رواية نقيض بلهفة عاشق الحلقة الرابعة عشر 14 كاملة

 رواية نقيض بلهفة عاشق الحلقة الرابعة عشر 14 كاملة

رواية نقيض بلهفة عاشق الجزء الرابع عشر 

رواية نقيض بلهفة عاشق البارت الرابع عشر 

رواية نقيض بلهفة عاشق الحلقة الرابعة عشر 14 كاملة


رواية نقيض بلهفة عاشق الفصل الرابع عشر 

روايه شاب واقعيه
#بعنوان_نقيض_بلهفة_عاشق_الحلقه_الرابعه_عشر_للكاتبه_shosheta..

للعبره👌🏻

قراءه ممتعه..🔥🔥

ساعه2 بالليل.. كيف كنت راقد..
رن الموبايل..

نا..دوب فتحت اعيوني
(رقم)

عطيته مشغول..ورقدت رد اتصل مرتين نرفزني.. فتحت عليه

نا..الووو

المتصلل...مهااااب نا نرجس😭😭😭(وتبكي

نا..😳نرجس..🤨

هي..مهاب بالله عليك ساااعدني عارفه معش تبي تحكي معاي بس والله م عندي غيرك نحكيلا بالله عليك..😭😭😭😭

نا..خير ان شاءالله كنك..
هي..ومتعصبش عليا والله عارفه روحي غلطانه وناادمه..😭😭

نا..احكي شنو دايرا🤬🔥

هي..نا طايحه ف حاجه ومعندش غيرك يساعدني 😭😭

نا..نرجس احكي متحرقيش دمي 🤬

هي..نا كنت متعرفه على واحد ودرت معاه علاقه..

نا..🔥🔥🔥🔥🔥

هي..والمفروض يكون كويس معايا نا وثقت فيه وهوا تمادا معايا...

نا..طااايحه ع راسك انتي قتلك من قبل متوثقيش فيهم إيجرو فيك وانتي............متفهميش🤬😡

نا..احكي كيف تمادا ادووويييي🤬

هي..😭😭😭😭حبيته نا

نا بعد سمعت الكلمه هذي.. استحقرتها وحاجه ناضت في..

طربقت الخط ف وجها/صكرت.

ردت اسكنت..6مرات اترن..

رديت بعصبيه..
نا..من الاخر شنو تبي🤨🤬

هي..يهدد فيا ي مهاب ب صوري
يبيني اندير الي يبيها😭😭

نا..وضحت الصوره عندي وهو يبتز فيها يبيها ادير شي غلط معاه ف موبايل.🔥🔥💔

نا..من وين لاقطتيه فرخ الح...... هذا🤬

هي..متعرفه عليه من فيس😭

نا...السوسه لمعفنه الفيس هذا متبيش اتبطليه كنك هكي انتي متوبيش متعرفش ان هم وكذب لعطاب فيس هذا🤬🤬🤬

هي..😭😭😭😭😭

نا..متريحه هكي متريحه توا بعد الي حصلتيه

هي..مكنتش عارفه يبي يصير هكي
😭
نا..لا بلكي تبيه يقولك..🤬🔥🤬🔥

نرجس..خلاص ي مهاب ساعدني والله بروحي عارفه غلطي متزيدهش علي😭

نا..منزيدهش ااه اديري الغلط واتجي اتبكبكي اه🤬🔥

هي..😭😭😭😭😭

نا..والمطلوب توا شنو

هي..مش عارفه كلمه شوفه والله خاايفه قعد يجيني فالحوش يطق ع روشني

(رواشن حوش ع شارع )

نا..😡😡وصلت للحوش اخرا وشنو عرفه بيه هوا

هي..اءء..باهي نعطيك رقمك واحكي معاه

نا..قتلك من وين يعرف الحوش انطقي🤬😡

هي.. حسيتها متبيش اتقول ومن كثر م زريت عليها..قالت نا وصفته له كان يبي يخطبني قال وقالي وريني حوشك...

