رواية هروب ما بعد اغتصاب الحلقة الحادية عشر 11 بقلم ميرو أحمد

 رواية هروب ما بعد اغتصاب الحلقة الحادية عشر 11 بقلم ميرو أحمد

رواية هروب ما بعد اغتصاب الجزء الحادي عشر 

رواية هروب ما بعد اغتصاب البارت الحادي عشر 

رواية هروب ما بعد اغتصاب الحلقة الحادية عشر 11 بقلم ميرو أحمد


رواية هروب ما بعد اغتصاب الفصل الحادي عشر 

#هروب_مابعد_اغتصاب
#الحلقه_11
الــكـاتــبـه مــيــرووو احــمــد

🌹"«قــراءة مــمــتـعـةة»"🌺

خالي محمد: الله ينعم عليك اشويا ايجي مسعود بس
انا 💔💔 عرفتها نهايتي 😭😭
مسعود خش :اهو جيت
مبروكه:شغلتوني كنكم شنو الموضوع
خالي محمد : والله ياريناد
مسعود:السلام عليكم
خالي سكت
الكل: وعليكم السلام
مبروكه: تعال يا وليدي بوك حرقلنا اعصابنا من امبدري هو ايراجي فيك وجمعنا هنا وقال نبيكم في موضوع
مسعود شاف لي خالي وفهم شن يبي يحكي نفس الشي خالي ايشوف لي مسعود

مؤيد شاف ايدين مسعود كان في دم عليهن
مؤيد بصدمه: مسعود دم شنو الي علي ايديك
كل انضار توجهو علي مسعود ايركزو فيه
انا عرفت انه دار شي لي جلال 💔
مبروكه شهقت: حي عليا كنك يا اوليدي فيك شي
خ محمد خاف عليه: ماتقولش درت الي في راسك
مسعود كاتم غضبه ايحاول يتماسك اعصابه: في واحد يبي تربايه وربيته وتمت القصه مافي داعي لي النقاش
مبروكه: كيف يا اوليدي عليش ادخل في روحك المشاكل
مسعود بنفاذ صبر: قلت انهو الموضوع وانت يا بوي شن الموضوع
خ علي: شن جو الاغاز تي احكو كنكم انتم
مسعود اشر علي باته: اهو قدامك اسائله
تهاني بضحكه: احكي يا محمد شن القصه
خ محمد بصوت فيه نبره حاده: انتي ماليك دخل في الموضوع ولا القصه شدي خيرك وشرك عنا احسن ما ايصير كلام تاني ياتهاني
تهاني 😑: بس انا
خ محمد: لا بس ولا بسين
تهاني سكتت واتشوف لي روان وغمزتلها
خ محمد: كلكم تعرفو انه ريناد خطبنها لي مسعود صح
الكل: اي
انا اهني قلبي حسيته اوقف 💔😭 طاحو اعيوني علي مسعود الي ما رفع عينه فيا عكس قبل كان اول مايندكر اسمينا اعيونا يتلاقو بس توا صار العكس كانه شخص تاني بارد مشاعره لدرجه مارفع عينه فيا يعني لدرجه هذي منقرف مني واكرهني 💔💔💔😭 وربي توجع بعد اتكون مظلوم مافيش حد واقف امعاك مافيش حد ايدافع عنك 💔💔 وربي توجع بعد شخص تعطيه الامان والتقه والحب وفي بداية الطريق يرخي بيك وما ايصدقك فقت من كلامي علي صوت خالي

