياتي ماخفت هكي
نحيت املايه الصلاه بسرعه وصبيت حسيت بذوخه ليا يومن ماكليت ولا شربت شي غمضت اعيوني بقوه عشان انركز خفت نطلع انشوف اي حد فيهم اخترت انموت من الجوع ولا نطلع
ادكرت عندي شكلاطه في الدرج طلعت طرفين كليتهن انصبر روحي بيهن
خديت دوش ولبست سروال اسود وقميص اسود وطلعت وشاح ابيض حطيته ع السرير شفت روحي ع المرايه وجهي كان مرهق وهلات سودا تحت اعيوني واصفر لوني تنهذت بحزن مش عارفه كيف بنعيش فيها الدنيا الي قعد فيها وحيده منغير اهلي 💔
قعدت جنب الباب نبي نسمع اي حركه او كلامهم
مرو ساعتين وانا جنب الباب مش فاقده الامل

عند مسعود حتي هو كان تاعب من الطريق ومارقدش
خدا غفوة ساعه في السياره فيقه تليفونه وكان باته
مسعود ايحك في اعيونه: ايوا بوي
خالي محمد: ها اوصلت
مسعود: اي يابوي اوصلت
خالي محمد: عطيني انكلمها
مسعود ماعرف شن ايقول: مش جنبي هي وانا في الشارع توا وانت عليش امتعب روحك انا خبرتك عشان انحطك في الصوره مش تشغلي بالك ولا تضايق عارف شن قال الدكتور مانبو توتر ولا تعب توا تريح يابوي وكون مطمن مش امروح الا بيها
خالي محمد :الله ايربحك رد بالك عليها الله ايسامحه عبدالله حرمنا منها طول هل السنين
مسعود :حاضر المهم ريحلي روحك توا عشان اتروح لي البيت وفكنا منه الدخان من توا قتلك
خالي محمد: باهي زي ماتبو المهم جيبلي بنت اختي
مسعود: تمام من جنبك توا
خالي محمد: مؤيد وعمك علي
مسعود: عطيني واحد منهم
خالي محمد عطا التليفون لي مؤيد كان جنبه
مؤيد: ها
مسعود: عصا اتشلفطك رد اكويس
مؤيد: شكلك رايق ع الصبح شن بي
مسعود: اخر رواقان
مؤيد: والمطلوب شن بنديرلك يعني
مسعود: ابعتلي رصيد
مؤيد:ماعنديش برا ملح
مسعود: ماتخليني انقول مصروف مافيش الشهر هذا
مؤيد شهق: الا هذي والله ماشي امع الشباب زرده دير اي شي الا هذي
مسعود: لعند امتى بنصرف عليك انا دير حاجه لعمرك واستفيد ابعتلي رصيد بسرعه
مؤيد:بالله مادلني علي1000 اجنى في الشهر
مسعود ضحك: اتقول فيها بصحة وجه تي غيرك يعتب عشان ايحصل نصهم وانت تلقه فيهم علي الراحه وتصرفهم في يوم علي اصحابك من غير فايده
مؤيد 😑:تمام توا يوصلك الرصيد وتم الكلام باتي شحنه بيطفى وسكر طول قبل ما ايكمل مسعود تهزيبه

مسعود هز راسه بملل وكانه متوقعه : هذا فيش فالح اهرب ديما تحسابني ناسيك غير نفضالك
تواثي وصالته رساله تم تحويل الرصيد
ضحك: الخوف طيب
ولع سيارته وطاع لي اقرب كافي عشان يفطر وايصحصح