نا..🤬🤬🤬🤬جيت بنقول كلام وسكتت..

ووين بنلقاه لك..

عطتني مواصفات حوشهم وشعبية........... ووصفاته لي

وقالتلي هذا رقمه تلقاه ساهر مع وحدين توا

قتلها شنو قالك بيش هددك
قالت بعد كلمته فيديوا ب لبس مستور يبي نحول لما رفضت قعد يكسد علي ب صوري ويهدد فيا
يقولي كان مترديش علي تو نشهدرهن عالفيس كلا..
وصوري كاملات حتى وجه
باين

انقني شطت وهزبتها وصكرت ف وجها

خذيت الرقم شاب وقعدت انرن عليه
بيش نجره قتله دلوني عليك وطالبك ف خدمه م خدمه عارفك شاب محترم واكويس..

مكثرش كلام وقالي تفضل نا ساهر مع جماعه توا بكرا نكلمك

والي لاحظته كلامه ثقيل..
يعني الاخ سامطها/سكران🤬
لان مستغربش لما رنيت عليه ف وقت هذا

طول النهار ثاني يوم وانا انرن مقفل مقفل مقفل...

بعد المغرب رنيت لقيته فاتح

بعد رنتين ذكرته ب كلامي وقالي تعالي فالحوش توا غير وعيت نا..

خذيت تكسي ومشيتلا طول اول م فتحلي مزال مش..مصحصح زين
قالي خش الحوش حوشك مفش حد اشوي بس اندير ف قهوا..

#بما ان الحوش مفش حد ..
(بيني وبين روحي)
قتله وهوا ماشي..

نا..نرجس من وين تعرفها..🤬
وقف ف مكانه

نا..قتلك نرجس من وين تعرفها
هو..🤨 تخصني
نا..اتخصك وتهددا ي محترم

هو..وانت اشدخلك..عليش واجعتك ولد خالها ولا ولد سيدها انت بيش نعرف مع من نحكي
لان ع حد علمي معندش خوت اكبار

نا..لا صح معندهش خوت اكبار بس عندها نا..

هو..وانت من مثلا وعليش جايني ع بنت ليل جاي تعارك.. خلص تو تاخذها ساعه لك وساعتين لي😏

نا كلامه عصبني استفزني..هديت عليه وضربته على وجه بنت ليل ي ولد ال......... البنت تخصني وين لاقيها هذي

هو.. اهاا عرفتك انت مهاب الي كنت ساكن لنرجس وامكرها ف حياتها..
ياما حكتلي عليك لدرجة كرهتها ف الارتباط انت..

نا..صدمني كلامه قعدت واقف
نا طلعت ساكنلها وامكرهتها ف الارتباط ولا هي الي كرهتني ف شي اسمه الحب اصلا..

هو..شكلك متفهمش فالبنات بكل..😏معذور ي صاحبي
البنت كان م استغليتها وجريتها للفراش تطلع م تنفعش انت..

مش عارف ليش اهديت بعد سمعت الكلام هذا.. وقعدت خايف من الي ف عقلي.. وان شاءالله لا...

هو..تبيها اتريحك دلعها تلقاها زي الخاتك ف يدك🤤🔥بذات ف ليل كل يوم انزل عليها ف لفراش وزرزرها لين تضعف و...........

نا..مسكت روحي اكثر لان حسيته الي ف عقلي صح
قتله..قصدك انت بترقد معاها..

هو..لا ي صااحبي😏 نا خبره فالبنات وجبتها نرجس
هنا مرتين ورقدت معاها و...........🔥🤤يرا عليك جو صار فيها..

دايره روحها شريفه توا.. ومتبش اتجي... كسدت عليها ب اصورها

وليام جايات بنجيبها نكسد عليها نا وشباب.. تعال خوذ فرصتك فيها.. انت وتمتع..
وفتح موبايلا ووراني
مقدرتش انشوفلها بالوضع الي ف الصور والله م قدرت..

منبش انطلع روحي شريف وملتزم
لا...

