رواية حقد النساء الحلقة الثانية 2 بقلم الكاتبة حنو

 رواية حقد النساء الحلقة الثانية 2 بقلم الكاتبة حنو

رواية حقد النساء الفصل الثاني

رواية حقد النساء الجزء الثاني

البارت 2 

رواية حقد النساء الحلقة الثانية 2 بقلم الكاتبة حنو

رواية حقد النساء الفصل الثاني 

الـحـلقة الثـانـية
.
.
مـن رواـية
.
.
#حـقـد_النـساء🔥💔
.
.
عنـد هنـاء
هنـاء خـشت لـدار أخـتها وصـلفـقتها..سـلفگ بـيخطببب أيـااات أنـي احلا منـها وفـلوووس أكـتر مـنها بمـليييون مـرررة وأرق وأنـعم مـنهااا شـن جيـبهااا ليـاااا بـاش يـرفـضني انـييي ويـاخدهااا هـيااا
هـالـة ببـرود..مـاليـااش عـلاااقـة درت اللـي علـيااا وأكـتتر أطلـعي مـن راسـي تـراه
هنـاء..عمـر لـيااا انـيييي ليـاااا انـيييي فـاااهمـة وحـتـشووفـي
هـالـة عيـطت علـيه..اييييهييي عليـنااااا خـلاااص قـلنااالگ طلـعيه مـن راااسگ انـسسسيه
هنـاء..اقـسم بـااالله مـانـي مـطلعـاااته مـن راسـي وحـنجيبه يـعني حـنجيـبه
طـلعت وصـلفـقت البـاب علـيها وخـشت دارهـا فـتحت فـونـها و حـطت عـلى رقـم أيـات واتـصلت بـيها
هنـاء..ايـوا أيـوتة
أيـات..أهـلا هنـاء كـيف حـالك
هنـاء..الحمدلله تمـام وانـتِ
أيـات..الحمدلله
هنـاء..الـف مبـروگ عـليك حبـيبـتي لقيـتك بـاعتـة فـي القـروب إنـ أهـل عمـر جـاييـن يخـطبوگ غـدوا
أيـات بـفرحـة..الله يـبارك فـيگ شكـرا
هنـاء وهـيا بتتـفجـر..هـيا مـانعـطلـش عـليگ قـلت خـلي نـباركـلگ مـع السـلامة
أيـات..سـلامـات
سكـرت ايـات وهـيا مسـتغربـة فـيها
أمـانـي..منـو؟!
أيـات..هنـاء صـقـر🙄
أمـانـي..قـاعـدة اتبـعي فـيها الفـرخة هـيا انـي قتـلگ فـوتيـها مـاتنفـعشش😡
أيـات..مـعش نكـلم فـيها قـداش ليـا وقـت حسـيت نظـراتهـا لـي عمـر غـريـبة بـعدتـها عـليا بـس اللـي نـذكره إنـ هـيا طـالعـة مـنه قـروبـنا عـ الفـيس قـداش لـيها وهـيا تـوا قـالتـلي شـفت رسـالتك عـ القـروب🤔 كـيف عـرفـت؟؟ واصـلا عنـدك عـلم هـيا سبب فـي مشـاكلـي انـي وعمر هكـي حـاسة انـي
أمـانـي..شـوفـي تـراه القـروب كـان لقـيتيها بـاهي وكـان مالقـيتهاش مـعناها فـي مـن حـاكيـلها
فـتحت أيـات فـونهـا وشحن الـفـون تـم
أمـانـي..خيـره تسـكر
أيـات..تـم شـحن تـو نشـوفو بـعدين صـوت مـامـا تنـادي
أمـانـي..بـاه حـطي فـي شـحن وهـي نطلـعولـها
أيـات..بـه
حـطت أيـات الفـون فـي الشـحن وطـلعت
لأمـها وأخـتها
.
.
عـند دنـيا
دنـيا..بـابـا حـبيبي خـليني نـرفعگ حـتى نـطمن علـيگ
أسـامـة..لالا خـليني يـابنتـي مـافيـا شـي
دنـيا..بـابـا شـوف هـا حـتى ضـغطگ راـكب
أسـامـة..تـوا انـتِ بتقـعدي تـزني فـوق راسـي هكـي🙂
دنـيا..ايـه ومـش مخـلياتگ لـين نـرفـعگ
أسـامـة حـس قـلبه زاد وجـعه أكـتر وراسـه زاد فـي الصـداع قـرر يـستسـلم لـبنته ويـمـشي مـعاها
مـشو للـمستشفى وخـششوه للإسـعاف
قـعدت دنـيا تـستنـى قـدام البـاب وهـي خـايفة وتـدعـي
دنـيا..يـارب تـحفظـهولـيي يـاااارب مـاتـوريـني فـيه شـر يـااارب مـاعنـدي غيـره انـي يـارب مـاتمـتحـني فـيه☹
قـعدت دنـيا شـويا تـشبح فـي ممـرضـات يجـرو ودكـاترة وكـانت وجـوههـم مـاتتـفسـرش قـعدت دنـيا مـشغولـة وقـلبها كـان يـدق بقـوة وقـابضـها حـاسة انـ فـي شـي حيـصيـر قـعدت تبـكي عـلى إن مـاعنـدهاش مـن يـوقـف مـعاها تحـشمت تتصـل بخـطيبها اللـي كـل مـرة تتـصل بـيه وتحكـيله فـي مـشكلة صـايرة قـعدت دنـيا تـراجـي لـعنـد مـاطـلع الدكـتور
دنـيا..شـن صـار يـا دكـتور كـيف حـاله بـابـا؟ نقـدر نـروح بـيه!؟
الـدكتـور..درنـا اللـي علـينا لكـن بـوك مكـانـش يـستحمـل جـاته دبـحة قـلبـية وتـوفى عـظم الله أجـركم
دنـيا حـطت يـدها عـ فمـها مـن الصـدمة..تتتبـصصر تـووا جـبته يمـشي عـلى رجـليه ومـافيـه شـي كـييف مـااات كـيييف بـابـااااا لاااا مـستحيل يخلـيني بـروووحـي شـن تقـووول انـت😭😭😭بـابـاااااا بـابـااااا مـاتخـليييينيـششش مـنو عنـدي غـييرگ انـييييي😭😭
الدكـتور..اهـدي بـس اذكـري الله
دنـيا قـعمـزت ع الكـرسـي حـطت راسـها بـين يـديها..لا اله الا الله لا اله الا الله😭😭
.
