رواية نقيض بلهفة عاشق الحلقة الثانية والعشرون 22 كاملة

 رواية نقيض بلهفة عاشق الحلقة الثانية والعشرون 22 كاملة

رواية نقيض بلهفة عاشق الجزء الثاني والعشرون 

رواية نقيض بلهفة عاشق البارت الثاني والعشرون 

رواية نقيض بلهفة عاشق الحلقة الثانية والعشرون 22 كاملة


رواية نقيض بلهفة عاشق الفصل الثاني والعشرون

روايه شاب واقعيه
#بعنوان_نقيض_بلهفة_عاشق_الحلقه_الاخيره_للكاتبه_shosheta..

❤️خوذوا العبره من حياته..

قراءه ممتعه 🔥 مشوقه

#مهاب.

عارفكم كلكم اتراجو في نعترفلها..

بس الشي لو م حسيتش بيه منديرش..

وبرضوا حسيت اني نحبها..بس معرفتش كيف نقولها لها..

يوم طحت وجتني..هنا وين الكلمه معش رضت بالكتمان..

او خليني نقول..من لفهة قلبي عليها عليها..
قليبي قالي انطقها..

وقلتها لها لان والله لحظتها.كان نوصفلكم الي جواتي والله م نسكت ..
شعور اول مره نحس ونؤمن بوجوده..

حتى مع نرجس الي كانت ب حياتي..عمري م حسيت ب الي حسيته مع هنادي..

نرجس..شي💔

وهنادي ..كل شي❤️

عمري م فكرت ان في حد ح يفهمني يحتويني ويدقق لابسط شي فيا..

منبش ننكر وجود خواتي..
بس كلامي ميشملهنش..
هن يدورني وين انطول
يبن شي يكلمني..
مرضت فالحوش يكونن جنبي

يغسللي ف ادبشي ويحددن..

ك اخ وخوات..علاقتنا كويسه..

بس زي م حكيتلكم..
والشي او كلامي القصد بيه
((الام/الزوجه/الخطيبه/الحبيبه/الصديقه))

هن يشملهن كلامي..

وهنادي ورحمة امي كنت ناوي فيها الحلال.. ونبيها..وحبيتها

هي..بحنيتها وخوفها عليا..
انحسها امي..

بتوصيتها ليا في كل مره..انحسها امي وحبيبتي برضوا..

ب اهتمامها بيا في كل شي..برضوا نحسها امي..

متستغربوش من كلامي..
ومنبش انقول هي ب مكانة الام واتقارن بيها وتاخذ حتى مطرحها..

لالا..بس..هي كانت عباره عن شي
((نادر الوجود))

ويكمن تو حد يقولي انت تعوض ف شخص بشخص
..
ويمكن انكون اناني صح..وصارلي هكي..

بس ي ناس اعذروني..
انا انسان مربى عالفقد..💔
واكبرت قبل الوقت المفروض💔
وانحرمت من الي كنت نحس ب الامان معاها وهي متعوضش..

الي كنت في كل وقت اندير الغلط عشان نكسب قعدت حضنها😔💔
وبيها بكل خسرتها

كنت اندور ع الي يقولي براااوااا شااطر.. ويبوسني ويفرح لفعلي..
ويشجعني..
وهالشي قولولي ف من نبي نلقاه..

ف باتي.. ولا هله ولا هل امي ولا جيراني الي غيرتهم الدنيا..

ولا ف خواتي الي حالي حالهن واكثر منهن..

ولا بنلقاه ف تربة بدر الي مدفون تحتها رفيق عمري

مفش قدامي غيرها..
هي..الي كانت وقدرت..
تردني عالغلط..
هي..الي خلتني انخفف من مشاااكلي..

هي..الي تفرحلي يوم انقوللها درت ودرت.. لاني وقتها زي الطفل نكون نبي حد يعاااملني ولو مره ع هالاساس بس بدون م نتحشم منه..

مليت من المسؤوليه والجري والهم والتعب واقسم بالله مليت..

هي..نجيها مضايق..نكون رايق بعدها
هي..نقوللها حليت ف امتحاني.. تفرحلي.. واتقولي كلمه حلوا..

هي..الي نقوللها الدنيا ضايقه بيا.. اتقولي صلايتك وقرأنك جنبك..صبي صلي واقرا..
[ كانت هي مش عارف كيف..
بس واخذا كل الادوار الي انا محتاجلهن ونبيهن..

والي نعرفه غير حبي لها.ان عمري م نويتلها الشر ولا في نيتي نخرب عليها ف شي.. ولا نزعلها ولا نكسرها..

ديمه ندعي وانقول ان. ان شاءالله تبقالي..منبش نخسرها لاي سبب

مهما يصير بينا ..ويصيرن ف خلافات وزعل بسيط..
وبيها بكل انا انكلمها وهي اتكلمني..
نعترفوا ان زعلانين من تصرف كذا ومنك عشان كذا وكذا..

بس برضوا حتى فالزعل منقدروش انفوتوا بعضنا24ساعه كاملات..

هي تعلق بيا وانا بيها❤️🔥

بعد قصة المستشفى..
دزيتلها 3مسجات..قتلها اني جايك ميمشيش معاك الجو من بعيد انتي..

وصبيت بشويش..
وعدلت لبستي..
ولبست البالطوا
وألم خفيييييف ف صدري مزال
مشيت طلعت من دار..
وبرمت وجيت للعنايه..

نا..طقققطقق
هي..فتحت الروشن الصغيره فالباب..

