رواية جريمة عشق 4 الفصل الثاني والأربعون 42 بقلم مريم نصار
رواية جريمة عشق 4 الفصل الثاني والأربعون 42 بقلم مريم نصار
رواية جريمة عشق 4 البارت الثاني والأربعون
رواية جريمة عشق 4 الجزء الثاني والأربعون
رواية جريمة عشق 4 الحلقة الثانية والأربعون
فيلا الصاوي.
آسر راجع من الچيم بعد الشغل. ومرهق جدآ. ودخل من باب الفيلا..وسمع صوت كارما بتضحك.وقرب منها..
وقلبه دق لحياة الرقيقه ال قاعده مع كارما..وابتسم بحب كبير..وقال. مساء الخير يابنات..
كارما : بسعاده.. مساء القمر ع أجمل أبيه آسر.
حياة : بحرج كبير..احم مساء الخير يا آسر..
آسر : حط شنطة الجيم..وقعد قصادهم..وقال بإستغراب.. ايه قاعدين لوحدكم ليه؟ وفين العيله؟
كارما : قامت وجريت قعدت جمبه بسرعه.. وقالت بحماس.. عندي ليك اخبار حلوه اوي يا أبيه..
آسر : رفع عينيه ل حياة..وابتسم..ياترى ايه الاخبار دي ياكارما..
حياة : اتوترت..ونزلت عينيها بسرعه. احم.
كارما : بسعاده..ياسين ابن عمتو القمر..راح انهردا يتقدم ل عروسه وجدو وناناه وبابي ومامي معاهم..
آسر : كشر عينيه بتعجب..ياسين..!!!! بيتقدم لعروسه؟
حياة : بتوتر. احم هو الموضوع جه بسرعه.. مامي قالت إن أبيه ياسين قالهم امبارح بليل بس. وع فكره انت تعرف العروسه..!!!
آسر : رفع حاجبه..يبقى من العيله بقى. مش كدا ولا ايه؟
كارما : بحماس ونفي.. لأ لأ لأ..العروسه تبقى همس. ال كانت موجوده في الفرح..ومامي قالت إنها شغاله معاكم ف الشركه..انت متعرفهاش؟
آسر : بإعجاب..اوو..همس المنشاوي.!! لا طبعا اعرفها. دي بنت كويسه جدا..
حياة :اتنهدت بخنقه.وبان ع ملامحها الضيق والغيره.
واحنا عارفين طبعا انها غريزه حتى بين الأصدقاء مش الاحباب وبس..
آسر : غصب عنه ضحك بصمت.وقال..مالك ياحياة؟
حياة : بخنقه ونفس التوتر..ا..ابدا احم.مفيش حاجه..
كارما : حطت ايدها ع معدتها..وقالت اه انا جوعت اوي..
أبيه آسر حضرتك هتتعشى معايا انا وحياة؟اقول للداده تجهز عشا..
حياة : برفض لا ميرسي يا كارو..انا ماليش نفس للأكل..
آسر : بمكر..طيب ايه رأيكم يابنات..لو نطلب ديلفري..ونقعد احنا التلاته نتعشى مع بعض ف الجنينه.؟
ها ايه رايك ياحياة؟ وع فكره انا راجع من الجيم وجعان جدآ..
حياة : بحرج.احم ال انت عايزه يا آسر..
آسر : بحنين..انا عايزك توافقى..!
حياة : بلعت ريقها بتوتر..احم م..موافقه..
كارما : سقفت وااااو يبقى نطلب اكل كتير جدا لاني جعانه اوى اوى..وعايزه كانز وحلو مع الديلفري يا ابيه..
آسر : طلع الفون..وقال وانا تحت امر كارو..وا… وحياة..
حياة : قلبها دق بقوه..وحست انها حرانه من الإحراج..
آسر : حس بيها. وقال بجديه..ها يا كارو انتى وحياة تحبه تطلبو ايه؟
كارما : بنهم..انا عايزه بيتزا L وعايزه كريب فراخ.
وكانز..ولو هتجيب حلو يبقى مولتن كيك.
آسر : بهزار..اكلتك بقت ضعيفه أوي ياكارما.. ههههه.
كارما : الدايت بقى هههههههه.
آسر : وانتي ياحياة..!!
حياة : باحراج..اي حاجه..
آسر : ابتسم..طيب ايه رايك اطلبلك ع زوقي زي ما انا هطلب ليا.؟
حياة : هزت راسها بابتسامه رقيقه..زي ما تحب..
آسر : اتصل..وطلب الاوردر.. وقفل..
وقام وقف.وقال..
..طيب يابنات..انا هطلع اخد شاور. انتو بقى اطلعوا اقعدو ف الجنينه من دلوقتي..وانتى ياكارو انتى وحياة ظبطو لينا المكان كدا..اوك.
آسر طلب منهم يخرجو علشان ماينفعش يقعد مع حياة لوحدهم جوه الفيلا.لان كارما اخته لسه صغيره.وكمان شاف ان حياة متوتره.. وشاف من الافضل يخرجوا ف الجنينه..
حياة : قامت بسرعه.وقالت باريحيه..ايوه كدا افضل..يلا ياكارو..
كارما : قامت بحماس..يلا بينا.. وخرجو..
——————بقلمي مريم نصار.
فيلا المنشاوي.
ياسين وهمس قاعدين ف الصالون لوحدهم..
وباقي العيله ف الليفنج بعيد شويه.بيتناقشو ف باقي التفاصيل وبيتعرفو ع بعض اكتر.
همس : بتتنفس بسرعه من السعاده..وضحكتها منوره وشها..وفرحانه ومبسوطه..ونفسها تجري وتتنطط وتعمل كل حاجه طفوليه من فرط السعاده ال هي حساها وعايشاها..
ياسين بالنسبالها كان بداية حلم جميل واتحقق من غير اي مجهود.. اتحقق بدعوه صادقه من قلبها..اتحقق بتمني.
ياسين : قلبه بيضحك بسعاده طاغيه..
يااااه.. البنت المجنونه دي هي كمان بتحبني.؟
اخيرا يا ياسين..اخيرا عرفت معني الحب الحقيقي.؟ وهو إنك مقدرتش حتى تتخيل انك تخسر همس. مقتدرتش تتخيل حياتك بس من غير صوتها. احساس وشعور المرادي مختلف..
همس صدفه يا ياسو.. صدفه جميله ولقاء مميز..لقاء جدير اننا نقول عليه لقاء السعاده الابديه.
إحساس بالخوف الحقيقي بالفقد..خلاك تتحرك بسرعه وتتقدم مليون خطوه ع خطوة همس..
حبك عدا المدى معاها يا ياسين..هي دى حبك الحقيقي..
لكن ال قبل كده؟ كان انجذاب وانبهار.. إعجاب بشخصيه ملائكيه. لكن ال قدامك دى هي جنتك ياياسين.. همس جنة ياسو..!!!
همس : بعدم تصديق وسعاده..قالت..ياسين بجد انت جيت وطلبت ايدى صح؟
ياسين : ابتسم بتنهيده.. انتى حاسه ايه ياهمس؟
همس : حاسه اني بحلم..ايوه والله حاسه اني ف حلم..انا اصلا معرفش ازاى انت قدامي دلوقتي..
ياسين قولي ازاى ده حصل؟
ياسين : ضحك بصمت عليها..واخد نفس عميق جدا واتنهد..وقال..
انا لما كلمتك وعرفت شروط والدك..ال انا احترمتها. وزاد اعجابي بوالدك اكتر من الاول..إنه خايف عليكي.وماشي تبع الأصول والعرف..بجد موقفه عجبني جدا ياهمس..
همس : بتذمر..بص انا عارفه إن بابي صح..وانا مش معترضه.. أنا كل ال ضايقني شرط الجواز..هو لازم اتجوز غصب عشان احقق حلمي؟
ياسين : بتفهم.. لأ طبعا مفيش جواز بالغصب.. ولكن والدك معاه حق..ماينفعش تسافري لبلد تانيه لوحدك..لازم فعلا يكون معاكى محرم ليكى..
همس : بهدوء.. طيب ما انا قولت قبل كده انا مش معترضه..
كل الحكايه إن بابي مشغول واخواتي مشغولين كمان..يبقى اتجوز ازاي بقى بالطريقه دي.؟
ياسين : بابتسامه..هو مفيش غير طريقه واحده للجواز ياهمس.!!