خ محمد :وانا حسيت روحي ضغطت علي مسعود انه يستعجل وايقدم العرس لي الخميس الجاي وما رعيت حالة ريناد وحزنها علي بوها مانقدرش انديرو عرس توا
مبروكه: وشن غير كلامك توا صح كنت اموافق وانت الي اصريت علي مسعود ايقدم العرس ويقرا الفاتحه
خ محمد: انا ماغيرت كلامي بس حسيت روحي ظلمتهم ممكن هم يبو عرس كبير وانا بقراري هذا مايقدروش ايديرو عرس فاتحه وعشاء عائلي بس
تهاني: ماتقولش بتزوج ولدك الكبير برزقه وهيبته ومكانته لي هذي واتشر عليا
خ محمد رقتله: وانت شن دخلك بالك مسعود ولدك لعند داكه خشمك امعانا مادخلكش يتزوج الي يبها وكان ع الرزق ريناد الي عندها فحياتك انتي ماشفتيه لهدا اطلعي من الموضوع مش شورك بكل خصوصيات عيلتي خليك بعيدها عنها وذنك حاولي اتقصيها لانها ممكن اتجيب اخرتك سامعه
مسعود: وعليش انتي شن ريتي منها ريناد
تهاني غمزت لي خ محمد: مش شوري علي قولت بوك خصوصياتكم انا شن دخلني بينكم
مؤيد: معليش ياخالتي نفختيلي راسي خلي بوي يحكي وايريحنا
تهاني محروقه من داخل: اهو سكتت 😑 وانتم علي سبله
خ محمد هز راسه: استغفرالله العظيم
مسعود بنفاذ صبر:عطينا الزبده من لاخير شن
خ محمد رفع راسه وشاف لي مسعود دقيقه حس روحه بيدير الصح مايبي يظلم ولده بعد الي شافه قبل ساعات
خ محمد: انا قررت انه انجلو الموضوع الزواجه مانبي نظلم حد بقراري المتسرع لاني حسيت الكل رافض فكرة العرس توا بالخص مسعود ريناد مش متقبلين توا علي خاطر بو ريناد ماليه واجد متوفي وانا مانبي انسبب حساسيات نبي براحتهم وامتى ما ايقررو هم عادي
مبروكه:وليش توا بس اقتنعت انه الموضوع كله مش وقته وهذي اجوازه مش لعب وانا قتلك هذا اول عرس انديره ولدي كبير نبي نفرح بيه قتلي عادي مش مهم العرس شن غير قرارك توا

انا حسيت خالي مايبيش نتزوج ولده وكيف غير كلامه عنده حق مسعود يستاهل بنت احسن مني وحده كامله 💔💔😭💔 اما انا ماننفعش نستحق انموت 💔😭

خ علي: منك عليه اتبتو علي راي واحد وربي دوختني كل يوم طالعين بموال كنكم اصغار انتم مافيكم عقل اتقررو من عندكم واصحاب القرار ساكتين
خ محمد سكت ماعرف شن ايقول
مؤيد: وانت يا صاحب الشان شن رايك في كلام بوك
مسعود: وانا قاعد علي قراري الخميس الجاي خميس الجاي زي ما حدد بوي الخميس الفاتحه وعشاء عائلي وتمت كلكم معزومين الخميس الجاي ع الفاتحه وحتي انتي خالتي تهاني
تهاني بتكشيخه: ومن العروس ان شاءالله هذي
خ محمد: العروس قدامك مش انعاود الف مره السيناريو
تهاني اعصابها محروقه مش قادره تحمل تبي اتقول كل شي سمعاته في حديث ريناد ومسعود
تهاني: بس ريناد ماتستاهل مسعود هو يستحق احسن منها مش
مسعود بعصبيه: كلمه وحده ريناد مش امصكر عليها باب غيري لهذا رايك خليه لنفسك مايلزمني
تهاني حست زي الكف عطاها ليها فضلت تسكت بس مش ناويه علي خير بعد شافت بنتها تمسح في ادموعها مقهوره من خبر جوازته

اما انا كنت ساكته ونسمع في نقاشهم وعقلي كله في مسعود توقعته بيرفض بعد عرف كل شي بس هو مزال متمسك فيا ومارخاش بيا بس ليش دار هكي يقدر بسهوله ينهي كل شي بس ليش مزال اموافق يتزوجني بعد عرف انه انا مغتصبه بنفهم ليش كانت عنده الفرصه انه يتراجع وياخد بنت كامله واحسن مني مافيش شي يجبره ياخدني صح افرحت انه بنتزوجو علي قد ما افرحت علي قد ما ازعلت انه مانقدرش نسعده

خالي علي: لو تصبرو ايديروه امعاي وخلاص مش بعيد
مسعود: لا ربي ايهنينك بس انا نبيه توا عندي الف موضوع في راسي
انا حسيت في شي تاني في راسه مش ناوي ع خير💔💔
خ محمد: دير الي ايريحك لو اتشوفه صح اهم شي مانبيش مشاكل فاهم صح
مسعود هز راسه وطلع من غير مايتكلم

انا بعد طلع مسعود انسحبت وخليتهم ابروحهم ماكن عندي جهد اناقشهم ولا نتكلم كنت حاسه بخمول وجسمي فاشل مرهقه مش امصدقه انه مسعود عرف كل شي توا بس بطريقه غير الي نبيها انا عنده الحق ايدير اي شي ايعاقبني يقتلني بس ما ايعاملني كاني عار صح كنت قويه فكل شي وتحملت الي مريت فيه بس مش معنى اني انسانه مانحس مافيش حد يعلم بحالي ولا الي في داخلي 💔😭 وربي مافيش حد ايحس بلي انمر فيه انا 😭😭😭💔

