رواية نقيض بلهفة عاشق الحلقة العاشرة 10 كاملة

 رواية نقيض بلهفة عاشق الحلقة العاشرة 10 كاملة

رواية نقيض بلهفة عاشق الجزء العاشر

رواية نقيض بلهفة عاشق البارت العاشر

رواية نقيض بلهفة عاشق الحلقة العاشرة 10 كاملة


رواية نقيض بلهفة عاشق الفصل العاشر

رواية شاب واقعيه
#بعنوان_نقيض_بلهفة_عاشق_الحلقه_العاشره_للكاتبه_shosheta..

قراءه ممتعه🔥🔥..

اتصلت ب الراجل عشان يسألي ع لجنه..

الراجل..والله م مهاب شنقولك كلمت اكثر من مركز واكثر من واحد وكلهم قالو مفش لجنه جايه من برا..
وبعدين حتى لو في عارفنا انديروا ق مناشير عشان الناس تعلم

نا..يعني..🔥🔥الخبر مش مزبوط

وحكينا اشوي وزلحقت الراجل وصكرت.

ثاني يوم..مشيت للمصرف ونعرف واحد وسألته ع لحسابات والسحب والتوكيلات.. وشفت احساب ندى..
لقيته اصفاااار0000

يعني..
#بوي داير زي م قالو اغلب التعليقات داير توكيل عشان يسحب الراتب هو...
ومن المصرف لجيبه عطوووووووول

روحت قلتها للبنات بيش يعرفن الي صار.. وان صح لما قتلهن بوي في من وراه ان..

وقصة اللجنه كذب ف كذب..

ندى.متكلمتش بكل.

نجوى تحكي ونا نرد وانهزب ع تصرفات والشي الي صاير.

وعقدنا تصرف بوي بس الي هدانا راتبي نا ونجوى قاعدات..
....

بوي معش رد علينا حتى ان فتح نقالا بس معش رد علينا لين ملينا وسيبناه..

》》》》》》》》》》》》》》》》》》》》》》》》》》

وهلب علي السمستر الثاني ونجحت فيه..
نظام اشهور طبعاً.

ومزلت مع ندى نحكي والوضع اشبه ب وصوله لنهايه بينا
وح انقوللكم شنو قصدي

بعد فتره من نجاحي..
جا بوي للحوش..وكان وضعه مش تمام بكل.. واستلماته ندى وسألاته ع لجنه الي قال عليها.. وقالتله ع قصة التحويل.. وقعدت تطلب منه يردلها الي صار وتبي راتبها.. وهو يقوللها انسي مفيش..

هي اتقولا هذا حقي واعيالك خلي مرتك تصرف عليهم..مش هي امهم ولا شاطره غير تطلق ف لسانها علي وانت ساكتلها خايف منها

بوي..خايف من من ي بنت ال.......😡
تأدبي خيرلك..امهم متشتغلش

هي..مدام متشتغلش عليش تجيب ف7اعيال انت وانت اصلا لا تقبل لعيال ولا تبي تصرف عليهم

بوي..

ندى..سكتت توا..بيش تعرف ان كلامي حق..

بوي..حق قتيلي اه وصبى قعد يضرب فيها.🤬.. ويقولاها راتبك تنسيه والي نبيها انديرها ومنش رادلك شي يا بنت ال........🚫

خشيت بينهم وكرتيها ندى من بين ايديه ومخليتش يكمل ضربها

بوي..وصاير تعرف تفك خواتك مني ي مهاب.🤬

نا..مغلطتش هي وكلامها مزبوط ..مش ملزومين بيهم اعيالك انت جبتهم انت اصرف عليهم دبرلهم شغل امرتك ف اي شي
مش تاخذ راتب ندى تصرفه ع اعيالك

بوي.. وبتعلمني كيف نصرف اخرا
راتب اختك منش رادا ووريني كيف تبي ادير كذا😠

نا..معندش م اندير.انت الشي المفروض يندار انت مدرتش نجي نا نبي انديرا..الموضوع ميخصنش.

بوي طارتلا وقعد معانا كلمه بكلمه وتعاركنا وروح...

□■□■□■□■□■□■□

#نرجس..

صح هي معش تعنيلي واجد بس اسمها قدام الكل حبيبتي.تتبعني.. ونا حبييبها المفرووض..

