رواية جرائم في منطقتي الحلقة الثانية 2 بقلم اسماء أشرف

 رواية جرائم في منطقتي الحلقة الثانية 2 بقلم اسماء أشرف

رواية جرائم في منطقتي الجزء الثاني 

رواية جرائم في منطقتي البارت الثاني 

رواية جرائم في منطقتي الحلقة الثانية 2 بقلم اسماء أشرف


رواية جرائم في منطقتي الفصل الثاني

#جرائم_في_منطقتي 2


نسيبه:نفخت بعصبيه...نوران لو انتي مش قد الطب ليش خشيتيله؟؟

نوران:قلبت عيونها بملل..ع اساس انتي مش عارفه

عمتك انتصار هي يلي ضغطت علي قالتلي خليك مع بنت خالك وين ماتمشي

نسيبه:وانتي ماعندكش قرر ماعندكش رأي؟؟كيف تخشي تخصُص انتي ماتبيش لمجرد بس امك قالتلك خشيه

نوران:تشوف لتلفونها...نخش تخصص ماما تبيه ولا نبطل قرايه من الاساس

نسيبه:وربي لو كانتي واقفتي قرايه احسن من انك تخشي حاجه انتي مغصوبه عليك🔥

نوران:شافتلها بمكر..تحبي القرايه انتي هاا؟عليش؟شن ح تستفيدي منهااا؟غير تضيعي وقتك ع الفاضي وتجري من محاضره المحاضره وكتبت جدد وهم اسود ودكاتره زي الزفت

نسيبه:تنهدت..نوران الناس يلي كيفنا مافيش عندها غير ان تقرا وتخرج وتاخذ شهاده عاليه وبس

نوران:تاكل في مستكه..امورك وتفكيرك

نسيبه:شافتلها بطرف عين...مستغربه في تفكيرها

ربي يهديك

نوران:ههههههه خلاص حبيبي عيب😂

نسيبه:خذات حاجتها وطلعت مشت للمربوعه تقرا


نسيبه بنت مواليد 90 تقرا 5طب تحب قريتها بشكل غريب ديما تطلع من الاوائل معندهش في جو العلاقات حتى لما حد يجي ويطلب ترافض🤦🏻‍♀️لان امها ميته وهي تبي تقعد مع بوها وباقي خواتها ح نتعرفو عليهم في باقي الحلقات..عمتها انتصار اخت بوها ديما عندهم بحكم انها تهتم بي صغار خوها وهكي

اما نوران فهي عمرها من عمر نسيبه وديما مع بعضهن بس عقل كل وحده فيهن مختلف تماماً وتوه نعرفُ الشي هذا في باقي الحلقات الجايه


نسيبه كانت بنت عاديه جميله بس اجمل شي فيها هو شعرها البني وملامحها الهاديه❤️اما نوران شعرها كان قصير وعيونها زرق بس مش اجمل من نسيبه

********************************


ياسمين:راقده في حضنه..وتلعب ع صدره

حبيبي قولي

اسكندار:يدخان..هممم شنو

ياسمين:رفعت وجهها فيه..تحبني

اسكندار:ضحك..نموت فيك مش نحبك

ياسمين:قعمزت ولفت الشرشاف ع روحها..تعرف

اسكندار:همم

ياسمين:مش عارفه ليش خايفه المره هذي

اسكندار:عقد حواجبه..كيف خايفه؟؟هي اول مره

ياسمين:مش عارفه حاسه ان في اي لحظه يخش علينا هاني و

اسكندار:قولي هكي

ياسمين:كيف؟؟خيرك شن جاك

اسكندار:قولي انك تبي تنهي الي بينتنا من غير ماتخليني نحس

ياسمين:😨تي وربي مافي حاجه زي هكي في راسي والدليل انك راقد معي توه

لو كانت نبي ننهي الي بينا ماكنتش كلمتك اول ماسافر هاني

اسكندار:ابتسم بخبث ويمسح ع شعرها..يعني مزلتي تبيني

ياسمين:بجرأه..اي مزلت🔥

اسكندار:سحبها ليه..تعالي


ياسمين بنت من طبق الفقيره بس جمالها حلو لان سمر وفمها منفوخ وعيونها سود كبار هي اكبر وحده في خوتها تعرف عليه هاني في محل ملابس وعجبته ومافيش يومين وكان خطبه لان حبها من نظره الاوله وجوزو وطول فترة زواجهم وهو يصرف ع هلها وكل شي تبيه عندها حتى لما تاخر موضوع الحمل ماتغيرش عليها

بس عشان ياسمين كان ولد خالتها يبيها..كان كل ماتمشي لهلها يجي ويتقرب منها في الاول صدته بس بعدين تجاوبت معه وتمه فيه علاقه بينهم لمدة سنه

****************************

كل القصص في روايتنا تحكي عن الثقه...


