رواية نقيض بلهفة عاشق الحلقة الثامنة عشر 18 كاملة

  رواية نقيض بلهفة عاشق الحلقة الثامنة عشر 18 كاملة

 رواية نقيض بلهفة عاشق الجزء الثامن

 رواية نقيض بلهفة عاشق البارت الثامن

 رواية نقيض بلهفة عاشق الحلقة الثامنة عشر 18 كاملة

 رواية نقيض بلهفة عاشق الفصل الثامن عشر

وقد بنيتُ لك بين أضلعي منزلاً

عسى المقامُ بالمقيم يليـقُ🔥😍

قراءه  ممتعه 😚😚

واتذكروا انها للعبره❤️👌🏼

ركزوا ع تصرف هنادي كيف بيكون مع مهاب ..لقدام 🔥❤️

》》》》》》》》》》》》》

قتلكم ولا مقلتش 

هالبنت هي شي خاص ليا

 وكان نلقى منبيهاش  تحتك ب اي  حد غيري🤬

حمقت ب ازياده بعد شفتها مع الممرض هذا..

من يوم جيت للمستشفى ونا وياه منتقابلوش بكل.

وفوقها متلاسن معاه فالمكتب..

وتوا يحكي مع  هنادي🤬

هو عدا من هنا وهي كانت بتمشي..

نا.. مشيت ومسكتها من اذراعها وسحبتها لدار الي جنبنا ودلفت الباب بالقوا علينا..

هي...مهااااب يدييييييي

نا..مش قتلك حولي من قدامه الواطي هذا مش عارفتيني منقبلش  بكل

هي..هو يحكي ونا مقدر...

نا..مقدرتيش شنو مقدرتيش اتفوتيه🤬

مقدرتيش اتسيبيه  ولا عاااجبك اه

واعيوني فيها  ... تهيالي نار بيطلعن 

هي...مش هكي ي مهاب.. انت فاهم غلط...فلت يدي اتوجع فييييي.. وبدت توخر وتبي تفلت يدها

نا..لا فاهم وحاااس  بس انتي الي مش حااسه بيا..

وسحبتها بكل قوتي ع صدري.. ودفيتها اصداري عالساس..

هي..😭مهاااب

نا..انتي مش حاس ب الي نا نحس بيه.. بطلي طيبه واهبال معش تردي ع حد..معش تحكي مع رجالا بيش تفهمي انتي بتجننيني😡🤬

هي..منحكيش ف كلام غلط وكلا ع شغل..متخليش عقلك يمشي بعيد

نا...مزالت اتقولي منحكوش ف كلام غلط  مزالت اتعودلي فيها..

تبيني انراجي وانشوفكم اخرا تحكو وتضحكيلا.. فهمني فهميني تبي هكي

  انتي..🤬

هي..مهااااب.. مش هكي بس هذا شغلي ..ولازم انرد على اي حد يبيني..

نا...ضجت والدم رقى لراااسي..

برمت ع الطاوله الي وراي وضربتها برجلي.. من عصبيتي وحمقتي...

هي..اشهقت

برمت عليها وقربت منها زييييييييين

لدرجة  ان نفسها حسيته..وصلني

وانبحت ف نص عيونها.. طول بنضره حااااده

نا..تعرفي..خليك ع كلامك تمام بس ورحمة امي نلقاك واقفه مع الفرخ  هذا اه وتحكي. ولا حتى تبي اكسجين لروحك واتصبي عليه..

واقسم بالله نكسره لك قدامك

 وآني حذرتك اه..🤬

وطلعت ونا شاااااااايط ونغلي من جواااا🔥🔥🔥

طلعت نبي  حد يقولي كنك بس بننزل فيه ضرب.

[

: رديت وقعدت فالعنايه..

ونا هك🤨😡🤬😤

تلمسني نطربق ف وجك

قعدت ف عنايه ومعش طلعت لين م كملت توكتي..

طلعت بنغير دبشي..

هنادي..مهاب انت رقت

نا.. مرديتش ومعطيها بظهري نحول فالبالطوا..

هي..مهاب بنحكي معك اشوي لو سمحت

نا..معندش حاجه نحكي فيها

وياريت تخلي علاقتنا رسميه.

معش نبي تواصل زي قبل

هنادي..😳مهااب

نا..بدون م نبحت فيها .قتلها الي سمعتيه..

هي..بس نا ي مهاب جيت بنقولك ان.......

