رواية احببت وكيل النائب العام الفصل السابع عشر 17 بقلم أسماء عطالله
رواية احببت وكيل النائب العام الفصل السابع عشر 17 بقلم أسماء عطالله
رواية احببت وكيل النائب العام البارت السابع عشر
رواية احببت وكيل النائب العام الجزء السابع عشر
رواية احببت وكيل النائب العام الحلقة السابعة عشر
احمد دا اكيد مش ممكن بس المفروض تيجي وتقولي
خالد وانت لما عرفت روحت وقولتلها
احمد انا خوفت عليها انت متعرفش هي بتحب ابوها وامها قد ايه ولو عرفت انهم خبوا عليها حاجه زي دي اكيد هتفقد ثقتها في كل اللي حواليها واولهم انا
واكمل بخوف انا خايف عليها اوووي يا خالد
احمد رمي الخاتم من ايده وقام شال التربيزه وقلبها
دي واحده متستاهلش خوفي عليها
خالد اهدي يا احمد في ايه
احمد قعد في الارض وبنبره كل وجع بحبها يا خالد حتي بعد ما عرفت انها اخت سليم متغيرش حاجه وكنت ناوي اتجوزها علي طول قبل ما تعرف او اي حد تاني يعرف
في بيت اسماء
كانوا كلهم قاعدين علي سفره واحده اسماء وبابها ومامتها وسليم ومنه
اسماء متجوزتش ليه بقا لحد دلوقتي
سليم بتنهيده ولسه هيتكلم
قاطعه محمد وهو بيقول ايوا متجوزتش ليه اظن كل اللي كنت بتعمله ده ودمرت نفسك كان عشان خاطرر ملك هي اتجوزت ولا ايه
ليلي في ايه يا محمد كفايه كلام في اللي فات
محمد انا شبعت وقام ودخل اوضته
سليم انا ماشي بعد اذنكم
ليلي بحنيه سليم خليك هنا في اوضه فاضيه ممكن تنام فيها
سليم مش دلوقتي يا ماما
ليلي راحت عليه وحضنته عارف مسمعتهاش منك من امتا
سليم مسحلها ودمعوها وقبل ايديها انا اسف يا ماما
منه بتسلم علي اسماء ونزلت
سليم راح علي اسماء وحضنها وبهمس هجيلك بكرا اخدك مشوار
اسماء بابتسامه ماشي هستناك
ونزل هو كمان
منه كانت واقفه مستنيه تاكسي
سليم راح عليها واتكلم بخبث رجليكي عامله ايه
منه ضحكت كويسه الحمدلله
سليم طب الحمدلله
تعالي اوصلك
منه اشطا يلا بينا وركبت معاه
وفي طريقهم كان ساكتين
قاطع السكوت ده منه بتحبها اوووي كدا لدرجه انك تدمر حياتك وتشتغل شغل غلط وحرام عشانها
سليم كنت عاشق مجنون
منه امممم
عند اسماء دخلت اوضتها
وقعدت علي السرير وطلعت صوره لاحمد
اسماء انا اسفه والله انا عارفه اني جرحتك بس غصب عني يا احمد والله بحبك ودموعها اللي نازله وغرقت فونها
ليلي دخلت عليها ورفعتلها وشها وبتمسحلها دموعها العيون الجميله دي متعيطيش
اسماء وهي بتعيط عياط هيستيري احمد يا ماما عرض عليا الجواز وانا اللي رفضته
ليلي حضنتها انت عملت الصح عشان ترتاحي
اسماء انا تعبانه اووووي يا ماما والله انا تعبت مجاليش غير وجع القلب من الحب ده
كل اما اطلع من مشكله ملحقش اخد نفسي الاقي حاجه تانيه تبعدني عنه وانا مش عاوزه ابعد انا بحبه وهو بيحبني ليه الدنيا عاوزه تفرقنا
انا جرحته اوووي وهو ميستاهلش هو عمل معايا كل حاجه حلوه
ليلي انت اه خسرتيه بس ربنا عو ضك باخوكي سليم
والله سليم طيب وكويس وهيقف جمبك بس انتقامه للبنت اللي كان بيحبها دي منها لله ملك هو اللي كان عاميه
اسماء ماما قولي لبابا انا عاوزه ارجع اسكندريه
ليلي حاضر يحبيبتي حاضر
عند سليم كان وصل بيته
شاف فارس نايم علي الكنبه
اخد كوبايه مايه ودلقها عليه
فارس قام بخضه وعصبيه ايه الغباء ده يا سليم
سليم وهو بيقعد علي الكرسي اللي قصاده بكل برود الغباء ده اقل حاجه الواحد يتعامل بيها معاك
واكمل بصوت عالي لما قولتلك هاتلي حبيبه احمد الانصاري روحت وجبتيلي اختي بسبب غباءك
فارس بصدمه اختك انت بتقول ايه يا سليم
سليم ما انت لو بتشوف شغلك كويس كان زمانك عارف انا بقول ايه
فارس بخوف وانت عملتلها حاجه او قربت منها
سليم لاء الحمدلله ربنا سترها وكانت عارفه كل حاجه
فارس طب الحمد لله مضايق نفسك ليه بقا
سليم بصله بحده لازم اقابل احمد واتكلم معاه واعرف كان عاوز ايه من اختي
فارس بهيام بس اختك حلوه يا سليم
سليم بحده فارس اسماء اختك انت كمان متشوفهاش اكتر من كدا فاااهم
فارس حاضر يعم
سليم هتبات هنا ولا هتروح فين
فارس مش ست ملك مشت وخلصنا منها ابات في بيتي بقا
