رواية لا استطيع الحياة بدونك الفصل الثاني 2 بقلم فريدة أحمد
رواية لا استطيع الحياة بدونك الفصل الثاني 2 بقلم فريدة أحمد
رواية لا استطيع الحياة بدونك البارت الثاني
رواية لا استطيع الحياة بدونك الجزء الثاني
رواية لا استطيع الحياة بدونك الحلقة الثانية
بسنت… انا هربت يايوسف هربت من اهلي
يوسف بعصبية .. انتي اتجننتي ازااي تهربي
بسنت… انا عملت ڪدة علشانك. علشان اڪون معاك
يوسف… انتي اللي عملتيه ده اكبر غلط. انتي الزاي تعملي ڪده وتسيبي البيت مينفعش. دماغك كانت فين
بسنت ..ڪنت عايزني اعمل ايه . افضل لحد ما ييجوا ويقولولي فرحك على ياسين النهارده..ساعتها انت هتبقى مبسوط
مسك ايديها وباسها بحب
يوسف .. لا طبعا انا ما اقدرش اتخيل انك تڪوني مع حد غيري
اتنهد وڪمل .. بس ده برده مش حل انك تهربي
سڪت ثواني وبعدين قالها… بصي انتي لازم ترجعي بيتكم
دلوقتى حالا
ومسك ايدها… تعالي معايا. تعالي اوصلك
بصتله بسنت بدموع وقالت …. انت بتقول ايه. انا استحالة ارجع تاني. يوسف بابا ما بيهددش ومادام قال هتجوز ياسين يبقى هتجوزه.. وانا استحاله اتجوز ياسين. ده شخص قاسي وما عندوش قلب زيه زي بابا بالظبط
مسڪت ايده التانية وقالت… يوسف تعالي نتجوز
يوسف.. انتي بتقولي ايه. ابوڪي رفضني يابسنت اتجوزك الزاي
بسنت.. مش مشكلة نتجوز ونحطهم قدام الامر الواقع. انا عندي 22 سنة يعني مش محتاجة وڪيل. صدقني دا الحل الوحيد
يوسف بعصبية… انتي بتقولي ايه انتي مجنونة. انا استحالة اتجوزك من غير موافقه اهلك
بسنت بدموع… واهلي عمرهم ماهيوافقو. صدقني مفيش حل غير كده . بقولك هيجوزني ياسين. بابا قال انو كتب الكتاب بكرة. مفيش وقت يايوسف
يوسف بصدمة… بتقولي ايه
بسنت بدموع … زي ماسمعت بڪرة هيڪتبو ڪتابي هتسيبني اتجوزه يايوسف
يوسف بحزن.. مفيش في ايدي حاجة اعملها
مسحت بسنت دموعها وقالت.. لأ في ايدك. في ايدك تتجوزني وتنقذني قبل مايجوزني ياسين
يوسف… مش هينفع يابسنت مش هينفع صدقيني. انا مقدرش اتجوزك من ورا اهلك مش اصول اني اعمل كده وكما
بسنت.. وخايف منهم صح
يوسف.. خايف عليڪي انتي
بسنت بدموع… لو خايف عليا بجد مترجعنيش ليهم. لو بتحبني متسيبنيش. بقولك هيجوزني بڪرة.. يوسف انا بحبك. هو انت مش بتحبني. يعني هتقدر تتنازل عني بسهولة ڪدة وتشوفني وانا بتجوز غيرك وتفضل ساڪت. هتسيبني اضيع منك
مقدرش يوسف يتخيل فڪرة انها تڪون لحد غيره حضن وشها بأديه وقالها بلهفة .. لا طبعا. انا مقدرش اشوفك بتضيعي مني وافضل ساڪت. انا بحبك وبعشقك
بسنت.. وانا عمري ما حبيت حد غيرك ولا اديت لنفسي فرصة اني اشوف غيرك. انا مقدرش اعيش من غيرك يايوسف من غيرك امو. ت
يوسف بحب .. بعد الشر عليڪي وانا ڪمان مقدرش ابعد عنك
ندي ابتسمت ابتسامه ممزوجة بحزن
وبعدين قالتلو .. ڪان نفسي اهلي يوافقوا علي جوازنا
ساعتها ما ڪنتش هضطر اهرب منهم علشان اجيلك وابقي معاك
اتنهدت وقالتلو .. انا خايفه اوي يايوسف
يوسف .. متخفيش ياحبيبتي انا معاڪي ومش هسيبك
لأني مقدرش اعيش من غيرك
بسنت .. طيب هنعمل ايه دلوقتي . انا خايفه يوصلولي
مسك أيدها .. طيب تعالي
بسنت .. هنروح فين
يوسف .. احنا لازم نمشي من هنا هما دلوقتي لو عرفوا انك سبتي البيت اول مڪان هيفڪروا فيه اڪيد هيجوا هنا
بسنت ..طيب انت ڪده هنروح على فين
يوسف .. تعالي بس
………
صباحا
دخلت ناريمان مامت بسنت الاوضه علشان تصحيها
بصت على السرير باستغراب لما لاقيته مترتب زي ما هو
اتجهت ناحيه الحمام وهي بتقول
_بسنت انت جوه ياحبيبتي.. يابسنت
ولڪن لا يوجد رد
فتحت باب الحمام ما لقيتهاش موجوده
ناريمان في نفسها ..هتڪون راحت فين على الصبح ڪده
جت تخرج بس لفت نظرها لما عينها جات على اوضه اللبس وشافت هدومها وهي على الارض متبهدله
اتحرڪت ناحيه الاوضه وقفت بصدمه لما لقت معظم هدومها مش موجوده ودولابها فاضي لما اتأڪدت انها سابت البيت
خرجت بسرعه من الاوضه
قابلتها نهلة سلفتها وهي بتقولها .. في ايه
يا ناريمان مالك
ردت عليها بقلق وخوف .. بسنت مش في اوضتها
نهلة بستغراب من خوفها .. طيب تلاقيها خرجت .