لما راجلك يكون مسافر او ماشي مكان بعيد وعارف ومتاكد انك ح تصونيه وتصوني عرضه وشرفه

بس انتي اديري العكس 💔وتكسري ثقته هكي انتي خاينه لثقته زي ياسمين


لما هلك يحبو يشوفوك في اعلى المراتب ويحبو يشوفو وين وصل تعابهم فيك والشي هذا يصير لما تكوني واقفه في خدمتك وتخدمي بي ضمير

بس انتي اديري العكس لما توهميهم انك تقري وتبذلي جهدك وانتي اساساً ماتندريش في سنه كم قاعده هكي انتي خاينه الثقتهم زي نوران مثلاً💔


عكس الثقه الي حطوها هل ريناد فيها وهذا غير ثقة المرضى يلي كانت تعطي فيهم امل كانت فعلاً قد الثقه تخرجت منن تخصص الي تحبه تمت دكتورة باطنه ادير في عمليات خطيره ع النخاع الشوكي وماالذي منهُ

حتى بعد ماشفت المستشفى قديش مش تمام ماقدرتش تسيبها بسبب المرضى وثقتهم فيها❤️


الثقه مهمه في اي علاقه حتى في شغل ولو راحت الثقه هذي تاكدي انك ادير في شي غلط

********************************

ريناد:فتحت عيوني وانا مفجوعه المكان ظلام و دبشي معبه ميه وحتى وجي والوشاح بتعي

قعمزت ع الارض بتعت وانا نحاول نذكر شنو صار معي


فلاش بالك👇🏻


ريناد:كنت صدمه كبيره بالنسبه لي كانت واقفه بس مش حاسه بشي

دكتور التشريح:بصوت عالي..كيف تسمحي الروحك انك تخشي هنا

ريناد:بعصبيه وخوف..ربي جابني لك عشان نكشفك يا عديم المسوليه وشرف

منعم:(دكتور تشريح)...قرب منها وبعنف مسك فمها ويضغط عليه..تعرفي تطلع كلمه وحده من فمك وربي نوريك واعرفي روحك ح تموتي

ريناد:بالم مش ح نسكت وخليني نشوف ايش تبي ادير🔥

منعم:داهش..استلمي معناها..ومد يده خذه كاس قزاز وخبطه ع راس ريناد لين طاحت اغمى عليها💔


ريناد:مافيش غير ضي القمر هو يلي مضوي عليا قعدت نرجف لان دنيا صقع ودبشي مبلول ميه

كنت عارفه روحي خشيت في موضوع مالهش نهايه..كنت نفكر في البنت يلي ماتت وهي تعذب وحتى بعد ماتت ياريت ترياحة لا اغتصابوها💔ماخطرش في بالي هلي ايش وضعهم توه لان اخر همي توه المهم بس نبي نعرف من دار فيا هكي؟؟ممن ورا الموضوع هذا والاهم وين منعم الزفت🔥شوي وسمعت صوت الباب خبط وفي حد خش عليا

****************************

في المستشفى:-


في شخص كان عارف وسامع بكل شي صار قصة اغتصاب الجثه الميته هو بس يعرفها

شاف ريناد وهي طالعه من باب المستشفى الخلفي وطبعاً كان مغمى عليها وفي حد شيلها بين ايديه ومشه بيها شور الملحق بتع المستشفى


مشه قاعد ع كرسي ومش عارف ايش يداير قرر ان يحكي لادارة المستشفى بس مجرد ما واقف عند الباب سمع شي خله الدم يجف ف عروقه🔥


مداير المستشفى:اسحب ملف بتعها واي حد يجي يسال عليها قوله مافيش وحده اسمها ريناد جات واشتغلت هنا والاهم انها لازم تموت الليله لان خلاص عرفت بكل شي..سلام


ماكنش متوقع ان في شي زي هكي قتل واجرام واغتصاب حاجات كلها تصير في مكان واحد وياعلم شنو قاعد يصير اخر غير هكي🔥

بدون مايحس طلع شور الملحق وفي عقله شي واحد بس ان هو لازم ينقذ ريناد من يلي هي فيه

**********************************

نجاة:(ام ريناد)...ساعه 10 توه معقوله مزال عندها شغل

فرج:(اب ريناد)...خليها تشتغل مش هي تبي هكي خلاص خليها ع الاقل تاخذ دفعه زياده فوق معشها

نجاة:ياريت حتى عندها تلفون نطمن عليها💔

فرج:نجاة عارف ع شنو تلمحي صكري ع الموضوع

نجاة:نفخت خشت جو تراجى في ريناد تجي صح هي متعوده اطول عليهم بس مش لدرجه وع قد ماتقدر حاولت اطمن قبلها وخشت راقدت جانب خوات ريناد


اما فرج كان مشغول حتى هو ع ريناد بس مايبش يواضح لان بطبعه مايحبش يخلي ناس تشوفله ع ان هو شخص حنون بذات في منطقتهم لان الضعيف فيها يدوسو عليه🔥💔

