رواية نقيض بلهفة عاشق الحلقة الخامسة عشر 15 كاملة

 رواية نقيض بلهفة عاشق الحلقة الخامسة عشر 15 كاملة

رواية نقيض بلهفة عاشق الجزء الخامس عشر

رواية نقيض بلهفة عاشق البارت الخامس عشر

رواية نقيض بلهفة عاشق الحلقة الخامسة عشر 15 كاملة

رواية نقيض بلهفة عاشق الفصل الخامس عشر 15


وصلت للمستشفى  وخشيت غيرت ادبشي عشان نمسك توكه  امتاعتي..
 غيرت هك وجيت وانا انابش ف  واحد صاحب ونعزقلا فالكلام😁
فتحت الباب وخشيت..
السلام عليييكم اوووو احويجه مزلتي عندنا..
هي..👵🏼خير خير  ي باتي مزلت عندكم التكتور ميريدش يظهرني
(دكتور ميبش  يطلعها بمعنى😅
نا..باهي  كويس  خليك معانا..
اوو دكتوره..انتي من اين توكه  الي  توا ولا كملتي..
دكتوره.. بدون م اتشوفلي لا نا نسحب للحاجه ونطلع مش قاعدا
نا..مش عارف عليش قلبيي دقققق وقتها.. بعد سمعت الصوت..
 وخشيت نبي نلبس كمامتي والقلافزات..(واهديت مره وحدا مش عارف بشنو حسيت لحظتها)🔥❤️
نا عطيتها ب ظهري ونلبس
وهي..بالشفى ي امي..وزي م قتلك الملح خطيه  مش كويس ع صحتك بالعمر هذا.. والزعل والتخميم باهي 🥰
العجوز..👵🏼بتخلوني ناكل بدون ملح بلاش منه خير😤ميته ميته نا
الممرضه..لا  يا امي..بتزعليني منك هكي..شنو اتفقنه ..قتلك
انخففوا منه ع قد م نقدروا عارفتك اتحبيه ملح الاكل طالع(حانط يعني) بس والله ايضرك اكثر م يفيدك اسمعي مني🥰..
هي👵🏼..خير ان شاءالله.. بتروحي..
نا..بنمشي لشغلي نا  تبي شي كلميني🥰
 وعدت الممرضه..
نا سمعت الحديث بس كنت انشوف ف ملفات الحالات الي قاعدات. 
 كملت وحكيت مع الشاب الي ماسك ع حالات وروح هو وقعدت نا بروحي
صاحبي مزال م جا..
مشيت  اطمنت عالاجهزه وشفت المرضى   وجيت للعزيز😁😍
شفتها راقيتلها ومش عاجبها الكلام
قعدت انساير فيها  وانفهم فيها لما لو استمرت ع اكل المالح وهي ضغطها  عالي شنو يصيرللها..
 وب الضحك ولبصاره ولمسايره..
》》》》》》》》》》》》》
#shosheta 
#كلنا عارفين ان الكبير بالعمر يصير زي الطفل عقله..يماري غيره(يبي كيفه يقعد مرات.. ومرات واجد  ميسمعش الكلام الا ب لمحايلا..
وتضحك ف وجه..
وهذا  شرط واجب تواجده ف الدكاتره والممرضين وحتى نحن  الاولاد  ف ابهاتنا..
هذا كلا  عشان خاطر صحة اكبارنا بالعمر وعشان ياخذوا الدواء..
# وانتبهوا لشي ..ديمه الكبير ميبش حد يأمره  ولا يعانده  بيش ميسكرش راسه حتى هو..
حتى  لو ع مصلحته وبتعطوه دواء..تعالولا ب اللين واللطف..  
 وح تلقوا الفرق❤️
#ارضاء_الكبير_شي_صعب_فالغالب
》》》》》》》》》》》》》》》》》》》》》》》》》》
قعدت مع الحالا وبين شغل وبين مراقبه وبين  منابشه للعجوز
 بعد الفجر وعيتها عشان نعطيها دواها..