بس كنت انشوفلها بشكل
ولما شفتها ف موبايل كيف كاينه م تقبلتها..

هو..شوف شوف رقدتها فالمرقد كيف..سايحه هي وذااااااايبه

نا..طلعت الموس من ظهري وفتحته
ونا نسهي فيه وانقولا..ان شاءالله غير متعاتك بس

هو و...اهوووه م نحكيلك🔥🤤 بنت مش مقروبه وتقعد انت اول واحد راقد معاها ولامسها.. جوووو من الاخر..

حتى القتل م عندك م اتقول فيه ف قضية شرف ولالا...
ولفيت يدي ع رقبته والموس عليها

نا.. حول الرمز بسرعه

هو..يرا كنك وسع بالك حول الموس

نا..واقسم بالله كان م تحول الرمز نغرس الموس ف جنبك.. حولا قتلك

هو..باهي اه اه خلاص غير براحه خلينا انتفاهموا بس.. كان تبيها خوذها البنت معش نبيها..

خليته يحول الرمز..
وجرحته بالموس ف وجه ونزلت فيه ضرب(الا هو حشاه من قولة راجل ..فرخ زي الصبايا..حتى الصبايا ارجل منه.. ني هكي حتى ضرب م يضرب ويسلك روحه
مستقوي ع بنات ب صورهن

م عقبت م سمعته له من كلام وكردمتلا وجه.. وبالمرا..
عطيته ضربه بكل قوتي ب كندرتي فالمكام الي يحس بيه ان هو راجل..

وفهمكم اكفايه..

خذيت التليفون معاي..بعد م هددته
وسيبته مطوح ع الارض وطلعت.

ف طريق..اتصلت ب هذك..

نا.. وبصوت حاد قتلك بنلاقيك ف حوشنه اه توا اني جاي
هي..بخووووف م م ممنقدرش ي مهاب هلي ميخلونيش..

نا..هلك ميخلوكش اتجينا بس ادزي صور عادي اه

هي..باهي شنو صار قولي

نا..متحرقيش دين......🤬قتلك امشي لحوشنا بنجي غادي نلقاك اه
وصكرت ف وجها.. ونا مزلت نار والعه في.. وشااايط كان نرجس كانت مع شاب هذك والله راني كسرتها كان م قتلتها ف ارضها..

وتهيالي الطريق زاااااحمه ومبتش تكمل بيش نوصل فالحوش

هلبت الطريق و اوصلت الحوش
فتحت وخشيت دلفت الباب..
بصوت عالي...نرججججسسسسسسس🤬😡

وخشيت اندور فيها
كانت مع بنات ف دار..

نجوى...كنك كنك تعيط شنو في😢
نا.🤬🤬😡😡
مسكت روحي..
نا..نجوى خوذي ندى واطلعي صكري الباب..

نجوى..بس ي مهاب ميجش انت وهي تقع...........

قتلك اطلعي برااااااااااااا😡😡😡
وخبطت على الباب بيدي

طلعن هن لثنين برا.
صكرت الباب بالمفتاح وقعدت نقرب شورها..بس بحقد بغضب..

هي...واقفا ف مكانها تبكي..

نا..شنو قتيلي امس ف تليفون..يهدد فيكي عشان ايش..

هي....
نا.....جااااااوبييييننييييييييييي🤬

هي..😭عشان مكالمة فيديوا..

نا..وكذبتي علي وطلع فيديوا حي فيديوا ارض واقع ي نرجس.. اصلا مفش فيديوا بكل
ف افراش وفي(.......). هكي ولالا🤬..

هي..😭😭😭هوا جبرني

جبرك علي شنو
جبرك عالصور الي فيهن نص دبش ولا اشوية دبش والباقي عالله هكي قاااعدا فيهن جاوبيني احكي..😡😡
هي..😭😭😭😭😭

نا..لا واخرا شنو جايه بتستنجدي بيا
عليش كلمتيني عليش بعد ورطتي روحك دورتيني نا.بعد
بعتي شرفك عليش جايتي اتقولي سااعدني عليش بنفهم عليييييييييش..🤬🤬🤬🤬

هي..ملقيتش غيرك قدامي ومتأكده انك ح اتساعدني مش ح ترخي بيا
عشان مزلت تحبني..