سليم بيتك
فارس ايه هو ده مش بيتي
سليم قوم روح يلا والله ما انت بايت فيها
فارس والله ما انا مروح
سليم هدخل اغير هدومي وارجع لو لقيتك هتزعل
فارس وهو بينام علي الكنبه عمري ما ازعل منك يا سليم
سليم وهو بيرميه بمخده يخربيت رخامتك
فارس وهو بيشقط المخده شكرا يا سليم مكنتش قادر اقوم واجيبها
سليم عاوزك بكرا تحضرلي عربيه تروح تجيب اسماء
فارس تجيبها فين
سليم الشركه
فارس ماشي
استغفر الله العظيم واتوب اليه♥️
وفي صباح يوم جديد
سليم ها عامله ايه دلوقتي
اسماء الحمدلله انت عامل ايه
سليم انا كويس في عربيه مستنياكي تحت هتجيبك
اسماء طيب ماشي انا نازله اهوو مع السلامه
سليم مع السلامه
نزلت اسماء
وشافت عربيه غاليه جدااا بتقف قدامها ونزل الشوفير فتحلها الباب
اسماء ركبت العربيه
والسواق ركب وفي طريقهم للشركه
وبعد شويه كانوا وصلوا
اسماء لسه هتفتح كان السواق نزل بسرعه وفتحلها الباب
اسماء بصت للشركه بانبهار
وسليم كان واقف مستنيها
اسماء راحت عليه
هو انت جايبني هنا ليه
سليم مسك ايديها ودخل بيها الشركه وبعدين ركبوا الاسانسير
اسماء انت بتشتغل هنا
سليم حاجه شبه كدا
اسماء بتشتغل ايه بقا
سليم اممم صاحب الشركه
اسماء نعععم انت دي شركتك
سليم لا شركتنا انا وانتي
وبعدين كانوا وصلوا سليم رايح علي مكتبه واسماء ماشيه جمبه
سليم دخل مكتبه واسماء وراءه وهي مش فاهمه حاجه
سليم مالك في ايه
اسماء هو انت بتشتغل ايه
سليم مهندس ودي شركه سليم مهران للمعمار وبشتغل ف حاجات تانيه كتييره
اسماء في نفسها طبعا كل ده من الحرام
سليم فهم هي بتفكر ف ايه
اتكلم وقال متخافيش مفيش قرش حرام ليه علاقه بشغلي كنت اه زمان اشتغلت غلط مش هنكر بس والله فوقت لنفسي الحمدلله من قبل ما ادخل السجن بفتره واكمل وهو بيضحك بردوا دخلت كأني كان مكتوب عليا هدخله يعني هدخله
اسماء يعني انت كدا دخلت السجن ظلم
سليم امممم بصي هي عداله الهيه
اسماء طب هو انا ممكن اشتغل هنا اول ما اتخرج من الجامعه
سليم ولو من دلوقتي مفيش مشكله
اصلا هيبقا ليكي اسهم هنا في الشركه
اسماء لا والله ما انا واخده حاجه دي فلوسك انت
سليم قام وراح وقعد قصادها
وهي فلوسك مش فلوسي
اسماء لا والله يا سليم دول هما مائتين جنيه كل ما املك وواخدهم من ماما كمان
سليم هههههههههه
قاطعهم دخول سليم الصغير اللي داخل
سليم اللي جاب الواد ده هنا
سليم الصغير شاف اسماء راح عليها ومدلها ايده
اسماء مدت ايديها وهي مبتسمه باستغراب
سليم لسه هيبوسها
سليم الكبير حيلك حيلك بتعمل ايه وشده
سليم الصغير بهمس دي شقطها منين دي يا معلم
سليم نععم شقطها دي اختي يلا
سليم الصغير بفرحه ابونسب انت تتجوز امي وانا اتجوز اختك
اسماء وهي بتضحك مين ده يا سليم
شكله كدا مامته بتشتغل هنا
سليم الكبير اه بتشتغل هنا
امك فين يا سليم
سليم الصغير مش عارف طلعت اجري وهي كانت بتجري ورايا
اسماء هو انت اسمك سليم كمان
سليم الصغير اه يا قمر
سليم الكبير تعالي معايا يلاه وماسكه من قفاه وطالع بيه من المكتب
سليم الصغير طب سيب طيب عشان مزعلكش
سليم بصدمه تزعلني
ملك كانت واقفه في الممر بتنهج من الجري وراء سليم
سليم راح عليها بخوف مالك يا ملك
ملك وهي بتشاور علي ابنها الواد ده عاوز يتربي من اول وجديد
سليم اه عاوز يتربي وانا اللي هربيه
سليم الصغير ماشي يعم ربيني وكمل وهو بيجري علي مكتب سليم تاني بس اما ابوس المزه اللي جوا دي الاول
سليم الكبير خود يلاه وطلع جري وراءه
وملك اللي بتجري وراءهم وهي مش فاهمه حاجه
اسماء لقت سليم الصغير راح عليها وحضنها الحقيني اخوكي عاوز يضربني
ودخل سليم وملك
سليم راح عليه ومسك من هدومه اعمل فيك ايه
ملك بتبص لاسماء وبتدقق في ملامحها
ملك بتلقائيه سليم دي اسماء اختك صح
سليم بصلها بصدمه انها عرفتها لوحدها
اسماء اه انا هو انت تعرفيني
ملك راحت عليها وحضنتها عامله ايه
اسماء الحمدلله انتي مين بقا
ملك انا ملك
اسماء في نفسها اه هو انت ملك دا ماما لو شافتك هتعمل منك شاورما
ملك تعرفي انك جميله اوووي يا اسماء