.
.
--------------------------------------------------------------
عندي انا

امع ال 9 نسمع في صوت خطوات كعب نسمع فيها اتخبط في الباب واتقول
سالمه: هيا تاخرنا ع المحامي لازم انتمو الاجراءات بسرعه عشان اليوم لازم اتوقع علي الوراق وبكرا تقرا عليها الفاتحه زي ماقال المحامي بعدها طلقها زي ماتبي
جلال: تي باهيي عارف نلبس بس
سالمه: بسرعه ما اطول بنمشي انولع السياره وانت بعد تطلع اقفل الباب البيت
جلال ضحك ويلبس في قميصه: تي غير خليها تطلع من دارها بس ليها يومين ماطلعت
سالمه: الي هو المهم دير احتياطك
جلال: تمام
نرلت سالمه تحت وطلعت ولعت السياره
دقائق وطلع جلال متانق وعطره واصل لداري
نسمع فيه ينزل من الدروج وبعدها رد دق علي الباب داري
جلال يضحك: حيه انتي
انا مارديت
جلال اختفت ابتسامه وخاف: انكلم فيك تسمعي فيا
انا مارديت
جلال بصوت عالي: ماتخيلني نخلع الباب تكلمي يابنت
انا خفت يخلع الباب: شن تبي
جلال ضحك: نعلي من الخواف المهم سمعت صوتك
انا تكلم بغل: ان شاء الله نسمع خبر موتك يارب
جلال : طاول السانك يافرخه غير توا مش فاضيلك عندي حاجه اهم منك كان هدا توا وريتك علي هل السان وراسك بكرا انقصلك السانك وتبدي زي الخدامه فمك ساكت
انا: انا نتكلم في داخلي لو قعدتلك لبكرا ياكلب
رن تليفون جلال
جلال: توا اتشاو ياسمحه توا طالع بعد انروح عندي ليك مفاجاء وتيلي روحك
انا:ان شاء الله طلعه بلا رجعه يارب
جلال: بعدين نفضالك شكله مزال تبتي علي المره الاوله
نزل جلال بسرعه ورد علي تليفونه لانه تاخرو

انا اسمعت الباب البيت اصكر عرفته طلع خلاص
بسرعه جريت رفعت تليفوني واتصلت بي مسعود
الي كان في الكافي يفطر

انا:طلعو توا هذي فرصتي نطلع
مسعود: تمام خليك جنب الباب انا في كافي الي في الشارع التاني توا انجيك
انا: تمام بالله عليك ماطول
مسعود صبا ايلم في دخانه ومفاتيح السياره: حاضر
صكر مسعود ودفع الحساب وطلع مستعجل جاء بيولع سيارته القي واحد امصكر عليه قعد ايدور في صاحب السياره عشان يطلع

💥روايــــــــات مـــــــيـــــــروو احـــــــمــــــــد 💥

انا رفعت الشنطه ولفيت وشاحي مارفعت حاجات واجده امعايا فتحت الباب الدار قابلتني علي طول دار بابا تنهدت بحرن مشيت لداره وفتحتها وخشيت قاعده زي ماهي بنفتح الدولاب بنرفع سوريا لي بابا بس الدولاب كان مقفول دورت المفاتح مالقيتاش فتحت الدرج رفعت ساعة بابا وخاتمه وطلعت الدمعه ع خدي رفعت شنطي شفت لي داري اخر مره مسحت ادموعي ونزلت من الدروج وصلت في الباب الخارجي بنفتحته ما انفتح ادكرت انهم قفلوه مشيت لي باب المطبخ حتي هو مقفول اخر شي جت في بالي بالكوني الصاله
قعدت انجر في الشنطه اوصلت في الصاله وفتحت الباب كان نضام سحبه فتحته وطلعت الشنطه وسكرته
وقعدت انجر فيها لنها الحاجز حذفتها وبعدها نقزت انا كانت مرتفعه اشوي قعدت نمشي بسرعه وخايفه كل اشوي نلتفت ورايا اوصلت لي البوابه الخارجيه قعدت نستنا في مسعود حسيته طول
اتصلت بيه خايفه يرجعو، هذوم