 وصاحبي عطا المريض الثاني فالوريد..
هي..👵🏼..ونا بتعطوني اباري ولا شنو..
نا..😁حي ي احويجه ابرتين اخرا
هي..👵🏼وو عليا وو والله مانكم ماسيني.. ايديكم يحرقن كلمولي تكتوره  الي تسحبلي يدها ضريفه كويسه منحسش فيها بكل
نا..ونا يمي  😤 انوجع فيك يعني م نسحبلك يومتها وانقيسلك ولا حصلتي غيري غميتي عليا 
هي..لا ي اوليدي انت الخير ولبركه غير البنت هذك عجبتني وكلامها سمح..👵🏼
نا..تمام  بكل ي حاجه حتى ابر معش في..بنعطيك فصين بس.. انبصر معاك..
 بعد وقت طق الباب وطلع صاحبي فتح الباب وقعد يسهري عند الباب مع ممرضه..
ع سته الصبح.. 
 هوا نفس الصوت الي كانت  هنا.. اول م جيت
 ومش عارف  وين سامعه..
وقلبي دق..
جيت بناخذ دخان ونطلع اندخن والله م سبله رشقتلي انولع بس.
جبت دخاني و الولاعه.. وصاحبي خش وصكر الباب وهو يضحك..
نا..😕قتلك بنطلع  اندخن اشوي
ومشيت برا بكل ف شارع وقعدت اندخن..
بحتت ف موبايل..مفش  ولا شي غير ساعه الي ف وجي طلعت..
كملت دخاني وخشيت وقعدت ماشي فالممر وحسيت ان لمحت شي...
خطمن ممرضتين من دار لدار..
فضول هالمره خلاني بنعرف منهن..
 وجيت عند الباب بس  مكننش مصادراتني..
 ومعرفتهنش من ظهرهن..
ف مرواحه.. حسيت اني شفت هنادي هكي وحدا خطمت قدامي ف سياره  شبهت عليها..
قعدت هي ف راسي..
وفي نفس ال وقت روحت تعبااااان بنرقد..
فتحت النت وع اساس بندزلها..
دوبني فرشت وخذاني النوم ع طول وم دزيتلهش..
 ثاني يوم وعيت نقال طافي شحن.
ولهيت  بعدها بنجيب حجات للحوش
 وفطرت وخري..وهكي..
راح الموضوع من بالي..
اليوم الي بعده معندش..
اليوم لاخر..مشيت..
 ولقيت حالات اجدد.. والي هنا 
امتاع الغيبوبه توفى.. 
 والعجوز قالو سألت علي كم مره قبل م تطلع وقالت قولولا تو انجيه..
 وحالتين لخرات طلعوهن للقسم..
كويسات.
جيت لقيت 3حالات 
اوليد خابطته سياره  وجنبه بوه..
 و حاله اخرا..
خشيت استلمت شغلي.. وهل الاب والطفل دايرين وجيج برا.. ودوشه وكل اشوي يطقوا..
تهيالي كل10دقايق ايطقوا نرفزوني..
طلعت انفصلت عليهم 
وخشيت صكرت الباب
ع طول طق الباب...
فتحت ولساني سابقني بنهزب..
نا..مش قتلكم معش اطقوا متفهموش🤬
ممرضه..معلش كنت نبي شي  بس خلاص..
نا..اسمحيلي والله رقوها لي اتقول دار بوهم يطقوا عليها
بعد نص ساعه طلعت انجيب ف حجات..
ونا جاي.. مسكني ولد الراجل الي جوا يبي يعرف وضعهم..
نا..حاولت نمسك روحي إلا أن باين ف وجي  راقيتلي وفهمته الوضع لشبوب.. وقتله روح بيهم القبيله الي جايبها  لي.. وخليك انت  لان وضع كويس وزياره ممنوع وقعدتهم غير شوشره ودوشه بس هنا. 