.
❤️روايــــــــــــات مــــــــيـــــروووو احـــــمــــــد❤️

❤️روايــــــــــــات مــــــــيـــــروووو احـــــمــــــد❤️
.
بعد مشي مسعود وانا. قعدت العيله اتخطط شن بديرو صح عشاء عائلي وبسيط الا انه يطلع علي اكمل وجه يبوه يطلع حلو حتي لو كان بسيط وايه ومبروكه يكتبو شن ناقصهم اما علي ومؤيد وخ محمد يبو ايكملو حاجات الناقصه في شقة مسعود عشان ايكمل بسرعه لانه ضغط عليه
خالي علي بيجيب دار النوم
خالي محمد الفرش الصاله كامل
مؤيد بياخد التلاجه والبلازمات الشقه كلها (TV)

اما تهاني وروان امقعمزين محروقين من الي صار وتهاني بتموت انها ماقالت الي سمعاته وسمعت كلام روان انها ماتتكلم توا اشويا وجاهم راجل تهاني روحو 😡

فااات اليل كل حد شاقي بهمه وايفكر

ريناد اتفكر في مسعود وشن مصير حياتها امعا شن بتواجع من غضب مسعود ومعاملته ليها بعد عرف الحقيقه

ايه اتفكر في احمد الي اختفاء فجاء وتغير عليها عكس قبل الي في اليوم ايكلمها 10 مرات عكس توا الي ليه قريب اسبوعين مختفى ومتغير معاش اتصل بيها حست صاير شي طول استبعادته ماتبيش اتفكر في حاجه سيئة اتحاول اطمن روحها

خالي محمد ايفكر ظلم ريناد انه بيزوجهم لبعض وعا ف ولده معقد وصعب التعامل امعا بالخص بحال ريناد توا ممكن حتي يقتلها كان خايف واجد ع ريناد مايبها تتزوج مسعود بعد شاف مسعود وعصبيته وكيف ضرب ريناد وقعد ايسب فيها شاف انه غاط بقراره لانه ريناد بتتعب واجد امعا ساد الي فيها كان يبي ايفهم مسعود بطريقه تانيه ممكن عصبيته ماكنت لحد هذا بس خايف من الي جاي مستحيل مسعود يسكت

مؤيد: ايفكر في شخص لفت انتباهه ونضره 💔بس خايف ينكسر قلبه 💔

احمد الي طايح بين نارين مش عارف شن ايدير خايف امه تغضب عليه وخايف يخسر ايــه ممكن الاسبوعين كبر فيهم عشره اسنين لقداممن التخميم والتفكير والتعب كان يومه كله دخان وسكير يسكر لعند يطفى ويرقد اينوض نفس الي ممكن يوصل لي حل بطريقته مايحساب صاحبه الي عاطيه التقه قاعد ايخطط من وراه وايجر فيه لي الطريق الغلط ويستغل في ضعفه 💔

(ردو بالكم من نوعيه هذي في هلبا اصحاب يلعبو ع الحبلين ماتوتقو في اي شخص مش ديما الصاحب يطلع زي خوك ويوقف جنبك وما ايضرك الي مش خوك ما اتأمن فيه وماتعطيه اكثر من حجمه. بس للاسف نص مجتمعنا هكي الصاحب الي ينشد بيه الظهر يرخي بيك كلهم ابيوع ومصالح اتم مصلحته فيك ايفوتك ايدور واحد غيرك فيه مصلحته ديما الصاحب ينعرف وقت الضيق وقت اطيح بيك تعرف صاحبك من عدوك)

مسعود الي رجع لي جلال وفش الباقي حقده كمل اليل كله ساهر ع جلال تعذيب وضرب لعند جلال معاش حس بشي
اما مسعود مقهور ومحروق ليش ريناد كذبت عليه وماقالت الحقيقه مش هذا بس بفكرة انه جلال لمس ريناد تقتل فيه كان يقدر يقتله بكل سهوله الا انه يبي ايعذب جلال ايخليه يتمنا الموت ومايلقاها نار تحرق فيه من جيهة ريناد ومن جيهة مصيبه الي سمعها وكيف ريناد خفت عنه موصوع زي هادا في فيه قتل و دم واصل في شرف عيله كامله مش لعبه كان حاقد هلبا علي ريناد وكل مشاعره تحولو لكره وحقد فكرة انه ريناد لعبت عليه وكذبت عليه اتجنن فيه 🔥🔥🔥

تهاني و روان الي مارقدوش طول اليل ايخططو كيف يبعدو ريناد عن مسعود روان تاخد مسعود وايحققو الي يبوه

