رواية نقيض بلهفة عاشق الحلقة السادسة عشر 16 كاملة

 رواية نقيض بلهفة عاشق الحلقة السادسة عشر 16 كاملة

رواية نقيض بلهفة عاشق الجزء السادس عشر

رواية نقيض بلهفة عاشق البارت السادس عشر

رواية نقيض بلهفة عاشق الحلقة السادسة عشر 16 كاملة

رواية نقيض بلهفة عاشق الفصل السادس عشر 16


ي مَهْوَن مصايب الدنيا وانت في جنبك الي يدعمك ويضمك..ويقويك❤️
للعبره🔥❤️
هنادي..باهي عدي اشرب حتى حليب  بس..لو اكل متبش..
نا..هنااادييييي😤😤😤🤬🤬
هي..هيا..لو لي خاطر عندك صبي اشرب وتعال تو نحكيلك..
نا..صبيت زي الطفل الي ادزه لمكان وهوا معصب بس بينفذ عشان يحب  الي دزه..او خليني انقول عشان غالي عليه.
مشيت بتعصب..درت حليب واميه حاميه من السخانه😤 وشربته. 
 وجيت بتذمر
نا..شربت.هيا  قولي
هي..صحتين..بس قتلك..
نا..هااا😤
هي..جرت الحليب ع فمك امسحها🥰
نا..هنااادييييي🤬🤬😤😤
هي...هههههه باهي خلاص اسفه
نخشوا فالجد توا..
وبدت تحكيلي واتشور عليا وتسأل وانجاوب فيها..
 وفهمتني.. كل شي ..
#المحامي النزيك.كل م نمشيلا فالحوش يقولولي مسافر ..
نتصل مقفل..((هذي الي نرفزتني))
وطول المده الي فاتت.. وانا نراجي فيه  يروح من سفريته.. ع قولة هل حوشه..
ومشى الوقت بلافايده..
 ولازم قبل موعد الجلسه انجيب الاوراق.. لو مكننش معاي..هذك ح تكسب ..
نبي المحامي عشان الوصيه قاعدا عنده الورقه..
مفش قدام غير اني نمشي للقاضي ونحكيلا
 سافرت  لمدينه ثانيه عشان المحكمه فيها .. ومشيت حكيت للقاضي  بعد حصلت ربع ساعه من وقته وقتلا  ع كل شي وان جلسه اقريب.. والمحامي فلان قالو هله مسافر  غرب  الدوله.
 وحكيتلا ع الي قدامي والي نقدر انوفرهن ف جلسه جايه وبنعرف هل بيهن ناخذ الحق ولا ميصير شي..
 وقالي شنو اندير.. وكان كلامه مقارب ل كلام هنادي...
 ومشيت لاسيادي..رغم ان عارف بلا فايده  بس قصدت الي اه اه كان كويس بين خوته ويفرق عليهم اشوي.. وحتى مع بوي علاقه
 وحكيتلا الي صار..
قالي سيدك إدريس راهو كان مع باتك الله يرحمه ..يوم كتب الوصيه وهوا الي  عدا مع المحامي انتفاهموا غادي..
نا نكلمه لك يمشي معاك..
#سيدي ادريس..امتاع رعي وسعي وراجل مستخطي عالدنيا.. وعايش ف حالا شبه.
 وغير هكي مقاطع خوته عشان قصة الماديات ولفلوس
وهوا حقاني بس بطريقه همجيه اشوي..هكي اسلوبه من عيشته..
سيدي هذا اسمه خالد واخر عنقود الشباب   ف الحمدالله ان مش زي الباقي.ويختلف عليهم رغم أن مقاطعنى بس خير  من الباقي..
المهم خذيت رقم  سيدي اديس وتواصلت معاه وحكيتلا الي
 صار..  قعد يهزب ويعارك قالي خلاص  يوم الجلسه تلقاني عندك.. 
 ومشيت  كان تذكروا لحبستي الي صارت من قبل.. مشيت للمسؤول نفسه وذكرته بيا وحكيتلا ع القصه وقتلا نبي شهود والمحظر بأن المحامي شفته وكان هنا وبلغنا ب الوصيه وخذيت انت نسخه منها...
والموضوع فيه انصابا.. والوليه هذك خذت شقه  بالنصابا   ووووووالخ
قتله  بعد اذنك نبيك تمشي معاي انت شخصياً..  يوم الجلسه..
