رواية علاقة على الخاص الجزء الأول 1 بقلم كوكي سامح

  رواية علاقة على الخاص الجزء الأول 1 بقلم كوكي سامح

رواية علاقة على الخاص البارت الأول

رواية علاقة على الخاص الحلقة الأولى

الفصل الأول 

رواية علاقة على الخاص الجزء الأول 1 بقلم كوكي سامح


رواية علاقة على الخاص الفصل الأول


روايه علاقه على الخاص



الجزء الأول



الكاتبه / كوكى سامح





صحيت من النوم على رسالة ماسنجر غيرت كل 



حياتى مكتوب فيها انفدى بجلدك من القصر ده 



انتى مش من الناس دى هما عاوزين حته العيل 



اللى فى بطنك لأنه مجرد وسيله واخرك طلقه نار طايشه من مسدس بالغلط انتى مش شيري زى ما انتى فاهمه انفدى بجلدك...... 



=قومت من السرير وتنحت وشربت مياه ومسكت الفون وفضلت اقرأ الرساله اكتر من 100 مره 



ومش عارفه استوعب اللى قرأته وقولت لنفسى 



ايه الهبل ده ومسكت جسمى لدرجه انى بتأكد من 



نفسى وقولت انا شيري بنت العادلى عندى 25 



سنه خريجه تجاره متجوزه من أحمد ابن عمى 



وحامل فى تالت شهر اكيد ده هزار او حد مجنون بيستخف دمه وحاولت انام تانى بس الفون مش 



مبطل رن وكان رقم برايفت





الكاتبه /كوكى سامح 





. مسكت الفون ورديت وكان صوت راجل لأول مره اسمعه فى حياتى والاغرب كلامه



لما قالى انى مش شيري وبيأكد عليه ومعاه 



اثباتات وانا مش مستوعبه كلامه قفلت فى وشه 



وكانت الساعه 9 بالليل قومت من السرير وانا 



اعصابى سايبه ورجلى وايدى بتترعش رغم الجو 



كان حر بس انا حسيت جسمى متلج



 ومسكت الفون وحاولت اكلم أحمد بس الفون 



مغلق فتحت الدولاب ولبست ونزلت جرى



.. فى حاجه يا ست هانم خير ان شاء الله 



.. انتى مالك انتى خير ولا شر مش قولتلك كذا 

مره وحذرتك من الكلام معايا يا نعمه



.. انا عملت ايه يا ست هانم دلوقتى



.. اوعى من وشى يا كلبه الست 


وخرجت من القصر وانا منهاره ومش حاسه بنفسى ولقيت حماتى فى وشى. 



.. فى ايه يا شيرى



.. طنط. مفيش حاجه! 



.. انا شايفه انك خارجه وكمان شكلك مش طبيعى الحمل تاعبك ولا حاجه؟ 



.. هو ايه اللى مش طبيعى يا طنط شيفانى بتنطط قدامك ولا بشد فى شعرى



.. انا شايفه انك عصبيه وده مش هينفع يا بنت عادلى



.. حضرتك عاوزه تعرفى انا خارجه على فين هريح حضرتك انا رايحه النادى ممكن ولا بلاش



.. نادى دلوقتى!!! واحمد هيروح معاكى ؟؟ 



.. لأ عن اذنك





الكاتبه /كوكى سامح 





= ومصدقت خلصت كلام مع حماتى الست ألفت اللى الكل بيعمل لها ألف حساب الا انا. 



وركبت العربيه وروحت لحد صديق ليه هو 



الدكتور نائل تخصص أمراض نفسيه وعنده عياده كبيره فى وسط البلد. 



واول لما وصلت دخلت على طول وقعدت على الكرسى 



وابتديت اتكلم معاه



.. نائل عاوزه اتكلم معاك فى موضوع بس امانه عليك محدش يعرفه انا حاسه انى هتجنن او هموت 



.. فى ايه مالك يا شيري!؟ 



.. هو انا شيري ولا انا مين؟ 



.. نعم انتى اكيد بتهزرى صح! ؟



.. الموضوع مفهوش هزار انا بسألك انا مين؟ 

وقولت بعصبيه انا عاوزه اجابه انا مين يا نائل.؟ 



.. بالراحه هقولك حاضر انتى شيري العادلى بنت 



اكبر رجل أعمال فى الشرق الأوسط متجوزه من 



أحمد ابن عمك وساكنه فى قصر كبير محدش 



يحلم يعيش فيه. وعندك 25 سنه وكمان خريجه تجاره فى حاجه تانى.! 



.وفتحت الشنطه وايدى بترتعش وطلعت الفون وفتحت الماسنجر



وقربت من نائل وقولت 



.. امسك الفون وياريت تقرأ الرساله دى كويس 



وتقولى هو ايه ده بالظبط؟! 



. ونائل مسك الفون وهو مستغرب وابتدى يقرأ 



الرساله وقال. 



.. ايه العبط ده دى تخاريف يا بنتى 



.. انا فى حد بعت رساله زى ما انت شايف وكمان 



اتصل بيه وقالى انى مش شيري! 



.. حد مين ؟



.. معرفش بس من رقم برايف انا خايفه يا نائل 



ومش مطمنه وحاسه ان فى كارثه هتحصل 



.. اكيد حد سخيف بيهزر. 



