رواية انتقام الفصل الرابع 4 بقلم منار ضيفي

رواية انتقام الفصل الرابع 4 بقلم منار ضيفي

رواية انتقام البارت الرابع

رواية انتقام الجزء الرابع

رواية انتقام الحلقة الرابعة

ايهاب بثقه ” لأ
ايمان بشهقه ” مستحييييل يعني انا عايشه مع واحد كافر و
ايهاب بيقطع كلامها ” انا مش كافر مش من حقك تقولي عليا كدا وانتي مش هتعيشي معايه كلها فتره وبعد ما ابوكي يموت بحسرته هسيبك تغوري ف ستين داهيه
ايمان ” انت سليط اللسان ع فكره ودا من أبشع أنواع البني ادميين
ولا يلا انا هستغرب ليه واحد بيشرب وبتاع نسوان ومش مقتنع بفكرة وجود اله هتوقع منه ايه يعني
لو تتخيل صورتك ازاي ف عيوني صوره بشعه مقرفه
ايهاب بعصبيه ” مش هسمحلك تتكلمي معايه بالاسلوب دا
تعرفي ايه عني انتي عشان تتهميني اتهامات زي دي تعرفي انا عيشت ازاي فين كبرت مع مين اتربيت ع ايد مين
عانيييت ازاي ومن مين
انتي متعرفيش حاجه غير بابي ومامي وصحابي وخروجاتي وزفت عليكي و ع دماغك
ايمان بهدوء ” احكيلي انا ممكن اساعدك انت مشوش بس انا أقدر اساعدك واجاوبك ع كل سؤال ممكن يدور في دماغك
ايهاب بخنقه ” مش محتاج مساعده منك ساعدي نفسك انك تخلصي مني عشان اللي جاي هيدمرك انتي وابوكي ف ضربه واحده
نزلت وسبتها ركبت عربيتي كان لازم امشي قبل ما انهار واحكيلها الماضي بتاعي كانت هتفتكر أن ضعيف وانا مش كدا هي لازم تشوفني بالصوره اللي شيفاها دي مينفعش تشوفني غير كدا
بس انا فعلا محتاج حد يساعدني محتاج حد يجاوب ع اسئله ف دماغي بدور من وانا طفل 5 سنين
عيشت ف اوربا حياتي كلها عالم مختلف وناس مختلفه تماما عن اللي هنا اخدت افاكرهم ومعتقداتهم وجيت بيها ع هنا
انا مش كافر انا بس مش عارف امشي ف الطريق اللي المفروض اكون فيه انا مش ملحد لا انا مؤمن بوجود إله ومتأكد أن الكون دا كله بيدور بعنايه الاهيه دا حتي لما سمعت صوتها بتقرأ قرآن ارتحت جدا بس انا مش عارف ازاي اوصل للطريق دا ومش هوصله قبل ما حد يجاوب ع اسئلتي
بس هي مينفعش تعرف حاجه مش عايزها تفكر مجرد تفكير ان ف جوايا حاجه كويسه وصلت الشركه وانا مش عارف ازاي وصلت من كتر التفكير اصلا كالعاده شوفت بوز الاخص أسر
أسر ” نورت والله