عشان الحق  وهكي والحق  راجل اكويس  هو وقالي  تمام  تو نمشي معاك..((لان مرت بوي قدمت شكوتين غلط وجاته ومرتين  فالمركز ))وكل م ايتحقق من كلامها يلقى فيها تكذب.. وغير هك..بعدين تعرفوا 👌🏼
ونوعا م اطمنت وجبت راجل الي كان مأجر  حتى هو.. 
وورقة بيع المحل.. وورقة الاجار الي دايرها  لشقه بيني وبين الراجل و اموثقها ف المكتب عشان يوم زي هذا..
 و السياره وبيعتها..
 قبل  موعد الجلسه ب3ايام..
دزلي الحاااانطه هذك واتقولي 
ي مهاب  متحطش راسك براسي واطلع من  الحوش بروحك  قبل م نمشوا للمحكمه لان غادي مش ح  تفرح ب حوشكم.. 
قتلها الي خالقني قاعد..وكل حد يبان  يوم الجلسه..من الي له والي عليه
ردت بعدها قالتلي كان لقيت المحامي امتاع بوك  واقف معاك باهي..
نا..بعد رساله هذي..قعدت نربط ف الاحداث وكل م نمشي لمحامي يرفضني ويقولي مرت بوك..منبيهاش اتخرب بيتي/مرت بوك داهيه/ وليه
 متخافش ربي ..مسهل عليها  الفتن والكذب والتبلي..
باهي وكلهم رفضوا إلا محامي  بوي الي عدالا.. هذا معقولا مش قاعد ومكتبه مفتوح وفيه حد.. وهله يقولو مساافر.. توء.. في شي..فالنص  ناقص..
كيف هي قالت هكي ع محامي هذا..معناها هي ورا اخفاءه او توزيعاته لي..
مشيت  دزيت حد نعرفه من شغل وقتله دير روحك عندك قضيه وتبي محامي هذا ضروري..
 مشالا صاحبي.. وعطاه معلوماته  الشخصيه للشخص الي ماسك فالمكتب وقالا
المحامي  عبدالرازق موجود بس ميجش والله واجد  انت قولي ف شنو تبيه بالتحديد ونا ناخذلك موعد بعد اسبوع لان ليام هذن مش جاي هو ولا يستقبل شي...
كلمني وبلغني  صاحبي  ب الي قالا وفعلا معناها اليومين هذن هو ميبش يستقبل ويجي  للمكتب عشان موضوعي نا..
بس شنو علاقته ب مرت بوي..هذي الي دوختني..
كلمتني هنادي الحق ليلة الي قبل الجلسه.. واطمنت عالموضوع كيف ماشي وحكت اشوي وصكرنا..
ثاني يوم.. جا سيدي والعسكري والراجل المأجر.. ومشينا للمحكمه..
لما وصلت غادي قتلهم خلوني بروحي متبانوش معاي لحظات هك بنتأكد من شي ف راسي..
 وقعدت نبرم من مكان لمكان.. وجا موعد الجلسه
 ونشوف هك ع جنب..
نلقى مرت بوي جايه وماسكه ف اذراعه المحامي وخاشه تضحك..
وهوا وجه  ملون ومتخزرط بكل..
عطتني نضره حقيره بكل..
وخشت.. هو راسه فالارض مبش يبحت في..
خشيت نا  بطولي وهي والمحامي الي من مسكتها فيه تأكدت من الي ف راسي..
 والي هوا.. طلع زوووووووجها ف نهايه..
كيف متسألونيش..نا بروحي مش عارف.  
هي برمت عليه. واجوزاته..
 وهو كيف رضى مش عارف
هي شافتني بروحي ضحكت وفي
  بالها نا مقدرتش نحصل المحامي
 ولا اقدرت انجيب شي..
بعد اشوي بدت جلسه وخشو الناس الي جبتهم معاي..
راجلها قصدي المحامي ازززللططط بكل//تخزرط..وقعد ايتحرك ف مكانه 
 وبدا النقاش وهاتو الاوراق  والاثباتات...
 سبحان عالبرود الي جاني وانا فالجلسه جوا..
اول م شفت محامي ماسكه فيه هي
عرفت ان القضيه خاسره ومنقلبه ع رااسها.😏👌🏼.
نحكيلكم ب اختصار بعد الموعد ااطويل هذا 
طلعت هي متزوجه محامي 
وتقعد قريبه  منه وقالبه الدنيا ع مزاجها ب زوجها..
الي كان مفروض يشتغل بالشرع والقانون..طلع يشتغل خوفا منها..
وقعد يزور ويخلط  من عنده
لما المحامي  دار وصيه  جديده بتزاوير عشان تناسب زوجته..
وكتب كل شي ب اسمها..