انا: ويك طولت
مسعود: صارتلي قصه في واحد سكر عليا بسيارته توا حليتها
انا بخوف: لازم اليوم نطلع بسرعه قبل ما ايروحو
مسعود: تم انا قريب نوصل فيك وحكيت لي بوي كل شي
انا: تمام به استعجل خايفه اتصير حاجه
مسعود: تمام ماتخافيش انا امعاك
انا حسيت قلبي بيطلع من مكانه: تمام
مسعود: اهو انشوف في باب بيتكم
انا بنفاعل وخوف : تمام توا نطلع
مسعود: تمام
انا سكرت منه فتحت الباب ابسرعه وطلعت الشنطه
علي وصلة مسعود درس السياره ونزل منها
كان كله هيبه وشخصيه ولحية مرسومه ولبسه وطريقه شعره وقفته ابروحها تقتل 😍
مسعود:ريناد
انا: اها ريناد مسعود
مسعود مد يده وسلم عليا: تشرفت بمعرفتك بنت عمي
انا شفتله: وانا اكثر توا خلينا نمشو بسرعه بالله عليك
مسعود : كنك خايفه خلاص اوصلتي فيا ماحد يقدر يفتح فمه طول ما انتي امعايا حتي لو من جاء
توا امشي اركبي
انا سكتت وركبت طول
مسعود رفع الشنطه وحطها في السياره وركب في السياره
مسعود: خلاص نمشو مش ناسيه حاجه
انا هزيت راسي: لالا
مسعود :تمام
وخر السياره وطلع من الشارعنا 💔💔
وكان الصمت متحل السياره مافيش حد منا تكلم
انا كنت انشوف في الطريق وسرحانه في اكبر اهمومي وكيف بنتعايش امع اكبر حزن فحياتي غير موتت بابا وماما 😢💔💔
كسر الصمت الي بينا صوت مسعود
مسعود: تبي حاجه ناخدها ليك قبل ما نطلعو من المنطقه لانه ورانا طريق طويله
انا: نبي اميه
مسعود:شن تاني
انا كنت جعانه بس مانبيش نشرط عليه: اي شي عادي
مسعود:تمام توا ناخد وجبات خفيفه
انا سكتت
درس قدم محل غدائيه خدا عصائر واميه وشكلاطات وكيكه وطلع ركب في السياره اعطاني الكياس
انا:عليش امتعب روحك واجد هذا
مسعود: مافيهاش تعب كولي اروي اعروقك لونك رايح شكلك مش واكله شي
انا تنهذت: ليا يومين ماطلعت من الدار ولا كليت شي
مسعود انصدم: معقوله
انا: اي
مسعود:من شنو خايفه بس بنعرف
انا: مش خايفه بس مانبيش انشوفهم ولا نتكلم امعاهم
مسعود مش امصدق كلامي: مش سبب يمنعك ماتطلعي تاكلي
انا بحزن 💔:ماكنت بحال يسمحلي ناكل ولا نتقبل الناس
مسعود :قلتيلي ايضايق فيك ولدها
انا توترت: اي من قبل مايتوفى بابا كان ايضايق فيا حكيت لي بابا وقفه عن حد ومعاش جي لحوشنا عشان بابا حلفله ومنعه من شوفت امه عقاب ليه
مسعود امركز عليا كيف متوترا: شن اسمه
انا فمي يرجف حتي من اسمه ايرعش فيا: جلااال
مسعود: جلال منو شن اسم بوه ولا شن قبيلته
انا:جلال ابراهيم الفلاني
مسعود: تمام
انا: شن بدير
مسعود:غير فاضيله هو
انا سكتت انشوف في ملامح وجه كيف حاده وطريقة كلامه
درس مسعود علي مطعم نزل جاب بيتزا وشاورما فتح الباب الخلفي وحطهم ع الكرسي
وركب وانطلقنا لي بنغازي مش عارفه الحياه الي اتراجي فيا غادي الا وانها احسن حياتي امع جلال وسالمه الظالمين