اسماء بابتسامه شكراً دا من زوقك والله انت اللي اجمل
ملك شكرا
و بتأخد سليم ابنها يلا يحبيبي
سليم يلا يا ماما وطلع معاها
اسماء هي دي ملك اللي انت كنت بتحبها
سليم اه هي
اسماء اممممم
سليم هخلص شويه شغل ونطلع نتغدي سوا
اسماء ماشي بس بسرعه بقا عشان هنرجع اسكندريه انهارده
سليم هترجعي اسكندريه ليه
اسماء عشان انا مخنوقه شويه
سليم راح وقعد قصادها
مش هتحكيلي عرفتي احمد منين
اسماء حاضر وبدأت تحكي لسليم كل حاجه
اسماء هي دي حكايتي مع وكيل النائب العام
سليم بحنيه طب انا هقابله واتكلم معاه واعرفه انت عملتي كدا ليه
اسماء لاء يا سليم
سليم متخافيش ويلا بقا عشان نروح نتغدي
اسماء هتجبيلي ايس كريم بعد الغداء
سليم حاضر من عنيا
وطلعوا وراحوا اتغدوا وبعدين جابلها ايس كريم
واخدها يوصلها للبيت
اسماء انا اتبسطت اوووي اووووي انهارده ربنا يخليك ليا يارب
سليم ويخليكي ليا يارب
اسماء هتيجي تزورني ف اسكندريه عشان انا ناويه مرجعش القاهره تاني
سليم حاضر هاجي ازورك بس انت ايه اليأس اللي انت فيه ده هتسيب القاهره عشانه
اسماء حضنته مش عاوزه كلام في الموضوع ده تاني
خلي بالك من نفسك
سليم وانت كمان خلي بالك من نفسك ويلا بقا هستناكم
عشان اوصلكم
اسماء هتستنانا ف الشارع تعالي فوق
سليم حاضرر وطلعوا
محمد وليلي كانوا جاهزين ومجهزين الشنط ومستنين اسماء
اسماء انتوا جاهزين
محمد اه ويلا بقا عشان اتخأرنا
اسماء بابا سليم هيوصلنا وعاوز يقعد معانا يومين ف اسكندريه
سليم بصلها وبهمس انا قولت هوصلكم بس
اسماء ايه مش عاوز تقعد يومين مع اختك
سليم لاء عاوزها تفضل قاعده معايا لحد ما اموت
اسماء بعد الشر عليك
ليلي وهي بتبص لمحمد وماله يحبيبي
محمد اه حتي عشان خاطر اسماء
قاطعهم دخول منه
اللي بتعيط وراحت ع اسماء حضنتها
منه خودينا معاكي يا اسماء اوعي تسبيني لوحدي
اسماء هاجي وازورك وانت كمان تعالي زوريني
منه لاء يا اسماء ماليش دعوه والله ما انا سايبكي تروحي تصاحبي حد غيري انا ماليش غيرك خليكي هنا والنبي
اسماء عيطت خلاص يا منه في ايه
منه بعياط اوعي تنسيني والنبي كلميني علي طول
اسماء حاضر وانت كمان اوعي تنسيني وكلميني علي طول
منه حاضر واكملت بتحذير لو صاحبتي حد غيري عارفه هعمل فيكي ايه
اسماء ضحكت ومدت ايديها لمنه
منه وعد مني ليكي لن اخون ولن اميل مع الهوا اين اميل
قولي يلا
اسماءوهي بتضحك وعد مني ليكي لن اخون ولن اميل مع الهوا اين يميل
وحضنوا بعض تاني
وسليم وليلي واقفين بيضحكوا عليهم
ليلي يلا بقا عشان اتأخرنا
اسماء يلا يا ماما ونزلوا
سليم ركب قدام وجمبه ابوه
وليلي واسماء وراء
وكل واحد كان ف دنيا تانيه
اسماء اللي بتفكر ف احمد ومش قادره تتخطي اللي هي عملته معاه
وسليم اللي زعلانه علي حالتها وف نفس الوقت خايف يكون احمد كان بيلعب بيها
وبعد ساعات كانوا وصولوا اسكندريه
اسماء اول حاجه عملتها نزلت وراحت تقعد ع البحر لوحدها
ومحمد وليلي دخلوا البيت
وسليم قعد يراقب اسماء من بعيد
اسماء كانت قاعده وضمه رجليها لحضنها وبتبص للبحر وبتتكلم ودموعها نازله
سليم سابها شويه لوحدها وبعدين راح عليها وقعد جمبها
بتشكي للبحر
اسماء بدموع هو الوحيد اللي بيسمعني
سليم وانا روحت فين مستعد اسمعك ف اي وقت
اسماء انا تعبانه اوووي عاوزه افضل قاعده كدا لحد ما ارتاح
سليم وماله خليكي قاعده
اسماء فضلت قاعده وسليم قاعد جمبها لحد ما نامت علي كتف سليم
سليم بهدوء اسماء قومي يلا يا حبيبتي نروح
اسماءماشي يلا
وركبوا العربيه وروحوا
عند احمد كان واقف تحت بيت اسماء وبيبص علي بلكونتها
احمد اطلعي بقا يا اسماء
احمد فضل قاعد ف العربيه ومستنيها تطلع البلكونه نفسه يشوفها لحد ما النهار طلع وهو تحت بيتها
احمد طلع لبيتهم وطرق الباب
مفيش حد بيرد رن الجرس كتيير بردوا مفيش حد بيرد
احمد كان نازل وقفه صوت
=هو حضرتك عاوز الاستاذ محمد
احمد اه تقريبا مش موجودين
=لا هما مشيوا امبارح
احمد مشيوا فين
=معرفش هو حضرتك بتسأل عليهم ليه كنت عاوز حاجه
احمد اه كنت عاوز الاستاذ محمد
=انا معايا رقمه احبيهولك
