رواية الوجه الأخر للحلال الفصل التاسع عشر 19 بقلم ميفو السلطان

رواية الوجه الأخر للحلال الفصل التاسع عشر 19 بقلم ميفو السلطان

رواية الوجه الأخر للحلال البارت التاسع عشر

رواية الوجه الأخر للحلال الجزء التاسع عشر

رواية الوجه الأخر للحلال الحلقة التاسعة عشر

اقتربت عطر في احد الايام من ايوب كانت قد اصبحت له كالنفس تصب عليه العشق والدلال ولكنه كان يفتقد شيئا لا يعلمه كانت تلهبه عشقا وتفعل له الاعاجيب ليجن بها ولتثور رغبته فيها كانت لا تكف عن اثارته وهو ينساق ورائها ولكنه يفتقد شيئا ينقصه تلك الروح الهادئه لياخذها ليقضيا بعض الايام علي الساحل كانت مشعه تمتلك نشاطا غريبا ليستعجب فهيا تغيرت كثيرا فعطر كانت تميل الي الخنوع اكتر وكان هذا يحبه فيها تشبعه كرجل سلطوي اما تحولها لتلك الجامحه هلك قلبه فهيا خافت ان تفقده لتتحول هكذا حتي لا يشرد بعيدا.
لتقترب منه وتهتف.. ايه يا جلبي مش هننزل..
ليهتف… لاه اني تعبان خلينا اكده شويه..
لتتلمسه وتقترب منه ليتنهد ويهتف.. عطر تعالي في حضني ممكن.. لتندس في حضنه ليهتف.. انت اتغيرتي جوي يا عطر..
لتتنهد…. ايوه اتغيرت يا جلبي عشانك خفت لتروح مني خفت لافضل ضعيفه و اجهرك بضعفي اعمل اي حاجه عشانك وعشان ماتبعدش عني.. انت ايوب السوالمي ماينفعش مرته تبقي ضعيفه اكده واخرتها تهملني. يوم ما خطبت العجربه جعدت اجول ليه اكده وجلبي انفطر ساعتها وعيت انك ماهترجعش عن اللي بتعمله وان مره تجدر عليك خفت وماجدرتش وجولت انت لازمن تعجلي لاحبيبك يهملك ساعتها اموت.
ليشدد عليها… اني عمري ما ههملك بس برضك الضعف حلو حبيبي يبقي جطه اكده تتاكل..
لىتتنهد بقي اكده عايزني ارجع للخيبه تاني والحلال والحرام واجرفك.. ليه يا جلبي.انا لما بضعف بنجهر واخاف تهملني.
ليهتف يعني لازمن تجرفيني ماترجعي وبرضك تهننيني. نفسي فيكي لما كتي…….
لتقاطعه بتذمر لما كت غلبانه صوح عشان تمرط نفسي وتتجوز العجربه اللي اسمها زينه
ليضحك.. اني اجدر ابص لحد غير الجمر..
لتهتف… صوح يا ايوب.. لتتلمسه باثاره لتهمس رايدني..
ليتنهد.. ويقوم ويهتف تعالي نشرب حاجه.. لتشعر ببعض الغضب من تجاهله لها.. لتتنهد طب اني هنام هبابه واجوم هاخد دش واجي.
لتقترب وتحتضنه جايبالك جميص نار ياخد العجل يا واخد جلبي ليتنهد ويتعجب منها .لتهتف جول عايز ايه واني اعمله من يدك دي ليدك دي..
ليهتف عايز عطر اللي روحها حنينه اتوحشتها..
لتتنهد وتهتف بتذمر يعني ماهترجعش تجول مش عايز وتجهرني..
ليهتف لاه والله ماهرجع..
لتهتف بتافف طيب. لتدخل وتتركه جالسا في التراث ليمر وقتا قصيرا وهو يقف بجوار التراث يتذكر ليلتهم الاولي ويغمض عينه ويبتسم بحنان ليهمس وحشني ضعفك ده والله صحيح بجيتي تاخدي العجل بس اتوحشتك اتوحشت الحنيه العيون الرايجه الخجل والرجه. ضعف ايه بس دانتي واخده عجلي بضعفك ده خفتي يا جلبي لاسيبك تجومي تتغيري اكده بس اني ما ريدش الا عيون حبيبي الصافيه . ..
