رواية في حبك شفائي الحلقة الثانية 2 بقلم هدو الحاج

 رواية في حبك شفائي الحلقة الثانية 2 بقلم هدو الحاج

رواية في حبك شفائي الجزء الثاني 

رواية في حبك شفائي البارت الثاني 

رواية في حبك شفائي الحلقة الثانية 2 بقلم هدو الحاج


رواية في حبك شفائي الفصل الثاني

لو تفاعل قعد كالحلقة الي فاتت هنوقف تنزيلها 🥺🥺

#الحلقة_الثانية

#في_حبك_شفائي

بقلم #هدو_الحاج ✍

#في_دبي

جيبوو جهاز القلب بسرعة بسرعة

دكتور : رد بالك ياأمل رد بالك تيأسي وخليك قوية زي مانعرفك

#بعد_3_شهور

فتحت عيوني وكالعادة في نفس مكان بنفس الريحة بنفس اللون ،، نزلت عيوني والقيت قناعي المتعودة عليه { قناع الاكسجين } ،، تلفتت يساري القيت جهاز القلب أبتسمت

في سري : مزال تناضل ،، اني دهشت وانت مزال ههه

يوسف : حتى بحالتك هاذي تبتسمي

شوفتله وانحيت ماسك الأكسجين ،، حاولت أنوض ويوسف ساعدني

أنا : ههههه متعودة
يوسف : انتي متعودة ،، بس اني لا
أنا : من سوء حظك خطبت واحدة بقلب عزوز هههه

قعمز على حاشية سرير ومركز فيا وكأنه يحفظ في ملامح وجهي وبدون سابق أنذار جبدني ل حضنه ،، تفاجأت لانه يوسف مش متع حركات هاذي وأول مرة يدير حركة زي هيا ،، ثبتت واني مش مستوعبة ومتفاجئة ،، مرت دقايق وإحني في نفس وضعية والهدوء مسيطر على مكان ،، ارتبكت فحبيت نبادر بالكلام

أنا : يوسف

وأني ماكملتش كلمتي حسيت بقطرات تنزل على وجهي وكأنهم قطرات مطر ، قيمت راسي ونلقى يوسف يبكي

أنا : ي ييوسف 😳

طلقني وناض أعطاني بظهره يمسح في دموعه

أنا : يوسف معقولة ماتعودتش على حالتي ،، رانا سنتين مخطوبين من غير انه نعرفو بعضنا من طفولة ولتوا ماتعودتش
يوسف : بس 3 شهور مش مدة نقدر نتعود عليها
أنا : ههههه قصدك قعدت 3 شهور واني راقدة وأنقول علاش شابعة نوم 😅
يوسف " تلفتلي " : وأكيد مش هتقوليلي السبب الي وصلك للحالة هاذي كالعادة
أنا : كالعادة 😁😁

دق دق

يقين " بدون ماتنتبهلي " : دكتور يوسف ينادو عليك من غرفة العمليات
أنا : يقين
يقين " شافتلي وأبديت تبكي " : 😭😭😭😭😭

طلع يوسف بدون صوت

أنا : شن ناوية تكملي اليوم تبكي على باب
يقين " جريت حضنتني " : يا********
أنا : مافيش إحترام أبدا لدكتورتك
يقين : تعرفي شني صار فينا وفي بوك ويوسف وشاهين بسببك
أنا : ههههههه عادي تعيشو وتأكلو غيرها
يقين " مسحت دموعها " : احكيلي شنو صار
أنا : جيت حالة حالتها خطيرة وكلموني من غرفة العمليات واني كنت في دور تاسع والأصانصير معبي ف أضطرت 😁 " سكتت واعطيتها ابتسامة زي هيا 😁 "
يقين " ضربتني على كتفي " : ماتقوليش نزلتي من دور التاسع لي ثالث
أنا : وجري 😅😅

وقفت يقين وقعدت أطربق في صوابع ايديها من العصاب 😂😂

يقين : وأكيد ماخذيتيش ادويتك لانه عملية استغرقت أكثر من 8 ساعات
أنا : إجابة صحيحة 👏👏 " وقعدت نصفقلها 😂 "

أعطتني نظرة ورحمة جدي خلتني انطيح من سرير من الخوف والكلبة بدل ماتشدني شدت جهاز القلب حتى مايطيحش 😂😂 لانه خيوطه كان عالقين فيا

أنا : ايييي ظهري
يقين : تستاهلي 👏
أنا : اني المريضة مش جهاز راهو 😒
يقين : جهاز غالي
انا : ياحيوانة هي 😒

.
.
.
.
.

