رواية هل هناك فرصه الحلقة الأولى 1 بقلم كوكي و ندى السعيطي

 رواية هل هناك فرصه الحلقة الأولى 1 بقلم كوكي و ندى السعيطي

رواية هل هناك فرصه الجزء الأول 

رواية هل هناك فرصه البارت الأول



رواية هل هناك فرصه الفصل الأول 

#هل_هناك_فرصه 😔 جديد في الحلقه 1 👉
بقلم : سلطانه كوكي والسنيوره ندى السعيطي 😎

#المقدمه_عنها /

"توليب" الخوف في كل آنسان وآكتر شي للآنثى هي
تخاف واجد وتنظلم وتتعذب واجد ليش ؟؟
بحتت في آختي الكبيره يلي سارحه في كتاب يحكي عن قوة المرأة وجبروتها اختي تفرق علياا واجد

هل تعلمو ان ممنوع الكتاب هضا في الحوش ! ممنوع الطلوع ! التفريج عالتليفزيون كل شي ممنوع 😥
مسحت دمعه نزلت مني كل شي ممنوع ألا وخدت الشهادة الثانويه انا اسمي توليب السنه هذي اكيد اخر سنه نقره فيها لان من بعد وخدت الشهاده خلاص 💔
جبروت وقوة الرجل انا قدامهااا ولا شي تنهدت وغمضت عيني عندي امتحان بكرا الصبح 😞

"هويدا" رفعت راسي وشفت اختي توليب رقدت تنهدت اختي حاسه بيهاا خايفه وتبي تكمل طموحاتها ودراستها بس في الحوش هضا الممنوع اساس حياتنا سكرت الكتاب ودسيته تحت السرير هالكتاب جاني هديه لان نحب واجد القراءة انحرمت ان انخش للكليه ليا سنتين طالعه من الثانوي انا وخويا التؤم اسلام بس هو كمل مشواره الدراسي عكسي انا لان الاختلاط في الجامعات والمعاهد مخوف عيلتي بشكل مش طبيعي نعرفكم علي نفسي اسمي هويدا عمري 20 سنه واختي توليب عمرها 18 سنه هي قريب تطلع من الثانوي ودورها حايجي زي ما فات دوري زي ما أنهرت وابكيت حاتبكي خيتي اكيد 💔
ومش بس هي حايبكن خواتي التؤم يلي السنه شهادة اعداديه بحتت فيهم وابتسمت رقدات كانت غرفتنا كبيره وتسدنا مع بعضنااا صبيت وطفيت الضي ورديت رقدت في سريري واحلامي واجد مش عارفه هل يجي يوم ويتحققن

هل حانكمل دراستي ؟ و يجي يوم ونفرح بييه من

كل قلبي فرحه ادوم للأبد ؟ تنهدت وهمست يارب ❤

________________________________________

الحلقه 1 /

*ايه* جهزت نفسي بسرعه انا واختي سهى ونوضنا
توليب عشان عندها امتحان وتأخرت وهويدا طلبت انوضو توليب غصبا عنها وهي قعده تجهز في فطورنا

توليب بكسل بحتت فيا : الساعه كم توا ؟؟
ايه : الساعه 7 ونص نوضي ساد
توليب شهقت : حييي عليا تأخرت وطلعت تجري
ضحكت عليهاااا ولحقت سهى للمطبخ مع هويداا

"توليب" بعد طلعت خبطت في خويا شرف خفت منه لان واعر بكل هضااا بحت فياا زين
شرف : حقي عماااه ان شاء الله ناقص انا وخش لغرفته مع خوتي انا بلعت ريقي انسانه ضعيفه نوعا ماا خشيت للحمام وسكرت الباب علي روحي ودقات قلبي سريعه جداا الخوف يجري في عروقي 🔥

"هويدا" سمعت صوت شرف خويا بحتت في جهت باب المطبخ كنت نبي نطلع ونشوف
ايه : لا يا هويدا فكك منه توا ينفصل عليك
سهى : اها فوتيه وتوليب ابخير وخشت للحمام
انا نزلت راسي ورديت لمكاني مديت كل وحده منهم فطورهاا وبالي مع توليب رجيتها حتى جات

وتؤمي اسلام عدا يوصل في ايه وسهى للمدرسه
اما توليب يلي توا خدت اميه وبس وكانت مستعجله
قلت بهدوء : خودي فطورك 😐 علي الاقل
توليب تجنبت تبحت فيا : انا متأخره وتوا يجي خالد ويطلق لسانه عليا عارفتيه
كنت نبي نحكي بس فعلا صوت خالد لعلع الحوش

خالد : انتي يا بنت هياا اخرتيني
توليب طلعت بسرعه لاعنده وعدت معاه وما وقف
هزايب زي عادته اه يارب عيلتي غريبه بكل واساس هضا كله هو ترابية باتي القاسيه هو طالع من صبح ربي وامي راقده ومزال شرف نرجا فيه نعطيه يفطر ونتخلص من هرجته 💁

