رواية عندما يعشق الظابط الحلقة الثامنة 8 بقلم حسناء السيد

 رواية عندما يعشق الظابط الحلقة الثامنة 8 بقلم حسناء السيد 

رواية عندما يعشق الظابط الحلقة الثامنة 8 بقلم حسناء السيد

رواية عندما يعشق الظابط الحلقة الثامنة 8 بقلم حسناء السيد 

أمان كان بيلف بالعربيه فجأة شاف أماني قاعده تحت شجره في شارع أنواره خفيفه وبتعيط وهدومها مبتله من المطر وفجأة راح راجل ناحيتها وقال: اي القمر قاعد لوحده في المطر هنا لي وراح يحط ايده علي أماني فجأه لقي ايد تانيه مسكت ايده بطريقة وحشيه وقال ااااااه 

طبعا كانت ايد أمان اللي مسكت ايد الراجل وأمان قال: انت يا حيوان ازاي تفكر تلمسها أصلا 

الراجل: وانت مالك اصلا انا حر في اللي أعمله 

أمان: مالي ازاي يا حيوان وانت بتحط ايدك علي مراتي ده انا هحبسك 

الراجل: لا أرجوك أنا آسف انا عندي أطفال أرجوك خليني ارجع بيتي وأوعدك مش هتتكرر 

أمان: طيب يلا غور واياك تكررها مع اي بنت تانيه 

الراجل: اوعدك مش هتتكرر ،شكرا لأنك سيبتني وبعدين الراجل مشي….

أمان: انتي اي اللي مقعدك هنا  قومي 

أماني بتعيط ومردتش عليه 

أمان: قلتلك قومي يا أماني 

أماني: هقوم أروح فين أنا 

أماني: هنرجع بيتنا يا أماني هتروحي فين يعني 

أماني: لا مش بيتنا يا أمان ده بيتك انت لوحدك والأوضه اللي انا كنت بنام فيها دي اوضتك انت وانت اللي قلت انها اوضتك ومش هتطلع منها 

أمان: يا أماني كلها ٦ شهور وهنتطلق استحملي ال٦ شهور دول 

أماني: معلش انا مش مضطرة استحمل اكتر من اللي استحملته ده ياريت تسيبني أرجع قريتي 

أمان: ترجعي قريتك لمين أصلا وهم فاكرينك ميته 

أماني: ازاي يعني فاكريني ميته 

أمان: كل أهل قريتك عرفوا بموت آدم وفاكرين انك ميته انتي كمان 

أماني: ما انا فعلا ميته ،انت قتلت جوايا كل حاجة حلوه ،انت فعلا دمرتني بمعني الكلمه يا أمان

أمان: قومي من علي الأرض بقا يابنتي مش شايفه الرعد والمطر هيجيلك برد 

أماني: علي أساس انك مهتم اووي اذا كان هيجيلي برد ولا لا ،عايزني ارجع معاك لي علشان تفضل تغيظني بمراتك الجديدة 

أمان: دي اختي مش مراتي والله اختي 

أماني: أيا كانت متفرقش معايا بس لما هي اختك كنت جاي بتقول انها مراتك لي ،فاكرني هغير عليك ،صدقني انت متهمنيش اصلا 

أمان: ولا انتي تهميني بس للأسف انتي مسؤوليتي لمدة ٦ شهور وبعد كده هتبقي حره ،لو سمحتي قومي ارجعي معايا البيت وبعد ال٦ شهور ابقي اعملي اللي يريحك ..وبعدين أماني قالت في نفسها: مفيش قدامي حل غير اني ارجع معاه لأن الشارع خطر جدا عليا ..وقامت وركبت العربيه معاه وهو زعلان لأنه زعلها كتير في اليوم ده وبعدين قال في نفسه: هو انا شاغل بالي بيها اوي كده لي ما تتحرق انا مالي ولي ضميري بيعذبني علشانها اووي كده وفجأه طلع من بحر افكاره علي صوت عياطها 

أمان: انتي بتعيطي لي دلوقتي 

أماني: حتي العياط مستخسره فيا 

أمان: انا غلطان اني سألتك هتقلبيها دراما بقا ..أماني مردتش عليه وفضلت ساكته لحد ما وصلوا البيت ..