نا..لا غلطانا نا صبيت وفزعت عشان صور مش ع بيعة شرف ورقده مع وحدين وانظر كم واحد ..... مقدرتش ننطقها..

هي..مبعتش شرفي معش اتقولي بعتيه..
هو قال كان اتحبيني اثبتيلي واطلعي معاي .. وياما حاولت نغير كلامه مبش طلعت معاه وجيت
وجيت ع طول

نا..اي طول.. متجننينيش .ال.......🤬هذك قال جابك مرتين لحوشه ورقد معاك وانتي
اتقوليلي صور وطلعه وجيه
اتحقي فيا فرخ اصغير قدامك انمص ف صبعي.. نفهم مش جاهل راهو

هي..باهي خلاص المهم هذا الي صار

نا..نرجس..😠
ياااااانرجس مطرشقينش والله الي فيا كافيني. انتي مشيتي مع هذك مش ب ارادتك صح.. ومكنتش عارفه ان مصورك

هي...

نا...نرجججسسس انطقي متخلينش نعصب عليك..

هي..من الاخر ااه طلعت معاه ب رضاي.. ومش مره..مرتين.. وفي حوش هله وكسدت معاه اشوي وروحت

معش انتبهت لروحي إلا ونا معاطيها كف بكل قوتي لين خبطت فالساس وطاحت

نا..تمام بكل وخليك قد الشي الي درتيه اه...

وطلعت لقيت خواتي برا..
نتيت فيهن و
صكرت الدار ع الكلبه هذي ومشيت
طقيت ع هلها..جبت امها وبوها..
وخليتهم يخشوا ع بنتهم ويعرفوا كل شي..

وخذوها وروحوا

من غضبي منها فشيت غلي ف دخان ومحكيتش ولا كلمه بعد م روحوا بيها

#العيل الي تحكي معاه (واخذ موبايلها منها وقاللها انغيره لك ب اخر جهاز فالسوق ونشوف صورك مش انتي بتقعدي مرتي وام اعيالي
خذاه منها وصدقاته هذا ف اول مشيه.. ومرقدش معاها ..شغل عالخفيف(ايطيب فيها زي م انقولو)

ف ثانيه الي مبينهش وبين الاولا 4ايام.. عطاها نقالها بعد م خذا نسخ كامالات من صورها ع جهازه هو

وعاطاها نقال.. من بعد م تمتع بيها وصار الي صار بينهم وخسرت شرفها (وصارت مش بنت بنوت)زي م انقولوا.. وعطاها نقال وصورها فيديوا.. ب موبايلا هو .

وبعد الي صار بينهم قعد يهدد فيها بيهن عشان تطلع معاه بيكسد عليها هو وجماعته ف الشقه وهم شلة سكاره..حشاشه..

***************

#صدمتي الكبيره منها هي.. كيف رضت ع روحها ومشت مع واحد متعرفش ملة اهله شنو..

لا وياريته راجل هو..عقاب فرخ مجنس..كونه انثى اكثر من راجل باين شكلا

#والله مكنت نبي نبلغ هلها لو كان هالامر غصب عنها..
وصح نبي ننبلط فيها ومش عارف شنو اندير اخرا....

بس لما قالت لا برضاها.. لا هنا مش شوري وخليها اتحمل مسؤولية الشي
واتكون قد الطلعه الي طلعتها

#موجعتنش حكيتها علي قدام العيل هذك..كثر م وجعتني اللقطه الي صارت..

و..وااااااو عالشعور الي صار سوا ف حوش هذك..
ولا من الي صار من نرجس.