نا..ينعلييي🤤🔥واتقوليلي بنفتح الروشن نا.. انسي انك تقربيه روشن هذا

هي..صكرت وحلت الباب

نا..خشيت..

فتح الله..اووو دكتورنا😁
نا..اسسس مش جايك نا...
هو..تافه😒

نا..خيرلك😤
هو..باهي خلاص😂

نا..كلمتها ف نهاية العنايه لاوره
هي..عندي شغل مش فاضيه..
نا..🤨
[.: قتلك تعالي...

هي..

ووخرت لاوره..
هي..مهاب حرم عليك والله عندي شغل كنك انت

نا..مشبعتش منك وحاس اني مراااايف عليييييك وااااااااااااجد🔥🔥

هي..مهاااب..يلا عاد..شغل توا🥰

نا..مش شوري كان مديريليش حل..والله نطلع بيك وانعيط قدام الناس..عارفتني انديرها🔥🤤

هي..🥰🥰مهاااب..

نا..ايواه..شنوووووو

هي..اسكتت وتحشمت..

ونا قريبب ونزقب عليها وناكلها من كثر م مرايف عليها..🤤🔥

هي..مهاب اسمع عدي روح للحوش تو نتحاكو بعدين..

نا..توء توء..نبيك نا توا..

هي..مهاااب🥰خلاص والله نحرجت نا..

نا..مليش دخل وريني اشدوقك المنحرجات كذا..🤤🔥

هي..سخيف بطل حول يدك..🥰

وعدت وسيبتني كنت بنحوللها كمامتها..

نا..بصوت عالي تمام بكل ي هنادي.😤.تو اتشوفي كان م شهدرت بيك..

هي..😳😳😳

فتح الله..بسم الله كنكم وطي صوتك

نا..من الاخر راهي جتني هنادي بالدار امبدري وقالتلي ان........😈

هي..مهااااب😠😠

هو..ان شوو كمل

نا..انقول الكلمه يا دكتوره😏

هي..😡

نا..قالت هي أن.....

هي ..قربت مهاب كان م تسكت والله معش نحكيك

نا..باه قوليلي كلمه سمحه نهدى

هي..عدي روح😤
نا..هنادي ورحمة امي انديرة فيك شي راهو..مجنون ومنحسش ف حد

هي..😨شقصدك
نا..فهمتي..انتي قولي كلمه سمحه..وحول كمامه اخرا

هي..😠
نا..وقربت خطوه شورها..

هي..تمام تمام..انا..

نا..ايواه انتي شنو...

هي.. ا..ان..اناااا..انحببببببك..🥰
وطول لبست كمامتها وجها
انحمر...

نا..ووووو😍💪🏻..من قلبك..

هي..معش ردت وعدت لشغلها..

نا.عليت صوتي..من قلبك

هي..مبتش ترد...

هو..اسملا علينا😒راعونا الزح

نا..😁لك ربي انت..

نا..هنادي ردي..
هي ..عصبت ..
مشت فتحت الباب وطردتني..

نا..انتي قدها🤨تطريدتي

هي..مهاب اطلع مش مكان لعب..

نا..تمام بكل.. وسامحوني اه..
وطلعت...

قعدت برا وهي صكرت الباب..
نا ..دقايق وطقيت اخرا..

هو فتحلي..
نا..حول راسك المربع كذا😒

هو..اقلب وجك هي..

نا..عارفه والله تو انوريك ع تطريده كان م خليت كل المستشفى تعرف انك تبعي..والله م انكون مهاب..
ومشيت...

سكنتلي مسجات ورنات غميت عليها..
وفي ضرف يومين كانت المستشفى عارفه ان هالبنت شوري..
[ لا وجنها وحدات يباركلها ب الخطبه😅..

سبقوني جماعة المستشفى ف هذي..

بس والله ناويها حلال 《كنت》

وبما اني اعترفت ب الي جواتي لها..
وخليتها اتقولها😋🤤 حتى هي..

ف توا معش نبي بني آدم يجي شورها بكل..

هزبتني لما قتلهم خطبتها....وصارت لي..
اتقولي ليش هكي وكيف..وانظر شنو..

نا..مش هاامني..الي تهمني هو انتي محد يجي شورك.. وتبقيلي🤤

هي..احمقت يومين.. ورضت..
بالامر الي درته..

حرمت عليها تقريب الباب..
هكي مطرشق نا..منبش حد يشوفها من اقريب..

سد فتح الله الي تقول مخلفينه وناسيينه قاعد بينا😤وزارقلي ف كل شي..

تعرفوا مرات والله انقول ياريت نا وهي بس فالعنايه..

#انتبهوا منبش اندير الحرام معاها ولا بنلمسها اجباري بس نتمنى ان نقعد معاها ف مكان هكي محد يزعجنا ونبي انشووفلها..بس هكي .
بنملا اعيوني منها نا..🔥💔

ومشت علاقتنا ومحد يجي شور هنادي وهي معش خليتها تحتك ب الرجالا زي قبل..
هي تستلم حالات جوا بس.الباب اتخطاه..
اي حد ينادي عليها تلقاني جنبها🤨

حتى لو كلموها لسحب مرات ..عشان الحالا مش ساهل يلقولها وريد..
تمشي هي..
وراها..مش شوري نا..🤬

كنت زي الي كان عندا حاجه سمحه يفتخر بيها..بس يخاف حد يلمسها يدلعها يمدحها ياخذها منه..

