رواية حقد النساء الحلقة الثالثة 3 بقلم الكاتبة حنو

 رواية حقد النساء الحلقة الثالثة 3 بقلم الكاتبة حنو

رواية حقد النساء الفصل الثالث

رواية حقد النساء الجزء الثالث

البارت 3

رواية حقد النساء الحلقة الثالثة 3 بقلم الكاتبة حنو

روية حقد النساء الفصل الثالث

الـحـلقة الـثـالثـة
.
.
مـن رواـية
.
.
#حـقد_النـساء💔🔥
.
.
عـند مـحمد نـزل مـعاد مـن السيـارة ودخـله للحـوش
فـاطـمة..شـن فـي خيـرركم
مـعاد..مـعقولة يـاااام يـضربـني قـدااام صـاااحبـي شـننني يـحسابـنييي عيـللل والا نـرضـع فـي صبببعـي تـييي عيـب اللـي اديييـر فـييييه مـش كـانگ خـوي الكـبير خـلااااص؟؟
مـحـمد ضـربه كـف..احـتررررم نفـسسسككك اييييـه نضـررربگ ونـقتلللگ مـداااامگ بـدييير الغـلللط
مـعاد..تـيييييي شنـييييي الغللللـط اللـييييي درتـههه بـتتت عنـددد صـااااااحـببببي شـننن تحـسااابـني بنـت والا شنـيييي
فـاطـمة عيـطت..خـلاااااااص اسكـتوووو
سكـت مـحـمد وهـو خـاطره يمـرجه طـريحـة
امـا مـعاد سـكت مـن عيـطت أمـه وهـو يتنـفس بقـوة ووجـهه أحـمـر
فـاطـمة..مـش مـحـترمـينني حـتى إنـ واقـفة جـنبكـم مـش محـترمـين حـتى وجـودي انـت مـش محـترم أمـگ قـدامككك وتـضرب فـي خـوك اللـي طـوله طـول الحـيط شـنني يعنـي تحـسابه هكـي بيـخاف وبـيسكت تـفرج علـيه كـيف رايـح تـفرج ع كمـية الحـقد اللـي فـي عيـونه اتـجـاااهـگ!؟! هكـي تبـي انـت؟؟؟!!! هكـييي علـمتككم انـي انكـم تتطـاااولـو علـى بـعض!!! هـذا وانـي حيـة هكككـي!!؟؟ امـالا كـان مـيتة؟؟ كـيف يصـير بـينكم حـتى الـرصـاص!!
مـحـمد انـبـه ضـميره قـدم علـى أمـه طـول وبـاس راسـها..يمـا سـامحـيـني يـاام
مـعـاد تـغمـرها..بـعـيد السـو علـيك يـاام سـامحـينا
فـاطـمة وخـرت مـن علـيـهم تسـامحـو تـوا قـدامي
مـحـمد شـاف لـمعاد وخـداه فـي حـضنه..سـامـحني لانـي مـديت يـدي عليـگ لكـن والله كـله عـلى خـاطر مـصلحـتگ مـانبـيش يـفسدوگ مـانبـيش يـلعبـو بـدمـاغگ انـت خـلاص كـبرت لازم تبـدا تعـرف الصـح من الغـلط معقـولة بـطولگ هـدا نقـعد نـراقـب فـيك مـعقولة يـا معـاد لـين يجـيني واحـد يقـولـي خـوگ حـيضيـع خـلاص!!
