رواية نقيض بلهفة عاشق الحلقة الأولى 1 كاملة

 رواية نقيض بلهفة عاشق الحلقة الأولى 1 كاملة

رواية نقيض بلهفة عاشق الجزء الأول 

رواية نقيض بلهفة عاشق البارت الأول 

رواية نقيض بلهفة عاشق الحلقة الأولى 1 كاملة


رواية نقيض بلهفة عاشق الفصل الأول

رواية شاب واقعيه.
#بعنوان_نقيض_بلهفةِ_عاشق_للكاتبه_shosheta..

الروايه عاطفيه 🔥للعبره❤️

هالمره نحكو ع جانب عاطفي
لشاب كيف بدت حياته وشنو صار معاه

والحق عجزت ع اختيار اسم لروايته
مسميات واجد بس ف نهايه خذيت الي كتبته عالصوره.

نبدو ف(( جزء بسيط)) من روايتنا وبعدين تعرفوا ليش كنت محتاره ف اختيار العنوان❤️

قراءه 🔥🔥❤️❤️🤗🤗

بالجو ي خوتنا القصه فيها جانب كبييييييييييير من الحرام

وفيها كسر خواطر ناس
وفيها كذب ونفاق.
وانتمنى ان الي فيه عله وغلط يراجع روحه قبل م يجي يوم ويخليك تندم ندم عمرك الي عدا كلا بس..للاسف
ح يكون متأخر الشي هذا

نا العبد لله اسمي 《 مهاب》
وحيد ع3 بنات..

وحدا توفت وهي صغيره خابطتها سياره

قعدت نا وبنتين وامي وبوي
من جيتي ع الدنيا امي مدلعتني
وحتى خواتي
ميتحملنش شي في..
ورغم حالتنا الماديه التعبانه إلا والله عمري م حسيت ب ان شي ناقصني
ايش م نبي امي اتوفرلي..
حتى انها والله مرات هي متاكلش عشان ناكل نا.

حالتنا تعبانه من يومنا..
بس مفش مره مدت امي يدها لحد
مفش مره حد جا صبى عليها ف شي وما عطاته حتى لو هي مستحقتلا الشي هذا إلا أن والله تعطي فالناس واتحب اتساعد

عمرها م حد خش عليها لقاها تبكي ولا مكشره ولا مضايقه..
مفش مره بينتلنا ضيقتها ونقص حاجتها

ديمه اتبحت فيك وتضحك ف وجك
وديمه ع لسانها ادعيه..

امي..لميمه..لكبيده..الروح..العمر..الفرحه..الامان..الحب..العطاء..

من بعدها يفنى كل شي
من بعدها يحرم واحد يكون كيفها
من بعدها مستحيل حد يكون زيها

ببساطه لانها امي وتاج راسي ونور عيني..

من صغري الدلوع المشاغب فالحوش
ايش م اندير مستحيل تضربني
مهما كبرت وغلطت.. اتجي تمسكني واتشيلني ف غمرها
واتقمعز بي.. واتخليني ع رجليها ومرات بينهن وتسكر علي وتحضني من ظهري..
مزلت اصغير ف وقتها نقعد نضايق من المسكه هذي..

هي دايرتها لي زي العقاب..
بتعاقبني..اتجيبني ف كترها واتسكر علي وتحضني..

واتقرب ع وذني وتقعد تسهري فيا..
مش عيب الي درته ي اوليدي
مش عيب توا تضرب الكوره ف دولاب واتكسر العوايز

مش عيب تمد يدك ع خياتك..
انت راجل والراجل ميديرش الحجات هذن..
الراجل يكون ديمه قوي بس مش داخل بيته عيب تقوا ع امك وخواتك..اقوا ع الي يجي شورهم مش عليهم..

انت وليدي الشاطر..الي تسمع ف كلامي..الي متزعلنش منك ابدا..
ولالا..

وتقعد تضم فيا اخرا.. وتسهري في
وكأنها كانت اتبنج فيا عشان نهدا

هذي الحركه الوحيده الي تعتبر نقطة ضعفي وهدوئي💔.❤️

كانت حنووونه بكل..وايش م تطبخ..زي اكلها ونكهته م ذقت.

مستحيل ناكل من برا الحوش
رغم راهي هي متوصيش في ولا منبها علي..بس هكي منحبش نحط شي ف فمي غير من ايديها..

شخصيتي من صغري عصبي نرفوز
مستحيل نسمع كلمة حد غير امي..
مش خوفاً منها..لالا حباً فيها بس..

ومكنش هالشي يبان من تصرفي..
لاني منعبرش ولا نحكي ولا شي..

كنت يوم نبي حضنها..
نمشي نكسرلها حاجه ف الكوجينه عشان اتعاقبني ب عقاب الي حبيته منها..
ولا نمسك اختي ونرقعها ونبدا نضرب بدون سبب..