وهي إن العريس يدخل البيت من بابه..اما حوار نحب ف بعض طول الليل والنهار. وخروجات ده ماينفعش.
اولا حرام..ثانيا مبيدومش..لازم طرف يخل بالطرف التاني..ومش كل الجواز عن حب ناجح..
همس : بصتله بعتاب..وعيونها لمعت..وقالت..
هو ده ال انت فهمته من كلامي؟ اني عايزه احب ليل ونهار وأخرج وأسهر. واعمل حاجه حرام..!!!
وقامت وقفت..وقالت.بزعل…
اظاهر فعلا انت متعرفنيش يا ياسين..بعد اذنك.
وسابته وخرجت الجنينه..وحاسة بخيبة أمل جديده..وراحت قعدت ع المرجيحه وحاسه انها عايزه تعيط…Автор: Меріам Насар
ياسين : خرج وراها..وقرب منها..ووقف قدامها وقال.
انتى اكيد مجنونه. انا مقصدش انتى بالتحديد..انا بفهمك وجهة النظر عموماً..
ومفهومك عن الجواز من غير حب بيبقى فاشل..وده مش صح..
ف كلتا الحالتين..سواء الجواز بالحب أو الجواز التقليدى ف منهم جواز ناجح وف لأ..!!
لكن لو بصينا للواقع ال احنا عايشينه دلوقتي.. إن أغلب الجواز الفاشل بيكون البدايه حب..
لازم يكون قبل الحب ده راجل يشيل المسؤلية الكاملة ويكون قد كلمته..
وقد كلمة انك أمانه ف رقبته ويصونك ويخاف عليكي ويتشرف إنك تكوني حلاله.
وست تكون ناضجه وعارفه الغلط من الصح والحلال من الحرام..وتتحمل معاه وتكمل طريقها للنهايه.
لكن مش اى حد يقول لوحده بحبك تصدقه ويتجوزو وهي تدفع التمن لعدم تحمل المسؤولية.!!
لا ف اساسيات الدين حطها لينا عشان حياتنا تمشي صح..وسيدنا محمد قال..
عن أبي هريرة قال قال رسول الله صلى الله عليه وسلم : (إذا أتاكم من ترضون خلقه ودينه فزوجوه إلا تفعلوا تكن فتنة في الأرض وفساد عريض) صدق رسول الله..
ياسين : كمل .وقال ياهمس انا اكتر واحد فاهمك.. وصدقيني انا مقصدش انتى بالعنيه. انا مقصدش اضايقك بكلامى.
همس : بزعل..انا كل ال مضايقنى.. إن بابي وانت دلوقتى فكرتو بنفس الطريقه..
انا مقصدش خالص انى احب واتحب بالطريقه دي..لاني عارفه إن مش كل الشباب بيكونو صادقين ف مشاعرهم..وبيضحكو ع البنت بكلمتين. وبيتجاوزو ف حبهم وده حرام.. لانه لو بيحبها هيحافظ عليها وياخدها حلاله فعلا.
وقامت وقفت.واتحركت خطوتين..وقالت..
انا لما كنت ف الفرح.. وشوفت قد ايه حب العيله لبعضها..كل اتنين تحس فعلا أنهم لايقين مع بعض..ماينفعش بديل لحد منهم للتاني.
شوفت قد ايه عمق العشق من الإمبراطور ل زوجته.. وال عرفته بعد كده إن جوازهم مكنش عن حب..
انا عارفه إن الجواز التقليدى هو الصح.
.لكن مايمنعش انى اكون حابه الشخص ده.
يعنى انت مثلا انا معرفش انك بتحبني وجيت اتقدمتلى وانا وافقت باقتناع لاني بحبك..ايوه ياياسين انا حبيتك.
وانا معترفتش لحد بحبي ليك ..متعدتش حدود ديني ف حبك..غصب عني..هو إحساس مبيبقاش ف أيدينا. تحس كأنه سحر واتملك منك..هو ده مقصودي عن الجواز عن حب..مش انى اجري واحب اى حد وخلاص. لأ طبعا..
لان الزمن اتغير..الوعود اتغيرت..اكتر الشباب دلوقتي..واخدين البنت كأنها وقت محدد بالنسباله احبها يومين..واخليها تخسر حجات كتير. وادمرها
.واشوف غيرها.
انا كل قصدي انى جوازي مايدمرش لو مش موجود بينا حب وتفاهم..انا عايزاه يستمر بسعاده ابديه..
والأهم من كل ده.؟ الدين.. لأن ال بيخاف الله..هيصون الامانه ال معاه..فهمتني يا ياسين..!!
ياسين : ابتسم بإعجاب..وقال بغمزه عارفه احسن حاجه انتي قولتيها دلوقتي ايه؟
همس : وشها بقى احمر جدا واتكسفت..ومردتش……
ياسين : بحب..انك اعترفتي بحبك ليا.. وصدقيني ياهمس.. إن شاء الله.هكون قد الامانه..وهحاول اسعدك ع قد ما اقدر..
همس : قلبها دق. وبصت بعيد..وبتتنفس برجفه..
ياسين : كشر عينيه وقال.همس اوعي تكوني لسه زعلانه من كلامي..!!!
والله بجد انا مقصدقيكش انتي خالص..وعموما انا آسف..مش عايزين نبتديها زعل وخصام..
همس : هزت راسها.احم لأ مفيش حاجه..وبتفرك ف أيدها بحرج..
ياسين : ابتسم..طيب تعالى بقى اقعدي واحكيلك ايه ال حصل.وازاي جيت أتقدم لحضرتك.؟
همس : بفضول..ايوه بليز عايزه اعرف..بليييز..
ياسين : ههههه حاضر..اتفضلى بقى اقعدي.
همس : قعدت ع المرجيحه.. ومركزه معاه..
وياسين واقف قدامها ومربع ايديه .. وقال.
انا طول الوقت بعد ما آخر مكالمه كنت بفكر ف رد فعلك..
عايزه الحقيقه..انا وقتها حسيت اني مخنوق.. وفكرة إن ف عريس يتقدملك دي جننتي بجد..
عايز اقولك إن بابا ده..مش مجرد اب وبس لأ. ده صديقي المقرب ليا جدا..ويفهمني من نظره.. وسألني واتكلم معايا.
.انا شرحتله كل حاجه جوايا.وطلبت منه إني عايز اتقدملك ف أقرب وقت.
بابا قالى سيب الموضوع ده عليا. وراح امبارح لوالدك ف الشركه..واتعرف عليه واتكلمو مع بعض..واخد منه ميعاد..
وانا بقى قولت اعملها مفاجأه ليكي وقفلت فوني. لاني كنت متأكد انك لما تعرفي إن ف عريس جايلك فجاءه.؟ اكيد هتتصلى عليا.
وكمل بغيظ ومكر…وجينا نتقدم ل همس هانم.. ال شربت من تحت ايديها اجمل فنجال قهوه..ووعد مني إني هشربك من نفس الكاس يامفتريه..
همس : هههههه هههههه اسكت يا ياسين متفكرنيش..يلهوي مش قادره انسى ريأكشن وشك.. ههههه. فكرتني بمحمد هنيدى وهو بياكل الصرصار..لما قال ده عندنا بنضريه بالشبشب ههههه ااااه يابطني.. هههه
ياسين : كاتم الضحكه..لكن بصلها..بشرز..وقال بتوعد.. يوماً لك ويوما عليك يا…..همس.اصبري عليا اوكي.!!!
همس : بلعت ريقها بتوتر.. وحبت تغير الموضوع..وقالت احم..
.بس تعرف ناناه ملك كيوت اوى وجميله..وكمان طنط ماليكه بجد جميله جدا وزوقها ف اللبس يجنن..
احم. وبصت ليه وقالت بحنين..هو احنا بجد اتخطبنا لبعض يا ياسين؟
ياسين : بدقة قلب…مبروك ياهمس..
همس : بعشق كبير..مبروك عليا أنت يا ياسين..!!
——————بقلمي مريم نصار.
عند كامليا..
كامليا : نايمه بتهلوس..
ماجده : قاعده جمبها ع السرير..وزعلانه عليها
محسن اتصل ع ماجده يطمن ع كامليا..
ماجده : ردت بحزن.. الو..
محسن : الو ايوه يا مرات اخويا..عاملين ايه؟
ماجده : بتنهيده..بخير يامحسن..بخير..
