رواية لا أعلم متى أحببتك الحلقة الخامسة 5 بقلم زينب المتولي

رواية لا أعلم متى أحببتك الحلقة الخامسة 5 بقلم زينب المتولي 

رواية لا أعلم متى أحببتك الحلقة الخامسة 5 بقلم زينب المتولي

رواية لا أعلم متى أحببتك الحلقة الخامسة 5 بقلم زينب المتولي 

ـ مش قادر يا بدر مش قادر انسى انى كنت السبب فى موتها هى وابنى …..

ـ انت ملكش ذنب فى اللى حصل يا رئيس ودلوقتى لو انت بتحبها فعلاا  حارب عشانها مش عشان سبب زى ده تتخلى عنها يا رئيس .. 

ـ ان شاء الله هحاول ( ضحك بسخرية ) بس بعد ايه ده انا اللى جيبلها العريس بايدى ..

ـ حببها فيك يا رئيس خليها متوافقش ترفضه اى حاجة حارب وحاول عشانها ..

ـ حارب وحببها فيك انت من امتى والرومانسية وكلاك كده يااخويا يا ابن امى وابويا ..

ـ لا عادى يعنى .

ـ عادى ولا شكلك وقعت ومحدش سمى عليك .

ـ نفس جملة رحيق شبه بعض اووى بس ااهه يا عم صاحبة رحيق اسمها رؤى معتدش قادر اطلها من دماغى يا رئيس بقت زى الادمان بالنسبالى .

ـ ده انت واقع خاالص .

ـ جداا بس المهم انت خلاص يااخويا شبت وبان عليك الكبر .

ـ شبت ايه ياعم ده انا لسه فى عز شبابى وقوتى .

ـ ااهه بحياة الشعريتين البوض اللى طلعولك دول ..

ـ فى ايه يلا ماتحترم نفسك ..

ـ حاضر بس مين هينضف اللى انت كسرته ده ياا بروو اكيد مش انا ..

ـ من الحق يا بدر مش هما اتصلوا عليا عشان الشغل ..

ـ هما ممين يا رئيس ؟؟

ـ همما هممااا الوكالة الالمانية لازالة الحشرات … 

ورئيس طلع يجرى بره الشقة وساب بدر يتحسر على نفسه ياالهوى .. 

( عارفة يا جدعان ان رئيس مش لايق عليه الكوميدى اووى بس نعمل ايه واللى بتكتب هبلة …. بس قولولى لو لايق عليه دور الفرفوش )

عند رحيق …

ـ هو انتى مش موافقة ولا ايه يا رحيق ؟؟

ـ مش عارفة يا ماما خليه ييجى وهبقى اشوف لما اقابله .

ـ طب مش هو دكتورك فى الجامعة ؟

ـ ااهه .

ـ خلاص يابنتى اطمنى .

ـ اشمعنا يعنى .. يلا مش مهم شوفى ياماما انا هقابله واشوف ويحصل اللى فيه الخير ان شاء الله ..

ـ ان شاء الله ربنا يسعدك يابنتى .

ماما خرجت وانا بفكر فى كل حاجة بتحصل حواليا حاجات كتير حصلت بسرعة فى فترة قليلة جدا حبى لرئيس مش عارفة اسميه ايه يمكن انا بس اعجبت بيه مهو مش معقول اكون اتعلقت بيه فى اقل من شهر يعنى ده انا هبلة اووى انا بفكر كتير ليه انا هنام واللى يحصل يحصل … 

تانى يوم لبست وروحت الجامعة ..

ـ صباح الخير يا رورو ..

ـ صباح الخير يا رؤى ..

ـ ايه يابنتى مبوزة كده ليه ؟؟

ـ باين عليا اووى ؟

ـ جداا مقولكيش ازااى .. قوليلى بقى .

ـ اظنى حكتلك كل حاجة … 

ـ ايوة بس انا مش فاهمة ايه المشكلة دلوقتى ؟!!

ـ هما مش بيقولوا بيست الفريند بيفهمك من غير ماتتكلم .. انتى ليه مش بتفهمينى .. ؟؟!

ـ عشان انا مش بيست انا بسكوت هعيعهيعهيعه ( على اساس بيست عصير يعنى … رخمة صح )

رحيق بصتلها بقرف :

ـ ده انتى الشك رخييص اووى يعنى .

ـ عايزانى اعملك ايه عشان افككك يعنى اروحه اشتريه غاالى .؟؟

ـ بت انتى تسكتى خاالص بعدين انا مش عايزة اشوف الدكتور مهاب النهارده عشان  ( لسه مكملتش كلامى الاقى صوت بينادينى من ورايا )

ـ انسة رحيق .

ـ اااااد د دكتور مهااب اذيك عامل ايه ؟

ـ  بخير … اححم ينفع اتكلم معاكى شوية يا رحيق .؟؟

ـ ايده طبعا يا دكتور اتفضل .

ـ اححم لوحدنا دقيقة بس يا رؤى .

ـ ااهه طبعا انا ماشية اشوفك فى السكشن يا رحيق .

ياالهوى يااالهوى ياالهوى البت رؤى مشت وسابتنى صحاب ملهمش ستين لازمة … ابتسمت فى وش الدكتور مهاب باستهبال كده :

ـ اتفضل يا دكتور عاوز تقولى ايه ؟

ـ اااا طبعا رئيس كلمك صح .

