رواية طفلة الفهد الفصل الثالث عشر 13 بقلم دعاء حجاج

رواية طفلة الفهد الفصل الثالث عشر 13 بقلم دعاء حجاج

رواية طفلة الفهد البارت الثالث عشر

رواية طفلة الفهد الجزء الثالث عشر

رواية طفلة الفهد الحلقة الثالثة عشر

_ماما ٠٠٠ماما
_في اي يا مالك
_فهد عمل حا”دثه
_😳😳٠٠٠٠بعد مرور ثلاث ثوانى زينب وزينه فاقوا من الصدمه ٠٠
_انت بتقول اي يا مالك ؟؟
_انتوا صدقتوا صح ؟؟
_يعنى اي ؟؟
مالك قعد يضحك وقال:انا مكنتش اعرف انكم هتصدقونى
زينب قعدت على السرير وقعدت تعياط
زينه:خالتى اهدي ٠٠
مالك قعد جنبها وقال:انا اسف مكنش قصدي اخضك بس حبيت اتسلى شويه
زينب بعصبيه:مش بقولك عقلك صغير انا كان ممكن امو”ت فيها
_انا اسف يا ماما والله ما هعمل كده تانى
_زينب مسحت دموعها وقالت:طب ليه قولت كده ؟؟
_فهد لسه مكلمنى وقالى أنه هيتاخر وهيرجع على الساعه واحده بليل قولت اتسلى شويه واسف
زينب مسكتوا من ودانه وقالت:الهزار الو”حش ده بلاشه يا صغير !! مالك قام وقال: خلاص خلاص ٠٠٠بقولك اي انا طالع مع صحابي عايزه حاجه
_خد بالك من نفسك واوعك تتأخر
_هو انا صغير عن اذنك ٠٠٠زينب ابتسمت وقالت:والله مجنون رسمي !!
_انا هنزل اعملك كوبايه عصير ومش هتاخر

_مالوش لازوم يا خالتى وبعدين انا مش عايزه اي حاجه !!
_لو صحيتك مش فارقه معاكى اعتقد صحه اللى فى بطنك هتفرق معاكى !!
زينه بصت في الأرض وقالت:انتى طيبه اوى يا خالتى يعنى المفروض تكر”هنى لانى اخدت زوجك ودمر”ت عايلتكم انا اسفه اوى
زينب خدتها في حضنها وقالت: طب تصدقي اللى حصل ده جاب فايده أنى عرفت حقيقه جمال
_بس انا اد”مرت يا خالتى
_متقوليش كده انا معاكى وبتول بقت معاكى كمان حتى فهد معاكى ٠٠٠٠٠نبضات زينه ازدادت اول ما سمعت اسم فهد
_انا نازله اعملك كوبايه عصير وراجعه ٠٠٠٠زينه هزت راسها وقالت:ماشي
وفجاه تليفون زينب رن
_خالتى نست التليفون ٠٠٠٠زينه مسكت التليفون ولقت فهد
_😳😳٠٠٠٠زينه كانت مرتبكه اوى وقالت:ارد ولا لا ٠٠٠٠لازم ارد والا هيعمل فيا زي ما عمل المره اللى فاتت
زينه فتحت التليفون وقبل ما ترد فهد اتكلم
_كل ده يا ماما عشان تردي بقولك ٠٠٠
زينه مكنتش معا خالص ٠٠٠٠فهد بص في التليفون ولقي المكالمه لسه شغله وقال:ماماااا
زينه بارتباك حطت قماش على بوقها وقالت:اي يا حبيبي
فهد باستغراب:ماما ٠٠٠
_ايوه يا حبيبي خير في حاجه ؟؟
_مالو صوتك عامل كده ليه ؟؟
_شويه برد وكده المهم عايز اي ٠٠٠٠٠فهد بعصبيه:كفايه يا زينه
التليفون وقع من زينه عالطول
_ينهار اسو”د عرفنى ازاي ده ٠٠٠٠٠٠زينه مسكت التليفون وقالت:خالتى زينب تحت ونست التليفون هنا
_وعملتى كده ليه كان ممكن تقولى خالتى نست التليفون ؟؟
_اصلا كنت خايفه اوى
_فكك من شغل العيال الصغيره ده وقولى لماما اني هتاخر٠٠٠وقفل التليفون في وشها من غير ما تقول حاضر حتى
زينه رمت التليفون جنبها وقالت:مخيف ومغرور كمان
***********************************************

