رواية نقيض بلهفة عاشق الحلقة السابعة عشر 17 كاملة

  رواية نقيض بلهفة عاشق الحلقة السابعة عشر 17 كاملة

 رواية نقيض بلهفة عاشق الجزء السابع عشر

 رواية نقيض بلهفة عاشق البارت السابع عشر

 رواية نقيض بلهفة عاشق الحلقة السابعة عشر 17 كاملة

 رواية نقيض بلهفة عاشق الفصل السابع عشر

وفي  قانون عشقي..
القتل عند غيرتي حلال👌🏼🔥👊🏻
للعبره..🔥❤️
قراءه ممتعه..🔥🔥
هو الصوت جاي من ممر الي جنبنا وفيه غرفة الحقن..
نا..بين وبين روحي..هناااااااديييي🔥🤬..وطلعت بسرعه
 برمت ع جنب وشفتهم يخبطوا.. 
ع باب وسامحوني ع كلمتي..دبشهم مكنش عليهم..و....فهمكم اكفايه
فتح الله بدا يسهري فيهم..
ونا معندش روح مع السهاري..
طول اذراع🤬👊🏻
مشيت دفيتهم من عالباب.. وراحو ع الارض مش لاقيين دفشه/دفه/
شاربين لين طافحين..
ونزلت فيهم سب وتمريط..
عارفين وانتم اكبر قدر(كنادر الشباب الثقال  تلقوهن  زي نظام البوت القصير بس بمرمار/بخيوط..
نسمو فيهن كنادر الثقاله..
الحصيل.. كنت لابسها وانقاااني سحنت واحد  منهم بيها..
ضرب ع وين م يوجعك..
سحن/ركل/
وتهيالي بعد الضرب الي ضربته له
وفتح الله مرط لاخر😏👊🏻
وتهيالي م مسحتش خاطري..
جريناهم من رجليهم..ع اظهورهم..
خلينا نلعبوهم اشوي..
مش جو بيلعوا هنا عندنا
خلص ايتحملوا..
جريناهم من باب مستشفى وع بدايه القطران الي يدرسن عليه سيارة الاسعاف...  وضربتهم اخرا وخشينا  
ع جية شباب من الجها الي لاوره ممرضين..
 وفتح الله عدا يدور ف الغفير الي ع الباب وين منسخط وامسيب الباب 
المسكين&كان فالحمام اكرمكم الله..
 وهم خشو ال............🤬
مشيت شفت البنات وحكيت معاهن اشوي.. وخشيت للعنايه
#ديمه لقطات البايخه يصيرن فالوقت الي اتقول الجو تمام ميصيرش شي..
الغفير الحق مسيبش ف مكانه الا ف شي ضروري بكل 
لان ماشاءالله الامان الي عندنا معندش حد..
ليبيين وعارفين بعضنا👌🏼😏
ايتهجموا ع المستشفى اتقول شي مباح وملهش حرمته.. 
لا يحترموا الي يشتغلوا ولا المرضى
والحمدالله وهالمره عدت  على خير❤️..
ودرنا اللازم للغرف..
ب الاخص قسم نساء  وجراحه..والتمريض(حقن وغيره
مش ليلتها بس ع مدار الايام
ومشى الوضع..
وهالحلقه..ح اتكون لي ول هنادي بس😊
وللاسف ح تلقوني هبل توا ونصرف ب مشاعري.. ومعش نسيطر ع روحي
مش قصدي شي حرام لا والله بس تعالوا نقوللكم
انا علاقتي ب هالبنت.. علاقه غريبه بكل..
 انكون قدام الناس مهاب
وقدامها هي  ومعاها طفل..😊
مش عارف كيف هكي ومستغرب من روحي..بس مش قادر نفصل ع هالشعور والحركات..
نرجس..بارك الله فيها كرهتني ف
دين ام الحب بكل..
وغير هكي..نا كنت منوثقش ف ناس بسهوله ومنأمنش فيهم..وهي معقبتش خير..