مبروكه رقدت اتخمم شن ايقولو عليها الناس من ارقى عائلات في البلاد ومعروفه ولدها الكبير يتزوج بلا عرس امطنطن كانه امداير مصيبه 💔 بس ماتقدرش اتغير حاجه بعد كلمة راجلها

و سالمه تتصل بي ولدها وبالها مشغول عليه الي من الظهر مفقود من بعد نزل امع الولد معاش شفاته

خالي علي ايكلم في خطيبته وعايش في رومانسيه في عالم تاني وفرحانين وعرسهم بعد شهرين. ايخططو لحياتهم لي المستقبل


ممكن الاتنين الي رقدو فرحانين اما الباقي كلهم بهمهم
حسيت ايـه رقدت انا ماقدرت نرقد طلعت علي امل انشوف مسعود فايق خبطت علي باب داره مافيش استجابة فتحت الباب كان مش موجود في الغرفه نزلت تحت كان البيت هدوء الكل راقد الـسـاعــه 1ونص. طلعت من الباب المطبخ لي لجنان نفس المكان الي ديما نحكو فيه انا ومسعود 💔 قعدت انراجي فيه ايروح نبي نحكي امعاه امفهمه انقوله اي شي المهم يفهمني و ايصدقني عارفه جرحته وكسرته بس ماليش ذنب حتي انا مجروحه ومكسوره 💔💔 قعدت انراجي مرت ساعه كامله حسيت النوم تسلل في اعيوني بس انقاوم وانفتح فيهم. معاش حسيت بشي الا علي ايد اتفيق فيا
مسعود: هيييي انتي شن اديري هنا
انا انخلعت ورفعت رسي: انت
مسعود بعصبيه: شن اديري في الوقت هذا هنا
انا حطيت ايدي علي راسي انحاول انصحصح: الساعه كم
مسعود:4
انا حطيت ايدي نتاوب والنوم في اعيوني :طولت واجد
مسعود: شن اديري ابروحك
انا رجعت راسي ع الطاوله نتكلم بصوت ناعس: كنت انراجي فيك ليش طولت ..رجعت غمضت اعيوني
مسعود: وليش عندك كذبه تانيه خافيتها عني ولا شنو
انا فتحت اعيوني ورجعت غمضتهن: وربي ماكذبت عليك في حاجه
مسعود 😡: وليش ماحكيتلي من الاول
انا فتحت اعيوني 😢: خفت
مسعود. :من شنو خفتي
انا 😢😭: خفت ما اتصدقوني
مسعود: وليش مانصدوقك لو من البدايه كنتي واضحه مش تلعبي علينا
انا 😢: صعب يا مسعود تبيني نوقف عليك وانقولك انا مغتصبه اغتصبني ولد مرت بوي 😢😭😭 وعرا بكل بعد تخسر كل شي غالي عليك وتظلمك الدنيا واتحطك بين ناس ما اتخاف ربي 😭😢 شن تبيني اندير حاولت كم مره انقولك بس ماجتني الفرصه كنت متوقعه العيله لو عرفو بقصتني ممكن ما ايصدقوني او يقتلوني ويقولو عار وايصدقو كذب مرت بوي عليا
مسعود بعصبيه: اي كنتي قولي من الاول بيش نعرفو نتصرفو فيه الكلب مش تسكتي وتستري عليه كنتي قولي انا ممكن ماصارش هكي كنت عرفت كيف نتصرف في الموضوع مش جايه توا اتخبري فيا قبل مانتزوجو لو كان ما هددك جلال ماكنتي خبرتني ليوم العرس
انا 😢: عادي مش مجبور تتزوجني تقدر تلغي كل شي يامسعود مافيش شي يجبرك اتوافق عليا انت تستاهل وحده احسن مني
مسعود يتكلم بعصبيه : مجبور نتزوجك عشان نمسح العار الي درتيه بس صدقيني بتعيشي ايام اسود من شعر راسك مش انا مسعود الي ينلعب عليا في موضوع زي هدا
انا نبكي: اقسم بالله مظلومه انا بيش نحلفلك والله غصب عني