****************************

اسكندار:قتلك ماترديش عليه بيش تفهمي انتي

ياسمين:يا حبيبي خليني نرد عليه عشان مايشكش فيا ويدز البواب يطمن عليا

اسكندار:مايهمنيش قدامي ماترديش عليه

ياسمين:تمام ع راحتك وناضت خشت للكوجينه

اسكندار:كمل دخانه وخش عليها لقها تجهز في فواكهه


ياسمين:شافتله بزعل وردتت تجهز في طاوله

اسكندار:يحك في راسه..زعلانه

ياسمين:هزت كتوفها وماردتش عليه

اسكندار:قرب منها..خيتي سلمها الدلوعه

ياسمين:لفت ايديها ع رقبته..حبيبي ومن حقي ندلع عليه🥺

اسكندار:باسها..تعالي فوق

ياسمين:لا خلينا ناكلو قبل

اسكندار:خوافه😂وقرب يبوس فيها

ياسمين:كنت طول وهي معه خايفه لان حست ان البواب ح يجي ويسال عليها

بس ماتوقعتش تسمع صوت هاني😳

اسكندار:تي شنو هذا صوت من

هاني:من صاله..حبيبي ياسمين

ياسمين:وووك عليا هذا هاني

اسكندار:وين نمشي توه شنو نداير

هاني:قرب من الكوجينه..حبيبي وينك متاكد انك قاعده وتبي تفاجئني زي كل مره

ياسمين:😳😨

***********************************

نوران:الحمدلله

انتصار:اقعدي كملي ماكله

نوران:شبعت..وطلعت

سعيد:(اب نسيبه)...كنها نوران

انتصار:اخ ايش نقولك يا خوي مش مهتمه بقرايتها وهي طب وانت عارف الطب مش سهل

سعيد:هزا راسه..توه نحكي معها ماعليك فيها زي بنتي هي

نسيبه:هي فاطمه كولي عشان ترقدي بدري وراك مدرسه بكرا

فاطمه:هزات راسها

سعيد:فرج امتى يبي يجي

انتصار:ممكن بعد نص ساعه

سعيد:امالا خليني نخش نحكي معها توه..وناض


نوران:لا مش ح ندز صوره الا لما تجيبلي يلي قتلك عليها..ههه عجبتك اي صورة الصور هذين مخصوص لك حبيبي..تؤ توه قولي تبي تجيبلي الفستان ولا

وفجاه انفتح الباب

نوران:😨😨


أسمـــاء أشـــــرف🔥

🔥روايـــات أســــــــماء أشـــــــــرف


يجري باقسى سرعه عنده ضغط ع جنبه لان يوجع فيه كل همه ان ينقذ البنت يلي في خطر حتى لو ع حسب روحه بعد 10دقايق كان قدام الملحق واقف شوي عشان ياخذ نفس ويكح من كثر ماجرا بسرعه

قرب من الباب يبي يسمع هل في حد معها جوا ولا لا بس اكتشاف شي جديد


ريناد:تبكي..البنت البنت شنو درتو فيها يا مجرمين

مجهول:ضربها كف ونزل عليها وشد شعرها..مزل نسمعك تحكي في الامور هي ح تشوفي

ريناد:بدون خوف..تبي تقتلني زي ماقتلتها ها

مجهول:اي الا اذا

ريناد:الا اذا شنو..نبيع شرفي مثلاً؟ ولا نشتغل معكم

مجهول:اي تشتغلي معنا وتاخذي فلوس ماكنتيش تحلمي بيهن وتمشي للمدينه زي ما انتي تبي😏

ريناد:شافتله وكان في عقلها شي واحد انها لازم تطلع من هنا..ردت عليه بسرعه

اي اي موافقه نشتغل معكم


هو يسمع في كلامها ومش مصدق شي شنو هذا؟معقوله وافقت😨..يتبع


الحلقه الجايه ح تكون اطول بس اما ديما نحب اول حلقتين يكونن قصار عشان تفهمو وتركزو في الابطال وتحفظو الشخصيات🔥نبي رايكن بنات بالله عليكن فكوني من التم والملصقات😂🤦🏻‍♀️و الروايه زي ماقالت حقيقه مافيش شي خيال


السوال هنا:-3قصص مختلفه عن بعضهن شنو الشي يلي يربطهن بي بعض كل قصه مختلفه تماماً عن القصه لاخر؟باهي شنو ح يجمعهن كله ح نعرفوه في الحلقات الجايه🔥+من الشخص المجهول يلي اكتشاف الحدث يلي صار مع ريناد وايش قصته؟

طبعاً الحلقات ينزلنا يوم بعد يوم تمام بنات❤️

لقراءة باقي حلقات الرواية : اضغط هنا 
google-playkhamsatmostaqltradent