رواية جريمة عشق 5 الفصل التاسع والعشرون 29 بقلم مريم نصار
رواية جريمة عشق 5 الفصل التاسع والعشرون 29 بقلم مريم نصار
رواية جريمة عشق 5 الجزء التاسع والعشرون
رواية جريمة عشق 5 البارت التاسع والعشرون
رواية جريمة عشق 5 الحلقة التاسعة والعشرون
فيلا مصطفى عزيز..
أشرف وهنا ويوسف ومريم داخلين الفيلا راجعين من عند آرين….
كريم وليليان وعُمر قاعدين في الليفنج..
أشرف : مساء الخير ياولاد..
كريم وليليان ردو عليه..مساء الخير يا بابا.. وسلموا على الكل..
هنا : بإستفهام.. مصطفى وچود فين يالي لي ياحبيبتي؟
ليليان : فوق ياناناه لسه راجعين من عند جدو طارق..
بعد ما خرجوا من عند آرين..وطلعوا يغيروا ونازلين عشان الغدا..
يوسف : بضحكه لعُمر..تعالى تعالى يعُمر باشا.عامل إيه؟ وشاله وبيلاعبه.
ليليان : آرين عامله ايه دلوقتى ياماما؟
مريم : ابتسمت الحمد لله..وبتسلم عليكي كتير.. وهتخرج بكره إن شاء الله.
ليليان : طيب مين عندها..بابي ومامي؟
مريم : لأ ياحبيبتى ريتال بس إللي هناك..وكمان عمك مراد وفهد و تالين.. أما زين قالوا إنه لسه في الشغل..
ليليان : ربنا معاه..
يوسف : أنت ليه مروحتش انهردا ياكريم أنت وليليان ل آرين..
كريم : والله يابابا حضرتك عارف إن عندي شغل كتير جدا في الشركه..وليليان كانت معايه وساعدتني شويه. ولسه راجعين مفيش ربع ساعة.. هنروحلها بكره إن شاء الله.. أهو بالمرة نشوف نتيجة العمليه..
ليليان : بفضول..اه ياكريم انا الفضول هيجنني بس آرين بقى منشفه دماغها.. يلا كلها بكره..
هنا : إن شاء الله خير.. اتغديتوا ولا لسه؟
كريم : أبتسم.. وده إسمه كلام برضه مستحيل نتغدا من غيركم..
ليليان : قامت.. وقالت.. ثواني هقول لداده تجهز الغدا..
يوسف : بيلاعب عُمر وقال..عامل ايه ياحبيبي.. صدق ياض يا عمر أنا اتعودت أول ما أدخل البيت اشيلك.. دلوقتي بس حسيت بجدو مصطفى لما كان ينادي عليا اول واحد.. الله يرحمهم ويغفر ليهم..
كلهم آمين..
أشرف : أبتسم بحنين..وقال.. الله يرحمه. كان بيحبك جدآ..وديما يشجعك على كل خطوه عايز تعملها.. هو و ست الكل أمي حبيبتي الله يرحمها ويغفر لها..
الكل اترحم عليهم ودعالهم..
مصطفى : نازل..وقال سلاموووووز… وسلم عليهم..
وبص ع السفره..وقال..ايه ده انتوا ليه محطتوش الأكل..والله عيب كدا..
مريم : ضحكت.. ثواني ياحبيبي والغدا يكون جاهز.. اومال فين چود..؟
مصطفى : شاور وقال نازله ورايا اهي.. لكن مصطفى دقق النظر لچود.. وقال مالها دي؟
چود : نازله ع السلم وحاسه بتشويش في الرؤية.. ووقفت وغمضت عينيها لأنها داخت..
مصطفى : بقلق..ايه ياچود واقفه عندك ليه..
چود : بتتكلم بصوت واطي..وقالت..دايخه أوي يامصطفى..!!! مصطفى تعالى اسندني حاسه اني هقع..
مصطفى : كشر عينيه وقال هي بتوشوش نفسها دي ولا ايه؟ وشافها بتميل وهتقع..وفتح عينيه بصدمه.. وجري بسرعه..وقال چووووود..
الكل قام وقف بقلق واضح واتخضوا..
چود : الدوخه بتزيد عندها ومبقتش شايفه حاجه وغمضت عينيها ووقعت بين أيدين مصطفى..
مصطفى : بخوف حقيقي..چود..چود..ياچوود ردي عليا..
ليليان : طلعت تجري وقالت بقلق..چود. مالها يامصطفى..
وكريم ويوسف ومريم..طلعوا وراهم..
كريم : بقلق.. مصطفى شيل مراتك ع الاوضه..
مصطفى : بدقة قلب خايف..شال چود وراح بيها ع الاوضه.. وليليان جريت فتحت الباب لمصطفى..
Автор: Меріам Насар
هنا : واقفه.ومبتسمه..
أشرف : قلقان..لكن شاف ابتسامة هنا..واستغرب..وقال هنا.!!! انتي بتضحكي؟
هنا : بإبتسامة جميله.. طبعآ أضحك..وافرح كمان.. شكل كدا الخير جاي يا أشرف..
أشرف : بعدم فهم..قال.. مش فاهم خير ايه اللي بتتكلمي عليه؟
هنا : بسعاده..چود أكيد حامل يا أشرف..
مريم : لفت لهنا وقلبها بيدق وقالت صح.. أيوه لأن چود بقالها فتره رافضه تاكل الفراخ وقالت مش طايقه ريحتها..
أشرف : بجديه.. الله يكرمكم متقولوش حاجه من غير ما تتاكدوا علشان الولاد ميتعشموش..
مريم : هزت راسها ايوه فعلاً..ولازم نتأكد.. انا معايا أدوية في اوضتي المفروض هوديهم الصيدليه بكره..وفيها اختبارات للحمل.. أنا هاروح بسرعه أتأكد.. وطلعت بسرعه ع السلم..
يوسف : بص للسما وقال..يارب..
كريم : واقف في الطرقه.. وقال..ليليان چود فاقت..؟
ليليان : بتدلك أيدين چود وقالت..بخوف.. لأ ياكريم..
مصطفى : قلبه هيقف من القلق.. وقام بسرعه جاب برفان ورش ع أيدو..وقربها من چود…
وبعد محاولات چود فاقت.. ومصطفى تنفس الصعداء..
چود : بتعب.. انا فين؟ ساعدني يا مصطفى..
مصطفى : ع مهلك ياحبيبتي..وحط مخده ورا ضهرها.. وشربها ميا..وقال..ايه ياچود.. إيه إللي حصلك مانتي كنتي كويسه وجايه ورايا..؟
چود : بتعب..مش عارفه يامصطفى..حسيت ان الارض بتلف بيا.. وملحقتش انادي عليك.. وحطت أيدها ع بوقها وقالت..مين رش ريحة..؟
مصطفى : بتعجب.. أنا ياحبيبتى..عايزه تاني..خدي ورش ع أيديها..
چود : بغيظ.. أنت بتعمل ايييه؟ ومعدتها قلبت..وقامت بسرعه على الحمام.. ورجعت..
مصطفى : بتعجب.اله..البت دي أخدت برد ولا ايه؟ وراح وراها..
ليليان ؛ خرجت لكريم..وقالت بمكر.. كريم چود بترجع في الحمام..
كريم : باشمئزاز.. أمم احم ربنا يشفيها..
ليليان : لأ لأ شكله مش تعب..شكلها كدا حامل..علشان أنا برضه كنت برجع..ومش طايقه ريحة البرفان زيها كدا..
كريم : ابتسم وقال.. يارب يمكن مصطفى يعقل لما يبقى أب..
مريم : جت بسرعه..ودخلت الاوضه وخبطت ع چود وفهمتها تعمل إيه؟
الكل واقف مترقب..
مصطفى : رايح جاي رايح جاي..وقال..يارب ولد.. يارب ولد..
الكل اندهش وضحكوا على مصطفى..
كريم : والله مافيش فايده هيفضل اهبل..
مصطفى : بقولك ايه..سبني باللي أنا فيه.. أنا في رقبتي عيال هتبقى مسؤوله مني..هأكلهم منين؟..منين بس ياربي..!!!
ليليان : هههههههه الواد ده لو دخل فريق التمثيل..هيقعدهم كلهم في بيوتهم..الله عليك افنان..
مصطفى : تسلمي يالي لي..
كريم : ضربه ع قفاه وقال بغيره وتحذير.. اقسم بالله لو ما اتظبط لاظبطك..اعقل كدا. علشان مجننش عليك..مش ناقصه تخلف..
وبص لليليان وقال بغيره.. وأنتي مش هنبه عليكي تاني..فاهمه ولا لأ..
ليليان : بصتله بغيظ..وقالت جواها..ماشي ياعدو الفرحه..
مصطفى : نفخ يوووه خلاص ياعم اسمها أم عمر.. استريحت.. وزعق ماتخلصي بقى ياچود..
چود : خرجت من الحمام وجريت ع مصطفى..وقلبها بيضحك قبل وشها..
الكل اتفائل خير
چود : اتشعلقت في رقبته وقالت.. مصطفى أنا حامل..حامل يامصطفى..
مصطفى : بفرحه كبيره..قولي والله العظيم حامل كدا..
چود : ضحكت بدموع..والله العظيم حامل..
مصطفى : شالها ولف بيها كتير..وقال.. أخيراً بعد العمر ده كله هبقى اب…!!
چود : خرجت من حضنه وقالت..متأفورش يامصطفى..عمر كله إيه؟ أنت لسه مدخلتش جيش..
الكل ضحك عليهم.. وباركوا لمصطفى وچود.. وقعدوا يتغدوا ومصطفى أهتم بچود وكان إهتمام كوميدي والكل بيضحك من قلبه والفرحه عمت البيت.. بحمل چود..
وچود اتصلت ع جدها طارق أول واحد وبعد كده رودي وفارس وكل العيله.. وباركوا ليها ع الخبر الجميل ده..
——————بقلمي مريم نصار..
فيلا زياد جمال..
ف جناح ياسين..
همس : بتأكل محمود وحمزه وبتلعب معاهم..
ياسين : واقف بيتابع عيلته الصغيره وبيضحك.. بصمت..