احمد يريت لو سمحتي
=حاضر ثانيه واحده ودخلت الست دي جابت الرقم لاحمد
احمد شكرا لحضرتك
=العفو
احمد نزل وركب عربيته وراح علي مكان ما
احمد قعد وحط رجل علي رجل
اسماء فين
منه معرفش
احمد انت هتستهبلي يا روح امك ما تنطقي يبت اسماء رجعت اسكندريه ولا راحت فين
منه هي مش رفضتك عاوز منها سيبها ف حالها
احمد اه هي اكيد مبسوطه دلوقتي احمد الانصاري وكيل النيابه اتقدملها ورفضته
واكمل بحده وحيات امها لاتجوزها واعرفها مين احمد الانصاري
منه ابعد عن اسماء احسنلك ولمصلحتك اسماء مش زي ما انت فاكر مبسوطه انها رفضتك
احمد اومال اللي هي عملته ده تسميه ايه
منه حب
احمد بتهكم اه حب
منه ايوا حب اللي تبعد عن واحد بتموت فيه ومكنتش بتعدي يومها من غير ما تسمع صوته وتطمن عليه عشان بس خايفه عليه
احمد اسماء عرفت الحقيقه صح
منه بخوف وتوتر حقيقه ايه
احمد الحقيقه اللي كانوا ابوها وامها مخبينها عليها
منه بتلقائيه هو انت عارف
احمد عارف ايه بقا
منه بتوتر انا لازم امشي
احمد اقعدي يبت
منه انا معرفش حاجه
احمد اه ما تتكلمي يا روح امك هو انا هتحايل عليكي في ايه اسماء مالها
منه اسماء عرفت ان ليها اخ اسمه سليم
ورد سجون
احمد وبعدين
منه هو انت كنت عارف ان ليها اخ
احمد بنفاذ صبر انجزي يبت
منه لما عرفت قالت انها لازم تبعد عنك
ودموعها نزلت عشان اسماء عشان هي خافت عليك ومش عاوزك تخسر حياتك او فاكره ان ده ممكن يتسبب في أذي لشغلك ما هو مش معقول مرات وكيل النيابه اخوها يبقي رد سجون
والله هي بتحبك وخافت عليك
احمد طب هي فين دلوقتي
منه راحت اسكندريه
بعد هي ما سابتك ومشت رجاله سليم خطفوها علي انها حبيبتك وكانوا ناويين يعني ايه يكسروك بيها
احمد بعصبيه وصوت عالي انت بتقول ايه
منه اهدي محصلش حاجه اسماء كانت عرفت سليم قبلها ومعملهاش حاجه متقلقش
احمد ابن الكل*****ب وقام راح علي عربيته وساق بسرعه جنونيه لحد ماوصل شركه سليم بهيبته وملامح وشه القاسيه اللي ارعبت كل الموجودين
فارس كان ف مكتبه بيكلم سليم
فارس يعني هتقعد عندك يومين
سليم ايوا يومين كدا وهرجع
فارس ماشي بس انت لسه مقابلتش احمد الانصاري
سليم هيجي لوحده
قاطعه دخول السكرتيره من غير متستأدن
وبخوف فارس بيه احمد الانصاري وكيل النيابه هنا وراح ع مكتب سليم بيه
فارس ايه
سليم في ايه يا فارس
فارس بخوف احمد هنا يا سليم
سليم سيب الفون مفتوح ورح شوفه عاوز ايه
احمد كان دخل مكتب سليم ومش موجود
فارس من وراءه انت ازاي تدخل كدا
احمد راح عليه. وبحده سليم فين
فارس بابتسامه شماته في اسكندريه مع اخته
احمد اه اخته اللي هو كان ناوي يكسرني بيها صح
وكمل بحده وهو عارف ان الخط مفتوح بينهم وحيات امه لو كان لمس شعره منها ما كان هيكفيني فيها قتله
وسابه ونزل
فارس سليم هتعمل ايه
سليم سيبني يا فارس بس كدا اما اشوفه ناوي علي ايه
عند احمد
الو معاك احمد الانصاري ممكن اقابل حضرتك
=احمد الانصاري وكيل النائب العام
احمد ايوا انا
=طب وحضرتك عاوزني ليه يعني
احمد مش هينفع في الفون حضرتك فين وانا اجيلك
=ماشي بس انا في اسكندريه دلوقتي
احمدعارف فين في اسكندريه بالظبط
=قاله العنوان وراحله
وبعد ساعات كان وصل اسكندريه
واتقابل مع المجهول ده
احمد ها قولت ايه
=والله مش عارف اقولك ايه واكمل وقال انا موافق
احمد مش عاوزها تعرف غير لما نتتم الموضوع بيني وبين حضرتك
=ماشي بس انت وعدتني انك تحافظ عليها
احمد بابتسامه متقلقش عليها هشيلها في عنيا
=ماشي نتقابل باليلل تكون خلصت كل حاجه
احمد تمام ماشي
اسماء كانت قاعده علي البحروماسكه الاسكيتش وبترسم وبتسمع اغاني
قعد جمبها بكل هدوء
واتكلم وقال مالك يا اسماء فيكي ايه
اسماء بابا
محمد بحنيه وبيبص للرسمه مين ده
اسماء بتوتر: معرفش دي رسمه عاديه يا بابا
محمد ماشي مش هتحكيلي مالك وخلتينا نسيب القاهرة ونرجع هنا ليه
اسماء اتجمع في عنيها دموع انا بحب اسكندريه
محمد مسك ايديها طب يلا عشان نتمشي شويه
اسماء يلا يابابا
وفضلوا يتمشوا وجابلها ايس كريم ودره اكتر من مره
اسماء انا تعبت يا بابا وعاوزه اروح