أماني راحت اوضة الصالون وكانت هتنام 

أمان: انتي داخله اوضة الصالون لي 

أماني: هنام 

أمان: مفيش نوم فيها انتي هتنامي في اوضتنا 

أماني : الأوضة اللي بتقول عليها اوضتنا دي تبقي اوضتك انت بس زي ما انت قلت 

أمان: عارف اني قلت انها اوضتي متفضليش تعذبيني بسبب الكلمة كل شوية ما انا قلتلك هتشاركيني فيها لأنك شريكة حياتي 

أماني: وأنا مش عايزه اكون شريكة حياتك 

أمان: كلها ٦ شهور وهتبقي حره يا أماني ،اتفضلي تعالي نامي في الأوضه علشان صوتي ميعلاش دلوقتي وكل اللي في البيت يصحي علي صوتنا وهقولهم  أصلها مش عايزه تنام في الأوضه واستحملي بقا اللي هيتقال .. أماني سابته وراحت الأوضه ودخلت غيرت هدومها وراحت تنام وامان دخل الاوضه وراح ينام هو كمان .. وتاني يوم ..

أمان: اي يااحمد في اي 

أحمد: عندنا مهمة مدتها ٣ أيام متواصلين 

أمان: هو انا لازم ابقي القائد 

أحمد: ايوه يا أمان انت القائد هم كلهم ٣ أيام وهترجع البيت تاني ان شاء الله

أمان: خلاص ماشي ساعة وجاي 

أحمد : تمام ،في أمان الله 

أمان: في أمان الله ….وبعدين أمان راح يفطر وقال : يا جماعه انا عندي مهمة مدتها ٣ أيام مش هرجع البيت غير بعد ٣ أيام ..

أماني في نفسها : هو انا لي حسيت اني مش مرتاحه لما قال انه هيغيب عن البيت ٣ أيام ،بالعكس لازم أكون مبسوطه اني هرتاح منه ..وبعدين راحت الاوضه وفجأة لقت أمان فتح باب الأوضة ودخل فتح الدولاب وحط هدومه في شنطة وقالها: خلي بالك علي نفسك كلها ٣ أيام وهرجع ان شاء الله متطلعيش من البيت لو احتاجتي اي حاجة كلمي احمد هو رقمه متسجل علي التليفون ده وخلي التليفون معاكي وإياكي تحاولي تهربي يا أماني قلتلك استحملي ٦ شهور بس 

أماني: ماشي ..

أمان: في أمان الله 

أماني: في أمان الله وبعدين أمان سافر ….

في الليل 

أماني: انا خايفه انام في الاوضه لوحدي انا اتعودت انه يكون موجود معايا ،هعمل اي دلوقتي بس وفجأة شافت صورته قامت اخدتها وحطتها في المكان اللي بينام فيه (علي الكنبه) وقالت: اهو كده هعتبرك موجود ومش هخاف انام لوحدي ومر الوقت وفاضل ليلة علي موعد رجوع أمان 

أماني: المفروض انه هيرجع بكره الظهر ،بس الحمد لله علي الأقل يبقي موجود في الأوضة  بدل ما انا مش لاقيه حد اتخانق معاه وحاسه بالملل وخايفه انام فيها لوحدي ..وبعدين نامت ..تاني يوم المغرب 

أماني: كان المفروض أمان يرجع الظهر هو لي اتأخر كده وبعدين رنت علي أحمد: الو السلام عليكم 

أحمد: وعليكم السلام ورحمة الله وبركاته نعم يا مرات اخويا 

أماني: أمان فين يااحمد 

أحمد: أمان لسه مرجعش ولا اي 

أماني: مش بتقول يامرات اخويا يعني بتعتبر أمان اخوك مش صاحبك بس يبقي المفروض تكون عارف مكانه 

أحمد: طيب هحاول اتصل عليه واشوفه 

أماني: ياريت لو كلمتة تبقي تقولي 

أحمد: طيب حاولي تتصلي عليه انتي 

أماني: لا مش هحاول ،اتصل انت عليه بدون رغي كتير فهمت 

أحمد:  فهمت …وبعد خمس دقايق أمان وصل و……

يتبع..

لقراءة الحلقة التاسعة : اضغط هنا

لقراءة باقي حلقات الرواية : اضغط هنا

نرشح لك أيضاً رواية شظايا القدر للكاتبة فاطمة عيد.