ال محظر  الي انحبست عشانه
كذب وصية المحامي المتزورا
 وكذالك الراجل الي جبته معاي..
قعد يحكي كيف كلم محامي واستعداه للقسم عشان يتحقق من الشكوه ومن كلامي.. وكذبه ف وجه قالا الوصيه مكنتش هكي
 وسيدي طلق لسانه
قالا نا والمرحوم جيناك ونذكر كل شي قنالك عليه وكيف وثقنا الكلام عندك.. ونا بروحي درت عندك موضوع  خاص ف نفس اليوم وقتلي تعال بعد يومين وخذيت افلوس مني ومعش كملته..
والراجل الي اجر  قال كنت انتعامل مع مهاب.. وحتى لما انتأخر يراجي في...فالدفع
لين اخر شهور قعدت مرت بوه  اتجيني فالحوش واتهدد فيا اتقولي عطيني لفلوس نا. بس معدلتش عليها وكنت نعطي ف مهاب لين جا يوم وطردتني من شقه ف فترة3 ايام.. وهانتني وسط اعيالي.
وغير هكي.. اوراق بيع سياره والمحل عندي نا واموقعات واموثقات..😏
 وغير هكي مدافعتش ع روحي..
لان الحمدالله مكليتش قرش حرام نا
 وحكيت  كل  شي درته عشانهم.. واجار كل شهر مسجله بالشهر وساعه واليوم..لما كنت انسلم فيهن لها..
ف بالتالي🔥🔥
القاضي انقلب عليها هي وعلى المحامي ودار مجلس تأديب  للمحامي عشان يزور ويلعب ف ارزاق الناس وخالف القانون والشرع 
ومن كونها جايه اطالب بحقها المزور
قعدت في حق وتعهدات وهي الي حطت روحها فالهشي...
الشي الثاني.. 
المفروض  الوصيه فالاملاك قال ميحددهش  الوالد.. وبما
 انكم اصرفتوا ف ثلاث ارباعها..
ف معش في الا شقه هذي..
يا اما يعطوني نصها نقدي وانسيبها لهم..
ي اما  العكس.
وبشرط. في حين نا سيبتها لهم
ح تسجل ب اسم لعيال وهم لهم الحق  بعدين يصرفوا فيها اما الام.. متصرفش ف شي..
 وعشان هكي انا قلت منبيهاش
ف هم ح يدفعولي  وينتهى قصة لشركه هذي بكل..
#ديمه الشركه مفيهاش ابركه..
 وديمه خلي حاجتك بروحك بيش ميصدعش راسك من اي حد
هي مفكره اني جيت بطولي وح نخسر الحوش واتزمطني واتسرقني ف حجات وااااجد(وغير هكي هي عارفه علاقنا ب هل بوي مش كويسه ف  قالت اكيد هل بوه ميصبوش معاه
 ونست المحضر هي ونست ان في رب موجود
والحمدالله ربي عارف نيتي..ومشيت بخوف للجلسه والحمدالله  حقي بان
 والحوش ملهش اي دخلا بيه هي.
وقعد لي نا وخواتي..
وع الدفع الي بيعطوه لي.ح ايكون  الشهر الجاي بنفس التاريخ.وبنفس المكان..  عشان ينتهى الموضوع من جذره.
والمحامي انسحب منه(
《》》》》》》》》》》》》》》》》》》》》》》》》》
روحت وفرحان.هم وانزاح ع صدري
 ورااااايق الحمدالله😍❤️😍
الشقه سيبتها عشان لقداام  مع السنين متضمنش شنو يصير  الواقع توا صار ب اوراقك وحقك وتلقى روحك انت البراني  والمتبلي  الي مش من حقه شي هو الي ياخذ
 حقك والدنيا توقف معاه 
دوبي دوب حوشنا وقت بنجيب شقه تو انجيبها ب افلوسي.
منبش شي من حد.
شهر لاخر. اندفعلي حق كامل
وانتهت قصة الميراث/الوصيه..
وفوقها تعهد ع مرت بوي وع زوجها.
 وطبعا.. الامتحان  راح عليا  3مواد
 ودرت  دور ثاني...
وكلا من نفسيه  الزفته كانت..
بس توا الحمدالله..❤️
 بعد شهر ومعاها من نفسيه الزفته..
تحسنت ورديت مهاب  الرايق😍الي مفش منه..
وقعدت من شغل للحوش وتكسيد ف صالة الحديد.. ومرات مع جمااعتي..
والنيه انطلقت.والدنيا ضحكتلي😍😍
  ورديت مع هنااادي بس هالمره.. ع تواصل داااااااااااائم..
