رواية اين زوجي الفصل الرابع والعشرون 24 بقلم ايه عطيه

رواية اين زوجي الفصل الرابع والعشرون 24 بقلم ايه عطيه

رواية اين زوجي البارت الرابع والعشرون

رواية اين زوجي الجزء الرابع والعشرون

رواية اين زوجي الحلقة الرابعة والعشرون

 

معتز /يا عم اتفائل متعرفش تتفائل… تفائلو بالخير تجدوه

زين /ماشي يا عم المتفائل بس خاليك عارف ان اللي هنعمله دا مش كويس

معتز/مش كويس ليه ايه الغلط اللي فيه

زين/المفروض نروح علي طول لاستاذ اكرم نطلب اديهم منه

معتز/ما احنا هنروح نطلب اديهم بس لما نعرف رأيهم هما الاول… افرض مثلا هما مرتبطين بحد و لا حاجه يبقي ايه الوضع

نظر له زين بصدمه

زين/ايه… مرتبطين بحد ازاي

معتز/في ايه انا بس بقول يمكن

زين/ما يمكنش زينه بتاعتي انا و بس بمزاجها او غصب عنها هي ليا و بس

معتز/عمرها ما تيجي بالغصب يا زين

تنهد زين ببطئ و رجع بظهره في مقعده

زين/مش عارف بقه…. انا مش متخيل ان ممكن تكون مش ليا…. مجرد الفكره بس صعبه قوي

معتز/حاسس بيك…. بس لنفرض ان قلبها ميال ل…….

