رواية بعد منتصف الليل الحلقة الأولى 1 بقلم هنوشة

 رواية بعد منتصف الليل الحلقة الأولى 1 بقلم هنوشة

رواية بعد منتصف الليل الجزء الأول

رواية بعد منتصف الليل البارت الأول

رواية بعد منتصف الليل الحلقة الأولى 1 بقلم هنوشة

رواية بعد منتصف الليل الفصل الأول


منتهى : فتحت عيوني بصعوبه كانت الدنيا مخبشه قدامي مش شايفه حاجه ! 
بعد شوي بدت توضح عندي الرؤيا بعد شفت نظراتهم ليا وكأنهم يراجو بلهفه شن بيصير 
تنحنحت واخيرا قدرت ننطق 
منتهي : احححح اح أ اااءء أنا وووين ووو مم من انتم؟
عاصم بفرح : الحمد لله علي سلامتك ياقلبي 
الدكتور انحرج : الف الحمد لله عل سلامتك مدام انتي في المستشفي تعرضتي لحادث مع زوجك والحمد لله قدرتي تتجاوزي مرحله الخطر 
منتهي اتشوف للدكتور وللممريضه وللراجل اللي واقف ومش فاهمه حاجه 😐
عاصم شد يدها وفرحاااان يوزع في ابتسامات وخلاص : واخيييراااا نضتي خوفتيني عليك 
منتهي جبدت يدها وبصوت مبحوح متقطع : لل لو سمححتو فففهموووني ... ودمعت ... اءءءنا مش متذكره حاجه اا ااء انا منووو ومن انت (وشيرت علي عاصم ) 
عاصم دروحه متأثر : كيف صار مش متذكرتيني انا راجلك ياميهووو 
الدكتوره : لا حول ولا قوه الا بالله نفس ماتوقعت استاذ عاصم ممكن اتجي لحظه 
عاصم هز راسه باس منتهي علي راسها وابتسملها ... متختفيش حتكوني بخير 
منتهي خايفه ومتوتره هزت راسها 
لحق الدكتور وخلاها في الدار مع الممريضه اللي تركبها في كيس تغديه جديد
منتهي حطت يدها اللي فيها التغديه عل وجها و انفجرت تبكي بالعبره 💔 حالة انهيار كانت فيها مش متذكره حاجه واعيه راسها يوجع فيها وتحسس في جروح قاعدات علي وجها وزادتها انها مش متذكره حاجه بس كان في احساس داخلها ان في شي غلط صاير 
الممريضه وسعي بالك اختي فقدانك للذاكره مؤقت بإذن الله لانك رقدتي اسبوع بس في الغيبوبه معناها م... 
منتهي قصت عليها بصدمه : انا ليا اسبوع راقده ؟! 
الممريضه هزت راسها : اها بالضبط بس صدقيني حتذكري كل شي ونبيك تفرحي لان عندك راجل كيف هضا طول ماانتي في المستشفي وهوا راقد معاك مافرقكش بكللل ! 
منتهي مش فاهمه : اا ااءء اممم بب باهي بنسالك اختي 
الممريضه فتحت الباب بتطلع : تفضلي 
منتهي : ه ههو هوا شن صار بيش وصلت للحاله هذي 
الممريضه بحزن : انقلبت بيكم السياره في جزيره دوران لما كان يبرم راجلك بالسياره مالت منه وانقلبت من جهتك هوا صارله كسور في يده وكعب رجله بس انتي خشيتي غيبوبه عشان جت من جهتك  
منتهي : باهي معنديش اهل مفش حد جا هنا من طرفي 
الممريضه ج.... 
فتح عاصم الباب وقص علي حديثهم بعد سمع سؤال منتهي 
عاصم : تقدري تمشي مشكوره بارك الله فيك 
الممريضه حست في شي : العفو ... وطلعت 
عاصم التفتلها وبأبتسامه : شن اتحسي توا ياعمري 
منتهي تبلع في ريقها : بخير 
عاصم شد يدها : كنك خايفه ؟ في النهايه انا زوجك حتي ولو نسيتي سيورك متذكره 
منتهي سحبت يدها : ااءء شش شن اسمك انت
عاصم مبتسم : ءء أسمييييي اسمي عاصم وكنتي اتقوليلي عصومي عصومتي ولما تزعلي مني تقوليلي عصا وضحك 
منتهي مستغربه : بب باهي ياعاصم خليك متفهم معايه شويه لو سمحت خليني انتريح توا ومتجيش شوري لعند نذكر حتي حاجات بسيطه علي الاقل بيش نطمن من ناحيتك
عاصم انقلبن ملامح وجه وبصوت حاد : لو مش متأكده نوريك عقد الزواج متاعنا 
منتهي ترعش : لل لا فهمتني غغ غغل غللط
عاصم غمض عيونه وفتحهن : باهي مش مشكله ياستي نعطيك كم يوم ترتاحي بعدين ساهل 
نتهي بلعت ريقهاا وهيا مش فاهمه كنه تصرفاته غريبه يعني لو كان زوجي صح كانت حتكون ردت فعله هكي لا طبعا اكيد  حيكون متفهم وصابر مش هضا واضح ان مستعجل وخايف من شي ؟؟ 
اما عاصم فكان يدعي داخله ان متسترجعش ذاكرتها وتنساها طول العمر ويبدو صفحه جديده !!💔
عم الصمت لحظات بعدين نطقت 
منتهي : ااء ءء شش شن قالك الدكتور يي يعني ع ععليش طلعك برا 
عاصم توتر اذكر كلام الدكتور 
في مكتب الدكتور 