 وكملت طريقي.. رن موبايلي
رديت طلع واحد  معرفه يبي يسأل ع دكتور  الباطني من الي ماسك.. المهم قتله خليك معاي نشوف  وانقولك اهو جدول قدامي تو انشوفلك.
وغيرت طريقي ومشيت ع الحائط تبع الاعلانات وجداول.. ونشوف من ماسك..
 وبحتت وقتله دكتور مصطفى ال.....
ماسك  توا... ايواه  ..تلقاه ف القسم الباطني اقريب من الصيدليه جوااا
 ونحكي وانوصف وانرد ع راااجل وجاي شور العنايه وشفت 😳ه ه هناادييي..شدير هنا...
لا ولابسه بالطو.. تفاجئت مع روحي😳يعني هي تشتغل هنا..
كيف..هكي.. ومن امتى.. و ووين..
 وكيف مش شايفها
 من قبل..😟😟😟😖😣
 انتبهت لروحي راجل عالخط..الووو مهاب تسمع في..
نا..ءءء..اها اها(وكملت كلامي معاه وخشيت للعنايه..
بس شوفت هنادي لخبطت اموووري بكل. مش عارف والله😅 بس  قعدت انتحرك ف مكاني واجد ومعش ركزت..ف روحي ولا شغلي
 رديت طلعت بنشوفها ملقيتهش..
طلعت اخرا بعد وقت..
بلا  فااايده..
حطيت عقلي ف راسي.. وقلت معش نطلع.
 وقعدت اندير ف بالي ع شغلي وبس
 بعد5ساعات من الشي الي صار..طلعت نبي اندخن
 ولقيت روحي..نبرم فالممرات نبي نعرف الي شفته صح ولالا
هنادي تشتغل هنا..ولالا
برمت بس بلا فايده..  
تصدقوا قعدت نضحك على روحي..
كنت بندخن.. لقيت روحي نبرم ع ممرات عشان بنت..
هه..شنو صارلي😅
..
طلعت دخنت وماسك ضحكتي والله
ونا خاش..  حكيت مع واحد عالباب
 وجيت للعنايه.. 
طقيت الباب.(ينفتح من جوا بس)
 فتحتلي  الباب  الممرضه
لابسه كماامتها.. وفتحتلي..
نا..اول م خشيت لعيووون صااادرني اعيوني ب اعيوونها اااارتبكت..
 اصلا من الوجه كلا من باين الا لعيون 
نا..تلخبطت..  غمضت اعيوني ونفضت روحي ومشيت من جنبها
هي صكرت الباب..
نا..بنلبس قلافزاتي..
هي.. مهاب..انا هنادي..متبش اتقولي خير..
انا..😳😳😳😳😳😳
ه ه هناااادييي😨
هي..🥰..معرفتش اه..
نا..معرفتش شنو انرد
هي..قربت صوبي.وصارت تحكي بصوت واطي..عشان المرضى
هي..🥰.. بما انك بحتت في ومتكلمتش قلت  معرفنش ونا بالكمامه
نا..ااه والله اسمحيلي..😅
》》》》》》》》》》》》
#تهيالي وجي انحمر بيني وبينكم
😂😂😂
》》》》》》》》》》》》
هي..ولا يهمك🥰.. جاني (فتح الله) وقالي تعالي مكاني اشوي..مهاب طلع معش رد
نا..😅ف عقلي كان تعلمي وين كنت بس(اندور عليك وانتي طلعتي ف شغلي جوا)
نا..ااه طلعت اندخن..😅
هي....باهي..🥰
نا..كيف طلعتلي تشتغلي هنا ومنعلمش
هي..🥰 مصارتش فرصه وحكينا
نا..على خير ان شاءالله.
وجيت بنحكي اخرا.. من الفرحه الي حاسس بيها.. معش نقدر ندس واجد
مشيت تباعدت من احذاها ولبست كمامتي عشان انواري ضحكتي😅 الي والله معد قدرت نسيط ع فمي
هي..مهاب..دكتور ناصر جا وقاللكم بعد نص ساعه واحد منكم  يجيني  فالمكتب..انت ولا فتح الله
نا..اوووو.. تزريطه بعدك هذا🥴
هي..🥰 بلكي يجيبكم ع شغله ولا شي
نا..عارفه..مصالح شخصيه هذا وضيفته هك بس.