خلي نحكيلكم على نفسي

إسمي أمل عمري 24 سنة ،، مريضة قلب وفي نفس وقت دكتورة قلب 😅😅 ،، ولدت بعيب خلقي في قلبي وكل دكاترة أكدو انه مش هنعيش أكثر من 7 سنوات بس ربي كبير ومافيش حاجة مستحيل عليه وخلاني نوصل لي عمر 24
شبه عشت حياتي في مستشفيات ،، يوم في الحوش وعشرة في المستشفى 😅 ،، كان حلمي انكون دكتورة قلب لانه مافيش حد يحس بمريض القلب زيي ولانه عشت في مستشفى الي تعتبر حوشي ودكاترة عيلتي ف من طفولتي كنت نقرا على قلب وأمراضه ونبحث على أي شيء يتعلق بيه وكنت نخش مع دكاترة في عمليات وانشوف فيهم شني يديرو وليش وهيكي حققت حلمي وابديت دكتورة واخذيت جوائز دليل على خبرتي برغم من عمري صغير وهيكي #كنت_أمل_لكل_مريض_وخاصة_مريض_القلب 💛

عيلتي تتكون من بابا وخوي من بوي ومرت بوي ومايسألنيش حد على المرأة الي جابتني والي كانت أكثر إنسانة تستنى في موتي 💔 {{ مع الوقت توا تعرفو حكايتها }}

بابا قرة عيني الي استحمل هلبة على خاطري والي ضحى حتى يربيني ،، اسمه سالم وعمره 54 ربي يحفظهولي ويخليه تاج على راسي ❤

خوي الوحيد سندي في الحياة ربي ماعطانيش أخت مش اعطاني أخ بنكهة الأخت وصديقة ونصي ثاني هو في كفه ودنيا في كفه ،، اسمه شاهين عمره 20 يقرا تجارة أعمال 💛

مش حنحكي على مرت بوي الي ماتستحقش نخسر حروفي على خاطر واحدة زيها ،، بس في حياتي ما لومتها لانه الي جبتني ماحسيتيش بيا ، بتحسي بيا مرت بوي ، حاجة الوحيدة الي خلتني نذكرها هي انه أم شاهين

.
.
.
.
.
.
.
.
.
.

روحت للحوش وكان ساندني أوخيي وكيف خشيت من باب تلاقينا أم عشرة الوجوه 😂

فتحية : شورك مش ناوية تموتي وترتحينا

كيف بيتكلم شاهين حطيت ايديا على ايديه وسكته

أنا : عيب يامرت بوي نمشي للعالم الثاني بروحي لازم نرفعك معاي حتى مانكسديش 😂

كيف بتفتح فمها يجيء بابا وتحولت للوجه الثاني ،، على أساس جت بحداي وساندتني وابديت تنزل في دموع ،، واني كان منظري زي إيموجي هذا 😱😂

فتحية : ياريت فيا ولا فيك يابنتي
أنا " قربت من وذنها " : كيف ادير فيها هاذي 😅
فتحية : شني هيا
أنا : تحويلة 😂😂😂😂😂

ونفلقت بالضحك لعند وجعني صدري ورجع عليا بالكحان 💔

أنا : كح كح كح كح
بابا : يابنتي انت ناوية تقتليني ،، ليش ديري فيا هيكي
أنا " ابتسمت وشديت الكحة بسيف ونتكلم بصعوبة " : اننندلع ععليك

شوفت لشاهين

شاهين : هيا سلومة ،، خليني اني وأوخيتي نهدرزو استحشنا بعض
بابا " شافلي " : رد بالك على روحك
أنا " ابتسمت " : حاضر ياسلومة متخافش عليا ،، هيا شاهي
شاهين : شاهي 😒😒

رفعني شاهين لداري وأول ماخشيتلها طول جريت لحمام " حشا القارئين " حتى نرجع

أنا " طلعت واني نمسح بالمنشف "
شاهين : you're fine
أنا : 👌

قعمزت على مكتبي انتبهت على باكو صغير موجود على طاولة

أنا : شني هذا
شاهين : مانعرفش ،، جاك وانتي في الغيبوبة
أنا : من مني
شاهين : ساعي البريد ماقالش شيء الا انها جاية من ليبيا

أول ماقال ليبيا حسيت قلبي بيطلع من مكانه ودمعة في عيوني ،، تذكرت المرأة الي جابتني ،، ايديا قعدت تتقدم وتوخر تتقدم وتوخر