_في اي يا حج بتفكر في اي ؟؟
_في زينه عيد ميلادها بكره !!٠٠٠٠٠٠قعدت جنبه وقالت:تبقا مش زعلان من زينه صح ؟؟
_لا زعلان بس هي متعوده انى اجيب ليها هديه في عيد ميلادها
_والا ؟؟
_والا اي ؟؟
_والا هتحس أن عيد ميلادها ده ناقصه حاجه لازم نكون جنب بنتنا بذات في المهنه ده
_بس هي اللى عملت في نفسها كده عارفه انا بقعد لوحدي بقول ليه زينه عملت كده يمكن عشان كنت اب قا”سي شويه ولا كنت عايزها تكمل تعليمها وهي مكنتش مهتمي
_انت عملت كل حاجه مع بنتك ومقصرتش بالعكس كنت احسن اب
_انا وانتى عمرنا ما بصنا للفلوس مش عارف زينه طالعه لمين ؟؟
_متزعلش نفسك وان شاء الله خير !!
_يا رب يا ام زينه انتي عارفه انا بتق”طع كل يوم
_والله زينه بتحبك انت عارف انا كلمتها وقالت هتيجى خطوبه سمر !!
_بجد وسمر امتى هتنخطب ؟؟
_لسه بعد بكره !!
_فرحتنى اوى اخيرا ده كانت وحشانى اوى ونفسي اشوفها !!
_وهي كمااان نفسها تشوفك !!
**********************************************
$$في السجن$$
اياد كان قاعد وبتفكير:انا لازم اطلع من هنا باي طريقه وهندم فهد على كل حاجه
_ما تيجى تاكل ولا الاكل ده مش عجبك ما انت متعود على اللحمه والعز؟؟
_بقولك اي ؟؟
_عايز تهرب صح ٠٠اياد:ايوه عرفت ازاى ؟؟

_انا كنت زيك كده اول ما دخلت السجن كنت قاعد كده بالضبط وبفكر ازاى اهرب من هنا؟؟
_وطلعت ؟؟
_تؤ مستحيل حد يطلع من هنا بالاخص أن الظابط محمود ماسك القسم هنا
_ومالو الظابط ده بقا ؟؟
_مالو ده معروف اوى بالق”سوه والعن”ف !!
_يعنى اي معروف بالق”سوه والعن”ف ؟؟
_يعنى بيحب العدل اوى وبيكر”ه المجر”مين اللى زيك وزي !!
_بس انا مش مجر”م !!
_يا عم طالما حاولت تتحر”ش ببنت تبقا مجر”م تعالى كل وانسي موضوع الهروب ده كان غيرك اشطر تعالى تعالى
_اياد بتفكير:يعنى الظابط محمود ده لو مش موجود اقدر اهرب !!
**********************************************
$في شركه الكيلانى$
_حسااام رن على الشركاء فورا
_بس يا فهد !!
_بس اي ؟؟
_الشركاء فسخوا العقد وأعتقد أن الصفقه كده انتهت !!
فهد بعصبية:حسام في منتجات كتير عايزه تتصدر ؟؟
_والله حاولت يا فهد حاولت كتير بس اعتقد انهم اتعاقدوا مع شركه تانيه
_طيب ٠٠٠٠حسام طلع وقفل الباب !!
_فهد قعد وقال: الميزانية كده هتنخفض اوى ٠٠٠٠
_حضرتك طلبتنى؟؟
_فين الملف بتاع الصفقه الاخيره ؟؟
_حاضر يا بيه ثانيه وهيكون عندك ٠٠٠٠بعد شويه تليفون فهد رن !!
_الووو
_عامل اي يا حبيبي ؟؟
_الحمدلله يا ماما بترني من التليفون الارضي ليه هو التليفون لسه عند زينه
_ايوه نسيتوا في الاوضه المهم متتاخرش عن ساعه ١٢