نا..متكمليش..منبش نعرف شي  ولو سمحتي اطلعي بنغير  ملابسي.

هي..💔 تمام..واسفه  ع دخولي عليك

وعدت....

وقتها محسيتش بشي  غير ب كبرياء

ب بروووود ..ب شي قاسي..

شنو نبي فيها ناقصني هم ونكد نا تعدي تولع...انا منبيهاش.. ومعش نبي نختلط بيها ولا  نبي نحكيها..

اصلا من الاول كلامي معاها غلط ف غلط..

روحت ونا نحكي مع روحي

خذيت تكسي وروحت..

 وطول الطريق سارح ف الكلام الي قالا لي عقلي(قلبي غميت عليه بكل)

بعد يومين..مشيت لشغل بدون م نحكي معاها هنادي  بعد الي قلته لها  يومتها...

جيت للمستشفى..

 وكيف خشيت هك نسمع ف دوشه..

الاسعاف... حادث كبير ..

دوب كيف كملت لبس وطلعنا استقبلنا المصابين.. 

جيت سياره ثانيه وجابت 2اخرا..

المهم المستشفى انقلب والعائلات جو وصبايا م ودك اتبلغهن بشي..

نديب وصريخ والمصابين تحت الاجهزه وفالعمليات   والي كويس ف القسم  لاخر قاعددين

يومها حتى التوكه الي تبي تسلم واتروح قعدت معانا تساعد وتستقبل

لين استقر الوضع وهدا..

 وهم روحو.. ونا وفتح الله وشبوب اخرا قاعدين فالعنايه 

يومها مقدرتش نسيب عنايه ولا لحظه..

ومطلعتش.. والمهم الحالات نزيف وهبوط  وكسور و.........الخ

يبن ملاحظه..

ولاهي فالشغل  ...

ومخطرتش عليا هنادي إلا بعد6\7 ساعات..

جت ف بالي وفتتها..

 وكملتي شغلي بعدها وروحت..

ادوشت  فالحوش وغيرت ادبشي وبنمشي نغير  لواحد جرحه فالحوش 

 وجارتنا عجوز كبيره بنعلقلها تغذيه..

المهم..

ونا طالع خشيت عالواتس

هي لاغيه الصوره وآخر ظهور اليوم  ومن 45دقيقه😕🤨

طفيت نقال ومشيت..

 اليومين لخرات معندش..

وعدن كيف م عدن ليام..

ثالث يوم..  مشيت لشغل

لقيتها قدامي..

لا واخرا وين فالعنايه.. جوا

نا..سلام عليكم..

هي.. دوبها شافتني ومعش بحتت وعليكم السلام.

نا..😕ف عقلي كنها قاعدا

 وفتح الله وين مش قاعد

جيت بنسألها وسكتت..

لبست كمامتي ع فمي واقلافزاتي..

 ومشيت نقرا ف  ملف كل واحد..

 توء متريحتش..

كنها قاعدا هذي

وبديت ف شغلي ع جبت 

فتح الله(..السلام عليييكم..😅طولت اه..

نا..اشرايك 🤨

هو..عندي موعد كنت😁

نا..موعد بايخ زي وجك ليل توا..

هو..لا موعد مع فني تصليح😂 العزوز غسالتها خاربه جبتلها هذا صلحها..كمل وجيتكم جري..

هو..اووو هنوود انستينا والله😁اسمحيلي توا غير  ركزت

نا..🤬(بحتت فيها بعد سمعت كلمة صاحبي.. وهي بحتت في..

هو..طمنوني شنو الوضع..

 وحكيتلا الحالات شنو فيهن

 وهنادي مزالت قااعدا..

نا..مش عارف ليش كنت بنوزعها

نا..ي دكتوره..تقدري تطلعي اهو جا فتح الله 🤨

هي..عارفه

نا..😕🤨

فتح الله ..كنك اطرد فيها خليها اتساعد بيش انتريح نا.. وتشتغلوا انتم😁

نا..لا خليها تشوف حالها.. اكيد عندها  شغل غادي ف مكانها..🤨

هي..راسها فالارض مردتش

فتح الله ..يرا كنك..البنت  قعدت تشتغل معانا توا كيف مشفتش الورقه الي معلقها (مرعي)ليام لوله 

نا اي ورقه

هو..اشوي تغيير ونقل داير

ومنها.. هنادي ح تبدا معاناا... وباقي بنات  وزعوهن ع  الاقسام لخره..

