رواية روح الزين البارت الحادي عشر 11 بقلم منار جمال

 رواية روح الزين البارت الحادي عشر 11 بقلم منار جمال

رواية روح الزين الجزء الحادي عشر 

رواية روح الزين الفصل الحادي عشر 

رواية روح الزين البارت الحادي عشر 11 بقلم منار جمال


رواية روح الزين الحلقة الحادية عشر 


بارت 11

لروايه "روح الزين"

بقلم *منارجمال*


زين: ايه لحقت اوحشك


روح: وحش اما يلهفك يا زين


زين: للدرجادي بتموتي فيا


روح: زيييين


زين: عيوون زيين


روح: انا جايلي عريس النهارده


زين: اااااه مانا نسيت اقولك

وسكت وفكر يستفز روح ويضحك عليها عشان هي متعرفش ان العريس يبقي هو وقال


زين: طب ما تقابليه


روح بصدمه: والله دا رائيك اقابله


زين: مش بتقولي عريس قابليه عادي وان معجبكيش ارفضي


روح: زين مش وقت هزارك دا


زين: لحظه يجعفر انا مين قالك اني بهزر بتكلم بجد ع فكره


روح بدموع: انت مش عايزني صح


زين: لا طبعا عايزك بس ايه دخل اني عايزك او مش عايزك بموضوع العريس


روح باستغراب: انت انسان مريض بقولك عريس متقدملي وبابا الل طلب اني اقابله كمان يعني مينفعش ارفض


زين: وانتي ترفضيي ليه اسمعي كلام باباكي وقابليه يمكن يعجبك


روح: انت شارب حاجه يبني ولا مجنون ولا حد غير زين بيكلمني


زين باستعباط: الله يبنتي هو انا اتكلمت بقولك ان دا الصح وقابلي العريس ودلوقتي الساعه 5 ورايا شغل وعندي مشوار باليل لازم احضره ابقي اكلمك لما اخلص


روح بصدمه من كلام زين: دانا لو بكلم ف حيطه كانت هتحس بيا


زين: بس انا زين


روح: غوووووووور بكرهك وحاجه كمان انا موافقه علي العريس من قبل ما اشوفه


زين بضحك: طب الف مليون مبروك وعقبال عيالكوا يلا سلام يا روح زين


روح قفلت مع زين واترمت علي السرير وفضلت تبكي بحُرقه وتقول


روح: عاااااااااا ياااااارب هو طلع بيتسلي بيا ليه انا حبيته بجد ياااارب ارحمني

ونامت بعد بكاء شديد وتعب وجت امها تصحيها وقالت


حفصه: رووووح يا قلب ماما انتي نايمه كدا لي وحاطه المخده علي وشك ليه كدا قومي كمان ساعتين والضيوف يوصلوا


روح بتعب: حاضر يماما هقوم اهوه


حفصه جابت لروح فستان جميل جداا ولونه ازرق وخُمار لون السما وقالتلها


حفصه: ايه رائيك ف زوقي


روح شافت الفستان وبتتمني من جواها أنها كانت تلبسه لزين لما يتقدملها عشان عجبها جدا وقالت


روح: جميل اووي يماما بس انا هلبس من اللبس الل عندي وخلاص


حفصه: يعني انا انزل اجيب فستان وخمار بالجمال دا واتعب وف الاخر تقوليلي هلبس غيرهم بجد هزعل منك نفسي اشوفهم عليكي هتبقي تجنني وانتي لابساهم وهتبقي شبه الاميرات بالظبط


روح: حاضر يماما هلبسه ينفع اقوم اشوف ورايا ايه لحد ما الزفت الضيوف دول يشرفوا


حفصه: مالك يا روح انتي تعبانه


روح: لا يقلب روح انا كويسه هقوم اخد دش واصلي وهبقي فُله


حفصه: ماشي يحبيبتي لو احتاجتي مساعده انا برا قولي يماما وانا هاجي علطول


روح بحب: حاضر يماما


___________________

*ف فيلا زين*


*متجمعين زين وسليم والجده زينب مع بعض*


ياسين: بس يا زين دلوقتي انت طلبت تخطب روح بسرعه

كدا ليه


سليم: هقولك انا يا ياسين زين بيحب روح وعامه كان هيخطبها ف مش هتفرق دلوقتي من بعدين