همس : يلا كل يامحمود كل ياروحي.. ايوووه شاطر يقلب مامي.. وأنت ياحمزه كل ياروحي.. ايوووه شاطر زي اخوك.. وبصت ل ياسين وقالت مش كنت سميت حمزه آسر..؟
ياسين : اشمعنا؟
همس : علشان يبقى عندك نجوم كبار..محمود ياسين.. و آسر ياسين ههههه
ياسين : ضحك..وقال لأ انا بحب إسم حمزه.. وإن شاء الله. لو ربنا شاء وخلفنا تاني هسمي أنس..
همس : بغيظ.. نخلف إيه؟نخلف تاني ده عند ام ترتر إن شاء الله.. أنا اتربيت من أول وجديد من عيالك..
مليكة : جت وخبطت وقالت.. همس عايزه الولاد جدهم زياد جه وعايزهم.
ياسين : بمكر..حاضر ياست الكل.. وشال حمزه ومحمود..وقال اتفضلي يا أحلا أم في الدنيا..
مليكة : شالتهم وفرحانه بيهم.. وقالت.. طيب ياحبيبي. أنت هتنزل ولا هتريح شويه..
ياسين : بمكر.. لأ أنا هنام شويه..علشان عندي ورديه بليل..
مليكة : خلاص ياحبيبي خد راحتك وانا هخلي بالي من الولاد..
يلا ياحبايب قلبي.. ونزلت..
همس : قامت..وقالت..ياااه أخيرا..والله العظيم أحلا وقت.. وقت رجوع بابا زيزو..بيشيل عني كتير..يااااه..
ياسين : قفل الباب بالمفتاح..وقرب منها ومبتسم بمكر..
همس : بلعت ريقها وقالت.. أنا عارفه البصه دي.. ياسين وحد الله كدا.. أنت عندك ورديه.. ولازم تريحلك شويه..
ياسين : حاوطها من وسطها وقربها منه.. وقال بخبث.. تؤ أنا بكره أجازه..
همس : عوجت بوقها.. أممم وايه المطلوب..
ياسين : شاور ليها.المطلوب انتي ياروحي.
همس : بمكر..بيدخلي من ثغراتي.. هههه
ياسين : بخبث..بحبك انتي وثغراتك…وقرب منها بحب كبير واخدها لعالمه الخاص..
في اوضة حياة..
حياة : الو.. اذيك يا آسر..عامل ايه دلوقتي؟
آسر : ابتسم.. انا كويس جدا.. متقلقيش عليا..ده دور برد بسيط كدا وراح لحاله..
حياة : بصراحه انت صعبان عليا أوي يا آسر..بتروح الجامعه وبعدها الشركه.. وبتسافر.. بجد ربنا يوفقك..
آسر : ابتسم..بتخافي عليا ياحياة..
حياة : بعفوية.. طبعاً.. أنت عارف لما بتسافر بكون قلقانه خالص.وا…احم..وضغطت على شفايفها بحرج..
آسر : ضحك بصمت وقال.. انا بخير ياحياة اطمني..
حياة : بتنهيدة حب..ربنا يحفظك يا آسر..
آسر : ويحفظك ليا ياحياة آسر..!!!
——————بقلمي مريم نصار.
فيلا آريان العدوي..
تمارا لابسه فستان وحجاب ومجهزه نفسها لخروجة مع آريان.. وبصت ف الساعه وكانت ١٠
رايحه جايه وقالت بخنقه.. آريان أتأخر.. وقالى إن الساعه ٧ هكون عندك..
ونفخت بخنقة وقالت..طيب أتصل عليه؟ طيب لو هو هيتاخر قالي ليه أنه هيخرجني؟طيب ليه متصلش؟
لأ لأ ياتمارا لازم تتصلي تطمني عليه.. أفرض حصل حاجه.. لأ لأ إن شاء الله آريان بخير.. واتصلت عليه.. وقلقانه..
آريان : في الاجتماع مع أبوه..و منهمك في الشغل..
وشاف رقم تمارا.. وافتكر أنه واعدها يخرجوا..وغمض عينيه وقال.. إزاي نسيت يا آريان..!!!؟
تمارا : بقلق مبهم. آريان مردش عليا.. ياترى في ايه؟ واتصلت تاني..
آريان : أبتسم للموجودين في الاجتماع..وقام وقال.. ثواني مكالمه مهمه.. واخد الفون وراح لركن بعيد..ورد عليها..وقال.. تمارا..!!
تمارا : نفخت با اريحيه..وقالت.. آريان.. آريان أنت فين؟ وليه متصلتش عليا..وليه اتأخرت كل ده؟
آريان : بحيره.. حبيبتي أنا بجد آسف.. أنا عندي شغل مهم واجتماع لصفقه مهمه .ونسيت خالص حكاية الخروجه دي..
تمارا : بتعجب ودهشه..نسيت..؟! وحكاية الخروجه دي؟
ااه. لا ولا يهم حضرتك محصلش أي حاجه..لكن ع الأقل كنت تبعت مسج صغير..وتقولي إننا مش هنخرج..بدل ما أنا لابسه من الساعه ٧ زي ما حضرتك وعدتني..
آريان : مسح وشه وشعرو بنرفزه وقال..تمارا أنا إللي فيا مكفيني وزياده..
أنا كنت فاضي وقولت معنديش شغل وأنتي أولىَ أننا نخرج مع بعض..
وانا اللي قولتلك هخرجك مش أنتي؟ لكن فاجأه حصل مشكله كبيره في صفقه كنا بنخطط ليها.. وبابا أمر باجتماع مهم..وهنسهر انهردا ف الشركه أعمل أي يعني؟
تمارا : أبتسمت وحست بالاحراج.وقالت ولا حاجه يا آريان.. متعملش حاجه.. وأنا آسفه.. تصبح على خير.. وقفلت..
آريان : بص للفون واتنهد بتعب..وهز راسه بإحباط.. وراح يكمل الإجتماع..
تمارا : قعدت قدام المرايا.. ودموعها نازله..وقلعت الحجاب..وشالت السلسله والخاتم..وشالت الحلق.. وقامت غيرت الفستان.. وقعدت على السرير وبصت ع محمد كتير وساكته..
آريان : قاعد سرحان في الاجتماع ومضايق من أسلوبه مع تمارا..لكن الضغط إللي هو فيه..اكبر من اي حد يتحمله..
زين : بيتكلم مع المهندسين..وشاف آريان سرحان.. وشاور ليه..في اشاره..
آريان : أنتبه.. وحاول يبتسم ويركز معاهم.. لكن بعد كدا مسك الفون وبعت رساله خاصه لتمارا.. وقفل الفون وحاول يركز في الاجتماع..
تمارا : بتمسد ع شعر محمد وسرحانه.. وفاقت ع صوت الرساله.. ومسحت دموعها..وفتحت الرساله.. ومكتوب فيها..
آسف..!!! بجد آسف.. تمارا أنتي الوحيده اللي صعب عليا أنها تزعل مني.
وأنا مقصدش إني نسيتك بكلامي.. أنتي عارفه انا بحبك قد ايه.وأهم حاجة عندي أنتي ومحمد . أنا عارف إني مقصر معاكي لكن غصب عني.. وأحنا اتكلمنا في الموضوع ده قبل كده. المشروع يخلص ع خير. واوعدك اني هعوضك عن كل حاجه حصلت.. بجد آسف..(بحبك).
تمارا : قرأت الرساله..وخرجت منها تنهيدة تعب.. وقفلت الفون..وشدت الغطا ونامت جمب محمد.
..ومسكت أيدو الصغيره.. وباصه قدامها بشرود..
——————بقلمي مريم نصار..
Автор: Меріам Насар
فيلا تيم عزيز..
ميرو : قاعده ع السرير و شايله جنى.. وبتتأمل تفاصيلها..وماسكه كف أيدها وبتتعجب من صنع الله.. وقالت.. سبحان الله..كف إيدك صغنن أوي ياروحي.. بس إن شاء الله.بكره تكبري وملامحك الجميله دي تكبر جوايا..
بقولك ايه ياجنى تعالى نتصل على بابا محمد. هو اتعلق بيكي جدآ.. وكل يوم يتصل يطمن عليكي.. لكن انهردا متصلش..تعالى بقى نطمن ونسأل عليه إحنا.. ماشي ياروح قلبي؟
وجابت الفون واتصلت ع محمد..ورد.
محمد : بابتسامه..الو حبيبتى. أم جنى قلب جدها..
ميرو : بعتاب وهزار..يسلام حبيبت قلبك.؟. لأ لأ دي جنى زعلانه من حضرتك جدا.. وقالت. شوفتي يامامي؟ شوفتى بابا محمد مسمعنيش صوته انهردا إزاي ولا اطمن عليا ؟
محمد : بضحكه..معقول جنى قالت كل ده؟
ميرو : بتمثيل الدهشه..ايوووه حضرتك مش مصدقني؟
محمد : ههههه لأ طبعاً مصدقك.. أنا عارف إن جنى زعلها وحش.. وانا مقدرش ع زعلها..دي روحي.. وبقولها أهو متزعليش ياجنى.غصب عني والله.. كان عندي إجتماع مهم جدا..ولسه مخلص حالا.
ميرو : أممم..خلاص جنى بتقولك حصل خير..بس لو سمحت متعلقهاش بيك وتتقل عليها..عشان هي بتحبك جدآ..
محمد : ههههه وأنا بموت فيها..طيب والله وحشاني جداً..ولا عمري اتقل ع حفيدتي وقلبي.. خلاص المسامح كريم ياجنى..
ميرو : ضحكت.. أوكي عفونا عنك.ههههه.. عامل ايه حضرتك يابابا؟
محمد : الحمد لله ياحبيبتي.. أنتي عامله ايه؟ وجنى؟
ميرو : الحمدلله كل حاجه تمام..وجنى بخير.. أنا اتعودت إن حضرتك يومياً لازم تطمن ع جنى.. ولما متصلتش قولت اطمن عليك.. والحمد لله إنك بخير..
محمد : أبتسم..تسلمي يامريم يابنتي.. الحقيقه حصل إجتماع طارئ..ولازم أسافر أنا ونور بكره الفجر ع النمسا مؤتمر مهم.. إن شاء الله..
ميرو : ربنا معاكم.. وتروحوا وترجعوا بالسلامه إن شاء الله..
تيم : وصل البيت..وفتح باب الأوضه..وشاف ميرو بتتكلم ف الفون..ودخل ملهوف ع جنى..
محمد : تيم باشا وصل ولا لسه؟
ميرو : بابتسامة حب..لسه واصل حالا اهو يابابا..