مـعـاد..والله العـظيم مـادرت شـي غلـط
فـاطـمة..غيـر تعـالو قـعمزو تـو نفـهمو شـن صـاير
خـشو الـزوز وقـعمـزو
فـاطـمة..انـت شّن اللـي سّمعته يـامحـمد!!؟
مـحّمد..يـام قـالولـي شـد خـوك لـو قـعد هكـي فـ مـعناها اعتـبره ضـاع هـدا اللـي سمـعته انـي ركـب عنـدي الـزيت ومـشيت شـحيته مـن نـومـه مـعقولة انـي محـمد يـجونـي يقـعدو يـدوولـي عـلى خـوي!!؟
مـعـاد..هـيا القـصة ومـافيهـا ان تعـاركـنا انـي ووسـيم مـع واحـد كـان يـبـي يـدخلـنا فـي مـوضوع شـرب وحـشيش ودوة هـدي وحنـي مـاوافـقناش احنـي صح طـايشيـن ومـانخـلو مـانديـرو بـس كـله بغـرض لعـب وجـو وهـياجـة لكـن مـش لـدرجة اننـا نـاسـيين ربـي فـوقنـا وتعـاركـنا مـعاه قـالـي تـو تـشوف شـوره جـاك انـت عبـالگ راسـك وانـت صـدقته😒
مـحـمد..انـي نعـرفك طـايش ونـعرف صحـابگ المـفرخ هـدم يعنـي شـن كـنت مـتوقـعني نـدير
عـلى خـشة أحـمد..الـسلام علـيكم
فـاطـمة+مـحـمد+مـعاد..وعلـيكم السـلام
أحـمد..يمـاا كـيف حـالگ
فـاطـمة..الحمدلله ياولـيدي
جـي أحـمد بـاس عـلى راسـها وقـعمز جـنب محـمد..بـاهـي الحمدلله
فـاطـمة..واكـل حـويجـة!؟
أحـمد..لالا قـعمـزي يـما أهـو تـو ينـوض مـعاد يـديرلـي سـندوتـش
فـاطـمة..لالا مـطيبة غـدي انـي تـلقاه واتـي حـطه عـ طـاولة واحنـي اهـو جـايين
مـعـاد..بـاهي
طـلع مـعاد مـن الـدار وخـش للـمطبخ
أحـمـد..خيـره مـتكنـطي؟؟
مـحـمد..انـي مـكشخ علـيه
فـاطـمة..خلـي انـوض نـساعده وانـتم مـاتعطـلوش تـعالو
أحـمد..بـاهي خيـره شـن مـداير
مـحـمد..وصـلتني دوة علـيه مـش مـزبوطـة بكـل
أحـمد عـقد حـواجـبه..دوة شـني ياراجـل؟؟
مـحـمد..دوة شـرب ومـخدرات🙂ووقـت واجـهته وقتـله وضربتـه حـتى الضـرب قـالي كـدب ويتـبلو علـيا والولـد هدا مـتعارك مـعاه مـشي جـاك انـت بـالعـانـي
أحـمد..امممم مـع هـدا لازم نـراقـبوه
مـحـمد..دبـاره عنـدي
أحـمد..هـي نـوض نـوض كـان بتتـغدا
نـاضو أحمـد ومـحمد وخـشو مـعتـز وعمـر وكـريم وقـعمزو تـغدو مـع بعـض ويهـدرزو ويضـحكو
.
.
فـاتو أيـام ولـيالـي علـيهم ووافـقو عيـلة أيـات ومـشو دارولـهم تلبيـسة بـسيطة لانـة العـرس قـريب ودارو فـضانـية واتفقـو فـيها الـرجـالة💍❤
دنـيا بـدت مسـؤلة عـلى حـوشهم ومـاخلـتش أمـها تخـدم وتسـتحق كـانت تبـي تعـوض امـها وخـواتـها فـراق بـوها💪🏻
.
هـالـة تخـطط وادبـر هـيا وأخـتها وشـن بيـديـرو بـعد تتـزوج هـالة وكـيف تسـتولـى هـالة عـلى كـل شـي وتسـيطر عـلى مـحمد وتـاخد هنـاء عمـر🐍🐍
.
أيـات كـانت بسـيطة بـكل وعـلى حـالهـا بـس كـانت هنـاء كـل يـوم وتـاني تتصـل وتقـصـقـص ومـدايرة روحـها تبـي تسـاعدها اما أيـات كـانت فـايتتها ومـش مـدورتها ومـش حـاطتهـا فـي بالـها👌🏻لـدرجـة مـاتنـدريش انـ هـيا أخـت سـلفتها
.
.
.
