رواية ونحب تاني ليه الفصل الثالث 3 بقلم منة الهواري

“وقفنا لما نور لقت بوكس كبير وتقيل ودخلته الشقه وفتحته “

_عااااااا عاااااا 

_وطلعت فوق الكرسي 

_كلب ياا ماااماااا ،كلبب 

مامتها:اهدي ي نور 

_اهدي ايه ، بقولك كلب ، كلب يا ماما يعني بالنسبالي ديناصور 

_مامتها:طب هنعمل ايه ، ولا هنوديه فين

_معرفش يا ماما ، اتصرفي ،هشششش هششش امشي ، عاااا يمامااا بتحرك ، وهيخرج بره الصندوق 

_مامتها: يالهوي ، طب اندهه علي مين 

_انتي جايه تقولي ي لهوي ، انهدي علي خالتي بسرعههه 

مامتها: يااازينبب ، يااازينبب 

_ياااازوزو ، يا زوزوووووو 

“في الجهه الأخري”

_زينب: ولا ي نادر هو في حد بينهده 

نادر اللامبالاة: لأ مافيش حد ،متهيألك بس 

_زينب:لا لا فيه ، ده صوت هدي و نور 

_نادر ببرود: ممكن ،بس انا مش سامع حاجه 

_زينب:انا قلبي بيقولي أن في حاجه ، تعالي نطلع ليهم نشوف في ايه تعالي 

_نادر :تعالي نشوف 

“تطلع زينب ونادر ل هدي ونور و يتفاجأوا أن الباب مفتوح ، تدخل زينب ونادر “

_زينب:في ايه ي نور وانتي ي هدي 

_زوزو في كلب ، كلببب 

_زينب:كلب وايه الي جابوا هنا 

_مش وقتوا يا زوزو خليه يمشي الله يخليكي ،هشششش هشششش

زينب:نادر تعالي شيل الكلب ده البت هتموت من الرعب 

“نادر هيموت من الضحك بس بيحاول يكتم ضحكه”

_نادر: حاضر ، 

راح شال الكلب هو كان كبير حبتين 

_نادر :اهه ي جماعه مش بيعمل حاجه يعني

نور: ياختييي مش قادره ، اشوف فيك يومين الي جابه 

زينب: انتوا لقتوه فين ده 

مامت نور: لقينا بوكس علي الباب روحنا فتحناه لقيناه ده 

_زينب: يلا حصل خير انتي كويسه ي نور 

نادر:هي تقريبا والله اعلم ماتت 

_نور: لأ لسه عايشه 

نادر:أما مالك ده كلب يعني ،مش بيعمل حاجه 

_نور:الظاهر انك نسيت أن عندي فوبيا من الكلاب ، من ساعه الي حصل 

_نادر: هو ايه الي حصل ,انا مش فاكر 

_نور : مش مشكله ، و اها شكرا عشان شيلت الكلب 

_نادر: نور استني ، هو ايه الي حصل فعلا زمان 

_نور:مش مشكله يا دكتور ، عن إذنكوا 

“مشيت نور تحت نظرات نادر ، و زينب وهدي علي ابنتهم الذي ولا تنسي الماضي أبدآ “

_نادر:حد يفهمني يا جماعه هو ايه حصل زمان انا مش فاكر حاجه ليه 

_زينب: يبني نور وهي صغيره في كلب اتهجم عليها و عضها ومن ساعتها وهي عندها فوبيا من الكلاب

_نادر وهو يضرب رأسه:انااا ازاي نسيت حاجه زي كده ،اوووف 

_مامت نور: معلش يبني مانت كنت صغير برضوا 

_نادر: انا هتصرف ، ومشي 

“نور مشيت وهي بترجع بذاكرايتها وهي صغيره لما كان عندها عشر سنين و اتهجم عليها وعضها ، والي دخلت في انهيار عصبي والي نادر كان ماعها دايما و يحاول يهديها ، بس للاسف مفتكرش لما قالتله علي الحادثه ، ساعتها زعلت علي طفولتها مع نارد الي كانت كلها لعب و ضحك وحب في نفس الوقت ،”