》》》》》》》》》》》》》》》》》》》》》》》》》》

هلها ياما صار فيهم .. وعدا بوها يدور ف هل العيل هذا..عشان يبي الستره لبنته بعد الفضيحه الي صارت
ولقاهم بعد مده طويله من تدوير..

وحكالهم ع الي صار
وعدى قدم شكوه ف العيل وانحبس
وقالولهم ولدكم ميطلع من الحبس لو م قرش فاتحة البنت الي غلط معاها..

وبعد هكي معش سمعت شي ولا دورت✋🏼

》》》》》》》》》》》》》》》》》》》》》》》》》》
بنفس اليوم الي جبت فيه نرجس للحوش..

ليلتها فتحت الواتس..

مش عارف ليش الصدف هكي
يصير شي معي مش تمام بيني وبين نرجس نلقى هنادي من جها ثانيه بعيدا صح بس قاعدا 💛

وليلتها حكيت مع هنادي والمشكله نا منعرفش اندس عصبيتي ومزاجي حتى فالكتابه منعرفش..
مسرع م اتبان علي سوا انتم قدامي تعرفوني ولا ع كتابه تلاحظوني.

هنادي لاحظت هالشي وسألتني ولاني مفشيتش غلي ف لقيت روحي الهزايب الي بنهزبهن لنرجس قعدت اندز فيهن ل هنادي..

وكنت شي مصكر ..مضغوط/وانفجر

محكيتش الي صار لهنادي بس قعدت انقول ليش الغلط وليش الواحد يرضى بالحرام وليش وليش ولييييش

وهي كانت اترد ع كلامي وبرواااق بكل.. وكل م انقول بنسكت نلقى
روحي فالت لساني ونشكي..

وهي حسيتها قدامي.. وقاعدا واتهدي فيا.. كل مالي نرتخى ونهدى وعصبيتي اتخف

انا انسان نكره حد يعاندني .. ولا يلاطعني.. حتى وانا شايط منبش حد يشيط معاي انزيد نحمق اخرا..

هنادي حسيتها العكس.. وهذي مش اول مره انجيها امفلم ونروق ونرتاح بعد م نحكيلها..

رغم الاسباب منحكيلهش فيهن بس والله تفهمني.. ويمكن هي فيها شي انا فاقده...💔يمكن فيها ويمكن ويكمن ويمكن😔

يا غيبت بدر فيا 🔥ويا حضور هنادي عليا 🔥

◇◇◇◇◇◇◇◇◇◇◇◇◇

#مرن ليام والاسابيع..
ونجحت ف سمستر وشغلي ماشي

واجار الشقه ف بدايه قلت نقسم المبلغ بيني وبين مرت بوي بالنص..

بعدها قلت لاء..شهر لنا وشهر لها وهكي يطلع مبلغ اكويس وعطيتها الشهور الي لها وخذينا نحن

وجبت خوتي مرتين ف حوشنا ودرنالهم عزومه اتقول رجالا اكبار..
وبعدهل قتلهم كل جمعه انجيبكم عندي..تغيروا جو وتقعدوا معانا..

واليوم هذا منقصش فيه الخير
وع قيس م نقدر انجيب
وانفرحهم...

بس مع كل جيه لعيال صارو يطلبوا ف حجات.. وكل جمعه ايزيدن طلباتهم ع جمعه لخره

غير يقولوا أن معندنش افلوس ومناكلوش وحتى دبش معندنش

مره بعد مره بعد مره قعدت وفهمت منهم..

طلعت امهم تسمع فيهم الكلام هذا
عشان كل م يروحوا نعطو فيهم الي فيها النصيب
وهي م تشبعش ولا تحمد ف ربي..

#لما مشيتلها وقتلها كنك اشناقصك لعيال قالو ناقصنا وناقصنا..

هي..قعدت تشكى واتبكبك ونا معش اقدرت ع لعيال ومصروف واجد علي بروحي والي عندي م يكفش..
ومن الكلام....

نا..وشنو المطلوب..