والله هذا كلا عشان حضنها بس..
ديمه ريحتها سمحه هي❤️

تعالو نحكيلكم ع باتي..
شخصيته شخصيته غير امي بكل..
عصبيتي وتسكير راسي جاي من هو

كان واعر بكل مش عارف امي كيف متحملته..
ديمه يهزب ويضرب ع اتفه الحجات

ولما يروق مفش احسن منه

بس هاتو لين ايروق..

يشتغل اعمال حره..
وفتره سواق ع ابلات المعاهد ومدارس وموظفات.

ويدخن بكميه كبيره..

ديمه يلبس ويحب ادبشه محدد كأن خط واحد..

عادي جدا يمد يده ع امي عشان مش محدده ولا تحديده مش عاجبته..

من صغري فاطنلا يمد ف يده عليها
بس هي ولا مره شكت منه ولا ردت عليه ولا عطت فيه طريق

لما انشوفوه كيف يضرب فيها نكرهوه 🤬
هي مترضش ب هكي و ديمه تحول ف الفكره هذي منا.

واتقوللنا هذا بوكم..ومفش حد يكره بوه..

لما انشوف بوي يضرب ف خواتي منعدلش..

بس لما يمد يده ع امي نحقد عليه
ونتمنى اني نكون اقوا منه ونضربه ونمنعه..
بس للاسف وقتها صغير كنت..

حتى لما نوقف بينا هو وبين امي.. يمسكني معاها ويضربني عشان اندافع عليها..

ويسب ويلعن في يقعد..

وتعلمت العنف والسب والشتم والله من هو..

وقعدت انطبق فيه ع خواتي وشارع

》》》》》》》》》》》》
#و_هذي_غلط_اه.
غلك انك تتعاركي انتي وزوجك او العكس قدام اصغاركم.
خلو خلافاتكم بينكم راهو هالتصرف والله ينطبع داخل اعيالهم ويضر بعدين اكثر م يفيد انتبهولا👌🏼

》》》》》》》》》》》》

ومشن فيا هذن اول السلبيات..

امي متشتغلش بس يجيها ف مبلغ من خوها عندهم حاجه مأجرينها وشهري يدز خالي مبلغ لكل خوته

#خوالي2 و خالتي امي
اب امي وامها موعيتش عليهم نا كانو متوفيين

المهم كانت الحياه مستووره وقتها

وبديت نقرا..
نا طبعاً اخر العنقود

وبيني وبين خواتي 4\5 اسنين

عالمهم

خشيت للمدرسه. وكنت شاطر بكل..
و《لميمه》 واقفتلي الحق..
من نادر انجيب 9.5\10

ديمه انشارك وانطبق ومن الاوائل انجيب❤️

وكل م ننجح اديرلي الغاليه كيكات الحوش الي زمان عليها مربه وجوز هند

لحد توا نحبها مزلت❤️

المهم عليك فرحه كنت لما انروح واديرها لي كأنها دايرتلي كبده❤️

وسنه ورا سنه ورا سنه والحال ماشي..مرا سليم ومرا لا

طبعاً نحن نسكنوا ف مكان زي الشعبيه ف حوش اصغير دوبنا..

وامي كل الجيران ايحبوها
والجارات ديمه عندنا وهي تطلع مرا مرا لهن..(عشان بوي ميحبش الطلوع)
المهم.. علاقتنا ب جيرانا قويه بكل بكل..

وكأن عائله وحدا

كبرنا لعيال والبنات مع بعضنا سواء ف شارع ولا ف مدارس.

ديمه متواجدين مع بعض وعارفين مكانات بعض

مرات نمشي ناكلو عند بعض بس ناخذ حاجه من امي ناكلها عندهم

هم عارفين طبعي ميزعلوش من لقطه هذي..

تصدقوا والله حتى اختي م ناكلش منها ...هك انتقرف من كل شي م عداها هي(جنتي❤️)

ونقعدوا ناكلو ونشربو ونلعبو ..
ومرات والله حتى لبيات انباتو عند بعض..

مش توا اتقول لحد بنشرب عندك قهوا يقلب وجه😒🤬..
ناس رايحه قلوبهم سودا..

◇◇◇◇◇◇◇◇◇◇◇◇

حواشينا طول اليوم
مشرعات/مفتوحات
منسكروهن إلا وقت النوم..

خشيت سنه رابعه وجبت من الاوائل.. وروحت نجري للحوش بنقولها لامي..

دفيت الباب وخشيت لقيت بوي ماسك الحزام /سير امتاعه ويضرب فيها.. وهي تبكي..

جيت كريته من سرواله بكل قوتي اقريب وطيحته قعدت انهزب فيه عشان يسيبها

بدون م نعرف شنو صاير..
سيب امي ومسكني نا ونزل فيا ضرب وحلفلي ماني بايت الليله فالحوش..
وطردني من وقتها وصكر البااب
حوشنا كان اقريب من الجبل..

منبش نبكي ف شارع ويحقوني اصحابي

ومقدرتش نوقف دمعتي وبكيتي وقتها لان والله كانت قويه ضربته ليا..