ف اي غلطه ممنوع
ومش كل شي مسرح بيه عندي

#كلمتني ف مره بتطلع زرده مع مع عات عمها واعيالهم وبنات من دادها
قتلها مفييييش..
بحر ومعاكم شباب واصلا شباب ويوم جمعه ديمه زاحم لاء مفش مشي..🤬🚫🔥

وناااقشتني واااجد واتحن واتزن
ودرنا عركه ع خاطر المشيه..
وانا مزلت عند كلمتي ورافض..
الخميس كلمتني قالتلي بنمشي مع امي وخواتي عات جدي(هل امها)بنباتوا مدامك متبيش تخليني بنمشي مع عات عمي

نا..اكدت عليها3مرات امك بايته معاكي عند هلها قالتلي ااه..قتلها تمام عدي..

#منبش نقعد يهودي/كفردي.. ونمنعها من كل شي ..
قلت خليها تمشي وتنطلق وهي
لها يومين قالبه وجها..

ليلة الخميس كلمتني ساعه11 ..10دقايق وصكرت..

رديت اتصلت ساعه12\1\2\3 مقفل.مقفل.مقفل.مقفل

وعيت 6صبح اتصلت مقفل
رقدت وعيت 10 وبرضوا رنيت مقفل..

دزيتلها رساله.. وقتلها بعد تفتحي ردي علي.طمنيني كنك مسكره.

ساعه12.فتحت اشوي ووصلتها رساله وصكرت بدون م اترد..

شفت تقرير رساله والوصول..

رديت عاودت عليها ..
مقفل..

مش عارف ليش الشك بدا يطلع ف راسي..
وبديت انقول ان تسكيرت النقال في حاجه وراها..

وولاسف😏كذب غيري والله يطلع بسهوله قدامي.. ومش اول مره
ديمه املاحظها..منتعبش روحي ف التدوير الامور برواحهم يجن لعندي

بعد تغديت.. طلعت بندخن برا ..
وحاجه خلتني نمشي لمكاني المعتاد بعيد اشوي عن الحوش..

مشيت ودخنت.. ولما جيت.. تلاقيت مع بوها لنرجس..
سلمت عليه و حكينا عالسريع ليش امطلعك ف قوايل..قالي لي نص ساعه اندور ف تكسي بنشيل خالتك سالمه لهلها ملقيتش بكل..

ف عشيه بنصلح سيارتي قلت نشيلهم توا...

قتلا خلاص انت رد للحوش ونا نجيبلك تكسي تو انقدم لشوارع لخرات.. وانجيبلك بس قول لهلك يطلعوا بسرعه..

ومشيت دورتلا تكسي وجبته..
وطلع بوها مع امها مع باقي لصغار

وهي..؟؟؟😏يعني شكي ف محله..
ونرجس عدت لزرده وعشان هكي قافلا نقاالها👌🏼

راجيتها طول الليل مفتحتش..
السبت رنت علي..
قالتلي..كذبه جديدا ان نقال طفى شحن وهي م امعاهاش واصلا طلعت مستعجلا مع دوشة خوتها وامها ونست الشحن وحجات اخرا..

نا..😏اااه ي نرجس لحد امتى بتكذبي..(ف عقلي)

وبدت تغطي ع غيبتها وقعدت نسأل فيها ع هل امها ومن جاهم وشنو دارت تغير وتتهرب من موضوع صارت...

ومشيت الامر عااااادي وهي صارت اتثرثر وتحكي واااجد بس خبر كذب

ومره اتصلت بيا وقالت عندها طلعه لسوق برضوا مع امها..

واتضح انها طالعه مع ولد خالتها..

ومره اخرا قالت

بعد ايام عندها فرح قريبتهم ف مدينه ثانيه وبيقعدوا4\5 غادي..وبتمشي مع خالتها هي..
امها ماشيه يوم الفرح ف صبح وامروحه ثاني يوم عالغدا

نا..🤨بعد نقاش طويل قتلها مفش مشي ولو تبي..عدي مع امك وروحي معاها اما خالتك وبناتها لاء🤨🤚🏼

هي..قعدت تسكنلي واتزن ع المشيه

قتلها. الي عندي قلته لك ي خليك فالحوش ي عدي مع امك
[

حاولت اكثر من مره قتلها لا..اسكتت
وعرفت اسكوتها مش ل الله

وعرفت انها ح تمشي ومش ح تسمع الكلام..
وقعدت ساكنلها كل ساعه انكلم فيها
مرتين..كل نص ساعه انرن وحذرتها من تسكيرت النقال..

