رواية اسكندر الحلقة الأولى 1 بقلم نور إبراهيم

 رواية اسكندر الحلقة الأولى 1 بقلم نور إبراهيم 

رواية اسكندر الجزء الأول 

رواية اسكندر البارت الأول 

رواية اسكندر الحلقة الأولى 1 بقلم نور إبراهيم 


رواية اسكندر الفصل الأول

رواية اسكندر الحلقه 1❤❤
للكاتبه نور ابراهيم
__________________
سنة1995
سالم: اني يابوي نبيها علاش تو تاخدولي ف وحده مانبيهاش
مصطفي: كان مقعمز على الكرسي هدا يلي ناقص بتاخد اجنبيه لا دينهم زينا ولا عاداتهم وتقاليدهم زينا
سالم: اني يابوي بناخدها سوا برضاك ولا بغيره
مصطفي: وقف وخبط العكوز كان خديتها لاعاد ولدي ولا عاد نعرف
سالم: ربي يسامحك يابوي .... وطلع
________________________

2018
يوسا: اووو مستاحشه ليبيا هلبااا
سالم: كلنا استحشنها
ماريا: الله على ليبيا وناسها
يوسا: به علاش منستقروش غادي
سالم: انتي توا خلاص تخرجتي نبدو نجو من الصيف لا الصيف هني وتو ندور حوش غادي
يوسا: الله ومن فرحتها بي استغراب به علاش منعيشوش ف القصر يلي تحكي عليه
سالم: ضحك
يوسا: بابا اني توا كبرت ونبي نعرف علاش لا تكلم في خوتك لا بوك مرااات تكلم ف امك وخواتك وخلاص
ماريا: هادي امور كبار معاش تدخلي فيها يوسا
يوسا: ماما اني كبرت ومن حقي نعرف كل شي
سالم: يابنتي زمان جدك لزني من حوشه لاني نبي نتجوز امك
يوسا: حطت يدها ف خصرها وعلاش انشاء الله لزك
سالم: لانها كانت مش مسلمه و كانت على دين غير دينا
يوسا: هادي حاجات مفيش حد ليه دخل بيها بديت نخاف منهم عيلتك يا بابا هوا انت ولدهم دارو فيك هكي لابال اني وماما



_______________________
مصطفي: مشيت لمصنع
اسكندر: اي ياجدي توا كنت فيه
مصطفي: به اتصلي بي بوك نبيه ضروري
ناجي:خش سمعت من يبيني 😁
مصطفي: اي نبيك انت واسكندر
ناجي: انشاء الله خير
مصطفي: خوك سالم غدوه مراوح
ناجي: بلع ريقه به
مصطفي: نبيك تجيبه هني للقصر
ناجي: علاش يابوي تبيه ف حاجه
اسكندر:يحرك ف الخاتم خلاص تم تو غدوه من المطار نجيبه هني
ناجي: بتوتر لالا تو اني نجيبه
اسكندر: به على راحتك هيي تبي حاجه ياجدي
مصطفي: لالا سلامتك تو
اسكندر: ناض ركب داره

______________________
رواد: تعالي حدادي السوريه هيا مستعجل الزح
منى: بالك تحسابني الخدامه يلي جايب هالك بوك
رواد: تو بتحددي ولا شنو 🤨
منى: صبرك يارب وخلاص من نقص الخدم يلي عندنا ناضت منى وهيا متعفلقه
رواد:لحقعا اني نبيك انتي ولما نقولك حاجه تقولي حاضر وتصكري فمك
اسكندر: شافلهم ولا دارلهم اي اعتبار
منى: ماشيه وتكشخ على رواد
منى: اسكندر 😶
اسكندر:فنص فيها قلت حسك مايطلعش اني ولاه
منى: بببه اسفه
اسكندر: وانت اعقل وكبر راسك
رواد: يشبح للتلفون به انشاء الله
خش اسكندر لدار وتلوح ع السرير
_________________________

فى الليل ف الجناح
منى: مبكري سمعت جدي يسأل على عمي سالم و قال ان عمي سالم مراوح غدوه
انتصار: نطتت من مكانها مراوح غدوه علاش يسأل عليه وعلاش يبي
منى: بالك بيرضا عليه ويبي يجي هني
انتصار: لالا شن يجي يقعد هني هدا يلي ناقص
منى: هدا حوش بوه ف الاخيرحطت يدها على خدها والله كان يقعد هني عنده بنت على الاقل تونسني بدل ماقاعده زي مالقي العزي بروحي
انتصار: نوضي من جنبي نوضي وانتي اخبارك تغم القلب نوضي شوفي حنااك و قصقصيها على موضوع سالم
منى: الله ياربي وين مانمشي تلزو فيا 🙍‍♀️