انتي مالك قلقانه ليه ڪده
ناريمان ..بسنت خدت هدومها ومشيت يا نهلة
وڪملت بعياط.. بنتي هربت
نهلة بصدمة.. اييه انتي بتقولي ايه.. هربت الزاي و ليه
ناريمان .. اكيد بسبب الولد اللي مراد رفضو ده .. انا ڪنت شاكة امبارح انها ناوية لحاجة بس متخيلتش انها ممڪن تسيب البيت
نهلة… طيب حاولي تڪلميها ياناريمان
ناريمان هزت راسها بعياط .. هروح اجيب تليفوني من الاوضة واڪلمها . يارب بس ترد عليا
نهلة .. أن شاءالله خير يا حبيبتي متقلقيش
……………….
عند بسنت ويوسف
بعد ما يوسف خد بسنت وراح شقة في محافظة تانية ڪان وارثها عن والدته ومحدش يعرف عنها حاجة
بسنت.. انتا متأكد أن المڪان ده امان
يوسف .. متقلقيش محدش يعرف حاجه عن الشقة دي
بس احنا بردو مش لازم نفضل هنا ڪتير .. احنا لازم نسافر
برا مصر .. بس الاول لازم نتجوز
……………….
عند مامت بسنت
ڪانت رايحه جايه في اوضتها وهي بتحاول تڪلمها
نهلة دخلت .. هاا ردت عليكي
ناريمان بقلق .. تليفونها مقفول ومش عارفه اعمل ايه ولا اتصرف ازاي
نهلة .. طيب ما تڪلمي مراد
ناريمان بخوف .. اييه اڪلمه اقوله ايه اقوله بنتك سابت البيت دا يقتـ لني ويقتـ لها
نهلة .. ماهو مفيش حل تاني . لازم يعرف عشان يتصرف
مسڪت ناريمان تليفونها بتردد ورنت عليه
ناريمان بصوت باڪي .. ايوا يامراد
مراد اتخض لما سمع صوتها ڪده .. في ايه مال صوتك انتو ڪويسين
ناريمان بعياط .. بسنت يامراد
وسكتت وهي مش عارفه تقوله ايه
مراد بقلق .. مالها ماتتڪلمي
ناريمان بتوتر .. سـ سابت البيت و وخدت هدومها ومشيت
مراد بعصبية .. مشيت فين يعني
ناريمان .. مش عارفه . مش عارفه
مراد بغضب وعصبية .. مش عارفه الزااااي بنتك راااحت فييين ياهاانهم
ناريمان بعياط .. مش وقتو يامراد نلاقيها الاول وبعدين اعمل اللي انت عايزه . بس ارجوك رجعلي بنتي
مراد قفل بغضب وڪلم رجالته يدوروا عليه
……………….
عند بسنت ويوسف
ڪانو خارجين من عند المأذون بعد ماڪتبو ڪتابهم واتجوزا رسمي
بسنت .. انا خايفه اوي يايوسف . اهلي لو وصولي مش هايرحموني
يوسف .. متخفيش ياحبيبتي . احنا خلاص اتجوزنا
ندي بخوف وقلق .. اتجوزنا من وراهم
يوسف بهدوء .. مڪانش قدامنا حل تاني
بعدين قال.. يلا مفيش وقت احنا لازم نسيب البلد قبل مايوصلولنا. انا خلاص جهزت ڪل حاجة. هنعدي علي الشقة ناخد هدومنا ونطلع علي المطار
…………………
عند مراد ڪان بيكلم ياسين ابن اخوه في التليفون
مراد .. اتصرف يا ياسين وهاتلي بنت ال**** النهارده
ياسين بهدوء مريب .. متقلقش ياعمي هاترجع وهتبات في البيت النهاردة
ياسين قفل مع عمو وهو بيتوعد لـ بسنت
ياسين بشر .. مش هرحمك يا بسنت ولو اللي في دماغي طلع صح مو..تك هيبقى على ايدي
ياسين مسك التليفون وڪلم حد
بعد شويه وصلتلو رسالة بالمڪان اللي هما فيه
قام خد تليفونه ومفاتيحه ونزل رڪب العربيه وطلع على المكان
…………
عند بسنت ويوسف
ڪانو في الشقة بيجهزو حاجتهم وفجأة سمعو خبط جامد علي الباب
بسنت اول ما سمعت صوت الباب مسڪت في يوسف بخوف
بسنت بخوف .. يالهوي . يالهوي اڪيد عرفوا مڪاني
يوسف .. ماتخافيش
وراح يفتح الباب
بسنت بغضب .. انت هتعمل ايه . متفتحش اڪيد همـ…
وقبل ما تڪمل الڪلمة ڪان الباب مڪسور وياسين دخل بغضب اعمي
بسنت برعب .. يـ .يا . ياسين
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية لا استطيع الحياة بدونك)