وهي اترد ومش عارفه عليش ساكنلها..

عرفت موعد الفرح مزال عليه7ايام

يومين سكنتلها ثالث يوم قالتلي مريضه معديتش لجامعه
وبعدها مريضه
يوم لاخر عندنا عرب..

قتلها نبي مكالمه..مقتلكش نبي انشووفك..معقولا متقدريش.. قعدت
تسبل..

لين كثرت عليها وقتلها وقتلها نسمع صوتك وعالسريع اتسكري..

وطووولت علينا ردت ورنت..

واول م حكيت قعدت تعلي ف صوتها وتحكي بسرعه..

نا.. نرجس وين قاعدا🤨

هي..
نا..يابت احكي وين قاااااعدا احكي..

في حد جنبها سمعت الصوت نا

نا...نرجس🤬..

هي اتوشوش مع حد وصكري الباب قالت..

نا..نرررررجججسسسس🤬🤬🤬

هي..معاك معاك غير نحكي مع اختي

نا..فالحوش صح

هي..ااه عليش..
نا..اطلعي من الروشن هي..
نرجس😳

نا..نرجس ي افتحي الخراء باب الحوش ي اطلعي من الروشن الدار.هي قدام الحوش نا..

نرجس.. ي مهاااااب ناااا منقدرش😧😩

نا..قتلك اطلعي اخر مره اه..😡

هي...مهاااب😩😩😩😩

نا..تمام بكل.. وزيطي ف دين ام الفرح تمام وصكرت ف وجها...

و المفروض تكمل ب كذبتها صح واتكلم .100مره عشان تنفي الي قلته لها نا..بس م دارت.. لان مطراحها /مكانها فاضحها..
دوشة الطحاني والاغاني واصلتني غير نا الي درت روحي مش سامع شي..

من جانب اخر..

ندى طاح منها موبايلها وتكسرت الشاشه فيها كم طقره واخطوط..
وكانت مضايقه عشان مش قادره اتجيب غيره لان راتبها.بح...

مشيت بدلت معاها... وعطيتها موبايلي لان احدث واجدد وخذيت امتاعها مندورش ف مناظر ومظاهر المهم يتصل وخلاص..

ولان راتبي مستحقلا ف دراسه وغيره قلت

نمشي ب هذا لين بعدين نشري واحد

وهوا نفسه الموبايل الي كلمت بيه نرجس وصكرت ف وجها

ورغم اني عارف انها مشت واصلا اصريت اني انكلمها بس مش عارف ليش زدت احمقت اخرا بعد الي صار بينا.

وقفلت النقال بينا....قعدت كذا يوم هك مسكر نقال..

بعدها4ايام فتحت لقيت رسائل منها مقريتش منها ولا وحدا
ومعش دورتها..

سكنتلي مكالمات مبيتش انرد عليها

جا بوي وخذا افلوس من نجوى..
وهي عطااته طول..
او ب الاحرا بعد م خافت من وجه الثاني الي خش عليها بيه..

نا مكنتش قاعد
بعد روحت حكتلي ..
فالغدا.. وجيت بنقيل.. جا اخرا.. هو
ومعرفنش كنه..خش قعد ساعه بدون م يحكي شي وعدا..

ف رنت علي نرجس.. وحليت عليها وقعدت تحكي ونا نسمع نسمع نسسسمع ف اعذاارها وكذبها...

لين طفح الكيل وطفيت الدخان الي من يدي و وانفصلت عليها م عقبت شي ف راسي م قلتها لها

لين قعدت تبكي هي وصكرت ف وجها..

لما يفلت لساني ع حد معش نسيطر ع روحي.. وهذا عيب من عيوبي..

طلعت قعدت ف شارع لحد ساعه 2 وخشيت.. مشيت فعلت النت

#بنوضح شي
انا كان عندي شفره مدار ورقمها عندي خواتي ونرجس بس.. ومكنتش نستعمل فيها واجد من قبل

و في فتره عطيتها ل ندى اتمشي بيها وخذيتها منها لما بدلت معاها نقالات عشان النت اقوا

المهم

فتحت الواتس بيها ..واول محادثه حذفتها بالكامل الي هي نرجس

وجني رسائل من رقم معندش منعرفش من صاحبه..

