رواية حقيقتي البشعة الفصل الثاني عشر 12 بقلم سجين الوحدة

رواية حقيقتي البشعة الفصل الثاني عشر 12 بقلم سجين الوحدة

رواية حقيقتي البشعة البارت الثاني عشر

رواية حقيقتي البشعة الجزء الثاني عشر

رواية حقيقتي البشعة الحلقة الثانية عشر

نورا صحيت الصبح ونزلت تدور على شادي..لقت امير قاعد تحت
ماكلمتوش وهو تجاهلها..فضلت تدور على شادي..لما مالقتوش راحت عند امير
“شادي فين”
بصلها امير ودور وشه
“انت مش بترد عليا وبتدور وشك كده ليه”
“لسه شايفاني مانتي نازلة من ربع ساعة وعديتي من جنبي وماكلمتنيش”
“خلاص مش عاوزة منك حاجة”
جت تمشي امير اتحرك بسرعة وبقى فوشها..رجعت نورا لورا وحطت ايدها على قلبها
“اخر مرة تعمل كده”
اتحركت عشان تمشي مسك امير ايديها
“ايه مالك”
“انتي بقيتي تتصرفي كده ليه”
“ازاي يعني”
“فالاول كنتي بتعملي لكلامي الف حساب..ودلوقتي بقيتي تشتمي وتزعقي”
“فالاول عشان كنت خايفة منك..دلوقتي مش هخاف منك”
“بس انا مش عاوزك تخافي مني..انا عاوز نبقى اصحاب”
بصتله نورا باستغراب وعدم فهم
“ممكن نقعد برة فالجنينة نفطر ونتكلم شوية”

“ماشي اتفضل”
قعدت نورا وامير يفطروا
“انا عاوز اعرف منك انتي تعاملك معايا وحش ليه”
“انت اللي بتضطرني اعمل كده”
“ازاي”
“انت اللي بتتعمد انك تخوفني وتبعدني عنك..وبتبقى شديد معايا اوي وبتزعقلي وبتغصبني اعمل اللي انت عاوزه حتى لو انا مش موافقة”
امير”……….”
“شادي قالي اننا مفروض نتجوز..بالطريقة دي مش ممكن ابدا اننا نتفق..وعمرك ماهتكسب ثقتي كده”
امير”طيب قوليلي اكسبها ازاي”
نورا”خليني اخاف عليك مش منك..احس انك اماني..اشوف وشك متحول وامسك ايدك وانا عارفة انك مش هتأذيني..اسمع كلامك وانا حاسة انك خايف عليا وبتحميني مش عشان تتحكم فيا وخلاص…كده هتكسب قلبي”
امير بيبصلها اوي وابتسم مع كلمة”كده هتكسب قلبي”..نورا مش عارفة ازاي قالت الكلام ده ووشها إحمر
امير”انا مش زي اي حد عادي..لازم ابقى شديد دايما..عشان نليق على بعض لازم نفهم بعض ونقدر شعور بعض..لازم تحسي اني مهتم بيكي ومش عاوز ازعلك حتى لو كنت شديد معاكي ومش قصدي اخوفك مني..وعمري ماكان قصدي اقيدك واتحكم فيكي..ولازم تعرفي اني عمري ما هأذيكي تاني ولا اسمح لحد يلمس شعرة منك..كده انتي اللي هتكسبي قلبي”

نورا احرجت زيادة من كلامه وقامت”انا هشوف شادي جه ولا لسه”
“استني شادي راح فمشوار مع سارة..عاوزاه ليه”
“عاوزاه يروحني الكلية”
“ليه”
“ليه ايه الامتحانات قربت”
“ماينفعش يانورا..انتي لازم تسحبي ورقك”
“اسحب ورقي ايه مش هينفع طبعا”
“اسمعيني بس..هتبقي هدف للصيادين ولاي جماعة تانية..وبعدين عاوزة الجامعة فايه..انتي هتقودي عشيرتك..هنقودها سوا..وولادنا بعدنا”
“ولادنا مين انت بتفكر لبعيد اوي”
“هههههههههههه خلاص ياستي احنا اللي هنقودها دلوقتي”
“والصيادين قالولي لو مأذيتش حد مش هيلمسوني”
“ماقدرش اضمنلك انك مش هتأذي حد..انتي هجينة يعني فاي وقت انتي عاوزاه ممكن تتحولي”
نورا ارتعبت”يعني ايه انا انا ممكن اقتل حد”
امير لاحظ انها خافت”بصي لسه بدري عالكلام ده وانا هعلمك ازاي تتحكمي فقوتك”
قبل مايكمل امير كلامه دخل شادي”نور حبيبتي صحيتي امتى”
قرب عليها وباسها من خدها”من زمان وكنت بدور عليك”

