رواية زوجتي الصغيرة الفصل الثاني 2 بقلم هنودة النايلي
رواية زوجتي الصغيرة الفصل الثاني 2 بقلم هنودة النايلي
رواية زوجتي الصغيرة البارت الثاني
رواية زوجتي الصغيرة الجزء الثاني
رواية زوجتي الصغيرة الحلقة الثانية
الممرضة:اهما تحليل
فرح:في نسبة حمل
الممرضة:للأسف لا ربي يرزقك
غزل:حسيت أحباط بخوف أن مصعب يتزوج عليااا
ررحنا ف طريق وخوي كان كل شوية يشوفلي
أحمد:غزل مادوريش ربي كريم وقاعدة صغيرة انتي
غزل:لا عادي
وصلنااا
وكان مصعب واقف قدام الباب وعيونة فيهم الشر
مصعب شاف لغزل بنظرات يخوفو
غزل:كنت مريضة وكلمتك مارديتش بتعلك مسج
مصعب:به هيا وتي روحك
غزل:مشيت وتيت روحي ودرت شوية لماسات
مصعب:كيف حالك توا
غزل:تمام كويسة
وصلنا للحوش
………………………………………
……………………………………..
مريم:يامرحبا
غزل:سلمت عليهم
أسيل:حماتي :شن جو غزل
غزل:تمام كويسة
أسيل:تصدقي اخي الحوش من غيرك تعودنا عليك
غزل:هه به كويس
وركبت نظمت أموري خشيت للكوجينة
مصعب:أنزلي طيبي عشي ماليا لوطة
غزل:تمام لبسة ونزلت
مريم:شني بطيبي العشي اليوم
غزل:والله كيف مأنتم تحبو
أسيل:خلي نخش معاك
غزل:تمام😍
أسيل:شن نديرو
غزل:نديرو رز أبيض ونتبلو دجاج ونقلو بطاطة
أسيل:تمام
غزل:وبدت تغسل ف دجاج ،أسيل أنتي ديري رز
أسيل:تمام
غزل:شن جو المعهد
أسيل:تمام قراية وخلاص
غزل:لكن ف تغير جو
أسيل:اي صراحة خير من الحوش
غزل:وقعدت سرحانة ،بالها مشي كان قعدت ف حوش عيلتها وكملت قرايتها ،أففف كان حلمي دكتور أطفال🤦🏻♀️
غر علاش تزوجتي قص عليا تفكير مصعب
مصعب:غزل غزل
غزل:نعم
مصعب:بالله وراس غزولا قهوة
غزل:خشيت درتهالا بكل حب حسيت جوة حلو😍
خليفة:أب مصعب،:شني جو المحل في خدمة
مصعب:ماشية
غزل:هي جبتلك القهوة ،هلي نجيب لعمي مانحساباشي قاعد
خليفة:أعطيني طاسة لفي يدك مرتك تو تجيبلك
مصعب:شاف لطاسة به هاك خودها،،🙂
خليفة:وين خوك
مصعب:والله مانعرف
خليفة:اليوم ماجاش
مصعب:اكيد مشي مع واحد مع صحابة
غزل:جابت طاسة القهوة ومشت رجعت للمطبخ
أسيل:غزل
غزل:كانت تقلي ف البطاطة ،نعم
أسيل:نبي جاكيت بتعك غدو بنلبسة
غزل:تمام عادي أركبي بعدين وخودية
أسيل:تعرفي غدو بنطلع اني وصاحباتي ماتقوليش لمصعب
غزل:لالا مستحيل
وحطينا العشي وتعيشنا وكان جونا يهبلللل
………………………………………..
……………………………………….
تاني يوم ….
مرام:أسمعي قاعدين اليوم ف الحوش العيلة
غزل:اي
مرام:اي خلاص بنجي لعزوزتك وبعدها نركبلك
غزل:تمام ،وصكرت من مرام ونزلت لحوش العيلة
مريم:وينك الحوش قاعد حايس وناس بتجي
غزل:به غير أختي تصلت بيا مرام بتجيك
مريم:اه به مرحبتين فيها
غزل:بديت نظم وخشيت طيبة الغدي وقعدنا نراجو ف البنات يجو من المعهد وتانية من المدرسة ومصعب وخوة وبوه ،ي عمتي خلي نركب فوق نظم حوشي
مريم:به قبل مايجو بخمسة دقايق انزلي سقي
غزل:تمام ،وركبت نجري نظم ف حوشي ،شفت لساعة لقيتها مزال مدامة مزال شوية خلي ندوش قبل يجي مصعب ريحتي بصل،خشيت دوشة وطلعت ملبس ونزلت نجري
مريم:خيرك عطلتي مش قتلك قبل مايجو بخمسة دقايق
غزل:تمام مافيش من جي
مريم:رغد جت من المدرسة
غزل:خشيت سقية الغدي وجو كلهم وتغدينا
مصعب:انتي طيبتي
غزل:اي
مصعب:حط يده ع كتافي ايوا احني مرتي الفالحة
غزل:اني تحشمت😊،صحتين
مريم:هي أغسلي الماعين قبل تجي اختك
غزل:خشيت بنغسلهم
أسيل:تو نخش اني نغسلهم
غزل:تمام وخلي ندير دورة ع الحوش
أسيل:تمام هي بري
غزل:خشيت ضميت الحوش وركبت بدلت ونزلت
……………………………………..
……………………………………..