ليمر وقتا ليتلفت فلم يجدها عالفراش ليستعجب فقد غابت بالداخل..
ليذهب ويخبط عليها
لتهتف…. معلهش يا ايوب نسيت البرنس. بره علي الكرسي هاتو والنبي.. ليستدير ويمسكه ويلاحظ القميص موضوها علي الحقيبه ليقترب ويتلمسه كان فعلا ياخذ العقل ليفتح الباب ويهتف خدي يا جلبي البسي..
ليحضره اليها لتفتح وتاخذه وتغلق لتلبس هيا وتخرج تلف البرنس ووجهها احمر بشده. ليستدير لينظر اليها ليلاحظ احمرارها ليبتسم ليقترب منها لتحني راسها بخجل خلع قلبه فحبيبته تظهر امامه جميله رقيقه كان يعرفها من عيونها ليندفع ويشدها لاحضانه ليهتف بحبك اكده ايوه اكده عايز اكده..
لتحني راسها بخجل.. عايز ايه بس وسع اكده.
ليهتف…. اوسع ايه انت بطلي داني جلبي هيجف من جمال حبيبي الرايج الجمر.
لتهمس… صوح والنبي جمر يا ايوب بتحبني.
ليهتف.. بحبك.. داني عاشج لحد ماجلبي انهري..
لتتململ وتهتف.. طب تعالي نجعد بره ليشدها لينفتح برنسها لتشهق وتقفله بسرعه.
ليبتسم ويشدها.. ايه حبيبي مخبيلي ايه طيب.
لتهتف.. اوعي اكده.. مش هعرف دا طلع عيب جوي.
ليضحك.. ماني اللي مجهز الشنطه والا نسيتي.
لتهتف.. عيب يا ايوب ايه ده انت بتكسفني..
ليرفع حاجبيه…. لا و الله يا شيخه بتتكسفي.. انت باينك لاسعه.. تعالي بس وريني حالي وانت جمر اكده.
لتبتعد.. لا و النبي بطل تعالي نسهر بره في التراث..ماعرفش بدوخ ليه اكده.
لتشده ليخرج بها ويجلس ويحتضنها ليظل يداعبها ليهمس….. نفسي تبقي رايجه اكده ولا تبعديش حالك عني ساعتها اجبلك من السما حته.
لتنظر اليه بحب.. ماعايزاش يا ايوب عايزاك طيب عايزاك حنين وخير عايزاك جنبي وبس.
ليتنهد… يعني ماعايزاش دهبات وحاجات اكده
لتهتف بتجول ايه انت.. داني كفايه عليا نظرتك بس تبقي زين وراجل ما تعملش حاجه وحشه..
ليهتف.. بالله عليكي ماتجيبي سيره حاجه وسيبينا رايجين مش تعملي اكده وترجعي تمرري عيشتي..
لتشعر بالحزن.. اني يا ايوب امرر عيشتك لتقوم وتبتعد ليهب ويذهب ورائها.. لاه والله لاه ماجصدي ماتزعليش بالله ماتنكدي علينا اني مابصدج الاجيكي رايجه اكده..
لتهمس… ماني علي طول رايجه انت اللي بتبجي وحش وتعمل حاجات تجهرني.
ليقترب ويهمس…. اني برضك اجدر اعمل حاجه.. ورايحه فين دا روحي بتطلع علي ماشوف عيونك اكده. ايوب رايدك جمر اكده ليذهب الي قرب الشباك ليسمع احد الانغام تنطلق من الجوار ليشدها اليه ويحاوطها ليهمس…. خدتي عجلي يا عطر لتذوب بين يديه فهيا لم تعد قادره علي صده فحنانه هلك قلبها ولم تعد قادره ان تمنع روحها كانت تستسلم له وتذوب بين يديه.