ايهاب ” انت ايه اللي جابك هنا هتفضل كل شويه سايب شركتك وناططلي
أسر بزعل ” ايه يا ايهاب اللهجه دي بحبك ياخي وجاي اطمن عليك دا جزاتي
ايهاب برفع حاجب ” لا يا شيخ جاي تتطمن عليا برضو هو وشك دا بياجي غير لما يكون ف مصيبه
أسر بضحك ” ونعم الصحوبيا والله اجدع بتفهمني من نظرة عين
هوووا بصراحه يعني ف خبر هو مش وحش وكمان مش حلو
ايهاب ” احكي
أسر ” ألبرتو بتاع المناقصه الجديده اللي تخص بريطانيا عازمك الليلادي ع العشا ف مطعمه الخاص
ايهاب ” ايوه يعني ايه الغريب ف كدا احنا النهارده هنمضي العقود ولو هو مكانش عمل كدا انا كنت هعزمه و
قطع كلامه أسر ” ايهاااب انا مكملتش كلامي ألبرتو عرف انك اتزوجت وعازمك انت والمدام يا روح امك
ايهاب بيشوح بإيديه ” مدام مين والناس نايمين دي شرشوحه دي الخدامه اللي عندي بتلبس اشيك واحلى منها دي بتلبس طرحه طولها يا أسر انت بتقول ايه دا انا كل ما اشوف الصوره بتاعتي معاها ف الاخبار بتجيني ذبحه صدريه اجدع تقولي عشا و اخليها تقابل ناس من بريطانيا كمان عشان تفضحني قدامهم واخسر المناقصه اللي حلمت بيها عمري كله
أسر بضحك ” هو انا ليه حاسك قرفان منها
ايهاب ” حاسس ؟ ايه دا انت بتعرف تحس اهو اومال بيقولوا عليك جبله ليه
أسر ” احترم نفسك واخلص بقي قولي ارد ع الراجل ايه هتروح ولا لا
ايهاب ” هروح طبعا مقدرش ارفض وبالنسبه لموضوع المدام دا انا هتصرف فيه قولهم تمام هنيجي انا والمدام ع الوقت
أسر ” تمام اشوفك بكره
إيهاب بيمسك الفون وبيرن ع رقم ” الو عم اسماعيل انت ف البيت
” ايو يا فندم انا ف البيت خير ف حاجه
ايهاب ” عايزك توصل الفون دا لبنت رياض فوق ف اوضتي

” حاضر يا فندم
استاذه ايمان
ايمان ” مين
” عمك اسماعيل يا بنتي
ايمان ” الباب مقفول بالمفتاح من بره عندك افتحه واتفضل
“” اتفضلي
ايمان” اي دا
“” الاستاذ ايهاب عايز يكلم حضرتك
ايمان مسكت الفون بعصبيه ” ودا عايز ايه دا كمان
نعم افندم احكي ارغي منا مش هخلص من امك
ايهاب ” ……..
ايمان ” ما تتكلم أعم ف ايه لسانك كلته ال
ايهاب ” لو لسانك الطويل دا مقصرش هو بيكلمني هاجي اقصره بطريقتي
ايمان ” ……
ايهاب ” حلو انا عايزك تسكتي وتسمعي بس
معايه مشروع اخدت عمري كله احلم بيه النهارده هنوقع العقود بس للاسف ألبرتو طلب أن اخدك معايه وعايز يتعرف عليكي
ايمان بتقطع كلامه ” تغور ف ستين داهيه انا مبتعرفش ع رجاله
ايهاب ” مش هسمحلك تضيعي حلمي
انوثتك محتاجه شوية اهتمام عشان كدا انا بعتلك فريق عمل متكامل من الميك أب ارتست ومعاهم فساتين سواريه تختاري احلي واحده منهم تكوني جاهزه ع
ايمان بضحك هستري ” هههههههههه ايه دا ايه دا بقي أنوثتي انا محتاجه اهتمام
لا وكمان عايزني البس سواريه وأبين جسمي وأروح اسلم ع رجاله هههههههه ايهاب انا لسه يدوب اكتشفت فيك حاجه جديده حاجه عسل
ايهاب ” ايه هي
ايمان ” انك مش راااجل يا عنيا
قفلت السكه ف وشه عديم النخوه والرجوله انا يقولي البسي سواريه
عند ايهاب ف الشركه
ايهاب بصدمه ” انا مش راجل
هي قالت عليا كدا
ماشي يبنت رياض انتي شكل ابوكي اهمل ف ربايتك
ركبت عشان اروح اسألها مين دا اللي مش راجل يبنت ال
عند ايمان ف البيت
بقي انا البس سواريه انا وابين جسمي انا وأروح اسلم ع رجاله
دا ع جثتي
ايهاب ” معرفش كلمتها دي عصبتني ليه رغم ان بسمع منها اوقح من كدا بس لا دا غلطت ف رجولتي و دا اللي مش هعدهولها
وصلت البيت وطلعت جري ع الاوضه وبدون مقدمات فتحت الباب
قاعده مكانها مببتحركش