نا... بنقعدوا ثلاثه يعني..😒

فتحت الباب وطلعت

فتح الله ..يرا كنك معاها انت اشدايرتلك.😠

نا..مش دايره شي وبعدين ليش م جابو شاب لنا عليش هذي

فتح الله ..🤨مهاب كنك اليوم  فيش اتحس.. م البنت نعرفوها 

نا..معرفتش م انقول (طلعت مني)ايش عرفها ب شغلنا هذي.. نبو الي يساعدنا مش الي نعلموه ونتعبوا معاه..

ع خشتها هي..

صدري اسخن مره وحدا

هي..متخافش..منبش منك شي ولا بنتعبك معاي..ولا تعلمني.كون مطمن..

نا..حسيت روحي حقير وانا نقول فيها وهي سمعتني..ومكنتش قاصد و الله..

فتح الله ..معلش ي هنادي امسحيها ف وجي.. مهاب مش عارف كنه قالب وجه فينا اليوم..

هي..مردتش بشي ومبتش تبحت ف حد فينا..

فتح الله  قعد يشيرلي  ويبيني نحكي معاها ولا نعتذر

 مش عارف الحصيل مدورتش

بعدها سكتنا ومفش غير صوت الاجهزا بس..

نا ولاخر جنب بعضنا وهي واخذا مكان  بروحها غادي..

شفتها تمسح ف اعيونها.. قلبي نغزني عليها.

استقبلنا حالة ولاده   تعبت بعد الولاده المريضه 

صبى عليها فتح الله  وهي جت معاه..

غير3 حالات لخرات..

وقعدت تحوس 

وعت المريضه وقعدت تسأل ع المولود..

قعدت تسهري معاها هي ..واتهدي فيها..(تسحاب مولودها توفى)المريضه 

 بعد وقت يبي يجيب قهوا فتح الله 

قال نجيبلكم

نا...ااه والله..اليوم مخذيتش بكل

هي..لا شكرا منبش

عدا وجا..

خش..مهاب حطيتها لك برا..

نا شربتها ونا جاي.اطلع اشربها..

نا..تمام هي.. ومشيت نحول ف لقوانتي/لقلفزات/

هو..هنادي امسكي..جبتلك هذي بدال القهوا..🍫

هي..شكرا ليش اتعب ف روحك..

هو..حلاوة اول يوم معانا.. انسي الي امبدري صار..

هي..شكرا..وعادي مدورش/مش اول مره اصلا يصير  الي صار .ف عادي

نا..😒🤨

طلعت  ومنبش نطلع كنت

شربت  القهوا وخشيت

لقيتها تحكي معاه..

سمعتها اول  م خشيت ويحكوا ع الحالا والدواء..

بس اول م قربت اشوي

 سكتت هي..

نا..🤨

ب اختصار ..صارت هنادي معش تحكي معاي بكل حتى تبي شي تمشي ناحية فتح الله وتحكيلا..

ولا تكلمه وتسألا..

وغير هك..متبحتش في بكل هي..ي اتبحت فالمرضى// ي اترد ع الي معانا.. ي ساكته وقاعدا بروحها..

 وهكي  اغلب وقتها

صح  نا وفتح الله  منحكوش ف امور شخصيه بس هوا يبيها اتشاركنا الحديث..

فتح الله..هنادي جيبي كرسيك وتعالي هنا.. عليش  قاعدا بعيد قربي اشوي

نا..من جواااا🔥🔥🔥🤬منبيش هو يحكي  معاها

هي...حتى هنا اكويس..

هو..غير تعالي انتي منا وفينا مش برانيه...

 وصبى عطاها كرسيه هو.. ومشى جاب كرسيها وخذاه هو...

نا..🤬

هي..🥰شكرا

هو..ايواه خليك هن وشاركينا😁

هي..🥰معندش م انقولك والله

هو..باهي اسمعي واسكتي😁😅

هي..باهي..🥰

نا..هأحمممم..كححكحكححكح😤

هي..بحتت في..

فهمت علي..

نا..فيها هك🤨🤬 بعد كحيت

فتح الله..صحه  صحه ي نصي..

***************

لما نقعد نا نشتغل هي متساعدنيش

ولما يشتغل فتح الله  تساعده..

تبي شي..فتح الله 

 ناقص شي..فتح الله 

بتطلع مثلا...فتح الله 

وناااااااااا😟..متقوليش ف شي 😤بكل..