 وبعد فقدت بدر💔 وهي دارت الي داراته..
 وصلت بي  اني انشك حتى  ف روحي..
وهالامر والله م ساهل
بعد تقعد انسان معرض ل صدمات ومواقف واجد واتكون انت من الناس الي يتأثروا وياخذوا درس من المواقف..
صدقني ح تقعد كل فتره شخصيتك تتغير
معش تقعد اترافق حد.. ولا اتجامل حد..حتى الي ايتودد لك ب دافع النيه الطيبه والمحبه..ح اتصده
لان الي مريت بيه انت  خلاك مش حمل مواقف وصدمات ثانيات.
وهالشي..طلع مني مره وانا نحكي مع هنادي.. وقتلها  معلش  انا معش  نوثق ف حد..
هي..وحتى نا متوثقش فيا..
نا..اها حتى انتي..ليش ف شنو تختلفي عن الباقي..
انا طايب من الدنيا..ومعش نقدر انكون مع ناس واجد..
انا قلتها.. وكنت مضايق وقتها..
بس عارف روحي لما نضايق نقعد نقول ف كلام يجرحك انت الي تسمع في رغم م شفشت منك شي بطال..
وهنادي.. كانت  تسأل في تبي  تخفف عني صدمتها ب كلام هذا
لدرجة نبرة صوتها  تغيرت وبكت
 وتهربت مني ب انهاء مكالمه قالتلي بنسكر...
انا عارف مكنتش تمام معاها  بس مش بيدي  مضايق كنت وقتها.
وحسيت  اني زعلتها.. ومسكت روحي يومين عليها.
لقيت روحي نتصل بيها ونبيها اترد عليا..
وردت بعد وقت  بس مش هنادي الي نعرفها 
اعتذرت منها ع الي قلته..
بس هكي طلعت  كيفي..
بس بطريقه غير..
قالتلي..لاعادي مدورش .وحقك م توثقك ف روحك..وشكرا ع كلمتك.فطنتني لروحي..
نا..كيف فطنتك لروحك اشقصدك
هي..يعني معش ندخل واجد ولا نسأل ع شي..لما تبي تحكيلي من نفسك تمام غير هكي انا منسألش..
حسيت زعلتها مزالت قاعدا..
وفعلا  مسرع م قلبت عليا.. وتغير اسلوبها معاي.ب الايام
نا..ف بدايه الايام قعدت هكي(☹️)
بعدها😕
بعدها😟
بعدها🥺💔..منبش نخسرها نا
لا وكان خصرتها شنو صار 
خصرت بوي وامي ورفيقي جت عليها.. تربح خليها تمشي
بعد ثواني لقيت روحي اندزلها ف عرم مسجات عالواتس ونتصل  ومسجات عاديه..
لالالا منبش نخسرها نا
وقعد ف 《نقيض》داخلي
وسبق قتلكم شنو يعني نقيض يعني  
الشي وعكسه/او عكس الرغبه
رغبتي فيها ونبيها البنت
عقلي الي ملتذع واجد..قالي مدورش فوت..
وهذي صعبه اكيد والاغلبيه مارين بالشعور.
وشعور حقيييييير بعد تقعد بين اثنين. ولا قادر تصرف بعقلك ولا بمشاعرك..
فالنص عاجز وبس..
وهالنقيض صار ف شخصيتي وااااااجد ولازمني.😔💔
مقدرتش انتريح الا بعد ردت معايا هنادي زي قبل❤️🔥
وهنا بجد ارتحت
♡♡♡♡♡♡♡♡♡♡♡♡♡
ومع مرور الايام هالبنت صارت لها معزه كبييييييييره جواتي
ومن معرفه ل معزه ل.........🔥🔥
كل مره اتزيد اتسيط عليا هي🥰
ب كلامها واسلوبها وحركاتها..
♤♤♤♤♤♤♤♤♤♤♤♤
تصدقوا اول سنتين مش عارف عليها معلومات واجد
و لا  خطرلي مره اندور معلومات عليها
يمكن لان عندي مشاكل يسدن النيه10اسنين لقدام
 اتصدقوا
والله كنت نعرف 
 اسمها 
وقبيلتها.