.
عـند مـعـتز مقـعمـز مـع صـحابه ويـهدرزو رن فـونه لقـاها خـطيبـته اسـتأذن مـن صحـابه ركـب سيـارة وطـلع مـن جنبـهم
مـعتـز..ايـوا دنـو
دنـيا..مـعتـز😭😭😭بـابـاااا يـا معتـزز
مـعتـز شـد فـرينـو وقـف..شـن فـييي خيـركك تبـكككي خـيره عمـي
دنـيا..بـابـااا مـااات😭😭😭بـابـااا مـاااات😭😭😭
مـعتـز..لا اله الا الله لا حول ولا قوة الا بالله انا لله وإنا إلـيه راجـعـون البـقاء والـدوام لله حبيبي هدي روحگ بس انـي جـايگ
دنـيا وهـيا تبكـي..انـي في المـستشفى😭
مـعتـز..هيا جـايگ
سكـر مـعتـز منـها وهـوا يـذكـر كـيف مـات بـوه كـيف كـسرة الـظهر واااعـرة لمـا يكـون بـوك مـات كيـف حـياتـهم ولـت بـدون سنـد همـا شبـاب قـدرو يـوقفو ع رجـليهم ويـتولو أمـر نـفسهم بـس خطـيبتـه مكـانـش عنـدها خـوت هـي الكـبيرة وهـي السنـد لبـوها وبـوها هـوا السـند ليـها هـي سنـد لـخواتـها الصغـيرات وتـوا هـيا نكـسر ظهـرهـا فـي مـوتت بـوهـا💔 وصـل معـتز للمـستشفى نـزل يجـري ركـبلها لقـاها واقـفة قـدام الدار اللـي فيـها بـوها وكـانو مـغطيينـه بشـرشـاف ابيـض
مـعتـز..دنـيا
دنـيا وهـي غـارقـة بـدموعهـا اول مـاشـفاته طـول حـضنـاته وقعـدت تبـكي بشـهقة وحـرقة عـلى بـوها اللـي مـات
معتـز..اششش خـلاص يـاروحـي قـعمـزي هنـي بـس
دنـيا..مـشي يـاعزو مـشي الغـالي مـشي سـندي فـي هالـدنيا مـشي اللـي مفـرحـني مـشي حبـيب قـلبي مـشي نـور الحـوش😭ااااه مـوعـرها يـا عـزو مـاحـرهااا نـااااار نـااااار فـي قـللللـبي كـيف بنـقول لمـاما اللـي تسـتنى فـيااا☹😭كـيف بنقـوللـها بـابـا مـااات كـيييف😭😭ااااه ياوبـييي
مـعتـز قـعد يهـدي فـيها لـين مـاهدت دنـيا وسكـتت شـويا..اسمـعيني يـاروحـي هـذا قـضاء الله وقـدره ربـي هكـي كـاتب وهكـي مقـدرلـه الله غـالـب هـدي سـاعتـه بـي بكـاگ هـدا والله مـامـرجعتـيه ولا مـدايرتـله فـايدة انـتِ تـوا المـسؤلـة عـلى خـواتگ اللـي يسـتنو فـيگ امـگ اللـي حـالـيـا حـتكـون مـدممـررة انـتِ هـيا اللـي حـتكـونـي سـند لـي هـالعـيلة انـتِ لازم تكـوونـي قـويـة وقـد المـسؤلـية اللـي خلاهـالگ بـوك انـي اللـي نعـرفه إنـ دنـيا انـسانـة قـوية صـاعـبة مـستحيل تنـكسر ربـي حطـگ فـي الإمـتحـان هـدا انـتِ لازم تكـونـي قـده هـالإمـتحان لازم مـاتكـونـي صـبورة قـوية يـاروحـي لازم تقـوي روحگ بـاش همـا مـاينكـسروش ومـايحـسوش بـفقدان بـوهم
دنـيا شـدت فـي يديـه..خلـيگ مـعاي بـس وانـي حنـكون قـوية💔
مسـحلها مـعتز دمـوعهـا..بـإذن الله حـنكون جـنبگ مسـتحيل نخـليگ بـس كـيف صـار امـس مـافيـه شـي!!