استهبلت وقولت :

ـ كلمنى فى اييه ؟؟

ـ رحيق هو مكلمكيش عن حاجة بجد ؟

ـ بصراحة قال يعنى بس انا مش عارفةة اقول اييه .

ابتسم وقال:

ـ وانا مش عاوزك تقولى حاجة هجلكم يوم الخميس ان شاء الله على اساس انى مهاب مش الدكتور مهاب … ووبتمنى توافقى .

ـ ااااا انا اناا لازم امشى دلوقتى عن اذنك ..

وطلعت اجرى من قدامه ايه الاحراج ده هو كان لازم يكلمنى يعنى منك لله يا رئيس …

دخلت المحاضرات بتاعتى مكنش فيه اي جديد غير ان فى محاضرة الدكتور مهاب بلاحظ نظراته ….

كنا طلعين انا ورؤى ..

ـ بت مش ده بدر ابن خالتك ؟

ـ ايوه هو .

ـ طب هو ابه اللى جابه هنا ؟؟

ـ علمى علمك يااختى …

ـ اذيكوا يابنانيت .. اذيك يا انسه رؤى ؟

ـ اححم بخير اذيك انت ؟

ـ لا انا بقيت بخير لما شوفتك ..

رؤى بصت فى الارض من الكثووف لان طبعا انا قولتلها ان بدر شكله معجب بيها …

ـ ايده ده انتى قمر اووى لما بتتكثفى …

ـ لا ماشاء الله وانا كيس جوافة واقف جمكوا يعنى ماتحترم نفسك يا اخينا دى صاحبتى بردو ..

بدر اتكلم وهو بيبص لرؤى بحب :

ـ تعرفى يا رحيق انك قمر اووى وعسل اوى ..

ـ بعيدا عن انى كده فعلا .. بس هو انا اللى قمر بردو ولا حد تانى ؟؟

بدر اتعدل فى وقفته وقال :

ـ اححم اناا جاى اوصلكوا ..

ـ اييييمم توصلنا لا وصل رؤى بقى احسن اصل عندى حاجة مهمة لازم اعملها قبل مااروح ..

رؤى بصتلى باستغراب بس ابتسمت فى وشها وبدر قال :

ـ ايده بجد احسن بردو احم قصدى يعنى طبعا متسبيش الحاجة المهمة دى يلا يا رؤى …

ـ استنى يااض انت ايه اللى حصلك ده انت واقع وقعه وكأنه حب تمن سنين ..

مقولكوش بقى عن رؤى كانت ثانية كمان وهتفرقع من وشها الاحمر واحلى حاجة فى الموضوع انهم مش مخطوبين حتى ومقبلوش بعض غير مرتين حب من اول نظرة اجدعان …

ـ يلا يااخويا هو انا ورايا حاجة اهم منكم يلا نروح .

كان جو كله هزار مابينا فى العربية اصلا رؤى وبدر لايقين اووى مع بعش هى هبلة وهو اهبل منها مع انهم بيقولوا الهبلة عايزاه واحد عاقل يعقلها بس هنا لاتنين مجاانين ….

( الواحد كدهونى عايز يعمل قصة رؤى وبدر لوحدها ورحيق ورئيس لوحدهم بس يلا عايزين نخلص اصل شكلكوا زهقوتوا منى ..)

 بدر وصل رؤى وبعدها وصلنى البيت … روحت سلمت على ماما وخالتى وبعدها دخلت اوضتى ارتاح شوية من الجامعة انا فعلا كان نفسى من زمان ابقى اعلامية وده كان حلمى وبحاول واجتهد اكتر عشان اوصل للى انا عايزه .. الواحد لازم يسهر ويجتهد عشان فى الاخر لما يلاقى نتيجه لتعبه يقول انا فعلا تعبت واستاهل …. 

الساعة 6 المغرب وده كان اليوم اللى هييجى فيه الدكتور مهاب ومن يومها مقابلتش رئيس ولا كلمته .. كنت واقفة متوترة انا مش بحبه بس يمكن ده يكون النصيب وانا مش عارفة .. كنت لابسة فستان ابيض ومشجر بورد ازرق غاامق على طرحة بيضاء سادة ( يا جمااعة انتو لو شوفتوا الفستان انا متخيلاته ازاى فى دماغى هتقولوا عنى فاشين ديساينر قديمة مع انى ولا اعرفه وفاشلة اصلا فى اختيار هدومى .. ????????)

كان مهاب بره ومستنى وانا اييه متوترة ويعنى اصلا مش عايزة اقابله وكل ماافتكر ان رئيس هو اللى جاهه بنفسه وقال كده بقول لنفسى انى لازم انساه وابدأ حياة جديدة ….

( تخيلوا كده يا جماعة اقلب الرواية واخليها تحب مهاب ورئيس سافر عشان يكمل شغله ولا اتجوز ولا ماات … واخلى رحيق تعييش حياة جمييلة مع مهاب ممكن تحصل ممكن متسهونوش بيا …???????? )

 ماما نادتنى عشان اطلع بره واجيب الشاى وكان بره معاها خالتى وبدر واهل الدكتور مهاب  بس رئيس مكنش موجود بس قبل مااطلع لقيت رسالة من رئيس اتصدمت منها …. 

يتبع..

لقراءة الحلقة السادسة : اضغط هنا

لقراءة باقي حلقات الرواية : اضغط هنا