محمد : ماشي ياحبيبتى..اسيبك أنا بقى لأن الجو بيمطر ولازم ارجع البيت انا ونور نجهز الشنط..
ميرو : خلي بالك من نفسك في رعاية الله..
محمد : ونعم بالله مع السلامه..
تيم : حط الشنطه..وقعد ع طرف السرير.. وبيضحك لجنى ومسك كف أيدها وبيلاعبها..
ميرو : قفلت.. وقالت لتيم.. حمدالله على سلامتك ياحبيبي..
تيم : بإبتسامة حب..باس جبينها وقال..الله يسلمك يا روحي.. عامله ايه..وچينو حبيبت قلبي عامله ايه انهردا..
ميرو : بضحكه..چينو أنت واحشها جدا.. اتفضل بقى غير هدومك وتعالى شيلها وانا هجهزلك العشا..
تيم : بيلاعب چنى..وقال.. حالا انا جاي جري علشان اشيلها..قطتي حبيبتي..
ميرو : كشرت عينيها بتذمر..وربعت أيديها..
تيم : هههههههه لأ لأ هنغير من أولها..يبقى طريقك صعب أوي..علشان چينو دي قلب وروح وعقل أبوها..
ميرو : مطت شفايفها بتفكير أممم..والله؟
أوكي. وأنا طبعاً عمري ما اكون عائق أمام حبك لبنتك ويسلام لما يبقى حب قولا وفعلا.. وابتسمت ببرود..وقالت..
اتفضل چينو اهي.. وحطيتها بين ايديه.. وكملت..
عشر دقايق تديلها من الدوا ده خمسه سم. وتغير ليها البامبرز أوكي ياروحي؟ سي يو.. وسابته وخرجت.. وكاتمه الضحكه..
تيم : تنح وبص لجنى وميرو بزهول..وهمس بامبرز؟ لااااء. مرييييم.. مريم ياحبيبتى أنا بهزر ع فكره.. محدش واخد قلبي وعقلي غيرك..خدي يامريييم..
جنى : من صوت تيم عيطت..
تيم : وقف بيها بسرعه..وقال. بخوف عليها..بس بس ياروحي أنا آسف.. واتمشى بيها فى الاوضه..
جنى : سكتت وبتتاوب..
تيم : أبتسم وقال..ملاكي بتغير من قطتي حبيبتي. وقال.. بس تعرفي ليها حق تغير منك.. أنتي خطفتي قلبي يابنت اللذين أنتي.. بروح الشغل وعايز أرجع بسرعه علشان أشوف أجمل بنت ف الدنيا..
ربنا يقدرني ديما واكون الأب إللي تكوني فخوره بيه ياروح وعقل بابا..
ميرو : واقفه جمب الباب.. وضحكت بسعاده.. وقلبها مبسوط جدا..بحب تيم لبنته.. ونزلت تعمل أحلا عشا لأجمل وأروع زوج واحن أب..
بعد لحظات.. Автор: Меріам Насар
ميرو ف المطبخ..
تيم : جه من وراها وضمها من الخلف..وقال.. بقى كدا ياميرو.. مصدقتي تخلعي..
ميرو : بضحكه.. أنا.؟ فين ده؟ انا سبتك مع حبيبة القلب..
تيم : لفها ليه..وقال. طيب ماهي فعلاً حبيبة القلب.. بس أنتي حبيبة الروح.. أنتي ملاكي وسر سعادتي وفرحتي..
ميرو : قلبها دق بسعاده..وقالت. أنا عارفه كل ده.. بس بهزر معاك.. انا أكتر واحده سعيده بحُبك لجنى. واتمنى من الله.. أنكم تكونوا بخير ديما..والحب والحنان يكون ديما ف حياتنا..
تيم : أبتسم وقال.. طول ما انتي وجنى في حياتي..يبقى الحب والحنان والأمان كمان موجود.. وبيقرب منها..
ميرو : شهقت.. أنت سايب جنى لوحدها؟
تيم : اتخض..ايه يامريم.. إيه يامريم.. ضيعتي سحر اللحظه حرام عليكى..
ميرو : ضحكت من قلبها وقالت..سوري والله أنا بس قلقت ع جنى..
تيم : اطمني جنى أخدت الدوا ونامت..
ميرو : بمكر… وغيرت ليها البامبرز؟
تيم : شالها وقال. بعيدا عن الاشمئزاز والقرف اوكي..
. بقى انتي عايزه تيم عزيز على آخر الزمن يغير بامبرز..؟
ميرو : هههههه.. الله مش هي قطتك..؟ وبعدين انت شايلني ورايح ع فين؟
تيم : بغمزه..جنى نايمه..وده نادرا لما بيحصل.. وأنتي بقى وحشااااني جداااااا.. يبقى حرام عليا أضيع فرصه زي دي..
ميرو : بضحكه..طيب والعشا..؟
تيم : طالع بيها..وقال.. عشا إيه يامريم؟ بقولك جنى نايمه..نااايمه.. تقوليلي عشا؟
ميرو : حطت راسها ع كتفه وابتسمت بحب كبير.. وقالت بحبك اوى ياتيم..
تيم : وانا بعشقك يقلب تيم..!!
——————بقلمي مريم نصار..
في المستشفى.. في غرفة آرين..
فهد : واقف بيتكلم ف الفون وقفل..وبص ل مراد..
مراد : خير ياعمنا.. أكرم عايز إيه؟
فهد : هنروح مركز التدريب انا وأنت الساعه ١٢ صباحاً..للفرقه تلاته.
مراد : بتفهم.. أممم. تمام..
آرين : بتذمر..يعني حضرتك هتمشي دلوقتي يابابي؟
فهد : قال..لسه الساعه ١٠ ياروحي.. هنمشي كمان ساعه.وهنرجع الفجر إن شاء الله.
تالين : بزعل..الجو برد جدآ عليكم..هتروحوا إزاي ياباابا.؟
مراد : بضحكه..وهو ده حاجه ياحبيبتى؟ عارفه ياتوتا.. إحنا كنا بننزل البحر في عز التلج نتدرب..ياااه إللي إحنا وصلنا ليه دلوقتي ده يابنتي محصلش بسهوله…
تالين : بدهشه ياااه.. ربنا معاكم يارب..ويحفظكم ديما..
مراد : ضمها لحضنه..وقال..يابت أنا بحبك موت.. أيوه أقسم بالله بموت فيكى..
تالين : أبتسمت بحب وقالت.. وانا كمان بحب حضرتك جداً..
آرين : نفخت بخنقه وقالت جواها..روحت فين يا آدم كل ده بتوصل بابا طارق؟ اوووف.
رينو : قفلت الفون وواضح ع ملامحها الحيره..
فهد : لاحظ..وقام قعد جمبها مالك يا حبيبتي؟
رينو : مش عارفه اعمل ايه يافهد.. المفروض عندي عمليه جراحيه بكره..
ولازم أرجع البيت علشان آيان وكمان أنام لأني منمتش من أمبارح والعمليه دي عايزه كل تركيز كبير. وفريحه راحت عند ماما رنا. ونور مسافره بكره..ومفيش حد يبات مع آرين غير تالين..
فهد : بتفكير..طيب نقول لتمارا أو ليليان؟
رينو : لأ مش هينفع حساها مش حلوه أننا نقلقهم وخصوصاً الجو برد ومطر..
فهد : مسد ع حجابها طيب متقلقيش أنتي.. أنا هوصلك.. وأخرج من التدريب وأرجع ابات مع آرين. وامشي الصبح ع الجهاز..وبعدين الممرضات موجودين معاهم..
رينو : بقبضه في قلبها..هزت راسها بحيره.. إن شاء الله..
بعد شويه.. آدم مراد جه وقعد معاهم.. واتفق أنه هيفضل مع آرين وتالين لحد ما فهد يرجع..
مراد : قام وقال..هتحتاجي حاجه يا توتا؟
تالين : أبتسمت..سلامة حضرتك يابابا..
مراد : باصص ليها بشرود وساكت………….!!!
تالين : بتعجب..مالك يا بابا..حضرتك بتبصلي أوي كدا ليه؟
مراد : أنتبه.ها..!!! لأ أبدا ياحبيبتى مفيش حاجه.. أحم. تعالي في حضني يا تالين..!!
تالين : استغربت لهدوئه..لكن راحت عندو.
مراد : ضمها لحضنه وهاين عليه يدخلها بين ضلوعه.. ومغمض عينيه..
تالين : بقلق مبهم..مالك يابابا.؟حضرتك كويس ؟
مراد : زاد من حضنها..وقال..كويس ياحبيبتى. أنا بس حبيت أضمك قبل ما أمشي..وباس راسها.. وطلعها من حضنه.. وأبتسم ليها ومسد على خدها..وقال خلي بالك من نفسك يا تالين..
تالين : كشرت عينيها بعدم فهم وحست إن أبوها على غير العادة.. لكن قالت وحضرتك كمان يابابا خلي بالك من نفسك. وربنا معاك..
مراد : أبتسم. وقال هسبقك تحت يافهد..وودعهم وخرج.
تالين : بحيره..الله..؟! بابا بيبصلي كأني همشي وهبعد عنه.. بجد حسيت بكده.
فهد ودعهم وخارج..
آرين : بابي..
فهد : لف ليها وقال..نعم يا حبيبتي؟
آرين : بمرح..عايزاك تعرف إني بحبك اوى.. أكتر من أي حد..
فهد : قلبه دق بقلق..وقال ليه بتقولي كده يا آرين؟
آرين : بعدم فهم..بقول ايه يابابي.. أنا بحب حضرتك. هو أنا قولت حاجه غلط؟
فهد : هز راسه بشرود وقلبه مشغول وقال بتوهان.. لأ. لأ مقولتيش حاجه غلط ياحبيبتي.. وقرب منها وضم راسها لحضنه وربت ع ضهرها بحنان.. وباس راسها وقال.. وأنا كمان بحبك اوى يا آريني..لا اله الا الله..
آرين : بإبتسامة حب..سيدنا محمد رسول الله..
فهد : خرج.. وحط ايدو ع جبينه وغمض عينيه.. وافتكر لما آرين قالت نفس الجمله.. وبعدها حصل الحادثه.. وقال.. لأ يافهد لأ متفكرش بالطريقه دي.. هي صدفه مش أكتر.. أنت عارف إن آرين ديما بتقول كدا.. ياارب..يارب احفظ عيلتي يارب..
——————بقلمي مريم نصار..
آدم مراد : خبط ودخل..