دنـيا..تـعارگ هـوا وعمـي عـلى خـاطر عمـامـي اتفـقو مـايبـوش يـعطوه حـقه💔روحلنـا تـاعـب وقـلبه يـوجع فـيه هلـبا غـصبت عـليه ان نـرفع نـعايـنه جـبته اهنـي خـششته كـان مـافـيه شـي فجـأة نـشبح فـي الممـرضـات يجـرو ودكـاترة وبـعد دقـايـق طلـعلـي الدكـتور قـالـي عـظـم الله أجـرگ😭😭😭
معـتـز..لاحـول ولا قـوة الا بـالله تـوا روحـي للحـوش خـليني انـي نتـم الإجـرآت كـلمتـيهم عمـامگ!؟
دنـيا نـزلـت راسـها..قـالولـي الله يـرحمه😔وسكـرو فـي وجهـي نتـحشم نقـول علـيهم عمـام أصـلا💔
مـعتـز قـامـلها راسـها..راسـگ هـدا ديـما فـوق ومـافـي حـد يـقدر ينـزلـه انـتِ مـش مـحتـاجـتلهم بـككل👌🏻 هـي تـوا نـوصلگ ونـجي نتـم الإجـرآت
دنـيا..انـي كويـسة نـقدر نـروح بـروحي
مـعتـز..بـاه تمـام ديـري بـالگ يـاروحـي
دنـيا هـزت راسـها بـي بـاهـي ومـشت ركـبت سيـارتهـا وحطـت راسـها عـلى الـدومـان قـعدت تبـگي ولـعت السـيارة وقـت شـافت امـها تتـصل بـيها سكـرت علـيها وروحـت كـانت المـستشفى قـريبة مـن حـوشهم اول مـاوصـلت خـشت للـحوش لـقت خـواتـها يلـعبو فـي جـنان وامـها مقـعمزة جنبـهم تفكـر وتخـمم
سـامـية..دنـيا روحـتي بـنتي ويـن بـوك كـيف حـاله؟؟شـن قـاله الـدكتـور!!؟
دنـيا خـدت امـها وخـشت هـيا ويـاهـا للحـوش وقـعمزتهـا عـلى الصـالـون..مـامـا انـتِ مـؤمـنة بـقضـاء الله وقـدره وعـارفة إنـ الحـياة بـيد الله وإن الـدنـيا والـدوام لله صـح!؟
سـامـية دمعـو عيـونها حـطت يـدها عـ فمـها..مـاتقـولـيهاش يـابنـيتي لا مـاتقـوليـهاش💔
دنـيا حـضنـت إمـها..إنـا لله وإنـا إلـيه راجـعـون عـظم الله إجـرگ امـيمـتي سـلامـة راسـنا فـي وبـيي يـا امـمـتي راح الغـالـي يـا امـيمـتي😭😭
سـامـية نـزلو دمـوعهـا بحـرارة وقـعدت تبـكي وتعـيط مـن حـرارتـها خـشو علـيهم الجـيران وعـلى عيـاطـهم وعـرفو إنـ الأب تـوفى💔 فـي سـاعـة إلـتمت النـاس وبـدو يـجوهـم مـن كـل مكـان
كـلم مـعتـز أمـه وخـوتـه وأول مـاسمـعت أمـه مـشتلـهم عـلى طـول بـعت مّعتـز نـاس يـركبولـهم خـيمة العـزي
خـشت علـيهم الحـاجـة فّاطـمة بـالخبـزة والـتمر والحـليب واللـبن والمـيا وكـل شـي يلـزمـهم
فـرحـت بـيهـم دنـيا وفـرحت بـخطيـبها اللـي مـاخـلاهـاش وحـيدة فـرحت بـوقـفته مـعاها ووقـفة هلـبا نـاس مـعاهم نـاس بـرانـية مـكانـتش مـتوقـعتهم يـكونو مـعاها صحـباتـها اللـي مـاخلـوهـا لا هـيا ولا أمـها ينـوضو مـن مكـانـهم
.
.
عمـر..حـبيبي كـيف حـالگ
أيـات..الحمدلله خيـره صوتگ
عمـر..خـطيبة عـزو خـوي بـوهـا تـوفـى
أيـات..إنـا لله وإنـا إليـه راجـعون يـاروحـي عليـها ربي يـرحمـه ويغفـرله ويجـعل مـثواه الجنـة
عمـر..امـيين يـارب ايـه بنـقولگ إن جـية غـدو اتـأجـلت راهـو😓
أيـات..عـادي حـبيبي مـافـيش مـشكلة
عمـر..لانـة أمـي مـن بكـري امـشت وقتـلي مـانقـدرش نمـشي نخـطبلـگ وتعـرفي الجـو كـيف انتِ
أيـات..فـاهمة ايـه عـادي حـصل خيـر
عمـر..هـي يـاقلـبي خـليني نمـشي للـعـزي
أيـات..اوگ
سكـرو مـن بـعض وقـعمزت أيـات مـضايـقة علـى حـظـها طـلعت قـالت لأمـها وأمـها تفـهمت المـوضوع
بـعد 3أيـام مـن العـزي كـانت الأم فـاطمـة كـل يـوم تمـشي العـشية وتـروح فـي اللـيل
تـم العـزي وكـل واحـد روح لـمكانـه
.
.
