رواية حب الخديوي الفصل الرابع 4 بقلم توته
رواية حب الخديوي الفصل الرابع 4 بقلم توته
رواية حب الخديوي البارت الرابع
رواية حب الخديوي الجزء الرابع
رواية حب الخديوي الحلقة الرابعة
تاليا : بس أنا مش بفكر في الموضوع ده دلوقتي
محمد : اومال هتفكري فيه امتا ؟؟
تاليا : بابا أنا لسه صغيره وبعدين أنا ليا مواصفات لفتى أحلامي زي أي بنت
محمد : لسه صغيره اي بس انتي بقيتي عندك 24 سنه يا دكتوره واللي قدك دلوقتي متجوز ومخلف
تاليا : وهو أنا كده كبيره ؟؟ .. بابا لو سمحت سيبني ع راحتي
محمد : يعني اي اسيبك على راحتك .. انتي حتي مشوفتيهوش .. شوفيه يا ستي ولو معجبكيش خلاص مش هجبرك على حاجه
تاليا : مش مستعده اشوفه .. مش عايزه اتجوز أنا
محمد : مش بمزاجك يا تاليا .. هو كلمني عليكي وانا قولتله هخليها تشوفك
تاليا : كمان !! .. يعني اتفقت كمان اني اشوفه من غير م تسألني .. مش كفايه سايبنا مع ماما ومش بتسال علينا غير كل فين وفين .. كمان بتتحكم فينا .. ع العموم أنا اللي هتجوز مش حضرتك وانا مش مستعده اتجوز خالص .. أو لسه مخدتش فرصتي
محمد : وممكن تكون دي الفرصه .. أنا مش بتحكم في حد فيكوا أنا بس بعرفك عشان عايز افرح بيكي .. ولو مش موافقه خلاص .. أنا سايب كل واحد حر في حياته
تاليا : يا بابا افهمني .. أنا حاليا مش مستعده لده .. وبصراحه كده مش عايز اتجوز واحد بيعتمد على باباه .. عايزاه يعتمد على نفسه
محمد : بس هو بيشتغل بنفسه ومكون نفسه وكمان كفؤ جدا بس انتي اديله فرصه حتي وقابليه .. بس لو مش موافقه أنا مش هضغط عليكي وزي م قولتي انتي اللي هتتجوزي مش أنا
تاليا : معلش يا بابا اعذرني
محمد : خلاص براحتك
تاليا : يلا .. عايز حاجه !!؟
محمد : سلامتك
روحت تاليا ووصلت البيت
تاليا : مساء الخير
عمرو : مساء النور .. ايه اللي أخرك ؟؟
تاليا : كنت عند بابا
عمرو : وقابلتي اميره هناك !!
تاليا : اسكت يا عم دي بلوه
عمرو : وبابا كان عايزك في أي !؟
تاليا : كان جايبلي عريس
عمرو : نعم !!؟
تاليا : ايه في ايه ؟
عمرو : وقولتيله ايه ؟
تاليا : قولتله اني مش بفكر في الموضوع ده دلوقتي واقنعته بوجهة نظري واقتنع
عمرو : اممممممم .. كويس .. بس ليه مش بتفكري في الموضوع ده بقا !؟
تاليا : مش مستعده أنا .. مش بالعافيه هو
عمرو : يا ستي هو حد غصب عليكي .. فضول بس
تاليا : اممم .. ماما فين !!؟
عمرو : في المطبخ
تاليا : نفسي اشوفها مش في المطبخ مره
عمرو : هيا فاشله زيك ولا اي
تاليا : اتلم يااااااض
عمرو : دي منظر واحده وكمان أنا اخوكي الكبير اعمليلي اعتبار حتي
تاليا : يا عم بقا
عمرو : علفكره الاسبوع الجاي عندي حفله ومش هاخدك معايا
تاليا : احلف .. حفله اي ؟
عمرو : عيد ميلاد
تاليا : ومش هتاخدني ليه بس يسطااا ؟ .. ده انت حبيبي
عمرو : والله !!؟ دلوقتي بقيت حبيبك !!
تاليا : تؤتؤ .. انت على طول حبيبي
عمرو : بكاشه اوي
تاليا : بقا كده !!؟ تمام
سابته وراحت المطبخ لمامتها
تاليا : نفسي مره اشوفك مش في المطبخ
مامت تاليا : لما اموت أن شاء الله
تاليا : بعد الشر عليكي يا ست الكل
مامت تاليا : روحتي لابوكي !!
