رواية كسرة القانون الفصل الثاني 2 بقلم أودي الفرجاني
رواية كسرة القانون الفصل الثاني 2 بقلم أودي الفرجاني
رواية كسرة القانون البارت الثاني
رواية كسرة القانون الجزء الثاني
رواية كسرة القانون الحلقة الثانية
روايه واقعيه …
الحلقه الثانيه…(2)
ابراهيم: ما شالله عليك كابره يا أيوته
آيات ابحشم☺: تسلم ي عمو
مسعود: عند الحق شاهين يحجرك
خليفه: اكيد ولد العم اولى بيها
آيات بعد اسمعت كلامهم معش اقدرت اتشيل روحها
و هب اطيح منها السفره و الشاهي انكب
كلهم????????
آيات ابصدمه????: حجرني من يالي حجرني
مسعود: اها شاهين ولد عمك ابراهيم حجرك
آيات????????
مسعود: مبروك ي خليفه
خليفه: الله ايبارك فيك يا باتي
مسعود: مبروك ي ابراهيم احسن نسب نسب خوك
ابراهيم: الله ايبارك فيك و اكيده انتشرف ابنسب خويا
رجعه و هي مش عاجبها????: قبل نبيله زاهيه بنت خويا لكن امممممم و خلاص
نوارة: و كنها أيوته ما تلقي كيفها و بعدين شن الفرق بين آيات و زاهيه ما وحده بنت خوك و وحده بنت ولد عمتك
رجعه????
سهام رقالها من كلام رجعه????
فريحه كانت اتبحت في آيات يالي اعيونها كانن نويات الشر و اقعدت خايفه انها تغلط فالكلام
آيات ابعصبيه????: معلش انتم كيف اتوافقو علي حاجه بدون رايي
كلهم بحتو فيها????
مسعود????: ونحن من امتى ناخذو في راي البنات
آيات????: لاواللهي شنو انا لعبة عشان تعطوني المن تبو بدون رايي
مسعود ابعصبيه????: خليفه لم بنتك
خليفه: آيااااااات اسكتي
آيات????: لا مانيش ساكته يا بابا خليني نحكي كيف ايجي عمي و ايقول حجرتها لي اولدي و كلكم اتباركو و يالي عاجبه ويالي مش عاجبه كيف انا ما عنديش راي فالموضوع وبعدين التخلف امتاع حجر بنت عمك هضا خلاص معش في منه راه
مسعود ابصوت عالي: آيااااااااااااااات انتِ عارفه قانون العيله
آيات ابصوت عالي: قانونكم نقعوه و اشربو اميته ما ايهمنيش هل قانون المتخلف
خليفه معش قدر يمسك روحه و صبى ضرب آيات كف
آيات وجعتها ضربت باتها قدام الكل
آيات و عيونها ادموع????: انت يالي ما عمرك اذيتني ب كلمه تضربني علشان قانون متخلف
خليفه: آيات خلاص لمي روحك و احترمي جدك و عمامك
آيات ابصوت عالي: لالا مانيش ساكته و ح ايجي يوم و نكسرة قانونكم سمعتوني ايجي يوم و نكسرة قانونكم هضا
وعدت آيات جوا الدار و اقعدت تبكي????????
……
عند هيثم
جت رانيا اطلعت لقت هيثم
امقعمز ايدخن جابت الكرسي و جت امقابلته
رانيا????
هيثم يضحك????: كنك اتبحتي هكِ
رانيا: شي فرحانه بس
هيثم: خطرتي عليا الفرحه نبي نحكيلك حاجه
رانيا: شن احكي
هيثم: انا بكره مسقد ال بنغازي
رانيا بستغراب????: شن عندك في بنغازي
هيثم: قدمت في جامعة بنغازي و ماشي انكمل غادي
رانيا: و المواصلات
هيثم: افتحو سكن طلاب ف نبي نمشي نقعد غادي
رانيا ابصدمه????: سنه كامله تبي تقعد غادي
هيثم: اها كل بعد شهر انجي نطمن عليكم و انرد
رانيا ابزعله????: بس ح انرايفلك❤
هيثم: ما تخافيش ح انتواصل امعاك
رانيا: متأكد
هيثم: اكيده
رانيا: اوعدني
هيثم: كيف مش امصدقتيني????