في سري : زعمه تذكرت بعد سنين ان عندها بنت مستحقتها ومستحقة حضنها

لي لحظات ضعفت وبعتالي تذكرت ان المرأة الي تحاول تقتل صغيرها مستحيل أتكون أم او تحس بشعور الأمومة

في سري : هههههه شني بنتوقع من عبدة الفلوس

شاهين : خير تضحكي
أنا " شوفتله وحضنته " : انت قدامي ،، مش كافي حتى يخليني نضحك
شاهين : أوخيتووو ❤

.
.
.
.
.
.
.
.
.
.
.
.

في حوش آل البوسيفي

كالعادة حوشهم كأنه سجن معبي مسلحين في كل مكان ومش قادر حد يأخذ نفس على راحته
في جنينة كانت عود تلعب مع أيلا الي كانت تتعلم المشي 💛

عود : هيااا عمتو هي ، برافووو عمتي
أيلا : أبه أبه 🥺
عود " حضنتها بقوة " : ياروح عمتو في عمر صغير فقدتي حنان الأم والأب في نفس الوقت 💔
صالحة " بصوت كله وقار " : أني قولت معش دلوعها ولا كلمتي معش ابديت تنسمع
عود : ياماما هاذي طفلة صغيرة حرام عليك
صالحة : حفيدة أل بوسيفي لازم أتكون قوية ،، دلع مش لينا
عود : ياماما
صالحة : سعدة تعالي خوذيها
أيلا : أممه 🥺😭

عود وقت شاف منظر ايلا الي يقطع القلب فقدت السيطرة على روحها ولي أول مرة يتعلى صوتها

عود : لانك بنت من أل بوسيفي لازم تعيشي أمية ولانك من آل بوسيفي لازم تنسي حاجة اسمها حنان وحب لانك آل بوسيفي لازم تعيشي وتموتي وأنتي ساكته ولانك بنت من آل بوسيفي وجودك وعدمه واحد ياهالفخر أني طلعت من آل البوسيفي ههههه

وضحكت ضحكة إستهزاء ووقتها ماحسيتش الا ب زن في وذنها من قوة الكف الي جاها من أمها

عود " شافت لي أمها " : ههههه نعرف الي هيجي ويكون موتي على إيديك ،، نستنى في هاليوم بفارغ الصبر

.
.
.
.
.
.
.
.
.
.
.
.

في دبي

فاتو يومين وأني عيني ماتنحوش من باكو ،، نفتحه أو لا ،، نفتحه او لا ،، قررت نفتحه والي يصير يصير ،، فتحته وكان الغريب انه بداخل الصندوق صور طفلة مع امرأة واضح عمرها في العشرينات جميلة وأنيقة الصراحة ،، وكان مع صور رسالة مكتوب فيها

{{ مانعرفش كيف نبدأ وكيف بنعرفك على نفسي ، بس متأكدة وقت هتقري الرسالة مش هنكون موجودة في الدنيا ، كنت نتمنى أنشوفك ونحضنك ونعيشو ك أي أخوات ، نعيشو مع بعض ، نضحكو مع بعض ، نبكو مع بعض ، نحكو همومنا لبعض ، نساندو بعض ، بس ربي يسامح أمنا الي فرقتنا على بعض ، اني توا بس عرفت بوجودك وفرحت هلبة وفرحت أكثر أنك ناجحة وعايشة بسعادة ،، أكيد تسألي ليش بعتتلي الا توا وشني تبي ،، عندي أمنية ياريت تحققيهالي
من فترة جبت بنوته حلوة زيك ،، وقت جيت على دنيا فرحت بس في نفس وقت زعلت ، فرحت انه عندي بنت من حب حياتي ، بس زعلت وقت نعرف هتعيش في بيئة هيا ماأخترتهاش ،، اني اخترت بس مانبيش بنتي تتعذب بسبب إختياري ،، أمل أوخيتي خوذي بنتي لي عندك ربيها وكأنها بنتك خلي تعيش في البيئة النظيفة وتعيش زي ماتبي ،،،، أيه من حق ترفضي بس نعرف الي عيشتيه أكيد ماتبيش بنت أختك تعيش زيك من غير أم وحنانها ،، أمل ماتخليش قرار أمنا وقراري يدمر حياة طفلة ماليهاش ذنب
لو وافقتي تلقي عنوان باري بروحك شوفي كيف البيئة الي نحكي عليها
........ أختك #### }}