فـاطـمـة..ايـه ياولـيدي مـاحـرهـا
محـمـد..ربـي يـرحمـه ويجـعل مـثواه الجـنة
فـاطمـة..أمـين يـااارب
محـمـد..مـعناها العـرس بيـتأجـل
فـاطـمة..اي أكـيد تـو مـستحـيل اديـره لـين يطـق بـوهـا سنـة
مـحـمد..ان شـاءالله خيـر
خـش عمـر للحـوش..السـلام علـيكم
فـاطـمة..وعلـيكم السـلام
عمـر..كيـف حـالگ يـام
فـاطـمة..الحمدلله بـخير
مـحمـد..انـي طـالع مـدامگ انـت جـيت عنـدي مـشوار
عمـر..ميـة مـية
طـلع مـحمـد وقـعمـز عمـر جـنب أمـه..يمـا امـتى بتمـشيلـهم النـاس
فـاطـمة..وسـع بـالك يـاولـيدي تـو نمـشولـهم
عمـر..امـتى بـاه
فـاطّمة..افففف خـلاص الخمـيس الجـاي قـوللهم
عمـر..بـاه انـي راكـب نـدوش تـو نـجيك
فـاطـمة..اتصـلي بـخالتـگ وبـرا
عمـر..بـاه حـاضـر
خـدي عمـر الأرضـي اتـصل بخـالتـه وعطـاه لأمـه وخـلاها تهـدرز ركـب عمـر وخـش داره قـبل مـايخـش لـداره سـمع خـوه أحـمد وهـو يكـشخ
أحـمـد..قـلناااالگ اطلـعي مّن راسـي ولـه خـلاااص انـسيني يـابّـنت النـاس راگ مـتـزوجـة افهمـي ديـري قـدر لـراجـلگ يـامـرااا
رزان..احمـيدة والله نحـبگ انـي نـدمت إن سيبـتگ وتـزوجـته هـوا مـش زيگ بكـل مـايحـبننيش ديـما يـضرب فـيا😭
أحـمـد..انـتِ درتـيها بـيديـگ حلـيها بـسنونگ فـوتيـني والا والله العـظيم نمـشي لـراجلـگ ونـقوله
رزان..لالاااااا والله يقـتلنـي حـرام علـيك مـتصـلة نسـتنجـد بـيك
أحـمد..للأسـف مـتصـلة بـالرقـم الخـطأ🙂تـشاو
سكـر أحـمد علـيها وهـو مـضايق هلبـاااااا بـعد مـاحس روحـه نسـاها وفـتك مـنها رجـعتله مـن جـديد خـش علـيه مـعتـز
عمـر..خيـرگ فـي منـي تكـلم نسـمع فـي صيـاحگ لعـند لـوطة
أحـمد رقـد ع سـريره..مـافـي شـي خلـيني بالله علـيگ
عـمـر..احكـيلي مـرات نسـاعـدگ
أحـمد لـوح ع خـوه المـخدة..فـوتنـييي
عـمر ردلـه المخـدة..رد بـااالك يـحن قـلبگ وتـرجـعلهااا رددد بـاااالگ
أحمـد..مـش حمـار انـي بـاش نـرجع لـوحـدة زي هـدي
عـمـر بـدي يـدربگ ع بـاب الـدار..واللـي بـاااعنـاا خـسرر دلـعنااا بـالسـلامـة يـلااا يـودعنـا
أحـمد نـاض وحـدف علـيه الفـياق
عـمر طـلع يجـري وهـوا يضـحك..😂😂😂😂
أحمـد..وااله يـا عـمـر نقـتلگ الله😤
خـش عمـر لـداره وهـو يضـحگ عـ خـوه شـبح لفـون لقـاه يـتصل نفـس الـرقم اللـي ديـما شـادهـا جـرته سكـر علـيها ودار فـونه مقـفل وخـش للـدوش
.
.
عـند مـحـمد
هـالـة..بـاه يـعني حـتى عـرسنـا لبـعد سـنة!!؟شـن دخلـي فـيها انـي بتحـكم فـي حـاجـتي مـن تـوا هـيا!!
مـحـمد..عـيب أقـل شـي نفـوتو شـهريـن والا 3 وبعـدها نحـددو
هـالـة..تـي كـل شـي عنـدي واتـي وعـلى اسـاس عـرسـنا نهـاية الشـهر هـدا
مـحمـد..كلـمة وحـدة ومـانـعاودهـاش مـرتـين العـرس مـش صـاير مـنه تـوا وأمـي تبـي تزوج بـالزوز قـبل كـنت انـي ومـعتـز وأهـو خـطيبة مـعتز تـوا ماتـقدرش أكـيد بـوها كـيف مـتوفـي مـزال مـاسكـرش اسـبوع فـ انـي مـش حـنتزوج الا انـي وخـوي تبـي والا مـاتـبيش اسـتنيلك شـوية اهـي أمـي بتـخطب لـعمـر وبنتـزوجو انـي ويـاه خـلاص هـااانـت خيـرك مـستعجـلة انـتِ🙂
هـالـة قـعدت شـادة غضـبها..بـاهي بـاه مـاشي
سكـرت هـالة فـي وجـهه وهـي تسحـن
مـحمـد والا جـنب صاحـبه
حـسام..خيـرك شـن فـي
مـحـمـد..نفـختـلي أمـهم بـالعـرس يـاراجـل فـددتنـي
حـسام..وسـع بـالك كـل شـي ينـحل تصـير المـشاكل هـدي
مـحـمد..تبـي العـرس فـي نفـس مـوعـده بـالله كـيف بنـديره واللـي تعـتبر مـرت خـوي بـوها تـوا كـيف مـتوفـي مـاتجـيش اقـل شـي قـلتلـها نـفوتـو هـالشـهرين هـدم أمـي بتـخـطب لـعمـر ونـدير عـرسـي انـي ويـاه هـيا مـزال شـي نـاصـبتـهم عـلى راسـي
حـسام تنـهد..ربـي يعـينگ وخـلاص وسـايرهـا انـت مـش كـل شـي أعـصاب راهـو كـلمها بـهدوء ورومـنسية هكـي تـوا تسـكت😂
مـحمـد..مـش جـوي انـي التفـتـفيت هـدا راه😑
حـسام..هـوا يـا أمـا انـت جـاااف يـا أمـااا دمـاغگ مـزااال قـاعد مـع الأولـى
مـحمـد اضـايق وقـت تفكـر هلبـااااا حجـات..غيـر المـوضوع تـراه شـن امـور المـحل مَاشـية