عـند أسـاور
أسـاور ادور فـي دارها وقـالبـتها..ويـنه ويـنننه يـاربي انـي رقـدت وهـوا جـنبي كـيف مـهناااش
خـش أب أسـاور..شـن فـي عـ شن ادوري
أسـاور..فـوني مـالقيـتاش! مـن خـداه؟؟😡
عـامـر..اهـوا
جـبداته أساور وهـي تفّـنص..فـتشته!؟ شـن لقـيت فـيه؟؟ لأمـتى هكـي لأمـتى؟؟
عـامـر..مكـانـش عنـدي كـان عنـد خـوك واخـده ويفـتش فـيه
أسـاور..حـنطلـعله ونـدير مـعاه حـد خـلاص فـات حـدده
شـدها بـوها مـن يـدها ورجـعها قـدامه..خـودي شّـنطـك واطلـعي عـطلتي علـى خـدمتگ وهـو خـدي جـزاته
شـافت أسـاور دقـايق لّبـوها وخـدت شنـطتها ونـزلت
مـرت بـوها فتحـية..أهـيا الأمـيرة نـزلت😏
أسـاور خـطمت مـن قـدامـهم بـدون مـاترد
وركـبت سيـارتهـا وطـلعت
عـامر..كـم مـرة نقـولگ تخـلي البـنت فّي حـالها!؟
فـتحـية..وانـي كّم مـرة نقـولگ صـوتك مـاتعـليشي علـيا عـ خـاطر بـنتك فـي نهـاية انـي مـرتك😒
عـامر..الدوة مـعاك زايـدة
طـلع مّن الحّوش ومـشي لـخدمته

.
.
.
عـند أحـمد كـان طـالع بكـري ومـاشي لخـدمتـه
جـت جـنبه سيـارة تلـفت ولقـاهـا بـنت فـتحـت هيـا روشـنها وفـتح هـوا روشـنه ابـتسمـتله وقـامـت حـاجـبها وعيـطتله..اللـي يوصـل الأول يغـدي التـااانـي بـرا
أحـمد ضـحك..مـاتعـانديـش مـعاي لانـگ انـتِ الخـاسرة
أسـاور..خـلاص تـو نـشوفو
سكـرو رواشـن بـعض وقـوا أحـمد الأغـانـي وبـدو يـجرو مـع بعـض ويجـتازو كـان صـبح بكـري وأغـلب الطـريق فـاضـية
لـعنـد مـاوصـل أحـمـد قبـلها بـدقـايق
أحـمد نـزل مـن سيـارتـه وهـو نـافخ روحـه وضـحك
وصـلت أسـاور ودرسـت وراه وهـيا طـايـرتلها..نمـوت ونـعرف عـلاش هكـي مغـرور وزاد تـوا عـاد شـن بيـحزها😤😑
نـزلت أسـاور مـن سيـارة
أحـمد جـاها وقـف قـدامـها وهـو حـاط يـديه فـي جيـوبه..قـلتلـگ مـايـلتـعبش مـعاي😂واليـوم شكـله غـدي قنـين😉
أسـاور..وانـت خيـرگ نـافخ روحـگ هكـي🙄كـانا مـش مـن سيـارة اللـي علـقت قـدامـي راهـو انـي وصـلت قـبلك😏
أحـمد تلـفت وهـو مّاشـي وهـيا وراه..نتـلاقـو بعـديـن عـ الغـدي😂
خـشو للـشركة وكـل واحـد خـش مـكتبـه
أحـمد قـعد يـذكر فـيها وفـي تـعابـير وجـهها كـيف اسـتفزهـا ومبـتسم ويـضحگ
أمـا أسـاور فـ لـوحـت شـنطتها ع الكـرسـي وقـعدت متـنرفـزة كـانو مكـاتبـهم مقـابلـين بـعض يشـوفـلها أحـمد ويضـحك
قـعدو يشـتغلـو
.
.
.