محسن : طيب كامليا عامله ايه دلوقتى؟ وجبتي ليها دكتور ولا لسه؟
ماجده : بحيره ومش عارفه تقوله ولا..بس هي عارفه إن محسن الوحيد الكويس ف العيله..وقالت باستسلام..
ايوه جبت ليها اتنين دكاتره..واحد مخ واعصاب وده كان وقت العصر..ودكتور نفسيه وعصبيه ولسه خارج من شويه..
محسن : همس بدهشه..نفسيه..!!!! وقال بلهفه..طيب ها قالك ايه؟
ماجده : بزعل..دكتور المخ والأعصاب.كل لما يقرب منها يكشف عليها تصرخ ف وشه..وتزقه.. لدرجة انها حدفته بالفاظه.
..بس الحمد لله مجتش فيه. ومعرفش يكشف عليها من صريخها..وقال بنتك لازم تتعرض ع دكتور نفسيه..
وجبت ليها الدكتور..وبرضه كامليا تزعق وتصرخ.بكلام مش مفهوم.. وجريت استخبت..
والدكتور كتفها..وعطاها حقنة مهديء.. وطلب مني ننقلها لمستشفى نفسيه لكن انا رفضت..
وقالى خلاص هنتابع معاها هنا..وقالى كامليا شكلها اتعرضت لصدمه كبيره جدا..وانا قولت للدكتور ع الحادثه قالى ممكن يكون ده سبب إنها خايفه من الموت..ولما واجهته اتصدمت.. وكتبلها علاج..وف ممرضه هتيجي بكره الصبح..
محسن : بزعل حقيقي لاحول ولاقوة إلا بالله.. ربنا يستر ع ال جاي..وانا روحت الفندق وحاولت اوصل للبنت ال كانت معاها. لكن معرفتش..انا لا اعرف شكلها ولا حتى إسمها..ولا كامليا راضيه تساعدنا وتقولنا ايه ال حصل..لكن خير إن شاء الله..انتى خلي بالك عليها..
ماجده : بصت ع كامليا بحزن حقيقي.وهزت راسها إن شاء الله..
——————بقلمي مريم نصار. Автор: Меріам Насар
المالديف..
تيم وميرو..بيزينو قدام البحر بطريقه شيك ورومانسيه..وبيرسمه قلب كبير جدا مع بعض..
ميرو : لابسه فستان سهره باللون الاحمر .وكتبت ف قلب القلب..
I love you for ever..Tim ™ Miro
تيم : عمل دايره كبيره شويه.. وحط حواليها شمع..وكتب جواها..My angel (ملاكي)
وساب ميرو وراح يجيب باقي الزينه من الكوخ..ورجع..لكن وقف مكانه..وبيسمع ميرو بإعجاب كبير وعشق اكبر..
ميرو : بتولع الشموع..وبتغني.. ل جنات
أنا دنيته بحالها وحياته كلها
أنا أهله وأنا ناسه وروح قلبه وحبيبته
أنا اللي لو يغلط مسامحة في حقها
وأنا اللي لما يغيب عليها ترد غيبته
(أنا الحضن اللي من تعبه بيهرب ليه (بيهرب ليه
أنا القلب اللي من خوفه بيتحاما بيه
أنا مش واحدة بتحبه بتموت فيه
أنا بموت في التراب اللي بيمشي عليه
أنا عمري ما اتغيرت يوم من ناحيته
وأنا اللي راضية تـنـصفه لو كان ظالمها
وأنا اللي لما بيشتكي من وحدته
يبقى معاه قلبي وروحي صحابه يومها
أنا الحضن اللي من تعبه بيهرب ليه
(أنا القلب اللي من خوفه بيتحاما بيه (بيتحاما بيه
أنا مش واحدة بتحبه بتموت فيه
ده أنا بموت في التراب اللي بيمشي عليه..
تيم : حط الزينه ع الأرض..وقرب منها ومسك ايدها..وقومها..
ميرو : انتبهت وقامت معاه. والضحكه الصافيه ع ملامحها..ووشها منور من كم السعاده ال هي عايشه فيها..
تيم : معلق نظره عليها..و ساكت تماماً..وبيحفر تفاصيلها ف قلبه..وبياخد اسكرين لكل حركه وضحكه من ملاكه..وبيرجع خصلات شعرها ال بطير من الهوا.
ميرو : بصت ليه..وابتسمت بحيره..وقالت ايه ياتيمو..مالك بتبصلي كدا ليه ياحبيبى.؟
تيم : مسد ايدو ع خدها بحنان..وقال بغرام..
انا مش بس بعشق التراب ال بتمشي عليه..انا بعشق خيالك بعشق كل حاجه فيكي وأي حاجه تخصك. بحب ضلك ال بيتعكس ع قلبي وانتى ماشيه..
بعشق روحك ال بتحييني.. انا قلبي جواكي..
انا روحي فيكي انا عايش بيكي ياميرو..
وقرب منها وباس جبينها..وحط خدو ع خدها بحنان وقال..
(و إني احبك إمتلاكاً و تملكاً و كمالاً، و أغار عليك تعصُباً و تجُنناً و حناناً)
ميرو : مغمضه عنيها..وحاسه انها طايره ف السما..ولا إراديا..رفعت ايديها حوالين رقبته..وحطت راسها ع صدرو..وهمست بحب كبير وقالت..
أنتَ الفؤاد وما يحتويه.. تيم انا بعشقك..!!
——————بقلمي مريم نصار.
فيلا المنشاوي..
بعد ما ياسين وعيلته مشيو..
همس : داخله من باب الفيلا..وقابلت ربيع.
همس : بسعاده مسكت ايد ربيع وبتلف بيه..بفرحه..وقالت عموووو ربيع انا مبسوووطه اوي..ياعمو ربيع .
ربيع : بضحكه..يابنتى اقفي واعقلي بقى انا مش قدك ولا حمل المرمطه دي.
همس : وقفت..وحطت أيدها ع قلبها بتاخد نفسها..ونفخت براحه كبيره..وقالت…
مرمطة ايه بس ياعمو ربيع؟ انت لسه شوفت مرمطه.؟
واعمل حسابك كل مشوار هعمله انت معايا..واااو عندي حجات كتير جدا لسه عايزه أعملها..
ربيع : بضحكه..ربنا يفرحك ديما ياهمس يابنتى..الف مبروك ياحبيبتى..والله فرحت من قلبى.. والاستاذ ياسين زينة شباب مصر كلها..ربنا يهنيكي ياهمس يابنتي..
همس : بسعاده..الله يبارك فيك ياعمو ربيع ياقمر..وعقبالك..كدا ياراجل ياطيب..
ربيع : ضحك من قلبه..وقال اسكتى..لو فضيله سمعتك دلوقتي..يبقى مش هلحق اروح معاكي اي مشوار.. ههههه..
رياض من وراهم..مبروك ياهمس..!!
ربيع : طيب ياجماعه.. استأذن انا..وكلميني ياهمس يابنتي اول ما تحبي تخرجي..سلام عليكم.. وخرج..
همس : بصوت هادي..وعليك السلام ياعمو ربيع..وبصت ل رياض بتوتر..احم..الله يبارك ف حضرتك يابابي..
رياض : رفع حاجبه بتعجب..وقال..غريبه وافقتي يعني ع العريس ع طول ومن غير فلسفه ولا اعتراض؟
همس : بلعت ريقها بتوتر..اء..احم غريبه إزاي؟ حضرتك دي رغبتك.و. احم..وا.انا نفذتها..
رياض : بمكر.اممم يعني لو كان جه علي كنتى وافقتي؟
همس : نزلت وشها ف الارض بحرج. وهزت راسها لأ..
رياض : ابتسم بحب..وقرب منها ومسك كتفها..وقال ياسين شاب كويس جدا..وع اخلاق عاليه..وعيلته ف قمة التواضع والرقي.. وانا مش عايز حاجه ف الدنيا غير سعادتك ياهمس يابنتي..
همس : عيونها لمعت..وضحكت بسعاده..واترمت ف حضنه..حبيبى يابابي..انا آسفه اني زعلت حضرتك مني..
رياض : ضمها لقلبه بحنان كبير..وربت ع ضهرها..وقال.
عمري ما ازعل منك ياحبيبتى..والف مبروك..
همس : غمضت عينيها براحه كبيره..وقالت..الله يبارك ف حضرتك..
فيلا الصاوي..Автор: Меріам Насар
آسر وحياة وكارما.. قاعدين ف الجنينه.. و آسر استلم الاوردر. وبيتعشو..