آرين : فاتحه المصحف.. وشافت آدم..وقالت بابتسامه..ها بابي مشي؟
آدم مراد : هز راسه أيوه.. وبص حواليه فين تالين؟
آرين : جوه في الحمام قالت إنها هتتوضى وتصلي القيام .
آدم مراد : أممم تمام..كملي أنتي قراءه..
آرين : هزت راسها اوكي..
تالين : خرجت من الحمام..وابتسمت وقالت.. أبيه تحب أجبلك أي حاجه قبل ما ادخل أصلي؟
آدم مراد : أبتسم..وباس جبينها وقال.. لأ ياروحي.. انا لو احتجت لحاجه هعملها بنفسي..
تالين : ماشي يا أبيه..لكن حضرتك هتنام فين؟
آدم مراد : متشغليش بالك.. أنتي نامي جوه وأنا هتصرف..
تالين : بقلق . لأ يا أبيه حضرتك كدا ممكن تبرد لو نمت بره .الجو برد جدآ عليك.
آدم مراد : أبتسم بحب وقال.. لأ ياروحي أنا هنام هنا ع الكرسي ده. او ع الكنبه.. مش عايزك تقلقي.. انا بس عايزك تدعيلي تمام؟
تالين : بإبتسامة جميله.. أنا ديما بدعيلك يا أبيه..
آدم مراد : مسد ع شعرها بحنان وقال..بتدعيلي بتقولي إيه بقى؟
تالين : بحرج..بس مش هتضحك عليا تمام؟
آدم مراد : عمري ما اضحك عليكي يا تالي..
تالين : أبتسمت وقالت..ديما بكلم ربي عنك. بقول يارب آدم أخويا مفيش أخ زيه ولا صديق زيه.. أخويا آدم حنين جدآ رغم الغلاف الخارجي.. إللي يبان منه أنه قاسي ولكن مفيش أطيب منه..
عارف يا أبيه..انا وصفتك بجوز الهند..قاسي من بره لكن هين لين جواك.. ديما بقول لربنا احفظلي أخويا لأني بتقوى بيه..أيوه ماهو أنت سندي وضهري. حته من الجنه..
وطول ما أنت معانا بغمض عينيا بأمان.. ربنا يوفقك في حياتك.. ويحفظك ويحميك ويكفيك..
آدم مراد : أبتسم..وحاوطها من كتفها وضمها لقلبه وقال. حبيبة قلبي أنتي..تعرفي..هاقولك ع سر بيني وبينك..
تالين : بفرح.. أتفضل يا أبيه سر حضرتك في بير..
آدم مراد : بصدق.. أنتي و آرين.. نقطة ضعفي. ومتحملش أبدا..يمسك أي خدش بسيط أنتي وهى.
تالين : بسعادة..بجد انا فرحت جدا بكلامك ده يا ابية.. لكن لو كنا إحنا نقطة ضعفك..ف حضرتك مصدر قوتنا..
آدم مراد : حبيبة قلب أبية يا تالي..يلا يا حبيبتي روحي صلي..
تالين : حاضر بعد إذنك.. وراحت ع الاوضه الداخليه..
Автор: Меріам Насар
آرين : خلصت الورد. وقفلت المصحف..
آدم مراد : قرب منها وقعد جنبها..وقال. وحشتيني..!!
آرين : ارتبكت..وهزت راسها ميرسي..
آدم مراد : أبتسم بصمت.. وقال. أكلتي؟
آرين : هزت راسها أيوه اكلت وأخدت العلاج كمان..
آدم مراد : تمام. وشاف كتاب جمب السرير. ورفع حاجبه وقال.. إيه ده؟
آرين : أحم..دي..دي.. رواية..
آدم مراد : هز راسه أممم..رواية..!! وقرتيها ولا لسه؟
آرين : بتوتر.. لأ.. أيوه.. لأ قصدي يعني قريت منها كام فصل.ولسه هكملها.. أحم..
آدم مراد : مسك الكتاب..وكان الإسم يوحي بالرومانسية..وقال.. أممم طيب بتتكلم عن إيه احداث الرواية؟
آرين : بلعت ريقها بتوتر..وقالت عادي جدا البطل والبطله بيحبوا بعض..
آدم مراد : ابتسم بسخرية.. وقال اه دي البطله إللي اتخطفت والبطل نزل من الطياره وانقذها..
آرين : شهقت.. أنت لسه فاكر لما قولتلك كدا في بيت المزرعه..
آدم مراد : بثقه..عمري ما انسى أي كلمه قولتيها..
آرين : بحماس.. أيوه البطل بقى نزل من الطياره. هو قوي..قوي جدآ جدآ.
هو راجل غني جداً.. وعندو مطارات خاصه كتير جدا. وعندو شركات وغني فوق الرهيب بجد.
عندو حرس في كل مكان. وعندو قصور كتيره في كل بلد.. وعندو جُزر في كل مكان. وعندو…….!!!
آدم مراد : بسخريه.. أسطول حربي مش كدا؟
آرين : هزت راسها لأ لأ..معرفش.. المهم بقى. إن أعدائه غيرانين منه..وشافوا البنت اللي بيحبها. قد ايه جميله جدا.. وحبوا ينتقموا منه في البطله..وخطفوها..في غابات الأمازون..
آدم مراد : هههههههه.
آرين : بطفوليه..كدا يا آدم بتضحك عليا؟ ميرسي جدا جدا..
آدم مراد : بضحكه.. أنا مش بضحك عليكي.. أنا بضحك على الهبل اللي انتي بتقوليه.. لأنه مستحيل. ده خيال..خيال علمي كمان هههههههههههه.
آرين : بغيظ..يسلام ايه بقى إللي خيال علمي..الخطف؟
آدم مراد : لأ طبعاً..الخطف موجود حوالينا في كل مكان..
لكن الخيال. كمية الثراء الفاحش إللي فيه البطل.. قصور وكمان جُزر؟ يعني مش جزيره واحده ع الأقل؟ وكمان مطارات خاصة كتيره؟
ده بابا آدم كان رافض فكرة الطياره الخاصة.. لولا عمي زين طلبها منه أكتر من مرة.. وجابوا طيارة.. مش طيارات وقصور وا وا وا… ده خيال علمي. المفروض تحت اسم الرواية يكون مكتوب خيال علمي.. علشان بس البنات إللي بتقرأ متنبهرش وتعيش على أمل أغنى أغنياء العالم هيجلها من وحي الرواية..
وبعدين بتقولي البطله اتخطفت.. طيب اتخطفت إزاي ف وسط كل الحماية والحرس إللي ف كل مكان.. ولا كانت رايحه تجيب طلبات للقصر هههههههه..
آرين : صكت ع أسنانها بغيظ..وقالت خلاص مش هكمل حاجه.. ميرسي جدآ بجد..
آدم مراد : خلاص خلاص كملي عندي فضول أعرف البطل الخارق عمل ايه.؟
آرين : بجديه..بس مش هتضحك عليا أوكي..
آدم مراد : أممم تمام..
آرين : بحماس.. أسمع يسيدي.. البطل أول ما عرف إن حبيبته اتخطفت..غضب وثار وركب الطياره.ووصل عند القصر إللي مخطوفه فيه حبيبتة ونط من الطياره على القصر.. وقتل كل الحرس بالمسدس..
ودخل القصر وضرب كل الحرس اللي جوه وقتلهم..وانقذ حبيبتة وا……….!!!
آرين سكتت لأنها شايفه ملامح آدم سخرية.. وقالت بغيظ مكبت..في ايه بقى انت مش عاجبك الحكاية؟
آدم مراد : كاتم الضحكه..وقال لأ دي رهيبه وممتعه جدا وكمان مقنعه..
.بس سؤال..هو البطل نط من الطياره على القصر ولا كان في سلم شبه الحبل كدا؟
آرين : لأ لأ نط من الطياره على طول..
آدم مراد : مثل الانبهار أممم ومتجرحش؟..طيب وقتل كل الحرس بمسدس واحد؟ ولا كان معاه اسلحه تانيه؟
آرين : لأ لأ مسدس واحد..
آدم مراد : بإعجاب.. أممم لأ ده كدا بقى يبقى أسطورة..
آرين : بحماس..مش كدا..؟ اه والله انا برضه قولت كدا.. ويسلام بقى لو أنا اتخطف وانت…….!!! عااااااا يامامااااا..
آدم مراد : بغضب..كلمة زياده وهتندمي يا آرين..!!!
آرين : حبت تضايقه وتشوف مدا حبه ليها.. وقالت أنا بس بتخيل معاك بصوت عالى..وبقول يعني ده لو حصل وحد خطفني؟.. أنت هتعمل ايه يا آدم..؟!!!
آدم مراد : بصلها وقال بغضب.. إللي يقربلك بس؟ يبقى أمة لا اله إلا الله داعيه عليه أنه يموت على أيد الديزل…!!!
——————بقلمي مريم نصار..
تاني يوم الصبح..
كل واحد راح ع شغله..مراد وفهد وآدم مراد..
ورينو في غرفة العمليات..
Автор: Меріам Насар
في غرفة آرين..
تالين : صحيت من النوم.. وقالت.. صباح الخير يا آرين..
آرين : بتتاوب صباح القمر ياتالي..هي الساعه كام دلوقتي؟
تالين : بصت ف الساعه وقالت..الساعه ١٠
آرين : بتذمر لسه بدري أوي.. إحنا هنخرج امتى بقى.؟
تالين : ماما قالت إن شاء الله الساعه ٢
تيم خبط..وقال صحيتوا ولا لسه يابنات؟
آرين وتالين لبسوا الحجاب..و آرين قالت أدخل يادكتور..
تيم : دخل.. صباح الورد على الحلوين..عاملين ايه يابنات..
ردو عليه.. الحمد لله بخير..
تيم : قال..تمام.. اسمعوا بقى. أنا عندي عمليه كمان شويه.. ورينو في غرفة العمليات وهتاخد وقت..
الممرضه هتجيب الفطار حالا..هتفطروا.. وانتي يا آرين خدي العلاج.. ومحدش يخرج من الأوضه دي لحد ما نخلص.. واجي علشان أشيل الشاش تمام..
آرين : بحرج.. أحم.. هو انا ماينفعش افك الشاش في البيت.. أصل… أحم.
تيم : ضحك..وقال أممم هو الكابتن لازم يعني يبقى موجود؟ عموما هنشوف أوكي؟
آرين : هزت راسها أوكي..