تاليا : اهااا
مامت تاليا : كان عايزك في ايه ؟
تاليا : كان جايبلي عريس .. بس انا رفضت .. ليه .. عشان لسه مش مستعده لاي جواز دلوقتي .. وعارفه اني كبرت وبقيت عندي 24 سنه بس أنا ليا مواصفات لفتى أحلامي زي أي بنت
مامت تاليا : يا بنتي احنا عايزين نفرح بيكي
تاليا : عارفه يا ماما .. بس مش بالغصب .. أن شاء الله لما يجي الوقت المناسب ولا هو أنا مضايقاكوا اوي كده وعايزين تخلصوا مني !
دخل عمرو وهو بيقول
عمرو : متضايقين اي بس .. ده انتي سكرة البيت يا لوليتا .. يا نهار واحنا نقدر نستغنى عنك برضو !
تاليا : حاسه اني بقيت عبء عليكوا
مامت تاليا : مين اللي قال كده يا حبيبتي ؟؟ .. أنا بس عايزه اشوفك مع عريسك قبل م اموت
تاليا : ايه اللي بتقوليه ده بس يا ماما بعد الشر
عمرو : خلاص يا ماما .. تاليا مش صغيره واكيد هيا ادرى بمصلحتها اكتر مننا
مامت تاليا : ماشي يا حبيبتي يلا روحي غيري هدومك وتعالي عشان نتغدي
تاليا : حاضر
على الناحيه التانيه
ادهم : كل سنه وانتي طيبه يا ستي
_ وانت طيب .. بس لازم تيجي
ادهم : اكيد طبعا احنا عندنا كام سلا يعني
سيا : وهاد هو العشم يا ابن عمي .. وع فكره أنا كلمت مريم وطنط صفاء
ادهم : كمان !!
سيا : اه طبعا وهو أنا أقدر ع زعلهم ؟
ادهم : لاء بس كنت أنا كفايه وكنت قولتلهم
سيا : لا برضو هيك أحسن
ادهم : ماشي يا ستي براحتك
سيا : يلا باي
ادهم : باي
عند تاليا
تاليا : قولي بقا يا سيدي
عمرو : اقولك ايه ؟
تاليا : معزوم ع عيد ميلاد مين بقا ؟
عمرو : واحده زميلتي في الشغل
تاليا : امم .. واحده
عمرو : عايزه ايه ؟
تاليا : م تعمل حركة جدعنه كده وتاخدني معاك
عمرو : انسي
تاليا : يووووه .. يعني هتخرج وتسيبني !
عمرو : أما تبقى تعزمك ابقي روحي
تاليا : عادي يعني ده انا اختك
عمرو : ولا اعرفك
تاليا : طب بالذمه كده
عمرو : هاااااااا
تاليا : هتقول حاجه !!
عمرو : مش عارف
تاليا : لاء عارف .. اكيد يعني مش هتقول حاجه .. يسطااا والنبي عايزه اغير جو شويه
عمرو : اممممممم
تاليا : يلا بقا
عمرو : ماشي يا ست .. أما نشوف
تاليا : والله أنا دايما بقول انك حبيبي
عمرو : هاااهوو .. العبي غيرها
تاليا : ياسطا قلبك ابيض
عمرو : بكلم واحد صاحبي وربنا
تاليا : معلش يا مان استحملني شويه
عمرو : يلا بقا اتفضلي عايز انام
تاليا : هو انت بتطردني اكمني في اوضتك يعني !