عـند أيـات
كـانت تطـلع مـن الصـبح هـيا وأمـها بـاش يـشرو ويحجـزو فـي حجـات العـرس
أيـات..عيييت يـا مـامـا تعبـت
حمـيدة..وشـن تسـحابيـه الـزواج سـااهل اووو
ايـات..خلاص بـطلت مـعش نبـي غيـر نـروحو بـس
حميـدة..😂😂😂خـلاص تـوا مـعش فـيها
أيـات..الصـبر
وقـعدو يـدورو فـي المحـلات ويشـرو مـن مـلابس طـلعات لـي أرواب لـي اكسسـوارات وشنـاطـي وكـنادر وسبيـدروات ومـيك أب وكـل شـي تبـيه خـداته كـانت صـح مـاديـتهم ضعـيفة بـس خـوتها وبـوها مـابوش
يـنقصـو علـيها شـي
حمـيدة..ااااه رجيـلاتـي انـي خـلاص عييـت كـملي انـتِ وأخـتگ
أيـات ولـعت سيـارتها وطـلعـو روحو..يّا مـامـا اخـتي حـامل وراجـلها شـنو كـل يـوم بتـسيبه وبتـطلع مـعاي؟؟ الله غالب نتحـملو
حمـيدة..ايـه الحمدلله وخـلاص مـزالت الصـالة تـوا
أيـات..مـامـا انـي فكـرت وقـررت مـانبـيش صـالة بمـا ان حـاليا الجـو حلـو وبـرودة ومـافيـش نـو فـ نبـي نـدير حفـلتـي فـي حـوشنـا
حمـيدة..وعـلاش شـن نـاقـصگ بـاش مـاديريـش حفـلتك فـي صـالة زي كـل بـنت انـتِ راك شـوية تـانية بتقـوليـلي مـانبـيش فـيلو😤😤
أيـات..يـا مـامـا😂😂انـي هكـي خـاطري فـي عرسـي يكـون بـسيط ويكـون مـن عـادات زمـاان نبـي عرسـي يكـون حـلو وبـسيط بـكل ومـانبـيشي مـكلف
حمـيدة..بـاه بـاه
.
.
.
عـند أحـمد كـمل الـدوام مـتعهـم وطـلعو تـلاقى هـوا و أساور في الأصـانـصير
أحـمد..اوووه أسـاور
أسـاور..😏ايه أسـاااور
أحـمد وهـو مبـتسم..امـا مـطعم!؟
أسـاور تشـوفله وتشـوف لـي لحـيته وريـحة بـارفـانه اللـي مـعبية المكـان وضـحكته اللـي ساحـرتها
أحـمد دارلـها بـيده..الـووو
أسـاور فـاقت عـلى روحـها ونـزلت راسـها وقـلبها يـدق..احـم ءءء ويـن مـاتبـي انـت😊
أحـمد..تمـام ألحـقيني😉
وطلـعو مـن الأصـانصـير وكـانت أساور وراه تمـشي وزي المـتخدرة
ركـبت أساور سيـارتها خـدت اميـا شـربـتها..أهـدي أسـاااور شـنوو هـدا مـعقولـة فـي لحـظة هكـي صـارلـگ يـاااربـي يهـبببل😢وووه شـن نخـرط انـي كـل اللـي مـخططـتله انـ نكـسرلـه خـشمه اللـي قـايمـه هـدا ونكـسر غـروره هـدا😒
مـشت أسـاور ورا أحـمد ووصـلو للـمطعم قـعمزو مـقابلـين بـعض
أحـمد..ايـه شـن أمـورگ
أسـاور..الحمدلله وانـت
أحـمـد..الحـمدلله
طلـبو الغـدي وقـعدو يسـتنو اتـصل فـون أحـمد كـان كـاتبـه "جـمـيـلـتي❤"
جـت أسـاور عيـنها عـ الاسـم
أسـاور..جميـلتگ تتـصل🙄رد علـيها والا خـايف مـنها😌
أحـمد ابـتسم..ايـوا ياجـميـلتـي❤
فـاطـمة..جـميلة طيـح سـعدك ورقـاد ريـحگ ويـنگ امـتى مـروح
أحـمد قـعد يضـحگ..😂😂😂
فـاطـمة..وقـت ضـحكك امـتى مـرووح بـنحط الغـدي
أحـمد..احـم مـادورونـيش كـولو انـتم
فـاطـمة..صوت دوشـة ويّن انـت!؟
أحـمد..فـي المـطعم كـيف خـشيت بنتـغدا لانـة عنـدي مشـوار ومـانقـدرش نـروح ونـولي