ومهنتها.
باقي  الامور منعلمش بشي.
حتى لو عندها حبيب ولا م عندها م سألت وكوني انفكر فالامر مجرد تفكير انتعقد..
عشان هكي مدورتش
وفي نفس الوقت انقول بلكي عندها ونا مطفل عليها ولاصق فيها ومنحرجه اتقولي هي
ومن جها ثانيه.خايف يكون عندها ونضطر ننسحب وانسيبها البنت💔🔥
ومع الايام والمكالمات والمسجات.. انفتح الموضوع. ولاول مره نحس ب الفرحه من داخلي..
امتى اخر مره فرحت  بشي من داخلي اتصدقوا ولا مره..
يمكن نتيجتي بالصف الابتدائي الي روحت بنحكيها لهلي ولقيت بوي  يضرب  ف امي..
هه.. يعني صح الواحد يقولك نذكر  الايام الحلوا تي نا الحلو مدتها عندي ثواني  لدرجه م نعتبرهش حاجه حلوا وفرحه..
م علينا..
المهم..
يومها لا عندي شغل  ولا هي
سهرانين عالواتس..
وموقف جر موقف وموضوع وراء موضوع..
 وعرفت  بعدها ان هي كان بحياتها حد وله فتره طويله تاركين..
عشان النصيب مجمعهمش  وكل حد ف حالا
ومن قبل حتى م نحكي معاها بفتره
فرحت والله لان هالبنت نبيها لي بروحي..منبش حد ثاني يشاركني فيها..😊
》》》》》》》》》》》》》
نتحاكوا قبل موعد الدوام عالنت..
 وهجزت روحك..واكلت
 ومن عارف شنو..
وانا معاها نفس الجو..
وانجو لشغل..مرات  كل كلامنا ب لعيون منحكوش مع بعضنا..
وع قد م نقدر انعامل فيها ب طريقه رسميه فالشغل منبش انبين شي ولا بنحسس الناس بشي ويقعدوا
  يحكو عليها..
ف نهايه نا شاب.((بس هي بنت..وانا منرضالهش العيبه.
وتمالكي لنفسي...عليها..فالعمل
قعد ينتج ف حجات اخرا
 بدون م ننتبه قعدت اندير فيهن والي هن ب مشاعري🔥
المهم.. في يوم كان شغلي اشويا بكل..
ف طلعت  بنغير جو برا  ف شارع  وبندخن..
طلعت..شفتها  جايينها شباب 3..يبو يسحبوا..
نا🤨الي شدتني وقفت 2برا  تصبايتهم م عجبتنش.. ويبحتوا ف الدار وايتهامسوا..
 ويومها البنت الي معاها مجتش..
ف بروحها قاعدا
 قعدت بعيد وانبحت 
الشباب  ماسكين اوراق ف ايديهم..
بس وقفتهم ونظرتهم م ريحتنش..
 توكلت ع الله.. ومشيت..
نا..سلام  عليكم..
شباب.ردو..
خشيت لقيتها تسحب لواحد جوا..
نا...🤨بصوت واطي..استاخري ف نهاية الدار..
 نا...  تفضل خش ي شاب
شاب😒قصدك😕انت بتسحبلي
نا..اشرايك انت🤨
شاب لاخر يحكي ل صاحبه.. راحت عليك ي طيري..
نا..فهمت القصد ..ف😏رديت عليهم..مصيرك لاقيها الي راحت تعال قمعز بس بننهي شغلي..
نا.. قمعز ويبحت ف هنادي . ومدلي يده..
نا  غطيت ع هنادي  قدام وجه صبيت و ربطتها له وخبطته ع اذراعه ودرت روحي اندور فالوريد
ودخلت الابره..وطلعتها..