الدكتور : مش قتلك احتمال تفقد ذاكرتها وفعلا هضا اللي صار 
عاصم بفرح : عادي يادكتور بالعكس هضا احلي خبر نسمعه ف.. سكت بعد شاف نظرة الدكتور
الدكتوره بصدمه : كيف يعني 
عاصم بلع ريقه وفطن لروحه : قق قصدي مش انت قتلي احتمال تفقد الذاكره او تصاب بالجنون هضا عليش فرحت ان جتها في الذاكره وشويه وحتردلها ان شاء الله مش كيف الجنون فهمت كيف😦 
الدكتور برتياح : اها يعني علي حسب مرات تردلها الذاكره ومرات معش اترد طول عمرها راهو
عاصم بفرح :  مم معقوله ..وبعدين فطن وعقد حواجبه .... بس يادكتور كيف يصير نبي مراتي تذكرني وتذكر عيلتنا
الدكتور : عليك وعلي العلاج الطبيعي حطها عند دكتور متخصص يبدا ينشطلها في ذاكرتها شويه بشويه وحتي انتم متكثروش عليها وديما طلعلها صوركم وحاول اذكرها بذكرياتكم وفي تمارين طبعا للمخ عشان يسترجع اللي فات 
عاصم : بب باهي لو صار هضا كله ومنجحش 
الدكتور : لا بأذن الله حينجح وتردلها ذاكرتها انت بس دير اللي عليك وخلي الباقي علي ربي 
عاصم هز راسه : عنئذنك يادكتور مشكور تعبانك 
الدكتور هز راسها : ولا يهمك... وكمل شغله 
منتهي : استاذ عااصم عاااااااصم 
عاصم ناض من سرحانه : ااااااه اااء اا نعم شن كنتي تقوليلي 
منتهي بشك : قتلك شن قالك الدكتور 
عاصم : اااءءء قال بعد فتره بسيطه حترد الذاكره بعون الله المهم الراحه بس وحترد بروحها ... وصبا عشان متحس بالتوتر متاعه .. صكر الستار وتلفتلها
عاصم : وقت النوم ارقدي توا بيش بكرا نروحو لحوشنا 
منتهي بعدم ارتياح : هزت راسها وغمضت عيونها 
اما عاصم فطلع برا المستشفي يدخن ويخمم في اللي جايه 
________________________________ 
الكاتبه هنوشه ❤🌹 
تاني يوم الصبح 🌤 
فتحيه حاطه كراع علي كراع وتكشخ : عاجبه خوك اللي داره معقوله طلع ولدي انا زباله للدرجه هذي 
ساره فرحانه : كنك ياماما مش حتي انتي تكرهيهم وخاطرك تنتقمي من فدوى اهو ولدك انتقم 
فتحيه نار شاعله فيها : لكن مش بالطرييقه هذي مش ولدي انا هوا الضحيه عاد 
ساره : حت...
سكتو بعد سمعو صوت المفاتيح 
خش عاصم في يده اليمين شنطه وبيده اليسار ساند منتهي ويمشي فيها 
عاصم : السلام عليكم صباح الخير يمي 
فتحيه قلبا وجها : ومن وين بيجي الخير ياربي
عاصم فنص فيها : ههههه تعالي سريوه سلمي علي ميهو 
ساره ناضت تتسهوك حضنت منتهي وتبوس فيها  : الحمد لله علي سلامتك ياقلبي خوفتينا عليك 
منتهي مستغربه ابتسمتلها : الله يسلمك ...وشافت لعاصم
عاصم  :ط طط طبعا هذي اختي ساره وهذي امي فتحيه هيا توا زعلانه عشان فقدتي الذاكره فهمتي مش صاح يمي ...وفنص
فتحيه بأبتسامه مجاامله : اهاااا صح الحمد لله علي سلامتك وناضت وهيا تخبط وتمتم 
منتهي مدورتهش واجد عشان كانت تاعبه ومحتاجه راحه ساعدها عاصم تركب لغرفتها 
ساره صفقت بفرح : واخيراااااا بيصير كيف ماخاطري واخيراااااا وعدت تجري لدارها تسمع في اغاني وتمكيج بفرح وعقلها يفكر شن ايخطط ؟؟ 
عاصم : بنخليك ترتاحي شويه وحنوعيك علي الغداء تمام 
منتهي هزت راسها  وغمضت عيونها 
عاصم فتح الباب وطلع اتجه لغرفة امه بسرعه 
طق طق طق 
فتحيه تقلب في القناوات : خشششش 
عاصم فتح الباب : امييييي شن التصرف اللي درتيه هضا تبيها اتشك فينا انتي ولا شنوووووو انا شن نبهتك 
فتحيه : ماساد مسكره فمي وتبيني نفرح يعننيييييي 
عاصم : اها افرحي لاي شي يفرحلك ولدك يمين بالله اتحس بشي تشوفي مني حاجه عمرك ماتوقعتيها
فتحيه بعصبيه : لا والله تعالي اضربني وخلاااااص هضا ماناقص ياحقييير 
عاصم غمض عيونه بعد حس ان زودها : امي لو سمحتي ديري كيف ماقتلك بس عشان سعادتي علي الاقل 
فتحيه بصوت عالي :  هضاكييييي لما تكوننننن اللي جايبها...#يتبع 
عارفتها قصيره عشان مقدمه ❤❤
شن متوقعين وشن رايكم فيها كمقدمه هيا لايك مش حيتعبك عشان نعرف كم واحد يتابع فيها 
وطبعا استقريت ع العاميه حسب رائ الاكثريه 💔🤷‍♀️
استنوووني ❤❤

لقراءة باقي حلقات الرواية : اضغط هنا
google-playkhamsatmostaqltradent