رواية جرائم في منطقتي الحلقة الأولى 1 بقلم اسماء أشرف

 رواية جرائم في منطقتي الحلقة الأولى 1 بقلم اسماء أشرف

رواية جرائم في منطقتي الجزء الأول 

رواية جرائم في منطقتي البارت الأول 

رواية جرائم في منطقتي الحلقة الأولى 1 بقلم اسماء أشرف


رواية جرائم في منطقتي الفصل الأول 

#جرائم_في_منطقتي 1 او المقدمه

كل القصص يلي في الروايه حقيقيه مافيش شي خيال🔥

ريناد:مش عارفه كيف وافقت اني نشتغل في خاربه زي هذي يعني بعد تعاب سنين في جامعه وفي الاخيره نشتغل في خاربه🔥كان المفروض نرفض عليش سمعت كلام بابا ما انا من طول عمري وانا نعارض فيه حتى لما كان يبي يقعدني بعد ما خذيت الثانويه ماوفقتش وخشيت لجامعه وخذيت شهادتي عشان نشتغل برا منطقتنا ونطلع ونشوف المدينه مش عشان نشتغل في مستشفى مسموح بيها كل شي غير قانوني وشرعي

اليوم انا صكرت اسبوع في المستشفى وربي حتى اسم مستشفى حرام فيها المفروض اسمها خاربه طول الاسبوع وانا دايره مشاكل مع الممرضات والدكاتره وكل حد يشتغل ف الخاربه هذي🔥كل مره خاشه ع دكتور وممرضه في وضع مش تمام او نشوف صاحب مخزن الادويه يهرب فيهن لتجار او تجيهم حاله وتكون مستعجله وماتلقش من يسعفها ف تموت💔شكيت كم مره لمداير المستشفى ان لازم يجيب معدات جديده ويزوق المستشفى وحتى ان لازم يغير الممرضين والدكاتره لكن طبعاً رافض لان عاجبه الواضع لا في راقبه ولا لجنه من صحه تمر كل شهر💔

كنت نحاول اني نخدم الناس لان المنطقه يلي فيها المستشفى شبه فقيره وناسها ع قد حالها
كانت نحاول نخلي كل شي كويس ع قد مانقدر بس شي
كان كل حد يشتغل في المستشفى هذي يساعد ع خاربها💔

ريناد:طلعت اليوم غصبن عني ماكنتش نبي نمشي وننقهر اكثر ع الوضع يلي انا فيه بس طبعاً عشان بابا رفض اني نخدم في المدينه لانه يسمع عليها حاجات مش تمام قررت اني نتحمل ع الاقل تعابي مايمشيش ع الفاضي
نزلت من سياره اتجهت ع طول شور المرضى وفي نفس الوقت نراجى في مريضه تجي عشان عندها موعد عمليه عندي
مر الوقت وماجتش المريضه نزلت تحت للاستقبال وهنا كانت صدمتي
موضف:اي ريناد جت من ساعتين ودكتور مختار استلمها
ريناد:بعصبيه..تي كيف يستلمها المفروض جاتني ع غرفتي المريضه عليش مشت لدكتور زفت مختار
موضف:ريناد اهدي وبعدين الدكتور خذا المريضه اول ماوصلت وخش بيها غرفة العمليات
ريناد:بغضب..بسيطه..وطلعت فوق في قسم العمليات وقعدت تراجى لين طلع دكتور مختار
مختار:داهش..كنك واقفه هنا
ريناد:لعند امتى وانا نفهم فيك ها؟؟المريضه يلي جو هذي شوري وانا المفروض نديرلها العمليه مش انت🔥
مختار:يحكي باستفزاز..خلاص انا خذيتها ودرتلها العمليه وللاسف ماتت
ريناد:شنو ماتتت😨تي هي لعند امس وهي كويسه كيف ماتت
مختار:حكم ربي..اهي عندك جو خشي شوفيها..وعدا
ريناد:خشت لغرفه العمليات.وكانت مقززه الدم في كل مكان والمعدات مش نظيفه هذا غير الرايحه يلي مش حلوه
قربت ريناد تشوف في نبض المريضه وفعلاً كانت مايته شافت لوجهه الواضح انها كانت تبكي بس كيف وهي واخذه مخدر وغير هكي في علامات ع وجهه وراقبتها وكتوفها
تنهدت ريناد وغطت وجهها وامرت الممرض ياخذها لقسم التشريح لان شاكه في شي وخايفه ان يطلع صح🔥
*******************************
ياسمين:عارفه انا كل يوم نغوص ونخش في الغلط اكثر مش عارفه ليش درت هكي بس حاسه روحي مترياحه معه مع ان هو فيه عيوب الدنيا كلها بس نشوف فيه زي الملاك❤️عكس زوجي يلي مش منقص عليا شي يلي مهتم بيا وبي هلي يلي كان يصرف عليهم وع تعليم خواتي وخاله خوي يشتغل في شركه محترمه ماننكرش ان كويس معي ومع هلي ويلي نبيه تجي لعندي بس💔اخخخخ
نحبه اي نحبه،نحبه لان مهتمه بي لان يصرف عليا لان طلعني من العالم الزباله يلي انا عايشه فيه وبرغم اني نحبه ونحبه اهتمامه الا اني خانته اي خانته ومع صاحبه اخر🔥💔اليوم صكرت سنه وانا نخون فيه وشبه ضميري مات خلاص يمكن عشان ماعنديش صغار مش عارفه السبب بس مع الوقت ضميري مات

