رواية كسرة القانون الفصل الرابع 4 بقلم أودي الفرجاني
رواية كسرة القانون الفصل الرابع 4 بقلم أودي الفرجاني
رواية كسرة القانون البارت الرابع
رواية كسرة القانون الجزء الرابع
رواية كسرة القانون الحلقة الرابعة
هيثم قعد ايبحت في القاعه شاف شنطة آيات و شيتاتها
عدى يجري🏃♂️ خضاهن وجا يبي يطلع
رافع: امتاعات من🤔
هيثم: آيات
رافع: آيات من🤨
هيثم🤦♂️: قصدي البنت نعطيهن الها و نجي
رافع: باهي نرجى فيك وطلع هيثم أبسرعة و في نفس اللحظة خشت آيات تجري و اخبطو في بعضهم وطاحت كباية آيات و انكبت القهوه عليهم هما الأثنين آيات: آآآآآآآآآه يدي😩😩 هيثم😱😱 نسرين امسكت يد آيات ابخوف😟: أيوته انتِ اكويسه آيات تبكي😭: آآآآآه تحرق بكل هيثم تفلوج😦: آسف مش قصدي آيات😭 هيثم معش عرف شن ايدير و عدى للكفيتيريا و جاب ثلج و جا يجري🏃♂️🏃♂️ هيثم: هاكِ حطيه عليها نسرين خضاته منه و حطاته علي حرقة آيات و اقعدت اتهف عليها هيثم كان امصبي و حاس بالذنب لأن هو يالي كان طالع ابسرعه و خبط فيها نسرين: هيا تعالي انعدو للصيدلية ناخذو منها شاش ومرهم هيثم: هيا تو انشيلكاً نسرين ابتسمت🙂: مافيش داعي الصيدلية اقريبه ماهيش مشوار هيثم: لالا لازم نمشي امعاكاً وعداً البنات و مشى امعاهن هيثم للصيدلية يالي كانت أقريبه من السكن و خشو حطولها مرهم و لفولها شاش علي رنة فون هيثم سيبهن وطلع برا و البنات بعد كملاً اطلعاً🚶♀️🚶♀️ نسرين: ها يدك تمام آيات: اها بس تحرق مزالت😣 نسرين: شفتيه الشاب يالي خبطتي فيه آيات: اهاا بس ما ركزتش فيه واجد نسرين: ايجنن بكل😍بس هذي اول مره انشوفه من بداية السنه آيات: مش عارفه ممكن جديد نسرين: ممكن علي جيت هيثم نسرين ابصوت واطي: آيات آيات آيات: ها يا مصيبه نسرين: جاي شورنا😃 آيات بستغراب🤔: من نسرين: الشاب يالي انكبت عليه القهوه آيات ارفعت راسها بحتت لقاته واصل فيهن هيثم: مرحبا آيات و نسرين: اهلين😍 هيثم: معلش ع ازعاج لكن جيت نطمن علي يدك شن صار فيها نسرين ابلمه اعيونها في هيثم😳: لا تمام اقع…هيثم: هلا أسو كيف حالك أسماء: اكويسه يا قلبي انت كيف حالك هيثم: الحمدالله نبي انوصيك علي أيه رد بالك منها أسماء: عاد انت الا ويه🙂 هيثم: مش علي هكِ لكن انتِ عارفه أيه طيبه و هبله وما تاخذش في حقها ف خليك امعاها أسماء: من اعيوني ي غالي هيثم: يسلملي اعيونك ي اعيوني خلاص ما تبو شي أسماء: لالا سلامتك هيثم: هيا اوكي أسماء: باي وسكرو …… عند آيات كانت تقرى خشت عليها أمها سهام: آيات يا أمي خلاص سادك اقرايه راه لكِ فوق من سبع ساعات تقري آيات🥺: خايفه يا ماما واللهي خايفه المره يالي فاتت قريت نين قلت بس و فالنهاية ما حليتش ولا حاجه ويالي وجعتني ان قاريه حتى لو مانيش قاريه واللهي ما انعدل لكن المشكله أنِ باذلة مجهود والله سهام جت و قعمزة جنبها: آيات حبيبتي انتِ ديري يالي انتِ تقدري عليه و الباقي علي ربي آيات تنهدة و اسكتت😥 سهام: خلاص