ليمد يده ويزيل برنسها لتشعر بالنار تغزوها لتحني راسها ليشدها ويراقصها ليهمس لاه انت تاخدي العجل ايه رجتك دي
لتهمس بخجل حارق.. بطل ياجلبي بقه اني ماجدراش اتحمل كلامك ده…
ليهتف… لاه واني ماجادرش اشوفك غير اكده ليضع يده علي وسطها ويدور بها حالمه كالفراشه تطير بين يديه ليحملها مره واحده ليذهب بها للفراش لتذوب وتخجل وتبعد وجهها.
ليهمس… بالله ماتبعدي نفسي فيكي يا جلبي اكده نفسي في حبيبي رايج ضعيف اكده.بحس معامي بحاحه تانيه تشعوط جتتي بس عيونك تفضل اكده ماتخفيش ماههملكيش بالله ماتجلبي رايد حنيه جلبي انت تاخدي العجل اكده. لتنساب بين يديه ليغوص معها في ليله عاشقه ليله من ليالي عطر الساحره ليست الراغبه ليله تجمع بين الحالميه والمشاعر ليله كان ايوب يرتوي من حنان تلك الحالمه التي خلعت قلبه ليله رجوليه اشبعته بكل المقاييس روحا قبل جسدا فالروح للروح لقاء . لم ينم ليلته حتي لا يفقد ما بينهم ولا يظهر الا نادرا افتقد الضعف والحنان والحالميه وكلما حاولت ان تنام لم يتركها لتهلك بين يديه وتسقط من تعبها ليكلبش فيها يتمني ان تبقي ضعيفه هكذا ولا تعود وتسقط عنها تلك الحالميه بعد ان اخافها انه سيتركها لتعود وتقلب خوفا منه لينام اخيرا وقد ارتاح قلبه من ليله اشبعته كرجل واشبعت قلبه و مشاعره وليس رغبه فقط
في الصباح استيقظ هو لم يجد زوجته لينظر حوله ليلاحظ بها في الشرفه تقف ليبتسم ويقوم ليحتضنها فلم تتحرك.. ليديرها ليلمح لمحه غاضبه في عيونها ليهتف.. مالك يا جلبي ينفع تهمليني مش تصحي حبيبك زي كل يوم..
لتستدير… اه حبيبي طبعا امال لتحتضنه وتهتف كنت بس تعبانه من امبارح.
ليضحك ويشدها…. حجك عليا يا جلبي والله ماجدرت ابعد تعبتك عارف.
لتهتف.. كت مبسوط انت جوي صوح
ليهتف.. مبسوط بس داني كت هنهبل من حبيبي اللي ياخد العجل.
لتهتف.. اه وبينكد عليك ويتكلم في الحلال والحرام.
ليهتف ويحتضنها.. لاه ماهنتكلمش في اكده. لينظر اليها ماتجيبي بوسه وانت جمر اكده..
لتبتسم وتهتف.. بوسه بس لاه عطر رايده حاجه تانيه.
ليقطب جبينه ليهتف.. رايده ايه يا جلبي لتشده اليها وتلتصق به.
لتهتف.. رايده اوريك الانبساط عن حج لتشده الي الفراش وتحتضنه وتبدا في مداعبته بقوه ليهتف عطر انت مش تعبانه..
لتضع يدها علي فمه تتلمسها.. لاه عطر رايداك دلوك يبقي حبيبيها معاها وبس لتندفع الي احضانه وتتفنن في اثاره رغبته ليستسلم لها متعجبا من تغيرها في ليله وضحاها لتغزوه بعنوانها وتعود اليه كما كانت ليهلك بين يديها فهيا لا تتركه لينتهي وتنتهي هيا ايضا لتركن بين يديه متعبه لتنام ليحس انه كان في سباق مع نار حارقه رغبه عجيبه لم يفهم تقلبها. ليشدد عليها وينام من تعبه.
********
كان خالد ويحي يجلسان في المندره ليهتف خالد…. واد يا يحي هتعمل ايه يا واد لو مراتك عرفت مش هتعمل حسابك للبت تطفش.