صار ميمرش  اسبوع بدون م نحكيها فيه عرم احكايات..
هذا عدا الشغل  الي لازم انشوفها فيه.. و😊🔥❤️..
 وانابشها.. وبصرااحه يفرح قلبي لما انشوفها
مش معناها انحبها بس هكي..فرحه اتجيني لما نشوف ضحكتها وانابشها
》》》》》》》》》》》》》》》》》》》》》》》》》》
#المبلغ الي لميته من كل الي صار
حطيته  ع ندى..
سمعت بعد فتره في دكتور ألماني وجاي هنا شلتله ندى ودرتلها فحوصات وصور..
وقالي هذي تحتاج 3عمليات ومن بعدها نحولها ع العلاج الطبيعي..واتحسن حالتها بعدها
فرحنا وقتها...  وقلت بالك لفلوس يسدن..
بس للاسف..درنا عمليتين..وكلفن..
ولفلوس كملن .. قتلها  عادي تو اشوي اشوي ح  انلموا  وانديرها لك..
اهم شي توا المحاااااافظه..منبش جهد كبير وشيل وخلافه💙
..
 ومرن الشهوووور..
 وصارت هنادي جزء كبيييييييير من حياتي.. بدون سبب هكي هالبنت صار زي روحي ف جسدي..
وعاجبتني فيها (انها ديمه فاهمتني..
وديمه نحب نسمع منها رغم  ان الكلام ميعجبنش.بس عارف ان هوا مصلحتي..💙
طبعا 
صاحبكم  ديمه شايط فالشغل وصوته يلعلع.. ف تفليم..
الي ف مجالي فاهمم كلامي..
هات ع دوشة ناس والطق ع البيبان يبو العنايه زي المربوعه..
 وغير هك حالات طارئه والمرضه  يتعبوا فجأه  وبدير بالك
غير العرايك الي يصيرن ب كميه كبيره ولاسباب تاافها..
المهم.. يومها كنت انحز فعركه بين ممرض وواحد.. وقصه طويله م حوتها فضت.. وحرقلي دمي المرافق..
بعد وازينا الموضوع/
خشيت ومشيت بنمر ع هنادي..
🤨..
جيت اقريب من دااارها شفتها تحكي مع ممرض..
درت برمه اخرا ورديت لقيتها مزالت واقفه معاه..
نا..🤨
نا..جيت..اوو منذر.. وينك مش باين
منذر..هلا ي طيري..قاعد  والله غير منبرمش واجد هنا.. نمسك ف قسم لاخر..
نا..ف هنادي هكي🤨🤬 انتخزر
هي..🥰
منذر😇
ولصقتلهم جنب الباب
لين اضايق مني منذر وعدا
هو عدا  وانا عديت..بدون م نحكي معاها ولا كلمه..
 لما خشيت للعنايه وقعدت مع روحي شنو اللقطه الي  درتها.
امتى عمري اطفلت على حديث حد نا.😤 حسيتتها لقطه بااايخه.😑
ف قلت معش ندخل
مره ثانيه.. وبالصدفه والله  
 كنت جاي من المصلى//.. وجيت للعنايه وقعدت اندير  ف شغلي
 خشو اثنين  هنادي وممرضه اخرا..
بعدها ممرض 
وقعد يسهري معاهن وايتهامسوا
وهي تشارك فالموضوع وتضحكلا🤬
قعدت نبحت فيها ومتنرفز..😤
وبيش ننهي سهاريهم..
قتلهم معلش لو سمحتوا المرضى يبو هدوء اطلعوا سهروا برا..
القصد نبيهم يطلعوا ويطرطشوا بس لا..
طلعوا هم ال3  يسهروا برا..
دزيت مسج ل هنادي تعالي نبيك ضروري بروحك  فالعنايه توا توا  
بعد دقايق جت..
هي..🥰نعم..
نا..لا شي😒..عندك شغل
هي..لالا
نا..خلص خليك هن🤨
هي..بنفهم شنو تبي منقدرش نسيب داري فاضيه..
نا..🤨تمام بكل.عدي لدارك والسنكوح الي كان يحكي معاكن معش تعطنه طريق..
هي..ك كيف..شقصدك..
نا..هيا ع شغلك لو سمحتي مش فاضي نا
هي.. مهاب
نا..مبيتش انرد..لان ماسك لساني بالقوا..
هي..تمام.باي
 ومعش شفتها بعدها طول وقت العمل.
روحت..  وقبل م نرقد دزيتلها.. مبتش اترد عليا.
تقلبت واااجد عليما قدرت نرقد..