لقيته متصل..ساعه2..
نا خشيت 🤨من معاي

رقم..كيف من كنك ي ندى شنو فيك

نا..لا غالطه نا مهاب مش ندى🤨

رقم😳..

نا..من معاي..

رقم..اها اهلا...نا صاحبة ندى (هنادي)

نا..اهلين..بيك نا خذيت الشفره من ندى لان شفرتي..

هي..صااح.باهي وهي معندهش
نا..لا بكرا اموصيتني ع رصيد تو انجيبلها وتفتح

هي..اها تمام ومعلش ع الازعاج
نا..لا..عادي
وخلص كل حد ف حالا..

وهلبن كم يوم ونرجس ساااكنه بكل.. قعدت انرد ومنحكش

وهي اتبكبك واتقولي ظالمني وصوت الاغاني كان تلفزيون نا مطلعتش من الحوش ووجعتني منك وديمه مش واثق فيا وديمه حارمني من الطلوع و.......

نا...هااااي هااااي وقفي عندك نا مجبرتكش..نا حكيتلك وانتي وافقتي
متجيش توا تقلبي الكلام...

هي..باهي بس مش هكي المعامله تعبت راهو.. خليك كويس معايا

نا..تمام نبي دليل ع انك كنتي فالحوش ومطلعتش بكل..

هي..😧😳كيف..يعني
نا..دبري راسك..دوري دليل ي اعترفي ي احلفي عالمصحف قدامي..

اختاري من هذن وديري....

نرجس..ازمطت بكل...

نا..اوووووي مفش صوووت اه😏

هي..تمام تو نثبتلك..عطيني اشوي بس

نا. الوقت معاك..

بعد وقتت عطتني اختها وحفظتها كم كلمه وقالتها لي.

قتلها خليها بروحها متقعديش احذاها

لما عطتني نحكي مع اختها
.بديت زرزرت فيها
ارتبكت.. وقتلها من العرب الي جوكم وكم يوم نرجس مرضت ووين كانت

اختها..اءءءءءء...
نا..ايواه...شنوو..😈
اختها..هي م مرضتش بس كيف اتقول مريضه..

#نرجس حفضتها ان معدتش للفرح وان هي واختها ع تلفويون ف اغاني ليبيبه يسمعن لما رنيت نا..

لما سألتها امته كلمت نا وشنو قالتلك هي.. ومن جاكم وامتى مرضت ومع من عدت و.......و.....و...و.و.و.

البنت معش عرفت م اترد.. ومن كثر م صعبتها عليها ..قالتلي انقنك الا سمطتها انت واختي... وااه هي عدت للفرح وقعدت ايام وروحت مع اقاربنا.. ونا وامي عدينا برواحنا مش معاها..
تمام هكي

نا..تمام بكل..امنووورا وقولي لنرجس الي هناك بانت .وصكرت😏

يومين ادزلي وتعتذر وتبكي.. واتقولي والمشكله تحلف ي ناااس تحلف واتقولي والله معش كليت شي ومرضت صح كذبت ومشيت بس عشان خاطري فالفرح بس

نا..

هي..والله جوي متنكد ي مهاب معش خاطري ف شي.. بالله عليك انفوتو الموضوع خلاص..😫😫

نا..والله الغلط منك مش مني وعطيتك تنبيه اكثر من مره وطز ف كلامي ومشيتي صح خلص متشقيش بي....

ونقاش طويل بلا فايده..
بعد كذا يوم زرقت عليها ف جامعه فجأه..بنشوف تأثرها..

وحلوفتها الي قالت مكليت شي ومريضه وحلفت انها ح اتقاطع النعمه لين نرد عليها..

مشيتلها لقيتها.. ف منظر عمري م توقعته والله..شبس شكاير عرم.. وباقي الاكل ومشاااريب ومتربعه وتاكل.. بطريقه واقسم بالله تستحقرها من منظرها..

روحت ف قايلا كلمتها قتلها كلمتك بنقولك بيش اتغدي.. متقعديش بلاء اوكال..