“ليه عاوزة حاجة اجيبهالك”
“لا خلاص ولا حاجة..سارة فين”
“شوية وهتيجي..عاوزة تعملي ايه انهاردة”
“مش عارفة بس انا مليت اوي من القعدة”
“امممم ايه رأيك لما تيجي سارة نلعب كورة فالجنينة”
“ماشي اي حاجة”
“انا وانتي مع بعض وامير وسارة مع بعض”
امير”واشمعنى نورا معاك”
“عشان اختي”
“ماتنساش انها هتبقى مراتي قريب”
“لما تبقى مراتك ابقى اتكلم”
نورا اتكسفت”ايه ايه عمالين تتكلمو كده كأني مش موجودة انا مش هتجوز امير اصلا”
امير”كده..شكل البيسين وحشك”
نورا استخبت ورا شادي”لا وحشني ايه..انت بتغير كلامك ليه لسه بتقول مش هتخوفني”
سارة “انا جييييييييييت..عاملين ايه من غيري”
امير”مرتاحين جدا من رغيك”

سارة”ههههههههههه اخص عليك”بصت لنورا اللي لسه واقفة ورا شادي”انتي بتعملي ايه”
طلعت نورا من ورا شادي”ها ولا حاجة..كنا مستنينك..هنلعب كورة انتي مع امير وانا مع الحلو ده”
سارة”ليييييييييه ليييييييييه انا مع امير”
امير”انتي تطولي اصلا انك تلعبي معايا”
نورا”مغرور اوي”
امير”ماشي اشتمي كويس انا هوريكي ”
نورا وقفت ورا شادي”مش هتقدر”وطلعتله لسانها
شادي”هههههههههه طيب ايه هنفضل نتناقر يلا غيروا هدومكوا..هتلاقي كيس فاوضتك فيه شورت وتي شرت وكوتشي”
“تسلملي ياحبيبي ”
وباسته من خده وطلعت تغير هدومها
بعد ربع ساعة كانو فالجنينة وقعدو يلعبو كتير لحد ماتعبت نورا وقعدت
نورا”اااه خلاص مش قادرة”
امير”قومي بلاش كسل”
نورا”لالالامش قادرة خلااااص انتو مش بتتعبوا…انا هروح آخد شاور”
راح امير شالها عشان يرميها فالبيسين”وتروحي للشاور ليه الشاور يجيلك هههههههههههههههه”
نورا”لالالا شادي الحقني”
شادي بيضحك”نزلها يا امير”

امير ماسمعش وراح راميها فالمية جت سارة وراه ورمته هو كمان
نورا طلعت من البيسين وهي بتضحك عليه
امير طلع وجري ورا سارة اللي طارت
شادي بيبص لنورا وفرحان انها مبسوطة
————————————————————————-
زياد قاعد فكافيه بيفكر ازاي يخرج نورا من القصر بتاع امير..خصوصا ان آسر قاله انها هتتجوزه
“اكيد عاوزة تهرب منه وهو حابسها..انا لازم اساعدها بس ازاي؟؟”
عدت اسابيع نورا وامير بقوا اصحاب..ساعات امير بيتعصب عليها لما تعمل حاجة بس اول ماتعيط بيلين وبيعتذر وبدأ يحبها..هي قدرت تفهمه اكتر وتفهم طباعه واسلوبه وحاسة بيه
شادي بقى يعرف يتحكم فنفسه كويس بمساعدة سارة..وحاسس انه بيحبها
سارة مالت لشادي بس هو اصغر منها..
نورا عرفت الاوقات اللي بيتغدوا فيها وماكنتش بتنزل بس بتفضل تراقبهم من شباك اوضتها فالضلمة ومش خايفة منهم عشان عرفت انه هيجي يوم وهتعمل زيهم
خصوصا انها عرفت اول ماتتجوز امير هتضطر تشرب دم عشان الاكل مش هيبقى كفاية عشان تبقى قوية وتقود العشيرة مع امير……….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حقيقتي البشعة)