رواية حارس شخصي الفصل الرابع 4 بقلم مريم سرور
رواية حارس شخصي الفصل الرابع 4 بقلم مريم سرور
رواية حارس شخصي البارت الرابع
رواية حارس شخصي الجزء الرابع
رواية حارس شخصي الحلقة الرابعة
حمزه قام وقف واتخض …انت مين يا راجل انت ؟!
مصعب وهو رايح يشدني من ايدي:انا خطيب الهانم اللي مقضياها
حمزه مسك ايده وضربه بالبوكس
لو سمعتك بتتكلم عنها كده تاني هقطع لسانك !!
مين ده يا ليان
انا كنت في حته تانيه …مش مستوعبه اللي بيحصل هو انا مش هخلص من الهم ده
هفضل عايشه في الدوامه دي …مش كفايه اللي عملوه ..كمان عايزين يبوظو جوازتي؟!!
بصيت لحمزه وانا بعيط :ده كان خطيبي زمان يا حمزه
مصعب :ومين ده يا هانم ..يا تري دفع لك كام …ولا تكونيش هربتي معاه
حمزه مسكه حرفيا ضربه ضرب
:دي مراتي يا سكر …ولو لمحتك بتكلمها أو قربت ليها أو قلت كلام تاني هموتك سامع ….هموتك !!
مصعب بغل:لا مش هسيبها…دي بتاعتي انا ..سامعه يا ليان …
حمزه رفعه من الارض وراح رميه ..وراح ضربه برجله لغاية ما مصعب بدا ينزف …واستسلم
مقدرتش استحمل اللي بيحصل ..اكيد حمزه هيسبني ..هيتهمني بالكدب …طلعت اوضتي فضلت اعيط بانهيار.
كنت سامعه حمزه ومصعب بيتشاكلو لغاية ما حمزه طرده ..حطيت راسي علي المخده …وانا ببكي علي حالي ..اكيد هيسبني …بس انا حبيته ..ليه اي حد بحبه بيسبني …
لقيت حد بيخبط اكيد حمزه
ممكن ادخل يا ليان ؟!
قولت بدموع وصوت مبحوح :ادخل يا حمزه
انا وحمزه كنا قررنا منقعدش في اوضه سوا غير لما نعمل فرح بس خلاص شكله مش هيبقي في فرح
حمزه دخل وقعد علي السرير وانا كنت عطياله ضهري
كنت مستعده لسماع العتاب
كنت بعيط جامد بس فجاه لقيته لفني ليه وحضني ومسح دموعي
ايه ده في ايه ؟
بتعيطي ليه ؟!
عيطت اكتر :عشان هتسبني..انا والله سبته من زمان …انا اسفه انا مقولتش ليك …انا ..انا
بصلي بحنان وقال :شششش بس بس مفيش حاجه حصلت لكل ده ..بطلي عياط ..ده مش ذنبك ..بعدين انا شوفتك سنه كامله مشوفتش منك حاجه وحشه
بصتله بحب وامتنان لاول مره احس اني محبوبه:حمزه
نعم يا قلب حمزه
انا بحبك اووي
وانا كمان ..وراح باس خدي ..
بس يا حمزه بتكسف
بعد حمزه دي احنا منعملش فرح ون…
موافقه مش عايزه فرح .
ليان انا كنت بهزر
عيطت تاني ..بالله مش عايزه فرح انا تعبت مش هستحمل ييجي تاني خليك معايا
ليان متخافيش
حضنته بقوه :انا تعبت انا ما صدقت لقيت الامان ..انا طول عمري مكروهه يا حمزه ..بالله كفايه يلا ..نتجوز ونعيش بعيد عن هنا ..كلنا ونربي العيال ..انا بحبك يا حمزه ..وانا عارفه اهلي ممكن ياذونا لانهم بيكرهونني ..انت متعرفش هما عملو فيا ايه !
