رواية لن أتركها الحلقة الخامسة 5 بقلم اسراء السيد
رواية لن أتركها الحلقة الخامسة 5 بقلم اسراء السيد
 |
| رواية لن أتركها الحلقة الخامسة 5 بقلم اسراء السيد |
رواية لن أتركها الحلقة الخامسة 5 بقلم اسراء السيد
وقفنا لما رقية كانت مصدومة ان آسر كان حاطط إسمها وتاريخ عيد ميلادها للخزنه**
– آسر:- اي مالك!
– رقية:- اااأااا لا مفيش متفاجأة بس .
– آسر:- ومتفاجأة لي إنتي مش عارفة اني بعشقك! …
– رقية:- مكنتش عارفة قبل كده بس دلوقت عرفت …وعرفت قد اي أنا مهمة بالنسبالك.
– آسر:- صح شطورة ….يلا علشان نطلع ننام بقا.
– رقية:- ماشي يلا.
* رقية قبل ما تمشي بصت للخزنة بصه أخيرة واتنهدت ومطلعت معاه …….طلعوا وكل واحد هيروح أوضته بس قبل ما رقية تمشي آسر مسك إيدها جاامد وكأنه بيأكد أنه فعلا هيفضل جمبها عمرها كله وأكدلها بنظرة عنيه …يدوب بصلها في عنيها وبيأكد كلامه وهي بصتله في عيونه بس مقدرتش ….مقدرتش تبص في عينة أكتر من كده وتكدب فبصت للأرض وسحبت إيدها براحة ……
– رقية:- معلش يا آسر عاوزة أنام.
– آسر:- رقية في أي بتبعدي لي!!
– رقية:- مببعدش أنا بس عاوزة أنام ….لو عاوزة أبعد يا آسر مكنتش وافقت عليك في حياتي ..لو عاوزة أبعد هقول حجة أكبر من كده .
– آسر اتنهد ورد عليا:- ماشي يا رقية ..يلا تصبحي علي جنة يا قلبي.
– رقية:- تصبح علي خير .
* رقية دخلت أوضتها وقف ورا الباب واتنهدت تنهيدة بتعبر بجد عن كل الي جواها نفسها تقول كل حاجة بس مش عارفة تعمل اي ….وأقنعت نفسها إن دا الصح.
# تاني يوم الصبح ……
* آسر قبل ما ينزل راح لرقية يصحيها هو علشان تنزل تفطر معاه..خبط عليها وهي فتحتله كانت لسه مجهزه نفسها وهتنزل ..
– آسر :- صباح النور.
– رقية ردت عليه بإبتسامه:- صباح الخير .
– آسر:- يلا ننزل!
– رقية:- اه يلا كنت لسه هنزل أهو.
* نزلوا مع بعض وفطروا وبعد كدا هو كان هيروح شغلة فودع مامته ورقية ومشي ….وطول اليوم ورقية قاعده مع زينب عادي زي كل يوم..
# عدي أسبوع ورقية نتيجيتها كانت هتطلع خلاص بقا وهي كانت قاعده في الجنينة خايفة من النتيجة وآسر قاعد جنبها بيحاول أنه يجيبهالها …وبعد شوية راح بصصلها بأسف وهي إندرعت من شكلة وعنيها دمعت …
– رقية:- ايه يا آسر …اتكلم متسكتش كده.
– آسر:- للآسف….بصي كل شئ نصيب .
– رقية بعياط:- انا مذكرتش كويس أنا عارفة كان المفروض اذاكر اكتر ووو……………
– آسر:- بس بس اي بضحك معاكي جبتي مجموع الحلم الي انتي عاوزة تحققيه وهتدخلي الكلية.
– رقية:- آسر بتهزر! بجد !
– آسر :- والله بجد …..
# رقية مدتهوش فرصة تاني للكلام ونطت في حضنه وهي فرحانة جدااا وهو اتبسط جدا بحضنها ليه.
– رقية :- تعالا نعرف زينب يلا بسرعه.
– آسر:- ماشي ..اصبري يبنتي اي .