مسعود ضرب الطاوله: عارف غصب عنك بس هذاك خدا حقه ومزال احسابه امعايا اما قصة مظلومه ومش مظلومه ماتمشي عليا وين السانك ليش ماحكيتيلي بعد جيت لبيتكم وهربتك زي المراهقين الي ايحبو بعض سمعت كلامك ونفذته واحتوتيك وفتحتلك حضني وضميتك فيه وعدت نفسي مانخليش اي مخلوق يا اديك. وحميتك من الطير الطاير حطيتك في اعيوني عطيتك الامان مانقصت عليك حاجه الي تبيها تم كنت حاس من اعيونك صاير امعاك حاجه مش اكويسه من اعيونك عرفتك مكسوره سائلك الف مره وانتي كل مره تهربي مني ليش بس عاجبك توا وصعنا
انا نبكي وانشوف لي اعيوني 😭: سامحني مش قصدي نكذب عليك بس افهمني والله واعره اقسم بالله كنت حاسه بامان وراحه وسعاده امعاك لدرجة انسيت كل شي صار امعاي ماكنت نبي تنتهي لحضات الحلوه امعاك لاني عارفه بعد تعرف بتتغير معاملتك ليا
مسعود: ليش الانانيه هذي.
انا 😢😭: مش انانيه وربي صدقني كنت حاسه بحاجه حلوه امعاك وعرفت روحي انحبك ونعشقك مانقدرش انعيش بلاك يا مسعود انت بديت زي النفس والهواء ضروري نتنفسه في كل دقيقه وساعه وكل يومي وكل لحضاتي نبي امعاك
مسعود: شن فايدة حبك وانتي تكذبي من البدايه ممكن بكرا اديري شي اكبر منه
انا 😭😭: انت تعرفني اكويس ليش اتعاقب فيا هكي
ماهو كنت خايفه من ردة فعلك زي توا
مسعود بيتكلم سمع صوت الاذن الفجر
مسعود : خلاص بري ارقدي مش وقته النقاش
انا: بس لازم نوصلو لي حل مش تقعد اتعاملني هكي
مسعود: امشي توا
انا: بس توعدني انك اتسامحني واتحاول تتفاهمني
مسعود: ريناد مازلت رقيتلني منك وكذبتك ماتمشي بالساهل اما اني انسامحك تحلمي بيها لذلك ما اتعبي روحك حاولي معاش اتوريني وجهك ايكون احسن
انا وجعتني منه 💔😢: براحتك الي تبيه ديره انا قتلك كل شي عندي حاولت انوضحلك كل شي بكرا نحكي امعا خالي مافيش داعي منها الجوازه هذي مش مجبور تتحمل غلطة غيرك
مسعود زاد تعصب: اتسكريلي فمك احسن ياويلك تنطقي حرف لي بوي ولا نسمع حد يعرف شن صاير امعاك وربي ندفنك انتي حيه ماتوفيش فيا ساكت يعني اديري الي تبيه الي مانعني عنك انه مزال مابديتي مرتي ممكن الحاجه الوحيده الي حاميتك مني ومن شري احمدي ربي الف مره انه عرفت توا قبل مانتزوجو لكان قتلك ما رمشتلي عين
انا انشوفله ومصدومه ونبكي: بس شن ذنبي انا 😭😭😢💔
مسعود بصوت عالي: ذنبك انك ماقلتي الحقيقه من البدايه
انا:شن يفرق توا عن قبل
مسعود 😡:تعرفي تخطي وجهي خيرا ما انكمل عليك اليوم
انا شفتله😭😢: بس حط في بالك اني انحبك ما اتعاقبني ماعنديش ماعنديش طاقه لعقابك انت بدات لاني مجتالك اكثر من قبل خليك جنبي مسعود ماتكونش انت والزمان عليا دير الي تبيه ازعل هزبني عاركني ماتكلمني بس خليك جنبي
مسعود: الوقت تاخر خشي خلاص
انا شفتله واعيوني امعبيه كلامي خاطري انقوله بس ما عطاني الفرصه نحكيله كل شي. خشيت داخل وانا الدمعه ع خدي
💔😢😭