حبيبتي سكري هالشيتات و صبي صلي العشاء و وتي القهوه آيات: لالا مانبيش قهوه اساساً نبي نرقد عشان بكره نوعى بدري سهام ابتوتر😣: ما شاهين كلم باتك آيات ابرفعة حاجب🤨: شن يبي سهام: يبي ايجي ايشوفك😓 آيات صبت ابعصبيه😠: نعم انا قتلكم السريب هضا فكوني منه لا نبي انشوفه و لا ايشوفني سهام صبت اتهدي فيها: آيات سلم بنتي اهدي و فكينا من المشاكل لأن حتى جدك جاي امعاه آي…عند هيثم كان ايهدرز هو و رافع هيثم: كم عندك أخ و أخت رافع: سبع خوات و انا وحيد هلي هيثم: ما شالله تبارك الرحمن ربي يحظهن لكِ رافع: تسلم و باتي متوفي و أمي قاعده ربي ايطول في عمرها انا توا كل تفكيري انكمل القرايه و ناخذ الشهاده بيش انرد نشتغل علي أمي و خواتي هيثم: ربي ايعاونك رافع: ان شالله باهي و انت هيثم: انا عندي ثلاث خوات و أخ واحد و الحمدالله الشايب و العزوز حيين رافع: ماشالله ربي يحفظهم لكِ انشالله هيثم: انشالله رافع: مرتبط❤ هيثم سكت🤐 هيثم ايحك في راسه: واللهي شن انقولك هو مرتبط و مش مرتبط رافع🤨: كيف جت هذي فهمني معلش🤔 هيثم: انا ماعنديش ع بنات بكل لكن عندي بنت عمي من أيام الثانويه وهي اتقولي انها شايله شعور اتجاهي بس انا انقوللها ان ماعنديش علي اجواء الحب نهائياً ولا عمري جربته ولا ح انجربه رافع: باهي🤔 هيثم: ع عموم اقعدت كل ما اتشوفني تفتحلي نفس الموضوع نين في يوم وجعتني و حسيتها منكسره ف قلتها عطيني فرصه انفكر وبعد تفكير قررت انخش امعاها في علاقها و شرطة عليها لو حبيتها اوكي ولا ما صار شي معناها خلاص تنسى الموضوع و معش تفتحه ليا رافع: باهي و توا شن صار مزلت امعاها هيثم: اها مزلنا رافع: باهي شنو حبيتها❤ هيثم: اتصدق مهما درت و قسماً بالله حاولت واجد ان انحبها لكن يا را…عند آيات دارت قهوه وبعدى أسمعت جدها و شاهين جو اقعدت عشر دقايق والبسة ويشاحها وعدت شور المربوعه دقت وخشت شاهين صبى وخضى منها السفرة و آيات عدت سلمت علي جدها وقعمزت جنب باتها مسعود: كيف حالك يا بنتي آيات: الحمدالله انت صحتك اكويسه مسعود: الحمدالله و غمز😉 لي شاهين شاهين: احم آيات كيف حالك آيات بدون نيه😑: من ربي في نعمة مسعود غمز😉 لي خليفه و اطلعو و سيبو شاهين و آيات شاهين: شن جو القرايه😍❤ آيات: الحمدالله و اقعدو سكتين جي خمس دقايق شاهين: يعني امورك تمام آيات: اوووووووف انت ما كملتش أسئله بالك خلاص شاهين جا و قعمز اقريب من آيات آيات🤨 شاهين: آيات انتِ كنك هكِ آيات🤨: كني ان شاء الله شاهين: اللسانك طويل ومش محترمه حد آيات: قلتها المره الأوله و توا انعاودها اخرى أنا هكِ أسلوبي و هكِ اللساني و هكِ كلامي عاجبك باهي مش عاجبك فوت الموضوع وصبت و سيباته و خشت للدار و سكرت علي روحها بالمفتاح مسعود خش علي شاهين لقاه راقيله مسعود: شن صار شاهين😠: مازالت مش متقبلتني مسعود: هضا شي طبيعي مزال بدري عشان اتقبلك وسع بالك شاهين: جدي انا تمزطة راه مسعود: غير