زين: احنا كمان ساعتين المفروض نكون هناك لكن اتقدمت لروح ليه دلوقتى ف الوقت المناسب هتعرفوا


الجده زينب متابعه الحوار وقالت


زينب: ياسين سليم اجهزوا يلا عشان منتاخرش علي عروسه زين


سليم وياسين طلعوا يجهزوا وزينب مع زين قالت


زينب:خايف عليها منه مش كدا


زين:مش فاهم قصدك يا زوزا


زينب:خوفك عليها واضح جدا ف عيونك يا زين


زين:انا مش هسمح لأي مخلوق يئذيها


زينب بدموع:متقلقش مش هيقدر يئذيها صدقني


زين:لو تريحيني وتقوليلي مين الراجل دا هرتاح ومش هقلق بس مكتوب عليا التعب طول عمري


زينب ببكاء:سامحني يا زين غصب عني يحبيبي انك تعرف الحقيقه مش لمصلحتك هنفتح في ابواب مصدقنا اتقفلت


زين:خلاص يا زينب انا هعرف لوحدي وياريت تجهزي عشان منتاخرش


زينب:حاضر يحبيبي


زين وهو ينادي علي زينب وهي ماشيه


زين:مبحبش اشوفك زعلانه ع فكره وراسك وايدك ابوسها اهي يستي


زينب:ربنا يخليك لينا يحبيبي حنيتك دي احلي حاجه فيك


زين:ربنا يديمك نعمه ف حياتنا وتفضلي جنبنا دايما


______________________

*ف فيلا الحسيني*


*روح بتكلم رزان وياسمين مكالمه فيديو جماعيه*


رزان:طب هتعملي ايه يا روح اكيد فيه حاجه غلط زين واضح جدا ف عنيه انه بيحبك بجد ولا يمكن يكون بيتسلي


ياسمين:سيبك منه يا روح طلع واد خاين وبتاع بنات زي اخوه


روح بدموع:انا هقوم اجهز البسه ومتتاخروش محتاجاكوا جنبي متتاخروش


رزان:مش هتاخر عليكي هعدي علي ياسمين وجايين


ياسمين:وانا هقوم اجهز واستني رزان امسحي دموعك يا روح واجمدي كدا احنا جنبك وحشنا هزارك وضحكك انتي مكنتيش كدا ضحكتك الحلوة راحت فين


روح بتعب:متقلقوش هرجع روح القديمه تاني


روان : نتمني يا روح


روح: يلا سلام مستنياكوا


رزان وياسمين: سلام


روح قامت وهي زعلانه وفكرت ف زين وف اخر مكالمه بينهم وقالت


روح:للدرجادي انا مش فارقه معاك يا زين

واختها جوري دخلت وقالت


جوري:اختااااااااااي بنت امي وابويا واخت اخوياااااااا اصحااااا


روح بضحك علي تصرفات جوري:ايه يخلف مااالك داخل بغشوميه كدا ليه


جوري: يسطاا جايلك عريس النهارده وبيني وبينك انا سمعت انه واد وتكه


روح: وتكه!!!!!


جوري: اها والله زي ما بقولك كدا اصلك انا متشوفيش وحش كنت بسمع المكالمه الل بين بابا وماما بالنهار


روح: ااااااه طب ما تحكيلي حياه عيالك اشيييخه


جوري: تدفعي كام الاول


روح مسكت جوري من ودنها وقالت


روح: هروح احكي لماما انك كنتي بتتسمعي للمكالمه الل دارت بينك وبين بابا


جوري: ولا يهزني امك دي ست ايزي خاااالص


روح: بقااا كدا طب وبابا لو قولتلوا


جوري: ابوكي دا ايزي ليزي اكتر من امك نفسها


روح بنفاذ صبر: طب وخالد


جوري: خالد دا بقا حكايته حكايه ماسكه عليه مصايب قد كدا


روح ضربت جوري علي راسها وقالت


روح: يعني انا مش هعرف اسلك معاكي


جوري: ابسلوووتلي اخلصي وايدك علي ميه جنيه عشان احكيلك الل حصل بالتفاصيل


روح: حااااضر هديكي يلا قولي


جوري: نبدا بسم الله احم احم تس تس


روح: ما تخلصي يا زفته


جوري: اهدي بسلك الحنجره


روح: بت غوري لبرا مفيش فلوس ومش عايزة اسمع حاجه


جوري: استني بس الواد شكله دكتور


روح بزعل وافتكرت زين: الله هو انا ربنا وقعني ف دكتور يعني سي زفت مش هعرف انساه بسهوله