“راحت المكتبه وفتحتها ، ورتبت الحاجه الي جابتها ، وظبطت الحاجه ، والي في نفس الوقت دخلوا خديجه وسهيله “

خديجه و سهيله:السلام عليكم

_وعليكم السلام ورحمه الله وبركاته، وحشاني يا جزم 

خديجه: و ادينا جينا اهه 

سهيله: الا قوليلي عامله ايه 

_تمام الحمد لله

خديجه: و زوزو ، ونادر عامل ايه 

_زوزو كويسه ، اما نادر بتسألي ليه يعني 

خديجه: لأ عادي يعني مجرد سأل

_ تمام يختي ، تشربوا ايه 

سهيله : بلاش قهوه الله يخليكي ، شربينا حاجه تانيه 

_ماشي ي ختي ، تشربوا ايه وانا هبعت حد يجيب 

خديجه: عصير مانجا 

سهيله: اشطا وانا كمان

_خلاص يبقي تلاته مانجااا 

“نور بعتت حد يجيب عصير وهما بيتكلموا يقطعهم صوت “

_السلام عليكم 

_كلهم :وعليكم السلام ورحمه الله وبركاته

_ نادر: ايه ده استاذه خديجه وسهيله هنا حضراتكم عاملين ايه 

خديجه: كويسين الحمد لله

سهيله : وانت حضرتك عامل ايه

_نادر:تمام الحمد لله

_في حاجه يا استاذ نادر

_نادر: اهه كنت عاوز بس اكلمك في موضوع يعني 

_اتفضل قول …؟!

_هنا..؟!

سهيله وخديجه :طب احنا نستأدن بقي يا نور ، زي مانتي عارفه احنا ورانا مشوار ولاازم نروحه

_المشاوير جت دلقوتي 

سهيله:معلش بقي ، مره تانيه ، يلا يا ديجا 

خديجه :اها يلا 

“مشيوا تحت نظرات نور “

_اهه اتفضل ، في حاجه 

_احم..كنت يعني بعتذر علي الي حصل مني الصبح وكده 

_ليه هو انت الي جيبت الكلب ولا ايه 

_ نادر بتوتر : عاوزه الصراحه 

_هو انت كنت ناوي تكدب 

_لأ ماكنتش ناوي بس خايف تزعلي علي الي أقوله 

_ لأ ماتخفش مبقتش ازعل واخد علي خاطري زي الاول عشان ناس متستهلش 

_ هو انتي ليه بتتكلمي بالألغاز ، هو ايه الي حصل عشان ده كله ، انا يستي بعترف أن انا الي جيبت الكلب وانا الي حطيته علي باب الشقه وعملت كده ليه عشان الي عملتيه امبارح ، و يعني ….

_وايه تاني يا دكتور ، انك نسيت أن عندي فوبيا من الكلاب وانا عندي عشر سنين ، ساعتها كان عندك 13 سنه وانت الوحيد الي كنت بتهدينا لما جالي انهيار عصبي ، وانت الي كنت ماعيا علي طول ، يا ترا افتكرت ولا لسه 

_ نور انا اسف 

_اسف تصدق حلوه 

_هي ايه الي حلوه انا بقول نكته 

_ قولي كده انت قولتلي امتي كلمه اسف دي ولا دي الكام 

_ايه الي انتي بتقوليه ده ، انا مش فاهم حاجه 

_افهمك يا دكتور ، فاكر لما بابا الله يرحمه مات  ، بعدها بشهرين قولتلي انا مسافر ، ساعتها قولتك متسبنيش خليك جمبي انا محتجالك جمبي بعد ما خسرت بابا ، انت الوحيد الي كنت قريب مني ، كنت بس مش ابن خالتي كنت اخويا الكبير الي كنت بعتمد عليه في كل حاجه ….. 