رديت كررت نفس الشي وب لئامه درتها له..😈😏👌🏼 لين حسها
هو..قيسك متعرفش تشتغل خلي الدكتوره تسحبلي كان هاذا🔥😋
نا..وانت الصادق  وجك صاح مفيكش دم هذا عليش اعروقك مش طالعات😏 وسحبتلا عينه..
نا..تفضل اطلع برا اشوي..
وخذيت الدم وفرغته ف  شيشة التحليل..
وجا الثالث..يسهوك..
نا..خش خش تعال..تضحك على شنو
هو..لا  شي
نا..اووباهي هات اذراعك..
 ودخلت الابره ودخلتها وطلعته..
قتلا هات يدك لخره..شكلك زي صاحبك..وجك صاح مفيككش
 دم..
هو..استنقص...اشقصدك😤
نا..افهمها زي م تبي.. وربطت ف ذراعه  لاخر وسحبتلا..
 وكملت..النتيجه امته..
نا..فالدور الثاني😏 قصدي دور الدراسه
((انتبلد عليهم))
هم فهموها فوق فالدور ثاني تبع مستشفى😁
باهي امته.. 
نا..اسبوع الجي😏
هم😕🙁😟واجد
هنادي..🥰  ردو بعد ساعتين
نا..بحتت فيها🤨
هم..🔥باهي😍
وخليتهم يعدو..
نا..منسجمه وانتي تردي
هي..🥰عيب يسألو وانت تضحك عليهم ي مهاب..
نا..يعني نا الغلطان توا  🤨 وانتي كنتي تبي تسحبيلهم السناكيح هضمم
هي..🥰مش قصدي بس هذا شغلي ومتعودا  ع نماذج واجد..ونعرف كيف نص......
نا..قاطعتها..لا متصرفيش.. لما يكونوا مجموعه متسحبيش بروحك..
كلميني وم عليكي🤨
هي..بس ي مهاب....
نا..الي عندي قلته.. وطلعت...
هكي حاجه.نغزتني لما شفتهم عندها
ثاني يوم.. برضوا صادفتها تحكي مع راجل.. واقريبه منه ..
هو حاجة35سنه هك جهامته ويحكي  ويضحك.. وهي منسجمه معاه🤬
نا..🔥🤬
قعدت ضايج نبي نعرف من هذا وليش واقفه معاه هكي..
خايف نسرع يطلع قريبها..
 وكان طلع مش قريبها شنديرر🤬🤬🤬🤬😤😤😤
قعدت ماشي جاي قدامها والراجل معاطيني ب ظهره م شافنش
 يحكي مع هنادي ويبحت ف نقالا
هي فطنت ضحكت.. 
نا.. والله فوق من 5مرات ماشي جاي
ف جرت بعضهن.. واعيوني عليها
بعدها  ضجت طلعت  اندخن 
شفته طلع عدا
رديت مبيتش نمشيلها وخشيت للعنايه.
هلب وقت.. وجت للعنايه..
مبيتش نبحت فيها
 وكان في دكتور يمر ع حاله جوا..
طلعت هي..جت بعد وقت..
برضوا معدلتش عليها..
نادتني  على  جنب
هي....مهاب كنك..
نا..شي😤
هي..نعرفك نا شنو في
نا..شي..بس معش اطولي جنب باب المستشفى  مش باب  حوشكم اتودعي فالناس انتي🤬
هي..اوكييي...تمام اي اوامر اخرا
نا🤨لا شي😒..
بيش تعرفوا الدوده لما تركبني...
الييوم كلا ونا فضول بنعرف من  هذا
قعدت نبؤم وانلف.. 
وطولت ونا نقنع ف روحي مليش دخلا..متدخلش ي مهاب.. ي مهاب  اركح...
بلا فايده لقيت روحي متصل بيها ف ليل لما جيت بنرقد
نا..الو
هي..ايوا ..مهاب كنك في شي  متصل توا
نا..من الراجل الي كنتي واقفه معاه اليوم
هي..واعيه من نومها مسكينه.  اي راجل
نا..هنادي اوعي.. الراجل الي ف المستشفى الي لابس ماليا خضره وسروال امريكي  وقعدتي معاه  10ساعات🤬😤
هي..اه قصدك ع خالي محمد🥰 كانت عنده مراجعه  عند دكتور وسهريت معاه اشوي وعدا..