حـسام..الحمدلله مـاشية أمـوره
مـحـمد..هنـيني علـيه بـالله علـيك ياوخـيي انـي خـلي انـوض نمـشي نـدور الفـرخ مـعاد هـدا اللـي مـاعاد عـرفت منـين نـشده
حـسام ضـحگ..وسـع بـالگ يـاصـاحبـي وبـإذن الله يعـقل زيـه زيـ بـاقـي خـوتگ انـت وسـع بـالگ مـعاه بـسس
مّحـمد..ان شـاءالله خـير هـي السـلام علـيكم
حـسـام..وعلـيكم السـلام
طـلع مـحمـد ومـشـي لـي حـوش صـاحـب مـعـاد وفـي نفـس الـوقت يكـون حـوش عـم أمـه
مـحـمد قـعد يـطق عـ البـاب فـتحـتله بـنـت وخـر مـحـمد طـول ونـزل راسـه..السـلام علـيكم
أنـسام فـي قلـبها والله شكـله نفـس الصـوت💔..وعلـيكم السـلام تفـضل خـوي مـن تبـي!؟
مـحـمد قـلبه نـبض مـن جـديد وحـاول يخـفي رعـشة صـوته وقـلبه اللـي كـان بـيطلع..لـو سمـحـتي خـوي مـعـاد اهنـي!؟صـاحـب خـوگ وسـيم
أنـسام بـعد عـرفاته ان هـوا واتأكـدت مـنه تكـلمت بصـوت حـاد..ايـه بـس راقـدين فـي المـربـوعة دقـيقة نخـش للحـوش وخشـلهم انـت😒
مـحـمد ابـتسم وقـت اذكـر الصـوت الحـاد هـدا وقـت تـتكـنطى كـانت اديـر فـيه..تمـام😊
خـشت انـسام وخـش مـحـمد بـعد مـاسمـع تسكـيرة بـاب الحـوش الـدخلانـي خـش مـحمـد للـمربـوعـة ولقـي خـوه راقـد ووسـيم راقـد عيـط علـيهم الـزوز جـو اسـتعـداد
مـعاد..شـننن فـييي ويـن انـييي مـن انـت وووه مـحـمممممـد شـن جـابگ انـنتت😳😳
وسـيم وقـف وحـط يـده عـ راسـه..ءءء مممـحححمـددد
مـحـمد..يـاحيـوان انـت ويـاه شـن لـتوااا مـزززال راقـدددييـن!؟؟؟
مـعاد..ععلاااش حـنييي سـاعة قـداااش فـي امـا سنـةةة
ضـربه وسّيم عـنفـقة..يـاحمـااار ضـمم فـمكك
مـحـمد قـدم وشـدله وذنـه..السـاااعـة تـوااا 4 العـششية انـي تـوااا شـن مقـااااايـل لأم أمـكك مقـااايـل بـيتاااان بـرا الحـووش شنـووو!!؟؟لاااا والااا!!؟؟ شـن مبـيتگ انـت اهنـيييي!!؟؟تـوااا قـداااامـي للـسيـااارة وحـسابگ فـي الحـووش
لـم مـعاد حجـاته وهـوا متعـفلـق وطـلع ركـب للـسيـارة مـحـمد..ويـن بـوگ؟؟
وسـيم وهـو يـحك فـي راسـه..مـزال مـايروحـش
مـحمـد..تـو بـعديـن نخـطم علـيه ونحـرشـه فـيك ونقـوله عـلى عمـايلگ السـودة
كـانت أنسـام واقـفة تسـمع فـيهم واسـت الوشـاح عـلى راسـها وجـاية بتخـش علـيهم
طـلع مـحـمد لقـاهـا قـدامـه رعـشت مـع بعـضها وتلاقـو عيـونـهم فـي عيـون بـعض
وقـف محـمد يشـوف لعـيونها وكـانت كـمية الشـوق اللـي بـينهم كـبيرة دمـعو عـيون أنسـام ونـزلت راسـها طـول مسـحت دموعهـا وشافـتله بكـل قوتها..لـوو سـممحـت تقـددر تقـوولـي خـوي شـن مـدااير!!؟؟؟
مـحـمد فـاق علـى عقـله..كـان بنقـول تـو نقـول لخـوك والا بـوك مـش لـيگ انـتِ🙂
طـلع مـحمـد مـن الحـوش وركـب السـيارة
وسـيم..شـن طـلعگ انـتِ للـراجـل!؟؟؟
أنـسام..نسـمع فـيه يعـيط ويـكشخ علـيكم قـلت شـن صـااير وسّمعته قـال عمـايلگ الـسودة امـا عمـايل سـودة شـن مـداير!!؟ تكـلللم
وسـيم..يـا أنـسام يـا أخـتي ديـري روحـگ مـاسمـعتي شـي🙂
أنـسام..اقـلب وجـهك دوش وصـحصـح صـنتك دخـان زي جـيفة وعنـد بـوي تـو تشـووف👌🏻
وسـيم..نـرفعك ويـن مـاتبـي واللـي تبـيه نـديرهـولگ المـهم مـاتقـولي شـي😒
أنـسـام..نـفكر قـبل😏
خـشت أنـسام لـدارها وهـي خـانقـتها العـبرة قـعدت تبـكي بحـرقة بـعد كـل السـنين هـدي جـي وفكـرها فـي كـللل شـي💔
يـا لالا ويا ليالي
بيننا سهااري وذكرياات معاه لتوا في بالي

يـالالا ويـا ليـالـي
بيـننا سـهااري وذكـريـاات معـاه لتـوا فـي بـالـي
ويـن نلقـاااه قـوليـلـيي
تهنـي مـع غـيري مـازال مـتفـكرني والا خـلاص نسـاانـي
مـش فـراقـه لـي واجـعنـي خيـالـه يتبـعنـي
حتـى فـي مـنامـي نشـوفـه قـدامـي
يـالالا ويـا ليـالـي
بيـننا سـهااري وذكـريـاات معـاه لتـوا فـي بـالـي
ويـن نلقـاااه قـوليـلـيي
كيـف هـانـت العـشـرة
مـن يـوم فـرااقـه نبـكي بالـحـسرة
ذكـريـات كـثيـرة
خـلتـني فـي حـيـ💔ـرة
قـاعـد مـن غـيره
مـذهـوب الشـيرة
يـالالا ويّـا ليـالـي
بيـننا سـهااري وذكـريـاات معـاه لتـوا فـي بـالـي
ويـن نلقـاااه قـوليـلـيي
يـالالا ويـا ليـااالـي
.