جوري: بتقولي حاجه يا اختي


روح: ها ل لا كملي


جوري: نبدا بسم الله تاني بعد حوار من النحنحه الل دار بين حفصه والحسيني.. تصدقي يابت يا روح ابوكي طلع رومانسي موت وهاني شاكر ف نفسه كدا


روح: تصدقي انتي يا جوري


جوري: ايه يا روح جوري


روح: لو ممشتيش من قدامي السعادي شعرك دا مش هتلاقيه


جوري: طب يا روح يا حبيبتي اجيلك وقت تاني شكلك مشغوله دلوقتي "اهرررررررب يا ببلاااااااوي"


روح بنفاذ صبر: لا إله إلا الله انا ايه الل خلاني اقعد مع عيله زي دي مانا كنت قعدت ف شقه خالد معززه مكرمه


قامت روح تجهز نفسها ولبست الفستان والخمار وحطت ميكب خفيف جدا ليظهر جمال ملامحها وانتظرت حضور الضيوف ف اوضتها


ورزان وياسمين جهزوا وراحوا الفيلا لروح واتفاجئوا بجمالها وقالوا


رزان:اللهم بارك ايه الجمال دا يا روح طالعه شبه الاميرات بالظبط واحلي كمان


ياسمين:وااااااااااااااااااو بجد تجنني يا روح تحفه حاسه ان قدامي اميره من اميرات ديزني


روح بابتسامه:والله يا شباب كبرتوا الموضوع


رزان وياسمين بصوت واحد:دا يبختواا الل انتي من بخته


روح بضحك:اوعاااااا هتغرغر ف نفسي مش كدا


وصل زين وسليم وياسين والجده لفيلا الحسيني


زين كان لابس بدله سودا وجميله اوي عليه

ياسين لابس لبس كلاسيكي جينز وتيشرت اسود

سليم لابس كاجوال جينز وتشيرت ازرق بلون عيونه


رحب بيهم الحسيني جامد والست حفصه


ووصل خالد واتفاجئ بوجود زين عشان مكنش عارف انه اتقدملها النهارده ورحب بيهم وطلب الحسيني من حفصه تجيب روح وخالد منعها وطلب انه هو الل يجيبها ودخل اوضتها وقال


خالد: روح جهزتي

واتفاجئ بوجود ياسمين ورزان وقال


خالد: اسف افتكرت روح لوحدها


ياسمين ورزان: ولا يهمك


روح: ايوه يخالد جهزت


بص خالد عليها وانبهر بجمالها وقال


خالد: ما شاء الله يحبيبتي ربنا يحفظك زي القمر واحلي كمان

وباس راسها


روح: والنبي انت القمر وقميصك حلو فسكوز دا ببلاوي


خالد ضحك بصوت عالي ومسك روح من خدودها وقال


خالد: يااالهوي ع القمر الل مجنني ومجنن الكل معاه


يلا نخرج احسن العريس علي نار عشان يشوف عروسته


روح بزعل: مش هتفرق


خالد: ازاي دا هيتجنن اول ما يشوفك اكتر ما هو مجنون بيكي


روح: يلا عشان منتاخرش كدا كدا هيترفض

وسابته وخرجت قدامه


خالد بعدم فهم: يمجنونه ترفضيه ازاي وصلت روح ووقفت قصاد العيله وقالت


روح: السلام عليكم


الكل رد السلام وزين مردش وسرحان ف جمالها وقال للحسيني


زين: ما نخليها كتب كتاب يعمي افضل


روح ركزت ف الصوت ورفعت راسها وبصت ناحيه الل بيتكلم وقالت


روح: ينهااااااااااار ازرق


يُتبع..........


google-playkhamsatmostaqltradent