تيم : خدي علاجك بقى وافطروا.. يلا سلام.. وخرج.
بعد لحظات..
الممرضه : دخلت بالفطار وخرجت..
آرين : عوجت بوقها وقالت. ممرضه غريبه. دي حتى مقالتش صباح الخير..
تالين : بضحكه.. ربنا أعلم بظروفها..ممكن تكون مضايقه شويه.. التمسي ليها العذر.. ويلا نفطر لأني بجد جعانه..
آرين : اوكي.. وفطروا..وبعد كدا لبسوا…
آرين : لو سمحتي ياتالين.. هاتي الفون بتاعي من ع الشاحن.
تالين : حاضر ياحبيبتى..ورايحه تجيب الفون. لكن تالين وقفت مكانها..وحست بدوخه. وتشويش في الرؤية..ووقعت مكانها..
آرين : شهقت بصدمه.وقالت..تاليييين…وقامت بسرعه.. لكن نفس إللي حصل لتالين حصلها..واغمى عليها..
الممرضه : فتحت الباب. وشافتهم. وبصت حواليها.. وشاورت. لاتنين شباب لابسين لبس دكتور.. ودخلوا.
الممرضه : قالت بجديه. احملوهم على هذا الترول. واذهبوا من الباب الخلفي. سيد اوليفر ينتظركم في الخارج..
كارلوس : حسنا مايا. ولكن احملي كل شيء بحوزتهم. سيدتي تريد كل شيء..
مايا : حسنا حسنا كارلوس..هيا اذهبوا ليس لدينا الكثير من الوقت..
وشالوا آرين وتالين وحطوهم ع الترول.. وخرجوا بسرعه. كأنهم حالات الطوارئ.
ممرضه : خارجه من غرفه جانبيه..
مايا : شاورت ليهم..ووقفوا ودخلوا غرفه فاضيه بسرعه..
الممرضه : لفت وراها..وقالت..غريبه أنا سمعت صوت؟ يمكن بتخيل..؟ وهزت كتفها..ونزلت..
مايا : نفخت أوو شِت. هيا بنا .
كارلوس : ولما أنتي خائفه هكذا مايا؟
مايا : أنا لست خائفه..ولكن هذه المشفى ضخمة جداً.. وإذا قتلنا أحد ستحدث فوضى كبيره.. وسيدتي قالت إنها آخر فرصه لنا.. وإن فشلنا فستقتلنا أنا وأنت كارلوس..
كارلوس : نعم أنتي محقة.. والان هيا بنا..
مايا : بصت يمين وشمال.. وشاورت ليهم يخرجوا..
وخرجوا بعد محاولات من إن حد يشوفهم من عيلة آرين.. أو يشك فيهم.. وخرجوا من الباب الخلفي..
اوليفر : فرمل بالعربيه المتفيمه. قدامهم.. وقال.. أسرعوا..
وحطوا آرين وتالين في العربيه وساق بسرعه كبيره جدا..
مايا : شالت ماسك الكمامه ونفخت بأريحية.وقالت.. سيد اوليفر. أجهزة المراقبة في المشفى ستكشف أمرنا..
اوليفر : داس بنزين وقال..وهذا الذي نريده.. وعندما يكتشفوا أمرنا..سنكون خارج البلاد..
وطلع فونه.. واتصل ع حارس شغال معاه .وقال. أمامنا عشر دقائق ونصل.. السياره جاهزه؟
الحارس : نعم سيدي.. نحن عند بداية طريق الاسكندريه..في انتظاركم..
اوليفر : حسنا..وقفل.. وقال. سنأخذ هاتان الفتاتان الي سياره أخرى..لتقلنا إلي إحدى شواطئ الإسكندرية.. ونذهب باليخت..
مايا : بضحكه..وفي منتصف البحر تأتي الطائره ونذهب إلي سيدتي بهذه المكافآه..
اوليفر : بنصر..چيسيكا عزيزتي.. لطالما انتظرتي هذا طويلاً..واليوم ستقضي عليهم..!!!
——————بقلمي مريم نصار.
بعد حوالي ساعتين..
فريحه : داخله المستشفى..وبتتصل على تالين لكن الفون مقفول.. وقالت بتعجب. الله مش عارفه تالين ليه قافله الموبايل؟ وكمان آرين..!! غريبه
وبصت ف الساعه وكانت واحده وطلعت في الاسانسير.. وخرجت وقابلت تيم..
تيم : أبتسم أهلا. حماتي ماما فريحه حبيبتي عامله ايه؟
فريحه : ابتسمت.. الحمد لله ياحبيبى.. أنت رايح فين كدا؟
تيم : رايح اطمن ع آرين. لسه خارج من العمليات حالا..
فريحه : اه. ربنا يوفقك.. أنا بتصل كتير ع آرين وتالين لكن موبيلاتهم مقفوله..مش معقول يكونوا نايمين كل ده..
تيم : لأ نايمين إيه؟ أنا أشرفت على فطارهم بنفسي وبعته مع الممرضه..واطمنت عليهم قبل ما أدخل العمليات..
فريحه : بتنهيدة راحه..ربنا يطمن قلبك. تعالى بقى نشوفهم بيعملوا ايه..
تيم : بضحكه..معروفه يعني. آرين زهقانه وجايبه آخرها..وتالين بتهدي فيها.. تعالى.. وخبط ع الباب مرة واتنين..
فريحه : بقلق..فتحت الباب….وتيم وفريحه فتحوا عينيهم بصدمة كبيرة جداً…!!!
——————بقلمي مريم نصار..
في نفس الوقت..
ف الجهاز. .Автор: Меріам Насар
العسكري خبط ودخل..وقال سيادة النقيب آدم.. المدير عايزك حالا في أجتماع مغلق..
آدم مراد : هز راسه تمام روح انت..وبص قدامه.وقال إجتماع مغلق؟ يبقى أكيد في مأمورية خطيره.. ومسح شعرو..وقام واخد الفون وعمله صامت..وافتكر آرين وأبتسم وعمل الفون ڤيبريشن.. وخرج ع الإجتماع..
في الإجتماع المغلق..
آدم مراد : تحت امرك يافندم.
المدير : اتفضل استريح ياسيادة النقيب..
آدم مراد : قعد وحط الفون قدامه..وقال خير يافندم..
المدير : هز راسه وقال. وهي الغرفة دي بيجي من وراها خير يا آدم يبني..؟ لكن أملنا في الله كبير.. آدم يبني في مهمة سرية خطيرة جداً لليونان..ولازم تسافر انهردا..
آدم مراد : بثبات.. أتفضل يا فندم.. وإن شاء الله هتعدي زي غيرها..
المدير : بجدية.. أنا جبتك انهردا يا آدم لأنك الوحيد إللي هتقدر بقدراتك تخترق الشبكه الإجرامية دي. هي مأمورية أصعب وأخطر من مأمورية حيدر إللي هو ڤيكتور تايلر..بكتير جداً.
ودي شبكه خطيرة جداً لدرجة إن إسم الشبكه دي أكلين لحوم البشر.. من قوتهم وجبروتهم..
ومهمتك إنك ترجع بكل المعلومات السريه..
والمطلوب منك إنك تاخد كل المعلومات عن المهمه حالا .. في أسرع وقت..
.قدامك ساعتين وتسافر ياسيادة النقيب..!!!
آدم مراد : بحماس.. تمام يافندم. وفون آدم رن وكانت فريحه.. وكنسل عليها..
المدير : العقيد حسن هيفيدك بكل المعلومات.. وفي مجموعه هيسافروا معاك..
آدم مراد : هز راسه..وفريحه اتصلت تاني عليه.. و آدم أستغرب لأن مش بالعادة يكنسل عليها..وتتصل تاني..
المدير : بيتكلم.. وآدم مندمج معاه.. لكن فريحه بعتت رساله..
آدم مراد : شاف أول كام كلمه من الرسالة.. وهي الحقني يا آدم آرين وتالين اتخطفوا..!!!
آدم مراد : قلبه دق بقلق..وقام وقف بصدمه .
المدير : بصوت جهوري.. سيادة النقيب أنا بكلمك وانت ماسك الموبايل..
آدم مراد : بيتنفس خوف..و أتصل على فريحه..
فريحه : ردت بسرعه..وبتصرخ بحرقة قلب.. وقالت آدااام آدااام أختك تالين يا آدم أختك وآرين اتخطفوووا..!!!
المدير : قام وقال بجدية أنت بتخالف كلامي ياسيادة النقيب.. أنا ممكن دلوقتي احولك للتحقيق..
آدم مراد : قفل..وقبض على أيديه بقوه كبيره..و صك ع أسنانه وبيمتص غضبه.. وقال.. أنا لازم امشي دلوقتي يافندم.. أنا بعتذر مش هقدر أطلع المهمه دي.
المدير : خبط ع التربيزه بنرفزه وقال.. أنت بتهزر يا آدم. أنت قبل كده اعتذرت وأنا وافقتك.. لكن دلوقتي مستحيل.. وهتطلع المأمورية وهتنفذ الأوامر.. أنت فاهم..
آدم مراد : بص ليه بقوه.. وقال.. يافندم أنا عندي أسبابي ولازم أمشي حالا…!!!
المدير : زعق. مهما كانت أسبابك.. إحنا بنواجه خطر حقيقي..وتقولي أسباب..؟ إحنا بنحمي بلدنا ياسيادة النقيب..
آدم مراد : بص في عينيه بقوه وقال. من واجبي زي ما بحمي بلدي.. أحمي عيلتي..
.ومسك ورقه وقلم وكتب استقالته ومضى عليها.. وحط الورقه قدام المدير. وقال اتفضل حضرتك.. أنا بعفى نفسي وبقدم استقالتي..!!! ——-
آدم مراد : بص ليه بقوه.. وقال.. يافندم أنا عندي أسبابي ولازم أمشي حالا…!!!
المدير : زعق. مهما كانت أسبابك.. إحنا بنواجه خطر حقيقي..وتقولي أسباب..؟ إحنا بنحمي بلدنا ياسيادة النقيب..
آدم مراد : بص في عينيه بقوه وقال. من واجبي زي ما بحمي بلدي.. أحمي عيلتي..
.ومسك ورقه وقلم وكتب استقالته ومضى عليها.. وحط الورقه قدام المدير. وقال اتفضل حضرتك.. أنا بعفى نفسي وبقدم استقالتي..!!!