ليتنهد يحي… لاه ساره ماهتسيبنيش مالهاش حد غيري
ليهتف خالد… ماعندجها ارض ورث دهبات.
ليقطب يحي.. لاه ماعندهاش الا الدهب بتاعها ليه بتجول ايه.
ليهتف خالد .. الست لما بتكون معاها فلوس بتبقي جويه وممكن تهملك تبيع الدهب وتهملك.
ليبهت.. بتجول ايه انت لاه ساره عمرها ماتبعد.
ليهتف خالد… طب نصيحه خد الدهب وعينه عشان لو حبت تسيبك هتسيبك وجلبها جوي مش محتاجه ليك ليظل يحي يفكر لياكله قلبه..
في تلك اللحظه كانت زينه تمر بجوار الشباك لتسمع ما حدث لتخبط علي صدرها… يا حزن الحزن.. يحي هيتجوز علي ساره.. اه يا ابوديل يا نجس. طب اعمل ايه لتظل تفكر.. انت مالك يا حزينه هتعادي يحي ليه خليكي في مصلحتك لتنصرف وتتركه.
اما يحي صعد الي زوجته ولا يعرف كيف سياخذ ذلك الدهب.. ليظل جالسا لتقترب منه ساره وتحتضنه وتقبله وتجلس علي قدمه لتهمس جلبي مكشر ليه فيه ايه.
ليهتف.. هاه لاه يا جلبي مفيش.
لتتنهد.. هو اني مش عارفاك يا جلبي جول بقه ماتبجاش رخم.
ليظل يفكر ليتشجع.. اصل داخل في شغلانه اكده ومحتاج فلوس بعيد عن ابوي ومش عايز اجول لحد بس مش عارف اجيب منين.
لتهتف هيا بحب.. معايا يا جلبي الدهب بيعه واعمل ما بدالك.
ليهتف… هتديني دهبك يا جلبي.
لتهتف اديك دهبي.. لتمد يدها بسرعه وتخلع اساورها.. واديك روحي يا واخد عجلي لتقوم وتحضر له بقيه الدهب ليظيل ينظر اليها بقهر لتضحك…. بس اياك تروح تضحك عليا وتتجوز بيه والله اجتلك جتل.
ليرجف قلبه.. هاه لاه دا في الحفظ يا جلبي وفي رجبتي ليوم الدين.
لتحتضنه واني ماعايزاش الهوا الا جلب حبيبي يبقي ليا وبس.
ليحتضنها ويهتف.. مش عايز غير اكده جلبي وجلبك وبس.
لتنام في حضنه لتهمس.. حبك جوايا زايد ومعتش عارفه اروح بيه فين ويوم ماتبعد عني اموت.
ليهتف.. ابعد.. ساعتها يكون يحي مات.
لتحتضنه وتهتف….بعد الشر يجعل يومي جبل يومك(روح الاهي تنفضح يا يحي 😠)
وكأن الله يحفظ تلك الدعوه يوما ليكوي بها قلب ذلك الجاحد الذي علا في عنفوانه الصعيد لينسي روحا لا يستطيع ان يتنفس من غيرها ولكن وقت وقوع المصيبه ستكون فاجعتك يا ييحي لي رؤوس الاشهاد
*********
.. كان الكل جالسا واصبح هناك حاله من البهجه وعطر انغمست بمرح مع الكل سوي من مناوشات مع زينه ولكنها كانت تتجنب دراج بشكل غريب وكان عندما يكلمها تتصنع عدم السمع.
لياتي يوم لتهتف لايوب.. ايوب هو احنا هنفضل عايشين اهنه طول العمر
ليقطب جبينه.. ايوه يا جلبي هنروح فين.
لتهتف نروح دار لينا نعملو دار لعيالنا ولحالنا.
ليهتف.. عطر انت اتخبلتي لاه ماهيحصلش.
لتهتف ليه.. لازم نحاجي علي روحنا وتجارتنا.
ليقطب جبينه.. مالك بتجارتنا انت وتحاجي ايه لاه ماهيحصلش وماتفتحيش السيره دي فاهمه
ليهتف بعنف عطر تجولي حاضر و طيب فاهمه.