جريت عليها وشدتها من دراعها لدرجة أن حسيته اتكسر ف ايدي قلتلها بزعيق وعصبيه اتعودت عليها من يوم ما شوفت وشها
قلتي ايه ف الفون
ايمان بعياط ” ايدك عني ايدي هتتكسر
ايهاب بزعيق اكتر ” تتكسر ولا تغور ف ستين داهيه قولتي ايه ف الفون
ايمان ” قولت انك مش راجل
اللي يخلي واحده محجبه تقلع حجابها وتلبس عريان وتسهر مع رجاله دا مش راااجل ولا عنده نخوه
ايهاب ” مين قال ان هخليكي تقلعي حجابك مين قال ان هخليكي تلبسي عرياااان
اه انا مش مقتنع بلبسك بس دي حريه شخصيه ومعتقدات وأفكار انا مليش دخل فيها اتنهدت وكملت كلامي
ايهاب الألفي ميخليش مراته تسهر مع رجاله ولا راجل ف الدنيا يقدر يرفع عينه ع اي بنت طول ما انا واقف معاها ما بالك بقي لما تكون مراتي واسمها ع اسمي ومكنتش هخلي حد يسلم عليكي ولا يرفع عينه فيكي حتي
اه مش مقتنع بيكي مراتي ولا بإنك ست اصلا بس انتي قدام الناس مراتي وصورتك هي صورتي
عشان كدا بعتلك فساتين اشيك من اللي انتي لبساه دا
اتفرجي شوفي فساتين كلها بكم وطويله ومقفوله وكل واحد وليه حجابه جاتك القرف ف غبائك
وطولة لسانك نص ساعه وتجهزي فاهمه
سبتها ومشيت قبل ما احدفها بأي حاجه أدخلها المستشفي
ايمان ” ماهي الفساتين محترمه اهي ومش قليلة الادب
والله ما في حد قليل الادب غيري هنا انا كان لازم لساني يتسحب مني يعني دي فساتين كأنها طالعه من عالم ديزني
دخلت اخدت دش واخترت احلي فستان باللون الأزرق ولبست خماري ونزلتله
كان مستنيني

اناا جهزت
ايهاب بحده ” اتأخرتي 10 دقايق دقيقه كمان وكان هيبقي ف عقاب ع التأخير
ايمان بسخريه ” ايه هتخصملي من المرتب ولا ايه ،،،
ماشي يبص حواليه يمين وشمال ع الحرس و ع البواب و ع الامن طب وانا دا مرفعش عينه فيا
ايهاب ” اركبي
ايمان ” ركبت بهدوء واخدت الطريقه كله ساكته وهو منطقش بحرف بس كنت بحس بيه بيختلس نظره نظره بطرف عينه
وصلنا ونزلنا ف مطعم فخم بس الغريبه أن مفيش حد غيرنا
الحرس ‘” حضرتك استاذ ايهاب الألفي
ايهاب ” ايوه
ايمان ” هو ليه مفيش حد غيرنا
ايهاب ” ألبرتو حاجز المطعم كله ع حسابه
العشا هيبقي ع السطوح
ممكن تلتزمي الصمت و اي سؤال مترديش عليه انا اللي هرد وهتكلم
تمام ؟؟
ايمان بتنهيده ” ماشي
وصلنا السطوح المكان كان فخم جدا والناس اللي كانوا فيه لايقين عليه
ايهاب ” مساء الخير
الجميع ” مساء النور
سلم إيهاب ع ألبرتو
ألبرتو ” تأخرت يا رجل لكن ما هذا يا الاهي ما هذا الجمال الذي يقف خلفك حقا كأنها ملاك
ايهاب بخنقه ” احم احم مستر ألبرتو دي مراتي خلينا نتكلم ف مجال الشغل يستحسن يعني
ألبرتو ” حقا يا لك من محظوظ أنها ف غاية الجمال يا رجل
ايهاب بخنقه وعصبيه شكلنا مش هنخلص بيميل ع أسر ” لو مخلتهوش يتزفت يقعد ويغير الموضوع هحدفه من السطوح
أسر بهمس ” وانا مالي هو بيبص لمراتي ولا مراتك اتصرف انت
إيهاب بشهقه ” ايه دا ايمان انتي خمارك اتفك ودراعك بان روحي الحمام ظبطي نفسك
ايمان بعدم فهم ” خمار ايه اللي دراعي هيبان منه بعدين انا خماري مدبساه كويس مش هيتفك بسهوله
ايهاب بيميل ناحيتها وبيقول بهمس ” هتروحي الحمام وتختفي من قدام الجدع دا عشان مرتكبش جنايه دلوقت
ايمان ” انت عايزاني اروح اقعد كل الوقت دا ف الحمام عشان اتلبس مستحيل
ايهاب ” ماهو لو مروحتيش ودلوقت حالا انا اللي هلبس السفره دي كلها ع دماغك الناشف دا يلا ماما يلا عشان بيبصوا علينا ومتتطلعيش منه الا لما انا اجي واخدك
ايمان ” لولا ان متأكده من كرهك ليا كنت قولت انك بتغير عليا ،،