المدير : بصدمه.. أنت بتقول ايه يا آدم.؟
آدم مراد : هز راسه مفيش وقت.. أنا بستقيل.وخرج بسرعة البرق بيجري بسرعه ونازل على السلم.. ونط من السلم كام درجة.. ويجري من طرقه لطرقه.. وعايز يوصل المستشفى بأي طريقة..
وقلبه وعقله رافض الرساله اللي قراها..ورافض مكالمة امه.. معقول آرين وتالين؟!!! وخرج من الجهاز. وركب الريس..وساق بسرعه كبيره..وقلبه بيدق برعب حقيقي..
——————بقلمي مريم نصار.
في المستشفى.
في حالة هرج كبيره..
رينو : قاعده مكانها في الأرض مصدومه.ومعملتش أي رد فعل..
تيم : بيفوق في الممرضه إللي شافوها في أوضة مقفول عليها ومغمى عليها..
وكمان بيفوقوا في الأمن إللي عند البوابه الخلفية.. والمراقبين في غرفة المراقبه..
فريحه : أتصلت على مراد وفهد أكتر من مرة..لكن موبيلاتهم خارج التغطية..
بعد دقايق. Автор: Меріам Насар
مراد وفهد خارجين من مركز التدريب..
مراد : غريبه هو ماكنش في شبكه جوه ولا ايه؟ كمية رسايل كبيرة من تيم وفريحه.. حاولوا يتصلوا عليا..
فهد : بتعجب.. وأنا كمان.. فعلاً غريبه. لكن ليه بيتصلوا علينا كتير كدا.. أنا قلقت..
مراد : ياعم مفيش حاجه.. أكيد آرين مستعجله علشان تفك الشاش قدامنا.. أهي فريحه بتتصل أهي.. استنى هرد عليها.. ورد.. الو ايوه يافريحتي..
فريحه : بصريخ.. الحقني يامراااد آرين وتالين اتخطفوا من المستشفى…!!!!
مراد : بعدم استعياب.. أنتي بتقولي إيه يافريحه.. بطلي عبط..وانتي بتعيطي ليه؟
فريحه : بوجع قلب..قولتلك بنتي اتخطفت يامراااد.. الحقني و رجعلللللي بننتاااي..
مراد : الأرض وقفت عن الدوران. ومش مستوعب فكرة خسارته لبنته.. ومين؟ دي تالين إللي من غيرها مفيش حياة…وهمس فريحه أنتي بتقولي إيه مستحيل يافريحه مستحيل..
فهد : شاف صدمة مراد..واخد الفون من أيدو..وقال.. في إيه يافريحه.. الو..الوو…
وفهد سمع صوت صريخ فريحه.. وتيم بيقولها..
أهدى بالله عليكي إحنا مش هنسكت..وهنلاقي آرين وتالين.. وأنا أخدت نمرة العربيه.. ارجوكي أهدي علشان خاطر رينو مصدومه..
فريحه : غمضت عينيها واغمى عليها..
تيم : مامااااا فريييييحه…
فهد : فتح عينيه بصدمه..وقلبه بيدق بخوف كبير..
مراد : بصدمه.. لأ لأ أكيد أنا سمعت غلط..
فهد : بينهج.. أكيد في حاجه غلط . يلا يامراد ع المستشفى.. وجريوا بسرعه على العربيه.. وركبوا واتحركوا ع المستشفى وكل واحد قلبه هيقف من الخوف..
——————بقلمي مريم نصار..
في عرض البحر..
مايا : شاورت وقالت.. لقد وصلت الطائرة الخاصة سيد اوليفر.
اوليفر : شال آرين ع كتفه..وقال..هيا كارلوس أحمل هذه الفتاه واصعد خلفي..
الطياره نزلت ع اليخت.. وركبوا..واتحركت وطارت في اتجاه إيطاليا..
——————بقلمي مريم نصار..
في المستشفى..
آدم مراد داخل يجري زي الإعصار.. وشاف تيم..
تيم : بيزعق للأمن وواضح عليه الغضب..
آدم مراد : جري ع تيم.. وقال بخوف متداري..في ايه ياتيم.. إللي ماما قالته ده صح؟ اتكلم ياتيم..
تيم : بصوت مخنوق بالعياط.. زعق وقال . أيوه يا آدم..ايووووه صح.. آرين وتالين اتخطفوا..
آدم مراد : بينهج بغضب.. ومش عارف يبدأ منين.. وأي غلطه ممكن تكلفهم حياتهم.. وبعد تفكير.. قال.
لازم اشوف الكاميرات..
تيم : بغصة في قلبه.. قال.انا شوفت كل حاجه يا آدم.. وأقسم بالله ماهرحمهم..
آدم مراد : زعق. أنا بقولك لازم اشوف الكاميرات.. وجري ع غرفة المراقبه..
ومراد وفهد داخلين و سمعوا آدم..وراحوا وراه..
آدم مراد : رجع بالوقت.. وشاف كاميرات الدور إللي فيه آرين مش شغال في نفس الوقت إللي اتخطفت فيه.. آخر حاجه واضحه..وتيم خارج من عند آرين الساعه عشره واربع دقايق..
آدم مراد : رجع بالوقت عند البوابات..ولمح عند البوابه الخلفية.. شاف كل حاجه.. وهما بيشيلوا آرين وتالين. وحطوهم في العربية ومشيوا بسرعه..
فهد : معدل ضربات قلبه زادت عن المعدل الطبيعي.. ومش مصدق آرين؟ آرين بنتي اتخطفت؟
مراد : واقف ثابت لكن جواه إعصار وبركان.. لدرجة إن عيونه حمرا من الغضب المكتوم.. لكن لازم يفكر بتركيز..
فهد : بغضب.. أكيد لمار. اكيييييد هى..!!
مراد : بهمس.. معقول تكون لمار.؟
آدم مراد : بغضب لأ.. لأ مش لمار.. أنا مهددها ومتراقبه..!!
مراد : زعق..يعني إللي مراقبينها..مراقبينها في حياتها الخاصة.. مايمكن بتتعامل مع طرف خفي..
فهد : قال بشر..يبقى موتها على أيدي..و خرج بسرعه.. يدور ع بنته..!!
آدم مراد : طلع فونه..واتصل ع صديق ليه..وقال. بأمر.. أسمع في عربية ماركة(….) رقم(…..) تشوفلي هي فين دلوقتي؟ خمس دقايق وتجبلي كل حاجه..
وقفل.. وغمض عينيه بقوة.. عايز يفكر بتركيز.. وقال.فكر يا آدم فكررررر.
وبدأ يعمل كل اتصالاته وعامل زي المجنون.. وقال بصوت من نار.. بلغ كل المطارات ونقط التفتيش.والمداخل والمخارج.وأي حد يشوف صورة واحده فيهم يحجزوهم هما واللي معاهم فوراً..وتبلغني في وقتها.. وقفل.. وواقف بينهج بصوت عالى.. وقال..
أكيد في أي دليل في الأوضه..وخرج بسرعه..وطلع اوضة آرين.. وشاف السرير فاضي..وقلبه اتقسم نصين وشاف كتاب واقع جمب السرير.. ونزل جابه..وكانت الرواية إللي آرين حكتله تفاصيلها..
وافتكر كل كلامها..وقال جواه.. أوعدك يا آرين إني هقتلهم كلهم..!!!
——————بقلمي مريم نصار.
تيم : جري ع مراد.. وقال بجدية.. أنا عايز أعرف مين دول؟ إحنا لقينا مراقبين أوضة المراقبه كلهم متخدرين..وكمان الأمن عند البوابه الخلفية..
والممرضة متخدره ولما فوقناها..
قالت.. وهي رايحه بالفطار عند البنات.. في حد خبطها ع راسها وحط منديل مخدر ع وشها.. واكيد ده إللي دخل الفطار ليهم.. أنا عايززز أعرف. أنا مش قادر أقف متكتف كدا… أتكلم ياخالووو..
مراد : بدموع متحجره.. إللي مطلوب منك تعملوا؟
إن العيله متعرفش بأي حاجه.. أمي وابويا وطارق ورنا لو عرفوا.. صدقني حد فيهم هيروح فيها..
واخد نفس عميق جدآ وقال..
أسمع ياتيم.. بما أنهم شاوشو ع الكاميرات الداخليه.. وسابوا الكاميرات الخارجية..وسابوا دليل ونمرة العربية. يبقى أكيد.. هما عايزين حاجه أكبر من كدا..
لأنهم مش بالغباء أنهم يسيبوا لينا دليل مهم زي ده.. لأ أكيد الموضوع اكبر من كدا.. و آرين وتالين طُعم مش أكتر.. او عايزين فديه.. أو…. ونفخ بخنقه وقال. مش عارف افكر..مش عارف. تيم مش عايز حد يعرف ياتيم..!!!
تيم : بغضب مكبت.. أنت عايزني أسكت ازاااي؟ آرين وتالين مخطوفين ياخالو.. وأنا مش هقف أتفرج.. بعد إذنك..
مراد. : بجدية..تيييم…!!! مش وقت مين فينا اشجع من التاني أنا عارف غلاوتهم عندك.. لكن ده دوري أنا.. تالين مسؤوله مني أنا.. وآرين مسؤوله من أبوها وجوزها.. وأنت العيله كلها مسؤوله منك دلوقتي.. ولو حد بس عرف.. هتلاقي الكل في حالة ضعف.. وبدل ما نفكر إزاي نرجع بناتنا.. تفكيرنا هيتشتت ما بين مين وقع ومين هيقع.. فاهمني ياتيم؟
تيم : غمض عينيه بوجع واستسلم..وهز راسه وقال.. فهمت…فهمت ياخالو…!!
Автор: Меріам Насар
بعد فتره.
تيم : شاف حالة رينو وفريحه..وادالهم منوم.. وجواه حرب قايمه..
مراد : اطمن على فريحه ورينو.. وقال لنفسه مفيش وقت للضعف..وأتصل علي فهد..
فهد : رد عليه بسرعه..وقال بلهفه..عرفت حاجه يامراد..
مراد : هز راسه أيوه..العربية إللي خدوا فيها البنات.. موجوده على أول طريق اسكندرية. وأكيد ركبوا عربيه تانيه..
فهد : ضرب الدريكسيون بقلة حيلة..وقال وبعدييين يامراااد..وبعديييين.. أنا مش عارف دلوقتي هما بيعملوا ايه فيهم.. مراد أنا هتجنن.. أنا ممكن اموت فيها.. إحنا بقالنا تلات ساعات بندور ومفيش أثر..
