رواية روح الزين البارت الثاني 2 بقلم منار جمال

 رواية روح الزين البارت الثاني 2 بقلم منار جمال

رواية روح الزين الجزء الثاني 

رواية روح الزين الحلقة الثانية 



رواية روح الزين الفصل الثاني

بارت 2
روايه" روح الزين"

زين: بحبك يا روح...

روح بعصبيه: واد مستفز وملزق قال يعني عشان شافني بتكلم بزوق يفتكرني بتعرف زي البنات التانيه ولا هو عشان حلو حبتين يعنيي لا حبتين تلاته لا دا الموضوع يخض يخربيت جمال امك اي دا في ايه استغفر الله العظيم يارب.

رزان وياسمين وهما متابعين روح وهي بتكلم نفسها:

رزان: الووو يا قووم نحن هنا انتي قالبه ع نداء شراره ليه كدا لمؤاخذه وبعدين اتاخرتي ليه المحاضره بدأت من نص ساعه.

ياسمين: في ايه يا روح وشك قالب الوان كدا ليه وخمارك والفستان متبهدل ليه كدا انتي وقعتي ولا اي بالظبط فهمينا

روح: لا اله الا الله مالكوا قالبين ع محامين كدا ليه وأساله كتير هحكيلكوا بعد ما نخلص محاضره يلااا

رزان وروح ف صوت واحد: يقطعنا هو احنا مقولنالكيش.

روح: لا مقولتليش

رزان: الدكتور طردنا وقال الل هيتاخر خمس دقايق برااا

ياسمين: بالظبط بس فهمينا اي الل حصل وفيكي ايه

روح: تعالوا ع الكافتريا واحكيلكوا

*ف الكافتريا*

روح حكت الل حصلها من اول ما دخلت باب الجامعه ولما اتخبطت ف زين

روح: بس دا كل الل حصل
افتكرت الحلم بزين وهو بيقولها انتي روح زين وقالت،
ياا سواااادي هو دا الل حلمت بيه لا لا يارب اكيد لاا

ياسمين ورزان بعدم فهم: انتي بتقولي ايه يمجنونه انتي!

روح: انا حلمت بزين قبل ما اشوفوا
واتفاجئت بوجود زين وراها

زين: بجد يا روح احلفي كده والله مش قادر اصدق

روح بصدمه: اا اا استني كدا يمكن ميغماش عليا
ووقعت وزين لحقها

زين: يبنت المجنونه

ياسمين ورزان بصدمه: رووح رووح فوووقي

زين: هاتو ميه بسرعه
ودلق ازازه الميه كلها عليها

روح بقلق: ايه في اييه انا بغرق ولا اييي

زين بضحك: لا انتي غرقتيني ف حبك

روح وهي سرحانه ف ضحكتوا: يخربيت جمال ضحكتك اي دا

رزان وياسمين: روح يحبيبتي انتي كويسه اكتمي يبنت المجنونه لا يسمعك

روح: ما يسمع يختي انتي مش شايفه ضحكتوا تخطف قلبك وعقلك ازاي.

ياسمين ورزان وهما بيبصوا ليه: تصدقي صح يخربيت الل جابتك اي داا

زين: سمعتكوا ع فكره

روح بصدمه ووقفت ليه وقالت: حضرتك تقدر تقولي مين انت وجاي ورايا ليه!

زين بابتسامه: اقعدي يروح وهقولك

روح وهي سرحانه فيه: هاا ل ل لو سمحت متقولش اسمي تاني ومتبتسمش برضوا اتكلم عدل

زين وهو بيكتم ضحكتوا: حاضر اسمي زين طالب ف كليه الطب وف سنه الامتياز حاليا

روح: تمام واي المطلوب مني برضوا

زين: قلبك

روح: تاجر اعضاء يعني وعايز قلبي عشان تشرحوا عندك ف المستشفي لا وايه مش لاقي غيري انا وبكل بجاحه جايلي وتقولي عايز قلبك احيييه ياماا انا كنت حاسه ان الموضوع مش سهل

ياسمين ورزان بضحك : شكلوا مش موضوع بسيط في غدر وفيه حوارات

زين: الجمال عدي الكلام تضحكيلي وتاخدي كااام

روح: 1000 ناقه وقطعه من الدنانير
احنا هنهزر يسعد لمجرد انت ما تقول عايز اي واخلص

رزان: بص حضرتك انا قلبي يساع م الحبايب ميه خد قلبي انا.