هي..اجار الشقه عطيه ليا كامل كل شهر ويالله يسترني مع لصغار

انت وخواتك ب رواتبكم وعددكم اشويا مش محتاجين كيفي..

لما جيت بنعارضها بحتت ف لعيال وفكرت قلت معلش خليهم ياخذو هالكم شهر الي قالت عليهن لين اتوسع هي وايرد كل شي لمكانه لقدام..

قتلها موافق.. تو كل شهر انجيبلك المصروف وانشوف ايش تبو...

ومشن لشهور بس معش قعدت انجيب ف لعيال عندي وقتها
يوم الي نشيل لفلوس ناخذلهم حلويات معاي وهكي...

#راتب الاجار كان الحق مساعدني ف المصروف اليومي للحوش لان مصارف انتم عارفينهن تبيلهم بيش يعطوك... ومحسيتش ب القله فالصرف إلا لما عطيت مرت بوي الاجارات..

من ناحيه ثانيه..

#الشغل❤️

كل فتره يغيروا ف جدول التوكات مرات يغيروا حتى طاقم التمريض..
ومرات شخص او اثنين وهكي..

اشتغلت مع بنات نا..
وشباب.. فالعنايه وبرا..بس اكثريتهم شباب..👌🏼..

اتعبت اول شهر رديت فيه للشغل لان قعدت ومزلت انشوف ف بوي ع نفس السرير....

وذليت واااجد في كل مره انخش فيها للعنايه بس بعدها الحمدالله تغلبت ع قلبي ومشيت تمام

#علاقتي بالمرضى كويسه بكل

الصبايا لكبار مرات اناديهن ي امي
وشياب ي باتي..

ومرات احويجه و احويج حركات هكي😁 انمشوا جو معاهم..

صح اصعب شي هي لحظه خسارة الشخص وتبليغ اهله ب وفاته..
بس الي تحفزك وتفرحك ان اتجيك حاجه مستعجلا واديرلها اللازم..
وبعد ايام تصحصح واطلعها للقسم ولله نفرح لكل حالا تنوض بالسلامه..

في يوم كنت ماسك ف ليل.
وصدفت عجوز الله يبارك ع لسانها.. وجوها من الاخر دارتلنا جو ف العنايه..
محسينش بيها مستشفى وخطوره بكثر م هي خلتنا نحسوا ان هي دار معيشه.. وقاعدين ع اعدالة الشاهي واتسهف فينا لعجيز كل مره بشي نا والشباب.. وميتين ضحك منها..

ليلتها كانت هي وجنبها راجل راقد غيبوبه.. ميوعش إلا 5 دقايق كل يومين هك.

المهم العجوز..
منطلقه.. وهي حاطينها عندنا عشان الضغط والرعشه الي اتجيها..
جبت كرسيي وجيت جنبها نسهري معاها وبنقيسلها الضغط..

هي..👵🏼..ايش اتريد اديرلي ي باتي

نا..😅انقيسلك الغلط ي حاجه

هي..👵🏼..قتلك حسه الضغط حول من عندي..متقوليش شي عريس هنا اتزوزوه لي..مزلت صغيره وسمحه نا

نا..كان انجوز الحاج الي راقد جنبك هذا😁

هي..👵🏼وو عليا وو.. هذا م يعلم بي بكل انريد واحد يخرفلي وانخرفلا مش يرقد وانوعيه

صاحبي..😂😂😂خلاص ناخذك لباتي.. بس مش شوري بينك وبين امي ديرن جدول😂

هي..👵🏼..انت زوزني باتك وانا اندير امك بنتي الصغيره م عليك كون هاني😁

نا.😂😂😂😂😂😂اووه قويه هذي..

هي..👵🏼 وانت ي ليد..باتك وين كنك م اتزوزني له

نا..الله يرحمه ي احويجه متوفي..