حسيت اني عاملتها ب اسلوب ناشف اشويا..
واليومين الي بعدها معندش..
ثالث يوم
مشيت للمستشفى والله عشاانها.
هكي حسيت  بشي جواتي
شي دفعني اني نشووفها..
ومشيت  بدري اشوي عشان نشوفها  ونحكي معاها قبل  م نبدا ف شغلي.
 وقعدت انراجي فيها بس طولت م جت..
خشيت شغلي وضغط شغل واجد مقدرتش نطلع
بعد كم ساعه..طلعت موبايل لان منقدرش نطلع.
نا..هنادي انتي جيتي😟
هي.
نا..ردي علي بس منبش منك شي لو جيتي قولي..منقدرش نطلع نا من عنايه..
هي..اهلين.نا جيت ااه
نا..حسيت بفرحه بس حسيتها فرحه مكسوره نااقصه..(نبي انشوفها🥺💔
بعد وقت طويل حصلت فرصه  واستقرن الحالات.قدرت نطلع اندخن
وتكيت عليها لقيتها  زاحمه عليها
مشيت لشغلي ومقدرتش انشوفها..
دزيتلها (اعتذار)عارفها زعلانه مني..
قبل م انروح  ب نص ساعه..
جتني..
نا..🔥🔥🔥🔥🔥🔥
هي..🥰ربي يعطيكم الصحه..
وسهرت اشوي..
نا..جيتك امبدري لقيتها زحمه عليك
هي..🥰صاح منتبهتش والله ليش م خشيت
نا..كنت بنحكي معاك بروحك
هي..🥰
وتنابشنا اشوي وروحنا..
مرن ليام وجوري راااايق ..❤️
والدنيا متبحبحه..ولله الحمد
 في يوم كان ليل عندي..  روحت من صالة الحديد وجبت حجات للحوش وتعشيت ومشيت للشغل
وهنادي برضوا ليل عندها
بديت ف شغلي و قهوا  ودخان ع ساعه12ونص..
والمستشفى..زي المكان الهجور ف ليل منظر يريب بروحه.
المهم ع ساعه اقريب ال1و45دقيقه
 خش ممرض وقال في اثنين سكاره برا..  تهارجنا معاهم..كانو بيخشوا جوا
نا..🤨🤨
ع ساعه 2وربع..
نسمعوا ف دوشه واعراك برا
 وصوت جاي اقريب منا والمستشفى يجاوب صوته  بالليل
واشوي اشوي.. الدوشه علت وصوت
 البنات وصل لعندنا.
طلع لمعاي يشوف بيعرف الصوت من وين و شنو..
فتح الله..يا مهاب..الصوت جاي من ممر  الي جنبنا شكلهم بنات  الحقن وسحب .خليك تو انجيك.
نا...🔥هنااادييييي🤬🤬🤬 لقيت روحي.طالع وامسيب شغلي
 ومشيت بسرعه بنشوف
نا..🔥🔥🤬🤬🤬
السكارا الثنين عند الباب ودبشهم........
والبنااات
🔥🔥🔥🔥🔥🔥🔥
#يتبع..
#shosheta..
رزق الحرام عمره م دام..
 والمتبلي عالناس بالباطل يجي يوم  ويحصد جزاة تبليه وعمايله
القانون والشرع اوتجدن عشان حقوق الناس متضيع 
مش عشان تلعب بيهن وتاخذ حق ناس هم فالاصل غلابه وقد حالهم
قصة زوجة الاب وطمعها انتهى ب تعهدات وشكاوي هي جنتهن ع روحها  وهكي ينتهى دورها..
في حين تفكر تلعب بذيلها
مره ثانيه ح يكون مصيرها السجن ومش اقل من3سنين..
زوجها الي باع ضميره ونفسه ومهنته ع خاطر رغبة زوجته تلقى وعده واتجازه عليه
وهنادي الي صارت الفرحه الي ف حياة مهاب والنور الي غطى ع كل العتمى والمر
..
شنو بيصير بينها وبين مهاب خصوصاً توا والحمدالله معش في عوائق زي قبل..
 والشخصين السكارا🍺🍺 الي دخلوا عالمستشفى  ووقفوا ع الغرفه الي فيها البنات وصار صوت لعياط منها..هل طقو ودارولهن  شي ولا........
نتلاقوا ف حلقه جايه.. لو لقيت تفاعل كبير..اكثر من قبل.ح انخصصها ل(مهاب/وهنادي)😉🔥 فقط
نتلاقوا بكرا..ليلتكم👻👻🔥🔥
google-playkhamsatmostaqltradent