مرت ساعه وبعدها ساعه طول الطريق ساكته وحتي هو ساكت

.
.
.
--------------------------------------------------------------

روحو سالمه وجلال فارحنين ومش سايعتهم الفرحه
خشو داخل
سالمه قعمزت علي الصالو تنهذت: واخيرا الي نجرو وراه طول السنين هذين تعبنا مامشا علي الفاضي خلاص كل شي اليوم بيبدا ملكنا بتوقيعه
جلال: اهو بنبدا بزنس ونلعب بالفلوس لعب 😂😂😂
سالمه بفرحه: ماعنديش صبر امشي جيبها الفرخه خلي اترقع
جلال: انتي تامري امر
سالمه: زي ما اتفقنا النص ليا والبيت ليا
جلال: ماتنسي انتي بعتي البنت ليا يعني بنعطيك الربع والبيت ماتنسي البيت هذا حقه مليون خاطي الي بنعطيه لك
سالمه مش عاجبها لوت فمها:باهي في الاخير انا امك يعني الي بتملكه حتي انا نملكه مايفرقش شي
جلال ضحك: لا يفرق واجد
سالمه: غير جيبها بعدها ساهل
جلال: باهي وانتي ماعندكش صبر
سالمه:لانه قلبي مش متريح بري شوفها امصكره علي روحها يومين من غير اكل ولا طلعت كان مادارت في روحها حاجه
جلال: علي اساس خايفه حتي كان ماتت ناخدو بصماتها وتم الكلام
سالمه سكت
جلال رقا فوق
سالمه اتشوف لي ولدها بغل كيف كذب عليها وقلب الخطه امتاعهم
اشوي نزل جلال يجري
جلال: ريناد مش قاعده فوق
سالمه انخلعت: كيف ما هناك فوق دورت اكويس
جلال بخوف: والله دورت فوق مش قاعده
سالمه ناضت بسرعه ادور عليا هي وجلال
رجعو لي غرفتي سالمه فتحت الدولاب لقيت نص دبشي مش قاعد والصندوق مافتوح رفعت راسها فوق الدولاب شافت الشنطه مش قاعده
قعمزت علي السرير ومسكت راسها: هربت الكلبه هرب
جلال: ماعندهاش وين تهرب
سالمه: وين مشت يعني ارض الله واسعه قتلك مااتكلم قدامها علي خطتنا خربت مش حا انحصلو دينار منها
جلال: وين ممكن تمشي مرجوعها لينا
سالمه تندب علي روحها: وعندك تقه بترجع تي الفرخه هذي عينها قويه مستحيل تستلم بسرعه زي بوها اتعاند الحياه كلها عشان اتعيش فيها
جلال: تي بحالتها هذي يومين وترجع
سالمه: اعبه علي رجوعها كان رجعت اصلا
جلال: اكيد مشت لي وحده من صاحبتها مستحيل ادبر مكان بحالتها هذي
سالمه: اي كيد خلي انشوفوها اكيد مشتلهم
جلال: غير نالقها وربي موتها علي ايدي
سمعو الجرس الباب
جلال: اكيد هي قتلك مرجوعها ليا
نزلو جلال وسالمه يجرو
.
.
.
.
.
-----------------------------------------------------------------

درس السياره ع جنب
مسعود: كولي فيش اتراجي ماتتحشمي خودي راحتك
انا: به
مسعود عرفها متحشمه: تمام انا بزيد لي السياره بنزينه بعدين مانقدرش انوقف السياره
انا: تمام
نزل مسعود قصدا كان يبيها تاخد راحتها تاكل
فتح شنطة السياره وطلع شيشه بنزينه كان حاط ديما في سيارته بنزينه احتياط بالخص لو ماشي طريق سفر
عباها بنزينه رن تليفونه كان عمه علي قعد ايهدرز امعاه اشوي وسكر
ركب السياره القي الاكل نفس ماهو مش امحركه حاجه
مسعود: عليش ماكليتي
انا متحشمه: كنت انرجي فيك عيب ناكل قبلك وانت الي جايبه
مسعود ضحك ومد يده وراه ورفع الكيس
مسعود: توا هذي كلها حشمه انا نزلت علي خاطر انخليك براحتك تاكلي
انا: لا مش هك بس حتي انت مش واكل
مسعود يفتح في الكياس: امال هي كولي ورانا طريق مانبيش اظلم
انا: تمام
مسعود نزل قزاز السياره كلها عشان صنة الاكل
قعدت ناكل انا مسعود كملنا اكل
حذف مسعود الباقي عشان الصنه
وركب السياره وكملنا طريقنا
ورجع السكوت في السياره

.
.
.
.
---------------------------------------------------------------

مرو ساعات وصلنا امع الساعه 5 العصر خشينا بنغازي ❤️
نص ساعه وقفت السياره علي فيله كبيره ع الدور الثالت اكبر من فيلتنا كان لونها ع الابيض
انا بتوتر:اوصلنا
مسعود: اي هذا بيتنا انزلي هي
انا نزلت: ماشاء الله تهبل اكبر من بيتنا
مسعود: تسلمي
مسعود طبس رفع كيس الشكلاطه رفعه ونزل
مسعود: هاك ارفعي هدا
انا: لالا شكرا مانبيش
مسعود: قتلك ارفعيها
انا سكتت وخديتها منها
مسعود: خشي ماتوقفي في الشارع تو انا انزل الشنطه
انا: المسكر الباب
مسعود طلع مفتاح من جيبه: هاك افتحيه
انا رفعته منه خايفه ومتوتر كيف بنتعرف علي ناس مانعرفهم وانعيش امعاهم صح بعد صغيره انجيهم بس من عيد لعيد قبل ما ماما تتوفى توا يفرق ابروحي مش عارفه حد منهم
حاولت نفتح الباب كان قوي
مسعود نزل الشنطه شبحني انعاتل في الباب ومايبش ينفتح
جا ورايا
مسعود: ترا نحي حتي الباب مش عارفه تفتحيه
انا وخرت: مانعرفش قوي
مسعود فتح الباب: مش قوي غير انتي ايدك مرخيه
انا سكتت وخشيت
مسعود دخل الشنطه وسكره
قعدت نمشي بخطوات وهوا جنبي
قعد ايخبط ع الباب لحضات نسمع في صوت بنت
ايه: تي باهي جايا وانت قريب تخلع الباب
مسعود: افتحي بلا دوه زايده
ايه فتحت وشافتلي باستغراب وفاتحه فمها
مسعود : بعدي عن وجهي وصكري كشختك الي فاتحتيها
ايه بصوت عالي: ياماما تعالي شوفي مسعود تزوج وجابلك وحده