لتهب وتقوم غاضبه لاول مره.. لاه يا ايوب عطر ماهتجولش حاضر وطيب عطر بتجول حاضر وطيب بمزاجها.
لينظر اليها بغضب.. عطر خلي بالك من كلامك.
لتهتف. ايوب اني ماجولتش حاجه وحشه عشان اخلي بالي.
ليهتف منفعلا و يقترب منها.. ماتطلعيش غضبي يا عطر.. كان مستعجبا انها ترد عليه الكلمه بكلمتها فعطردائما تهرب من المواجهه ليهتف انت تعحلي اكده وتبطلي حمجتك دي انت كتي بتتلبكي من كلمتين ايه جرالك.
لتنظر اليه غاضبه.. جرالي كتير بس مابنطجش وخليني ساكته والا اجولك اني هجوم انخمد وقامت وشدت الغطا وذهبت للاريكه.
ليستعجب من غضبها وردها عليه ليتنهد ويجلس بغلب ليجدها تعطيه ضهرها ليهتف.. طب هنام كيف وانت مش جاري..
ليذهب اليها ليهتف.. ينفع اكده حبيبي يهملني.
لتهتف بقوه… روح نام اني ماهنامش جارك.
ليرفع جبينه فنبرتها حاده امره ليهتف.. لاه يا جلبي هتنامي ليشدها لتهتف ايوب بطل اني جولت خلاص.
ليهتف…. واهون عليكي.
لتهتف.. والله انت اللي مفكرني لسه هبله وبجول طيب وحاضر مش راضي تفهم اني اتغيرت.
ليتنهد…. لاه خابر يا جلبي شايف وراشج في وشي اهه عطر يا جلبي ايوب مايمشيش معاه رمحتك دي اه اتغيرتي ومبسوط بيكي بس انت كتي مابتعرفيش تجولي كلمتين علي بعض.. دا جلبي كان حنين وبيخاف
لتهتف.. اه عبط وضعف.. اخاف واتركب مش اكده وعشان اكده كت دنيتي هتخرب.. لاه يا ايوب عطر وعت للدنيا وعرفت ان الضعف مالوش مكان لتعطيه ضهرها تصبح علي خير.
ليقف ينظر اليها والي برودها وتجاهلها ليبتعد ويجلس علي الفراش مستعجبا كيف تلهبه عشقا وتعود تتجاهله هكذا ليقرر ان يقومها فمهما كان عشقه له لن ينفع مع شخص ايوبى شخصيه متحكمه ذو عنفوان.
ليمر يومين وهيا متجاهلاه ايضا وهو يحترق ويحن اليها ليدخل مره ليلا ليجدها جالسه ليجدها تقترب.. انت جيت يا جلبي.
ليرفع حاجبيه ويهتف بسخريه..لاه لسه في الشارع
لتقطب جبينها… ليبتعد ودخل يغير ملابسه ليخرج لتقترب.. وتحتضنه وتهمس اتوحشتك..
ليزيح بوجهه فهيا حرقته ليومين.. ليهتف.. تصبحي علي خير عايز انام
لتشعر بالقهر وتحتضنه.. هتهملني فيه ايه
ليهتف غاضبا.. فيه اني عايز اتزفت ايه جولك ماهواش بكيفك..
لتنظر اليه بقهر وتدمع عينها وتهمس.. طب خلاص ماتزعلش اكده حجك عليا يابن الناس واستدارت وذهبت الي الفراش وانكمشت ودموعها تسيل.
ليظل واقفا لا يعرف ماذا يفعل فهيا لم تنم بجواره لمده يومين حرقت قلبه ليجدها منكمشه وجسدها يهتز ليعلم انها تبكي ليتنهد ويشعر بالغلب ليتجلد وينام وظل فتره هكذا ليشعر انه سيموت من كتمته ليستدير ويحتضنها الا انها لم تنطق ليديرها لتزيح وجهها.
ليهمس طب بتعيطي ليه دلوك.. لتنفجر في البكاء ليحتضنها بقوه ليهمس.. طب خلاص خلاص اهدي لتكلبش فيه وتبكي ليظل يمسد عليها حتي هدات لتبتعد اخيرا ليشدها راحه فين.