– رقية :- آسفة بس فرحانة قووي……….زوزا فينك ! زوزا!!
– زينب:- اي يا حبيبتي في اي بتصوتي كدا لي.
– رقية:- النتيجة طلعت وجبت المجموع الي هيدخلني حلمي يا ماما( وراحت عليها حضنتها هي كمان بفرحة .
– زينب:- الف مبروك يا حبيبتي ..انتي تستاهليها .
* رقية هنا بعدت عن حضنها وابتسامتها اختفت وافتكرت الشئ الي كل شوية الشئ الي بيبوظ مزاجها .
– آسر:- اي يا روكا !
– رقية:- هاا لا مفيش حاجة انا كويسه اهو.
* قضوا حلو وآسر فرحان لرقية وهي فرحانه انها هتحقق حلمها .
– آسر:- روكا أنا عملك مفاجأة …بس بكره لسه بقا.
– رقية هنا اتحمست قووي:- مفاجأة اي.
– آسر :- وهتبقا مفاجأة ازاي يا عبيطه.
– رقية:- طب ما ادام مش هتدهالي دلوقت قولتلي لي!
– آسر:- تصدقي أنا غلطان.
– رقية:- لا خلاص يعم متزعلش.
* طب قومي بقا نامي علشان الصبح بدري هاخدك هوريهالك.
– رقية:- ماشي ..
# رقية راحت نامت وهو كمان طلع وراها ……تاني يوم الصبح أخدها وراحوا مكان معرض عربيات وكان واخد كمان واحد كدا معاه وهي كانت مستغربة كل حاجة .
– رقية:- آسر انتا جايبني هنا لي!!
– آسر:- ششششش اسكتي انتي بس.
* رقية فضلت ماشية معاه وهي مش فاهمة حاجة وايدها في ايده لحد ما وداها ناحية عربية سودة وكان شكلها حلوو قوي وعجبتها.
– آسر:- عجبتك!؟
– رقيةردت عليه بعفوية:- اه حلوة قوي وجميلة جداا( وبعد كدا بصتله بإستغراب) انتا بتسألني لي!
– آسر:- علشان هتبقا بتاعتِك.
– رقية:- نعم! بتاعتي ازاي يعني ! آسر متهزرش بقا يلا من هنا بقا.
– آسر:- رقية انا مبهزرش دي هتبقا هديتي ليكي ممكن بقا تهدي كدا وتسكتي.
– رقية :- آسر كدا كتير قوووي .
– آسر:- مفيش حاجة تغلي عليكي ….أنا لو قدمتلك كل هدايا الدنيا مش هكون مكتفي بدا برضو.
# رقية سكتت وهو اخدها علشان يمضوا علي العقد ويخلصوا كل الورق ..اخدها هناك وكان معاه برضو الراجل الي جايبه معاه وكانت هتمضي بس وقفها….
– آسر :- رقية انتي بتحبيني صح! وموافقة انك تعيشي حياتك كلها معايا.
* رقية بصت حواليها بحرج لأن كان في ناس واقفة بس هو بصلها وكان عايز اجابتها في الوقت دا وعاوز يسمعها منها …
– رقية هنا ردت عليه بخلوت :- ايوا يا آسر بس بتسأل لي دلوقتي مش وقته.
– آسر:- عاوز اسمعها منك علطول بحب اسمعها منك كل شوية .
# رقية ابتسمت بكسوف وبصت للورق وابتدت تمضي ….خلصوا كل حاجة ومشيوا واتفقوا ان العربية هيخلوا عامل يجيبها من هناك ….
# روحوا وقعدوا مع بعض شوية ورقية قررت إنها تروح مع آسر بكرا الشركة بحيث لما تيجي تروح آخر الاسبوع معاه ميلاحظش حاجة ..
– رقية:- آسر عايزة اجي معاك بكرة الشركة .
– آسر:- ماشي عادي زي ما تحبي ..الشركة كلها تنور.