كارما : بتاكل بسرعه.. اممم ها ياحياة..عمتو ماكي قالتلك ايه؟
حياة : قفلت الفون.. وقالت بسعاده.هما جايين ف الطريق.ومامي قالت ان العروسه وافقت وقراو الفاتحه كمان. والخطوبه آخر الاسبوع.. وكتب الكتاب الشهر الجاي..والفرح بعد شهرين ونص من دلوقتي..!!
كارما : بفرحه كبيره..الله هنفرح قريب جدا.. واو ياسين هيكون احلا عريس.
آسر : ابتسم..وقال بدقة قلب..عقبالك يا حياة..
حياة : بخجل..ميرسي يا آسر.
كارما : كشرت عينيها..وقالت بتذمر..اله طيب وانا يا ابيه مفيش واحده عقبالك ياكارو. ولا هو كل حاجه حياة حياة..
حياة : اتوترت وبلعت ريقها بتوتر. وحاسه إن مشاعرها مكشوفه لأي حد.
آسر : بضحكه..ياغلاباويه انتي لسه صغيره.!!
ورفع عينيه ل حياة..وقال بحب..نفرح بس ب حياة وبعد كده ربنا يسهل..
——————بقلمي مريم نصار.
بعد يومين.
عند شاهين. الساعه ٣ العصر.
شاهين : نايم ومستكين تماماً..
والدته : دخلت تصحيه.واسمها عفاف. وقالت.. شاهين.. شاهين يبنى رد عليا قوم كفاياك نوم..
شاهين : فتح عينيه..واتعدل..ايه يا امي بتصحيني ليه بس؟
عفاف : بتعجب..اله بصحيك ليه؟ مش عندك شغل؟ وبعدين اختك قالتلى من بدري موبيلك بينور ويطفي.. شكل كان حد بيتصل عليك..وانت عامله صامت..
شاهين : مسح وشه بايديه.. وبيتاوب. وقال اه صامت..بس انا ظابط المنبه ع الساعه ٢ ومسك الفون..
عفاف : احنا لا سمعنا منبه ولا اي حاجه..وبعدين الساعه ٣ ايه اتأخرت؟
شاهين : بدهشه..ينهار ابيض..ميعاد عاشور.!!!وكمان اتصل عليا ٤ مرات.. ونفخ بخنقه.. أستغفر الله العظيم..
عفاف : ربتت ع رجله..طيب اهدا كدا.. وإن شاء الله خير..انا هقوم اجهزلك الغدا قبل ما تنزل..
شاهين : قام بسرعه..وقال لأ ياست الكل..انا يدوبك اخد شاور والبس وانزل..بس بالله عليكي خلى زهره تجهزلي البدله الرصاصي. عشان الورديه..وجري بسرعه ع الحمام..
عفاف : فتحت الدولاب..وطلعت ليه البدله. والقميص..وجهزت ليه كل حاجه..وخرجت من الاوضه..
بعد شويه .
شاهين : خرج من الحمام..وبيلبس البدله..وبيتصل ع عاشور وكان غير متاح..شاهين ل نفسه..ايه ياعم عاشور ياترى قافل موبيلك..ولا روحت المستشفى لوحدك ودي الشبكه..استغفر الله العظيم يارب..طول الليل بحاول انام ومش عارف.
وبعدها أبتسم..وافتكر شكل هبه وهي بتضرب احمد بالمنفضه..وهز راسه بضحكه..وقال شقيه انتي ياهبه..وطايرتي النوم من عيني..
ف شركة الصاوي..
ساره : ف المكتب.. والباب خبط ودخل مالك.
مالك : مساء الورد ع ايسو حبيبة قلبي.
ساره : قامت بابتسامه..واتحركت تقابله..وسلمت عليه..وقالت..اهلا مساء الورد ع مالك عمري..ايه المفاجأه القمر دي..
مالك : تعالي بس اقعدي جنبي هنا..وهقولك.ومسك أيدها. وقعد ع الكنبه..وقعدها جمبه..وحط شنطه ع التربيزه..
ساره : وادي قاعده ياقلبي..ايه بقى معندكش شغل انهردا؟
مالك : ههههه وهو الشغل بيخلص يا ايسو؟ انا بس كنت قاعد لقيت فاجأه قلبى بيدق وقولت ايه ده؟ معقول ساره بتنادي عليا..قومت جيت جري عشان اشوف اجمل عيون..
ساره : ههههه والله بجد؟ بس تعرف انا فعلا ناديت عليك من شويه..
مالك : شوفتي بقى..عشان تصدقيني..وسمعتك ولبيت الندا ياروح قلب مالك..
ساره : بسعاده..تسلم لقلبي ياحبيبى..بجد انا انهردا اشتغلت كتير جدا..وقولت ياربي لو مالك معايا انهردا كان هيساعدني كتير..
مالك : كشر عينيه بعدم فهم..طيب و آسر فين؟ مطلبتيش منه يشتغل مكانك ليه؟
ساره : ابتسمت بفخر.. آسر أبني. نزل يستلم بضاعه من المينا. بجد يامالك انا فخوره ب آسر أبني جدا.. بجد يشرف اي حد..
مالك : بثقه.طبعا ده إبن مالك الصاوي..وحفيد جاسر الصاوي..وامه تبقى سيدة الأعمال المعروفه ساره الصاوي..وكمل كأنه بيغني..يبقى يشرف اي حد عشان راجل بجد.. ههههه.
ساره : ضحكت..وقالت..ربنا يسعد اوقاتك ياحبيب قلبي..بجد بحبك وانت مبسوط كدا..
مالك : فتح الشنطه..وقال.. ولسه هتحبينى اكتر..لما نتغدا مع بعض..وطلع اوردر..غدا جاهز..
ساره : رفعت حاجبها بإعجاب.. امممم. حلو جدا..انا كنت جعانه فعلا..حبيبى يامالك ربنا يباركلي فيك..
مالك : فتح علبة الأكل.. واخد مكرونه بالشوكه..واكل ساره. وقال..ويباركلي فيكي ياعمر مالك..
——————بقلمي مريم نصار.
بعد شويه. عند هبه..
هبه قاعده لوحدها ف البيت.. والباب خبط..وقامت فتحت الباب. وشهقت بزهول..وقلبها دق بخوف. وقالت أنت…!!!!
فادي : رفع ايدو ع الباب..وقال بضحكه..ايوه انا ياهوبا..بجد زعلان منك..بقى تغيرى رقم فونك مني..؟ لأ انا زعلان منك اوي ياهوبا..
هبه : بتعدل طرحة الاسدال..وقالت بغيظ.. انت ازاي تجيلي لحد باب البيت؟ انت اكيد مش طبيعي..وبعدين اغير رقمي برحتي انا حره..
فادي : هز راسه ببرود..تؤ لأ انتي مش حره ياهبه..انا اختارتك تكوني بتاعتي..وهاخدك.انتي خطيبتي ياهوبا.
هبه : صكت ع أسنانها بغيظ مكبت..وقالت.. ياخي خطبتك عقربه ماتعرف تحل من حوالين رقبتك..
وبعدين انت مش خايف.من اخواتي؟ انا هنادي عليهم دلوقتي يربوك كويس..انت شكلك محرمتش من العلقه اياها..وعايز تجديد.
فادي : بسماجه.. ههههههه هتنادي ع اخواتك؟ لأ لأ انتى بتكدبي ياهوبا.. لأني شايف مامتك وعاشور وأحمد ركبوا العربيه من نص ساعه واكتر..وانا استنيت..قولت ياواد يافادي ممكن هوبا تنزل دلوقتي..وتعرف تتفاهم معاها..بس انتي بقى منزلتيش..يبقى انا اطلع عشان اتكلم معاكي..
هبه : رغم إن قلبها بيدق بخوف..لكن قالت بجمود..
وكمان عارف إني لوحدي ف البيت؟ وجاي تخبط عليا؟ لأ ونعم الأصول والتربيه الزباله.. اتفضل بقى انزل عشان ماصوتش والم اهل العماره عليك..
فادي : ببرود..نرفوزه اوي انتي ياهوبا. وكمل بخبث..طيب مش نتحاسب..؟ واخد ال ليا؟
هبه : بتنهج بخوف.وقالت بتلعثم..اء..ا إن كان ع الفستان انا هجبهولك حالا.اس…استناني هنا..وجت تقفل الباب ف وشه..!!!!