نبيها اتمارس شغلها.. بس والله غيرتي عليها تحرق فيا😔🔥..

كل م يصير نقاش ع موضوع هذا ..
انقوللها نا هكي وانتي عارفتني من الاول..ومنتحملش مش بيدي..
لو م نبهتكش ومنعتكش..ب كلام ح انرد لضرب والتكسير😔💔

هي..ياروحي بس هذا شغل شغغغل..
مافي ممرضات ويجنكم..

نا..بس منردش على حد ويكرهني هن عشان متفهن..

هي..برضو ي طفلي..ميجش هكي..
نا وانت ف مجال الروح قبل النيه..
والمساعده والتلبيه قبل الكره والرغبه والحب

عيب حتى انك متردش لما يسألو على شي..
وانا والله م نبي غيرك انت بس نبيك وراضيه بيك..بس اهدى اشويا فالشغل.. مش هكي انكونوا..

نا..😔💔..نلقى روحي سامع كلامها حتى لو م نبيه..

نتخيل فيها قدامي..
وكأن قدام اعيوني واتشوفلي وتحكي..

انا نستسلم ونهدى ونرضى😔

يمكن طبعي زفت..
يكمن.اناني فيها بزياده..
يمكن نعد فيها من ممتلكاتي..
يمكن مضااايقها عليها فوق اللازم..

بس مش بيدي نحبها نا..وهي
هكي عقليتي وقلبي ..🔥💔😔

عقلي صغير بكل ف حجات هذن
مش نا انصغر فيه ونزعل..

تعرفوا كنت ف بالي انراجي ف الحال يصلح وينزل رواتب زي قبل..
وحالي يسقم..كنت بنقول لخواتي
يخطبنها لي..

منبش غيرها ويحرمن علي من بعدها
لان مستحيل نلقى وحدا راضيه انتبهوا..راضيه بيا ب تفليمي وعصبيتي واجنوني الي يخلي في معش نسيطر على روحي ونبدا نخرب واندمر

اما ونا رايق ساهل كلهم يبوني..

هي فهمت وضعي بكل سهوله ويدها بيدي ف كل شي..

××××××××××××××××××××××

#من جانب ثاني..

خواتي الي تسألو عليهن ونا مقصر ف حقهن.. وليش معش حكيت عليهن
لان كل الحلقات سابقات معايا الضرب نا وهن...
ودورهن ذكرته لكم..
بش بعد موتت بوي معش لهن دور غير الي ذكرته فوق
علاقتي ب خواتي..

والحق انقولا..
اي قصرت معاهن.. مش ف متطلباته وافلوس لالا..
ف ان علاقتي بيهن. صارت رسميه..
وكأن الحوش فندق..
ناكل نرقد انجيب ونطلع..

ومفش سبب خلاني هكي غير الحياه وتلاهيها..

وحتى فالامر هذا.. خشت هنادي..
وعااااتبتني ..فيه

قتلكم..زي امي..متصدقوش فيا..

قعدت اتقولي كم لك م قعدت معاهن وسهريتوا وكسدت ديمه ي شغل ي جماعتك.. وهن...مالهن حق عليك..
سد قاعدات لا طلعه ولا اقارب..
اقل شي حسسهن بيك..
خيهن..لكويس مش الرسمي المعقد..

ح يفرحن بيك والله..

نا..💔تحشمت منها...لان منذكرش اصلا اخر مره إلتميت بيهن وقعدت معاهن وخصصت يوم لهن..

هي..عااتبت لان زي م قالت هن ملهنش الا نا..ويفرحن بيك ..واخرا لو كل م تحصل افلوس واتجيب
حجات للحوش..اذكرهن ب حجات لهن..((رانا نحن البنات نتحملوا ياما..بس عند اول موقف سمح ننسو..
م بالك ب شكولاه ومكسرات وفوشار وتلمهن واتقوللهن مش طالع لجمااعتي وبنسهر معاكن.. و الله يفرحن هن يفرحنك..

نا..😊باهي ان شاءالله.

وفعلا درت هكي ووقتها نشتغل ف تعتيل.. وحصلت 20 د...بس ..مشيت
زدت عليهن 5هذي الي عندي وقتها والله..

وشريتلهن من حجات.. وجيت وكسدت معاهن..

تعرفوا كنت محتاج هالقعده والله..

درنا سفره بعد العشاء..و ولعنه شمعه وحدا فالصفره وظلمنا الحوش 👻بس وقعدنا نحكوا ف حجات رعب ومواقف ضحك ومقالب ونحن اصغار😅ونضاااحكوا على بعضنا..

وسهرنا ليلتها لساااعه3ونص بعدها معش فيها صبيت رقدت..

#الواحد اكيد مش بقصده يقصر مع هل بيته واكيد الدنيا لاهيته ب جري وشغل ومسؤوليه..
بس برضوا لو من ضمن الايام الي يجارن..
وقف يوم وكسر القاعده وخلاها لهل بيته..

اليوم ماشي صح..بس زي الذكره يقعد بدون يوم محدد اتفاجئهم وادير شي والله يغير نفسيتكم ونفسيتهم

ف متنسوش ي حبايبي اهلكم.. لو مهما بعدتكم الدنيا.. متنسوش بعضكم.💙

#حاولت ع قد م نقدر بعد اليوم هذا اني كل فتره انديره..
ومنقصرش معاهن..

🤍🤍🤍🤍🤍🤍🤍🤍🤍
#علاقتي ب الناس هي هي

حد يصبى علي استحق شي نا هو نا
نصبي ب جهد وافلوس لو ربي مقدرني وقتها.