هي..
نا..وقربت انشوف ف المريض نا
هي..مُهاب..
نا..ايوا نعم..
هي..عادي نسيبك  بروحك🥰بنمشي لشغلي..
نا..اء😰 اها باهي تمام..مشكوره..تقدري تعدي..
هي..باهي..هي سلام توا
نا..لحظه ..هنادي.. وين ماسكه انتي..
هي.. كنت ف قسم النساء و الولاده  وليام هذن فالحقن والسحب.. ومرات مع اي دكتور يبي  ممرضه
نا..☹️ وقفت وبحتت وسكتت
هي.. كنك في شي..
نا..لا تمام بكل .منورا..
هي..🥰سلام..
وعدت...
مش عارف ليش معجبتنش اخر حاجه قالتها..
 وعدا اليوم تمام..
صح تفاجئت 
لان طلعت هي الممرضه الي سحبت للعجوز وسمعت صوتها نا بس..
وبرضوا هوا نفس الصوت الي جا عالباب ويحكي مع الشاب الي معاي
ف فالختام
 فرحت بجد لما  لقيتها معاي ف نفس الشغل😁❤️
مجش ف بالي ولا مره نسألها.. لانها صاحبة اختي قلت  اكيد زي بعض نفس مجال
 مخطرش ف بالي ان اتكون من مجال اخرا..
مرن ليام وقعدت كيف الطفل الصغير الي تاخذا للمكان ..عشان يلعب فيه وبعد وقت حبه..
هو نا..صح مجال الطب رغبتي..
 وصح مساعدة الناس مستحيل أنوخر منها..
 وصح  المستشفى جتني فتره وكرهتها..
بس وجود هنادي فيها.. خلاني زي الطفل  الي م يصدق امتى يجي الوقت امتاع الشغل  عشان يمشي يجري له🤗 ونتمنى الدوام ميكملش..
والله حكيت بكل صراحه..في شي مخليني مراهق هكي..
حتى مع نرجس عمري م كنت هكي ولا  حسيت هكي..  ولا درت الي اندير فيه توا
بس
 مع هنادي.. شي مختلف.
شي مش عارفه شنو هوا..
وغير هكي..  حسيت بروحي خفيف طايش..
لازم يوم الي نمشي لشغل لازم اندير اي حجه عشان انشوفهاااااا..
و
مجرد م انشوفها خلاص  نهدى😊
حتى لو محكينش عادي بعدها.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
ومشن ليام  ونا كل يوم انحس فيا شي متغير... في رااحه حاس بيها عامه جواتي..
مليان راحه جسمي حااسه
حتى بالي..متريح..
والحمدالله قعدت رااايق.. اممم خليني انقول50%..😊
50لخرات مش بيدي بعدين تفهموهن
وعدن الاسابيع..  ونحكوا فالمستشفى وانتنابشوا ..😊
 ويوم الي منشوفهش فيه انروح مضاااااايق معندش نيه انروح للحوش نقعد.
لما يكون معندش شغل اتجي اتنابش وتمشي
ونحن انردولهن ف لمنابشه نا وفتح الله😁 بعد نحصلوا فرصه...
ايام يجنا حوادث كارثيه و قتل وحالات واجد نستدعوا من يساعدنا مرات يجن هن ومرات حد اخرا من تمريض يجينا 
 وصار بينا اشوي مراسلات عالواتس..
 وهكي بلا طعمه خبر فاضي بس سمح😊💙.
 وعرفت  من امتى باشرت عمل هي..
  وحكيتلها نا..
ومع تقدم ليام  صارت هالبنت بمكانه  غريييييبه ف حياتي..
شي معرفتش نوصفه.. ولا قادر انصنفه...
