رواية قوة الحب الفصل الثالث 3 بقلم تقى حسام

رواية قوة الحب الفصل الثالث 3 بقلم تقى حسام

رواية قوة الحب البارت الثالث

رواية قوة الحب الجزء الثالث

رواية قوة الحب الحلقة الثالثة

جرمين. قصدك نروح لازم اشوفهم و قولت لبابا
نرمين. ماشي يا ستي حاسبي بقى عايزه اجهز نرمين فطرت ولبست بنطلون جينز كحلي وبلوفر احمر فاقع عليه جاكت كحلي وطرحه سكري وبوط كحلي وروج احمر خفيف وكحل
واختها نفس اللبس بس اسود وهما اصلا شبه بعض يبان انهم توأم الباب خبط باباها فتح أيوه مين حضرتك
ياسين بيه باعت شنطه الانسه نرمين
باباها ايوه ايوه احنا رايحين عليهم اصلا متشكرين يابني وهو الاستاذ عاصم عامل ايه دلوقتي
. الحمدلله فاق وبقي كويس واتنقل النهارده من المستشفى اللي كان فيها لمستشفى تانيه اتفضل حضرتك وانا هوصلكم
كتر خيرك يلا يابنات
احنا جاهزين يابابا
على الجانب الاخر في المستشفى . مصطفى البيك جد عاصم وهو اللي مربيه بعد وفاه ابوه
اللى عمل كده لازم يدفع التمن وولله مش هرحمه
مامات عاصم وفاء هانم. مخلاص بقى مش عايزين مشاكل انا ابني مالوش علاقه بمشاكل العيله زمان مالهم وماله حسبي الله ونعم الوكيل فيهم مش كفايه بقيت ارماله بسببهم
عاصم. خلاص يا أمي أنا كويس بطلي بقى عياط
زينب اخته. اول واخر مره تمشي من غير حرس احنا مش ناقصين قرف
مصطفى. فعلا معدتش تتكرر يا سي عاصم مفهوم

عاصم مفهوم ممكن هدوء بقى عشان مش قادر اتكلم عاصم غمض عينه وقعد يفتكر اللي حصل وافتكر ان فيه بنت كانت جمبه وبتكلمه هيموت ويعرف مين دي وراحت فين فجأه دخلت فريده بنت عمه وطلقته. دخلت الاوضه بتاعته عاصم انت كويس انا كنت قلقانه مووووت عليك ربنا مايوريني فيك شر ابداا عاصم. شكرا انا كويس الحمد لله
عمت عاصم هناء. متعرفش يا عاصم من ساعه ما فريده عرفت وهي بتعيط وهتموت وتطمن عليك
عاصم.مكنش فيه داعي انا كويس الحمد لله
ياسين. صباح الشقاوه على اللي قلقنا كلنا
عاصم. صباح النور فيه اخبار جديده
ياسين. اه الشرطه عايزه تيجي تاخد أقوالك والحرس كلمني وقالي إن مزتك تحت وأهلها جايين يطمنو عليك يامعلم وبيغمز
فريده. بصدمه ايه انت ارتبط ياعاصم
والكل في الاوضه بدهشه وعاصم أولهم
عاصم. ياسين ممكن توضح
ياسين. حب يدايق فريده ويضحك على عاصم نرمين يابني اللي انت ارتبط بيها من فتره انت فقدت الذاكرة ولا ايه كانت معاك إمبارح وشهدت على الحادثه وغمز لعاصم
عاصم. ايوه تمام تمام خليهم ييجو
فريده بعصبيه. يعني انت ارتبط وطلعت بتعرف تحب وتخرج اهو وبتضحك عليا وياتري بقى الهانم بتاعتك عارفه انك كنت متجوز فريده هانم
الجد. فريده عيب كده

عاصم. فريده الزمي حدودك انتي ناسيه اننا منفصلين من فتره ومتشكر على الزياره
فرىده بكره. ماشي يا عاصم انا همشي
وفاء. استنى يا بنتي
عمت عاصم. يعني هي حست بغلتطها وعايزه ترجعلك تكسر خاطرها وتخونها
والكل مشي يلحقها
عاصم في سره. يلا في داهيه بس يا ترى مين البنت اللي تحت هي وأهلها دي؟ يعني فعلا كان في بنت بتكلمني امبارح! ولاممكن يكون ياسين بيهزر
الباب خبط
عاصم. اتفضل
دخل الضابط الأول وواره بنت مغطية وجهها ببوكيه ورد
الضابط. صباح الخير
عاصم وهو بيبص ورا صباح النور
نرمين بخجل. نزلت الورد ببطئ وابتسمت ابتسامة خفيفه
عاصم. بزهول لما شاف وجهها الابيض بياض الثلج وعيونها السوده الواسعه، ووجهها المدور، شفايفها الممتلئه، غمازاتها، جسمها الانثوي الممشوق
نرمين. بصوت رقيق حمدلله على السلامتك يا استاذ عاصم
عاصم. وكأن السهم دخل قلبه لما سمعها بتنطق اسمه بصوتها الساحر
عاصم. بضحكه الله يسلمك يا قمر
الضابط. خطيبه حضرتك ساعدتنا جامد ولولاها كان الزمان الأحداث اصعب من كده بس فعلا وراء كل رجل عظيم إمرأه
عاصم. وهو سرحان فيها. ايوه ايوه فعلا