محمد هههههه جزء من اللي كنت بتعمليه فيا زمان
اسماء لا والله دا انا فرهدت يا بابا وعاوزه اروح اشوف ميس ليلي عامله عشاء ايه بقا
محمد هتتعشي في بيتك انهارده
اسماء نعمم
محمد ولا حاجه. واخدها وصلها لحد العماره
اسماء انت مش هتطلع ولا ايه يا بابا
محمد لاء يحبيبتي اطلعي انت
اسماء باستغراب ماشي وطلعت
محمد الو انت فين جهزت كل حاجه
=ايوا يلا بقا انا مستني حضرتك
محمد جاي اهووو وراح علي مكان ما
اسماء دخلت شافت سليم واقف في البلكونه راحت ووقفت جمبه
سليم بحده كنتي فين
اسماءباستغراب ليه في حاجه ولا ايه
سليم مترديش عليا سؤال بسؤال كنتي فين
اسماء في نفسهابفرحه الله بقا ليا اخ يجبني من شعري لما اتأخر
اتكلمت وقالت
وانت مالك دي حاجه متخصكش ومشت قدامه بدلع مستنيه يجري وراءها
سليم نعممم حاجه متخصنيش اه خودي يبت وطلع يجروا وراء بعض في الشقه
اسماء هههههههه
سليم والله مبسوطه كداااا
ليلي في ايه يا ابني
سليم الهانم بنتك بقولها كنت فين تقولي وانت مالك حاجه متخصكش
اسماء وهي مستخبيه وراء ليلي ايوا انت جاي تعمل عليا كبير طول ما بابا عايش مالكش كلمه عليا
سليم والله
ليلي والله انتوا عيال اوعي يا اسماء الاكل هيتحرق وسابت اسماء وسليم
اسماء بخوف من نظرات سليم
انا والله كنتةعاوزه اجر شكلك ونتخانق شبه الاخوات اصل طول عمري كنت بتمني يكون ليا اخ ويقولي اتاخرتي ليه ورحتي فين وجيتي منين وكدا يعني ومصدقت طلع ليا اخ وعاوزه اهزر معاه
سليم بابتسامه تعالي يبت هنا
اسماء راحت سليم حضنها بحنيه عارفه مش هجوزك دلوقتي خالص لحد ما توصلي التلاتين
اسماء بصدمه ورفعت شفته نععععم التلاتين دا انا كدا هتخلل
سليم وهو بيضربها علي راسها بخفه عاوزه تتجوزي
اسماء بكسوف اححححم لاء بس ما وصلش التلاتين يعني من غير جواز
ليلي بصوت عالي اسمااااء
اسماء بصوت عالي مماثل نععععم يا ماما
سليم وطي صوتك يبت عيب
اسماء حاضر يا ابيه سليم
سليم حلووه ابيه منك قوليها علي طول
اسماء من عنيا وراحت لمامتها المطبخ
ليلي يلا يا اسماء خودي الاكل ورايا
اسماء وهي بتشم الله يا ماما الله طبخك حلووو اووووي
ليلي طب يلا بقا وكلمي بابكي شوفيه فين
اسماء حاضر
وراحت تظبط السفره وحطت الاكل ولسه هتكلم بابها كان داخل
اسماء كنت لسه هكلمك يا بابا يلا بقا ماما عامله اكل تحفه ولسه اسماء هتقعد
محمد قومي يا اسماء البسي يلا وروحي بيتك
اسماء باستغراب بيتي
وليلي وسليم واقفين بيبص لمحمد ومعقدين حواجبهم
محمد اه بيتك جوزك مستنيك تحت
اسماء. بصدمه ايه جوزي انت بتقول ايه يا بابا
محمد بتصنع الحده اللي سمعتيه ويلا الراجل مستني تحت
اسماء دموعها نزلت. واتكلمت ببراءه هو انا عملت ايه يا بابا
دموعها كانت بتقطع في قلب بابها
سليم بعصبيه هو في ايه يا بابا متفهمنا مين جوزها ده وازاي تعمل حاجه زي دي من غير ما ترجعلها
ليلي بعصبيه اكبر انت ازاي تقبل علي بنتك جواز بالطريقه دي هو احنا ايه ناس جاهله
ولا ايه يا استاذ محمد
محمد بحده خوديها يا ليلي خليها تغير هدومها وتنزل تروح بيت جوزها
ليلي مش هتروح حته انا بنتي لسه صغيره
محمد ليلي هتكسري كلامي ولا ايه
ليلي لسه هتتكلم قاطعتها اسماء خلاص يا ماما ودخلت اوضتها ودموعها نازله بغزاره وغيرت هدومها وبتلبس حجابها
ليلي بتعيط هتعملي ايه يبنتي
اسماءبتفائل ودموعها نازله مش يمكن دا خير ليا واقدر انسي وكيل النائب العام
واكملت بدموع مع ان والله لو اتجمع العالم كله عشان ينسهولي عمري ما هنسي يا ماما
ليلي حضنتها مش بايدي حاجه اعملها لك يحبيبتي
اسماء مسحت لامها دموعها ادعيلي يا ماما مش عاوزه غير كدا
ليلي حاضر يحبيبتي وحضنتها تاني وبتشم ريحتها ومسكت ايديها وقبلتهم بحنيه مفرطه وقبلتها من جبينها وحطت ايديها علي خدودها
متخليش الوردتين دول تحرقهم الدموع
اسماء وهي بتمسح دموعها وبتتكلم بهزار رغم النار اللي بتأكلها من جواا وقلبها اللي بيتقطع
خايفه علي الوردتين بس
سليم دخل وراح عليها وحضنها متخافيش انا هتصرف
اسماء وهي حاضنه سليم كنت بتقولي من شويه مش هجوزك غير لما توصلي التلاتين