حب لا محبيتهش..بس هكي شي غريييييب  وتملكني.. وفرض روحه  ف حياتي ويومي.
لما بديت ف السمستر  واقرايه فالصبح.. مشيت وغيرت جدولي ونسقته من جديد مع المسؤول 
 والشي خلاني نحس ب فراغ غريب ب شعور شين..
لان جدولي وجدولها مع ناسب بعض
صرت انتلاقا معاها يوم..يومين بس..
وعدن شهرين..
 مرت بوي نفس وضع  الي قلته  لكم امس .. غير هك افلوس الي شلتهن لها   تبع سياره والمحل كملتهن ف فتره قياسيه غريبه بكل وانصدمت لما  قالتلي كملن...
ي ناس ب الالوفات شلتلها مش ميه ولا ميتين اجنيه.. فوق من18.000
وهي اوكال وشرب بس..
حتى دبش لا وقالت اكملن وياما ناقص لعيال.
حاولت نفهم ف ايش كملن حسيت روحي ندخل ف شي ميخصنش..
 سكتت و خلاص..
وبعدها قعدت تاخذ ف الاجار لروحها
 ومتكلمتش...
وافلوسنا نحن..
دسيتهن  الواحد ميعرفش امتى يستحقلهن  
ع قولة لميمه الله  يرحمها..
دس قرشك فالتراب
《كل الحوش ايتفتش إلا التراب م اتنبش.》
وفعلا خذيتهن ودفتهن مكان ذهبها
^^^^^^^^^^^^^^^^^^^^^
وراتبي عدا للمعهد دفع للسمستر.
وراتب نجوى هو الي نصرفوا بيه
وساترنا الحمدالله..
 ف يوم جمعه  درت عشاء مع البنات لاوره فالحوش وجو جيرانا  وتعشينا  مع بعض  ولينا زمااان ع الجو هذا..
يوم السبت..ونا مروح من معهد.
تكيت ع راجل الي مأجر  وقتله نبي الاجار..
قالي..مرت بوك جت خذتهن وقالت الشقه ليا ونبيك اتسيبها ف اقرب وقت ..وورتني الاوراق..
لان قتلها  ان التفاهم معاك انت زي م قتلي  ي مهاب هي طلعت اوراق من شنطتها وقالت الشقه ب اسمها..
نا..كيف هكي..من امتى وعليش 
الراجل ضايقه ف وجه قالي  عطتني3ايام ونا معندش وين نمشي وعدن يومين ونا اندور..
سيبت الراجل ومشيتلها فالحوش
 ويلعنبوك مشيه..مشيتها..
طلعت اوليه ثانيه بكل.. ولسانها طوله مش شرق للبلاد للغرب.
ووقاحه واسلوب شورعي.. بكل  
متقولوش المكسوره هذك الي تبكي ليام الي فاتن قدام وجي  
وتشحت..
اليوم مفرعنه بكل..
لما حاولت نفهم منها  لزتني.. وقالتلي الشقه ب اسمي نا.. واجارها المده الي فاتت خذيتا كلا
وتوا معش لك عندي شي..
لي حرية التصرف فيها..
 وغير هك..حوشكم الي ساكن فيه
 وضاحك عليا وقايل باتي مسجله ب اسمك انت وياهن. هذا حقي نا واعيالي... ووانت دور وين تقعد..
لما لاطعتها وتهارجت معاها اقريب الساعتين..
قالتلي حقي منش مسيبته.. وبيني وبينك ليام. 
لما لقيتها راكبه راسها..
ومنرفزتني  وبعد م غلطت ف بوي الله يرحمه..
م عقبت م قلتلها ومسحت بيها الارض..
 وقتلها الي فجهدك ديريه.. وانا قاعدلك..
روحت متعقد.. بكل واي حد يجي قدامي انتفشش فيه..
مبيتش نحكي للبنات شي..
وبدت ادزلي ف ناس
 والمشكله تحكي وكأن نا الي نا زاقب ف حوشنا  وواخذا منها..
مش العكس..