صح قتلها  خلي علاقتنا رسميه  ومتحكيش معاي..بس مش قصدي لدرجه هذي..كنها هكي هي.معايا

》》》》》》》》》》》》

#شوشيتا

ولو ي مهاب..انت زعلت البنوته..

وهي كانت  تأدي ف شغلها وانت عصبت عليها..

ولما جت تبي تقولك شي

قتلها منبيكش ورسميه م رسميه..

ليش النقيض هذا.. ليش م اتقول مقدرتش ع رسميتها وبعدها وجفاها لك ..

ليش م اتقول ان النار والعه ف صدرك في كل مره تحكي فيها هي وصاحبك.. حتى ع مريض ولا شي تافه..

ليش م تحسن علاقتك واتقول انك تبيها.. اعترف ب لسانك خير م تعترف ب تصرفك...😏😜

》》》》》》》》》》》》》

#مهاب

لا نا منبيهاش زي م ف اعقولكم😤 نبيها تحكي معاي بس واتعاملني زي فتح الله ..مش اكثر..

#شوشيتا

خايفه انقولك بنشوف اعيونك ي مهاب عشان نتأكد من صحة كلامك

يطلع الي ف اعقولنا صح وانت اتكابر..

#مهاب...

شوشيتا كملي روايه خيرلك😤 اعيوني..م فيهن شي..😤😤😤

#شوشيتا...بكرا يبان 😜ي مجنون

غيرتك مش ديمه ح تقدر تخبيها

◇◇◇♡◇◇♡◇◇♡◇◇♡

#مهاب..

من قال اني نغار من فتح الله  عشان هي تحكي  معاه.. لا نا اكبر من هك..

هذا جو اطفال  نا منديرش...😤

》》》》》》》》》》

ويمشي  الوقت... 

 ويجنا ف حالات طارئه/مفاجئه وع طول انحاولوا نستقبلوا وانديروا اللازم..

كانت في حالا عندها اميه ع رواياها(رئتين)..

والعجوز.. حالها كل مالا يزيد ويسوء..

(زي م انقولوا اتوفي ف عمرها

في اخر مرحله للمرض..

جسمها..جلد على عظم بس منفخه انفاخ تلحظه انت الي متعرفش فالطب..

عالقيلها الاوكسجين.. وتفتح ف اعيونها..مرا مرا..

هلها يطقوو يبو يشوفوها.. ونحن مانعين زياره وقتها...

طق الباب.. شافت هنادي.. ونسمع فيها تقنع ف هل العجوز بس م قدرت..(طبعها حشومه  وتنحرج وينقدر عليها ب الالحاح بنت هذي😤

بعد اشوي..حكت مع فتح الله .. وسمحت ل بنتها و ولدها يخشو يشوفوها دقايق

 ولدها..بحت ف امه وبرم وجه على طول معش قدر يبحت..

وتأثر ب شوفتها...

بنتها تبكي.. وتلمس ف ايديها..

هنادي  ولاول مره نشوفها هكي..

قعدت تمشي واتبحت فيهم ووقفت بعييده ..

العجوز..تاعبه الحق.. وتاخذ ف نفس بالقوا.. صدرها يرقى وينزل...

اتبحت ف اعيالها واتنفس بالقوا...

 وكأن كان تبي اتقووللهم شي.. مش قاادرا💔

بنتها تبكي ع يدها..

فتح الله..معلش ي اختي ميجش هكي والمريضه تبي راحه

 ميجش تبكي قدامها..تفضلوا اطلعوا برا..خلوها اتريح..

 وقعد عليهم لين طلعهم ويسهري معاهم عالحالا...

نا كنت نبحت فيهم.. ونجهز ف الدواء بنعطيه للحالا لخرا..اشوي اخرا

وبرمت ع جنبي اليسار..

هنادي مركزه فالحالا زييين  بعدها نزلت راسها .

خش فتح الله 

نا.. جهزت الي ف يدي.. وسيبتهن

 ومشيت لهنادي...

نا..هنادي..

نا..هنااااديي كنك..

هي..

نا..نحكي معاك بحتي في..

ع جية   فتح الله 

هي..رفعت راسها فيا.. اعيوونها مغرقات ادموووع..💔💔

نا..معش قدرت نسألها..

شفت اعيونها هكي زمطت ريقي..وسكتت💔🔥

فتح الله..كنك تبكي شنو في

هي..انا كذبت عليهم وقتلهم امكم اكويسه..وهي تبي اتموت شوف  صدرها شوف نبضها..