نا..😒خالك🤨تمام بكل. اوكي
وصكرت  ف وجها وهذي اول مره انديرها وانصكر هكي🔥💔
هي..اتصلت ..كنك صكرت
نا..خلاص  ارقدي بنعرف من بس.تصبحي على خير..
 وقعدت ف افراشي.. وانفكر ف حجات وااااجد واساسهن هنادي
قتلكم نا..😓الي نكتمها جواتي يفضحنها تصرفاتي...
هكي نصرف ب اهبال وتدخل بدون اذن..
الموضوع بدا يطور معايا..
بس تعالوا انرد بيكم  اشوي..
من قبل قتلكم  ان منحبش ناكل الا من امي..تذكروا..
 وبعد وفاتها..قعدت اشهور وانا ندير ف حاجه لروحي حتى من خواتي م كليتش..
بعدها تعبت ومليت..
قعدت ناكل من خواتي..بس شردتهن ف بدايه. ديرو زي اوكال امي 
اوكالكن م يوتكلش..نبي زي اوكال امي معش تمرطزن انتن...
نجوى اتقولي والله زي امي اندير
م هي علمتني 
نا انقوللها لا  مش زيها..ونقعد دوب انذوق بالكاشيك وانوخر..😟
والله مش بيدي بس خذيت على امي شندير...
نجوى اتقولي/اسمع الحجات هنا هن غير النفس متغير..
وامي  راحت من الحوش
يابال نفسها من الاكل..
هالكلمه خلتني معش ناكل بكل منها اسبوع..
وبعدها..ام بدر..دازه  اكله للحوش
 ووقتها كنت مروح جعااان ودوبني واصل للحوش وبنطلع اخرا..
عريت ع تبسي وذقته وكان طعمته اقريييييب واااااااجد من طعام امي
جيت بنطلع نقولها لنجوى
 لقيتها وراي..
نجوى..هذا من جارتنا وعارفتك عليش فرحان عشان هكي..خليته لك..
حسيت مقارناتي لوكالها ب اوكال امي.. يضايق فيها..
الي ف جهدها ادير فيه هي..
 وانا سمطتها ..فقعدت من يومها وانا انجامل وناكل اشوي اشوي.. وانقوللها ناقص  وناقش وحطيلا كذا...
لقيت روحي منطلق وناكل ونمسح حتى فالتبسي😅مرات من الجوع 😁
المهم في يوم جتنى فيه هنادي..
 وجايبه معاها.. بيتزا من الحوش...
 وقيس ساعه6.. خشيت لقيت تبسي ف كوجينه.. وشكلها يخليك تفتح فمك..😋🔥😍
نزل عمكم مهاب   فالتبسي.. طرف اثنين ملعبنش...
خذيت التبسي كله وطلعت بيه لجماعتي برا وقعدنا ناكلوو😁
والله وفي عقلي كيف خواتي دارنها بيتزا هكي سمحه ولا ااه لما ايجو الضيوف حتى باب الحوش  اقريب  ونركبوا واحد جديد😅😅
المهم كملنا التبسي😁 وخشيت حطيته فالكوجينه وطلعت نجري😂
تطلع عمتكم ندى بصوتها الي يلعلع..
مهااااااااااااا😤😤😤ااااااااااااااااب
نا..خشيت نجري اسكتي ي فرخه 
شباب جنب الباب يسمعو فيك
هي..وين البيتزا😤😤😤
نا..قصدك تبوها😅
هي..اشرايك..البنت جابتها جيت بنحط منها لقيت تبسي فاضي..
نا..😳قصدك 😨اااءءءاءا من صاحبتك البيتزا🥵
هي..ااه😡
نا..وانا انقول طعمتها سمحه هكي مش زي امتاعتك😅الي تزطل
هي..والله انوريك..