مراد : غمض عينيه ودمعه نزلت منه..وقال بثبات.. أنت روحت للمار؟
فهد : بدموع..مش هى يامراد.. أنا روحت عندها.. وربنا انتقم منها. لمار عملت حادثه من أسبوع وفي المستشفى.. وجبت سجل بقايمة المكالمات إللي عملتها..وكلها عاديه مفيش أي حاجه..
مراد : هز راسه..طيب تعالى على المستشفى يافهد.. لازم نفكر هنعمل ايه..
فهد : هز راسه بإستسلام. نص ساعه واكون عندك.. وقفل..وحط وشه بين ايديه..وقال بذل كبير..يااارب
.يااارب..
ومسح وشه بخنقه ووجع كبير جواه.. وشغل العربيه وساق. وبعد شويه.. لمح بنوته في عربية شبه آرين..وفرمل العربيه بسرعه ونزل.. يجري لكن لما قرب منها شافها واحده تانيه وأصغر.. وغمض عينيه بتعب.. ورجع للعربيه..وساق واتحرك..
——————بقلمي مريم نصار.
في نفس الوقت في إيطاليا
قصر جيسيكا..
اوليفر : داخل بابتسامة نصر..وقال.. عزيزتي..!!
جيسيكا : قامت وقفت وقالت بإنتقام.. أين الفتاتان؟
اوليفر : بشر..في الغرفة المظلمه حبيبتي..
جيسيكا : أخدت المسدس و اتحركت وقالت..حسنا..
اوليفر : ماشي وراها..
جيسيكا : بأمر.. سأذهب بمفردي اوليفر..!!
اوليفر : بإيماء..حسنا كما تريدين عزيزتي..! وأنا سأذهب لاتناول مشروبي الخاص..!!
في اوضة ضلمه..
آرين وتالين متربطين كل واحده في كرسي..
آرين : بدأت تفوق..وفتحت عينيها وغمضت.. وحاسه بتقل في راسها..وبصت حواليها والمكان ضلمه.. وقالت بصوت مرهق..اء.. أنا فين..!!!
وحاولت تفتكر أي حاجه..لكن صعب.. وخافت من الضلمه..
تالين : فاقت بنفس الطريقة.. وحاولت بكل تركيزها تفتكر..وسمعت صوت آرين…وقالت بتعب.. آرين أنتي فين؟
آرين : انتبهت وقالت..تالين..تالين أنا هنا. أنا هنا ياتالين..
تالين : بخوف..انا مش شايفاكي.الدنيا ضلمه أوي.. وكمان انا متربطه في الكرسي.. آرين أنا مش فاهمه حاجه.. أنا خايفه اوي..
آرين : بدموع.. وأنا كمان متربطه..انا آخر حاجه فكراها..لما طلبت منك التليفون بتاعي..وبعد كده أنتي اغمى عليكي..وبعدها أنا مش فاكره حاجه خالص..
تالين : بتحرك أيديها وبتحاول تفك نفسها..لكن صعب جدا.. وقالت بعياط. أنا فييين.. بابااااا. حد يرد عليا.. يا الله..!!! وعيطت..
آرين : قلبها دق بخوف..وقالت بهمس ودموع.. يعني ايه؟ إحنا متكتفين ومحبوسين في مكان ضلمه.. أنا مش قادره أفكر ولا أفهم.. احنااا فييييين.. وصرخت بصوت عالى..باااااابي آدااام.. حد يرد علينا أرجوكم..
تالين : عيطت كتير وبتقرا قرآن بصوت واطي..وخايفه من الضلمه..
آرين : سامعه عياط تالين..وغمضت عينيها..وافتكرت كلام آدم وفهد. ورغم عياطها المكتوم..لكن قالت.. تالين..تالين متعيطيش ومتخافيش.. أكيد.. أكيد حد عامل فينا مقلب.. ايوه صدقيني.. ممكن تكون چود.. أو تيم علشان هفك الشاش انهردا.. ارجوكي يا تالين متعيطيش..
تالين : بعياط مكتوم..قالت بخوف.. آرين أنا سامعه صوت حد جاي.. آرين أنا بجد خايفه لايكون مش مقلب…!!!
فاجأه الاوضه نورت بالكامل.. وكانت عبارة عن اوضه فاضيه فيها كام كرسي ومكتب وستاره.. ومرايا كبيره..
آرين وتالين فتحوا عينيهم بصدمة.. وخافوا من الشخصيه الغريبه إللي ظهرت قدامهم..
جيسيكا : دخلت وبتتمشى حوالين آرين وتالين.. وبتبصلهم.. كأنها بتقولهم أخيراً قدرت اوصل لأي طرف يخص أعدائي..
آرين : بغضب مكبت.. أنتي مين؟ وازاي تكتفينا بالشكل ده.ممكن أعرف إحنا هنا بنعمل إيه.؟
جيسيكا : هزت راسها بتجاهل..وقالت بسخريه. أنا لم أفهم ما تقولين ايتها الفتاة.
آرين : وتالين بصوا لبعض بصدمه.. لأنها أجنبية.. وبكدا ممكن يكونوا في خطر حقيقي..
آرين : بتوتر وخوف.. من أنتي؟ ولما هذه القيود.. وأين نحن؟
جيسيكا : طلعت المسدس..
آرين وتالين قلبهم بيدق بقوه كبيره من الخوف والرهبه..
جيسيكا : بسخرية..اووو نعم يبدو إنك تشبهين والدك سفيان كثيرا..يوجد لديكي نفس القوه والجرأه..ولا أرى الخوف في عينيكي..مثله تماماً.. ولكن من إين تأتون بكل هذه الجرأه.؟ لا يهم.. ولكن حسنا. أنا ساعرفك بنفسي..
انا جيسيكا ابنة كيفين.. رئيسة أكبر منظمة للمافيا. عملي هو المتاجره في كل شيء وأي شيء غير شرعي.
آرين : هزت راسها بصدمه كبيره..وقالت مافيا؟ لكن كشرت عينيها وقالت بعدم فهم.. سفيان مين؟
تالين : غمضت عينيها..ونطقت الشهاده.. ودموعها نازله بصمت وجسمها رجف..وقلبها بيدق بسرعه..
آرين : شافت تالين. وزعقت لجيسكا..وقالت.. انا لم أفهم عما تتحدثين ولا يهمني..ولكن أريد أن تعلمي جيداً أن أبي ليس المدعو سفيان الذي تتحدثي عنه.. أنا والدي يدعى.. فهد السيوفي.. ويعمل لدى…..!!!
جيسيكا : قاطعتها وقالت بمكر.. المخابرات العامة المصرية. وأنا أعلم جيدا إسمه الحقيقي.. واتيت بكم إلي هنا ليشاهد چثثكم وهي تحترق… وإليكم هذا.
وشدت الستاره..وكانت الصدمه ليهم… ليها جزء كبير جداً.
آرين : شافت ورا الستاره حيطه لكن موجود عليها صور من أفراد العيله.. صور لفهد ومغروز فيها سكينه.. وصوره لمراد وصورة للامبراطور ومعمول عليها علامة أكس..
آرين : بتنهج بزهول..وقالت مستحيل بابي وخالو مراد وبابا آدم..!!؟
تالين : هزت راسها بخوف.. وقالت مستحيل.. هي ليه مشوهه صور بابا وجدو وخالو بالطريقه البشعه دي.. وصرخت ف جيسيكا وقالت..ماذا تريدين من عائلتي..!!!
جيسيكا : صكت ع أسنانها وضربت تالين بالقلم..وقالت.. اخفضي صوتك أيتها ال……!!! عندما تتحدثين معي.. ووالدك الذي يدعى الصقر.. له النصيب الأكبر من عدائي له.. وأكن له كرها شديدا.. أنه قاتل أبي.. افهمتي.. والدك قتل أبي ايتها الحمقاء..
تالين : اتألمت من القلم.. وأول مرة حد يضربها.. وعيطت بصوت مكتوم.. لكن أتصدمت من اتهام جيسيكا لابوها..
آرين : اتغاظت من إنها ضربت تالين.. و زعقت بصوت عالى..هااااي انتي أيتها الوقحه.. كيف تجرئين على ضربك لها.. أقسم لك انكي ستدفعين ثمن كل هذا.. والآن فهمت كل شيء.. حيث أنك تعملين بطرق غير مشروعة.. فهذا هو جزائك.. وعندما يعلم أبي ستندمين بالتأكيد.. والويل لكي عما ستشعرين به من ألم ومعاناه..
جيسيكا : بإعجاب.اوو..هذا مثير للاهتمام. انك شجاعه بما يكفي.. وقربت من آرين.. وقالت.. لننزع هذا الضماد ونرى مايوجد خلفه..!!!
آرين : بتبعد وشها بعيد..وقالت لا تلمسيني ابتعدي عننننني..!!!
جيسيكا : فكت الشاش.. وفتحت عينيها بدهشه وقالت.. يالهي كم أنتي فاتنة الجمال.. أممم. ومن المزعج أن هذا الجمال يفنى في ريعانه.. أتعلمين؟ عندي لكي مفاجاه..!!!
وقربت من تالين : ورفعت وشها وقالت.. يالهذا الجمال الرائع.. أنتم أجمل من الصور بكثير..
كيف يمكنني أن اقتلكم.. لا انا سافكر جيداً ماذا أفعل بكم.. سأستخدم هذا الجمال في عدة طرق أخرى..!!!
آرين : قلبها دق بخوف.. وغمضت عينيها وقالت بترجي.. أرجوك يا آدم الحقني..تعالى وخدني من هنا أرجوك..يارب يعرفوا يوصلوا لينا..
تالين : بتعيط بصمت وذل كبير وقالت..يارب..يارب. أحفظنا بحفظك يارب.. وخرجت منها شهقة عياط..وقالت بابا..بالله عليك تعالى…!!
جيسيكا : مش فاهمه طريقة الكلام.. ولكن طلعت الفون واتصلت على عدوها اللدود..!!!
——————بقلمي مريم نصار..
في المستشفى
فهد وصل المستشفى..وقال لنفسه.. أوضة آرين.. أكيد فيها دليل..وطلع فوق بسرعه..
مراد. وآدم شافوا فهد جاي عليهم.بيجري علشان يسألهم لو عرفوا حاجه..