وسع بالك و ح تنحل أنا في يدي انزرها و غصباً عنها و انطلعو حتى الفرح لكن مانبيهاش تكرهك و اتنكد عليك امعيشتك انت اصبر بس وبعدها ايصير خير شاهين: و أنا صابر يا جدي وخش خليفه و حكو مع بعضهم اشويه وبعدها طلع مسعود و شاهين روحو أما آيات لمة شيتاتها و فرشت مرقدها و ارقدت طول …… صباح يوم جديد وعى هيثم و رافع و دوشو و افطرو و طلعو لي محضراتهم ….. عند آيات وعت و دوشت و بدلة و شالها باتها للجامعه و خشت طول للمحاضرة …… في المحضارة كانت آيات امقعمزه و جنبها نسرين و وراها رافع الدكتور كان يشرح في مسأله و آيات فطنت إن الدكتور غلط في حل المسأله ف قررت تحكي آيات: دكتور معلش الدكتور: تفضلي آيات: أستاذ في غلط ف مسأله الدكتور🤨: نعم آيات: أنت غالط في حل المسأله وصبت و اقعدت اتقوله فالحل الصح الدكتور رقاله من آيات لأن حسه كيف الأحراج قدام الطلبه آيات: الحل النهائي هو ٢٢.٩٧% الطلبه كانو منصدمين من جرآت آيات الطلبه😳 الدكتور😠 كملو المحاضرة و اطلعو كلهم …..نسرين: طاح سعدك كيف عندك الجرآه اتقوليلى حلك غلط آيات: و كان يعني و بعدين كان دكتور معناها ما يغلطش لا عادي يغلط و نحن انصححو شنو يعني نسرين: بس علي فكره غمتله منك آيات🤨: نعم عليش عشان قلت ع غلط غلط و صلحته نسرين: مش عارفه بس حسيته عصب آيات: لا عصب لا سو هيا تعالي انراجعو أشوية أسئلة عشان امتحان بكره وعداً آيات و نسرين ايراجعاً مع بعضعهن ف اسئله …… فاليل ع ساعه ٤ الفجر كان الكل راقد في حوش آيات لكن آيات كانت نايضه و اتراجع في شيتاتها … أما هيثم كان واعي و ايفكر في رانيا وكيف ح ايقوللها ان هي نفس أخته ومش ح يقدر ايكمل امعاها و اخطرت عليه أن ايرن عليها وخضى الفون و رن بس الصدمه أن رانيا كانت قيد الأتظار هيثم😠: قيد الأتظار الساعه ٤ يا رانيا ماشي ودزلها رساله( ما شالله عليك ماصدقتي معش حكيت امعاك كملي تكليمك و أنسي حاجه أسمها هيثم و انتِ عارفه بعد انسكر علي حاجه معش اند عليها ف ياريت رقمك معش نبي انشوفه ران ولا دازه رساله سلام👋) هيثم صح كان راقيله منها لأن حس روحه أمغفل لكن فرح لأن حصل سبله بيش ينهي كل حاجه بدون ما يجرح رانيا ….. مشاً ثلاث اسابيع هاديه و مافيهاش اي احداث صاراً آيات كملتها تمشي للجامعه و اتروح تقرى ودارت امتحانها صح كان صعب لكن الحمدالله حلت اكويس و هيثم حتى هو من المحاضرة للغرفه و اقرايه وبس وسكر علي رانيا بكل فونه ديما طافي كان ايولع فيه بس لما ايكلم هله و خاطيها يقعد طافي و رانيا كانت ادزله في رسائل اتبررله لكن هو يمحى فيه طول ما يبيش يقرآهن …… في يوم كان يوم أثنين هيثم كان برا الجامعه وبعد خش شاف وحده امقعمزة ع مقعد تبكي هيثم قرب شورها وبعد لقاها آيات جاها يجري هيثم: آيات كنك آيات😭 هيثم أبخوف: احكي كنك في حد دارك حاجه ولا حد ضايقك آيات😭: …….
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية كسرة القانون)