ياهناااااااادي...هناااااادي
هي..نعم🥰...ردت من جوا..
اختي...تعالي اشوي كذا بنقولك حاجه
نا..اسكتي ي فرخه بلش  فضايح.. وجيت صكرتلها فمها ع جية هنادي ونجوى
نا😅😅😅تخزرطت..
هي..كنكم🥰
ندى..عارفه التبسي الي جبتيه.انسفه مهاب.. م عقب شي راهو..😤😏😜
نا..والله انوريك ي ندى
 ندى😈😈😏بارد
نا..والله بيتزا من الاخر..خير من امتاعت ندى ب 100مره الواحد يحكي الحق لما يزرط ولالا😁😂
وبعد مرواحة هنادي..
تعاركت مع ندى عركه كبيره حزتها نجوه😁😂
  ومره اخره  شلت ندى ونجوى عند هنادي..
دزت معاهن تبسي مشكل..
نزلت فيهن قرمه خواتي.. والاكثر ندى..نحب انكسد عليها😅😁
 ودزيت لهنادي..متوقعتش ان منها حجات الله يبارك طعمه وشكل من الاخر😁😋🔥
 ومن هالمواقف..
 لما اتجيبلي فالمستشفى شي نا والي معاي..ناكل وانا مطمن...
البنات مش دايرات غيبه..😅
اي حاجه اتجي فالمستشفى..
والحق مينسنش فينا..مدلعينا حتى فالمستشفى..
كان جت حاجه من هنادي ناكل عادي
 وكان من  حد اخرا نعتذر ومناكلش.
طبعا غير القهوا الي زي لميه صايرا عندي شربها..
المهم..
شغلنا ماشي الحمدالله..
بس لان في اختلاط.. عقلي يطلع من مكانه..
هنادي تختلف اختلاف كاااامل ع نرجس..
لبسها محتشم وطويل.. من قناعتها❤️
حشومه..😊
انيقه..😍🔥
شعرها م يطلع زي هذك
وهااااديه..
وعاقله /رزينه/اتفكر ب رواق..
قادرا  اتبسطلك اكبر المصايب واتهونهن عليك لدرجه ولا كأن صاير معك شي..
غير
اسلوبها يحبب الناس فيها والاكثريه المرضه..يحبوها.. لانها يدها خفيفه ..وبشوشه ف اوجوه المرضى
حنونا عالكبير قبل الصغير
فيها شخصيه واضحه عليها.. مستحيل بينك وبين روحك اتفكر فيها تفكير غلط.. شي من داخلك يمنعك.. 
غير هك فيها اعيون سبحان الخالق..😍❤️🔥🔥 
يذوبنك ف مكانك وحي كان وقفت قدامها وهي تضحك 
اتشوف اعيونها كيف يضحكن وفيهن شي غرييييب...
ونعترفلكم بشي...
مش انا راجل.. والمفروض هالكلام م يهزني..
بس ورحمة امي الي ماعندي اغلا منها 
البنت هذي هزتني و اقدرت تسيطر علي وتاخذ عقلي وقلبي 
مزلت لحد توا  نرتبك من اعيونها البنت هذي..
مجرد م اتشوفني ب🥰خجلها..
يتعب قلبي معاها🤤🤤
قادرا تقلبني ع بعضي بدون م ادير شي هي..
 علاقتي بيها صح مش حب.
ولا خشيت عليها  ب موضوع انها تقعد حبيبتي
بس هيا عندي اكبر من هالكلمه
منكذبش عليكم..
انا  فقدت الحن بعد فقدت امي
وفقدت السند بعد فقدت بدر مش بوي
بس ف البنت لقيت فيها السند الي ينعبى عليها وكأنها راجل/مش بنت رقيقه .لطيفه
ولقيت فيها الحنيه  والاهتمام الي طول عمري فاقدهن..
عمره م حد  دورني ولا اهتم ب داخليتي اكثر من نفسي الا هي..