"توليب" بلعت ريقي وقعدت نلعب علي صوابع يدي من صوت هزايب خالد يلي شبه كل يوم 😕
خالد : المدرسه ماعش فضت بكل نتخلصو من هويدا تطلعي انتي ومزالن خواتك يلي حايخشن الثانوي السنه الجايه وشيل يا خالد وجيب يا خالد عليك دره كبد عالصبح وحق الله والبنت مكانها في الحوش 😡
توليب خديت نفس وبحتت في المدرسه مع الروشن نطيت مفجوعه من صوت خالد يلي قريب جاتني سكته قلبيه منه

خالد : كم مرا يا خرا قلت ماعش تبحتي في الروشن
شنو الغبيه هذي يلي ما تفهم
ولف السياره زي العاده وخشاها جوا ونزلت شافني خشيت وتأكد طلع نزلو دموعي اه ياربي 💔

عدم الثقه توجع خوفهم ان البنت تجيبلهم العار تذبح

تنهدت وخشيت وحضرت أمتحاني وعقلي مشتت !!

"هويدا" شبه شغل الحوش عليا بعد بطلوني من الدراسه 😴 طلعت من المطبخ لغرفة شرف بعد سمعته ينادي فياااا البارد هضاااا فتحت الباب وقلت بصوت بارد : نعم 😑
شرف : كنك تحكي هكي يا دعوا انتي
هويدا : نحكي عادي ما نندر عنك شنو واخد عالصبح
عشان تسحبني نحكي بطريقة مش عاجبتك 💁
ما كملت كلمتي من شيشة العطر لطها فيا بس فطنت وطبست طبت في الباب ورايا ودار شق انصدمت بحتت فيه : كنت حاتفجغني جنيت انت 😡
شرف : نفجغك ونقتلك اخرا درقي من حداه خلقتي احسن ما نرتكب فيك جريمه وخودي لبستي حدديها ليا عندي شغل سقدي روحك وجهزيلي الفطور
هويدا : توا معليش هضا كله نبي نجهزه لك ؟؟
ليش ما تحدد بنفسك وانا نجهز شغل البنات يلي هو في المطبخ 💁 !
شرف : نعد من واحد للتلاثه نلقاك هنا ومزلتي اتلاطعي فيا تي راسك هضا نفتحه لك
بحتت فيه زيين وطلعت بسرعه وانا معصبه بس نداني اخرا ناخد لبسته عشان نحددها خديتها وطلعت نحدد فيها له بسرعه وعديت جهزت الفطور علي جيت باتي خش عليا يشرب في اميه شافني حايسه قال

محسن : شغل الحوش افضل من قرايتك في الكليه والقطف الفاضي هضا والحوش ستره للبنت تعلمي شغل الحوش اكويس بكرا تجوزي يطلقك راجلك بعد يلاقيك ما تنفعيش في شي غير قرايتك وطلع من المطبخ وانا انسانه شبه متحطمه 😔💔 كلامه كان
قاسي جدا قعدت انقول لنفسي ما تبكيش يا هويدا
خليك قويه بعد وقت خش شرف فطر وهو قالب وجه علياا وبعد صبا مكرني وقلب السفره كسر يلي فيها وبحت فيا وبخبث : شغل البنات ينضفو وطلع

تنهدت وهمست : الصبر يارب وطبست لميت الزجاج يلي طايح عالآرض وانا سارحا ما حسيت ان جرحني الا بعد فطنت للدم تأففت : مش وقته بكل وصبيت بسرعه غسلت ايدي يلي تنزف وبعدها لفيت صبعي باللصقه متع الجرح وكملت حوستي علي خشت امي قالت بدون ما تقول خير : وتي فطور انا وباتك جاه توا وطلعت انا شديت علي يدي ولفيت اخرا للغاز ولعت عالشاهي خاطري نعرف ليش المعامله هذي ؟

بنضرهم ان القسوه ترباية البنت ؟ تي عليك حاله ما عندي ما انقول غير ربي يفرج وخلاص ❤

"توليب" الحمدلله امتحنت وحليت قعدت نراجي في خالد مع الروشن طول علياا مليت حبيت نطلع اشويه للحديقه علي جيته هو وبعد شافني نبي نمشي للحديقه 🔥

#يتبع

ورايكم كبدايه 😻

تحياتي لكم سلطانه كوكي وندى السعيطي

لو مذكرين الطبيبه الجميله متع جاسر وندى

ههههههه نحنا يلي كتبناها بعد غياب شهرين

جيناكم 🙈🙈 وتوقعاتكم في الروايه 🔥💪

وطبعا ليست واقعيه ولكن تحكي عن الواقع 😤


لقراءة باقي حلقات الرواية : اضغط هنا
google-playkhamsatmostaqltradent