زين/متكملش…. ان شاء الله قلبها مش هيميل غير ليا و بس

معتز/ان شاء الله…… المهم دلوقت يلا نتغدي علشان نلحق نروح نجهز

اومأ له زين و هو يفكر في حديثه ماذا لو كان قلبها يميل لاخر؟ ماذا يفعل بقلبه الذي هواها
~~~~~~~~~~~~~~~

 

 

اما في غرفه ميار
كانت ميار تقف امام الخزانه الخاصه بالملابس تبحث عن شئ ترتديه
و كل ما تقوم باخراج شئ و تضعه عليها و تنظر الي ذاتها بالمرأه بأمعان شديد ثم بعد ذلك تلقيه علي الفراش و تبحث عن غيره

دخلت زينه الغرفه بعد هروجها من المرحاض
وجدت الفراش ملئ بالملابس و مازالت ميار تبحث و تبحث و هي غاضبه بشده نظرت لها زينه قليلا ثم تحدثت بصدمه

زينه/ايه دا في ايه يا ميار انتي عاملتي ايه في الاوضه…. و كل دي هدوم علي السرير

ميار /اعمل ايه مش لاقيه حاجه البسها

زينه/كل دا و مش لاقيه حاجه تلبسيها …… حرام عليكي يا زينه

نظرت لها ميار بأستغراب ثم تركت ما في يدها و نظرت لها و اقتربت منها

ميار /امال انا شايفاكي كدا طبعيه و مش مجهزه حاجه و لا حتي بتجهزي

زينه/و انتي بقه عايزاني اكمل علي بقيت الاوضه زيك كدا…. لا يا ماما

ميار/امال انتي هتلبسي ايه

زينه/اي حاجه مش فارقه

ميار/اي حاجه ازاي يعني مش فاهمه

زينه/في ايه يا ميار هو فرح واحده فينا و انا معرفش

توترت ميار و هي تتحدث

ميار/لا مش فرح حد فينا بس احنا مهندسين في الشركه اللي عامله الحفله دي و لازم يكون شكلنا كويس احنا بردو واجه للشركه دي

زينه/ميار مش عليا الكلام دا

ميار/قصدك ايه

زينه/قصدي انتي عارفاه كويس… و انا سيباكي بمزاجي

ميار/انتي عايزه ايه دلوقت يا زينه

زينه/عايزه اعرف كل حاجه

ميار/مش لما يبقي في حاجه اصلا

زينه/يعني ايه

ميار/يعني بجد انا مش عارفه حاجه

زينه/بس انا شايفه نظرات الاعجاب المتبادله بنكم

ميار/ما انا بردو كنت شايفه نظرات الاعجاب اللي انتي دفنتيها جواكي

زينه/انا غيرك يا ميار

ميار/يعني ايه غيري

 

 

زينه/يعني انا واحده مليش حد خالص و اللي المفروض اهلي محدش فيهم سأل عليا…. حتي حازم اللي كنت فاكره انه بيحبني و بيخاف عليا… و كنت فاكره انه اول واحد هيدور عليا لحد ما يلاقيني مسألش فيا….. و زي ما يكونو كلهم ما صدقو اني مشيت… تفتكري بعد دا كله و هفكر في الحب الارتباط و حتي لو انا فكرت ايه ذمبه اللي هيحبني

ميار/ذمبه في ايه…. اللي انتي فيه دا حاجه مش بأيدك دي حاجه بتاعه ربنا و مش ذمبك ان اهلك ماتو……. بعدين ما هو كمان ذيك ملوش اهل و اهله ميتين…. تفتكري هيفرق معاه

زينه/بقولك ايه اسكتي خالص و متلعبيش في دماغي و يلا بقه خالينا نجهز كدا هنتأخر

ميار/وريني يا اختي هتلبسي ايه

زينه/تعالي هوريكي هنلبس ايه

ميار/وريني يا اختي

تحركت زينه الي ركن بجانب الدولاب و كان يوجد به اتنين عدد من الصناديق الكرتونيه متوسطه الحجم لم تنتبه لهم ميار

انحنت زينه و اخذت احدي الصناديق و اعطته لميار ثم انحنت مره اخري اخذت الصندوق الاخر و ذهبت نحو الفراش

زينه/تعالي يلا نجهز

ميار/ايه دا

زينه/افتحي العلبه و انتي تعرفي ايه دا

اخذت ميار بفتح الصندوق لتجد به فستان و معه الحذاء و الحقيبه و ايضا الحجاب

نظرت له ميار باستغراب و صدمه ثم نظرت الي زينه

ميار/يا بنت اللذينه مش دا الفستان اللي شفناه علي النت و عجبنا

زينه/ايوه هو انا طلبتهم من وقتها واحد ليا و واحد ليكي… ايه رأيك في اللون

ميار/تحفه… ما انتي عارفه اني بحب اللون دا

زينه/و انا اخترت اللون دا

ميار/استني من غير ما تفتحي اكيد اختارتي اللون الاسود

ابتسمت زينه/اكيد طبعا

ميار/يا بنتي انتي رايحه حفله مش رايحه عزا

زينه/عزا ايه يا جهله انتي دا الاسود دا ملك الالوان

ميار/مفيش فايده فيكي….. يا بنتي الاسود دا مش في الحاجات بيبقي جميل

زينه/مين قالك كدا….. اسكتي انتي مبتفهميش حاجه…..و خاليكي في الالوان بتاعتك و يلا يا اختي خالينا نلحق نلبس كدا هنتأخر

 

 

ميار/ايوة خاليني انا في الالوان بتاعي…… دا حتي الفستان في اللون الفيروزي تحفه في الفستان اما اشوف شكله ايه في اللون الاسود

زينه/انا متأكده انه هيبقي تحفه

ميار/طب يلا يا اختي

~~~~~~~~~~~~~~~
في الحفله كانت في احدي القاعات المفتوحه
كان زين و معتز يقفو بجانب بعضهما يرحبون برجال الاعمال و اعينهم من وقت للاخر علي الباب الرئيس للقاعه في انتظار من ملكو قلوبهم

مر قليلا من الوقت و لكنه مر عليهم كبيرا و هم في الانتظار حتي طلت كلا من زينه و ميار بجمالهم الطبيعي الهادي و بفساتنهم التي تخطف الانفاس برغم احتشامهم الا انهم كانو غايه في الجمال
اتجهت بعض الانظار اليهم مما ادي الي شعور زين و معتز بالغيره و يود كلا من الاخر اخذ ما تخصه و اخفائها بداخل احضانه بعيدا عن كل الاعين التي تنظر لهم

تقدم اكرم من معتز و زين و خلفه زينه و ميار التي تلون وجهه ملا منهم بحمره الخجل بسبب عيون كلا من معتز و زين التي تتركز معهم

اكرم

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية اين زوجي)