هي ميهمهش شكلك 
كثر م يهمها ان من جوا متريح ورايق
وهالشي خلاني نتقرب منها..
لانها تفهمي بدون شرح واجد
والله حتى بدون م نكمل تعطيني وصف لروحي وحالتي 
وغير هكي كمية الراحه والأمان والفرح  الي كانت بحياتي.. من يوم خشتلا محسيتهش من قبل..
وهالشي خلاني نتمسك بيها. ❤️🔥بكل م فيا..
 وفي نفس الوقت هي الانثى الوحيده الي مقدرتش نمارس عليها شروطي وقواعدي..
مش خوفاً منها.. ترفض الامر
بس لانها كانت صاينه نفسها وبالتالي مش مستحقه اني انقوللها الي قلته ل نرجس..
هنادي اغلب
 وقتها معاي..كان مش ف شغل ف النت  نلقاها مش درجه24ساعه عالق قصدي..
لا قصدي ان مننقطعوش على بعض
❤️ و برغبه منها ومني❤️🔥
》》》》》》》》》》》》》》》》》》》》》》》》》》
مع تقدم ليام..  صارت هي روحي..
هي ضحكتي وهي الشي الحلو ف كل يوم..
صارت غيرتي عليها واااضحه بكل..معش تندس..
فالشغل....
كنت  ف مكتب المدير وصاير نقاش بيني وبينه..
 وطالع ماشاءالله جمره
 والعه
ومن مكتب لشاااارع طول قعدت اندخن 3 ف جرت  بعض..
 وخشيت راقيتلي..
شفتها واقفه مع ممرض وتحكي معاه..
 وهوا نفس الممرض الي في تحسس بيني وبينه وكل فتره نطاقروا نا وياه
ولا هو يقبلني ولا انا انطيقه
 شيرتلها من بعيد..   بمعنى عدي من قدامه..
متحكش معاه..
هي بحتت في  ومعش عرفت م ادير
وهوا قبلها تهارجت معاه  عند الاداره وجاي يدحنس هنا..
نا....🤬🤬🤬🔥 قعدت من بعيد لان لو قربت ودرت شي ي يفهمه طول شور البنت..
رن موبايلا وعدا..
   هي كانت بتمشي لقسم النساء..مزالت ف نفس الممر.
مشيت بسرعه ومسكتها من اذراعها ودخلتها للغرفه الي قدامي وخبطت الباب بالقوا..علينا 
نا..مش غير جمر قاعد  وجوفي نار
 حتى اعيوني.. بيطلعن من مكانهن نحسهن..
هي..مهاااااب اطلقني وجعتليي يدي.. كنك انت
نا..مش اشرتلك وقتلك حولي من قدام خلقته الواطي هذك كنك متفهميش🤬🔥
هي..بس  هو يحكي ونا مقدر.....
نا..قاطعتها..مقدرتيش شنو مقدرتيش تمشي من قدامه   ولا تمشي اديري حل ع روحك
هي..قعدت اتوخر مني وتبعد وتسحب ف روحها باهي اطلقني فلت إيدي والله وجعتني مش حاس انت..
نا..لا نا حاس بس انتي مش حاسه  بشي..🤬🔥
 سحبتها بكل قوتي لصدري و........
🔥🔥🔥🔥🔥🔥🔥🔥😉
#يتبع..
#shosheta..
 ويااااااا محلى الغيره لما اتكون من قلب يحب  ويكااابر وف نهايه يطيح ويبووووح..😍
وقيل وقيل وقييييل...
 ولكم م تقووولووون😍😉
نتلاقوا ف حلقه جايه  ويمكن اتكون الاخيره.. ف م تبخلوا ب تعليق ع حلقة اليوم..
وتتوقعوا شنو ح يصير  بينهم سوا ف المكان الي وقفوا فيه
..
ولا في بيت مهاب بعدين😉😋🔥
وربي يسعد كل قلبين ويهنيهم ويكمل عليهم❤️
ليلتكم😙😚😗😚😊🥰😍

google-playkhamsatmostaqltradent