فّاطـمة..بـاه بـاه سـلم ولـدي عبـي بطـينتگ ورد بـالگ مـاتـاكلـش زيـن ايـواه نعـرفك تنبـش تنبـيش
أحـمد..حـاضـر يـاقـلبي اي أوامـر تـانية!؟
فـاطـمة..تـي بـرا انـت مـضروب عـلى راسـگ اليـوم هـيا مـاتعطـلش
أحـمد ابـتسم..حاضـر
سكـرو مـن بعـض
أسـاور كـانت تشـرب فـي الميـا كـل شـوية وهـي مـن داخـل تغـلي وتقـول فـي عقـلها ومـتزوج!؟ وتكـدب علـيها وتقـوللها كولـو يعنـي عنـدك حـتى صـغار💔
أحـمد يـشوفـلها ومبـتسم وعـارف شـن فـي بـالهـا وشنـو هـيا تفـكر..خيـرهم عـطلو حـسني جـعت🤔
أسـاور..مـانعـرفش🙄
أحـمد..اممممم
أسـاور قـتلها فـضولهـا..مـتزوج انـت!؟
أحـمد ضـحگ..شـن رايـگ
أسـاور..واضـحة المكـالمـة اللـي جـاتك بـينتلـي كـل شـي
أحـمد قـعد يـضحك..😂😂😂😂
أسـاور..شـن يـضحك فـيگ؟؟؟
أحـمد..قـصدگ عـ جمـيلـتي😍
أسـاور..ايييه
أحـمد..لا غـالطـة هـدي أمـي الحـنينة
أسـاور ابتـسمت..امممم😊😍ربـي يحـفظهالـگ
أحـمد..امـين يارب
جـتهم الطـلبية كـلو وشـبعو وطـلب أحـمد الحـساب
أسـارو..لحـظة لـحظة انـي اللـي بـندفـع هكـي كـان اتفـاقـنا
أحـمد..مـاجـابـتهاش أمـها اللـي بتـدفع علـيا😉اعتـبريـها هـدية مـني هـي فـرصة سـعيدة وتشـرفت بـمعـرفتگ
نـاضـت أسـاور وسـلمت علـيه باليـد..فـرصة سـعيدة😊
طـلعو ورا بـعض وركـبو سـياراتـهم وكـل واحـد مـشي لـي مكـان
.
.
.
وفـاتـو الأسـابـيع زي البـرق وجـي عـرس مـحـمد وعمـر وأيـات وهـالـة
كـانت هـالة مـدايرة كـل شـي فخـم ومـبالغ فـيه🤢
أمـا أيات فـ طـلبت مـن أهـلها إنـ يكـون عـرسـها زمنـي وبسـيط بـكل حتـى إنـها مـابتـش اديـر حـفلـتها فـي صـالة جـابـت مـهندسـة ديـكور وزيـنتـلها جـنانـهم وطـاولات وكـراسـي ودارت أجـواء أحـلا بهـلبا مـن الصـالة
يـوم الفـاتحـة
عنـد العـرسـان كـانو فـرحـانيـن بـس كـانت فـرحة عمـر أكـتر أمـا مـحمـد فـكان شـعوره عـادي بـكل ومـش مـدور ولا مـهتم لـشي
فـاطمـة جـابت البـخور وتوشـق فـي ولادهـا..روروروروروروروري الله واحد الله عليهم ياعـوينـة مـاتضـريييهـم
بـنات العـيلة يـدربـكو ويـزغرطـو الخـالات يغنـو وفـرحـانين
البـنات..الله الله الله قـولوو مـاشاءالله
فـاطـمة..تـوحد لـما تشـووف الـزييـن تـوحـد مـاتـاااخـد بـالعيـنن👏🏻👏🏻
مـحـمد يـوشـوش لـعمر..مـطولـين هـدم؟
عمـر يـرقص مـع أمـه..تـي هيـج يـانكـدد
مـحـمد وقـف شـوية وبـاس راس أمـه وطـلع أمـا عمـر قـعد يصـفق ويـرقص مـع أمـه مـن فـرحته مـش عـارف روحـه شـن يـدير
خـالتـه صـبرية..الصقر اللي عالي ناموسه 👏🏻👏🏻يامبروك عليه عروسه
البـنات..روروروروروروري حي حي حي
فـاطـمة شـادة يـدين عـمر وتـرقص مـعاه..بو لـحيـه ع الخـد خفـيفـه
حـام وجـاب غـزالـه كيـفه👏🏻👏🏻
طـلع مـحمد مـن جنبـهم وهـو مـتحشـم خبـط فـي بـنت قـدامـه قـام راسـه وجـو عيـونهـم فـي بعـض💔🔥..ءءءااااه اسـف
أنـسام بـنبرة حـادة..ويـن نصـرفـها أسـف انـي تـوا بـعد طـيحـتلي الفـون😤