ياسمين:عينك من روحك حبيبي
هاني:باسها..ح نرايف عليك غزالتي توه نكلمك اول مانوصل
ياسمين:ابتسمت..تمام
هاني:قرب باسها ع جبهتها..باي وعدا وهو يشورلها
ياسمين:شورلته وتنهدت صكرت الباب
ياسمين:الو حبيبي..اي توه كيف طلع..تمام نراجى فيك ماتتاخرش عليا...ههههه سخيف..هي باي
ناضت ياسمين طلعت فوق وطلعت من دولاب احلى حاجه عندها وقعدت تراجى في الكوافيره عشان تجيها وهي في قمه من سعاده💔
********************************
انتصار:هي حبيبتي نوران خشي اقري مع بنت عمتك
نوران:تؤ خليني شوي يا ماما توه نخش ماعليك فيا
نسيبه:شافتلهم وخشت دارها صكرت ع روحها وفتحت اكتابتها وبدات تقرا لان قريتها صعبه وخصوصاً انها اخترت تخصوص الطب❤️يعني تخصوص مش سهل ابداً

مرة ساعه واثنين و نوران ماقرتش ولا حتى خشت تقرا مع نسيبه
انتصار:يابنت صبي خشي اقري ماتنسيش انك تقري في طب يعني تخصص مش سهل
نوران:شافتلها..اوووووووف وناضت خشت لدار نسيبه وقعمزت ع سرير وفتحت التلفون وبدات تحكي
اما نسيبه تشوفلها ومش عجبها الواضع وقررت تحكي معها بعد تقرا

أسمـــاء أشـــــرف🔥
🔥روايـــات أســــــــماء أشـــــــــرف

ريناد:بعد ما الممرض خذه المريضه لغرفة التشريح قعدت ساعه ونا نراجى برا
عارفه ان الامور يلي زي هذي ماتمش بسرعه بس كانت نراجى في دكتور التشريح يطلع ويقولي اي شي

طول الدكتور جو وانا اعصابي خلاص تلفن معش قدرت نتحمل قعدت نطق ع الباب بس مافيش ايجاب وفي الاخير فتحت الباب وهنا كانت صدمتي
ريناد:تحكي بصدمه وذهول..تي كيف هكي
بدال ماتكرمو الميت هكي يصير اغتصاب وياريت حتى حيه لا وهي ميته💔 لكن وربي تشوفو....يتبع

هذي البدايه بس مزال ماشفتو شي🤫رايكن يهمني وفكوني من التم والملصقات🙏🏻
google-playkhamsatmostaqltradent