طيب يا جماعه مش هتأخر
ايهاب ” لا خدي راحتك ع الآخر
الكل لاحظ ان مشيتها قصد بس مش مهم
مضينا العقود والليله عدت ع خير
مشيت و روحت عشان اخدها ونروح لقيتها قاعده قدام باب الحمام بتدندن ف اغنيه طبعا هي حاسه بحاجه المزاج رايق معاها
عاجبتك القعده هنا كنتي بتغني ايه
ايمان ” مكنتش بغني
ايهاب ” انا شايفك وسامعك همسك
ايمان ” كنت بقرأ قرآن انا مبعرفش اغني اصلا
بس بعرف اقرأ قرآن حلو اوي وصوتي حلو اوي اوي
ايهاب ” سمعته
ايمان فرحه ” بجد فين وامتي
ايهاب ” لما كنتي ف المخزن
ايمان ” وعجبك
ايهاب ” صوتك حلو
ايمان ” قصدي القرآن عـ عجبك
ايهاب ” اركبي يا ايمان ومترغيش كتير
ايمان ” ماشي
ركبنا وطول الطريق ببصله يمكن يتكلم يفك عن نفسه مفيش اصل انا عارفه أنه مش كدا وان ف حاجه هي اللي ممشياه ف الطريق دا غصب عنه أو يمكن
ايهاب بشهقه وبيوقف العربيه بسرعه ” حاسبي يا ايمان انزلي تحت الكرسي بسرررررعه
ايمان بخضه ” ف ايييه ايه اللي بيحصل
ايهاب ” ف سلاح ف ضرب نار ف اننا متحاوطين من كل ناحيه معرفش ازاي دا حصل فجأه
ضرب النار بيزيد وبيقرب تقريبا جايين ناحية العربيه
ايمان اوعي تتحركي من مكانك ولا تعملي صوت
إيمان بعياط ” ح حاضر
كنت خايفه مرعوبه صوت ضرب النار فعلا بيقرب لحد ما شخص فتح باب العربيه ناحية ايهاب وسحبه لبره
كانوا ناس كتير جدا مكانوش واحد ولا اتنين ولا حتي عشره
هما عايزين ايه نزلوا المسدسات ونزلوا كلهم فيه ضرب رغم أنه محدش يقدر عليه ولا ع جسمه الرياضي لكن يمكن الكتره تغلب الشجاعه فعلا
كنت شيفاه بينضرب قدامي وقلبي بيتقطع من الخوف وشه كله بقي دم
لحد ما في شخص منهم طلع ورقه وقاله
الشخص ” امضي هنا
ايهاب بتعب ونفس متقطع ” ع اي
الشخص ” تنازلك عن مناقصة بريطانيا
ايهاب ” مستحيل دا ع جثتي
الشخص ” يبقي انت اخترت الموت