مسعود قعد ايشوفلي لين خشيت تنهد وقعمز تعبان ودايخ ومهموم وجسمه متكسر حاس بحمل كبير علي اكتافه مش عارف شن يتصرف والي اهم منه مش عارف شن يبي حقده الي كبر لي جلال وسالمه. ونار انتقام شاعله بداخله ايفكر كيف ينتقم منهم وايدمرهم 🔥

تاني يوم

الصبح خالى محمد كلم مسعود واتفقوا علي حاجات

انا نوضتني ايــه لي الكليه قتلها مش ماشيه وحتي ايــه قعدت مامشت علي خاطر مشكلة امس وماعندهاش نيه تمشي
نزلت ايـه تحت قعدت ابروحي في دار انفكر حسيت كبدي رقيت عليا خشيت الحمام القيتها ،،،،،،، غسلت وغيرت وطلت رقدت علي السرير جسمي كله فاشل. غمضت اعيوني بتعب معاش حسيت بشي 😴😴😴😴😴😴

مر اليوم كله وانا ماطلعت من الدار نهائي ولا طاحت في بطني حاجه من امس ماكليت حاجة نهائي وانا بعد اتجيني هذي نكره الماكله وصنتها 😅

جتني ايـه وخالتي مبروكه ايشاورو فيا علي حاجات بياخدهم من النت وتسال فيا من بكرا نطلعو لي السوق ناخدو دبشي
انا ماكنت امركزه امعاهم.
ايـه: خلاص بكرا الصبح نطلعو ياماما
مبروكه: والله الوقت ضيق مفروض طلعنا اليوم عليك زره زرونا بيها كان عطونا وقت الواحد ياخد راحته وياخد بالراحه مش ايقولك الخميس الجاي يحذفلك الكلمه ويمشي يحسابو العرس ساهل
انا 😖: خلاص اخويله ديري الي تبيه انتي وايـه انا ماتسالونيش وربي مريضه مش امركزه حتي في الي اتقولي فيه
مبروكه: انديرلك نعناع ولا نعطيك مسكن
انا: توا خديت مسكن 💔
مبروكه: والله وجهك امهبي بكل انديلك حاجه ساخنه تاكليها
اتشدي روحك بيها
انا: لالا مانبيش شي ما اتعبي روحك
ايـه: به انتي من امس ماكليتي حاجه
انا: عادي مادوريش متعوده
مبروكه: باهي قولولي شن بنديرو ورانا حاجات واجده من غير السوق
انا: ما تكلفي روحك كله عشاء عائلي وفاتحه في الجامع مش محتاج تفكير بكل حتي السوق مانبي نطلع بكل
ايـه: كيف اتجهي هذي ضروري تطلعي لي السوق تاخدي دبش الضروري الباقي تطلعي انتي ومسعود اتكملي شن ناقصك
مبروكه: ضروري تطلعي زي اي عروس تطلع من بيت اهلها ما تنقصك حاجه
انا اعيوني تعبو ادموع 😢: ياريت اهلي موجودين امعايا 💔😭
مبروكه 💔: الله يرحمهم وييغفرلهم حتي احني اهلك يا ريناد والله انتي زيك زي ايه مافيش فرق بينكم عاد توا بتبدي مرت الغالي 😍
ايـه: نحنا عيلتك يا رنوده
انا: ربي يحفظكم ليا اجمل عيله ❤️
مبروكه: ويحفظك هيا عاد شديلي روحك ورانا حاجات واجده انديروهم هل الولد المنكلب زي باته ايبحو كل حاجه بسرعه بسرعه 😂😂😂
انا وايـه ضحكنا ع كلامها
مبروكه:ايـه حجزتي في الطلبيات الحلو والحار
ايـه: اي جنبك كلمتهم واكدت عليه
مبروكه: اليوم بنكتب قائمه المعازيم كلهم والصبح نتصل بيهم
انا: صح عشاء عائلي يا اخويله
ايـه: قولي اعميمه ولا امي
انا 😢: عادي انقولك امي
مبروكه 🥺🥺: عادي يا امي قولي الي ايريحك
انا: امي مبروكه 🥺💔
مبروكه اعيونها تعبو ادموع وكاسره خاطرها ريناد: نجك ليا حبيبتي
ايـه: المهم ماما قالت بدير عشاء بس بديره كبير وبتعزم معارفها و اقرباها والجيران صح مش عرس كبير بس بدير عشاء كبير وتلبسي انتي الفيلو.
انا: الي اتشوفيه اكويس عادي
مبروكه: نجيها العاقله

وقعدو يحكو وايخبرو فيا شن بيديرو
ومسعود من طلعه الصبح ما رجع الا في اليل عاطي مفتاح الشقه لي مؤيد واقف امع العمال.

.
.
.
. ❤️روايــــــــــــات مــــــــيـــــروووو احـــــمــــــد❤️
❤️روايــــــــــــات مــــــــيـــــروووو احـــــمــــــد❤️
.
.
.

مرو الايام وجاء يوم الخميس اليوم فاتحتي ع مسعود.

خليني نحكيلكم شن صار في الايام الي فاتو ماشفت مسعود نهائي ولا حتي بالصدفه كان يومه يافي الشقه يا برا البيت. مانشوفش فيه اما انا طلعت امع اعميمه و ايـه لي السوق وخديت كل شي لازمني ماكترت هلبا ومسعود شطب الشقه وكملها وحطو ايـه واعميمه دبشي في الشقه ونزلو