نا......

فتح الله ..الله غالب المسكينا هذا عمرها وهذا نصيبها وانتي مكذبتش..

هي هكي اكويسه عن الي جتنا بيه..

 وبعدين كان ع كل حالا بتموت بتبكي مع اعيالها..

خلاص انجيبوا كراسي وانديروا العزاء فالمستشفى وخلاص

هي..

نا..

هو..ي هنادي عارف ان هالشي صعب ونحن قبلك مرينا بحالات لدرجة نحن مقدرنش نبحتوا فيهم شي متشوه  وشي جسمه دوبه عالق ومقطوع منبش انقولك  الاكثر

هي..رفعت راسها فينا وادمووعها شلاااال..

هو..اهاا حالات ربي م يكتبهن على حد... لازم اتقوي روحك.. مش هكي..

يجوك هل المريض بتقعدي تبكي قدامهم معقولا.. انتي هنا بتشجعيهم وبتقويهم واتصبريهم مش  اتزيديها عليهم..

هي..بس يوجعوا والله..🔥😭

هو..اسمعي كان بتكملي ف مهنتك بتفوتي قلبك/مشاعرك..ملهنش مكان هنا..

هنا بتجري  وتسعفي واتعايني  عشان  خاطر المريض وهله وع انك تثبتي لنفسك حجات واااجد مش وقتهن توا منبش نقولهن لك..

امسحي دموعك  وهيا موعد الادويه..بتعطي المرضى ولا بتخليهم يموتو...

هي..بنعطيهم❤️

هو..خلص هيا ...ولا مش هكي ي مهاب...

نا..اءء...اه..اها.. لا صاح..

قلبك سيبيه برا المستشفى..حطي مكانه حجر وخشي.. بيش تقدري اتكملي.

هي..ان شاءالله..

》》》》》》》》》》》

#بعيد عن الي صار..باهي 

قتلكم اعيونها سبحان الخالق عليها صح..

اعيونها وهي تبكي ييقققتتتللللننننننن🔥🔥🔥

ايذوبن...

ايخلنك تنسته وانت اتشوووفلهن..

معش تركز  ع روحك..

اول مره نشوف حد هكي

 ومنبش نشوف حد بعد الي شفته فيها❤️🔥

 ومر   هالشهر ونا مزلت م درتش شي ..ماسك روحي..مزلت

داير روحي نقدر نفوتها البنت هذي

 وع بداية ثاني شهر..

بدا الجو يزيد على حده

هنادي طلعت تعرف فالشغل والحق دقيييقه بكل اخرا..

غير هكي عندها وسعت بال نا معندش ربعها...

اتسهري مع المرضى الي يكونوا كويسين.. وتشجع فيهم وتدعم فيهم بالكلمه الطيبه الحلوا...

بشووشه  ف اوجوهم.. وتساير فيهم..

في عجوز  قالتلها كان ربي معاطيني عيل غير وحيدي راني خذيتك ل اولدي...

نا..😒ااه..هذا م ناقص..ف عقلي..

هنادي صارت علاقتها ب فتح الله خير مني..

حتى ان يبصروا ويضحكوا مع بعض ونا فايتتني هي..

مرا اثنين ثلاثه  ...خمسه...عشره

لا وين هكي خلاص...

معش قدرت..

يجي فالصبح ينابشها.. تضحك ف وجه اتبحت ف وجي اتكشر..

شنو جن نا مثلا 😤

  وغير هك...حسيته مايل ليها هو.

وبدا يفوت فيا ويقعد معاها...

اخر شي.. كنت خاش ع لقطتهم..

هي وياه

 احذا بعضهم.. وايوري فيها شي ف نقال ويحكووووووو....

خشيت نا..قالي باهي الي جيت بنطلع  اشوي تو انجي..

نا..متكلمتش..

خشيت انبحت فيها وحتى المرضى  مشفتش من واعي ومن راقد 

قربت منها...

هي..مهاب كنك

نا..فيش كان يوري فيك..🤨وتضحكي

هي..مضحكتش..  و...

نا..ضحكتي..نعرفك راهو متكذبيش علي.. قتلك فيش ايوري فيك

هي..وعليش تسأل شي ملكش دخل بيه..

نا..والله..🤨

هي..ااه

نا..تمام بكل..عالله اتجي عيني عليكم وانتم قاعدين مع بعضكم زي توا باهي..وتو اتشوفي من الي له دخلا🤬 ومشيت..