فادي : بسرعه.حط ايدو ع الباب..وقال بمكر. هو الفستان وبس ياهوبا…!!!؟ ده الفستان وصاحبته كمان..ومدام احنا لوحدنا نقدر نتفاهم حلو اوى اوى..وغمز…
هبه : فتحت عينيها بصدمه.. وجسمها بيرتجف.. وقالت امشي يافادي..امشي عشان متندمش.وقالت بعياط..انا هصوت والم عليك الناس..امشي من هنا ربنا ياخدك.
فادي : بمكر..ايه؟ باين اوي انك خايفه مني؟ بصي ياهبه..انا قولتها ليكي قبل كده..انتي بتاعتي..ولو موافقتيش ترجعيلي بالزوق..هخليكي انتي ال تبوسي ع أيدي عشان اخدك بالعافيه..واظن انتي مش صغيره وفاهمه انا قصد ايه؟
هبه : برعب كبير..جت تقفل الباب بقوتها كلها..لكن للأسف مفيش اي قوه..وجسمها كله بيترعش.وعايزه تجري ع البلكون عشان تصوت وتستغيث بالناس والجيران..
فادي : خلاص الشيطان رسم ليه إن هبه لوحدها ف الشقه ويقدر ياخد منها ال هو عايزه. ولأن دي بنت ودكتوره هتخاف ع سمعتها وتسكت..وف الآخر هتبقى ملكك يافادي..!!! ايوه هي دي وسوسة الشيطان لكل شخص زي فادي…
عشان توصل بيها وتكون رجل اعمال مشهور ف مقابل استخدامك لجمال البنت ال انت عايز تتجوزها لسبب واحد وهو إنك تتباهى بجمالها لغيرك..وف أنواع كتير بيفكرو بالطريقه المنحطه دي..ومفيش غيره ع أهل بيتهم..عادي جدا تحط ميكب وهي خارجه..عادي جدا تلبس ضيق ومفاتنها ال ملكك انت تكون واضحه لغيرك ويشتهي مراتك ويحسدك عليها.ويتمنى انه يكون مكانك.عادي جدا.. إنك تخلى مراتك واجهه للمجتمع والكل ينظر عليها كنظرة الذئاب للفريسه.. وللأسف الشديد..انت بتكون فخور إنك ديوث وانك غير آمين ع البنت ال هي المفروض امانه ف ايديك. ف حجه سخيفه..وهي احنا بنقلد الغرب.والحريه.!!! وعايزين نبقى زي الدول المتقدمة..!!!
هبه : بتزق الباب.ورغم إن قوتها قليله لكن بتحاول.وصرخت بعلو صوتها..الحقوووووني.
فادي : طبعا أجبن من الفضيحه.. إلا إن عيونه ساكنها الشيطان..وزق الباب بقوه.
هبه : وقعت ع الأرض..وبتنهج برعب كبير..وجت تصوت صوتها مش طالع .
قدام العماره ———–
قدام العماره..
شاهين : ركن العربيه..ونزل منها..واتصل ع عاشور. وقال..لسه فونه مغلق..طيب اطلع اخبط؟ ولا ممكن يكون راح المستشفى؟ اووف انا ممعييش حتى رقم البيت عندو..انا هطلع وامري لله..
ودخل من بوابة العماره..وبيحط فونه ف جيبه..وسمع صوت حد بيصرخ..وكشر عينيه.وقال ياترى مين ال بتصوت دي؟ ممكن يكون حد تعبان ولا حد اتوفى.. وطالع ع السلم. ووصل شقة عاشور. ولسه هيرن الجرس. وكان الباب مفتوح..واستغرب. وسمع صوت حد بينهج ويعيط.. وفضوله خلاه يقرب من الباب المفتوح..واتصدم.لما شاف هبه واقعه ع الأرض بتستغيث..وواحد واقف قدامها بيهددها.ولأنه راجل بجد.. الدم غلي ف عروقه..ودخل من غير تفكير. مسك فادي من غير ما يسأل انت مين.. وضربه بكل ما اوتي من قوه..
هبه : شافت شاهين..بيضرب فادي..وضحكت بدموع الفرج.. عيطت بوجع هيستيري.وحطت وشها بين ايديها..وصوت عياطها..بيزود الغضب عند شاهين..
فادي : بيحاول يتنفس ومش عارف حتى يشوف مين ال بيربيه..
شاهين : ضربه بوكس ف وشه..ومسكه من ياقة قميصه..واتكلم بعصبيه..انت ميييين..!!!؟
فادي : خد الخبطه..وبيتألم..ومش عارف يتكلم..
شاهين : بص ل هبه..وقال بحده..انتي تعرفييييه؟
هبه : بشهقات وجع..هزت راسها وقالت. اء..ايوه كان للأسف خطيبي..
شاهين : ضغط ع ياقة قميصه اكتر..وقال بنبرة حادة..ولما هو كان؟ داخل البيت هنا لييييه؟
فادي : بيتألم..وقال بغباء..هي اتصلت عليا وقالت تعالى انا قاعده لوحدي…وا….
هبه : قامت بسرعه..وصرخت بوجع..وقالت…
كدااااب..انت واحد حيوان وكداااب. انا متصلتش عليه..وانا غيرت رقمي القديم..انت واحد كدااااب..انت جيت عشان تاخد الفستان ال انت جبته ف الخطوبه..
شاهين : بغضب..ضربه روسيه ف جبينه..وقال بتوعد..
وحياة امك؟ هي قالتلك تعالى.!! ولما هي قالت كدا؟ كانت بتصرخ ليه؟ وزعق بصوت عالى. انت يالا جاي ليه؟ وفستان اييييه ياحيوووااان؟
فادي : حاول يزق شاهين..ابعد عني..وانت مالك انت.؟ وانت مين؟ انا خطيبها.وجاي اتكلم معاها سبنى عشان متندمش..!!!
شاهين : بصله ف نظرة غيره وتوعد..وقال…
أنا بقى بحب اندم..وعايز اشوف انت هتندمني ازاى؟ ومسك راس فادي..وخبطها ف السفره مره واتنين..ورفع راسه..وبوكسات ف وشه…
فادي : بيفرفر..وبينزف وبينهج..وقال بخوف ونهجان.. خلاص خلاص والله ماهقرب منها تانى..
شاهين : بغضب..لا ياروح امك لا هينفع تقرب ولا هتنفع لحاجه بعد كده..
وبص ل هبه وقال ب أمر..خشي اوضتك..
هبه : فاتحه عينيها بصدمه..من ضرب شاهين ف فادي بالقوه دي؟ وبصت ل شاهين وقالت. بلخبطه..اء.ادخل اوضتي ليه؟
شاهين : زعق قولت خشي ع اوضتك ومتطلعيش منها..
هبه : انتفضت مكانها.. وقالت حاضر.. وجريت ع اوضتها بسرعه..وقفلت ع نفسها بالمفتاح..
شاهين : زق فادي ووقعه ع الأرض..وقلع جاكيت البدله..والكراڤت..وبيشمر كم القميص..
فادي : بيحاول يتنفس..وشاف شاهين بيقلع..وقال برعب..انت هتعمل ايه؟
شاهين : بشر كبير..كل خير ياروح امك..!! وقرب من فادي..وقومه..وضربه كشاف ف وشه..وبدأ يقلعه هدومه…
فادي : بيزعق..لا لاااااااا انت هتعمل ايه؟ البنطلون لأ…البنطلووون لأ..انا بقولك يا اخ اهو البنطلوون لااااااء.. وصرخ اكتر. لأ لأ الفانله لأ. لاااا متقطعهمش…!!!! انا بقولك ماتقطعهمش…!!!
الجيران اتلمت..وشافت شاهين وهو بيقلع فادي هدومه..وسابه بالشورت والجزمه..
شاهين : مسك فادي من دراعه..وطلع مبلغ من جيبه..وقال انت كنت جاي عشان الفستان..وحط الفلوس ف ايدو..
وهمس ف ودنه بنبرة حادة..وقال اقسم بال خلق السما والارض..ولو عرفت أو بس شميت خبر انك حاولت بس تقرب من هبه..لا تكون مدفون تحت الارض..ولو عايز تتقتل؟ جرب ياروح امك..
فادي : بص للفلوس.والدم نازل من جبهته ع وشه..وهز راسه بخوف.ح. حاضر..حاضر والله ولا اعرفها.
انا اصلا معرفش حد بالاسم ده..ابوس ايدك خليني امشي.