عمرو : اه اعتبريها كده .. يلا بقا هوينا
تاليا : ماشي كله هيطلع عليك في الآخر
عمرو : هغير رأيي
تاليا : قلبك ابيض بقا .. يلا تصبح ع خير
عمرو : وانتي من أهله
عدي الأسبوع من غير جديد وجه يوم عيد الميلاد
عمرو : يلا يا تاليا عشان منتأخرش لسه هشتري هديه
تاليا : خلاص اهو
عمرو : ايه ده ؟ ايه اللي انتي عاملاه في خلقتك ده ؟
تاليا : في ايه ؟
عمرو : وايه الفستان القصير ده ؟
تاليا : في ايه يا عمرو ؟
عمرو : تاليا القرف ده لو مغيرتهوش دلوقتي ومسحتي اللي ف وشك ده مفيش خروج
تاليا : ده عيد ميلاد يعني
عمرو : اديكي قولتي بنفسك عيد ميلاد مش ديسكو .. ادخلي غيري المهزله دي وإلا مفيش خروج
تاليا : ماما هو اللبس ده وحش !؟
مامت تاليا : مش وحش بس عيب يا تاليا تخرجي كده الفستان ضيق وكمان قصير واللي انتي حاطه في وشك اوڤر اوي
عمرو : تاليااااا .. أنا قولت كلامي لو مش عاجبك متجيش
راحوا عيد الميلاد ودخل عمرو ومعاه تاليا سلم على أصحابه وبعدين راح لسلا
عمرو : كل سنه وانتي طيبه يا سلا
سلا : وانت طيب يا عمرو
تاليا : كل سنه وانتي طيبه يا قمر
سلا : وانتي طيبه يا روحي .. ايه م راح تعرفنا يا عمرو
عمرو : سلا زميلتي في الشغل .. تاليا اختي
سلا : اه فكرتا الجو
عمرو : لسه شويه
تاليا : عمرو ملوش في الكلام ده .. اخره يلعب مع البنات ببچي
سلا : عمرو بيكون شخصيه لطيفه جدا
عمرو : ربنا يخليكي .. بقولك أنا هروح مع صحابي خليها معاكي
سلا : في عيني
عمرو : تسلم عينيكي
تاليا بهمس : بطل محن شويه مش كده
عمرو : اسكتي انتي .. تاليا لو عوزتي حاجه رني عليا
تاليا : تمام
سلا : تعي معي بدي اعرفك ع بنت عمي
تاليا : بتؤبرني هي اللغه
سلا : والله انك كتير مهضومه
تاليا : هو أنا لسه اتاكلت عشان اتهضم ههه
سلا : يلا تعي معي أنا حبيتك كتير
سلا : مريم
مريم : هااااا .. مين القمر اللي معاكي دي
تاليا : انتي اللي قمر والله
سلا : هيدا بتكون اخت زميلي بالشغل
مريم : تشرفنا يا قمر
تاليا : أنا اكتر والله
سلا : ادهم وطنط لسه م اجو
مريم : كلمتهم وجايين في الطريق
سلا : تمام .. تعوا نشرب شي
وصل ادهم مع مامته وبمجرد وصوله قلب الجو حرفيا كان كل اللي موجود عارفه وكان محبوب جدا كان كل اللي موجود مبهورين بيه دخلته كده ليها هيبه وخصوصا لما بيكون فايق بيبقى مز اوي وكانت البنات كلها من غير استثناء معجبين بيه ومبهورين وكانه بيبصوا عليه بانبهار واضح
تاليا شافته وافتكرته فورا بس المره دي غير كل مره كان في وضع غير يعني ولا متصاب ولا في مرور مع أنه قمر اصلا في كل حالاته يأخي تبا لك
اول م دخل جريت سلا عليه وحضنته وسلمت على صفاء
ادهم : كل سنه وانتي طيبه يا أحلي سلا في الدنيا
سلا : وانت طيب يا أجمل ادهم بحياتي .. شو ه الشياكه انت جاي هون تتعاكس ولا شو
ادهم بضحك : وأنا بتاع الكلام ده برضو
سلا : مشان جاي متشيك ع الآخر
ادهم : لاء ده العادي بتاعي وانتي عارفه
كانو واقفين مندمجين مع بعض وتاليا بتبصلهم بلا مبلاه
تاليا : الا قوليلي يا قمر !
مريم : اقولك ايه ؟
تاليا : مين اللي دخل قلب الجو ده ؟؟
مريم : ده يا ستي يبقى ادهم .. أخويا وابن عم سلا
تاليا : اخوكي !؟
مريم : اهاااا .. تعرفيه ولا اي ؟
تاليا : لاء .. هعرفه منين يعني ؟
مريم : طيب عن اذنك بقا هروح اشوفه
تاليا : تمام يا قمر براحتك
راحت مريم تشوفه وتسلم عليه اخوها بقا اجدعان وتاليا وقفت لوحدها
_ مالك يا قمر واقف لوحدك ليه ؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب الخديوي)