يطق الباب  تمشي تفتح وتقعد تسهري..

صح مرات ممرضات بس كذالك في ممرضيين 

يوم يومين  ثلاثه اربعه..

معش نبيها تفتح.. ..

كل م حد يجي نا نفتحلا

وفي يوم فتح الله مجش وقعدت نا وياها.. فتحت اول مره لدكتور...

بعدها جا ممرض

بعدها جا ممرض اخرا..

بعدها واحد يطمن على بوه..

 وقاللها تحاليل م تحاليل شوفيهن...

خليتها اتخش واصيدتها عنند الباب وصكرته من جوا..

حاصرتها ف زاويه..

هذي اخر مره تفتحي فيها باب فاهمه..

هي.. بعد من عليا...

نا..هنادي.متحرقيش دمي راهو محروق خلقه.. الخارب هذا معش

  تفتحيه فااااهمه ولالا 🤬

هي..لما يقعد باب حوشكم هذك ساعه قولها..

 نا.. ونا قتلك..

هي..منشتغلش عندك نا تعطي في اوامرك..ياريت تذكر كلمتك وتلزم حدك...علاقتنا رسميه..مفش لا دلاله ولا جو بينا بيش تحكي هكي

ياريت تذكر هالشي..

وجت بتمشي مقدرتش...

كان قربت ح تلمسني.. وخرت

نا..منش متذكر  اليي بنقولها تسمعيها..  وسهاريك مع الناس والمرضى تنسيهن..

هي..بعد يقعد بابا  مشوخك عليا هذك ساعه تحكم.. وحول من قدامي كذا

نا..هنادي..متخلينش نعصب عليك..

هي..ليش امته م عصبت ديمه معصب علي واتهزب  واتعارك انت

نا..بعد كلمتها عطيتها الطريق..

معش نقدر نزيد شي اصلا..فعلا نا هك اصلا

يومها مدورتهش متبنج من كلمتها كنت

ثاني يوم.. مخليتهاش تفتح الباب ونا الي نفتح..

جت ممرضه من الحقن  تبي هنادي

قالتلها في حالا نبيك تسحبيلها  

طلعت هنادي..  طلعت وراها..

لقيته شاب  من جيلي هك🤨

هي..لا ان شاءالله ح نلقالك.. 

نا..هه متعرفش راهي غير تقعرك وخلاص.. متعينه جديد هذي ولخره

هنادي..😳😳😳😳😳😳

نا..فكيت من الابره من يدها بالقوا.. وقربت منها...بشوييش امشي ردي  للعنايه وتو انجيك..

هي..رمت باقي الحجات من يدها وطلعت..

سحبت لشاب ودرت روحي عاقل واعتذرت منه ع البنت وهكي..

 ومشيت..

خشيت للعنايه ملقيتهاش...

سألت فتح الله قالي جت سألت ع أ.مرعي)وعدت

نا..😠لحقتها طول ع مكتبه فوق...

لقيتها  واقفه اتراجي ومكتب مصكر..

نا..قربت منها  اشوي بيني وبينها حاجة متر واشوي..

نا..شتبي جايه بتنقلي صاح.. 

هي..متبش اترد..

نا..مش قتلك خليك فالعنايه.. هزيتلها براسي ..انزلي قدامي..

مبتش اتحرك..

نا..هنادي..متعصبينش انزلي قدامي..

هي..

نا..عليت صوتي بكل... قتلك امشي انزلي لووووووطه متفهميش انتي🤬🤬🤬

هي..انصدمت//انفجعت//متوقعتنش انديرها..

ناس قعدو يبحتوا

هي..مهاب في ناس تهيالي احذانا وطي صوتك..

نا..منحسش ف حد وامشي انزلي قدامي خير  م  ورحمة امي اندير شي اخرا  ميعجبكش راهو..

هي..تمام تمام.. ونزلت

نا..وانتم كنكم اتبحتوا ألهوا ف حالكم كذا م تصدقوا واحد يهارج تبحتو فيه😡👊🏻

ونزلت على طول..

 وخشيت للعنايه..

لقيتها مع فتح الله .. 

نا..منشوفش ف حد غيرها قدامي..

نا..من الخاربه هذي متطلعيش ..لين اتروحي..ان شاءالله من يجي ويقولي فلان روحه بتطلع تعالي امسكيها متطلعيش فااااهمه🤬😡😡🤬

فتح الله...مهااااااااب فاطن لروحك شنو اتقول..كنك مع البنت

نا..متدخلش انت..الكلام لها مش لك..