طـبس مـحمد قـامـه..بـسيطة مصـارله شـي وانـتِ تكـشخي🙄
أنـسام جـبدت مـنه تلـفون..هـات جـاي انـت خـديت فـرصة أكـتر مـن فـرصتـك😑
قـعد مـحمـد واقـف مصـدوم
قـلبت عيـونـها وخـشت شـافت عمـر وهـو طـالـع
عـمـر..انسـاام شـنن الـجوو
أنـسام ابـتسمت..الحمدلله بخـير الـف الـف مبـروگ انـ شـاءالله ربـي يهـنيـكم💕
عـمـر..الله يـبارگ فـيگ خـشي تفـضلي كـلهم داخـل
أنـسام..الله يـفضل علـيك
مـحـمد..تـي هـياااا يـاااراااجـل وقـتتت
عـمر..بـاهي وانـت بـصلتك محـروقـة
ابّتسمت أنـسام لانـها عفـلقاته وخـشت تتمـخطر بـكعبـها العـالي وريـحتها الطـاغيـة و جـمالـها اللـي يـلفت أي شـخص يشـوفـها
كـانت أنسـام مـش بـس أخـت صـاحـب مـعاد كـانت قـريـبتهم تكـون بـنت عـم أمـهم فـاطـمة
أنـسام..السـلام علـيكم
فـاطـمة..وعلـيكم السلام تفـضلي خـشي
خـشت أنسـام سـلمت عـلى النـاس وخـشت للـدار واسـت روحـها وطـلعت قـعمـزت مـع البـنات وهـي قـلبها يبـكي مـن داخـل ودمـوعها فـي عيـونها تحـاول تخـفيها
صـبرية..تـو مـش كـان خـديتيها هـيا لمـحمد خـيرلك مـن المنقـردة هـالة هـدي🙂
فـاطـمة..خـلاص تـوا فـات الـوقت نصـيبات الله غـالب
صبـرية..أمـا وقـت اللـي فـات خـوديـها لـحميدا
فـاطـمة..انـ شاءالله خـير
صـبرية..لـو كـان عـندي ولـد مـانخلـي بـنيت عمـي لـواحـد😂
وقـعدو يهـدرزو ويـدربكـو البـنات ويـهيجو
.
.
.
عـند هـالـة
كـانت تسـتنى فـي الفـاتحـة عـلى نـار وكـانت عـلى أعصـابها وتبـي كـل شـي كـيف مـاراسـماته فـي راسـها بـاش تتـجكتـر بـيه علـى صـحباتهـا
هـناء..بـيجو صـحباتگ فـي لـيل؟
هـالة..ايـه قـولـيلهم راهـو مـانبـي حـد مـن العـزايز يخـشلي ايـواه حفـلة تـوديـع العـزوبـية هـدي نبـيها بـنات بـس
هنـاء شـافـت لأخـتها..عـزايـز مـنو اللطـف
هـالة..نسـاوين عمـك هـدم والبـاقي
هنـاء..بـاه حـي شـوفـي سـتوريـات سـلفتك🤣🤣يـحشم اللـي مـدايـراته قـالو ان هـيا تبـيه مـتع جـو زمـان وهكـي اعـييي
هـالـة..تـي فقـرريـة😌ديـريلـها هاهاها تـو تفـهـمهـا
هنـاء..درت 😂😂😂
هـالـة..صـار تبـيه زمنـي قـلتيـلي😂😂😂 تـي هـدي مـاعنـدهاش بـاش اديـر كـدبت علـيكم قـالت زمنـي
هنـاء..ايـه😂حـقا عـزمتنـي علـى عـرسهـا قتـلها لا عـرس أخـتي هـالـة سـلفـتگ انصـدمت قـعدت تلكـلك وسكـرت
هـالـة..😂😂تـو نـوريـها حجـمها غيـر نـوصلـهـا بـس😉 مـعناها فـي الدخـول فيـلوا حيـكون أحـلا مـنها مـداما عرسـها هكـي مـعناها واضـح البـاقي شنـو ومـكياجـها اكيـد بتـطلع مـزيتة😂
هنـاء..تـي امـالا شنـي
خـشت علـيهم أخـتهم هـويـدة..روروروروروروروروري الـف الـف مبـرووووك قـروهـا الفـاتحـة😍😍👏🏻👏🏻
هنـاء..حـييي الف الف الف مبـروككك😍😍روروروروررورورورورري عقـباليا نـولي سـلفتك😂😂😂
هـالة نـاضت وتغّمرت خـواتـها وطـلعت وقـعدو يسـلمو علـيها عيـلتها ويـزغرطـو وفـرحـانيـلها
.
