رواية رونز قلبي الفصل الثاني 2 بقلم رونز مراد
رواية رونز قلبي الفصل الثاني 2 بقلم رونز مراد
رواية رونز قلبي البارت الثاني
رواية رونز قلبي الجزء الثاني
رواية رونز قلبي الحلقة الثانية
رونز: أ..أصل تميم ابن عمتي كان جاي من السفر وكنت يعني..كنت بقابله مع تيته
أدهم بغضب وغيرة: نعم يختي ازاي الكلام دا يحصل ومن غير ما أعرف انطقي؟!
رونز بتوتر: و.. والله تيته اللي قالتلي وعرفتني إننا مش هنغيب
أدهم: تيته!
لا تمام أوي براحتك يا رونز أنا ماشي أحسن ما أنفجر فيك
رونز: يا أدهم خد بس
أدهم وهو طالع
الأم دخلت: رايح فين يا أدهم
أدهم بيبص عليها بسخرية: معلش يا ست الكل همشي بقى خلاص اتصالحنا
رونز بصيت في الأرض
الأم بشك: انت متأكد
أدهم: عن إذنك سلام عليكم
الأم: وعليكم السلام ورحمة الله وبركاته
الواد ماله مش مفروض جاي يصالحك؟
رونز والدموع في عنيها: عرف إني روحت أقابل تميم مع تيتة في المطار
الأم: وانت معرفتهوش ولا ايه
رونز بزعل: لا يا ماما قولت مش مستاهلة وبعدين هو عاوز يتحكم فيا من دلوقت!
الأم: هو ايه اللي مش مستاهلة
انا عارفة انك لسه في بيت أبوك يا رونز بس دا احترام منك ليه ملوش علاقة بالسيطرة ولا التحكم اللي بتقولي عليه
رونز بزهق: خلاص يماما أهو بدل ما يصالحني البيه هو اللي زعل
الأم: الله يهديكم
صحيح قالي قبل ما تطلع تقابليه ماما وفاء عزمانا بكرا واستأذن من باياك بالمرة ياخدنا نشوف الشقة بتاعتكم
رونز بسرحان: بإذن الله يا ماما
رونز استأذنت من مامتها ودخلت الأوضة حسيت إنها غلطت لما خرجت من غير ما تقوله وخصوصاً إنها كانت هتشوف تميم
اتنهدت واتصلت على شهد تحكيلها
في مكان تاني
عمر: يا أدهم اهدى انت عارف رونز مش قصدها بس هتلاقي كانت زعلانة من هزارك مع البت دي
عمر يبقى صاحب أدهم وابن عم رونز وأخوها في الرضاعة
أدهم بعصبية: دي حاجة ودي حاجة يا عمر لا وكمان خرجت تستقبل مين تميم أقوم أخبط دماغها في أقرب حيطة!
عمر بضحك: معلش المهم اتصالحتو علشان تبقى عزومة حلوة بكرا
أدهم بص بسخرية
عمر: لا متهزرش متقولش إنك اتخانقت وعكيت الدنيا
أدهم: اومال عاوزني أسقف لها
عمر بهدوء: أدهم اعقل كدا فيه ايه المفروض انت الطرف العاقل في العلاقة دي..المفروض برضو تزعل بس تعاتب وتفهمها غلطها مش تنطح وتسيبها تخبط دماغها
أدهم: اهو اللي حصل بقى
عمر: طب خلاص سيبها تهدى بس النهاردة وبكرا أحاول معاكم تاني
أدهم بإبتسامة: لا مش هتتصالح بسهولة انا عارف خصوصاً انها غيرانة من البت دي
عمر بتهكم: يحنين طب وبتزعلها ليه من الأول
ادهم بضحك: الحب بقى وبعدين مكنش قصدي هي اللي زعلت..أنا ماشي متنساش بكرا تكونوا في البيت على 7 كدا وتيجوا
عمر: طب افرض رونز عندها درس؟
ادهم بغمزة: لا متخافش عندها عندي هنخلص الحصة ونيجي سلام
رونز بعد ما حكيت لـ شهد واتفقت معاها إنها هتكلمه واتس وتحاول تصلح اللي حصل
رونز في شات أدهم
احم نحن هنا ومحدش بيسأل فينا
أدهم أول ما وصلت الرسالة وشافها فرح إنها عاوزة تصالحه بس قال يبقى بارد معاها شوية
ادهم: خير فيه حاجة؟
رونز اول ما شافت الرسالة اتوترت واتأكدت إنه زعلان
رونز: يا أدهم بقى انت عارف مكنش قصدي وبعدين ما انت كمان غلطت
أدهم كان خرج من الشات وعارف إنها بتزهق من الحركة دي
أدهم بعد شوية: أنا غلطت!!
رونز قاعدة تمشي في الأوضة ومتعصبة انه فاتح ومش بيرد ومعلق شاتها
رونز: ايوة غلطت وهزرت مع البت دي وانت عارف كويس إني مش بحبها ولا بحب حركاتها ليك
أدهم: وانا مهزرتش هي اللي قالت حاجة وضحكنا كلنا عليها نينيني
رونز بعصبية وغيرة: صح علشان كدا بتقولك ضحكتك حلوة يا مستر
أدهم بغيرة أكتر: وانا قولتلها تلزم حدودها ثم انك برضو غلطت لما تخرج من غير ما تقوليلي لا ورايحة تستقبل سي زفت
رونز والغيرة اتحكمت منها: بلاش تشتم وبعدين أنا فكرت مش هغيب زي ما تيته قالتلي
أدهم بيكتب: يعني شايفة إنك مش غلطانة؟
رونز بعناد: لا..وحضرتك شايف إنك غلطت صح؟
أدهم: نشوف الموضوع دا بكرا اقفل يلا وقوم اكتب واجبك سلام
رونز زعلت ودمعت إنه المرة دي قفل من غير ما يراضيها زي كل مرة وقامت تكتب الواجب
في بيت شهد
شهـد: ماما أنا قولتلك كام مرة مستر عمر أستاذ وانا طالبته
مامت شهد: يبت انت ناسية انه طلبك مني قبل كدا طب طمنيني لسه زي ما هو ولا خلاص؟
شهد وهي بتفتكر تغير معاملته معاها: لا يماما وبلاش تفتح الموضوع تاني لو سمحت
توضيح » أدهم مدرس عربي و عمر مدرس فيزياء وأبطالنا في 3ث
تاني يوم بعد ما جه ميعاد درس أدهم
شهد ورونز كانوا داخلين وقابلوا أدهم كان بيكلم السكرتير في حاجة
أدهم ببرود: متأخرين عشر دقايق ليه؟
رونز بزهق من بروده: المواصلات وبعدين لسه فاضل 5 دقايق
وشهد ساكتة عارفة إنه بيعاملها كدا علشان ينكش في رونز
أدهم على نفس تجاهله: اتفضلوا بعد كدا التأخير ممنوع
رونز وخلاص هتعيط من معاملته وبتقول لـ شهد: شوفتي شوفتي بيعاملني ازاي ومش هاين عليه يقولي معلش
فجأة
أدهم قبل ما رونز تدخل: رونز تعالي
ورايا وسابها ودخل الأوضة اللي بيشتغل فيها وبيرتاح فيها من الدوشة
رونز بزعل: مش عاوزة أروح يا شهد بجد
شهد: روحي بقى هيصالحك بإذن الله متخافيش
رونز خبطت ودخلت
أدهم بتحذير : رونز من غير كدب انت….
رونز بصت في الأرض و…
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية رونز قلبي)