# رقية ضحكت وقعدوا يدردشوا لآخر اليوم ….تاني يوم فعلا آسر أخدها معاه وعدي اليوم .
## وجه اليوم الي قبل اليوم الي رقية المفروض تدي الفلوس لعبدو وكان المفروض إنها تاخدهم علشان تخبيهم في شنطة ….نزلت الصبح فطرت معاهم وآسر مشي وبعد كدا زينب قعدت شوية مع رقية وبعد كدا قامت تشوف احوال البيت والمطبخ وايه الي ناقص…..وهنا رقية قررت انها تقوم تجيب الفلوس…طلعت فوق جابت شنطة ونزلت علي مكتب آسر وطول ما هي ماشي بتتلفت حواليها ومتوترة ان حد يشوفها ….دخلت المكتب وفتحت الخزنه وبدأت انها تطلع الفلوس وتعد فيهم بسرعه وتعبيهم في الشنطة وطول ما هي بتاخد وتعبي بتلوم نفسها بس في الآخر بتقنع نفسها إن دا الصح …خلصت وبعد كدا قفلت الخزنه وطلعت علي أوضتها وجهزتهم أنها تاخدهم معاها علطول ..
* جه بلليل ورقية راحت لآسر وطلبت منه إنها تروح معاه الشركة وهو وافق عادي …
# تاني يوم الصبح رقية نزلت وركبت معاه وهي معاها الشنطة وهو استغرب هي جايبة شنطة معاها لي..
– آسر:- اي الشنطة دي كلها .
– رقية:- عادي ..مفهاش حاجة يعني عاوزاها.
– آسر ضحك:- يستي براحتك .
* آسر ضحك عادي ومش في باله أصلا حاجة ..ساق وكان ماشي عادي خالص ورقية وقفته عند السوبر ماركت الي كان جايب منه المرة الي فاتت منه شيبسي وطلبت منه تاني وهو وافق ونزل ….يدوب آسر نزل ورقية بصت حواليها ومستنيه عبدوا وحمدي يجوا …يدوب ثواني ولقيتهم جايين ناحيتها …فتحت الشنطة بتاعتها وطلعت منها شنطة الفلوس .
– عبدوا:- اي مظبوطين ولا هتضحكي علينا! انتي عارفة لو طلعوا ناقصين هننفذ علي طول.
– رقية:- لا لا مظبوطين …يلا امشوا بسرعة قبل ما آسر ما يجي.
# مشيوا وهي قعدت ارتاحت شوية …بس هنا ابتدت من جواها تتعذب أكتر …آسر وصل بعد شوية واداها الشيبسي وبعد كدا ساق للشركه …راحوا الشركة وطلعوا مكتب آسر وطول ما هو ماشي ماسك ايدها واول ما دخلوا المكتب سابت ايده واتكلمت بضيق .
– رقية:- يا آسر مش كدا كله بيبص علينا .
– آسر:- عادي ومحدش ليه حاجة عندنا ..
– رقية:- لا مش كدا انتا مكنتش شايف نظراتهم!!
– آسر:- رقية انتي حبيبتي وهتبقي مراتي وحياتي كلها .
– رقية:- خلاص لما ابقا بقا ..علشان خاطري …
– آسر:- حاضر ..متزعليش بقا اضحكي .
* رقية حاولت تبتسم وسكتت ….اليوم خلص وروحوا والدنيا كانت هادية خالص وآسر معرفش حاجة …وبعد يومين آسر احتاج انه يفتح الخزنه هياخد منها فلوس وورق صفقة ….
– كان بليل ورقية كانت لسه طالعة تنام واول ما طلعت آسر دخل …دخل وفتح الخزنه واتصدم لما شاف ان الفلوس شكلها اصلا ناقص جداا طلع الفلوس وعدهم ولقاهم ناقصين فعلا ١٠٠ الف جنيه …وقرر انه هيفتح الكاميرات الي في المكتب ويشوف مين الي سرقهم …وفعلا طلع التسجيلات واتصدم لما شاف رقية……….
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية متسولتي وسيلتي للكاتبة أميرة خالد.