#دراستي ماشي حالها وعدا السمستر هذا.. وغبت ع مواد بعدين تعرفوا ليش..وسقطت فيهن .ومدرتش
دور ثاني وحملتهن للسمستر لاخر.

#والمصرف هد حيلي وذوب اكبودنا واضطريت نشتغل اخرا
.: وكنت انروح تاااالف بكل من شغل البراني مش الحكومي..
هذك بروحه..

هكي جهدي مش لولي..مسرع م ندهش ونتعب..
انقول بالك عشان مناكلش ولا تعبان من مستشفى..

بش توء.. طلع موضوع اخر.

المهم.. قعدت نشتغل غصبن عني..
لان وقتها و الله حتى الشيتات م عندي حقهن.
دوب الخبزه والحليب بس.

كلامي من قبل م نكمل السمستر هذا وبعد كملت.

وماشي الوضع..
يوم نتعب يوم اكويس وهكذا ..

◇◇◇◇◇◇◇◇◇◇◇◇◇

صحتي والي اكيد كلكم اتراجو فيا بتعرفوا سبب الي صاير

نا بروحي مدورتش..
بعد التعب هذك ..معش عاينت ولا شقيت بالامر...

صرت كل م نتعب انتريح وخلاص..

والالم راهو مبطلش..
بس مش بالقوا هذكي..الي صارت اخر شي فالمستشفى..

فاتت المده ونا مش مبطل دخان بكل
واندخن ونشرب ف قهوا

ونشتغل ..

هنادي
تضغط عليا وتبيني نعاين وانشوف وانا نقوللها مافيا شي اشوي تعب


بس ياريته كان تعب بس😔💔

المهم نكابر نا وحتى نحس ب الام خفيف منريحش روحي

وغير هكي والله م عندي حق المعاينات..تبي عيادات وميييييز ونا معندش حقهن بس مقتلهش ولا قلت لحد.

ومرن ليااااام..
ونا ساكت ومعش قعدت انقول حتى مريض ل شي...

لين جا يوم وتعاركت مع واحد ف المستشفى.. بعد مرواحة هنادي و فتح الله....

وحزوها الناس.. ومن وقتها مش تمام نا...
محسيتش ب الالم ل شي..
بس متعقد..

ومعندش افلوس تاخذ تكسي..
ف روحت ع رجليا..

ونمشي. ..ومسافه للحوش حاجة ساعه ومعاها بيش نوصل..

المهم.. خذيت البالطوا ف يدي بنروح نغسله..

وطلعت ومشيت مشوار وتباااعدت عالمستشفى... وكان الشارع شبه ان فيه حركه.. اشويا بكل..

ونا ماشي فالطريق هك..

ويبدا في نغيييييييز مره وحدا .
بدون مقدمات..

وقوي اخرا..

صدري وقلبي ...ومسرع م ضاق بيا الحال..

سلحت الجاكه وفتحت السوريه الي جوا وتحتها مفش ماليه..

وانحس ان في
حاجز بيني وبين النفس
الريح تخبط ف صدري من برا
بس مش راضي يخش النفس

ناخذ ف شهيييق معش قدرت..

خبطت على صدري مقدرتش..

ثنيت روحي (زي وضع الركوع..

معش قدرت الالم فالصدر والظهر

100موس ينغزن فيا اشويا..

وصهاااااااااد حراره طالع من فمي..
من رقبتي

نغمض ف اعيوني معش نشوف ف شي..بكل
الدنيا سوودا قداامي..

اوذاني اصكرن..

صوت قلبي بس سمعته..

وكأن والله في جنبي مكبرات صوت ل نبضات القلب..

البالطوا طايح ع الارض..

ونا معش قدرت نقاااوم...
الالم يسسسسططررررررررر
جوا صدري وقلبي....

دهشت .. وزفيييير بالقواااااااا

والاكسجين مفش..

مش وقتك مش وقتك... ونخبط بكل القو الي كانت في وقتها ب يدي ع صدري..

معندش حيل بكل..

تععععبتتتتت..

نبي انرد نبي حد يجي يمسكني..مفش حد جنبي..

ولاول مره انحس بالموت جديات..
وصلت ع حافة الموت...
خلاص نبي اكسجين.. حتى راسي حسيته انضغط..

نبي شي ..منبش نموووت ..

ولاول مره هكي ووقتها اخرا والله

نجوى وندى جن ف بالي اول شي..

رفعت راسي..بس فشلت خلاص..معش قدرت ..
والدوخه جت...

بس كل شي جاني هالمره ضعف الي فات مرتين..

وبرمت بيا الدنيا ف الشارع وطحت..معش نعلم بشي...........

💔🔥💔🔥💔🔥💔🔥

بعد48ساعه..اوعيت ع صوت اجهزة العنايه..والقلب..

نا...دوب م فتحت اعيوني..

ونبرم بنعرف روحي وين

جا.الممرض..
الحمدالله ع سلامه ي مهاب

نا..مقدرتش انرد
هو..نادا ع دكتور طول
وبدا يحكي بس مش عارفه فيش يقول..

ويفحص ويقيس ويكشف

ونا منتهي فالفراش.

رقدت معش وعيت

بعدها مش عارف بكم. وعيت..

بس احسن من الوعيه الي فاتت

وحكولي بعد عرفوني قاعد بوعيي
وسألوني ع أسمي وع الي قدامي
وجاوبتهم

دكتور جا طلق لسانه وقال هذا لازم من صور ضروري
وتوا يندارن..