_________________________
الساعه 3 ف الليل
المشرفه: ماشيه وتشرب ف ميه سمعت صوت ناجي وانتصار
انتصار: هادي فرصتك كان هدا مستقبلك وحقك بتاع زمان بيضيع منك
ناجي: ......................
المشرفه: 😳😳
______________________
تاني يوم الصبح
اسكندر: بصوت روجولي وين القهوا
الخدامه: تفضل استاد
انتصار: صباح النور
اسكندر: شرب من القهوا صباح الخير
اسكندر : وين بوي
انتصار: مشي بيجيب عمك سالم من المطار
اسكندر: حرك راس بي اي
انتصار: باهي انت الحفيد الكبير وانت جدك يشوف فيك بدنيا ومافيها كان هدا غبرت
اسكندر: شبحلها وبه شن يعني
انتصار: باش نسترايح يلز سالم ويحرمه من الرزق باش تبدا انت وبوك الامر الناهي
اسكندر: اصلا ف كل الحلات كل شي لينا 😏
وخدي دخانه وطلع يسخن ف السياره
رواد:وين طالع
اسكندر: جدك يبي يمشي للمصنع
رواد: سمعت الالمان جاينا اليوم
اسكندر: نفخ دخانه وحرك راسه بي اي
رواد: تعرف عندهم بنت تي صاااااروخ النم
اسكندر: ومن وين تعرفها
رواد: لما اخر مره سافرت كنت عندهم غادي 😉
اسكندر: واطي
قاطعهم مصطفي
مصطفي هييي شن نمشو
اسكندر: سكر الباب وطلع ب السياره
____________________________

وبدو انتصار ونعيمه و سلوى يوتو ف الغدي لي عيلت سالم وطبعا انتصار عينها ع التلفون تستني ف ناجي يتصل ويفرحها

___________________________
منى:فتحت الدولاب وحطت يدها ف وسطها ياربي شن بنلبس لازم نلبس احلا حاجه
طق الباب
منى: منوووو
رواد: اني
منى: قلبت عيونها نبدددل ف حوايجي
رواد: فتح الباب كداابه امتا بتبطلي الكدب من لما كنتي فرخه يلي متبيشي يخش تقوليله نبدل
منى: هييي كان طلعت نبدل حق توا
رواد: وخلاص انتي متبدليش توا
منى: شن تبي
رواد: لا غير كسدت جيتك
منى: جابك ربي اما احلا القفطان هدا ولا هدا
رواد: الاحمر احلا
منى: حتي اني قلت هكي
رواد: بلا كدب تي نبصم بلعشره كان مقتلك ماك لابستي وكان مش مني تجيبلك ف الحاجات الحلوه زي هادي راهو منضرك رايح زي بااهييه الشغاله
منى: اطلع برااااا وقعدت ادف فيه لين طلع سكرت الباب وتنهدت وتلفونها شارين
منى: اكيييد هدا محمد ومشت تجري

______________________
ف المطار
يوسا: الله ع هوا ليبيا
سالم: بلادك بلادك وقعد يشوف يمين ويسار
الشوفير:استاد سالم
سالم: اي
الشوفير: خدي الشناطي منهم ومشو معاه
سلم ناجي على سالم وحظنو بعض وسلم على ماريا
ناجي: مشاء الله هادي يوسا
يوسا: اهلا عمو وسلمت عليه
ناجي: حط يده على راسها كبرتي
يوسا: ابتسمت
سالم : السياره متسدش تعبت بشناطي
ناجي: كان هدا اركب انت وماريا ف السياره ويوسا تجي معاي لانه سيارتي تسد مكان واحد
سالم: باهي به
ركبت يوسا مع ناجي ومشو بسياره
ناجي: سنه كم تقري
يوسا:ابتسمت لا اني متخرجه
ناجي: ضحك مايبانش عليك
يوسا: اي😊
ناجي قعد يخفف ف السرعه لين جت سياره يلي فيها سالم وماريا قدامهم
المجهول: شنو
ناجي: ابتسم وكانت ابتسامته كلهاا شر نفد


google-playkhamsatmostaqltradent