 كل م ادزلي حد نمسح بيه الارض وانطرده.. فوق من5 وحدين دزت ع مدار فترات..
لين في يوم جت للبنات  وهددتهن ب حبستي لو م خلني نطلع من الحوش ونعطوه لها..قالت نخشيه للحبس طول  عمره م يطلع منه..
روحت سمعت ب الي صار.مشيتلها فالحوش و وشبه اني تهجمت عليها ناقص غير مدة اليد  بس الي مضربتهش.. 
قالتلي  مدامك تماديت هكي انت الي جبرتني ناخذ الحوش منك بالقوا والقانون..
ومزلت متعرفنش انت..
نا..وطز فيك وبمعرفتك..ي اخسارت قولة ام خوتي انتي..
وكالة الحرام..
بعد اسبوع.. جتني دعوه بالحظور فالمحكمه ع قضية الاستلاء ع المنزل والسرقه..
خذيتها وشرطتها.. وم مشيتش بعد5ايام..جتني ورقه ثانيه مع ضرورة الحضور والا ح يصير ف كلام ثاني..برضوا بالقانون ع اساس..
توكلت عالله وغبت دراستي ومشيت  للمحكمه لقيتها قدامي هكي.. وبدينا فالقضيه.. ويحكي  المسؤول ومن هنا من هنا..
 قتله عالوصيه وكذا والشقه وبيني وبين خوتي الي هم اعيالها..
 وحوشها ب اسمها
وحوشنا ب اسمي نا وخواتي..
 وقعدت اترد واتلاطع.. وتبي تثبت أن الدنيا كلها لها ونا زاقبلها وسارق حاجتها..
بعد نقاش طويل..دارولنا جلسه ثانيه بعد شهر.. وع اساسها.. نثبت نا كلامي ب دليل
 وتثبت هي كلامها...
والمشكله مش هنا حسيته مش خايفه وعندها دليل واثبات ع كلامها.. الوهمي الي اتقول فيه..
ونا من وين بنجيب الاثبات.. لا عندي ورقه ف يدي..ولا  شي..
وكل م نمشي لمحامي نحكيلا ونبيه يوقف معاي..
بعد كم يوم يكلمني ويعتذر ع القضيه.. ويقولي مرت بوك م معاهش مسلك.. ولا مهددتهم..ولا دارتلهم شي ف ايسيبوا ويخافوا..
 والله مش واحد ولا اثنين..قعدوا ايتهربوا مني..
والايام يمشن. والجو متوتر بكل..
 وراقيتلي..
لدرجه كل م انجي للحوش.. اتجي فكره ف بالي ان الحوش ح تاخذا هي .. ويطير مني..   
هذي بنت حر.......🤬 نتوقع منها كل شي
غير المسجات الي يجني منها ع شفره..  ك توعيد وتهديد.. 
 وتنكيد ع دين ام..........🤬🤬
قعدت عايش ف ضغط..
شغل من جها..
ولقرايا الي خلاص الامتحانات بيكونن اقريبات 
 وقصة القضيه هذي..
وين نبي نقسم روحي ولا وين
تي حتى قريب مسقم م عندي نمشي نحكيلا  ويوقف معاي..
لا اخ كبير
لا جد..
لا اسياد عليهم القيمه تعبى عليهم وتمشيلهم وقت العازه.....
#ومن الجوانب السيئه الي فيا..
كل م يزيد الضغط عليا.. كل نبدا نخرب وانكسر فالحوش..
من كثر  م الموضوع معشش ف راسي وانفكر بلا فايده نقعد نكسر ونخرب...
 وكأن يعني هكي نفست نا..
 البنات لما يسألني.. معندش م انجاوب.. واقرب اجابه  الي هي مفش اجابه اصلا..
التخريب الي اندير فيه..
اصلا اوعر شي تحس  بيه هو العجز
 لما تقعد تحاول اتحاول اتحااااول وتلقى نتيجه هيا هي..
هنا اتحس روحك عااااااااااااجر رغم انك مش مكتف   جسدك..