واكملت بهزار هو انا وصلت التلاتين بسرعه كدا هههههه
سليم في نفسه سبحان الله رغم اللي هي فيه بتهزر وتضحك
اسماء طلعت من اوضتها وبابها كان واقف في الصاله راح عليه وحضنها
خلي بالك من نفسك
اسماءبزعل ماشي يا بابا
ونزلت معاه سليم جيه ينزل معاهم
محمد خليك انت انا هنزلها
سليم ايه مش من حقي اعرف حضرتك جوزتها لمين كمان
محمد هتعرف
واخدها ونزل
اسماء بصت لقت عربيتين واقفين
عربيه حراسه وعربيه ركبت فيها
لوحدها مع سواق وعربيه الحراسه وراءهم
اسماء سندت براسها علي الشباك ودموعها نازله
اسماء بصوت مخنوق من العياط هو احنا رايحين فين
السواق بصلها في المرايه ومردش عليها
اسماء هو انت مش بتسمع بقولك رايحين فين
بردوا مردش
اسماء بعصبيه انت مبتردش ليه
السواق انا بنفذ الاوامر يا هانم
اسماء والاوامر دي مين بقا انشاءالله
السواق لسه هيتكلم قاطعه فونه اللي نازل رن
السواق الو يا باشا
=جبيتها
السواق بابتسامه اه جبيتها وهنوصل بعدك علي طول
=تمام حاول تتأخر شويه عشان اوصل انا الاول
السواق حاضر يا باشا وقفل معاه
اسماء بقالنا ساعه ماشين مش هتقولي بقا رايحين فين
السواق رايحين القاهرة يا هانم
اسماء بصدمه ايه القاهرة
عند احمد كان سايق ومروح من اسكندريه للقاهرة
احمد طلع فونه وبعت رساله لاسماء احنا لازم نتكلم
اسماء وصلتها الرساله وشافتها
اسماء وهي بتكتب رد علي الرساله بدموع
لسه فاكر خلاص خلصت مفيش بينا كلام 💔
احمد.
مش انتي اللي مشيتي لاو كمان زعلانه
اسماء ايوا بس انت محاولتش. تعرف ايه السبب حتي
احمد ايه السبب
اسماء وبعد ما تعرفه مفيش حاجه هتتغير حصل اللي حصل خلاص خلصت الحكايه
احمد لا مخلصتش دي هتبدأ
“إِحْْتَضِنْ ظُنونَكَ الطَّيِّبَةَ لَنْ تَنْتَظِرَ طَوِيلَا
عِشَّ مُتْعَةً التَّرَقُّبِ
رُبَّمَا تَبْدَأُ غَدًا وَرُبَّمَا الْيَوْم”
وقفل الفون
اسماء في نفسها كل مره بيقولي الجمله بيكون متأكد ان في حاجه هتحصل وتبسطني
معقول اكون اتجوزت احمد
واكملت بيأس ايه اللي انا بقوله ده
وقفلت فونها وكملت عياط
وبعد وقت حوالي الساعه12 باليل كان احمد وصل شقته في القاهره
دخل اخد شاور وغير هدومه
اسماء وصلت بيت جوزها كانت واقفه قدام برج عالي وبتبصله بصدمه
السواق يلا يا هانم
اسماء مشت والحراسه ماشين وراءها
وركبت الاسانسير معاهم
وطلعوا الدور الاخير
ووصلوا قدام الشقه
وطرق الباب
الخدامه راحت فتحت اتفضلي يا هانم
اسماء دخلت وقد تكاد دقات قلبها كانت مسموعه
حسيت براحه اول ما دخلت الشقه دي وف نفس الوقت كنت مرعوبه وخايفه
كان واقف ومديها ضهره
الخدامه الهانم وصلت يا باشا انا همشي انا ومشت
ومازال واقف ومدي ضهره لاسماء اللي دموعها نازله مغرقة وشها
لف ليها واتكلم وقال نورتي بيتك
اسماء بصدمه اححححمد وجرت عليه وحضنته
احمد حضنها بقوه وبيوبسها من راسها
اسماء ماسكه في جاكيت احمد بقبضه ايديها وبتعيط عياط هستيري
احمد بحنيه ممكن تهدي واخدها قعدها علي كنبه صغيره كدا يدوب تاخد شخصين
وجابلها مايه
اسماء شربت وبترتجف من كتر العياط ورموشها المبللين بالماء وشفايفها اللي بقوا شبه الفراوله وخدودها
احمد حضن ايديها الصغيرتين بايده واتكلم قال اهدي اهدي يحبيبتي
اسماء هو هو ازاي ده حصل انا مش فاهمه حاجه
احمد بابتسامه لاء ازاي ده حصل بعدين احنا مش فاضيين للكلام الفاضي ده وكمل وهو بيقرب منها احنا في وراءنا حاجات اهم
اسماء وهي بترجع لوراء انت هتعمل ايه
احمد وهو بيغيظها هرزعك بوسه
اسماء حطت ايديها علي وشه تتداري كسوفها وبتضحك بردوا ارزززعك
احمد وهو بيشيل ايديها يخربيت جمال امك حتي وانت معيطه شكلك حلو
وطبع قبله رقيقه جمب شفايفها
اسماء بكسوف ابعد لو سمحت انا زعلانه منك وقامت وقفت
احمد بتنهيده وقام وقف مين يزعل من مين
اسماء افتكرت وهي بتخلع الخاتم وتدهوله ونظره الضعف اللي كانت في عنيه
ولسه هتتكلم قاطعها احمد
هنتكلم بس مش هنا
اسماء اومال فين
احمد شاورلها علي اوضه ادخلي غيري هنروح مشوار سوا
اسماء هنروح فين
احمد اسمعي الكلام في فستان جواا ادخلي البسيه ويلا انجزي بقا