شاهين : ضربه ع قفاه..وقال شاطر.وحط هدوم فادي المتقطعه بين ايديه ومسكه من قفاه..وقال.
.يلا خد الزباله دى معاك وانت نازل..وزقه قدام الباب.. وفادي وقع ع وشه قدام الجيران..
الجيران : واقفه تهمس ومش فاهمين حاجه..
شاهين : حب يقطع الشك باليقين..وقال.. الافندي ده حرامي..خبط ع الباب وقال إنه تبع شركه وبيعمل ليها دعايه..ودخل الشقه وكان عايز يسرقها..
الجيران : شهقت.. وواحده قالت..اه وانبي دول مالو البلد..اه ياحرامي ياواطي.ربنا ياخدكو ويريحنا منكم..
طفل صغير..وطي عند وش فادي وضربه بالقلم..وقال..ياحلامي…!!
فادي : خد القلم. وحاول يقوم.. وحاول يهرب منهم.
شاهين : سايبه يهرب بمزاجه..
فادي : نزل بسرعه ع السلم.. والشباب والأطفال نزلت تجري وراه.. وكان شكل فادي طبعا أضحوكة المكان..
الجيران : دعت لشاهين وشكرته..
هبه : سمعت الجيران وهي بتدعي ل شاهين..وفتحت الباب وخرجت وهي جواها خوف..
الجيران : كل واحد دخل شقته..
شاهين : واقف ع باب الشقه..ولف عشان يدخل ياخد الجاكيت..لكن شاف هبه واقفه عند السفره..
هبه : واقفه برجفه بسيطه..ومسحت دموعها..وساكته..
شاهين : واقف مكانه.. وقال بحرج..احم..انتي كويسه دلوقتي؟
هبه : بشبح ابتسامه..هزت راسها ايوه..
شاهين : بصلها..وقال خلاص اهدى هو مشي ومش راجع تاني..وشاور ليها..ممكن بس الجاكيت. لأني ماينفعش أدخل..
هبه : قلبها دق بأمان..وهزت راسها.. حاضر..ومشيت خطوتين ببطء..وجابت الجاكيت والكراڤت..وراحت وقفت قدام شاهين..وقالت بدموع..اتفضل..!!!
شاهين : بزعل عليها..اخد الحاجه..وقال..طيب انتي ليه بتعيطي دلوقتي؟
هبه : صعبت عليها نفسها..وحطت ايديها ع وشها وعيطت..وقالت..انا مش عارفه اشكرك ازاي..انت لو مكنش موجود انا معرفش كان هيجرالي ايه؟ انا انهردا اول مره اخاف كدا. منه لله حسبي الله ونعم الوكيل فيه..
شاهين : بتنهيده وزعل ..طيب ممكن تهدى..وبطلي عياط. هو خلاص اتربى ومش هيتعرضلك تاني..
هبه : مسحت دموعها..وقالت.بحرج بجد متشكره لحضرتك جدا..
شاهين : بيلبس الجاكيت..لا يستي شكر ع واجب.انا معملتش حاجه..
وكمل بهزار..وبعدين ده عيل خيخا. انتى كان ممكن ترنيه العلقه التمام.وبالمنفضه كمان..
هبه : غصب عنها ابتسمت..وقالت بحرج.. والله مش عارفه هي جت كدا..وحضرتك شوفتني بالمنظر ده..
شاهين : ابتسم بحب كبير..لابتسامتها..لكن انتبه.لوقفتهم بالشكل ده.
هبه : قالت هو حضرتك كنت جاي ل عاشور؟
شاهين : من جواه جاي عشان أشوفك..!!
..لكن قال..ايوه بصراحة راحت عليا نومه..وبتصل عليه وفونه مغلق. وقولت اجي يمكن الحقه واخدو ونروح المستشفى..
هبه : بحرج..ايوه هو اتصل ع حضرتك. ولما مردتش ماما قالت يمكن عندك ظروف..وانها هتروح معاه هي وأحمد..
شاهين : بص ل عينيها..وقال هو كان خطيبك..!!
هبه : رفعت عينيها ليه..وقالت بندم.. للأسف كان فعلا..
شاهين : بخنقه..امم تمام..
هبه : جواها شعور غريب..وقالت لأ هو كان بس فتره صغيره جدا..مكملتش معاه شهر.. احم وانا ال سبته ع فكره..
شاهين : من جواه عايز يتكلم معاها. لكن الوضع مش حلو.وقال..
انا آسف طبعا هو مش من حقي أسأل..بس انا واثق انه كان لازم يتساب.
هبه : نزلت وشها ف الارض. وقالت..فعلا هو انسان غير سوي بالمره..
شاهين : خنقته بتزيد ونفسه يقعد يتكلم معاها برحته..
هو لاينفع يدخل الشقه..ولا ينفع يكلمها ع الباب..
هبه : استغربت ل سكوت شاهين..وهي بترفع عينيها..شافت دم ع ايد شاهين..وقالت بقلق.. ياخبر ايديك عليها دم..هي اتجرحت؟
شاهين : رفع ايدو وقال لأ..دي من وش الحيوان..
هبه : محرجه جدا..وماينفعش تقوله يدخل يغسل ايديه..لكن قالت بتفكير…
طيب ممكن اجيب لحضرتك.. حاجه تنضف بيها الدم ده؟
شاهين : بإيجاب تمام .وكمل بجديه..اقفلي الباب لما تدخلى.. وانا هقف عند السلم هنا..
هبه : لوهله قلبها رقص بفرحه..وقفلت الباب..واخدت نفس عميق جداااا ونفخت براحه كبيره..ودخلت جابت علبه فيها قطن ومعقم. وجابت ازازة ميا..
شاهين : واقف عند السلم.وسرحان ف أنه لو مكنش جه ف الوقت المناسب..ونفخ بخنقه ومسح وشه بايديه.
هبه فتحت الباب..وشافته واقف بعيد شويه..وقربت منه..وقالت اتفضل..
شاهين : اخد منها العلبه..وقعد ع السلم..وقال شكرا.. وبدأ يمسح الدم..
هبه : واقفه..بتراقبه..
شاهين : بتنبيه.ومن غير ما يبصلها. ياريت بعد كده ال يخبط عليكي.. تشوفي مين قبل ما تفتحي..من العين السحريه..
هبه : ابتسمت بغيظ..وهمست وقالت بتريقه..العين السحريه اطول مني انا شخصياً..
شاهين : ابتسم.. وقال..ف اختراع اسمه كرسي تقفى عليه وتشوفي مين..اظن أنتي بتسمعي كتير اليومين دول عن طرق الخطف الجديدة..
هبه : بتذمر.اطلع ع كرسي..!؟ . إن شاء الله..
شاهين : رفع طرف عينيه ليها. وقال ومالك بتقوليها كدا ليه؟
هبه : بغيظ..بقولها ازاي يعني؟ وانا قولت حاجه ولا اتكلمت حتى؟
شاهين : هو اتقدملك ازاي.؟ يعرفك؟
هبه : بغيظ كبير.. لأ مايعرفنيش..اتقدم عن طريق ناس تعرف ماما.وهو إنسان مريض اصلا.وتافه.ده كفايه العلقه ال اخدها ف اسكندريه..ده مابيحسش.مفيش دم خالص.
شاهين : بضحكه..هو شكله مستفز جدآ ع فكره..وايه حكاية الفستان ده؟ ده طلع معفن اوي..
هبه : بحزن. انا مكنتش اعرف طباعه..واكتشفت انه بخيل.وكمان كان عايز بعد الجواز اني…..!!!!! وسكتت ومقدرتش تكمل..
وكملت بتوتر.. احم.. بس الحمد لله إن ربنا كشفه ع حقيقته..قبل ما اتورط مع إنسان زي ده..
شاهين : سرح بتفكير ف اول خطوه..ونضف ايديه..وقفل العلبه..وقام وقف وبص ل هبه..
وقال جواه اعقلها وتوكل..
وعزم الأمر وقال ل هبه.. انا عايز اتقدملك..!! ياترى هتوافقي؟
هبه : فتحت عينيها بصدمه. ومش عارفه تتكلم.. وازازة الميا وقعت من أيدها..
شاهين : بتنهيده.. جاب الميا.. واتعدل..وقال بجديه.
بصي يادكتوره هبه.. انا عارف اني فاجأتك..ويمكن الطريقه كمان غلط..
