رواية حب عبر الانترنت الفصل الثالث 3 بقلم رقية عبد الباسط

رواية حب عبر الانترنت الفصل الثالث 3 بقلم رقية عبد الباسط

رواية حب عبر الانترنت البارت الثالث

رواية حب عبر الانترنت الجزء الثالث

رواية حب عبر الانترنت الحلقة الثالثة

_مريم انا بحبك
_…….
_انا مش عارف اقولك اى بس انا بحبك والله …
_……..
_مريم
_……
_ردى عليا يابنتى
_….انت بتقول اى
_زى ماسمعتى … انا بحبك
معرفتش ارد عليه اقول اى … قفلت السكه ف وشه ووفضلت ماسكه التلفون ومش عارفه هعمل اى
كأنى كنت بحلم
خايفه ومصدومه وفرحانه وقلقانه وقلبى بيرقص م الفرح بس ف نفس الوقت دقاته بتزيد من الخوف…
لاقيته بيرن عليا تانى…
قفلت عليه
رن تانى
قفلت تانى

وفضل يرن تانى وانا سيبت التلفون وفضلت قاعده مش عارفه هرد اقول اى …
وازاى اصلا حاجه زى كده تحصل
الحب جميل بس مش ف الحرام
احنا كلامنا كله كنا زى الاخوات
ازاى يحبنى وهو عمره ماشافنى
هو اكيد كداب وبيضحك عليا
بس هو مش وحش ولا عمره قالى كلمه وحشه
بس هيحبنى ليه
مش يمكن فى حب كده
اكيد لا
اعمل اى يارب
خناقه كانت مابين قلبى وعقلى وافكار كتير اوى كانت بتتصارع جوا دماغى…
ايدى بدأت تترعش م التوتر … وده شيئ طبيعى ليا لأنى دائما بيحصلى كده واترعش لما اخاف…
كل ده وهو لسه بيرن عليا وعمال يبعتلى رسايل أنى ارد عليه وأنه اسف .. كنت بشوف الرساله من برا لكن مش بفتحها
عمال يرن يرن يرن يرن يرن يرن
لغايه مافتحت عليه…

_مريم…
_نعم ياحمد
_انا اسف والله اسف سامحيني
_حصل خير خلاص
_انا متاسف اوى يامريم .. انا عوزك تعرفى بس انى مش بعرف اخبى مشاعرى وان اللى ف قلبى ع لسانى
_تمام انا هقفل دلوقت
_هتروحى فين بس
_فى شويه حاجات عاوزه اعملها
_انتى زعلتى منى صح
_ممكن اقفل
_لا مش ممكن استنى
_لا هقفل ….
قفلت السكه ف وشه تانى وفصلت التلفون خالص وفضلت طول اليوم قافله التلفون وخايفه افتحه مش عارفه هرد اقول اى…
صليت العشاء بعد ماليوم خلص وقومت مسكت التليفون …
وفتحته……

يتبع..

لقراءة الفصل التالي : اضغط هنا

لقراءة باقي حلقات الرواية اضغط على (رواية حب عبر الانترنت)