رانيا: لابس بيش نطمن اكثر
هيثم: وعد ح نقعد كل يوم نحكي امعاك ها هكِ تريحتي
رانيا ابتسمت????: اها تريحت
………. : فيش اديرو هنا
رانيا و هيثم????
……..
عند آيات
كان الحوش متكهرب من يالي صار
خليفه: معلش اسمحولي آيات اصغيره و ديما اتفترش فالكلام
مسعود ابعصبيه????: هذي اول بنت فالعيله اتكسر كلامي
خليفه: لا يا باتي هي ماكسرتش كلامك لكن انصدمة من الموقف
ابراهيم: تي ما سمعتهاش قالت قانونكم نقعوه و اشربو اميته
خليفه: قتلكم معلش اسمحولي و انا ح نحكي امعاها و نقنعها
مسعود رفع حاجبه????: نعم تقنعها عليش تقنعها هضا امر و هي ح اتوافق غصباً عنها
وبعدين فالنهاية وافقت و لا ما وافقت هي حره لكن آيات ال شاهين و انتهت القصة
خليفه: حاضر يا باتي يالي تبيه ايسير انت اهدى بس
وقعدو يحكو في نفس الموضوع
……..
عند هيثم
سعد: فيش اديرو هنا
رانيا صبت تجري????♀️: خيرآت عمو كيف حالك
سعد سلم عليها: الحمدالله انتِ شن دايره و باتك كيف حاله
رانيا: الحمدالله اكويسين نحن من الصبح عندكم و تغدينه حتى التغداي
سعد: باهي صحه عليكم
رانيا: سلمك تبي حاجه عمو
سعد: لالا شكراً
و عدت رانيا تجري????♀️????♀️ جوا و سعد جا قعمز مع هيثم
هيثم: باتي كنك ماجيت ع غداء
سعد: كان عندي زبون ماقدرتش انسيبه و انجي قعدت امعاه نين كمل و طلعت
هيثم: اهاا
سعد: ما قتليش
هيثم: شنو
سعد: رانيا كنها قاعده امعاك????
هيثم: اااااااااا كانت تسأل
سعد: علي شنو تسأل
هيثم: تسأل علي اشوية مخططات طلبينهن منها فالجامعه
سعد: اها يعني هضا الموضوع بس
هيثم: اها هضا بس شنو يبي ايكون فيه يعني
سعد: باهي تمام انا نبي انخش انتغدى و انتريح
هيثم: باهي و انا طالع عند الشباب
سعد: باهي تم
و خش سعد جوا الحوش و هيثم طلع شور اصحابه
…….
عند آيات
بعد القصه يالي صارت و دارو دوه و موضوع طويل
و بعدها روحو كلهم بس خالتهن و بناتها قعدات
سهام: ريتيها كيف تحكي
عفاف: فوتيها انتِ عارفه رجعه من يوم يومها هكِ كلامها
سهام: خزي و اللهي قهرتني
عفاف: ما تنقهري علي غالي يا حنه
عند البنات
كانن مع آيات جوا الدار
أمل: أيوته خلاص حبيبتي ليش البكاء هضا كلا
آيات????: قهروني ب كلامهم و يحكو كأنِ لعبه عنده
و لا الحقيره يالي اسمها رجعه عطها ادعوه في اللسانها المتبري منها
البنات????