اسماء ماشي ودخلت الاوضه وشافت فستان ابيض سيمبل علي زوقها بالظبط شوز ابيض كمان حلو اوووي
ولفت نظرها الاوضه وجمالها
وتاهت في الاوضه وراحت علي هدوم احمد اللي موجوده في الاوضه وبدأت تلقب في كل حاجته برفاناته اللي ريحتها جننتها وساعاته
اسماء ايه الجمال والهدوء ده
احمد من وراءها عجبتك
اسماء بصتله ووشها احمر هي ايه دي
احمد اوضتي
اسماء بتوتر طب انا هدخل البس بقا عشان منتاخرش
احمد بابتسامه طب يلا بسرعه بقا
اسماء لبست الفستان وحطت ميكب خفيف جدااا ووقفت قدام المرايه وبصت لنفسها باعجاب وطلعت احمد شافها انبهر بجمالها وكسوفها وهدوءها
راح عليها ايه الجمال ده
اسماء بابتسامه شكرا دا من زوقك
احمد بابتسامه وغزل دا انا زوقي حلوو اووي
اسماء يعم بتكسف الله
احمد بتهكم يعععم طب يلا ومسك ايديها ونزلوا
اسماء في الاسانسير هو احنا هنروح فين
احمد هتعرفي دلوقتي
ونزلوا ركبوا العربيه وراحوا علي مكان ما
ليلي بعياط سليم اتصرف وهات اختك
سليم اهدي يا ماما اما نعرف مين اللي اتجوزها
محمد دخل عليهم
في ايه
ليلي قولي جوزت اسماء لمين
محمد بتهيده وبيبص في ساعته
كدا اكيد وصلوا
واكمل وقال جوزتها لاحمد الانصاري وكيل النيابه
ليلي وسليم ف نفس الوقت مييين
محمد ايه في حاجه وكمل وهو بيبص لسليم راجل محترم وابن ناس وبيحبها وهي كمان وده اللي اتأكدت منه انهارده
ليلي بخوف طبعا اهله ميعرفوش
محمد لاء ميعرفوش بس هيعرفوا
سليم بعصبيه ازاي يعني يا بابا تقبل بكدا اكيد عاوز يلعب بينا
مفيش راجل بيلعب ببنات الناس
سليم بس دي اختي انا واكيد عاوز يكسرني بيها
محمد اه شبهك كده كنت ناوي تكسره بالبنت اللي بيحبها اللي هي اختك يا تري بينه وبين ربنا ايه الناس تيجي تئزيه تئزي نفسها
سليم وهو بيبلع ريقه حضرتك عرفت الموضوع ده منين وبعدين انا مكنتش ناوي أأزيها ولا حاجه
محمد لاء كنت ناوي بس لولا هي كانت عارفه بيك كان دلوقتي
ليلي بعياط من اللي كان هيحصل لبنتها واللي بيحصل اسكت يا محمد الله يخليك متكملش
انا بنتي معملتش حاجه ليه يحصل فيها كل ده
سليم سابهم ونزل
محمد راح علي ليلي واتكلم وقال ليلي اهدي كل اللي حصل ده اكيد كان خير
ليلي بس سليم كان هيدمر اخته بايده مش احمد الانصاري
محمد بس الحمدلله محصلش حاجه
ليلي يا تري احمد ده بينه وبين ربنا ايه وكأن ربنا بيسخرله كل حاجه من حواليه
وانت خلاك تقبل انك تجوزه بنتك واهله ميعرفوش
محمد والله مش عارف انا نفسي مستغرب اللي انا عملته ده
ليلي طب انا عاوز اكلم بنتي دلوقتي
محمد الصبح يا ليلي
ليلي طيب ماشي
عند اسماء واحمد كان قاعدين علي يخت بتاع احمد وكان محضر عشاء رومانسي والجو ده
احمد بتعيطي ليه دلوقتي
اسماء عشان انت اتجوزتني من غير اهلك ما يعرفوا
وعاوز تحطهم قدام الامر الواقع
احمد كنتي عاوزني. اقولهم عاوز اتجوز اخ ت سليم مهران رد السجون وبعدي ابوكي وافق علي كل ده انا مخبيتش عليه حاجه
اسماء والله مش عارف ازاي بابا الاستاذ المحترم يقبل بكدا يقبل ببنته تتجوز واحد اهله مستحيل يقبلوها
احمد قام وقف ووقفها واتكلم وقال طول ما انا جمبك مش عاوزك تفكري في اي حاجه
اسماء بعياط بس انت اهلك هيخلوك تسيبني
احمد هو انا قولتلك كم مره اني عمري ما هسيبك
اسماء ما انت لو مسبتنيش هتخسر اهلك
احمد متخافيش وطلعلها الخاتم للمره التانيه
ومسك ايديها ولبسها الخاتم
اسماء عيطت وحضنته
احمد بهزار متجوز بومه يارب صبرني عليها
اسماء وهي في حضنه ضربته في صدره بخفه انا بومه
احمد ايديكي طولت ها
اسماء اسفه وطلعت من حضنه
اسماء اليخت ده حلو اوووي هو ينفع تجبني هنا علي طول
احمد وهو بيشدها لحضنه تاني
اه طبعا احنا هنقعد اسبوعين هنا هنبعد عن الناس والدنيا ونعيش دنيتنا الخاصه
قاطعهم رن فون اسماء راحت تشوف مين
احمد شد منها الفون امممم دا سليم اخوكي وقفل الفون
اسماء اكيد عاوز يطمن عليا هات الفون
احمد لاء مش هتردي عليه
اسماء هات يا احمد الفون متهزرش والله اعيط بقا ومش هتعرف تصالحني
احمد عيطي
اسماء يعني دموع هتهون عليك عادي