هي..بصوت مصطنع للمرض لا معندش نيه كارها لوكال غير اميه م خذيت شي..

نا..اميه😏..لامعندكش حق والله
وجيت بنحكيلها الي شفته وبنحكيه
سكتت

مش عارف ليش..

محبيتش نحرجها والله..
مهما كان حسيتها لقطه بايخه.

ومشيتها.. كلمتني هي بعدها بيوم
وع اساس صافي الجو بس عليما الله..

نرجس بالنسبه ليا زي الثقل ع صدري كانت..وصارت وانقااااني معد
قاابلها.

هلب اسبوع ومحد دور فينا لاخر بكل..

مش عارف شنو ضربني ع يدي وخلاني اندزلها ف الليل ع الواتس

وتهيالي يومها ادوارت مشاكل بنصفي احسابي معاها

نا انقوللها وينك معش دورتي ولا كلمتي..
تصدمني بالرد واتقولي بصراحه الوضع معش ينطاق وانت معش خليتلي فرصه انقرب منك وانا تعبت ع قد م انحاول وانقرب منك ونكسب ثقتك انت اتصد فيا وهاملني ومدورش فيا..وفوقها اتذل فيا ب مشيتي هي غلطه ولا غلطتين الي درتهن وكذبتهن.. انت مُصر اتكبر المواضيع واطلعني ديمه غلطانا ونا الي مش تمام ونا ونا ونا ونا..
تعبت والله تعبت ومليتتتتت

نا..🤨..يعني الوضع بينقلب عليا نا الي متحمل ولا انتي ومن الي كذب ودار المشاكل نا ولا انتي. ..

وبدت تستفز فيا.. ونا خلقه نرفوز وسريع الاستفزاز..

وكملت كلمه بكلمه معاها..

لقيت روحي مكلمها مكالمه وتعاركنا..

طارت النيه من النوم واضااايقت.. وقعدت دخان طفي واحد ولع ثاني..
وتهيالي كل اشوي انزيد اخرا انتعصب كل م نذكر ف الكلام..

شنو صارلي مش عارف..
مشيت دزيت ل هنادي(صاحبة ندى)
دزيتلها رساله لقيتها متصل..

وخير م خير ..
هي..شخباارك..
نا..ب رد بايخ قتلها ( زفت)

هي..كنك عليش..
نا..واقسم بالله الكلام قعد يطلع مني بروحه.. معش قدرت نسيطر ع لساني

اتقول عيل اصغير صاير معاه شي وسكرتله امه وبعد حليته ع طول انطلق ويحكي ميبش يسكت..

هو نا💔🔥

وراني وقتها والله مافي نيتي حاجه شينه.. ولا ف عقلي شي..مجرد اني مضااااااااايق ونبي ننفجر ولقيت هذي قدامي انفجر فيها...

وهي اتقولي سامحني ع تدخلي مفهمتش شنو تقصد
لاني كنت نحكي ب رموز نا معاها ...مش كلام عالق واضح..

لان ورب العزه حاجه خاانقتني ومستثقل الكلام....ومتحشم فيه..

هوا ف نظركم ونظر غيري امر تافه يمكن... بس الي مار ب شي هكي ح يحس ب وضعي توا..

هي..لو حاب تحكي شي تفضل.. نسمعك..

ومنها ترددت اشوي وبعدها معش فيها حكيتلها متعارك مع حبيبتي.. وبينتلها ان حبيبتي مزالت..بيش متفهمش دخولي عليها غلط..

وسألت عليش م عليش لو مفيهاش احراج..

وحكيتلها من فوق الفوق..
والحق..هي بنت صح بس موقفتش لا ف صف البنت ولا صفي..

ووضحتلي حجات والله م فكرتش فيهن بكل.. ولا جن ف بالي..

وحكتلي ع شي ف بنات..
وحكتلي ع شي فينا نحن شباب..

وكأنها دخلت ف الشخصيتين.. وحللتهن..

الحصيل..حكيتلها وحكتلي وقالتلي ايش اندير بشرط م نستعجلش ومنسرعش بيش م نندمش بعدين..

وحسيت وقتها #بدر الي يحكي معاي💔😔

ديمه يقولي متسرعش بيش م تندمش..