وكمان غلط اني واقف معاكي دلوقتي..لكن من الصعب اني اجي اتقدم وأنا مش عارف النتيجه ايه؟ او اني اقولك هاتي رقمك. او اقولك نتقابل عشان اعرف اكلمك..
والاهم إنك اخت صحبي..والأكبر من كل ده..سمعتك تهمني.. انا بصراحه اول مره شوفتك فيها. اتمنيت انك تكوني شريكة حياتي.
ودي اول فرصه اتكلم معاكي فيها..وعايزك تعرفي اني واخد الموضوع جد..ولو انتى موافقه ف اقرب فرصه هتكلم مع عاشور..وهتلاقيني قدامك انا وعيلتي..
هبه : متنحه..وفاتحه بوقها………وساكته..
شاهين : شاور بايدو قدام وشها..دكتوره هبه..انتى سمعاني..!؟
هبه : ها.؟ اء..احم..وبلعت ريقها بصعوبه.. وجسمها رجف تاني..والكلام هرب منها..
شاهين : نفخ بنفاذ صبر..بصي انا آسف بجد..لانه لا وقته ولا مكانه..لكن زي ما قولتلك..من الصعب إني اتكلم معاكي.. واستحالة اخون ثقة صحبي فيا..
ويكون هو نايم ف بيته..وانا بتكلم مع أخته طول الليل..دى مش رجوله..ها ياست البنات قولتي ايه؟
هبه : قلبها دق بقوه كبيره..وبصت ف عينيه بدموع..وقالت بخوف ممزوج بوجع.. انت ممكن تقلعني الحجاب؟
شاهين : كشر عينيه بعدم فهم..وقال..حجاب ايه؟ مش فاهم وتقعليه إزاي؟
هبه : افتكرت غيرة تيم ع ميرو.. ودموعها نزلت ع خدها..
وقالت ف سؤال.. يعنى انت لو لينا نصيب واتجوزنا
..بعد الجواز هتقولي اقلع الحجاب؟ والبس ضيق واغير من لبسي وتربيتي؟
شاهين : بخنقه كبيره..قال..ليييه؟ هتتجوزي واحد اسمه ميشو؟ ولا سوسو؟
ماتعقلي ف كلامك ياهبه..!! انا مراتي مفيش حد هيلمح طرف طيفها.احنا لا اتربينا ع كدا ولا أخلاقي تسمح بحاجه زفت زي دي..
.ده انا لو ينفع اخبيها من كل الناس كنت عملتها..تقولي اقلعك الحجاب والبسك ضيق كمان. دي مش رجوله ياماما..
وبصلها بغيظ..تصدقي بالله بكلامك ده انتى حرقتي دمي..وخشي جوه بقى..خليني امشي من هنا..يلا اتفضلى..واقفلي الباب..قال تلبسي زفت ضيق قال..
هبه : وشها اترسم عليه ملامح الفرحه والبهجه..
وقلبها بيدق بسرعه كبيره من رد فعل شاهين..والغيره ال واضحه عليه من مجرد سؤال..وضحكت بدموع..وقلبها مبسوط اوى..
شاهين : بغيره وغيظ..ماتخلصي بقى ادخلى واقفلى ام الباب.. ولا عايزه حد يطلع يشوفنا واقفين بالشكل ده..
هبه : بابتسامة فرح..طيب مش عايز تعرف رأي ف طلبك..
شاهين : بغيظ..مش عايز أعرف خلاص..انا هاجي اتقدم رسمي..وال يحصل يحصل.
هبه : حست انها فراشه خفيفه..وجريت ع باب الشقه ولفت ل شاهين وقالت..
وانا موافقه…ودخلت وقفلت الباب بسرعه..ووقفت ورا الباب بتنهج من الفرحه..
شاهين : غضبة اختفى..وهرش ف قفاه وغصب عنه ضحك بسعاده..واتحرك خطوتين ووقف قدام الباب..وقال يوم الجمعه كويس؟
هبه : حطت ايدها ع بوقها..ومش مصدقه كمية الاخبار الحلوه..واتنططت بفرحه..
شاهين : حس بفرحتها..وقال..انا هجيب الحج والحاجه يوم الجمعه..واطلب ايدك رسمي..
وكمل تحذير..وع الله تفتحي لحد قبل ما تعرفي مين ال ع الباب فاهمه يا اوزعتي..
هبه : تنحت وفتحت عينيها..وصكت ع أسنانها بغيظ مكبت..وهمست من بين أسنانها..انا اوزعه يااا…….!!
وسكتت..وقلبها دق وقال بحنين.. يا ايه بس؟ ده كله ع بعضه جميل اوى..
شاهين : ابتسم..وقال سلام ياهبه..ونزل بسرعه مبسوط جدا..وركب العربيه..وساق..وبيفكر ف ال خطفت قلبه.
——————بقلمي مريم نصار..
فيلا مصطفى عزيز..
مريم وهنا بيتابعو الغدا..وبيجهزو كل مالذ وطاب ل كريم وليليان..وهنا طلعت تصحي أشرف..
مصطفى : نازل ولابس شورت وفانله.. ودخل المطبخ..
شاف مريم بتحط العصير ف التلاجه..وقرب منها بسرعه وشد منها الازازه.. وفتحها وبيشرب..
مريم : شهقت..واتغاظت جدا..وقالت ايه ال انت بتعمله ده يامصطفي؟ العصير ده للضيوف..انت يبنى هتفضل تاعبني كدا لحد امتى؟
مصطفى : مسح بوقه..وقال بتمثيل التوعد.. لحد ما اعرف الحقيقه المره يامريم ياعزيز..!!
مريم : حطت ايديها فوق بعض..وقالت بتريقه.. حقيقة ايه يا آخرة صبري انت؟
مصطفى : بيمثل كأنه شرير. وقال بنظرة شر..
حقيقة انتى ليه بتعملى كل حاجه لابنك كريم..وانا مجوعاني ليل ونهار.؟
وحتى ف العقيقه بتاعتى وانا إبن اسبوع.. السنه قالت خروفين..انتى استخسرتي فيا ودبحتى خروف وارنب وتلات فرخات..!! ها ليه يامريم ياعزيز التفرقه ف المعامله.؟
وتيجو تعيطو بعد كده وتطلعو مع طارق علام وتقولو ابنى كان معذبني وواخد منى الفيزا.. ها ليه؟
مريم : انفجرت ف الضحك..
حتى الشغالين غصب عنهم ضحكو..وعندهم مصطفي ده حاجه كبيره وبيحبوه جدا وبيعشقو خفة دمه.
( مش انتو بس والله😂 )
مريم : ضحكت من قبلها..وقالت يبني حرام عليك..والله انا مابقيت قادره منك..ايه يامصطفي تفكيرك ده؟ انت يبنى كنت واعي وانت ف العقيقه بتاعتك.انت كان عندك أسبوع واحد.. ارنب وتلات فرخات هههههههه.
مصطفى : بسخريه..بتضحكي..!!! اااه يامصطفي.. هتلاقيها منين ولا منين. انا خلاص انا مش عارفني انا توهت مني انا مش انا…..!!!
ايه دا؟ فراخ ورز بالكاري..داده ثريا..طبق ونص فرخه تصبيره حياة عيالك ياشيخه..
ثريا : بضحكه صافيه..من عيوني يسي مصطفى.
مريم : تنحت بزهول.. لأ لأ انت هتشلني. اصبر شويه كريم وليليان ع وصول..
مصطفى : انتى بتستخسري فيا ياروما.. اهو انتو كدا.مهما اعمل ليكو مايطمرش فيكو ابدا…
وشد الطبق واكل قطعه من الفراخ..وكمل وقال ابداااا..
وبص ل مريم وشاور ليها والورك ف ايدو..وقال..ف ناس لو اديتهم عيونك هيقولوا ادانا عيونه من غير حواجب..ياستار عليكو..
مريم : متنحه ولسه هتتكلم..
مصطفى : شاور ليها بإيدو..واخد الطبق وسابها وماشي يبرطم..
مريم : خبطت كف ع كف..وقالت. بقى ده ف كلية السن؟ بقى ده هيكون ف يوم مدير مجلس إدارة الشركه؟ لأ لأ..الواد ده مش طبيعي أبدا…
ثريا : بضحكه صافيه..وانبي ده سي مصطفى زي الفل وإسم الله عليه مخه يوزن بلد.. هو بس بيحب الهزار..ومهون ع الكل ياما..الهي يفرح قلبك يامصطفي يابن حوا وآدم..ويرزقك ببنت الحلال ال تسعد قلبك..وتعيش العمر كله مبسوط ومرتاح..