_ليه خير
_عيد ميلاد زينه بكره يعنى بدايتنا من الساعه ١٢ النهارده
_وانا مالى
_اي اللى بتقولوا ده بدل ما تقول حاضر يا ماما هجبلها هديه تقول وانا مالي
_واجبلها هديه ليه وبعدين انتى عارفه انا بكر”ه المواضيع ده
_يعم هات ليها هديه حتى انت ناسي انها انقذتك امبارح
_اه قولى كده بقا انتى مفكره عشان زينه انقذتنى احبها مستحيل وجهه نظري تتغير من ناحيتها خالص انتى ناسيه أنها بعت نفسها عشان الفلوس؟؟
_ على فكره بقا زينه مش زي ما انت فاهم زينه لو و”حشه زي ما بتقول مكنتش ضحت بحياتها عشانك
_ماما انا مش فاضي سلام ٠٠٠٠وبالفعل قفل التليفون وقال:قال هديه قال انا فهد الكيلانى اجيب هديه لمين للبت اللى بكر”ه ٠٠٠
_الملف يا بيه !!
فهد خد الملف منها وفتحوا وفجاه قعد يفكر في كلام امه وافتكر زينه لما زقتوا عشان تنقذوا٠٠٠٠٠٠فهد فاق عالطول من متخيلاته وقال:مستحيل تضحك عليا زي ما عملت مع بابا !!
***********************************************
$في قصر الكيلانى$
_زينه ممكن ادخل ؟؟
زينه بابتسامه:طبعا يا بتول اتفضلى٠٠٠٠٠بتول دخلت وقعدت جنب زينه وقالت:اي اخبارك دلوقتى ؟؟
_الحمدلله بخير !!
_غمضي عينك
_اغمض عينى ؟؟
_ايوه يلا بقاا ٠٠٠٠زينه غمضت عينها وقالت:افتح ولا اي ؟؟ بتول:امم ٠٠٠تقدري تفتحى دلوقتى
زينه فتحت عينها وكانت فرحانه اوى وقالت:انا بعشق الروايه ده اوى
_بجد انا كنت خايفه أنها متعجبكيش !!
_ازاى ده الروايه المفضله ليا
_بتحبي انهو جزء؟؟
_بحب الجزء الاول طبعا والتانى بحبو بس الأول كان احلى
_تعرفي الروايه ده من احلى الروايات اللى قريتها
_وانا كمااان
_يلا عايزه حاجه انا لازم أمشي عشان عندي مذاكره كتير
_بالتوفيق
بتول حضنت زينه وقالت:سلام

_سلام !!٠٠٠٠وفجاه تليفون زينه رن ٠٠٠٠زينه مسكت التليفون وقالت: سمر !!
_عامله اي يا زينه وحشتينى اوى
_الحمدلله انتى اي اخبارك ؟؟
_بخير من حق هتيجى خطوبتى
_طبعا
_زينه انا عرفت كل حاجه !!
_عرفتي اي ؟؟
_عرفت انك عايشه في قصر الكيلانى ومش مسافره زي ما امك وابوكى قالوا
_عرفتي منين ؟؟
_انا روحت لامك وقالتلى على كل حاجه بس انا زعلانه منك على فكره
_مكنش ينفع اقولك يا سمر حرفيا كنت في حاله صدمه كانت الدنيا بتلف بيا يا سمر
_عارفه المهم مرتاحه هناك
_نوعا ما ٠٠٠٠
_يعنى مش مرتاحه صح ؟؟ كنت عارفه ازاى هيحبوكى بعد اللى حصل
_انتى فهمتى غلط الكل حلو معايا هنا وبعدين جمال في السجن
_وابن الست حلو يا بت ؟؟
_فهد !!
_اوو اول ما قولت ابن الست حسيت انك فرحتى اوى واكيدا وشك احمر دلوقتى صح
_انتى فهمتى اي يا حما”ره انا وفهد مستحيل
_مستحيل اي ؟؟
_قصدي انا بكر”ه فهد اوى يا سمر
_ليه ؟؟
_مخيف اوى يا سمر
_شكلو يعنى ؟؟
_مش شكلو يا سمر هو مخيف شخصيتو يعنى٠٠٠٠٠
قا”سي اوى يا سمر
_انسي المهم هتيجى انتى ومين خطوبتى
_مش عارفه
_اوعك تيجى انتى والمخيف ده !!٠٠٠٠٠٠زينه قعدت تضحك وتقول:حتى انتى
_بهزر يا بت طب تصدقي هفرح اوى لو جيتى انتى وفهد
_فهد ومعى ده شبه مستحيل شبه مستحيل اي ده مستحيل
_هو للدرجه ده قا”سي؟؟
_فوق ما تتصوري
_الله يكون في عونك هكون في انتظارك انتى والمخيف
_بت يا سمر صحيح مين اللى أمه دعيه عليا وقبل يتجوزك
_دعيه عليا اخص عليكى يا زينه
_مش قصدي يا بت مين سعيد الحظ اللى هياخد قلبي منى