وقعد يهزب فيا .. ع اهمالي ف روحي.. ويقولي احمد ربك ان شافك الراجل بالصدفه وجابك فاللحظه الاخيره
كان طول هو اشوي راهو ميت توا
مش بينا توا

نا..😔💔(ليش كان عندي افلوس ومهتميتش مثلا) ف سري

هو..توا وصيت ع سياره اسعاف ينقلوك للعياده.

وسألت ع صوره وقالو عندهم
وبدير عالقلب والصدر .وادزهن لي..فالمستشفى متقعدش.. خليك غادي

نا..😔مرديتش بكل..

بعد دقايق.. جابولي سرير ثاني..
ونقلوني عليه مخلونيش انتحرك.
وشالوني بالاسعاف وصوتها الي ديمه يجيب الغم والخوف..

وللعياده طول..
وخشيت وبعد معاناه طويله..

طلع صوره وحدا بس في..
وتخطيط قلب مفش

المهم دارولي الموجود.
وشالها واحد مش شباب لدكتور..

وجا معاه.

قالي صوره مش واضحه وتبي اعاده
وعدناها كم مره..

وبعد معاناه طوويييله..

قالي..

عندك إلتهاب قوي فالصدر..
وحتى قلبك اكيدا نفس الشي
ف لازم اتكمل التغذيه وتاخذ العلاج الي صرفناه لك..
وبعد4ايام تشد حيلك وتقعد اكويس ح انديروا باقي الحجات..
توا ممنوع عليك الحركه وبتقعد فالفراش..
ولازم تاخذ العلاج..
ولا ح تخسر روحك ونخسروك حتى نحن..

نا..هه

وحكى باقي التهديدات دكتور وعدا

بعد اشوي..من كلام دكتور..
وتفكير فيه..

جن في بالي البنات(خواتي)

والي كانن في بالي وقت طيحتي
تصدقوا..
مخفتش ع روحي كثر م خفت عليهن...لان عادي حتى لو
متت الله لا يردني..بس هن كسرلي ظهري.. لمن بنسيبهن..

معندهنش من بعد الله غيري..

والحمدالله جت على هكي..

بعد وقت جا فتح الله وجايب اكل من امه.. وكليت وكلت المحروم..

وكان ماشاءالله عليه اكلها..

قالي تبي شي وكذا.. وصيته ع دبش لان بندوش ونغير وصقعت نا..

قالي نرد للحوش وانجيب حجاتك من هلك وانجيك..

كلمت نجوى اتوتيلي الي نبيه.. وصكرت..

بعد اشوي كلموني وحدين ع موبايل يسألو علي..من شغل بعدها جوني اثنين فالعياده..

بعدها قعدت بروحي
خطرت علي هنادي..
واستغربت مسكنتلش كالعاده.

دزيتلها مسج مردتش..كلمتها 3مرات مردتش..

قلت بلكي مشغولا مع ان تقولي فالعاده هي..

قبل م يجي فتح الله
رنت علي هي..
[وصوتها مش تمام..

نا..هنادي

هي..انت بخير❤️
نا..اها كويس وينك مترديش وكنه صوتك هكي

هي..

نا..هنادي..

هي..

نا..هنوودي..كنك .شنو. في

هي...سمعت نفسها متقطع وتسكت

نا..هنادي انتي تبكي

هي..😭😭😭

نا..والله كويس نا متخافيش كنك هبله..

هي..وليش يقولي انك متت الي رد عليا..

نا..من الي رد😳

هي..😭مش عارفه انا كلمت مرا وحدا هو قعد يهزب ويقولي خلاص سكنتي سكنتي اترني..والي تبيه مات وصكر ..

نا..بلكي واحد من شباب يبصر بس

هي..بس والله م سكنت.. نا مرا وحدا
كلمت وترددت واااجد بيش رنيت وفوقها كلمت وهزبني الي رد

نا.قصدك صدقتي اني متت

هي..😭😭😭💔😔

نا..ي هبله زي الجن قاعد نا م متش

هي..وحق ربي خفت نفتح النت والنقال حتى اني جيت بنرن على ندى مقدرتش..
نا..لدرجه هذي..

هي..واكثر والله..
كملتها غير نبكي وانقول ان شاءالله لا..

نا..وليش م سألتي فتح الله...

هي..من يوم مرضتك معش قدرت انجي للمستشفى..
اصلا لما شفتك كيف جايبينك.....
وقعدت تبكي...

نا..اي كملي شنو..شنو...راني منعلمش بشي نا
هي.. لا احسن..اصلا والله ساعه ربي م يعوووووودها💔

نا..الاعمار بيد الله خليكي عارفه..لو م متش اليوم بكرا بعده ف نهايه بنمووت..

هي..مهاب بالله عليك تسكت .

نا..تمام باهي حقك عليا خلاص متزعليش وفكيني من لبكى راني والله م نقبلا..

هي..

وحكيت معاها اشوي وصكرت..

ورديت شفت 《سجل المكالمات

لقيت ندى وهنادي فوق من30 اتصال..

معاه الحق الي رد وعارك..
وبرضوا م عندش حق لان هن خواتي
ومعندهنش غيري.. بيش يدزنا ويطمن عليا💔😔
◇◇◇◇◇◇◇◇◇◇◇◇

#شفتوا الوحيد شنو يصير فيه..
صح كلا نصيب ومكتوب..
بس لو كان هم حالهم هكي
مش مفروض الاقرباء يكونوا جنبهم
صح ولالا.