.. ياريت انا تعبانه انا ملقتش حد اروحله غيرك 



انت عارف احمد مشغول على طول ومش مهتم بيه من الأساس



.. مفيش غير حل واحد انك تغيرى رقم الفون 



والاكونت وتنسى كل الكلام ده لأنه واضح ان فى حد بيلعب بأعصاب





الكاتبه /كوكى سامح 





.. اغير الرقم والاكونت! بس ده مش حل انا عاوزه 



اعرف من الراجل ده وليه قالى كده انت متعرفش 



الكلمتين دول عملوا فيه ايه! 



.. ده حد مجنون قاصد يضايقك لا اكتر ولا اققل انسى يا شيري



. ولقيت نفسى بنام على الشاذلونج زي اى حد مريض نفسياً



.. شيرى مالك



.. تعبانه اوى ونفسى ارتاح نفسياً



.. يا بنتى حرام حرقه الدم دى انتى حامل ومينفعش كده 



.. غصب عنى انا تعبانه ومش عارفه فيه ايه!؟ 



.. يلا يا شيرى قومى اوصلك لحد القصر



.. خليك فى شغلك انا مش عاوزه حد يعرف انى كنت هنا أو الموضوع نفسه ارجوك 



.. حاضر يا مدام شيري 



وقومت من مكانى ونزلت من العياده وكنت حاسه 



انى زى المشلوله ومش عارفه اعمل حاجه غير أن اسمع كلام نائل 





وركبت العربيه ونزلت عند اول شركه اتصالات واشتريت شريحه جديده 





ولما رجعت العربيه كان فى حاجه غريبه راجل وتقريباً معاق ذهنياً وقاعد فيها!؟ 





قربت من العربيه وكنت مرعوبه وكلمته بكل 



عصبيه وقولت ايه القرف ده يلا انزل بسررعه ايه اللى ركبك عربيتى 



بس الراجل عينه جت فى عينى وقالى :



انتى مش شيري بنت الحسب والنسب انفدى بجلدك من القصر بسرررعه. 



لقيت نفسى بصرخ. 



انت مين وعاوز ايه؟ 



واغمى عليه ووقعت من طولى. 



والناس اتلمت ولما فوقت لقيت نفسى فى العربيه 



والراجل مش موجود ولما سألت عليه واحد قالى 



ان فى حد اخده ومشى



. طلعت بأقصى سررعه على القصر وانا تعبانه وأعصابى سايبه ولما وصلت ودخلت القصر



كان أحمد وصل وقاعد فى المكتب ومعاه ناس. 



وألفت حماتى كانت قاعده بتشرب قهوة



انا عمرى ما اعتبرتها مرات عمى لأنها كانت قاسيه الطباع



حاده حتى مع ولادها وكانت بتفرق فى المعامله ما بينهم

هى ارمله وجميله واللى يشوفها يقول عليها أصغر منى



ولما شافتنى قامت وقالت بكل عصبيه كالعاده.



.. كنتى فين كل ده يا بنت عادلى



.. كنت فى النادى زى ما قولت لحضرتك وارجوكى الحمل تاعبنى وطالعه انام



.. مش هتاكلى معانا



.. مليش نفس والوحم تاعبنى مفيش حاجه قاعده فى معدتى



وخدت بعضى وطلعت اوضتى ولما دخلت الاوضه



كان فى حاجه غريبه السرير متبهدل



دخلت الحمام وخدت شاور فى السريع وخرجت بالبرنس وقعدت على السرير وكانت الساعه 11 



وحاولت انام لأن من يوم ما حملت وانا بنام كتير والوحم تاعبنى اوى 









الكاتبه /كوكى سامح 







وفردت نفسى وانا بالبرنس وغمضت عينى وفجأه 



رنت رساله من ماسنجر وقلبى اتقبض ومسكت 



الفون وفتحتها وكان مكتوب فيها :



انتى لسه فى القصر الحقى نفسك قبل ما تموتى



لقيت نفسى اتصلت بيه ماسنجر ورد عليه بس مكانش فيه صوت وابتديت اتكلم وقولت :



انت مين وعاوز منى ايه؟ 



.. بقولك انتى مش شيري وانتى مش مصدقه 



رديت عليه وانا زى المجنونه قولى انت مين؟ 



وكنت حاسه انى بتخنق من كلامه وقلبى مقبوض 



وقالى انا اعرف عنك كل حاجه انتى مش شيري 



انتى حامل وشيري مش بتخلف. 



احمد بيحبها هى وانتى كل جسمك برشام علشان تنسى الماضى من عمرك وتفتكرى الحاضر وبس. 



رديت عليه وانا منهاره انا شيري بنت العادلى 



وهوريك يا حيوان شكلك واحد نصاب وعاوز قرشين 



رد عليه بكل ثقه وقال :



انزلى لأى دكتور يكون بعيد عن العيله خالص واعملى تحاليل وهتتأكدى من كلامى 



وكمان اعملى تحليل دى ان ايه وهتعرفى ان اللى فى بطنك مش ابن أحمد.. 



يتبع..

google-playkhamsatmostaqltradent