عـنـد هـالـة
هـالـة..اففففف مـايـردددش
هنـاء..شـن تبـي فـيه تـو يتـصل
هـالة..تـرا قـولـي شـن قـااالي
هنـاء..شنوو
هـالـة..قـالي إنـ نسـتنى شهـرين تـانـيين لـين مـا يكـمل عمـر امـوره لانـة مـعـتز مـش حـيـتزوج تـوا خـطيبته بـوها مـزال كـيف مـتوفـي🙂
هنـاء..شـنوووو قـصدككك عـرسكك مـع عمممـر قصـدك حـنشوفـه كـيف يـدرج فـيهاااا
هـالـة..ايـه🙂مـش نـاقصـة همـگ راااه بـعدين تـعالـي قـوليلي انـتِ قـلتـيلي انكـ اتـصلتـي بيـها وبـاركـتيلها شـن مـاتعـرفكش!!؟؟
هنـاء..ايـه مـاتعـرفش ان انـي نفـسها شـوره عمـر مـقاللهـاش لا اسـمي ولا مـن نكـون لانـها كـانت مـن قـروبـي بـعدها مـانعـرفش شـن صـارلهـا تبـاعدت علـيا ومـعش نـتكـالمـو بكـل بـدينا رسـميات! ونـحسابة عمـر قـاللهـا علـيا بـس بـرضـو البـنات قـالـولـي ان أخـتها هـيا اللـي قـالتـلها تبـاعـد علـيا لـكن انـي شاكـة انـها تعـرف
هـالـة..اممممم غـريـبببة
هنـاء..اسـتغـربت حـتى انـي عمـومـا مـش مـوضوعـنا هـدا شـنو نـدير انـي مـانبـيشي يـخطبببـها😭
هـالـة..عـادي اتـس اوك تقـدري تكـونـي مـرته التـانـية😒
هنـاء..كـيف
هـالـة..يـعني بـعد نتـزوجو تجـيني بمـا اننـا سـاكـنين فـوق بـعض تـجيـني ديـما ونـهبـلوهـا فـي عـيشـتها😏ونـخلـوها تـطلق مـنه
هنـاء ابـتسمـت..حـتى هـدا راااي😍
هـالـة طـقت عـلى يـد أخـتها..اتـفقـنااا
🐍🐍
.
.
.
وفـاتت الأيـام وجـي يـوم الخمـيس
كـانت أيـات فـرحـانـة ومـتوتـرة
أيـات..مـااامـا مـامـااا وصـلوو❤❤
حميـدة..بـاه خـشي للـمطبـخ تـو انـادو علـيگ
أمـانـي تضـحگ..شـن حـاسة
أيـات..رعـببب مـسي قـلللببي😭بـيطلع مـن مكـاااانـه
أمـانـي..😂😂عـادي عـاددي خـلي نمـشي مـع مـامـا
طـلعت أمـانـي وخـشت للصـالون سـلمت عـلى الأم فـاطـمة وسـلمـت عـلى خـالت عمـر
حمـيدة..هـدي بـنتي أمـانـي المـتزوجـة
فـاطـمة ابـتسمت..مـاشـاءالله ربـي يحـفـظهـا قـداش عنـدك بـنت
حمـيدة..زوز بـنيات أمـانـي وأيـات
فـاطـمة..مـاشاءالله دوم علـيگ بـنياتگ يـارب
حمـيدة وأمـانـي..سـلّمگ❤
فـدوة أخـت فـاطـمة..وخـيتي فـطومـة مـاعنـدهاش بنـيات رزقـها ربـي بـي سـتة ولـيدات مـاشاءالله ربـي يحـفـظـهم
حمـيدة..مـاشاءالله
فـاطـمة..لكّن كنـهدا يـاوخـياتـي والله البـنية بنـية كـدب علـيگ تهنـيگ علـى كـللل شـي صـاعبـين الاولاد والله مـاتكبـريـهم وتـزوجـيهم وتتـهني علـيهم لـين كـبدك اطـييب
حمـيدة..ايـ والله حـتى انـي عنـدي 3ولـيدات نجـري جـرتهم جـررري بـاش نخـطبـلهم شـي لا مـزال لا مـانبـوش تـوا خـليتهم علـى راحـتهم وخـلاص😅
أمـانـي..مـايكـبر راس لـين يـشيب رااس
نـاضت حمـيدة بتنـادي عـلى بنـتها
فـاطـمة..مـاشاءالله ربـي يحفـظهـم وانـتِ قـداش عنـدك صـغار
أمـانـي..انـي حـامل تـوا هـدا أول بـيبي
فـاطـمة..مـاشـاءالله انـ شـاءالله تنـوضـي بـالسـلامة يـااارب
فـدوة..هـي ويـن عرّوسـتنا😅
خـشت حمـيدة وخـشت وراهـا أيـات
أمـانـي..وهـدي عّروسـتكم
فـاطـمة ابتـسمت وفـرحت بـذوق ولـدها..مـاشـاءالله مـاشاءالله الله يبـارگ
فـدوة..مـاشاءالله ربـي يحـفظك يـابنـيتي ويحـرسگ مّن العـين
فـرقت علّيهم أيـات العصـير وحـطت الصـفرة وجّت بتقـعمـز بّحدا أمـها
فـاطـمة..تعـالي قـعمـزي جـنبـي انـي😍
جـت أيـات قـعمـزت جنبـها وكـان القـط واكـل لسـانـها كـانت مـتحشـمة ومـش قـادرة تتـكلم
فـاطـمة..لا ولـيدي عـرف يـختار حـق😍مـاشاءالله عـليها
حمـيدة ابـتسمت..سلمـگ😘
أيـات ابّتسمـت..تسـلمـي❤
فـدوة..بـاه اللـي سـمعنا صـوتك😂
أمـانـي ضـحكت..مّتحشـمة بـس
فـاطـمة..تقـري والا مكـملة
أيـات..آخـرلـي سـيمسـتر
فـدوة..شـن تقـري
أيـات..هنـدسة
فـاطـمة..يـقري فـيك عمـر مّعناها😂
أيـات ابّتسمت..مـرتـين بـس قـرانـي
فـاطّمة..بـاه مـاشاءالله ربـي يجـيب بـيننا كـل الايـام الطـيبة وانـ شـاءالله تـولـي كـنيـنتي يـااارب قـريب نـروح بـيها تـوا انـي
ضـحكو كـلهم ونـاضـت أيـات خّدت صـفرة العـصيـر قـامـت الطـواسـي..صـحة❤
كـلهم..سـلمگ
خشـت داخـل جـابـت أمـانّي القـهوة والـحلويـات
شـربو وكـلو حـلويـات
فّاطـمة..مـدامـهم يا حمـيدة مـتعرفـين علـى بـعض ويعـرفو بعـض ويبـو بـعض كـان الـوالـد وافـق رانـا بنـديرو تلبـيسة بـسيطة وعـادية وبـعد شـهرين العـرس لانـة ولـدي الكـبير خـاطبـتله قـداش ليـه قـبل بنـزوجـه هـوا وخـوه لكـن خـطيبته بـوهـا تـوفى لـيه اسـبوع فـ قلـت نخلـوها هـيا امـتى مـايطـيب خّاطرهّا انـديرو عـرسّهم ونـخطب لـعموري ولـيدي ونّزوجـه مـع حمـيدا الكـبير والكـبير الله فـ شنـ قلتو تقـدرو تلـحقـو بـعد شـهرين!؟
حمـيدة..والله انـي شـن بنقـولگ خلـي نـشاور الحـاج وبـعدين نقـولگ😅
فـدوة..اي حـق شـاوريـه وشـوفو وردو علـينا
فـاطـمة..ايـه وانـ شـاءالله نصـيبنـا فـيكم انـي والله بنـيتكم خـشت خـاااطـري قـريب نـضت روحـتلكم بـيها تّوا😂
حمـيدة..😂😂سّلمها يـاربـي
وخـدو ارقـام بـعض وجـي عمـر وروح بّـيهم
.