عالعموووم ..
ربي م يكتبلنا وحدة الخوت..
وربي م يخلينا بلا خوات وبلا خوت
وبلا والدين..ويرحم كل متوفي

◇◇◇◇◇◇◇◇◇◇◇◇◇

#تسريع الاحداث..

بعد مرن الايام.. ودرت الصور والاشعه والتخطيط و........الخ

وقالي وقف ع الدخان..
واشوي إلتهاب وزمط باقي الكلام..
حسيته هك..

قتلا قولي كان في شي .راني متعود ع فجايع وصدمات...قالي
م هي اساس مرضك صدمه..

نا..كيف؟؟
هو..عالمهم
درتلك تحويل ع دكتور ثاني ف مدينه ثانيه وقالي قولا من طرف فلان..

وهوا عنده خبره اكثر مني ودفي شوره..مبش يقولي شي..

شفت فتح الله يحكي مع دكتور من وراي..سألته قالي لا موضوع ثاني..

حلفته نكر مبش يحكي شي ويطمن في..

بس ليش م تريحتش مش عارف..

وحجات فهمتهتش بروحي وحجات
لا..

روحت..وهالمره..اصر علي فتح الله..وقالي لازم نمشو..

انقولا خليها يقولي لا نمشو نطمنوا وانروحوا ونا معاك...

من هنا من هنا..

قالي بكرا نمشو..

وتي روحك نطلعوا ساعه6\7 هك بشويش..

نا..مش مطمن.. وحاجة غمت ع صدري من دكتور والطريقه الي زلحقني بيها..

نا..قتله تمام..

وبنات.. كذبت عليهن لان منبش نقول شي لين نعرف كل شي نا..

هنادي مكذبتش عليها وقتلها كل شي.
وقالتلي احتمال كذا وكذا..المهم نطمنوا عليك توا..

نا..قبل م نسافر بيوم..

كلمتها وكانت من اصعب المكاالمات..
ونحن نحكو وهي تقنع في.. ومش عارف شنو..

نا...هنادي
هي..نعم ..

نا..ح نمشي واندير الي قالولي عليه..
بس بنقولك شي..

هي..قول..

نا..لو طلع امر اكبر من قدرتي .. وشي مش تمام...

هي..باهي..كمل..

نا..بغصه..مش رااضيه تطلع مني الكلمه..

هي..مهاااااب...قصدك ان

نا..لو طلع شي مش ساااهل..
خلي كل حد يشوف حالا..

هي..هه..حالا..هههه..واعي لروحك انت...

نا..ااه..ومتزيدهش علي نا ..نبي..

هي..اسسس اسسس..ملكش دخل..
لا حالك ولا حالي صكر فمك منبش الكلام هذا..

نا..هه وبحرقه قلتها..💔🔥

هي..لا غير بحت ح يطلع اشوي إلتهاب وخلاص..

نا.. هنادي..متعبينش والله مهدود حيلي بروحي ودكتور حسيته داس شي علي

هي..شنو بيكون.. وحاولة تلطف الجو..بس م قدرت وقعدت تبكي..

نا ..نكذب لو قلت م بكيت لحظتها..ودرت كتم.

هي..مهاب..اسمع توا توتي روحك وتدوش واتعشى واتريح.. وبكرا خليه ع ربي متفكرش ف شي..

نا..هنادي تضحكي على من

هي..مهاااااب..خلاص متقعدش هكي
ان شاءالله خير وفي كل الحالات منش مسيبتك اطير تنزل منش مسيبتك..حتى لو قتلي معش نبيك منش مسيبتك..

عارف انت شنو عندي..
انت روحي/
انت قلبي
انت طفلي..تبيني نسيبك..بنخليك لمن باهي..لالاا متحلمش انسيبك..

نا..مع كل كلمه..نحس بروحي مش تمام..وكأن تجر ب شي حاد ع مكان الجرح...

نا..هنادي..مش بالقوا..خلاص..

هي.ايواه مش بالقوا..هي اسمع الكلام ونا معاك..

وكانت مكالمه طوييييييله..
بس نا بنصدها وهي متبش تسمع الكلام..
وقنعتني قنعتني بالكلام وهدتني وريحتني ونوعاً ما تبلدت وقلت باهي ع كل شي

ثاني يوم.واختصار الموضوع

عند دكتور..
وشاف كل الاوراق وصور والعلاج وكل شي..

دكتور...قولي عندكم.. حد مريض بالصدر..
نا..لالا

هو..مريض بالقلب..
نا.لالا

هو..عندكم حد يدخن..
نا..نا بس حاليا..وبوي الله يرحمه

هو..عندكم حد يشكي من الكبد و...

نا..دكتور من الاخر قول شنو في..

وقال..شنو الي في..

نا..زيد اخرا عليش سكتت.كمل
حط امراض الدنيا فيا..

دكتور..الموضوع يبي وقايه ومحافظه و..

نا..هه اتقولي حياتك مرهونه ب ريحة حريقه ودخان وشي قوي..
اتريح فيها.. واتقولي حافظ..

هو..ي مهاب انت شفت الي صارلك..
وعشت الالم كذا مره..
تبي تستمر فالغلط واتشيل روحك للموت دير الي تبيها..
نا..يرا كلها نهايتها موت..انقولك حاجه معش نبي نعاين تمام منور اه..

وطلعت خبطت الباب..