.
.
أمـا عـند أيـات فـكان جـوها حلـو بـكل وكـانت فـرحـااانـة وفـرحتها مـش سـايـعتها❤
لـبست البـودري بعـد روحـت مـن الحمـام وطـلعت للـعيلة فـي جـنان وسـلمت عـلى النـاس كـانت المنـظومة مفـتوحـة وهيـاجة بـنات العـيلة كـلمت البـنات يطـفو المنـظومة و يبـدو يـدربكـو ويـهيجو شـوية
بـدو البـنات يـدربكـو ويغنـو ويهـيجو وكـانت أيـات مبـتسمة وفـرحانـة وأخـيرا عرسـها مـع حبـيبها وأخـيرا بتـتـزوجـه طـلع حبـيبها راجـل وقـد كـلمـته كـانت سـرحـانة فـي حبـهم لبـعض تتفـكر فـي اول مـرة صـارحـها فـيها وقـاللـها فـيها نحـبگ وفـعلا كـان قـد الحـب هـدا تفـكرت وقـت اطيـح تلقـى فـيه هـوا تفكـرت كـل لحـظة كـانت بـينـهم لـعـند هـاللحـظة وشـريـن فـونـها مكـتـوب "حـبـيـبـي❤" دارت سكـريـن عـ طـول لانـها عـارفة شـن كـان حـيقـول ردت وهـي فـرحـانـة..الـو حبـيبـي
عـمـر..مـرتـي مـرتـي مـرتـي مـرتـي مـرتـي تتفـكري وقـت قـتلـگ عـهد علـيا نصـونگ ومـافـي مـن يـاخـدگ غيـري👌🏻
أيـات ابـتسـمت..ايـه❤
عـمـر..والحمدلله يـاعـمري قـرينا الفـاتحـة وولـيتي حـلالـي💗
أيـات..الف الحـمدلله علـيگ
عمـر..هـي حبـيبي بـنسكر تـوا نـجي بـعدين
أيـات..تمام يـاروحـي
سكـرت أيـات وتلفـتت لعـيلتهـا اللـي كـانو يـستنو فـيها تغـمرت أيـات أمـها طـول وقـعدت تبـكي
أمـانـي..رورورورورورورورورورورورري
حمـيدة..الف الف مبـروووگ يـابنـيتي ان شـاءالله ربـي يهنـيكم يـاااااارب
بدو البـنات يـدربكـو ويغنـو وأيـات تـرقص مـعاهم وبـعدين قـعمـزت وقـعدو البـنات يهـيجو فـتحت فـونهـا ودارت الصـورة اللـي دارتـلها سكـرين فـي سـتوري وكـتبت "سـنيـن ومـرت زيـ الثـوانـي فـي حبـك انـت❤"
كمـل الـيوم وجـي يـوم النـجمـة وكـان زي أي عـرس لـيبي وجـي تـانـي يـوم الحـفلـة كـانو الـكل فـي الكـوافـيرات ومـافيـش حـد فـاضـي للـتانـي بـكل
إلا أيـات وعمـر كـانـو الإثنـين عـلى تـواصل بـالمـسجات طـول الـوقت لـعند مـا وتـت أيـات وروحـت لحـوشهـم خششـوها مـن البـاب الخـلفـي وركـبت لـدارهـا وقـعدت تسـتنى ومـابتـش تخلـي ولا وحـدة تخشـلها وتـشوفـها كـانت تبـي اديـرها مفـاجـأة ونفـس الـوقت مـاتبـيش تبـكي