ومشيت ب الي قالتلي عليه..
وقتلها توا نرجس اترن قالتلي رد وتفاهم معاها.. واحكي كل شي جواتك لها متخبيش شي..بيش متكونش مليان منها ف اي امر..

واشوي كلام وتمينا على هك .. وصكرنا ..ومشيت رديت ع نرجس.. وحكيت معاها بشوييش مش عشانها

لا..
عشان برد الامر عندي ومعش حسيت بشي...

》》》》》》》》》》》》》

من زاويه ثانيه..
بدال مدة الوجه الي نا فيها..

باشرت عملي ف المستشفى عشان نملا وقتي...
وعشان نشتغل ونستفيد من لقرايه وانطبق عملي.. ويمشي الحال..

وخذيت توكت العشيه وايام ليل عشان صبح معهد منقدرش..

ونسقت جدولي ع الشي هذا..

وانسجمت ف شغل وماشاءالله زادو الشباب علموني اكثر واكثر.. ونا 50%كنت تمام ف شغل..

ومشيت الوضع..❤️💙

::::::::::::::::::::::::::::::::::::::::::::::::::::::::

#بوي قعد يجي وهالمره بالايام يقعد معانا..

واتضحلنا ان حياتنا مع مرته معش
طاقها.. وان هي اكثر من مره لزاته من الحوش..

وف توقيتات غريبه اطرد فيه عليش معرفنش سبب

بس شبه ان توا حياتهم..
نار وبنزين..

وهوا رايح مش قابلها ولا قابل لصغار
وهي مش دايره خير فيه

حتى تقعد تكلم فيه ايتعاركوا ع نقال.. وكلام نسمعوا فيه

وهي اتهزب وهوا يسب فيها ويعارك.. ويصكر ف وجها..

وخذينا ع جيته وقعدنا نعرفوا10%عن حياته وسبب جياته لنا..

ومرات يحمق من مرته..
يفش ف غله فينا نحن..

وهكذا..

لحد م في يوم.. بوي جاب لبستين معاه وقعد فالحوش...

نا كنت مروح. من العمل... وتكيت جبت اشوي حجات للحوش..
وروحت..

اتصلت بي نجوى وحسيتها تبي اتقول شي لما قتلها اقريب ونوصل
اسكتت

نا..كنك احكي..

هي..لا غير بوي قاعد ومتعارك مع ندى

نا..🤨وااو ردينا لسريب هذا..

نجوى...م م مهااااب...
وانقطع الانتصال بينا.. وسمعته خش عليها..

قعدت نعيطلها ف تكسي جنب سواق.. بلا فايده..

صكرت وقتلا زيد السرعه..

و وصلت للحوش.. وخشيت بسرعه من باب.. ولقيت في شي مكسر ع الارض..

نا..😳🤬🤬🤬نجواااااا..ندىىىى...

حطيت لكياس عالارض.. وخشيت نجري شور الديار... ولقيت فالممر المكانس مكسرات لوحهن .. ومرميات

وصوت ندى دوووووبها م تعيط وو........

نا...😳😳🔥🔥🔥🔥🤬🤬

#يتبع..
#shosheta..

واعر لما يتكون خايف على هلك من هلك..

واعره لما حد يستغيث بيك عشان تاخذ حقه وانت مش قادر
لان الطرف الثاني يكون (بوك)

واعره لما تلقى روحك ف نهاية مشوار ملكش قيمه عند اقرب حد لك والي انت داير له مكانه كبيره..

مهاب..ويلي قلبه ونفسيته
وويلي خياته من بوه..

يقدر ينتقم من ألم قلبه
بس ميقدرش ينتقم من بوه عشان خواته...

بس برايكم هالشي دايم ولا مهاب ح يتحرك وايدير شي ف بوه خصوصا... ان الحوش خش لقاه فيه جرت كسور
وخواته......... 🤐

ونرجس..الي اصبحت ثقل ع قبل مهاب.. هي تطبخ ف شي من وراه توا
هل ح اتضر بيه مهاب ولا نفسها بس وشنو هوا الشي...

وصاحبت الصوت(هنادي)..
شنو بيكون دورها ف حلقه جاايه
هذا م نبيكم اتقولوه ليا..

نتلاقوا حلقه جايه 🔥🔥🔥🔥
تصبحوا على 😈🔥👻


google-playkhamsatmostaqltradent