آيات: اها اسهوكاً اساساً انا حالي حال الضحك
فريحه: آيات حبيبتي اهدي
هند: انتِ عارفه عيلتنا و قوانينها ف مفروض كنتِ تقعدي مستعده في اي وقت ايجو ايحجروك
آيات ابصوت عالي: هي عيله متخلفه و قوانينها متخلفه و بعدين الزواج مش بالغصب
فريحه: آيات انا نبي انقولك حاجه ممكن تقعد صعبه عليك لكن فالنهاية هضا الصح ما دبينا جدي حكى فالموضوع معناها خلاص انتهى و انتِ لي شاهين و شاهين لكِ ف مافيش داعي اتعبي نفسيتك و تبكي و اديري عركه مع بابا لأن فالنهايه كلام جدي هو يالي ماشي
آيات ابعصبيه????: لا يا ماما مش عليا انا ايزروني علي حاجه و نرضى بيها غصباً عني
هند انتِ جوكِ فن طب و قالو طلبناك لي فارس و انتِ وافقتِ و رضيتِ بالواقع
فريحه انتِ جوك يوم زفتك مع حبيبك و طلعوك منها و قالولك ولد عمك اولى بيك و حجرك و انتِ رضيتِ و ماحربتيش علي مروان و لا حكيتِ كل يالي درتيه أنك رضيتِ بي يالي صاير
فريحه وجعها كلام آيات????
فريحه: مش كانِ ساكته معناها راضيه لكن انا ساكته لأنِ عارفه ان يالي يبوه جدي و بابا و عمامي هو يالي ح ايصير و مهما حاربت عشان خاطر مروان مافيش حد ح ايعدل عليا و لا ح ايردو على يالي انا انقول فيه
آيات: بس كان في يدك انك تحكي اتقولي مروان و لد خالتي و انحبه و نبيه و هو ايحبني و يبيني
فريحه: آيات انتِ عايشه في وهم و مش شايفه واقع كيف
هند: بعدين يا آيات كيف و حده فينا ح اتصبي في اوجوهم و اتقوللهم انحب هضا من سابع المستحيلات ان نقدرو انديروها
آيات: يعني انك ترضي بالواقع احسن من انك اتحاربي ع شخص يالي اتحبيه
فريحه: اكيده اها
نزعل من الواقع كم شهر و بعدين نرضى خير ما انعيش في وهم و بعد نوعى منه ننصدم و صبت فريحه و اطلعت خشت للمطبخ و انفجرت ابكاء????
لأن كلام آيات رد عليها ذكريات هي طوت صفحاتهن من زمان
……
عند هيثم
عدى عند اصحابه و اقعدو ايباركوله على مشيت بنغازي عشان القرايه لأن الكل كان عارف ان هضا حلم هيثم من صغره و قعمزو اقعدو ايهدرزو
…..
عند آيات
هند: آيات ليش تحكِ قدام فريحه علي مروان خويا
آيات: مش قصدي غير كنت راقيلي
أمل: بس انتِ عارفه مروان الوتر الحساس عند فريحه
آيات: الله غالب ازلقت منِ مش قصدي
هند: بس شايفه انها متريحه مع نادر
آيات: اها ربي عوضها خير نادر ايحبها و مش تحمل فيها حاجه لكن مروان حب طفوله ف مش بالساهل تنساه
أمل: ربي ايسامحك ي آيات
آيات????