ايمان ” لا لا مستحيل دا هيقتله
اخدت بالي وانا نازله تحت الكرسي أن ف حاجه زي العصايه بس كانت حديد وتقيله
خدتها واتسحبت براحه ووصلت ورا الشخص اللي رافع المسدس ف وش ايهاب كنت هضربه بس
شخصاً ما ” خلي بالك بص وراك
صوت رصاصه بيطلع
ايهاب بصوت عالي ” ايمااااااااااان لأ
شخصاً ما موجها كلامه للذي أطلق الرصاصه ” الله يخرب بيتك يغبي الباشا قال مش عايز نقطة دم ولو اضطرينا يبقي دمه هو مش حد غيرو احنا لازم نهرب
ايهاب بيجري ويقع ويقوم من التعب والضرب ” ايمان
ايمان اروجكي فوقي ايه اللي انتي عملتيه ف نفسك دا
،،، شوفتهم بيهربوا قدامي بس وقتها مكانش ف بالي غير أن أنقذ اللي دمها سايح قدامي وبسببي استجمعت كل قوتي وشلتها وطلعت ع العربيه وصلنا المستشفي
فين الدكتور اللي هنا
الممرض ” هندهلوا حالا
ايهاب بعصبيه ” بسررررررررعه
الدكتور ” دي رصاصه يعني فيها محضر
ايهاب بعصبيه اكتر ” يعممم طلعهااا منها الاول وانقذ حياتها وبعد كدا نشوف طلباتك اخلصص
الدكتور ” خدوها ع جوا
وانت كمان تعالا معانا عشان تضمد جروحك
ايهاب ” انا كويس اهتموا بيها هي بس
أسر ” ايهاب طمني عليك حصلك ايه لسه حالا بلغوني باللي حصل
ايهاب بتعب ” مححصلش ليا حاجه ايمان اللي اتأذت بسببي
أسر ” يعني ايه مش فاهم
ايهاب بإنهيار ” يعنييييي انقذتني انا وضيعت نفسهااا يعني ضحت بنفسها عشاني يا أسر انت مستوعب اللي بيحصل
أسر” اهدا اهدا احنا ف مكان عام
إيهاب ” تفتكر هي عملت كدا ليه معقول عشان عشان
طب بلاش دي تفتكر مين اللي عمل فيا كدا مين
أسر ” إيهاب انت منافسينك بعدد شعر راسك والمناقصه اللي انت عملتها دي رجال الأعمال كلهم كانوا بيحلموا بيها فلما تاجي انت تاخدها لوحدك اكيد مش هيسبوك ف حالك
الدكتور ” قدرنا الحمد لله نخرج منها الرصاصه هي جات ف كتفها يعني اصابه سطحيه
إيهاب ” ممكن ادخل اشوفها
الدكتور ” ممكن بس مش دلوقت كمان ساعه او ساعتين لحد ما تفوق
ايهاب ” متشكر
قعدت ساعتين عدوا كأنهم سنتين اسئله كتير بدور ف دماغي أولها ليه ضحت بحياتها عشاني
الممرضه ” يا استاذ يا استاذ المريضه اللي جوا بتسأل ع حضرتك
إيهاب بفرحه ” يعني هي فاقت اخيرا
دخلت لقيتها قاعده ف السرير وحرفيا كرهت نفسي لما شوفتها ف الحاله دي بسببي
ايمان انتي كويسه
ايمان بتعب ” الح الحمدلله

إيهاب ” ليه عملتي كدا كنتي قادره تسبيهم يموتوني واهو تخلصي مني
مش انا ف نظرك الشرير الخاطف بتاع النسوان المدمن مش انا ف نظرك واحد كافر نقذتيني من الموت ليه
ايمان انا بسألك ردي عليا
إيمان ” عشان نفس السبب
إيهاب ” مش فاهم
ايمان” ايهاب تقدر تقول ربنا اداك فرصه عشان تصلح حياتك وتبقي احسن
انا مضحيتش بنفسي عشانك
انا استحرمت انك تموت وانت كدا مينفعش تقابل ربنا وانت متعرفهوش
إيهاب ” بسسس هو دا عشان كدا وصلتي نفسك للحاله دي
ايمان ” ايوه ولو اتحطيت ف الموقف تاني هعمل نفس اللي عملته طالما هيبقي ف فرصه جديده قدام إنسان عشان يصلح نفسه وحياته
إيهاب بضحكه سخيفه ” اها فاكره نفسها منقذ البشريه دي عبيطه يعم مكانش ينفع اسألها وانا اللي فكرت ف حاجه تاني
،،، بصي يا إيمان ايمان انتي يبنتي تؤتؤ دي نامت سرحت ف شكلها وملامحها هي ونايمه بس فوقت ع رسالة واتساب من رقم مجهول
ايه دا لا مستحيل اكيد دا هزار مين اللي يقدر يعمل مقلب سخيف فيا زي دا مستحيل
***************************

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية انتقام)