ايـه كانت بتحجزلي في مزين قلتها لا مش ماشيه واعميمه عاركتني قتلي ضروري تمشي المزين قتلها مش ضروري من المزينه نبي حاجه خفيفه توا انديرها ابروحي
اعميمه حلفتلتي واتصلت بي وحده صاحبتها تخدم في المركز تجميل جت دارتلي تسريحه بسيطه وامعاها تاج واخترت مكياط بسيط امع الفيلو صح كنت انحبه مسعود بس ما كنت تبي نتزوج بالطريقه هذي كنت حلمي زي اي بنت تحلم بعرس كبير بس الله غالب ظروف وموتت بوي 💔😭 غيرو حياتي كلها انا ماسكرت 19سنه اكبرت بعمري 50سنه من اهمومي اكبرت قبل وقتي ماكنت نبي نلبس الفيلو قبل ما نتخرج بس سبحان الله مغير الاحوال ان شاء الله ربي يبعتلي الي فيه الخير والله خايفه من سكوت مسعود واختفائه

سالمه الي كبدها نار علي ولدها الي مفقود اسبوع مش عارفه شن ادير اتبلغ الشرطه بس خافت نزلت تسال في الجيران واصحاب المحلات عليه بس كلهم نفس الجواب ماشفناه.
فوق مرضها وحالتها كيف متبهدله ومتشحوره ادور علي ولدها فقدت الامل نهائي مشت لي الشرطه بلغت علي اختفاء وانه ولدها مفقود والشرطه مشو امعاها لي الشقه وشافو الكاميرات بس اليوم الي اختفاء فيه جلال تسجيلاته كلهم ممسوحه وحتي اصحاب المحلات اليقدام العماره كل التسجيلات مختفيه فتحو قضيته وقعدو ايدورو فيه وبلغو كل المراكز الشرطه ع الموصفاته واسمه

اما احمد واخيرا خدا قرار ممكن يخسر شخص ايحبه من وراه بس لي امتى بيقعد يهرب من الواقع عمره الهروب من مشاكلك ماكن حل ضروري اتواجه كل صعوبات الحياه واتحاول ديما اتحل مشاكلك لانه كل ما تهرب منها اتزيد تتعقد اكثر
حزم قراره خلاص اليوم.

سيف فرحان بيطير من الفرحه وانه الي يبه من زمان تحقق وقدر يوصل في الي يبيه

اما ايـه كانت مشغوله امعايا بس عقلها كله امع احمد شبة تاكدت انه احمد ايخون فيها ولا فاتها وطلع عيل زيه زي اي ولد كدب علي بنت وعشمها بحبه وخلاها في نص الطرق ومشا

اما روان الي كانت تتبتسم وفرحانه عكس داخلها الي زعلانه بتموت من الغيره والحقد الا انه ابتسامتها وراها شي

ام روان تهاني الي كانت اتراقب في حركاتهم. وامدققه علي كل شي وترسم في شي في راسها

اما مؤيد وخالي علي واصحاب مسعود امدايريله جو قبل لا يقرو الفاتحه

جو هل مبروكه وصاحباتها وجيرانها وصاحبات ايـه امدايرين جو ابروحهم

امع العصر قرو الفاتحه اسمعت زغروطه مبروكه صح كان العشاء فخم وناس واجده كان هادي مافيش اغاني ولا طبل. ناس اتهدرز وتضحك
❤️ وانــقــرات الـفــاتـحـتـي عــلــي حـبــيــب قـــلــبــي ❤️
بــديــت عــلــي اســمــه خـــلاص 😍❤️ ايقولولي مــــرت مــســعــود ❤️😍

جيت اعميمه نزلتني من فوق كانت الصاله كلها امعبيه معازيم
بدات الناس اتباركلي انشوف في اعيونهم هلبا اسئله 😢 حطو العشاء وبدت الناس تاكل

تهاني تتكلم بصوت واطي ع التليفون
تهاني: شن صار امعاك
روان: درت كل شي قتيلي عليه اهو نازله
تهاني: رد بالك ايشوفك حدك خشي من الباب المطبخ
روان: تمام سكري خلي ننزل بسرعه
تهاني: تمام وسكرت وقعدت اشوفلي وتبتسم 😏😏😏

روان حطت التليفون في جيب سروالها وسكرت باب الشقة مسعود ونزلت بسرعه خايفه حد ايشوفها خشت المطبخ وحطت المفتاح في مكانه وسقمت شعرها وخشت داخل.

مر الوقت حطو باقي الضيافه لي الناس

مبروكه: وينك ياوليدي كنك تاخرت
مسعود: شن في يا امي
مبروكه: تعال روح بعروستك عيب قدام الناس
مسعود: خلي ايـه اترقيها فوق لي الشقه المفتاح عندها
مبروكه اتعض في فمها: تعرف كان ماجيت توا ورفعت عروستك لاك ولدي ولا نعرفك تبي اتحشمنا قدام الناس بسرعه تعال
مسعود: امال استني عندي شغل امطول
مبروكه: اقسم بالله كان ما اتروح توا وربي نغضب عليك كنك انجنيت انت تعال عندك عشر دقايق بس
مسعود: استغفرالله العظيم باهي سكري توا انجي
مبروكه: بسرعه
مسعود: به افهمنا وسكر

سكر مسعود وشاف جلال الي طايح ع الارض وجه كله دم يابس وملابسه نصهم امزقه من الضرب.