.
.
عمـر..شـن الجـو يـام
فـاطـمة..لا مـاشاءالله يـاولـيدي الله يبـارگ
عمـر..عجـباتگ؟
فـدوة..🤣🤣تـي قـريب روحـت بـيها أمكـ
عمـر..😂😂
فـاطـمة..اي شـنو الكـدب حـرام والله خـشت خـاااطـري
فـدوة..حـتى عـلى هـالة مـادرتـيش هكـي يـا وخيـتي
فـاطـمة..كـل واحـد وزيـنه وكـل واحـد وخفـة دمـه مـاشـاءالله علـيهم الـزوز
عمـر..شـن صـار بـاهي مـوافقـين والا شنـي
فـاطـمة..مـسرع يـاولـيدي تـو تـشاور بـو البـنية وخـوتهـا ويـسئلو علـينا وكـل شـي وبـعد 3أيـام أكـيد تـو يـردو ان شـاءالله مـايكّونو الا مـوافـقين
عمـر..انـ شـاءالله
.
.
.
خـشت أيـات لـدارها تنـقز علـى سـريرهـا وتغنـي وخـشت وراهـا أمـانـي
أيـات..خلـووونـي نـرقص خلـوونـي أمـه وخـالاته خـطبببووونـي👏🏻👏🏻👏🏻روروروروري
أمـانـي تضـحك..يـا حمـارة قّعمزززي يـشبحگ بـوي يقـول البـنت مـزال فـرخة مـانـيش عـاطيها😂😂
أيـات قـعمـزت وقـعدت تضـحك..لكـن تبـي الحـق والله كـنت نبـي نتـخرج قـبل
أمـانـي..عـادي شـن مـزالك هـالسـيمسـتر مـشيه كـيف مـاتمـشيه
أيـات..هـوا هـدا ايـه
امـانـي..امـه جـوها حـلو حـسيته
أيـات..ايه يهـبل جـوها
أمـانـي..بـاهي مـاشاءالله خيـر مـن عزوزتـي الحـرفة اللـي حـتى لمـا جـت تخـطب تطـنفـر
أيـات..😂😂بـاردة بكـل هديـكا مـافيهـاش جـو
أمـانـي..تبـي بنـات أخـتها وبـس🙂
أيـات..😂😂
.
.
.
عـند دنـيا
دنـيا كـانت كـيف مـروحـة للحـوش بـالخضـرة وجـايبـة كـل شـي تبـيه لانـها كـيف واخـدة مـعاشـها
نـزلت هـيا وخـواتـها مـن السـيارة كـل شـي وخـشت لقـت أمـها تتكـلم بـالفون
سـامـية..ينـااري لا إله إلا الله ربـي يشـفيه ان شـاءالله
هـدرزت سـامـية شـوية وسكـرت لقـت دنـيا قـدامـها
دنـيا..يمـا منـي ربـي يشـفيه خيـرك
سـامـية..عمگ مـصطـفى جـاته جـلطـة
دنـيا..بـاه وانتِ خيـرگ مـتأثـرة علـيه
سـامـية..خيـرگ انـتِ فـي نهـاية عمـگ هـدا مـادخلـگش فـي المـشاكل اللـي بيـنهم وبـين بـوگ الله يـرحمه
دنـيا..لـو بـابـا عـايش كـنت نقـول مـادخلـيش ومـالياش عـلاقة بـس تـوا اسـفة دخـلي ونـص بـسببـهم مـات بـابـاا يـعني كـيف تبـي تكـون ردة فعـلي!؟؟حـسبي الله ونعـم الوكـيل فـيهم حـتى فـي العـزي مـاوقـفو مـعانا بـوي مـلوح فـي المـستشفى وانـي مـاعرفـتش نـدير شـي مـن الإجـرآت نحـسابـهم عمـامـي حـق ونحـساب الـدم يـحن نحـسابهم حـيجو ويفـزعو لـخوهم لأخـر مـرة وهـوا مـيت شـن قـالولـي رحـمة الله عـليه وسكـرو فـي وجـهي وهـدا عمـي مصـطفى اتصـلت بـيه قـاالـي الله يـرحمـه مـاعنـدي مـانديـرلگ تـشاو تـي تشّـمتو وفـرحو بـي مـوتت بـوي مـزال تبـيني نشـفق علـيهم!!؟؟تـي انـ شـاءالله نلقـاهـم أحـرف مـن هكـي تـي مـعقولة ولـد النـاس هـوا اللـي نلقـى فـيه الخيـر هوا وعيـلته وعيـلتي اللي مـن دمـي مـانلقـاش فـيهم خيـر!!؟؟ مـعقولة مـراء قـاعدة مـاوصلتـهاش ومـاوليـتش كـنتهـا حـرمت ولـدها مـن الـعرس لـين مـانسـكرو شـهريـن علـى مـوتت بـوي تحسـبا لمـشاعـري قـصدي يـا مـامـا شـن مـزال نبـو فـيهم تـي كّان نلقـى نصـفيه دمـي مـن دمـهم
خـشت دنـيا لـدارهـا تبـكي💔