صدمتني الرسالة وقعدت نعاود فيها أكثر من مرة ، نقرا نعاود ، نقرا ونعاود ،، معش أستوعبت حاجة

رن رن رن رن

خش عليا شاهين

شاهين : خيرك ،، ماتسمعيش في تلفونك من بكري يرن

اني شوفت لشاهين ، نهرت بالبكاء مانعرفش علاش بس وقتها كنت نبي نبكي وبس

أنا : ططلع عندي أخت ياشاهين ،، أخخخت 😭😭😭😭😭😭
شاهين : كيف 😨
أنا : كان عندي أخت في البداية فرقتنا المرأة الي جابتنا وتوا فرقتنا الحياة 😭😭😭😭

كانت أمنية يكون عندي أخت ،، نساندو بعض ،، نضحكو ونتعاركو نبكو نأكلو مع بعض ،، على رغم انه شاهين مش محسسني بالنقص ،، وعلى رغم اني محرومة من الصحة و من حنان الام ومحرومة من هلبة حاجات بس كانت أمنيتي الوحيدة يكون عندي أخت ،، ووقت القيتها أخذيتها مني الدنيا 💔

.
.
.
.
.
.
.
.
.

بعد أسبوع في #المطار

شاهين : متأكدة من قرارك
أنا : مانقدرش اندير روحي عمياء ولا كأني مانعرفش حاجة
شاهين : بس على أقل خبرتي بوك ويوسف
أنا : مانبيش نشغلهم على فاضي
شاهين : بس
أنا : بدون بس

على المسافرين إلي ليبيا التوجه الي صالة رقم 107

أنا : هيا
شاهين " حضني " : رد بالك على روحك وماتعطليش
أنا : هو أسبوع وراجعة بلا جو دراما 😂
شاهين : 😒😒😒😒
أنا : هيا باي ،، رد بالك على بابا
شاهين : ماتنسيش دواك ورد بالك على روحك
أنا : سلامات 👋

.
.
.
.
.
.
.
.
.
.
.

بعد عشرة ساعات وصلت وكانت دنيا الليلة ف اضطرت نقعد في إحدى الفنادق لليوم الثاني ،، ويوم بعده أجرت سيارة وأتجهت للمكان المكتوب في رسالة وكانت طريق طويلة ،، وطول طريق كانت مناطق جبلية خلابة الصراحة ،، وصلت للمدينة الي حكيت عليها الرسالة ،، كانت مدينة جميلة بس غريبة ،، وقت خشيت للمدينة حسيت الكل يشوفلي وكأني طفيلة خاشة بيناتهم ،، في بداية نسحاب نتخيل بس كل بنخش لوسط المدينة يزيد غرابة الناس فيها

كنت عطشانة وجعانة ف نزلت لسبورماركت ،، وقت خشيت الكل قعد يشبحلي بنظرات غريبة وكأني إرهابية جاية بنفجرهم 😂😂

في سري : خيرهم يحسسوك بأنك كائن فضائي

بعتالي قعدت أنشوف لنساوينهم ولنفسي تذكرت انه مش متحجبة 😅😂

أنا : لو سامحت تعرف عيلة البوسيفي وين يسكنو

الكل شافو لبعض وضحكو

أنا : هو أني قولت نكته ومانندريش
بائع " أعطاني الكيسة "
أنا : الحساب كم
بائع : خليها علينا مرة هيا

قعدت انشوفله بإستغراب ، حطيت الفلوس وطلعت من محل

أنا : شني ناس الغريبة الأطوار ،، اقشعر جسمي منهم 🥶

خليت السيارة في مكانها وقعدت نتمشى ،، على رغم ناس غريبة الأطوار بس واضح عليهم الحن على بعض والمدينة كانت جميلة الصراحة ،، بس أستغربت في حاجة انه شبه كل المحلات والمقاهي ومتع البنزينة وهلبة مناطق مكتوب عليهم البوسيفي

أنا : صدفة أكيد صدفة

وأني خاشة لواحد من الشوارع نسمع طلقة الرصاصة جاية من مستودع

أنا : شني هذا

شوفت يميني ويساري مافيش حد ،، ف فضولي كمحقق كونان اكيد مش هيخليني انفوت الموضوع 😅😅 ،، اتجهت جيهة المستودع وكوست من حاشية الباب

أنا : 😳😳😳😳😳


#تتبع

#هدو_الحاج

google-playkhamsatmostaqltradent