قـعدت أيـات مقـعمـزة واسـت روحـها وتتفـرج عـلى دارهـا تـشوف لـسريـرها اللـي قـضت فـيه كلل حيـاتهـا اللـي مكـالمـاتهـا مـع عمـر كـلها وهـيا اهنـي دمـعو عيـونـها عـلى الحـوش اللـي تـربت فـيه حـياتهـا كـلها وتـوا بتـطلع مـنه! عـلى بـوهـا اللـي مـن الصـبح لمـا سـلمت علـيه وهـو دمـعته فـي عيـونه وعـلى خـوتهـا اللـي مبـينين روحـهم عـادييـن وهمـا دمـوعهـم فـي عيـونهم قـعدت تسـتنى فـي الـوقت اللـي تنـزل فـيه وهـي فـاتحة النـت وتتـصفـح كـانت تضـحك عـليهم وقـت تسـمع فـيهم مـن ورا البـاب يبـو يخـشو ويـشوفوهـا ومـحاولاتـهم كـلها فـاشلة شـبحت سـتوريـاتها لقـت إن هنـاء مـتفـاعلة ع كـل سـتوريـاتهـا بـي "أضحـكنـي" اسـتغربـتها
أيـات..لالا أبـعدي الشـطان يـا أيـات أكيـد لاهـية فـي العـرس والـجو هـدا ونـاشاتـه والا واحـد من ـالصغار اي اي اكـيد الصـغار😊 خـلي نشـوفهـا شـن منـزلة
قـعدت أيـات تتفـرج ع صـفحة هنـاء اللـي معبـية بعـرس هـالة وكـله حجـات اوفـر لـين أيـات قـززت وحـست ان سـلفتـها مـن النـاس اللـي معبـية فلـوس ودمـاغ فـارغ ضحـكت أيـات عـ اللـي مـدايـرينه وطـقت علـيها أمـها البـاب
حمـيدة..ايـوتة هـيا جـت المصـورة وبتنـزلـي تـوا
أيـات وقـفت شـافـت روحـها عـ المـرايـة ابّتسمت لـنفسـها ومـشت للـباب فـتحـاته
حمـيدة حـطت يـديها عـلى فـمها ودمـعو عيـونـها مـن الفـرحة ولمـا شـافت بنـتها زي الأميـرات زادت فـرحت..مـاااشـاءالله الله يبـارك علـيگ يابـنيتي مـاشااءالله
المـصورة..مـاشااءالله الف مبـرووك وربـي يهنـيگ حـبيبتـي
أيـات ابـتسمت..الله يبـارك فـيگ
وحـضنت أيـات أمـها..مـامـا حبـيبتي سـامحـيني يـاقلـبي لـو فـي يوم قـصرت مـعاك أو غلـطت سـامحـيني يـا حبـيبتي
كـانت المصـورة تصـور فـي لقـطات عفـوية وجـتهم حلـوووة بكـل..هيـا تـوا بـتنزلـي المنـسقة تسـتنى مـن بكـري
أيـات..اوك
حمـيدة مسـحت دمـوعهـا..بـاه امـالا خلـيني ننـزل انـي ونـطلع للجـنان هـي
أيـات..تمـام
.
.
.
عـند هـالة كـانت خـاشة ومقـعمزة وتتفـرج عـلى النـاس ومـتوتـرة بـعض الشـيء لانة مـحـمد أصـلا مـاكلـمهاش بكـل ومـش مـدورهـا
جـو أهل العـريس كـانو مقسمـين روحـهم مجموعـة تمـشي لي هـالة ومـجـموعة تمـشي لـي أيـات
طـلعت هـالة لـدار العـروسة وخـش مـحـمد كـان مـش حـاس بـولا شعـور واول مـاشاف هـالة عـقد حـواجـبه مـن كمـية المـيگ أب اللـي عليـها سكـت ومـادورش سلـم عـليها
هـالة..حـبيبي الف مـبروگ عليـنا
مـحـمد ببـرود.. #يـتبـع
.
.
انـ شاءالله تكون نـالت اعجـابكم يـاااارب😍هـيا اعطـوني رأيـكم والحـلقات الجـاية حيـكونو حمااااس وتشـوويق🔥🔥🔥 #حـنو
  • لقراءة باقي حلقات رواية حقد النساء : اضغط هنا 
google-playkhamsatmostaqltradent