رواية عشقت عسكري الفصل الخامس 5 بقلم شيماء علي

 رواية عشقت عسكري الفصل الخامس 5 بقلم شيماء علي

رواية عشقت عسكري الفصل الخامس

رواية عشقت عسكري الجزء الخامس

البارت 5

رواية عشقت عسكري الفصل الخامس 5 بقلم شيماء علي

رواية عشقت عسكري الحلقة الخامسة 

بقلمى شيماء على
الفصل الخامس

#عشقت_عسكرى

بقلمى شيماء على

تدخل ريم الغرفة: انا عاوزه اتكلم معاكى بخصوصك انتى وجاسر
فرح بصدمة: انا وجاسر ازاى مش فاهمة؟
ريم: بصراحة كده انا شايفة انك انتى وجاسر قريبين من بعض
فرح: قريبين من بعض ازاى؟ مش فاهمة!
ريم: بصى بصراحة كده انا معجبة بجاسر
فرح بصدمة: نععععم
ريم: ايه هو انا قولت حاجة غلط انا معجبة بجاسر وبحبه
فرح بارتباك وحزن: طيب وانا مالى انتى بتقولى الكلام ده ليا انا ليه؟
ريم: لانك بتشتغلى مع جاسر فأكيد عارفه هو فى وحده فى حياته ولا لا
فرح: جاسر مش بيخلط بين شغله وحياته الشخصية وماحدش يعرف عنه حاجة
ريم: يا خسارة كنت فاكرة هلاقى عندك أجابة عموما شكرا
تخرج ريم من الغرفة وتترك نور تحدث نفسها والدموع تملئ عينيها.
________________________________
داخل غرفة جاسر..........
جاسر يتحدث مع نفسه: وبعدين فى الكارثة اللى انا فيها دى انا مش عارف هشتغل مع الصنف ده ازاى ده صنف خاين وغشاش كل اللى يهمهم الفلوس و غصب عنه يمر شريط حياته امامه منذ ٧سنوات
فلاش باك........
هالة سكتت شوية: أنا عندى فكرة حلوة ممكن اقابلك بيها من غير ما أكذب على اهلى وأشوفك وتشوفنى من غير ما نتقابل من وراهم
جاسر: ازاى يا ذكية وهما هيكونو عارفين وهيسكتو كمان
هالة بأبتسامة: الحكاية سهلة قوى
جاسر: سهلة ازاى بقى......ما تتكلمى على طول
هالة: هتكلم اهو...مش مامتك محتاجة محاسب فى الشركة بتاعتها....انا بقى هكون المحاسب الجديد
جاسر بصدمة: عاوزه تشتغلى فين؟! عايزه تشتغلى فى شركة ماما؟
هالة: مالك وشك اتغير لما قولت هشتغل فى الشركة
جاسر: علشان ما ينفعش يا هالة
هالة بضيق: ما ينفعش ليه بقى؟
جاسر: علشان حاجات كتير اولها انك لسه بتدرسى
هالة قاطعته: فاضلى سنه واتخرج
استمر جاسر فى كلامه: وثانيا ماما مش بتشغل بنات
هالة بضيق: وليه بقى مش بتشغل بنات
جاسر: علشان بتقول ان البنات الصغيرين مش قد الشغل كل همهم السهر والخروجات وكمان بتخاف حد يطلع اسرار شغلها
هالة: لو بتحبني وما تقدرش ما تشوفنيش كل يوم يبقى تحاول تقنع مامتك باي طريقه اني اشتغل في الشركه وانا هاشتغل محاسبه وعلى كلامك ان ما فيش غير محاسب واحد اللي كان ماسك الشغل وهو ماشي وانا امسك مكانه....وتنظر له ببراءة علشان خاطرى حاول
شعر جاسر بالضعف عندما اهدته تلك النظرة: هقولها وأمرى لله......قومى علشان اروحك
هالة: اوعدني الاول انك هتحاول تقنع مامتك اشتغل
جاسر: انا كده هزعل منك انتى عارفه ان كلمتي واحده وانا قلت هاقول لها يعنى هاقول لها
هالة: وانا ما اقدرش على زعلك يا حبيبي
جاسر لم يصدق اذنه: أنتى قولتى ايه
هالة: ما قولتش حاجة
جاسر: قولتى ايه
هالة: بلاش تحرجنى
جاسر: يعنى انتى بتعترفى انك قولتى حبيبى
تهز رأسها بالايجاب
جاسر: اخيرا الجبل وقال لي حبيبي
هالة: هو انت شايفنى جبل
جاسر: احلى جبل عينى شافته....قوليها تانى حبيبى
هالة: بطل بقى....انا مش عارفه قولتها ازاى
جاسر: المهم عندى انك قولتيها ده انا اتحايلت عليكى كتير اسمعها منك كلمة بحبك واخيراا قولتيها....ويرفع يده للسماء احمدك يا رب تعرفى انا عاوز ايه دلوقتى
هالة: قول
جاسر: نفسى اخدك فى حضنى واقول بعلو صوتى بحبك
هالة: ما يصحش اللى بتقوله ده مش علشان قولت ليك مقدرش يعدى يوم من غير ما اشوفك تقولى اخدك بالحضن
جاسر: خلاص هخلى الحضن بعدين
هالة: جاااااااسر
جاسر: يا عيون جاسر
هالة: عيب كده
جاسر: عيب ليه......بعدين لما نكتب الكتاب هخدك فى حضنى وكمان هكمل
هالة: جااااااااسر كفاية
و يلا علشان اروح....