فتح الله قعد معاه مطلعش..

طلعت برا وولعت دخان..

: نا..هه طلع شنو لا حاجه بسيطه اطمنوا انتم..

قال ..إلتهاب قوي.

وحساسيه وفالصدر وجيوب انفيه
الصدر معش ينفع.والقلب معش ينفع..
والروايا معش ينفعن..

كان قالي معش تنفع انت ف شي ارحم واسرع..

قال إلتهاب الشعب الهوائيه
ف بالتالي
إلتهاب عضلة الصدر..
قد يكون من صدمه متعرضلها ف بداية عمرك وغيرها من الامور

ونا حياتي كلها هكي اصلا كان مصارتلش صدمه وكوارث منقعدش مهاب
وزيدوها
إلتهاب عضلة القلب ..
((نوبه القلبيه))..

وقعدت العضله ضعيفه بكل ومعش اتحمل حجات واجد..

ووفوقها
تضخم ف حجم الروايا..(الرئتين)
من الدخان المفروض انتنفس طبيعي بس قعد ثاني يجمع جوا.. ومعش نتنفس الاكسجين كويس..بعدها..
مفش جو الانقباض والطبيعي الي اديره الرئه..لا متضخمه وياما صاير فيها..

لا وشنو..
تباعت ع الضغط النفسي
تباعد ع اي مجهود

شيل ثقيل .....لا
مشي مسافه طويله ....لا

شغل متواصل بدون راحه ...لا
تدخين ..لا..
روائح كريهه وغير كريها....لا

عطور..بخور ..حريقه..ملطفات
اي بلا ....لا

ادروج ....لا
صالة حديد الي نفش فيها غلي.... لا

تباعد ع المدخنين..
والاماكن المغلقه..
ويوم العجاج..القبلي
مكان فيه ريحة مواد تنظيف لا..

واي شي يتطلب منك جهد وتعب لا
وعيش ع بخاخه عطاها لي قالي داوم عليها..

غير الاكسجين الي لازم انديره
صبح ليل لمدة شهر..

هه..تخيلووو كل شي لا..
باهي لا اصبروا وحياتكم مرهونه ف يوم عجاج اتريحو فيها واتموتو..

ي عليك حاله وخلاص..
لا اصبروا وشنو..
قالك اقعد ف بيئه نظيفه مفيهاش حرق قمامه

ونحن اصلا كان محرقوش كم مره فالاسبوع ميقعدوش ليبيين

ههه ي عليك هم..
امالا بنعيش ف قنينة معقمه وبنسكر ع روحي فيها..

تي هذا يخرط..
يعدي يديرا هو الكلام الي قالا منش داااايرااا...

لا ونا الي قلت الدنيا ضحكتلي..
ونستني.. وخلاص تعب وهم ومرض ومشااكل.. وزعل ..

بوي ومات
وهل بوي متبريين منا
وهل امي ناسيينا
ومرت بوي فاتتنا

ف قلت نفضى لروحي...
وانشوف حالي واخيرا..
وبنجوز..واندير جو ع حالي..

طلعت الدنيا بتلعب معاي مزالت..
قالتلي وين مش ناسيتك

حتى الجيزا ولعيال هه بح..💔🔥
معش نبيهم...

قعدت برا ضاايج ومنكلب..
نبي نفش غلي..

نبي حد نضربه..
نبي نكسر..
نبي انخرب..
وااااااااااو ...شعوور..اخييي بكل

لا وشنو..
حالتي الصحيه تعبانه بكل..
ومش متحملا شي..
وللعلم..الالتهاب مزمن...
والمزمن بعد وقت ينقلب مرض شين...

متحشم يقولها الدكتور ..هه..
يسحابني جااهل..

ويقولي هلك من عنده مرض شين..
بخليها ورااثه هو..
بيمهدلي ع اساس..

هه🔥🔥🔥💔

تعرفوا زي المجنون ف شارع.. نحكي مع روحي..

ان ليش مش مكتوبلي نفرح وانتريح بكل ليش من دون الناس مكتوبلي الشقى والهم والحرمان وكل شي..
ليش م جيت الي يااااكلو فالحرام
وحياتهم فوق الريح

صحة وحوش وافلوس ومنصب

مكتوبلي ديمه فرحتي م تكملش
مكتوبلي ننكسر وانتحطم بعد كل مره نرفع راسي فيها وانتنفس..

لا واخرا شنو..كل 3اشهور..
انجي مراجعه..ودحي افلوس وتغيير ادويه وانظر شنو..

ونا اصلا مدين دين حق سفريتي هذي..

هكي معندش..ب شهادتي وراتبي ومعندش افلوس..

ويقولك افلان مات اصغير..

مش منه مات بحصرته الواحد وب همه..

الله يلعن كل من حط يده ف خراب الحال..
[
: طلع صاحبي..من دكتور لقاني نضرب ف النباتات فالاحواض الي ف طريق..

هك.. ضااايج..ومتعقد..

وعليم الله الدكتور صكرها ف وجي الله يصكرها......هاااااوففففف..

لاحولا ولا قوه إلا بالله..😔

يعني مش اول وآخر واحد يدخن نا..

ليش نا بس الدخان ضرني..لا وف العمر هذا..

حتى ال30م وصلتهن..

هه..منقهر ونضحك..

قعد صاحبي يهدي فيا نا..صكر عالموضوع قتله..

خذاني ومشينا ادهورنا وع اساس بنغير جو..بس نكذب لو قلت حسيت بشي..