تعالو انقوللكم شن قصة فريحه
فريحه كانت اتحب ولد خالتها عفاف مروان من صغرها و برضو هو كان ايموت فيها كانو ايحبو بعضهم للموت و بعد اسنين من حبهم لأن كان من الطفوله جا مروان و طلب يد فريحه و خليفه طول وافق لأن مروان شاب خلوق و كل راجل ايتمناه عريس لي بنته
ع عموم مشاً الأيام و قرواْ الفاتحه و ادفعو فيها و اقعدو مخطوبين جي سنه و بعدها حددو يوم عشان ايطلعو الفرح و اقعدت فريحه اتوتي في اخرى حاجات من دبشها و آيات و امها يجاراً ع حاجات الفرح جا يوم الفرح عدت آيات و أمل مع فريحه للكوفير و بعد كملو عدو للقاعه و خشت فريحه و الكل كان فرحان لي فريحه و مروان لأن اليوم هضا كانواْ يحلمو بيه طول حياتهم و في الوقت يالي كان الكل فرحان و يستنو في مروان ايجي رن فون سهام لقاته خليفه اطلعت لي صالة الأنتظار و ردت عليه و صدمها بعد قاللها وقفي كل حاجه وقوليلهم ان مروان ماعنداش نصيب في فريحه سهام انصدمة و بعد سألاته قاللها ان نادر جا و حجرها و ان مسعود قال ولد العم اولى بيها من ولد الخاله و في هذك اللحظه كانت صعقه و انزلت علي فريحه و مروان خرب الفرح
و ياما صار و روحو كلهم و فريحه ماحكت شي غير انها احبست روحها فالدار وتبكي وخلاص لأنها كانت عارفه مهما حكت مافيش حد ح ايعدل عليها
سهام ثاني يوم رنت علي عفاف اختها و اعتذرت منها لكن صدمها رد عفاف يالي قالتها انتِ و فريحه مش ذنبكاً و انها كانت اتوقع ان الموقف هضا ح ايسير
و قالتها ان علاقتهم مش ح اتغير لأن سهام فالنهاية اختها و فريحه بنت اختها و هنه مش شورهن شيمشى اليوم عادي على ابطالنا هيثم و آيات
عند آيات روحو عيت خالتها فاليل و اعتذرت من فريحه ع كلام يالي هي قلاته و جا خليفه و دارو مشكله مره اخرى علي نفس الموضوع وبعد عركه كبيره فريحه خششت آيات للدار لأن لو اقعدت برا العركه مش ح تنتهي آيات دوشت و بدلة دبشها و تعوذت من الشيطان و حطت شيتاتها قدامها و بدت تقرى أما فريحه عدت دارتلها قهوه و عطتها الها و هي خشت بدلة دبشها و بدت تحكي مع نادر
أما هيثم هدرز مع اصحابه و بعدها روح للحوش تعشى مع هله و خش بدل ادبشه و رنة عليه رانيا وقعد يحكي امعاها
……
صباح يوم جديد
عند هيثم نط من نومه????على حس هرجه
هيثم????: شن في
وصبى و طلع يجري لقى يعقوب ايهزب في أيه
و أيه تبكي
هيثم قدم شورهم: شن في شن في
يعقوب ابصوت عالي????: كذا مره اخرى تجرأي و قوليلها لا
أيه????
فاطمه: خلاص خلاص سكر ع موضوع و جيبه العيل
يعقوب????: بعد ابش بعد نعيمه ازعلت
هيثم????: أوي انت عليش اتعلي في حسك
يعقوب برم علي هيثم: وانت شن دخلك
هيثم: تي كيف شن دخلني قاعد اتعلي في صوتك علي أمك و أختك و تبيني نسكت
يعقوب: هيثم خليك برا الموضوع
هيثم: كنكم شن في
أيه تبكي????: نعيمه جت كلمتني و قالتلي خلي سعد أمعاك قلتلها عندي اقرايه و بعدها نبو انغلفو دبش أسماء وبعد أشوية جا يعقوب هاد عليا إيهزب عليش ما سمعت كلامها و خليت سعد عندي????????
هيثم????: تي معقوله اتخشش روحك في معمعات صبايا
يعقوب????
هيثم: انت خويا الكبير علي عيني و راسي لكن اتعلي في صوتك علي أمي و اتبكي أيه عشان خاطر نعيمه لا واللهي ما نسكت و بعدين نصيحه ما اتخليش مراه اتخش بينك وبين هلك
يعقوب: بس نعيمه بنت أصول و ماعمرها خشت بيني وبين هلي
هيثم: تي كانهِ بنت أصول راه ما حكتلك شي وبعدين حطها في بالك بعد مراتك تحكيلك حاجه
و اتجي انت???? و اتعلي صوتك علي أمك أعرف أنك مضحكه و مراتك ماهيش بنت أصول و انتهى الكلام
يعقوب????
هيثم طبس علي أيه: تعالي صبي بلا أبكاء
أيه????
هيثم: تؤ خلاص قلنا هيا صبي
أيه صبت و عدت مع هيثم للدار
هيثم: خلاص بلاش أبكاء انتِ عارفه يعقوب
وعارفه حركات نعيمه خلاص فوتي
أيه????