الضابط. انا هستني برا دلوقتي وهبقي اجي عشان اخذ أقوالك عن إذنكم
تقدمت نرمين ببطئ لغايه ماوصلت عنده حطت جمبه الورد
عاصم. بإبتسامه. اتفضلي اقعدي على الكرسي
نرمين. اولا حمدلله على سلامتك ثانيا انا اسفه لاني مشيت إمبارح بس انا كنت خايفه
عاصم ولا يهمك هو انتي ساعدتني ازاي؟
نرمين. بدأت تحكي وهو مركز في عيونها ومعجب بيها
نرمين بتوتر. فأنا اضطريت اقول اني خطبتك عشان انا بخاف من الشرطه مووت
عاصم. طيب واشمعني خطبتي يعني!
نرمين. علشان ميطلبش البطاقه لو قولت اني قربتك
عاصم. بضحكه. تمام
نرمين انا همشي بقى
عاصم بدري كده!
نرمين. يابخت من زار وخفف
عاصم. دي مش آخر مره هشوفك فيها
نرمين. مش عارفه
عاصم. لا لازم تكملي جميلك انتي انقذتي حياتي وطلعتي امينه وسلمتي الشنطه لياسين انتي ليكي مكافأه كبيره واللي عايزاه اطلبيه
نرمين. متشكره مافيش داعي. بس انا بابا واختي معايا هما راحو فين
عاصم. وانا اللي عرفني

الباب خبط ودخل ياسين وجرمين وباباهم
ابو نرمين بغضب . حمدلله على السلامة يا استاذ عاصم
عاصم. اهلا وسهلا مكنش فيه داعي حضرتك تيجي ومتشكر جدا على اللي عملته بنت حضرتك معايا
الأب. لا شكرا على واجب ياإبني
عاصم. اتعرف بأسم حضرتك
الأب. محمد العازمي مدرس رياضه
عاصم. اتشرفت بحضرتك
نرمين بصوت منخفض. جرمين انتو كنتو فين وماله بابا حساه متدايق
جرمين. انتي طلعتي قدامنا وياسين بيه ظهر فجأه ونزل رغي مع بابا وهو بيبصلي وبابا لاطيقني ولا طايقه
عاصم. ازيك يا أنسه
جرمين الحمد لله. كويس ان حضرتك بخير
الأب. انا بقول يلا بينا بقى ابقى خلي بالك من نفسك
عاصم. حاضر وإن شاء الله هشوف حضرتك تاني مش كده ولا ايه وهو بيبص على نرمين
الأب. إن شاء الله إن شاء الله سلام
ياسين. ايه رايك في القمرات دول؟
عاصم. شبه بعض اووي هما تؤام!
ياسين. لا جرمين في آخر سنه في كليه سياسه واقتصاد ونرمين خريجه تجاره بقالها سنه وطبعا جبت امبارح كل أخبارهم عشان اطمن ولاقيتهم عيله بسيطه على قد حالهم
عاصم. تمام اي رأيك نشغلهم عندنا في الشركة؟

ياسين دا أقل واجب
عاصم. تمام انا هفوق بس الاول وأديها مبلغ على وقفتها جنبي
في البيت. الأب الواد ياسين دا قليل الادب مش محترمني من ساعه ماشفنا وهو نازل رغي ومبحلق في البت
الأم. حقو بناتي قمرات
الأب بغضب. ايه اللي بتقوليه دا
نرمين. خلاص يا بابا اكيد مش قصدو هو بس فرحان عشان اخوه قام بسلامه ليه سؤ الظن
جرمين بصوت منخفض. لأعلى فكره هو معجب بيا
نرمين. هقوم اجيبك من شعرك اتلمي
جرمين. خلاص حاضر
بعد اسبوع في الصعيد. انا لازم انتقم مش هنقعد حطين ايدنا على خدنا كيف الحريم لازم نتصرف مش كفايا ابن اخوي اتوفي فيها الطار بقى طارين
حسين. يابوي اسمع كلامي عاصم محدش يعرف يقدر عليه وجلتلك انه هيخرج منيها مافيش غير حل واحد
صالح. وهو معقول برضو نخطف واحده ست؟
حسين. هو دا اللي هيجيب رجليه انا شوفتها في المستشفى خطبتو هنهدده بيها عشان ييجي ونخلص عليه
صالح. اللي تشوفه يا والدي
نرمين. اوووف اخير خلصت شغل اما ارن على ياسين دا اطمن على صاحبو دا واجب برضو
ياسين. في المستشفى خلاص ياسيدي هتخرج اهو رغم انه غلط بس يلا
وفاء. راسك نشفه مستعجل ليه

ياسين. ماهو برضو يا أمي قاعدته كده زي الست الوالده تزهق
عاصم. يابني اتلم يابني مانت قاعد جنبي زي الفرخه اللي رقده على البيض مختلفناش
وفاء. ههههههههه
ياسين. ماشي ياسيدي الو مين
نرمين. الو صباح الخير
ياسين بفرحه. صباح النور انسه جرمين!
لا انا اختها. كنت عاوزه اطمن على عاصم بيه عشان مقدرتش اجي الأسبوع ده هو عامل ايه
عاصم. بصوت واطي قولها انه تعبان خليها تيجي
وفاء بستغراب. ليه.
عاصم عاوز اشوفها تاني
ياسين. عاصم بيقول انه تعبان وشكلو كده هيموت ماتيجي انتي واختك
عاصم. يخرب بيت معرفتك يابعيد
نرمين. ايه ده بجد هو متحسنش
ياسين. لا ودماغه نشفه وعاوز يمشي النهارده بيقول هيموت في سريره
نرمين. بعد الشر خلاص انا هاجي ازوره هو مسموح له الزياره
ياسين. اه
تمام انا جايه
ياسين بغمزه . اي خدمه يا معلم

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قوة الحب)