.
.
.
.
.
----------------------------------------------------------------

نزل جلال بسرعه فتح الباب وكان المحامي
المحامي: السلام عليكم
جلال بخوف😨😨😨: وعليكم السلام
سالمه نزلت 😨😨😨
جلال: تفضل من تبي
المحامي:نبي مدام سالمه وريناد
جلال: تفضل انا ولد سالمه وانكون خطيب ريناد
المحامي انصدم لانه كان بابا حاكيله كل شي عنا وشرح كل شي ليه
المحامي: تمام ناديهم ليا عندي الوصيه ضروري ايشوفها في اوامر ضروري انفذوها
جلال بلع ريقه خوف: رينا توا مش قاعده مشت امع صاحبتها اتغير جوها يومين زي ماتعرف فاقده بوها ونفسيتها تعبت اقترحت عليها صديقتها اتجي عندها
المحامي بشك 🤔: تمام امتي اتروح مدام ريناد
سالمه: علي حسب نفسيتها
المحامي:تمام امتي ما اتروح كلميني ضروري اتكون موجوده
سالمه:عادي احكيلي توا انا انخبرها
المحامي: مايجيش ضروري ريناد موجوده
سالمه: وانا نحكيلها بعد ترجع وانكلمك اتخبرها بنفسك
المحامي بتردد بس يبي اينفذ كلام عبدالله: تمام
جلال : تمام تفضل استريح
خشت المحامي وراه جلال وسالمه
.
.
.
.
.
.
------------------------------------------------------------------

مسعود: ضمي فمك شن اتخرفي انتي
انا زرتني الضحكه 😂
جت مبروكه مخلوعه
مبروكه تتفحص فيا وتندب علي روحها: تي شن درت يامصيبه هذا العاقل الي شاده بيه ظهري يتزوج من دون شور هله
مسعود بعصبيه: فكونا من الدرامه هذي ريناد بنت عمتي نجاة الله يرحمها
مبروكه شهقت: رنوده بنتي
مسعود: توا معقوله باتي ماخبركم
مبروكه تحضن فيا واتسلم هي وايه
مبروكه: انت تعرفه بوك يتكلم هو
مسعود: به وسعو خلو البنت اتخش
مبروكه بفرحه: نورتي يابنتي
انا ابتسمت: بوجوك ناير اخويله
خشيت امعاهم
ايه: هيا انتي ريناد الطشه الي نلعب امعاها زمان
انا ابتسمت: اي
مبروكه: كيف حالك بنتي وشن اخبارك
انا: الحمدلله بخير
مبروكه: وين بوك شن حال صحته
انا اهني خنقتني العبره ماقدرتش نتكلم وانقول بابا توفى
مسعود انقدني: عمي عبدالله عطاك عمره ماليش خمسه ايام متوفى ريناد قعدت ابروحها غادي جبيتها اتعيش امعانا هنا خير من ابروحها
مبروكه 🥺😢 حضنتي : ياروحي عليك يا رنوده البقاء والدوام لوجه لله سبحانه وتعالى ربي يتقبله بواسع رحمته
ايه: الله يرحمه ويغفرله ربي ايصبرك حبيبتي
انا مسحت ادموعي: امين يارب
مبروكه: ماتزعليش روحك احني عيلتك التانيه بعد بوك و امك اعتبرني زي امك
انا: تسلمي اخويله
مؤيد نازل من فوق: اووووه شرفت بنت عمتي العزيزه
رايفت عليك رودتني 😂
انا : مؤيد
مؤيد: مذكرتني
انا: الوحيد الي مدكرتك 😂😂
مؤيد بغرور: اصلا انا ديما قاعد ذكره في عقول وقلوب الفتيات
ايه: غير بشويش علي روحك راك اطيح بس نقعدو انعانو
انا ابتسم: والله ندكر بعد يضربني مسعود انجيك انت تتعارك امعا اتقوله من قالك اضرب رودتني ويقتلنا احني الزوز نقعدو نتباكو
مسعود: ماشاء الله مدكره كل شي
انا: مش واجد
مؤيد نزل سلم عليا بالخد
مؤيد: كابره بديتي سمحه يافرخه طرف 😍
انا: حتي انت ماشاء الله عليك
مبروكه:ما ايغرك منضره الفرخ هذا كبر بلا فايده مش عارفه الحيه امدايره لشنو الي كيفك يخدمو علي عمرهم
مؤيد ضحك: عليش تغلطي فيا يا امي عيب قدام البنت توا شن اتقول عليا توا انتي حطيتني في الشارع
انا ضحكت: اهم شي معترف صح
ايه: ههههه حتي ريناد عرفاتك
مؤيد: ماتخليني نقلب ضدك ياريناد انخط عليك زيهم مفروض توقفي في صفي زي ما انا قبل ننقتل علي عشانك
انا نضحك: ههههه حاضر
مسعود: فكنا من ابصارتك خلي البنت تتريح جايه من طريق سفر وانت تعال امعايا
مبروكه : اي صح تعالي يابنتي خشي تريحي
انا: لا عادي مش تعبانه
ايه: باين من وجهك تاعبه تعالي امعايا لداري تريحي
انا: تمام