جوي زفت بكل قعد  وباينه ف وجي نرقد 3\4 ساعات بالكثير بس..
حتى شغل معش عندي له اخلوق..
 صادفتني هنادي يمكن مرتين 3... ومكنش رايق بكل حتى صباح الخير م انقوللها..
والله مش قاصد..بس بما ترقالي معش نعرف حد قدامي..
قبل موعد الجلسه ب8ايام.. ف ليل.. طاير النوم.. وكنت ف افراشي..
انصبي نبرم.. ونقمعز اندخن ف نفس المربع..
دزتلي مسج هنادي..
هي..(مهاب لو واعي نبي نحكيك اشوي)
نا..مش وقتها بكل.. منبش نحكي لاني ضااااااايج بكل..
رغم الي قلته اه لقيت روحي  ران عليها ع طول..
هي.. قعدت اتزرزر في واتقولي كنك مش تمام انت شنو صاير لدرجه هذي..تتعارك مع الراجل امس ف مستشفى وتضربه هكي..
نا..لقيت روحي منبلط فيها..  ونعارك ..
هي..مهاب..اعتبرني زي ندى.. واحكيلي شنو صار..
لو معطيتكش حل.. ح انخفف عليك صدقني..
نا..تسحابيه موضوع تافه انتي
هي..مهما كان  ي مهاب ب هدوء وتركيز ح ينحل صدقني
انت مش ح اتركز هكي ولا تعرف اتفكر  قولي الي صار وبأذن الله نلقولا حل..
نا..لا الله الا الله.... وحكيت كل شي بغضب واعراك...
 وهي..تحكي بشويييش.. وراايقه..
اها..باهي..وشنو صار..تمام ااه..باهي
ونا....🔥🔥🔥🔥🔥🔥
هي..كملت..؟؟
نا..ااه كملت..
هي.. تعشيت انت..
نا..🤨🤬
هي..مهاب جاااااوبني اكلت شي..
نا..هنادي مش وقت ابصارتك توا..
هي..لا مش بصاره..اتصبي توا تمشي تاكل.ي تاخذ حليب  واتجي.. هيا..منبصرش نا.. لو لي خاطر عندك ادير هكي...
  وبعدها تعال..
نا..🤬🤬🤬🤬
هي..هيا بنقعد عالخط اه هيا صبي
نا..مش عارف العصبيه كيف تلينت ع كلامها... وكيف مشيت سمعت كلامها وشربت حليب مبيتش ناكل..
نا...هااا😤..شنو توا
هي..شربت حليب🥰
نا..ااه😤منبش😠ناكل
هي..باهي جرة الحليب ع فمك امسحهااا 🥰
نا...هنااااااديييييييي🤬🤬🤬😡
هي..
🔥🔥🔥🔥🔥🔥🔥🔥🔥
#يتبع..😉

العجز مش ديمه ف حركة الانسان وحريته وفقره جيبه .
العجز مرات يجيك رغم انك تملك كل  شي..بس ب لحظه غضب م اقدرت تصرف
اللطافه❤️ والابتسامه الحلوا مفتاح لكل قلب..
هنادي.. ي هنوودا🥰
وجودها ف حياة مهاب يعتبر مفيد ولا  عباره عن شي عابر  وخلاص..
وهل ح تقدر اتهدي مهاب واتغيرلا جوه واتخففلا الضغط الي  هوا فيه
وادله ع الطريق الصح ولا.........
زوجة الاب الي من الجنس المحب للمال ولو بالحرام..
اقدرت بطريقه غريبه ان تاخذ الشقه لها 
ولحد الان مهاب معرفش التفاصيل
هل ح توحل ف وخذت الحوش منهم.. ولا ح يكون سهل عليها تاخذا واطلعهم..
واقع الان.. الي نعيشوا فيه.. ياما شايل والله..
نتلاقوا بكرا ف حلقه جديده..
ليلتكم🔥🔥🔥🔥
google-playkhamsatmostaqltradent