وصلت هالة الى بيتها وقبل أن تخطو لداخل غرفتها
زوج هالة: وبعدين معاكى يا بنت الجوهرى
هالة: فى ايه بس يا حسن
حسن: فى انك اتأخرتى بره وكلمت كل صحباتك ما روحتيش عند حد منهم
هالة: اصل يا حسن.....اصل
حسن: من غير ما تتكلمى انا عارف كنتى فين...هو انا مش قولتلك بلاش دورى على زبون غيره
هالة تدعى عدم الفهم: هو ايه اللى بلاش انا داخلة اغير هدومى
حسن بعصبية:بت انتى مبروم على مبروم ما يرلش انتى كنتى ما جاسر صح
هالة: ايوه، عاوزه ايه انا ما اضيعش معاه الوقت ده كله و فى الاخر اطلع بلوشى
حسن: انتى مفكرة انه لما يعرف انك متزوجة هياخدك بالحضن لا فوقى لنفسك
هالة: وانت ما فكرتش فى الكلام ده لما قولتلى اتعرفى عليه ليه
حسن: كنت مفكر هنطلع منه بقرشين بس طلع حبيب وراسم على جواز
هالة: على الاقل طلع راجل مش بيخلى ببنات الناس ولا بيحرضهم على الهروب معاه زيك
حسن: بقولك ايه انا مش ناقص محاضرات منك بكره تكلميه و تقوليله ان اهلك طردوكى من البيت و انك بقيتى فى الشارع طبعا هيعرض عليكى تقعدى فى الشقة بتاعته ساعتها بقى تعملى اللى هقولك عليه.
________________________________
ثانى يوم............
جاسر فى حديقة منزلة يعمل تمارين الصباح.......يرن هاتفه
جاسر: هالة حببتى عاملة ايه
هالة بصوت باكى: جاسر الحقنى اهلى عرفو باللى بينا وطردونى من البيت
جاسر: انتى فين انا جاى ليكى
قالت هالة لجاسر على مكانها وذهب اليها....عندما رأت هالة جاسر ارتمت بحضنه وهى تبكى
جاسر:بس كفاية ايه اللى حصل احكيلى
هالة: فى حد شافنا لما وصلتنى وراح قال لاهلى وبابا لما عرف اتعصب و اتبرى منى وقال انا ماعنديش بنات بنتى ماتت وطردنى من البيت
جاسر: ولا يهمك تعالى اقعدى فى شقتى وانا هروح اتكلم مع اهلك
هالة بارتباك: ها....اهلى..لا ما خلاص عزلو من الحارة بيقولوا انى جبتلهم العار ومشيو من غير حتى ما يعرفونى مكانهم
جاسر: ازاى ده...عموما تعالى دلوقتى ارتاحى وبعدين نتكلم
هالة: بس انا مش هقدر اطلع معاك الشقة
جاسر:ليه وبعدين دى هتبقى عش زواجنا فى المستقبل
هالة: بس حاليا انا مش مراتك وقدام الناس والقانون دى شقتك وانت واحد عازب
جاسر: قصدك ايه؟
هالة: انا لازم اقعد فى مكان ملكى قانونا علشان كده هفضل هنا فى الشارع وهشوف شغل وبعد كده هشوف مكان اسكن فيه يبقى العقد بتاعه باسمى وتنظر لجاسر بحزن شديد
لم يتحمل جاسر ذلك الحزن وقال لها: احنا لسه فى اول اليوم والشهر العقارى لسه شغال تعالى انا هكتب الشقة باسمك بيع وشراء وبكده تقعدى فيها براحتك وما حدش هيقدر يتكلم معاكى