نيه اصكرت من كلللللللللل شي..

كلمتني هنادي..
قتلها..مرض الشين إلا دقيقه..

هي..
وحكيتلها بعد م قالت
مفهمتش...

وصكرت وطمنت خواتي بكلام كذب
اشوي تعب وإلتهاب بسيط قتلهن..
منبش نقوللهن كش خاصهن هن..
وقفلت نقال

اليوم كلا مع فتح الله بس كان نطق الساس نطقت نا حرف..

شي هادي وساكت ومش في خاطري شي..بكل.

سارح وانفكر مع روحي..
لا عرفت انلوم روحي
ولا انلوم باتي الي بديت نكرها
ولا انلوم الحال
ولا انقول نصيب
ولا نحكي..
ولا نزمطها ونكمل..

حسيت الدنيا كلها تااااافها بكل متسوش شي اكثر من قبل..

روحت ف ليل..للحوش ومعاي الادويه والبخاخ..
قبلها
تكينا ع مستشفى قبل درت الاكسجين وبعدها جابني للحوش وعدا هو..

قعدت ف مربوعه بروحي منبش حد يجي شوري بكل..

ونقال مفتوح بس منبش نحكي مع حد..

بعد وقت..
رنت هي..وقعدت تحكي معاي..
مش عارف شنو طلع مني كلام قعدت نهتك..وانقول..

وهي..تسمع بس

ف نهايه كزتلي بكل..
قتلها بنسكر..

ومعطيتهش فرصه تحكي.وصكرت..
وهكي نبي نخرب نبي نطلع الطاقه الي فيا..

مشيت للكوجينه.. ونزلت الي ف دواليب كلهن ف الارض تكسييييير..
وبدون ولا كلمه..
ولا خواتي جن شوري عارفاتني مفلم..

كسرت الدنيا ونا هادي ومشيت خشيت دار امي وصكرت ع روحي..

وكأن يعني دار امي هي حضنها بعد نكسر شي..هه😔💔

ورقدت ونا نفكر فيها هي بس❤️

ثاني يوم.. وعيت ومشيت خذيت اجازه معش عندي قابليه لشغل ولناس..

وقعدت فالحوش..

هنادي ب اختصار قعدت تحايل عليا واتغيرلي ف جو وتبيني نسمع الكلام.. وناخذ الدواء..

نا..شييي..

بعدها لا شعوريا..قعدت ننفر منها..بعد قتلها كل حد يشوف حالا ونا معش
بنكمل معاك..

وهي مُصره تقعد..

قعدت اندير معاها ف مشاكل..
رغم اني عارفها شنو هي..بس
درنا مشااااكل. ونقول فكلام بدون م نفكر فيه..وصرت نغلط فيها وكأني بنلبسها شي هي مش دااايرته..

وقعدت اتحمل في..وتحكي واتسايس فيا... واتقولي انت صرت تطعن فيا..واتقول ف حجات مفش بينا..

نا..

هي..مهاب..ح نخسروا بعضنا هكي وانا منبش نخسرك..

نا..وكان خصرنا..شنو بيصير..م خصرت امي واشوي ونخسر روحي
جت عليك يعني..

ومن هالمكالمه وهالكلمه..

6. اشهور لا شفتها ولا شافتني
ولا حكينا مع بعضنا..

نا..انراقب فيها عالنت كل يوم..
وفي خاطري
نحكيها...

وفي نفس الوقت بنمسك روحي ونبيها اتفوتني. واتشوف حياتها..
منبيهاش ترتبط بحد حياته مرهونه ب يوم عجاج وريحة حرائق
ومفش قدامي غير الشي الي درته

بس ورحمة امي...وغلاوتها ف وسط كبدي...
ان الي قلته لهنادي قلته عشان منبيهاش تتعلق بيا..نبيها تنساني
نبيها اتكمل حياتها..

حتى جدول شغل .سيباته وغيرت ليوم ثاني هي..

بعد 6اشهور و22يوم..وساعه12:45دقيقه ليل..

#عالواتس..
نا.. ه ه ه ه هن هنادي💔😔

هي...

🔥🔥🔥🔥🔥🔥🔥🔥
#يتبع..
#shosheta..

الظروف والقدر مش معروف شنو مخبيلنا..
بس ي ترى..هالشي نحن انشااركوا فيه..ولا هوا نصيب كاتبه ربي لنا بنعيشوه..

الحب قصصه واااجد
والناس احكاية حياتهم تختلف من حوش لحوش..

بس من قال ان ف حوش هل مهاب يصير كل هالشي..
وفوقها يعيش هوا قصة حب غريبه
وينهيها عشان خاطر مصلحة وحياة البنت الي حبها وعمره م عاش الي عاشه معاها ف يوم مع بنت ثانيه..

ف هل تتوقعوا ان هنادي بعد 6 اشهور مزالت ح تقعد بعد الي صار بينهم من كلام ويعتبر نكران .

ولا بسهوله فاتاته وشافت حيااتها..

ومهاب..الي رد قعد زي الطفل الي يحتاج لمن يحتويه غير هنادي..
هل حقه يعبر ع الي صارلا ولا كان لازم يزمط جواته زي قبل بكل وميحكش

ف شنو اتقولو انتم..

ونتلاقوا ف جزء الاضافي المتمم لروايه وللاحداث بعد المده الي مرت كلها ونذكر فيها شو صار

تنسوش التعليق..🤍💙
سلام..

google-playkhamsatmostaqltradent