فهد : بيجري زي المجنون في كل مكان.. وفاجأة فونه رن من رقم برايفت.. ووقف ورد برعب.. الو..الووو..
# : صوت خطوات كعب عالي وضحكة إنتصار وشماته وثقه.. وقالت..
The lady of the palace is back to avenge (Sufian Gabriel Alexandre )
سيدة القصر عادت لتنتقم (سفيان جابريل أليكساند)
فهد : فتح عينيه بصدمه.وبينهج بصوت عالى وقال بزهول.. چيسكا..؟!!!
مراد : كشر عينيه بعدم فهم وقال.. جيسيكا..؟ مين دي..؟!
چيسكا : بغرور وشر.نعم./ چيسيكا إبنة كيڤين..!!!
فهد : همس بدقة قلب خايف..وقال. مستحيل.. أنتي؟
جيسيكا : بشماته ونصر.. أشعر في نبرة صوتك خوف كبير.. من الواضح انك تغيرت كثيرا سفيان عزيزي..
فهد : بينهج..ماذا تريدين جيسيكا؟
جيسيكا : بمكر.. أنت الذي تريد سفيان وليس أنا..!!! ف أنا يوجد عندي كل شيء.. يوجد لدي المال والقوه والسُلطه.. واسيطر على عدد كبير جدا من اقوى رجال العالم.. ويوجد لدي أهم شيء.. ابنتك..!!!
فهد : فتح عينيه بصدمه..وقال برعب.. آرين..!!!
آدم مراد : قرب من فهد وبينهج ومش فاهم حاجه.. ومين هي جيسيكا دي.. وليه بابا مصدوم كدا..!! وليه خالى قال آرين؟ أكيد هي ورا كل اللي حصل ده..
مراد : غمض عينيه ورجع بالذاكرة وافتكر مأمورية جيسيكا..وصك على أسنانه بغضب العالم كله…
فهد : بخوف وتهديد.. اسمعي جيسيكا.. أقسم لك.. إن حدث أي مكروه لأبنائي ستندمين بالتأكيد. أقسم لك ساقطع جسدك إلي أشلاء ودمائك ستشهد على دمارك..!!!
جيسيكا : ضحكت بصوت عالي..وقالت.. يالك من أحمق سفيان..وتظل تثرثر كثيراً..
وصكت على أسنانها بغيظ واضح وقالت.. أمامك ليله واحده.. ليله واحده فقط سفيان..!!
إن كنت تريدهم احياء.. فالتأتي أنت وقاتل أبي.. إلى القصر مساءاً..
ولكن كن حذراً سفيان أي خطأ سيكلف حياة هاتان الفتاتان ذو الجمال الصاخب.. افهمت قصدي سفيان. والذي منعته مني بإرادتك..ساخذه من ابنائك بالقوه.. وسيكون هذا عملهما من اليوم.. سفيان جابريل أليكساند…!!! وقفلت المكالمه..
وطبعا هنا جيسيكا تقصد أنها هتشغل آرين وتالين في الدعا*ه
فهد : عينيه اتحولت لشرار وصك على أسنانه بغضب..وقال… الووو الوووو جيسيكا..مستحيل تقربي منهم.. أقسم بالله لو حصلهم حاجه لاقتلك واشرب من دمك.. الووووو.. وضرب الفون ف الحيطه واتكسر..
مراد : بقوم مسك فهد من كتفه..وقال. جيسيكا خطفتهم صح يافهد..!!
فهد : راسه بتتهز من الغضب..وقال بشر.. ايوه يا مراد.. وعايزاني انا وأنت وبس..!!
آدم مراد : بصوت من نار. ممكن حد يفهمني..مين هي جيسيكا. وليه تخطف آرين وتالين.. عايز أفهم..!!
مراد : مسح وشه بأيديه بحيره كبيره..وقال طيب.. وقال من حوالي ١٨ سنه طلعت أنا وفهد مأمورية لإيطاليا.. واللي حصل هناك إن……………!!! ومراد شرح لادم كل حاجه تخص القضيه.. وآدم بيستجوب أبوه بتركيز كبير كأنه بيحقق معاه..وعرف كل حاجه عن جيسيكا..
آدم مراد : هز راسه بغضب..اه طيب وبعد ما اتقبض عليها..هربت يعني ولا ايه؟
مراد : بنرفزه..منعرفش. بس بعد إللي حصل دلوقتي أكيد هربت.. لأننا بعد ما قبضنا على جيسيكا اتسلمت للأمن الوطني في إيطاليا.. واتحكم عليها بالحبس الانفرادي المشدد لمدة ٢٥ سنه ومن وقتها نسينا القضيه وكملنا شغلنا..
فهد : واقف وقابض ع أيديه وسرحان في كلام جيسيكا اللي ولع في جسمه نار..لكن لازم يتصرف بحكمه حياة بنته في خطر حقيقي.. وخصوصاً جيسيكا ليها تار عندهم..وهي خصم مش سهل أبدا.
مراد : مسك كتف فهد.. وقال فهد ركز معايا..علشان نعرف نفكر هنعمل ايه؟ جيسيكا قالتلك ايه بالظبط..!!
فهد : بدموع متحجره قال. قالت إنها عايزاني أنا وأنت في القصر بتاعها.. ومحدش غيرنا يعرف باللي حصل.. علشان…..!!! علشان لو حد عرف..ها…..وغمض عينيه وكمل. غصب عنه وقال. هتشغل آرين وتالين في طريق غير مشروع…!!!
آدم مراد : عيونه اتحولت لبركان..وخرج بسرعه كبيره…
مراد : مهما ينده عليه مبيردش..!!!
——————بقلمي مريم نصار.
الساعه ٥ فيلا العدوي..
مريم : ها ياتمارا يابنتي.. رينو وفريحه ردو عليكي؟
تمارا : لأ ياماما..لكن تيم رد عليا وقالي.. إن خالتو رينو هتفضل معاه انهردا ف المستشفى.. لأن بابي ومامي مش موجودين..وفي عمليات كتير ومحتاجلها معاه..
مريم : بتفهم..اه ياحبايبي. ربنا معاهم..طيب وفريحه مجتش ليه هي والبنات.. آدم كان هيروح يجبهم بنفسه..بس هي قالت هتجيبهم هى..
تمارا : ايوه. لكن تيم بيقولي.. آرين لسه عندها جلسات كمان..وقالي كمان الدكتور زوهير. هيبعت علاج من بره مصر مخصوص علشان آرين. وتعمل بيه جلسات.. وطنط فريحه قاعده معاهم..وممكن ترجع ع بيت جدو طارق أو تبات معاهم.. وكمان قالي إن طنط فريحه وخالتو رينو هيكلمو حضرتك بليل..
مريم : بتنهيده.. إن شاء الله خير..كل تأخيره وفيها خير إن شاء الله.. طيب أنا هطلع اقول لادم علشان يطمن عليهم..
تمارا : أبتسمت.ماشي ياحبيبتي..
مريم : طلعت..
تمارا : فونها رن..وكان آريان.. وردت بجديه.. الو..
آريان : أبتسم.. ممكن مراتي حبيبتي تخرج من الفيلا..؟
تمارا : بعدم فهم..ليه في إيه؟
آريان : في اجمل زوج واقف مستنى ملكة جمال العالم..تخرج علشان ياخدها أجمل مشوار..
تمارا : ضحكت بسعاده..وقامت وشالت محمد..وخرجت بسرعه. وشافت آريان واقف ساند على العربيه.. وشاور ليها..
تمارا : أبتسمت بحب وقربت منه.. وقالت..ع فكره أنت فاهم غلط..
آريان : باس ع أيديها وقال.. آسف بجد..كان يوم صعب جدا..
تمارا : بتفهم.. وأنا حاسه بيك..لكن كل اللي بطلبه اني مبحبش توعدني بحاجه وتنساني.. أنت لو كنت كلمتني وفهمتني كنت هلتمس ليك العذر..لكن متحسسنيش إنك ناسيني يا آريان..
آريان : بعتاب..انساكي؟ ليه هو أنا موت علشان انساكي..
تمارا : شهقت..بعد الشر عليك ياحبيبي متقولش كدا..
آريان : طيب قولي انك مش زعلانه وانا مش هقول كدا.
تمارا : أبتسمت بحب لأ مش زعلانه..
آريان : أبتسم..بحبك اوى ياتيما..
تمارا : بحرج..وانا كمان.. وايه رأيك لو منخرجش.. انا عايزه اقضي الوقت معاك. تقعد معايا أنا ومحمد.. بجد من زمان مقعدناش مع بعض..
آريان : أبتسم..وقال وأنا تحت امرك ياروحي.. وشال منها محمد.. وتمارا حطت ايدها ف دراعه وطلعوا ع بيتهم والضحكه مش مفرقاهم..
——————بقلمي مريم نصار.
بعد شويه..
مراد : بيحط خطه هيمشي عليها هو وفهد..
فهد : بخنقه.. تمام هنسافر امتى..!!
مراد : بنفاذ صبر..المفروض نسافر قبل المغرب.. بس آدم مبيردش عليا..مش عارف راح فين؟
فهد : نفخ بخنقه..وقال خلاص هنسافر إحنا.. أنا مش هقدر استنى..
فون مراد رن وكان زين..
مراد : مسح وشه بأيديه ونفخ بحيره..وقال.. أنا لازم أرد على زين علشان محدش يشك في حاجه.. وأنت خليك طبيعي ماشي؟
فهد : هز راسه وغمض عينيه..وجواه حالة صراع متعبه..
مراد : رد على زين بصعوبه وتمثيل..وقال. احم.. الو زين حبيبي..
زين : بهدوء.. اذيك يا مراد.. هو في إيه؟
مراد : بِشك خير يازين مش فاهم؟
زين : لأ قصدي حصل حاجه يعني؟ أصل آدم إبنك عرفت دلوقتي أنه أخد الطياره الخاصة وسافر بيها.
ف إيطاليا..
جيسيكا : اووو سفيان عزيزي أريدك ان ترى شيئاً سيعجبك كثيراً. وهو مثير بالنسبة إلي.. وفتحت شاشة كبيره..
فهد : واقف قابض على أيديه.. و شاف مراد متربط ع كرسي في القصر.. وبيحاول يفك نفسه. لكن فاجأه القصر كله اتفجر..
فهد : مراااااااد…..!!!! ——-
يتبع….
لقراءة الفصل التالي : اضغط هنا
لقراءة جميع حلقات الرواية اضغط على : (رواية جريمة عشق 5)