وقفو اهني ماحكيتلكم علي عيلة مسعود
خالي محمد مرته مبروكه عنده زوز اولاد وبنت
مسعود موليد 91 مانبيش نحكي عليه حاجه توا تتعرفو عليه في باقي الحلقات
مؤيد موليد 93 شخص ديما يضحك ومرح وخد الحياه بساطه مش هامه شي مستحيل تقعد امعه دقيقه من غير ضحك عفوي واجد وديما الي في قلبه علي السانه ومعتمد كل شي علي مسعود افلوسه لبسه اكله سيارته كل شي معتمد عي مسعود كانه باته 😂😂😂 مش خالي محمد باته

أيه بنت عسوله وكيوت والسانها طويل واتخاف واجد من مسعود لانه طبعه صعب ومعنديه وراسها ايبس من ريناد 😌😂😂

خالي علي موليد 88 مش متزوج خاطب وعايش في بيت ابروحه جنب عيت خالي محمد

هذوم عيت خوالي

وباقي الشخصيات توا نتعرفو عليهم كل مره اتخش شخصيه جديده
نرجعو لي رويتنا

رقيت امع ايه فوق كانت دار خالي محمد و مبروكه في جناح ابروحهم
ودار مسعود و دار مؤيد ودار ايه في جناح ابروحه كانت كل دار فيها حمامها خاص بيها كان تفصل الجناح ايهبل

خشيت امع ايه الدار كانت دارها ع الون الزهري وفيها سرير فردي وتفاصيلها حلوه
ايه: خودي راحتك ارقدي
انا : تمام
ايه: تبي انساعدك اضمي دبشك في الدولاب
انا: اي عادي اصلا نبي انغير
ايه: اي صح وهذا الحمام كان تبيه
انا: شكرا
ايه ضحكت: علي شنو
انا ابتسمت: علي مساعدتك ليا
ايه تضحك: بالله فويتنا من الجو الرسميات انا ماصدقت القيت اخت اتشاركني في غرفتي واضمها امعايا اتعب اديما ابروحي انضم
انا ضحكت: ههههه اخت مصلحه
ايه: انبصر والله ديما ندعي ربي يرزقني باخت 😍😍 اهو جيتي انتي
انا ابتسمت: نجك لي ياخيه 😍 تهبلي
ايه تفتح في الشنطتي: خلاص توا انخليك تتريحي ورانا سهره لصبح
انا ابتسمت: ان شاء الله كان نضتلك مش راقده بكل
ايه: لا ياسمحه توا ترقدي عندك فرصه بعدين مافيش نوم بكل
انا: حاضر
قعدت انرتب في دبشي انا و ايوته وانهدرزو ونتعارفو اكثر كملنا ترتيب طلعت توته وخشيت دوشت بعد طلعت مالقيتش ايه عرفتها نزلت
خشيت في الورغان براحه اول ماغمضت رقدت طول