فتح الله ..كيف لها.. من يوم جت وانت حاط راسك براسها..

احكي كان في شي راسك قول متقعدش كل مره منبلط فيها..مش من باقي هلك هي..

نا..قتلك اطلع من الموضوع مش شورك انت..نحكي  معاها هي

فتح الله..وهي شوري نا..  انت عليش  محرقه فيك..

نا..هه شنو قلت...هي شور من..مسمعتش....وقدمت شوره..

هو..🤨شووري.. قتلك..

نا..اهاا وحتى هذي شورك.. وضربته بوني على وجه...

: هو..مهاب انت قد الي درته 

نا..اشرايك انت..🤨🤬🔥👊🏻

هو..تمام..خليك عليها... وطلع 

هي..😭😭😭😭😭

نا..سمعتي الي قلته اه..انتي شوري..مش شوره وشور الناس..خليها ف بالك

 ومشيت خذيت كرسي وقمعزت..

هي اجمدت ف مكانها معش تحركت..

مشينا3ساعات ونحن كل  حد ف حالا..

بعدها روحنا..

ع ساعه10.رنيت على  هنادي مبتش اترد..

فكرت ف الي درته ليوم ولقيت روحي..مش غير غلطان..مهتك تهتيك اخرا..

رديت لبست ادبشي ومشيت لحوش فتح الله.. وطقيت عليه  واعتذرت منه.. وحكيت معاه..وشربنا شاهي وكاكاويه من ايدين الحاجه امه.. وروحت...

فتح الله..صح نا منعرفش من فتره طويله بكل.. من خلال شغلي وايام مسكتي ع باب المستشفى  بس..

بس نشهد بالله راجل..مش سنكوح صايع حشاكم وحشاه من هالكلمه..

انا لما ضربته..هوا كان  يقدر يردلي الضربه..بس م دارها.. واكتفى بالكلمتين وتحملني ف ساعة غضبي..

لما جيته فالحوش واعتذرت منه..

قالي زارق عليك  من قبل  وفاااااطنلك كيف  كنت مع هنادي وكيف اتعامل ف الباقي عكسها هي..

 وانشوف فيك كيف تتنرقز لما حد يجيها.. 

رغم فترة الي جتنا فيها معاملتك معاها مش زي ايام غرفت الحقن..

مش عارف ليش ومستغرب منك..

بس محبيتش نكثر عليك ونسأل وقتها.. حاولت نلطف الجو وخلاص.

وغير هكي كان اتشوف

كيف يصير فيك مجرد م حد يذكر اسمها..حتى اتكون شارد ولا داير روحك مش معدل  بعد تخطم ولا تحكي....نشوف فيك..

تصرفااتك فااااضحاتك...😁

نا..انقنك الا بارد ونا الي جاي نعتذر منك وقلت غلطت فيك  وازعل

طلعت زارق علي خزي😤😤

هو....ميمشش علي الجو هذا..

قلت عيب نضربك قدام البنت بنطلعك بطل😂بيش ترضى بيك😂

ناا...تعاااركت معاه  بجو بصاره وروحت..

والله  روحت متريح..بعد م مشييتلا ب جو بايخ ع التصرف الي طلع مني وكان اول موقف بايخ بينا بس خذاه بروح سخيفه

   منبش انقول روح  رياضيه😅

 فتحت الواتس بعد روحت لقيتها فااتحه هي..

قعدت نبي اندز ومنبش

هالمره سمعت لقلبي❤️ ودزيت

نا..هنادي..

هي..

نا..هنادي ردي عليا بنقولك حاجه بس

هي..تشوف و متردش

نا..هنادي والله قعدت هادي وعاقل توا كان مترديش علي والله اندير اي شي راهو...وتهيالي شفتي منحسش ف حد الي  تطلع ف راسي انديرها وخلاص.

هي..لا من ناحيه هذي..أمنت وشفت وحسيت وانفجعت وصدقت

نا..حقك علي والله مش عارف كيف كنت نصرف معاك   طول الفتره الي مرت ولا حتى اليوم😟💔

انتي زدتيها عليا شندير😞😟💔

هي..كلا مني يعني..

نا..هوووفففف..تمام مني مني مني ناااااا ..باهي هكي..😤

هي..تفضل..والمطلوب

نا..هنادي..والله م نقدر  ع معامله هذي   خلاص  تعبت منها اكثر من قبل...