ياسمين: وانا قلبي موجود سيبك من مقصوفه الرقبه دي اتفضلوا

روح بعصبيه: انتو اكيد اتجننتوا
وسبتهم ومشيت
تلفونها رن باسم خالد اخويا ردت

روح: روح قلب قلبي من جوه انت فين

خالد: روح مالك وصوتك متغير كدا ليه انتي كويسه

روح بدموع: لا انا مش كويسه

خالد: انا ع بوابه الجامعه اطلعي يلا بسرعه

روح: حاضر سلام

------------------------------------------------------------------------*ف الكافتريا *
ف حوار دار بين ياسمين ورزان وزين

زين: هي زعلت مني صح ومشيت ليه

ياسمين: بص يا ابن الناس نتكلم جد شويه روح مالهاش ف الحوارات دي هي تبان فرفوشه ودمها خفيف وطيبه وعفويه وكل حاجه لكن هي محترمه جدا ومالهاش ف السكك بتاعتك دي

رزان: بالظبط كلامها ابعد عن روح وملكش دعوه بيها عشان بسببك ممكن تتأذي جامد والل ف الجامعه كلهم عارفين روح تبقي مين ف بلاش مشاكل ليها من فضلك

زين: بس انا اكيد مش قصدي الل انتو فهمتوه انا عمري ما كلمت بنت ولا حتي اعجبت بحد قبل كدا انا بحبها

رزان وياسمين ف صوت واحد: وهي معقده من افكار الحب دي ومتنفعكش

وسابوه ومشيوا

------------------------------------------------------------------------*قدام بوابه الجامعه *
روح وهي مبتسمه: قلبي يا هووو

خالد: حببب يا هووو والاحباااب جرحوووه

روح وهي تصطنع البكاااء : هما اتهنوووو فرحوا وغنوووو واناا غنيت ظلمووو

خالد ببكاء مصطنع ويضع ايده ع قلبه: ااااه يااا قلبيي

روح بضحك: الواد دا جرحني ف قلبييي

خالد وهو يفتح ايده وينتظر روح تأتي اليه: حبيبت اخوكي

روح وهي تحتضن خالد: بحبك اووي يخالد ربنا يخليك ليا

خالد: ايه يبت محن الكلاب دااا اركببب يعبدوو ورانا فسحه

روح: ويييييي ويييييي ويييييييي

خالد بضحك: اكتمي يبنت المجنونه هنتفضح
تحبي نروح فين

روح بتلقائيه: عايزه نتمشي ع النيل شويه محتاجه اشم هواااااا هوااااا

خالد: اااه طالاماا فيها نيل يبقي فيه مشكله
خالد: واهوه يستي جينا للنيل

روح: عايزه دره مشوي

خالد: عيوووني هوااا وراجعلك

روح بتبص للنيل والسما: يااارب مش عايزه وجع تاني

خالد: مين الل خد قلبك يا روح

روح بصدمه: اي يخالد الهبل دا مفيش كدا جربت حظي مره وطلع ماليش نصيب

خالد: لو هتخبي عن العالم كلوا مش هتعرفي تخبي عني يا روح دا انا الل مربيكي وااه انتي مجربتيش ولا حاجه ومكنش اسمو حب اصلا دا كان حب تعود مش حب حقيقي

روح بدموع: بس انا اتكسرت يخالد كل طاقه الحب والمشاعر الل جوايا ادتهالوا ومش هعرف ادخل ف تجارب تانيه

خالد: تحبي اكلمك كأخ المره دي ولا نتكلم كصحاب وفاهمين بعض كالعاده

روح: كصحاب اكيد

خالد: خلينا متفقين انك بتوهمي نفسك انتي لسه متعرفيش يعني ايه حب بجد ومجربتهوش لحد دلوقتي الل فات كان حب تعود كنتي متعلقه بوجوده مش اكتر تعالي نفكر مع بعض شويه انتي لما سابك وقت ما كنتي محتاجاه واختفي اي الل حصلك

روح بدموع: دوست ع قلبي وطلبت من ربنا يغفرلي وقربت منو اكتر ولبست الخمار وختمت القرآن وبقيت كاتبه عظيمه كل الناس بتحب كلامها وكتابتها وروايتها