ايه نزلت لوطه اتساعد في امها لانه بكرا بوها يطلع من المستشفى والناس بتجي اتحمدله ع السلامه و ايهدرزن وجعتهم ريناد كيف قعدت من غير اب ولا ام
💔

بعد رقيت انا وايه مسعود طلع هو مؤيد وحكاله عن موتت بابا وكيف مرت بوي طامعه فيا تبي تاخد رزق بابا مني مؤيد وجعه حالي 💔 تناقشو امع بعض
بعدها طلع مؤيد لمستشفى
مسعود حتي هو رقد من التعب

نضت قريب الساعه 9 راسي بينفجر من النوم
شفت تليفوني القيت رنات من مرت بابا وصاحباتي وارقام غريبه نحيت الشفره كسرتها با اسنوني حطيت التليفون وجنبه الشفره امكسره لميت اشعري الي انفتح رفعته فوق ونزلت تحت

القيت اخويله وايه يتفرجو ع التلفزيون
مبروكه: صح النوم
انا: سلمك اخويله شكلي رقدت واجد
ايه ضحكت:احسن عشان نسهرو بعدين
مبروكه: ماتعديلش عليها الفرخه هذي انتي هي خلي البنت تتريح استلمتيها من اول يوم
انا: لا عادي اخويله خليها بلعكس ايوته اتهبل
ايه بضحكه عاليه: نجك ليا ياخيه
مبروكه: كم مره قتلك ضحكة الرقصات فكيني منها نوضي اشبحي العشاء حي عليك ينحرق نحرقك وراه
انا شاده ضحكتي 😂😂😂
ايه ضحكت: 😂😂😂😂😂 توا عشان عشاء تحرقني
مبروكه:والله العشاء اغلا منك
ايه اتغني: مانبي غلا من حد يسلم حبيبي كل شي عطاني سقاني دلال ود عطف وحنان وشوق لين رواني
مانبي اتجيها شبشب بعيد المدى 😂😂😂😂
مبروكه : صحيحة وجه ماتتحشمي صار كل شي عطاك يعطيك جرب ان شاء الله نوضي لي الطنجره عن والله مرض قال حنان وشوق 😂😂 بنات اخر جيل متتحشمي اتقولي فيها قدامي اخرا
اما انا وأيه يابسين من الضحك 😂😂😂😂
مبروكه: مزال تضحك يرزني فيك تي وحده جابتلي الشيب كان اتنين ولا ثلاته اكيد ميته من زمان
انا نضحك: بعيد السو عنك اخويله والله اتهبل ايوته
مبروكه:تي مهبوله بلا عققل هذي مش عارفه بكرا كان تقدملها عريس كيف انوافق وانحشم روحي
ايه وجها احمر من الضحك: عادي اكيد بيجي اهبل مني انكملو بعض
مبروكه:كان ماتصبي توا انكمل عليك انا
ايه تضحك: حاضر 😂😂😂😂
انا:توا انجي امعاك
مبروكه: لا تريحي بنتي اتنوض هل البايره هذي
انا: لا عادي اصلا نبي اندير قهوه انصحصح
مبروكه:تعشي بعدها ديرها
انا:مانقدرش كان ما اشربتها توا ليا من ايام العزاء ماشربتها حاسه توا راسي بينفجر
مبروكه:تمام زي ماتحبي
نضت امع ايه وخشينا المطبخ
ايه قعدت اتشوف في العشاء واتخبر فيا مكان السكر والقهوه والحاجات التانيه عشان نحفظهم طيبتها شربت انا وياها انهدرزو
خش مسعود
.
.
.
.
.
.
-------------------------------------------------------------

عند سالمه وجلال بعد طلع المحامي اوجوهم ماتفسر 😨😨😨انصدمو قعدو ايدورو فيا اتصلو بصاحباتي اتصلو باي شخص نعرفه انا دورو مالقيوش شي مصدومين كيف اختفيت فجاء
جلال:مستوعبه انتي شن قال المحامي
سالمه ماسكه تليفونها وترجف: مزال نرعش من كلامه اخر شي نتوقغه ايديره عبدالله
جلال:..............

-------------------

انا:.........
مسعود:......

#يتبع

  • لقراءة الحلقات التالية من الرواية : اضغط هنا 
google-playkhamsatmostaqltradent