هي..انت الي  قلت  خلي علاقه رسميه ومعش تحكي  معاي..

نا..وانتي م صدقتي طول فتيني وقعدتي اتعاملي فالناس كلها كويس إلا  نا😟💔

هي..انت قلت كلمه خليك قدها  ..انا مكنتش نبي نقطع عليك  انت قتلي معش نبيك ..واحترمت رغبتك 

نا..ومسهل عليك طووول فتيني مفكرتيش   حتى مره ادزي رساله ولا تطمني علي.

هي..كنت نبي بس انت مخليتنش نغلط وانديرها..معاملتك ليا.. واسلوبك خلاني  نحس  انك تكرهني

نا..لا نا منكرهكش انا...😔💔

هي..عرفت اني بنحكي شي وسكتت..

نا..هنادي..

هي..نعم..

نا..تعبت من كذب ع روحي..

تعبت من قول ان نقدر نسيطر ع روحي..

تعبت من اني قعدت نهدي ف روحي

ب صالة الحديد وبضرب الناس

تعبت والله..🔥💔

هي..

نا..خلينا نردوا..منبش نخسرك نا يكفي م خسرت من قبل واتعبت..

خليكي معايا..  ومستعد لاي شي  تطلبيه مني   انتي  قولي

 وشووفي🥺💔

هي..

نا..تمام..مش ح نضغط عليك..

بس خلي ف بالك..

مدام انتي بعيده مني ح نقعد اندير في حجات  اكبر من الي فاتن..سلام

وصكرت..النت..

بعد ساعه.. لقيتها رانه علي..

رديت عاودت عليها..

قالتلك انلاقيك بكرا فالشغل ونحكيك شي  ع موبايل ميصيرش..

وح انجي نص توكه وانروح

نا.عليش 😟

هي..ظرف خاص..

نا..باهي.. وصكرت

قصدها مزالت بتعاملني رسمي هكي..

ثاني يوم  مشيت.. ولقيتهاا قدامي..

فتح الله ..معانا قاعد بس داير روحه اطرش ميسمعش..

وقعدنا نسهروا .. بس للاسف معامله رسميه

قالتلي..بنمشي لمصر مع الاهل وخذيت اجازه

نا فكرتها اسبوع.. 

طلعت شهر..

قالتلي جيت بناخذ اجازه وانقولك ونمشي..

نا..وبتقعدي قصدك غادي بدون م تحكي معايا💔

هي..مش عارفه تو انشوف متراجيش مني شي انت..

نا..تمام  شكرا عالصدمه الي عريق منورا..

 وطلعت وسيبتها معش جتني نيه نكمل..

وبعد نص ساعه روحت هي..

قعد جوي باايخ بكل 

طول الوقت نفكر فيها..

ف ليل لما روحت..

نجوى قالتلي جا اب نرجس مرتين يسأل عليك..

عدي شوفه..

لفيت ع طول وطلعت ومشيتلا

 وقتلا تفضل..

قالي..والله شنقولك.. وبدا يبكيلي فالحيط... ويلف وايدور

نا قتله عطيني من الاخر شنو صاير وشنو في ..

بوها..والله مش عارف ي ولدي شنقولك..وعارف طلبي مينطلبش بس الله غالب..تحملني فيه..

نا..ان شاءالله خير..

هو..لو اتقول باهي واتوافق على  طلبي نبيك تقرا فاتحتك على نرجس و.................

نا.....🔥🔥🔥🔥😳😳😳

#يتبع..

# shosheta..

 و اااااااه من الغيره مش هكي يقولو...👌🏼🔥😉

وااااه منه لمهاب صااحبنا..

فوق م ان عصبي ونرفوز 

اتجي تتملكه الغيره واتزيدها عليه🤤

بس يعني لحد امته بينكر هو ويقول عكس م صاير😉😜

 وغير هكي 

مهاااب..كان فيه اسلوب يمشي بيه

ردت عاملاته بيه هنادي  بيش اتعلمه شي من وراه..

برااايكم هل ح ايتحمل هو سفريتها وفوقها نشافة اسلوبها معاه.. ولا ح يدير شي ثاني  خصوصا. ان هو ميحبش حد يمشي كلامه عليه..

وشنو يبي والد نرجس من مهاب..

 وليش جا

 توا بالتحديد شنو السر..

شنو اتقولوا انتم..

google-playkhamsatmostaqltradent