شكرا يا قره عيني شكرا وسابته ودخلت الاوضه
احمد دخل وراءها اسماء قاعده ومش مدياله اي اهتمام بتبصله بزعل
احمد دخل الحمام وطلع وهو لابس بنطلون وعاري الصدر وبينشف في شعره
اسماء اعااااااانت ازاي تطلع كدا وحطت ايده علي وشها
احمد انا بنام كدا
اسماء بس في بنت معاك كنت استنيت اما اطلع وبعدين نام كدا براحتك
احمد البنت دي مراتي ولو مبطلتش هبل هتزعل
اسماء وهي بتحاول تتوه وتستعبط عليه مرأتك انت متجوز عليا
احمد بصلها وقرب منها اه متجوز عليكي وبحبها اووووي
بصي بعشقها
اسماء بابتسامه ولسه مغمضه عيونها وفي نفسها بتحبك وبتعشقك
احمد حط راسه علي رجليها ونام
اسماء شالت ايديها من علي وشها وبصتله باعجاب
ايه القمر ده وبدأت تلعب في شعره وطبعت قبله رقيقه علي جبينه
احمد في نفسه يخربيتك انا ماسك نفسي بالعافيه
واتعدل من نومته
اسماء بصدمه وكسوف انت صاحي
احمد نام جمبها. وشدها لحضنه بقوه واتكلم وقال نامي
اسماء بتوتر وضيق هو انت ماسكني كدا ليه هو انا ههرب
احمد هههههه نامي يحبيبتي
اسماء انا لحد دلوقتي مش مستوعبه ازاي ده حصل
وهو اللي احنا في ده طبيعي
احمد لاء مش طبيعي يعني بنحب بعض واول يوم لينا جواز وانا محترم نفسي لحد دلوقتي عشان بقول لسه صغيره
اسماء كانت راحت في سابع نومه
احمد بصدمه وبيضحك دي نامت يا نهار اسود وسرح في شكلها وهي نايمه ورجعلها شعرها لوراء وطبع قبله رقيقه جمب شفايها واخدها في حضنه وكأنها بنته
وناموا في سلام وامان
وفي صباح يوم جديد
في الاسكندريه
ليلي بخوف اسماء فونها مقفول يا محمد
جرب تكلم احمد كده
محمد سبيهم يا ليلي
ليلي انا عاوزه اطمن علي بنتي
محمد رن علي احمد
احمد واسماء كانوا صاحيين وبيحضروا فطار
احمد ابوكي بيرن
اسماء دي تلاقيها ماما رد يا احمد والنبي
احمد الوو
محمد الو يا باشا صباح الخير
احمد صباح النور
محمد اسماء عامله ايه
احمد كويسه الحمدلله خودها معاك
اسماء بكسوف الوو يا بابا
محمد عامله ايه يا حبيبتي
اسماء انا الحمدلله يا بابا
ليلي شدت الفون وبلهفه عامله ايه يا حبيبتي
اسماء الحمدلله يا ماما
ليلي واحمد عامل ايه
اسماء كويس الحمدلله
ليلي انا مبسوطه اووووي عشانك وف نفس الوقت زعلانه ان اهله ميعرفوش لسه حاجه
اسماء متقلقيش يا ماما انشاءالله خير
ليلي انشاءالله يحبيبتي
اسماء ماما هو سليم فين عشان اكلمه
احمد بصله بحده
ليلي سليم رجع القاهرة تاني
اسماء ماشي يا ماما مع السلامه
ليلي مع السلامه يحبيبتي
وقفلت معاها
اسماء بصت لاحمد واتكلمت وقالت احمد انت اكيد مش بتفكر تفرق بيني وبين اخويا
احمد لاء بس انا عاوز اربيه شويه واكمل وقال وحيات امه اول ما هشوفه هخلي الدكاتره تحتار فيه
اسماء بخوف انت بتقول دا اخويا حرام عليك
احمد اه اخوكي ولما كان عاوز يكسرني بيكي
اسماء والحمدلله محصلش حاجه ليه الأزيه بقا وكل واحد يفكر ينتقم من التاني ونفضل في الدايره دي وندمر بعض واحنا مش حاسيين
واكملت علي فكره سليم مش بيكرهك
احمد بتهكم اه واكمل بحده
اخوكي مبيكرهش حد أدي
اسماء والله مش بيكرهك دا انا في مره شكيت ان انت تكون كنت بتلعب بيا وكدا
سليم محي الشك ده وقالي الحاجه الوحيده اللي مش ممكن اصدقها عنه ان يلعب ببنت او يدخلها في انتقامه
احمد سليم هو اللي قالك كدا عادي ما هي دي الحقيقه
اسماء ماشي بس لو عملت حاجه لاخويا انا هزعل منك والله
احمد يلا عشان نفطر يسمسم سيبك من الكلام الفاضي ده
عند سليم وفارس
فارس هههههه يعني احمد اتجوز اختك
سليم بحده انت بتضحك علي ايه انت مش شايف المصيبه اللي انا فيها قدر يقنع بابا ان يتجوزها من غير اهله ما يعرفوا معني كدا ناوي يزيها
فارس سلييم انت عارف احمد اكتر مني مستحيل يعمل كده وبعدين انت مبسوط من جواك عشان مش هتلاقي لاختك شبه احمد الانصاري ودي الحقيقه
سليم باستسلام اه مبسوط بس كنت عاوز اربيه شويه واعذبه
واكمل وقال
بس سهله طالما سيف بيه ميعرفش انا اعرفه بنسبه الجديد
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احببت وكيل النائب العام)
الروايه جميله
تم