مريم:وتي الشاهي انتي وأسيل اكيد ع جية
غزل:اي كلمتني قتلي شوية ونوصل وقطع علي كلامي صوت الباب،اكيد مرام
مريم:بري أفتحي
غزل:مشيت فتحت ،كيف حالك مرام وبستها وشديت روان بنتها
روان:كيف حالك خالتي
غزل:الحمدالله وانتيي كيف حالك وقعدت نبوس
مرام:كيف حالك حمدالله ع سلامة وان شاالله لاباس عليك
مريم:ان شاءالله يارب كيف حالك انتي وكيف حال صغار
مرام:الحمدالله
مريم:كيف حال راجلك
مرام:كويس الحمدلله
وقعدنا نهدرزو وظيفت مرام
غزل:شن هي تركبي مرام
مرام :تمام وركبت
غزل:واني ف أيدي روان
………………………………………………
……………………………………………..
مريم:شوفتها جت أختها ماركبتنيش ولا ركبت بناتي
خليفة:ماتتحشمش
مريم:مش منها من ولدك ماربهاش
خليفة:تو نكلمة
مريم:مش تنزل ساعة 11وتتمرخا ف ضمان ونقعد نعاون فيها اني تعبانة ومريضة وبدت تنزل ف دموع التماسيح😂💔
خليفة:خلاص معش تبكي تو يجي ولدك تو نقولة
مرام:شن جوه معاك
غزل:امس جوه حلو
مرام:مافتحش موضوع الحمل
غزل:لالا
مرام:ربي كريم معش تفكري ف الموضوع هلبااا حت نفسية تلعب دور خليها ع ربي
غزل:ان شاءالله
مرام:جيبي نديرلك ميك اب لانه قريب نروح
غزل:تمام وجبت مكياجي
مرام:بدت تمكيج فيا وكملت
غزل:نضت شفت روحي حي نهبللل طالعة
مرام:هي اني راجلي يتصل بنروح ديري شعرك
غرل:هي تمام سلمت ع اختها ونزلت مرام ،أستشورت شعري ولبسة قعدت نراجي ف مصعب
مصعب:فتح الباب
غزل: اني وقفت
مصعب:ماشاءالله ع مرتي زي الغزالة
غزل:هدا من ذوقك
مصعب :صكر الباب
خليفة:مصعبب مصعب
مصعب:سمع صوت بوه فتح الباب ،،،نعممم
خليفة:تعالا
مصعب:شوية ونجيك
غزل:تمام
مصعب:نزل ،نعم ي بوي
خليفة:أسمع مرتك تنوض متأخر وتتمراخا ف ضمان ومش نظيفة ومتعبة أمك كله امك دير فيه وامك مريضة ووووووو ،،،عبالة راسه قوللها تنزل من ساعة8 مش 10
مصعب:ركب وكان كله يغلي ع غزل
غزل:سمعت بوه وكانت ترعش
مصعب:اسمعي بنقولك من ساعة8 نوضي وانزلي لوطة ونسمع امي تشكي منك ياغزل حاتشوفي مني شي ماعمرك شفتيه
غزل:ماقدرتش تتكلم لانه كانت بتتكلم بتاخد طريحة ،،،تت مام ،وخشيت لحمام قعدت نبكي ع نفسي كيف اني مظلومة شني عمري مش نشوف شي هدا اني نظلمت من العيلة وراجل كل يوم يهين فيا ع خاطر صغار والعيلة مخليني زي شغالة 💔غسلت وجهي ومشيت رقدت ودموعي ف خدي
…………………………………………….
……………………………………………
بعد مرور أيام،،،
غزل:مصعب:مرام مريضة
مصعب:خيرها
غزل:العيل خارج رحم
مصعب:بجديات
غزل:اي نبي نمشي
مصعب:تمام وتي روحك
غزل:مشيت لبسة واني فرحانة كنت متوقعة يقولي لا
ومشنيا وصلنا للعيادة…..
مصعب :ان شاءالله لاباس عليك مرام
مرام:ماليك باس
مصعب:ربي يعرضك خير
مرام:ان شاءالله وربي يرزقكم
مصعب:كان مارزقناش شهر هدا بناخد ع أختك
غزل:نصدمت وتجمدت ف مكاني وحسيت دنيا لفت بيا وقريب عيطت ماكنتش متوقعة يقولها لأختي والله صعب شخص يهينك قدام حد من عيلتك
مرام:لا عاد مش لدرجة هدي مزال انت صغير واختي صغيرة
وررحنا…..
غزل:تبي تتزوج
مصعب:ايييي
غزل:وقت قتهالي ماتكلمتش لكن خلاص لحد اهني خلاص عيت مصعب راهو عيت مش بيدي اني
مصعب:تعرفي لحارقني ،خوتك لتزوجنا ف يوم واحد نساوينهم حملووو وخواتك زوز حملو إلا انتي علاش شن سبب
غزل:علت صوتها ربي ماباش يعطينا مزال ماشفكش قد المسؤلية
وبدي نقاش قوييي بينا ماحسيتش إلا وووو😱😭😭
مصعب:😡😡
يتبع
الكاتبة :هنودة النايلي
علي فكرة كل لكتبتة واقعي صار مازدتش حت حرف
وزي ماقتلكم صاير مع واحدة قريبة عليااا هلبااا يعني مش يجني حد ويقولي القصة قاريتها او حاجة فانحب نقوللكم وشهادة بالله مافي حرف كدب ولا زدته
يتبع….
- لقراءة الفصل التالي : اضغط هنا
- لقراءة الرواية كاملة اضغط على : (رواية زوجتي الصغيرة)