مشيت اقريب لجبل وقعدت منطمر عشان محد يشوفني وبكييييييييت

كنت اصغير وقتها💔مزلت..

بعد وقت امي دزت اختي لجارتنا هذي اكثر وحدا نقعد عندها عشان ولدها صاحبي عالموت..

عدو سألو عليا بس مقالولهاش اني مطرود ومضروب وعقبو وصى عندها

بحيث لو جيت نمشي انطق عالباب..

من زعلتي معش تحركت..
من ظهر لحد المغرب وانا ف مكان هذا..

وعرم افكار شينه جن ف راسي..

وف صغرنا كنا انظاف من جوا نعرفوا وانحسو مزبوط.. ان الشخص هذا يحبنا ولالا..

وانفكروا ف افكار شيطانيه..

مش م نعرفوش..

المهم بعد المغرب جيت لجارتنا ملقيتش صاحبي عدا مع بوه قالتلي تو يجي

ونا بوي مياخذش في الا ف البهدله بس💔 م علينا

قعدت عند جارتنا جتني امي ساعه8 وجايبتلي لبسه وعشاء امتاعي..

وحكت معاي اشوي بدون م تذكرلي سبب الضربه شنو.. قالتلي خليك عند 《خالتك اخويره》《جارتنا》

لين يصبح الصبح وتعال..باتك حلف .راجيته يطلع يشري دخان جيتك بالسرقه
وحبت ع راسي وعدت وكلام هذا بدون م تنتبهلا جارتنا.. قعدت نا وامي ف مدخل الحوش جارتنا خشت تبي اتجيب لامي شي..

ميزتها امي عمرها م حرجتنا قدام العرب مش زي الي يقولن بوهم ضربهم ولا اتحط علينا وحدا قدام اصحابنا ومعارف..
لالا

ديمه اتبين ف الجانب لكويس من كل شي...

بتت ليلتها عند جارتنا..

وكليت من اكل امي ورقدت ومقلتش لحد ع نتيجه لان الي صار طيرلي النيه بكل..

وهلي م علموش ب نجاحي إلا بعد 5أيام من امهات اعيال جيرانا يباركلها عليا..

بعد روحت ثاني يوم سألتها ع سبب م قالتش حسيتها تغير ف موضوع امي..

حتى سألت البنات قالن مش عارفات

الي بين امي وباتي ديمه امي تخبي فيه علينا متبيش صورة بونا ف نضرنا اتغير.. ديمه اتبيض ف صفحته عندنا رغم ان هو ديمه مُصر ع تخريبها ب ايديه..

هلبن ليام واشوي اشوي كنت انشوف ف حجات اجدد يجن للحوش ..

ودبش باتي شراء جديد وبدل و...الخ

امي تحددله واتجهزلا وتبكي..

وغير هك مرات انجي للحوش نلقى امي ف المنور ويدها ع خدها و سارحه ومرات تبكي وتمسح دمعتها بطرف محرمتها.. متبيناش نفطنولها

وعداا اول اسبوع وامي دايره حمله عالحوش وساعدتها ف شيل وغسل فرش بنات امي متخليش فيهن ايديرن ف شي
مدللتهن كانت💔🔥
ونا معاهن واكثر منهن و الله 🔥💔

المهم منتحملش امي تشتغل بروحها نجي ندير معاها وخلاص حتى اشوي المهم انساعدها..

عدا الاسبوع بحملته..
وجا الاسبوع ثاني.. وحاس ان في شي..

امي داسه شي متبيش اتقولا..
فاتن ليام ودزتني لمحل قيس ساعه 1 ف قايلا جبتلها الي تبيه وجيت نلقى باتي فالحوش

ياخذ ف دبش مش عارف عليش..

هو.. يسهري مع امي ب الالغاز ونا وبنات مش فاهمين شي

شلنالا الحجات ف سياره..
و رد قال لامي وتي روحك انتي ولعيال ساعه7 انجي ناخذكم..
مش انجي ونلقاكي مزلتي..😡

اختي الوسطيه .وين بتاخذنا ي باتي
بندهورو

باتي. ادهوري عينك.فاضيلك نا..

اختي الكبيره.امالا وين نمشو

نا..☹️

باتي..كيف امكم م قالتلكمش

نحن..ب استغراب..؟؟ع شنو اتقول

بوي..😏😈🔥💔

امي..بالله عليك ي (منصف) تريحنا والله ماني قادرا نمشي😔💔

#وكانت اشوي وتبكي امي

بوي..لا بتمشي غصبن عنك انتي وافروخك.. شنو قلت نا🤬

امي..😭😭

نا..وين شايلنا قول ي باتي

بوي.. بضحكه ع جنب قال 😏بنشيلكم بعدين ل.......... . 😈🔥

نحن........😨😨😨😳😨😳😳😨😳😨😳😨😳😨😳😨
😱😱😱😱😱😱😱😱

#يتبع..

google-playkhamsatmostaqltradent