هيثم: يييييييي عليك قصه
أيه????
هيثم: أنا نعرف كيف أنخليك تسكتِ
وصبى هيثم و عدى شور الدرج و افتحه وطلع منه أفلوس و جا رد عند أيه
أيه????????
هيثم????: مش قتلك عارف دواك هاكِ
أيه امسحت ادموعها????: هذين ليا
هيثم: اها لكِ و خلاص نبيك تنسي يالي صار و معش تبكي
أيه خضت الفلوس: من اعيوني????
هيثم مسكها من خدها: نجيهن أعيونك خلاص عدي دريلي قهوه
أيه: حاضر
و صبت تجري اطلعت برا و هيثم طلع في جرتها
فاطمه????: كيف صار
هيثم????: انتِ عارفه دواء أيه
فاطمه: أكيده هذين????????????????
هيثم: أيواااا????
فاطمه????
……..
……..عند آيات
حتى هي أول ما أفتحت أعيونها علي حس هرجه
بحتت لقت فريحه امصبيه ورا الباب و اتبحت برا
آيات????: فريحه شن في
فريحه ابرمت عليها وحطت صبعها علي فمها يعني اسكتِ????
آيات اتوشوش: شن في
فريحه أبصوت واطي: شاهين و مراد ديرين عركه و بابا ايحز بيناتهم
آيات????: بدينا من توا نحن
فريحه????
وردت بحتت فالباب لقت باتها متوجه شور دارهن
فريحه جت تجري و هب تاخذ صالتو ع الفراش و اتغمض أعيونها
فريحه أبصوت واطي بكل: بابا جا
آيات ردت رقدت وهي ماسكه ضحكتها بالغصب
خليفه ايدق ع بابا
فريحه ناضت و افتحت الباب
خليفه: صباح الخير
فريحه: صباح النور
خليفه: آيات واعيه
فريحه: اها هضا وين وعت
خليفه: خليها تستر روحها و اتجي شاهين
يبي ايشوفها
فريحه: باهي تمام
وخشت وسكرت الباب
آيات: أووووووف شن يبي ع صبح????
فريحه: الله أعلم صبي شوفي
وصبت آيات خشت للحمام(حشاكم)
اغسلت وجها و لمة شعرها و حطت ويشاح على
راسها و البسة جاكه طويله و عدت شور المربوعه و دقت و خشت
شاهين????????
……
عند أهل آيات جوا
مراد????: باتي حتى كان حاجرها لكن مايقعدش
٢٤ ساعه يبي ايشوفها
خليفه: خلاص يا مراد عادي لو جا شافها مره ولا مرتين
مراد: تي انا متأكد أن ح يقعد كل يوم سري مري
خليفه: انت عليش امسبق الأمور مشي اليوم وبعدين كان جا مره اخرى تو نعرف كيف نحكي امعاه
مراد: هوووووووف????
……
عند آيات
جت وقعمزة بعيد علي شاهين
شاهين: كيف حالك????
آيات: تقريباً أمس كنه مع بعضنا مالحقتش تسأل علي حالي
شاهين: أنتِ ديماً هكِ
آيات: هذي انا مش عاجبتك تقدر تنهي الموضوع
شاهين جا يبي يحكي آيات صبت و اطلعت
شاهين????: تي هذي كنها مش ديرتلي أي حسبه ولا امعدله عليا
وبعد أشويه صبى شاهين و طلع روح
……..
مشى الوقت عادي و هيثم ايوتي في حاجته عشان ع فجر يبي يسقد لي بنغازي و آيات كانت تقرى لأن ثاني يوم عندها امتحان
…….
فاليل تحديداً الساعه ١٠
كانن البنات أمقعمزات مع امهن فالصاله ايهدرزاً
علي دقت باب الحوش صبت فريحه تجري????♀️????♀️
شور الباب
فريحه: هيا هي
و افتحت الباب و كانت صدمتها كبيييييييرة
فريحه????????
يتبع….
- لقراءة الفصل التالي : اضغط هنا
- لقراءة باقي حلقات الرواية اضغط على (رواية كسرة القانون)