جلال ياذوب يتلكم: خديتها مني
مسعود: اي خديتها لانه واحد كلب زيك ما يستحقها
جلال ضحك بوجع وجسمه ايسطر فيه: بس المهم اشبعت فيها قبلك 😂😂
مسعود تعصب وضرب برجله علي بطنه وصدره ونزل فيه ضرب وفش كل غله فيه ماتحملش كلام جلال استفزازه 😡😡😡😡
مسعود: يا&&%$$$#$$

ايـه رن هاتفها فرحت بعد شافت المتصل رقت بسرعه لي دارها عشان اتكلم حبيب قلبها في لحضه نست كل شي

وصل مسعود وخش بعد ما اعميمه لقاته من الباب وخشت امعا

خش كان امداير تحليقه خفيفه ومنقص شعره ولبس بدله سودا طالعه عليه خيال وعقدت حواجبه الواضح من رايق زايدته شخصيه
وقف جنبي بدو جو بنات العيله اتبارك وتتلصق ع مسعود نكره امها القطه هذي بديت انشوفلهم اكويس لعند وصل الدور في روان الي صدرها وبطنها كله ع الشارع ولبسه سروال ضيق امفصل جسمها امع المكياج التقيل
سلمت بالخد ع مسعود 🔥🔥🔥😡😡 كان نلقا نعطيها كف اانفس غلي فيها
روان بمياعه: الف مبروك ربي ايهنيك
مسعود منقرف منها: ايبارك فيك وعقبالك تلقي الي يسترك وايملك
روان حست كانه حد ضربها كف 😂😂😂😂
انا ابتسمت علي كلامه برد علي قلبي 😍
روان مدت ايدها ليا امع ابتسامه: مبروك
انا ضحكت: عقبالك يارب
روان ابتسم وجت لعند وذني: وناخد راجلك يارب
انا: في احلامك
روان: توا انشوفو
انا بعدت عنهاا: الي عندك ديريه
روان: تم خليك في الانتضار
ومشت مسعود سمع كلام روان ليا لانه كان قريب مني عشان مافيش اغاني
انا حسيت بحاجه نخست قلبي خفت من كلامها
مبروكه غمزت لي مسعود هزلها راسه
مسعود مسك ايدي: نمشو
انا ضغطت علي ايده: ياريت
طلعت انا وياه لفينا من جيهة الدروج رقينا لعند اوصلنا باب الشقه طلق مسعود ايدي وفتح الباب. وخش
انا مصدومه انشوفله ماعبرني نهائي
مسعود يتكلم من داخل:بتخشي ولا بتقعدي برا
انا خنقتني العبره دفيت الباب بايدي وانخشش في الفيلو خشيت ودفيت بالباب بالقوه 💥💥💥
مسعود: بالشويا ع الباب راك تكسريه
انا: خليه ينكسر
مسعود: اتصلحيه ابروحك
انا شفتله ماعدلت عليه: وين داري
مسعود: اشر علي المامر...تاني وحده ع اليمين
انا عطيته بظهري وفتحت الدار خشيت وطربقت الباب 💥💥💥😂😂😂😂
مسعود:بسم الله من البدايه خاشه اتقربعي البيابن يستر الله الشقه ما اطيح علي راسنا نبدو ع الشارع 😂😂😂
انا سمعته انفلقت بالضحك 😂😂😂😂 عنجد اطيح علي روسنا
.
.
.
.
.
.
.
عندهم تحت بدت الناس اتروح واعميمه مسكت اسيل و ساره ايباتو عشان ايضمو الحوسه امع ايـه طبعا مانحكيلكم روان دارت فيلم تبي اتباب واعميمه اتقولها مافيش داعي 😂😂 هي شي لصقه تبي اتبات

ايـه:كيف
احمد:.............
ايـه:اتبصر صح وربي ما افهمتك
سيف خداه التليفون من احمد:....................
ايـه:.😧😨

.
.
.
.
.
.
خش مسعود لي الدار
مسعود: اسمعي انتي
انا التفتت: نعم
مسعود:..............

.
.
.
.
الشرطي: ..........
........:..............
.
.
.
.
مسعود:.................
حسن:...............

##يتبع

google-playkhamsatmostaqltradent