رواية ولو بعد حين الفصل الأول 1 بقلم خلود أحمد

رواية ولو بعد حين الفصل الأول 1 بقلم خلود أحمد

رواية ولو بعد حين البارت الأول

رواية ولو بعد حين الجزء الأول

رواية ولو بعد حين الحلقة الأولى

.. يعنى ايه هتعيش معانا؟ ماما انتى متخيله احنا ولدين ودى بنت غريبه عننا مينفعش اللى بيحصل ده
الام.. في ايه يا عمر دى عيله صغيره وبعدين ياعالم هتفوق ولا هتفضل كده حرام عليك يابني ابوك لاقاها وجابها هنا يمكن الخير اللي هنعمله ده يتردلك انت واخوك
عمر.. اهو اخويا ده بقي اللي خايف منه يوسف عمره ما هيوافق وبعدين البنت هنا من بليل وهو ميعرفش عشان كان نايم وصحى ع المدرسه على طول لما يرجع هيفضحنا
الام.. انا هتكلم معاه يلا بقي امشي خلينى اعمل الغدا قبل ما يرجع من المدرسه
عمر.. اجرى اجرى مانتى مبتحبش غيره بقي حتة العيل ده يعمل كده 😂
الام.. يارب صبرنى
…………………..
خالد رجع من الشغل وكان جايب فاكهه دخلها المطبخ وغير هدومه وصلى الظهر وقعد يقرأ قرآن
الجرس رن الام سابت الطبيخ وراحت تفتح
يوسف.. مساء البصل يا ناس يا عسل
فايزه (الام)… هههه بصل وعسل مع بعض يلا يا شقى ادخل غير بسرعه وصلى لغاية ما اجهز السفره
يوسف.. بسرعه عشان جعااااان

عمر.. هتاكلنا يعم الوحش
يوسف.. ههه دمك خفيف
عمر ضر. به بالرجل.. امشي يلا
اتجمعوا على السفره….
خالد.. طليتى على البنت يا فايزه
فايزه.. ايوا يا بو عمر زي ما هى يا حبيبتي
يوسف بلع الاكل وهو بيبص لعمر بتساؤل
عمر.. ماما كلمى
يوسف.. فى ايه
فايزه.. بص ياحبيبي هحكيلك الموضوع امبارح بالليل ابوك كان راجع من الشغل ولقي بنت مرميه على شط النيل وهدومها غرقانه خالص وياحبيبة قلبى مخبوطه فى دماغها جامد المهم خدها على المستشفى دى روح يابني لازم نلحقها والدكتور عمل اللازم بس البت ضعيفه اوى ومش عارفه جالها غيبوبه ولا ايه خيطولها الجرح وقاله كلها يومين تلاته وهتصحى بس المحاليل دى تنتظم عليها وابوك معرفش يتصرف وجابها هنا وانا والله حبيتها اوى وانا معنديش بنات وقولت تعيش معانا وتبقي اختكم الصغيره لو كان ليها اهل يابني وعرفوا طريقها هنديهالهم عادي
يوسف.. اممم حلو الفيلم الهندي ده
خالد.. يوسف عيب كده كلم امك باحترام

يوسف.. آسف ياماما اعملوا اللى انتوا عايزينه اصل بيتنا وكمان مش هنعرف ناخد راحتنا فيه وجابين بنت منعرفهاش تعيشوها في وسط ولدين
خالد بصوت عالي.. انت بتتكلم وكأنك كبير وفاهم ده حيا الله 12 سنه اللى عندك انت لسه عيل يلا فاااهم واللى انا وامك نقوله هيمشي البيت ده مش بيتك لوحدك
فايزه.. خلاص يا خالد براحه عليه
خالد هبد المعلقه فى الطبق.. ماهو كل ده من دلعك ليه وقام من على الاكل
يوسف قام دخل اوضته
عمر.. مش قولتلك يا ماما
فايزه.. قوم ياعمر ذاكر قوووم بلا صبيان بلا هم
عمر.. اللاه هو انتوا والثانويه عليا دى مبقتش عيشه
فايزه ضحكت على كلامه وقامت تشيل الاطباق
……………………
الليل جه وكل واحد في اوضته عمر خلص مذاكره ونام ويوسف كان لسه صاحي قام يدخل الحمام وهو خارج لقي باب الاوضه اللي البنت فيها مفتوح
بص على الباب بغضب و………..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ولو بعد حين)