“نور وهي عنيها مليانه دموع”

_قولتي انا اسف ، انا لاازم اسافر عشان دراستي وحياتي وبابا وماما ، مع انك كنت كبير يعني كنت تقدر تحدد مصيرك تكملي في مصر ولا في السعوديه ، بس انت طلعت اناني يا نادر واخترت انك تبعد بعد ما كنت قريب اوووي ، بعد ما كنت حد قريب ل قلبي بعد بابا بقيت دلقوتي حد بعيد اووي ، شوفت بقي كام مره قولت اسف ازاي دي الاول واهه دي التانيه ، عشان كده بقولك مبقتش فارقه يا دكتور 

_ نور انا عارف اني غلطت في حاجه بس كنت عاوز ابني مستقبلي واحقق حلمي و واصل حاجه كبيره مش ده كلامك ليا واحنا صغيرين 

_ انا مش هنكر أن ده غلط بس لما احتاجك ماعيا وتكون في ضهري وقت انهيار ، بس انت اخترت نفسك و بس بقيت اناني اوي ي نادر

_ انا مش هنكر أن غلطت في دي لما سيبتك وسافرت ، بس انا عملت كل ده عشانك أنتي وعشان بحبك 

_بتحبني ؟!!!

_اها بحبك ومن ساعه ما وعيت علي الدنيا وانا حبيتك وسافرت عشان بحبك عشان احقق حلمي واكون قدوه ليكي ليه ، ليه بتعملي فيا كده من ساعه ما جيت من السفر وانتي بتعامليني وحش وانا لااحظت ده عليكي ليه بتعملي كده 

_ انا بعمل كده ليه عشان وحد بيني وبين ربنا ، أن هتغير وحياتي مش هتفضل علي حد واكون قويه من بعد ما اعز الناس مشيوا وسبوني ، أما بقي انتي بتحبني كده ف انا حابه اقولك حاجه واحده بس 

_ايه هيا ؟!

_انك هتفضل اخويا يا نادر ، مش هحب واحد يجي عليه يوم سيبني ويمشي في وقت هحتاجله فيه ، مهما كان السبب اسفه 

_ يعني ايه!!

_يعني هتفضل اخويا و ابن خالتي وبس يا نادر 

_هي بقت كده ؟!

_اها

علي العموم اسف علي صدر مني الصبح وانا فعلا هفضل اخوكي وابن خالتك وبس 

“مشي نادر وفضلت نور الي كانت بصه للفراغ ومكان نادر الي واقف فيه ، نادر مشي ، نادر هيفضل اخوها وابن خالتها وبس ، مش معقوله حب معقوله حبها الطفوله مشي وهيفضل اخ وبس ….اتنهدت تنهديه طويله نتجت عنها دموع نور “

” روحت نور البيت مع ما قفلت المكتبه وروحت البيت دخلت قوضتها وهي بتفكر فيه ، انا بفكر فيه ليه مش انتي الي طلبتي هيفضل اخ وابن خاله وبس مش ده الي طالبتيه ،اشربي بقي “

_____________________________________

” فضلت نور علي هذا الحال شهرين ولا بتشوف نادر غير بالصدفه و هي كذلك ، تروح المكتبه وترجع البيت تاني  ، حتي خديجه وسهيله حبوا يعرفوا ايه الي خياروها كده و ليه هي دايما ساكته كده بس هي ماحكتش حاجه “

“في يوم نور قاعده في قوضتها ودخلت عليها مامتها”

مامت نور: نور ي حبيبتي يلا عشان هتنزل تحت عند زوزو عشان عزمانا علي الغدي يلا 

_ ماما معلش مش هقدر أنزل ، انزلي انتي لو سألت عليا قوليها اي حاجه 

_لأ مش هينفع لاازم تنزلي عشان هيا موصيه عليا تيجي ماعيا يلا بقي 

_يا ماما 

“بعد ما حولات كتير عشان انزل واضطريت أنزل عند زوزو ، نزلت تحت وسلمت عليها و لقيت نادر تحت كمان سلم علينا وكان مبتسم اوي مش عارفه ايه سر. الابتسامه دي بس انا ليه قلقانه كده “

“خلصنا غدا و قاعدين عادي بنحلي وبنشرب الشاي “

نادر :انا مجمعكوا بقي عشان عاوزكوا في موضوع مهم 

زوزو و زينب :قول يبني 

نادر: انا هخطب 

يتبع…….