مريم : ابتسمت بتنهيدة حب..وقالت اللهم امين..
——————بقلمي مريم نصار.
وبعد مرور شهر تقريباً..
ف المالديف..
ميرو : قاعده ع السرير بتقرا ف كتاب..
تيم : خارج من الحمام..وفرش سجادة الصلاة..وصلى العشا..
ميرو : بتقرأ وحاسه بالملل..ونفخت بزهق..وقفلت الكتاب..وحطته ع الكمود..ومسكت فونها.. وفتحته وجابت صور العيله كلها..
تيم : خلص صلاه..وقام قعد جمبها..وشايف انها من الصبح مش طبيعيه..وبص للفون..وشافها جايبه صورة جدها آدم..
ميرو : عيونها لمعت بإشتياق..وقالت.. بابا آدم وحشني اوي ياتيم..كل العيله وحشوني جدا..
تيم : اخد راسها ع صدرو..ومسد ع شعرها..وقال.. وانا كمان العيله كلها وحشتني جدا..وابتسم ليها وقال..اومال بقى لما نسافر نناقش رسالة الدكتوراه..هتعملي ايه وقتها؟
ميرو : رفعت ايدها ع صدرو..وقالت بتنهيده..مش عارفه..بجد انا بفكر كتير جدا..وحشوني كتير..
تيم : طيب وانا؟ انا شايف انك بداتي تملي..ولا انا غلطان؟
ميرو : رفعت عينيها ليه وقالت بعتاب..عايز تزعلني منك مش كدا؟Автор: Меріам Насар
تيم : بضحكه..عمري ابدا ياروحي..بس انا مش عايز اشوفك زعلانه..
ميرو : بصتله بترجي..تيمو ماتيجي نرجع مصر بكره..
تيم : هز راسه تؤ تؤ..لا ياملاكي..ف مده هنا لازم اقضيها معاكي لوحدنا..يابنتى انا بحبك ف صمت وعذاب ٩سنين..عايزاني ارجع والعيله تاخدك مني..هو بسهوله كدا؟
ميرو : ابتسمت بسعاده. وقالت..وانا كمان مش عايزه حد يبعدك عني دقيقة بس دي سنة الحياه..
تيم : رفع حاجبه..وهز راسه مش هنرجع ياملاكي..
ميرو : بضحكه رقيقه..تيم بليز بقى ارجوك..
تيم : وحياة الضحكه القمر دي. ماهيحصل دلوقتي..
انا عايز اخطفك جوه قلبي..انا بعشقك ياميرو..وعايز اعوض سنين التعب ال عشتها ف اني بموت فيكى وإحساس انك متكونيش ملكي ده كانت بتقتلني..
ميرو : حطت ايدها ع خدو..وقالت.. خلاص ياتيمو زي ما انت عايز ياحبيبى.وانا معاك وملكك وبين أيديك..
وبعدين انا اكتر حاجه مخلياني مبسوطه إن ياسين خطب همس. وكتبو الكتاب وقد ايه بيحبو بعض..
وانت اقتنعت بده. وأنك تقتنع دي اهم من اي مهم. انا مش عايزه من الدنيا كلها غير إنك تكون عايش ف حضني ومبسوط..
تيم : بغمزه..هو فين حضنك ده بقى؟ انتي من الصبح مطلعه عيني وزعلانه..
ميرو : ضحكت..واترمت ف حضنه..وقالت بحبك اوى ياتيم..
تيم : قرب منها بحب كبير وقال بهيام..وتيم بيعشق ملاكه وبس…!!!!
وسكتت شهرزاد عن الكلام الغير مباح..
——————بقلمي مريم نصار.
بعد يومين كمان.
آدم خارج من الشركه..ف احتفالية عيد ميلاد الشركه الأم..
هارون فتح باب العربيه..اتفضل معاليك.
آدم : لسه هيركب..ولكن سمع دوشه..وقال للأمن بحده..ف ايه؟
فرد الأمن : دى ست كبيره ياباشا..وهنمشيها حالا..
الست : بترجي وذل..حرام عليكم خلوني اقابل البيه..خلوني أكلمه الهي لايسيقك يبني..
فرد الأمن : بغلظه..يلا ياست امشي من هنا..وقولتلك قبل كده ماتجيش تاني ابنك مش هيشتغل هنا..هو بالعافيه.؟
آدم : رفع ايدو لفرد الأمن يسكت. وبصله بتحذير
.وقال جيبها ياهارون.!!
هارون : تحت امر معاليك ياباشا..واتحرك كام خطوه..اتفضلى ياحاجه..تعالى الباشا الكبير بنفسه موجود..
الست العجوزه..جريت بكل صحتها ال ع قدها. وبتنهج..وقالت..
الهي يسترو الهي يكفيه شر المرض الهي ينجيه من كل بلوه..وقربت ووقفت قدامه بذل وانكسار..سالخير يسعات البيه..
آدم : بهدوء مساء الخير ياحاجه..ممكن اعرف ف ايه؟ ومين هنا مزعلك؟
الست العجوزه : صعبت عليها نفسها.. وعيطت وقالت..ابوس ايدك يا بيه تشغل ابني غلبان وشقيان وحاله واقف..والدنيا ملطشا معاه.
آدم : طلع منديل.طيب ممكن تهدي وتقوليلى طلبك من غير عياط وعطالها المنديل..وشاور ل هارون..هات عصير للحاجه..
هارون : تحت امرك ياباشا..وفتح العربيه عشان يجيب العصير..
الست العجوزه : اخدت المنديل وقالت ياخد عدوينك يابيه..
اني ست كبيره.وعندي ابني اصغر واحد ف خواته. اسمه شوقي وصرفنا عليه دم قلبنا. وبقى محاسب قد الدنيا..بس قلة بخته وقلة حظه..وقدم ف شركات كتير..واترفض عشان مفيش وسطا
.وعيطت بوجع… واحنا وسطتنا ربنا يابيه..وشوقي قالى يما انا نفسي اشتغل ف الشركه دي..وقدم كل مستلزماته..واترفض برضه. وانا جايه وعشمانه ف ربنا قبل الناس.
وانهردا .شيء يقولي قومي ياصابره..قومي روحي اتكلمي مع صاحب الشركه دلوقتي..يمين بالله معرف جيت هنا ازاى يابيه.
وعندي عشم فيك تحن ع ابني.. إن شاله تشغله ساعي..اي حاجه بس ياكلها بالحلال..
آدم : مسك العصير .وقدمه ليها. وقال طيب اتفضلى ياحاجه.. اشربي العصير ده.واهدى.واناومش عايزك تقلقي ع ابنك. وإن شاء الله يشتغل ويكون محاسب محترم كمان..
الست العجوزه : بتنهج بأمل صحيح يابيه؟ والنبي قول كلامك جد يابيه..
وعيطت بصوت يوجع القلب..وانبي شوقي ابني هيشتغل هنا يابيه؟
آدم : رغم إن قلبه وجعه عليها. لكن ابتسم ليها..وبص ل سواق الشركه..وقاله.
.توصل الحاجه صابره لحد باب بيتها. وتبلغ الباشمهندش عادل مدير الحسابات..من بكره شوقي يتعين بمرتب ثابت..ويتعمله الإجراءات اللازمة كموظف عادي.
السواق : تحت امرك ياباشا..
آدم : بيطلع الكارت عشان يديه ليها..ولسه هيقول اتفضلى..
الست : من فرحتها..وطت عشان تبوس ع ايد آدم..
آدم : اضايق وقال استغفر الله..وانحنى بسيط عشان يقومها. وفجأة طلقة قناصة.اخترقت ضهر ال آدم…!!!!!
آدم : وقع ع الأرض وعينيه بتغيب عن الدنيا..وهمس ف اللاوعي بتوهان.م…ما…مريم…!!!!وغمض عينيه..!!
مريم : قامت من مكانها بقبضة قلب..والسبحه وقعت من أيديها..وحطت أيدها ع قلبها..بقلق بالغ..وقالت برجفه.. آدم……..!!!!!!! النهايه..
=====================================
وللحديث بقية….👈تابعوني ف الجزء الخامس من وراية جريمة عشق ج 5 بعنوان…… (مملكة ميراث العشق)..
دمتم في امان الله وحفظه..اختكم ف الله مريم نصار
لقراءة باقى حلقات الرواية اضغط على : (رواية جريمة عشق 4)