هالة: اكيد طبعا مش هينفع طيب واهلك
جاسر: ما حدش هيعرف غيرنا لحد ما نتجوز وانا وانتى واحد
هالة: متشكرة جدا يا حبيبي
ويذهبو الى الشهر العقارى ويسجل جاسر الشقة باسم هالة.
________________________________
داخل شقة جاسر..........
هالة: الشقة حلوة قوى يا حبيبي عقبال الشغل بقى
جاسر: اااه صحيح اسيبك ترتاحى وهنزل الشركة لماما اكلمها عنك.
خرج جاسر من الشقة ويتجه الى الاسانسير
يخرج حسن من مكان مختئ بجوار شقة جاسر
ينزل جاسر بالاسانسير ويرن حسن جرس الشقة و تفتح هالة
يدخل حسن: ايه يابت ده كله دى مش شقة ده شارع بحاله
جاسر عند سيارته يتذكر انه نسى مفاتيح السيارة فى الشقة يطلع للشقة مرة اخرى ويفتح باب الشقة براحة لكى لا يقلق هالة من نومها(هذا ما كان يعتقده)
يسمع جاسر هالة وهى تقول: بس يا حسن ما تعرفش انا كنت خايفة قد ايه
حسن: و ايه اللى يخوفك ده طلع حبك عميه
هالة: طيب هنعمل ايه بعد كده انا خايفة يعرف اننا متزوجين وخصوصا انه كان عاوز يروح لاهلى
حسن بسخرية: اهلك؟!!هو انتى ليكى اهل ويضحك عموما كلها يومين ونبيع الشقة وناخد فلوسها ونسافر بعيد عن هنا
جاسر اخرج مسدسه وكان هيتهور ويدخل يقتلهم لكنه تذكر كلام والده: لما تحب تدمر حد فكر كويس فى طريقة علشان انت كمان ما تدمرش معاه فى مليون طريقة تمحيه بيها
وهنا تراجع جاسر لانه اذا قتلهم سوف يخسر اشياء كثيرة فى حياته .
وضع جاسر مفتاح الشقة على الكمودينو اللى بجانب الباب واغلق الباب ببطئ ونزل مرة أخرى وقف جاسر امام عربيته واخرج هاتفه.....
جاسر: الو المقدم سيف
الطرف الاخر:_________________
جاسر: كنت طالب خدمة عاوز اعمل بلاغ خاص بسرقة عربيتى ومفاتيح شقتى
الطرف الاخر:_________________
جاسر: اكيد عاوز محضر على ذوقك وماتنساش ان الشقة فيها مبلغ ضخم نقول ٣مليون
الطرف الاخر: _________________
جاسر: شكرا جدااا
اغلق جاسر الخط واجرى مكالمة اخرى
جاسر: الو محمد انت جسلت الورق ولا لسه
الطرف الاخر :_________________
جاسر: طيب كويس جدا الغى كل حاجة
الطرف الاخر:_________________
جاسر: هبقى اشرحلك بعدين
ويغلق جاسر الخط ويحدث نفسه: اظاهر طمعك نساكى انا مين وممكن اعمل ايه انا حبيتك من قلبى و دلوقتى هعرفك لما بكره بعمل ايه...
يفيق جاسر من شروده و يتمدد على السرير ويذهب فى نوم عميق....
#عشقت_عسكرى
#بقلمى_شيماء_على
google-playkhamsatmostaqltradent