خالد: يبقي دا كان بعده خير ليكي قبل ما يسيبك كنتي ايه كنتي بعيده عن ربنا وكنتي فاشله وكنتي محطمه ومحدش يعرفك لكن لما بعد ابواب السعاده اتفتحت ف وشك وبدا الخير يجيلك كتير من عند ربنا يبقي المفروض نحمد ربنا كالعاده ونؤمن بآيه "وعسي ان تكرهوا شيئاً وهو خير لكم وعسي ان تحبوا شيئا وهو شر لكم والله يعلم وأنتم لا تعلمون"

روح: ونعمه بالله انا مش معترضه يخالد بس بجد تعبت وقرفت من الحب دا بيهد

خالد: انتي محبتيش بجد بقولك عايزه تعرفي انا شايف فيكي ايه دلوقتي

روح: شايف ايه

خالد: شايف عيونك بتلمع المره دي مش حزينه ومخبياها ورا هزار شايف شغف وعيون عاشقه وضحكتك طالعه من قلبك بجد مش تظاهر بس شايف قلق وحيره كمان ومش عارفه تتصرفي ازاي

روح بحب: انت ازاي بتفهمني اوي كدا يخالد ازاي بتحس بيا وبتحس ب الل جوايا من غير ما اقولوا

خالد بابتسامه: عشان انا الل مربيكي يا حور من وانتي ف اللفه واكتر حد فاهمك انتي بنتي قبل ما تكوني اختي وصاحبتي وحبيبتي وكل ما ليا

حور: بحبك اووي يخالد انت معوضني عن حنيه بابا الل مشوفتهاش مره منو ولا حتي حسيت بخوفوا عليا ف حاجه ولا مهتم بيا كأني مش بنته

خالد: هاتي بس حضن لاخوكي حلو عشان بحب حضنك جداا وبالمناسبه انتي مش محتاجه ابوكي ف حاجه انا معاكي اهوه وواخد عهد ع نفسي مش هحسسك بفقدانه دا تاني

روح وهي ف حضن خالد: ربنا ما يحرمني منك ابدا يارب ويخليك جنبي دايما وسند ليا ويلا نروح عشان اتاخرنا وانا محتاجه ارتاح شويه

خالد: شبيك لبيك انا تحت اوامر معالي الاميره يلا بينا بس افتحي قلبك المره دي وثقي ف كلامي مش هتندمي

روح: باذن الله الل فيه الخير يقدمه ربنا

خالد وروح وصلوا الفله وكان ف انتظارهم الحج الحسيني

الحسيني: ما لسه بدري يست هانم اسافر ف شغل وانتي تلفي ف الشوارع عادي ولا كأن ليكي اهل

روح: حمدالله على السلامة يا بابا انا كنت خارجه مع خالد اخويا مكنتش لوحدي

الحسيني بغضب: سلامك مش محتاجوا اما بقا خارجه مع خالد ميخصنيش مفيش خروج م البيت غير للجامعه وبس كلامي مفهوم ومترديش عليا تاني وانتي قليله أدب كدا وبتقاوحي وخلاص

روح بدموع: حاضر يبابا تصبح ع خير
وجريت ع اوضتها وفضلت تبكي لحد ما غرقت ف النوم

خالد بعصبيه لابوه: وهي غلطت في ايه عشان تتكلم معاها بالطريقة دي والمفروض انها مع اخوها ولا انت بتتلكك عشان تدخلها ف اكتئاب تاني وخلاص

الحسيني: اتعدل ف الكلام معايا ومتدخلش ف حاجه متخصكش وتعالالي ع المكتب ورانا مستندات لازم تتراجع قبل ما نمضي ع الصفقه

خالد بنفاذ صبر: حاضر يا بابا هشوف روح وارجعلك

الحسيني بعصبيه: انا قولت ورايا وسيبك من ست زفته دي دلوقتي

خالد: استغفر الله العظيم واتوب اليه حاضر يا حج وراك اهوه
_____________________________________________
روح ف اوضتها صحيت مع اذان الفجر والدموع مغرقه عيونها وجسمها مكسر أدت فرضها وقعدت تقرا قرآن وسمعت بعد وقت صوت رساله من فونها قامت تشوف محتواها وكانت الرساله من نفس الشخص المجهول

مجهول: روح انتي كويسه أنا قلبي وجعني اوي عليكي من باليل حاسس ان فيكي حاجه طمنيني عليكي اول ما تقري الرساله ردي عليا الله يخليكي انا مش هنام غير لما تطمنيني عليكي.............

يُتبع.........


google-playkhamsatmostaqltradent