لتهمس مفيش مش عايزه اضايقك بوجودي لتقم وتبتعد وتهرب الي الحمام.
ليلحقها عالباب ويحتضنها.. حد جالك اني مضايج من وجودك..
لتتنهد…. اوعي سيبني..
ليديرها.. لاه ماعتش جادر اسيبك اكتر من اكده دانا جلبي مهري.
لتنظر اليه قاطبه ليبتسم فهيا حالمه مشعه عيونها مليئه بالحنان ووجهها مسترخي ليس به اي اثار من الكبر والعنفوان ليحتضنها ويهمس اتوحشتك جوي.
لتهمس…. لاه انت وحش ومزعلني واني مخصماك.
ليبتسم علي طفوليتها ليهمس…. اكن اني اللي. وش ومخصماني دا ايه الغلب ده يا جلبي.. طب يا ستي حجك عليا ايوب اهه بيراضيكي.. لتهمس…. انت وحش جوي واني ماعملتلكش حاجه
ليهتف.. والنبي ايه…
لتنظر اليه غاضبه.. بتتريج طب اوعي بقه ماهحبكش.
ليشدها يلصقها به.. احبك اني ايه جولك عايز اغرجك حب لتهز كتفيها ليبتسم طب اهون علي جلبي افضل اكده محصور بعاد.. ليرفع وجهها اهون يا عطر.. لتسهم في نظراته فهيا تعشقه وتضعف امامه ليبتسم فجمالها وحالميتها يتمناهم ولا يتمني الا هما لينزل عليها يتوه معها بعشق جارف وحنان ولمساته حانيه كانها من الزجاج وهيا تستجيب وتعطيه من الحنان والرقه وليس من العنفوان كانت تغذي روحه التي تفتقد لتلك الحالميه و ما ان يجدها يعيش ليله كالخيال ليله مشاعر طاغيه تذوب فيها العطر علي جسد ايوب الذي لا يطلب الا الحنان كرجل تلهبه فياخذها كيف يشاء وليس كيف تشاء هيا فالرجل اذا اشبعت رغبته فقط ولم يمتلئ من المشاعر لا يشعر بالاكتفاء ابدا وتظل رغبته تنحر فيه حتي تغذي مشاعره عندها يهدئ ويعيش و يرد تلك المشاعر ويتمناها حتي ولو لم يرضي رغبته يكفيه مشاعر تهلك قلبه وعطر تركيبه عجيبه امامه عنفوان جامح تهلك قلبه و تكون هيا مقدامه غازيه وتشبعه كرغبه فقط وما ان تضعف وتعود لضعفها حتي يعلو عنده كل شئ تتغذي مشاعره ويطلبها ولكن كيف يطلبها وكيف ستعطيه بعد ذلك هل ستكمل في عنفوانها ام ستعود تلك الخانعه التي يتمناها اهي تغيرت من خوفها اهي رضيت بالحرام من قهرها.تغير مخيف. ولماذا اصلا تتغير عطر من الاساس ليصاب ايوب بخلل في علاقه غريبه لا يفهم مكنونها يريدها بطريقه ولكن بشروطه هو وهيا تريده بطريقه ولكن بشروطها هيا التي ظهرت فجاه من اللاعدم ولا يقدر هو عليها.ظهرت له العنفوان فهو ارادها جسدا تقتل روحها ولكن عندما ابعدت تلك الروح افتقدها ونهش قلبه ذلك العنفوان.. فماذا تفعل لك يابن ادم تطلب وما ان ياتيك طلبك تعود وتصبو الي ما رفضت فالبعيد مرغوب والمتشال محبوب. فلتاخذ طلبك وتشبع منه كيف طلبت اللي ان تدرك ان الروح هيا نعمه الله في الارض فالروح للروح حياه.وعطر لايوب نجاه..

يتبع..

لقراءة الصفل التالي : اضغط هنا

لقراءة باقي حلقات الرواية اضغط على : (رواية الوجه الأخر للحلال)