هي .. تريحت منه👵🏼..خير م يكبر عندك ويصير بعمري ويقعد كل مره يشكي من شي وف نهايه يريد يزوز

نا.. الله يرحمه

هي..امك وين👵🏼
نا..متوفيه وانا اصغير 💔

هي..الله يرحمها.باهي نا امك قاعدا والي تبيها قولي عليها انديرها لك انت والطولان صاحبك هذك..👵🏼

نا..ان شاءالله..ربي يعطيك طولة العمر والصحه ي احويجه..

هي..👵🏼 بكرا..بتجيبلي بنتي مقطع باللبن فالصبح خليكم احظروه معاي

نا..حاجه طيبه والله..لي اسنين م ذقته

صاحبي..خلاص نجيب كرسي ونقعد احذاك من اليوم غير كلمي بنتك وقوليلها نبو طنجرة فرح منه مش تبسي اصغير.. ايواه😁😂 خلينا نفطروا نحن والمستشفى كلها

هي..👵🏼هيوالله..امالا نا شندير كان هي دارت طنجره كبيره..
هي تعرف ادير اشويا مش واجد بنتي
بعد نطلع من هناهي..انريد نمشي ل منطقة....... عندي فرح فيها بنسويلهم نا..

وقعدنا سهاري سهاري وضحك... وغيرتلنا جونا..

ثاني يوم ف صبح فعلا جتها طنجرة امقطع باللبن.. من بنتها.. وكلمتنا كلينا معاها انقنا حاجه من الاخر..

وع اساس تبي تطلع اليوم هي..

وحكيت اشوي معاها وعديت روحت بعد سلمت التوكه ل مجموعه لخره..

ومشيت للحوش رقدت..

اليوم الي بعده جيت لشغلي ونسيت لعجيز قلت اكيدا روحت..

خشيت بناخذ توكتي ونطلق الي قاعدين..

مشيت نغير ف ادبشي وانوتي ف روحي وجيت للعنايه..

خشيت لقيت العجوز مزالت قاعدا..
ومعاها ممرضه تحكي معاها..

نا..ي دكتوره انتي توكة توا ولا بتروحي..

هي.. ردت بدون م اتشوفلي..
وقالت..لا نا من توكة ال................

نا..ق ق ق ق ل ب .......
🔥🔥🔥🔥🔥

#يتبع..
#shosheta

الشرف شي ثمين ومش بالساهل تحافظ عليه..بس ب اسهل من السهوله وب لحظه غباء وضعف فيك تخسره..

عمركم م اتكونوا الطرف الي يثبت ف كلامه لناس..
خلو عندكم قوة شخصيه وهالقوه كفيله تثبت كل شي

ولو ي بنات مكتوبلكن تثبتن حبكن راهو الزواج كان عليكن مش عليهم

عمره الحب م احتاج اثبات
الحب يبي فعل قبل القول.. وفعل نقصد بالحلال مش اثبات بالحرام..

مرات واجد تكسروا بخاطر حد بس ردو بالكم لما تحتاجو شخص ف جنبكم تمشوا للي كسرتوه..

لان مش ح يحس ب فرحت جيتك كثر م يحس ب ان هوا عباره عن قضاء مصلحه للطرف الثاني والسلام

والناس الي ديمه تلعب من تحت التحت..مصير لعبتهم ح تنكشف.. ويبان كل شي

نرجس..غلطت واجد بس الختام كان دمار لها ولكل عيلتها..

هل ح يتزوجها ولا ح يفوتها..

وشنو رأيكم ب الي صارللها

وزوجت الاب برايكم هل مزالت تخطط لشي ولا يكفيها الي جاها من دخل ومصروف...

ومهاب.. والعجوز..هل بينهم شي حلو يبان ولا تكفي ان العجوز ح تقعد معاه يوم ازياده و.......😉

وليش مهاب حس ب قلبه بعد سأل الممرضه..ي ترى شنو بتقولا..

نتلتقوا ف حلقه جايه

والله يربحكم ملصقات وتم ومتابعه منبش..ي تعليق ي تعليق🥰 باهي

ليلتكم حلوا كيف مهاب وهوا رايق🥰❤️


google-playkhamsatmostaqltradent