_شاب اسمو ايهاب شافنى وأعجب بيا
_يسيدي ٠٠٠ صحيح ماما قالتلى أنه غنى ؟؟
_ايوه هو قالى أن عندو شركه بس مش عارفه شركه اي ؟؟
_عارفه يا سمر انا اتعلمت من الحياه ده أن الفلوس ولا حاجه قدام راحه البال
_تقصدي اي يا زينه
_انتى مرتاحه للشاب ده ؟؟
_ايوه ليه
_ولا اي يا قلبي ربنا يسعدك بقولك انا هقفل عايزه حاجه
_سلامتك وهكون في انتظارك بعد بكره
_تماام٠٠٠٠٠٠زينه قفلت التليفون وزينب دخلت وقالت:اسفه اوى
_بتعتذري على اي يا خالتى
_اتاخرت اوى على ما جبت ليكى العصير صح
_ولا يهمك صحيح تليفونك اهو وفهد رن عشان يقولك أنه هيتاخر
_عارفه كلمتوا من الارضي خدي اشربي العصير ده وارتاحى
زينه خدت منها العصير وزينب خدت تليفونها وطلعت
زينه شربت العصير وظبطت المنبه على الساعه عشره ونصف ونامت
$في المساء $
فهد رجع من الشغل والكل نايم ماعدا زينه اللى لقها قاعده وبتبص على النجوم ٠٠٠
_عامله اي دلوقتى ؟؟
_الحمدلله ٠٠٠

_هتفضلى قاعده هنا كتير ؟؟
_مستنيه الساعه ١٢ ليه احضرلك الاكل ؟؟
_انتى وتدخلى المطبخ ده مستحيل ٠٠٠٠زينه ابتسمت وقامت وقالت:واي اللى يمنع ؟؟
_المره اللى فاتت انكتبلك عمر جديد إنما المره ده الله اعلم
_طب انا هدخل احضرلك الاكل وهثبتلك انى شاطره بس غفلت المره اللى فاتت
_تمام هطلع اغير هدومى وانزل !!
_تمام ٠٠٠زينه دخلت المطبخ بالفعل وبدأت تحضر الاكل
زينه حطت الاكل على السفره وبصت على الساعه
لقتها ١١ ونصف لسه ٠٠٠٠
بعد مرور عشر دقائق فهد نزل وزينه قالت:اي لسه فاشله بردو
فهد قعد وبابتسامه جعلتو وسيم اكتر:لا برافو ٠٠٠٠زينه قعدت أيضا وده المره الاولى اللى زينه وفهد يقعدوا مع بعض فيها على سفره واحده ٠٠٠
زينه كانت بتبص على فهد وتقول:غريب اوى ساعات بحس أنه مخيف وقلبه قا”سي اوى وساعات بحس أنه لطيف اوى
فهد بص على زينه وقال:في اي ؟؟
زينه بخضه:ها لا مفيش حاجه
_اصلا من ساعه ما قعدت وعينيكى عليا
_بارتباك:انا ٠٠٠انا طالعه عشان شبعت عن اذنك فهد ابتسم وزينه طلعت عالطول وكانت حاطه أيدها على قلبها وبتقول:اي اللى بيحصلى ؟؟
زينه دخلت اوضه فهد وقعدت على السرير وخدت نفس عميق وقالت:قلبي كان هيقف
بعد مرور ربع ساعه زينه بصت على الساعه ولقتها ١٢
زينه بفرحه وغمضت عينها وقالت :
Happy birthday zaina
فهد دخل وبص على زينه وقال:لو عايزه تنامى نامى بدل ما بتضحكى وانتى مغمضه عينكى كده
زينه فتحت عينها وقالت:انا مش عايزه انام بس كنت بدعى ربنا ٠٠٠٠٠فهد:زينه
_نعم ٠٠٠
_عيد ميلاد سعيد ٠٠٠٠٠زينه فرحت اوى وقالت:شكرااا
_تعالى معايا
_اجى فين ؟؟
_هتعرفي !! فهد مد أيدو لزينه ٠٠٠٠زينه مسكت ايدو وحست بشعور غريب زي فهد ما هحس بردو اول ما لمس أيدها ٠٠٠٠
فهد وزينه نزلوا وراحوا الجنينه وزينه قالت:انا مش شايفه حاجه ٠٠٠٠وفجاه الظلا”م اتحول الى نور وزينه كانت في حاله صدمه

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية طفلة الفهد)