وأمـها قـعمـزت وسـكتت عـارفة ان كـلام بـنتها حـق بـس كـانت مـاتبـيهاش تبـني الحـقد عـلى عمـامـها
خـشو خـوات دنـيا علـى أخـتهم كـانـو 3تـوم صـغيرات والـ3 يقـرو صـف تـالـت
دنـيا شـافـتهم مـسحت دمـوعهـا طـول..تعـالو حـبيباتـي
جـو لـي دنـيا واللـي قـعمزت جنبـها واللـي فـي حجـرها واللـي وراهـا ولافـة يـديها ع رقـبة دنـيا كـانو يحـبو أخـتهم هلـبااااا
دنـيا..وتـين شعـري خلـيه فـي حـااله يـابنت
وتـين..شـوية بـس
يـاريـن..دنـو عنـدنـا واجـب
نـاريـن..ايـه عنـدنا واجـب ومـاعرفـناش نـحلوه
دنـيا..بـاه وانـتِ وتيـنن
وتـين..عنـدي سـي
نـاريـن..حـييي كـدابة عنـدنا
وتـين تفـنص فـي أخـتها
يـاريـن..اشـي كـيف تفـنص😦
تلـفتت دنـيا لـوتيـن وشـدتـها وجـابـتها قـدامـها..علاش تبـيش اديـري واجـبگ وعـلاش تفـنصي فـيهم
وتـين دارت عيـونـها ذبـلانـات وقـوست فّمها..مـاهو مـانبـيش نتـعبك انـي نعـرف نـدير بـروحـي☹
دنـيا ابتـسمت..يـااعمـري انـتِ لالا مـاتعبـيش فـيا هيـا تـوا حـلو اللـي تقـدرو علـيه وانـي خلـي نـرتاح شـوية ونتـغدو ونـحلو واجـباتنـا بـاهي!؟
الـ3..بـااه
طـلعو مـنها وخشـو لـدارهـم
دنـيا اتكـت عـلى سـريرهـا..الله يـااا دنـيا امبـارح كـان مـعانا والـيوم تـحـت الـتراب💔
غمـضت عيـونها وطـول رقـدت ومـشت فـي سـااابـع نـومـة
.
.
عـند مـعتز مقـعمز هـوا وصـاحبـه
مـعـتز..والله مـاعـارف يـاراجـل نبـي نـتزوجـها اليـوم قـبل غـدوا الحـمل اللـي عليـها مسـتحيل هـيا تقـدر تتـحملـه ومـش مـخليـتني نسـاعدهـا فـي شـي بكـل وتقـولي انـت خـطيبي ومـش راجـلي ومـش مجـبور انـگ تصـرف علـينا ومـن دوة هـدي وتقـولي النـاس حـتبدا تـدوي علـينا
مـحسـن..بـاهـي هـيا مـعاها الحـق اهـو نقـولگ أقـرو الفـاتحـة أقـل شـي تقـدر تـساعدهـا وتقـدر تـخش وتـطلع لحـوشـهم بـدون مـايـدوي حـد علـيكم
مـعـتز..مـابتـش قـتلي مـانبـي نـدير شـي
مـحسـن..ربـي يصـبرگ يـاوخـيي اصـبر علـيها حـتى هـيا بـوها مـزال مـاجـفش تـرابـه وصـعب علـيها اديـر اي خـطوة تـوا اصـبر علـيها لانـها حـاليا فـي وضـع جـديد علـيها وتبـي هـيا تتحـمل مـسؤليـة عيـلتـها فـ المـفروض إنـگ تسـايرهـا وتشـجعها وتـرفع مـن مـعنـويـاتها
مـعتـز..ان شـاءالله والله ريـحتني تـعرف
مـحـسن حـط يـده عـ كـتف مـعتز..صـاحبـي انـت وخـوي اللـي مـاجـابـاتـه أمـي👌🏻
مـعتز ابـتسم..خـلاص سكـر المـوضـوع الاولاد جـو
مـحسـن..اووووه شـباااب شـن الجـو
وقعمـزو الاولاد يـهدرزو ويضـحكو
.
.
.
عـند مـحمد نـزل مـعاد مـن السيـارة ودخـله للحـوش
فـاطـمة..شـن فـي خيـرركم
مـعاد..مـعقولة يـاااام يـضربـني قـدااام صـاااحبـي شـننني يـحسابـنييي عيـللل والا نـرضـع فـي صبببعـي تـييي عيـب اللـي اديييـر فـييييه مـش كـانگ خـوي الكـبير خـلااااص؟؟
مـحـمد ضـربه كـف..**** #يـتبع
.
.
انـ شـاءالله تنـال إعجـابـكم❤❤يـاااارب وشكـرا لـيكم ولّتفاعلـكم الحـلو😍😍هـيا نبـي رأيـكم فـي الحـلقة والأحـداث فـي كـل حلقـة حـتزيد تتـقوا🔥🔥 #حـنو
  • لقراءة الحلقات التالية من الرواية : اضغط هنا 
google-playkhamsatmostaqltradent