مسح وشي بايده : عملو ايه يا ليانيي
حكيت له اللي حصل …من اول موت ماما لحد ..اخر يوم شوفتهم فيه
بصلي بصدمه وحزن وحسيته اتعصب ..مسكت ايده اهديه
بالله يا حمزه ..بالله عليك كنت بعيط اكيد مصعب هيعمل مشكله
حمزه رجع شعري وره وقال :انتي هتبقي مبسوطه من غير فرح؟!
اه هبقى مبسوطه
خايف ترجعي تقولي انت حرمتني من اهم يوم في حياتي
لا لا مش عايزه يلا بس نمشي
حمزه كان وعدني اول ما نعمل فرح نروح نعيش كلنا في فيلا في دمياط الجديده ..
بصلي بعدين شالني بحماس :يلا بينا علي مارينا …يلا يا عيال علي دمياااط
ضحكت وسط بكائي نزلني وقال :جهزي الشنط هنروح دميااط بعد اسبوع كده ..اكون جهزت كل حاجه
العيال جات تصرخ وهي بتضحك :هييي اخيرا هنروح الفيلا بتاعتنا ..ههيي مامي ..بابي بنحبكم
حمزه بصلي باستغراب:مامي وبابي؟!!!
ضحكت :بيدلعونا
هو احنا من بتوع مامي وبابي قولو مامااا بابااا
جم وحضنونا ..قلبي ارتاح ..واكتشفت اني اتجوزت راجل ..
روحنا نتوضي ونصلي العصر
حمزه جمعنا جمبه وفضل يحكي لنا قصص ..ويحكي لنا عن الفيلا بتاعتنا …وان هناك هيروحو البحر
حقيقي كنت ببص لكل واحد بحب وعشق كلهم ولادي وحمزه ا٠مل راجل شوفته وعوضني عن اللي حصلي
كنت قاعده بجهز الشنط لقيت حمزه داخل عليا بشورت وكاب ولا كانه اللمبي
اتحتاجين مساعدة ايتها المراه؟!
ضحكت :لا ايها الرجل
قعد جمبي وبدا يطبق الهدوم ..ويغني :جاري يا جاري يا حتة سكره ..
كنت عارفه انه بيضحكني ..
كنت بضحك ومبسوطه ولقيت العيال داخله بترقص وبيغنو معاه
بصتله :اه يا لئيم …قاصد صح؟
غمزلي:صح
مسكت خدوده :بطل خبث يا حموزطي
مسك ايدي وباسها :احلا حموزطي
جه احمد مسك ايدي وقال:ملكش دعوه بمامي دي بتاعتي بس
حمزه مسكه باسه:انت هتجنني يا ثغنن انت
احمد اضغر ولد هنا عنده سنتين
بعد اسبوع
كنا بنحط الشنط في العربيه والعيال ركبت لقيت مصعب جه ..حمزه جه مسكني ويطمني
بس مصعب كان بيعيط …لقيته بينزل علي ركبه
انا اسف يا ليان …انا …ماما ماتت …انا اسف
.قولتله:الله يرحمها بس مش هقدر اسامحك انت او بابا انا اسفه
قالي:انا استاهل سلام
ركبت ..حمزه كان ساكت
فجاه لقيته بيزمر وبيرقص بالعربيه
انا اصلا اتخضيت ..متجوزه راجل متخلف
العيال ورا كانت بتسقف ..حمزه قعد يزغرط وكان بيشدني عشان ادخل في الجو
يلا …الله اكبر بسم الله بسم الله
اغاني الانسان ده غريبه
كله بدا يغني :الله اكبر بسم الله بسم الله هنعيش ونكبر بسم الله بسم الله
كنت مبسوطه بس عامله نفسي زعلانه
بس فجاه روحت داخله في الجو :بحبك يا حمزاااه
حمزه بمرح:ايوه كده دلعناي …يا جميل ❤️
الناس كانت بتبص علينا ..بس كنا قافلين الازاز ..فهما شايفين ناس بتتننطط
واخيرا وصلنا …..
الفيلا كانت اجمل بكتير مما توقعنا كانت كبيره وحلوه
دخلت اوضه النوم اللي كانت اجمل مكان في الفيلا لقيت حمزه داخل وبيقفل الباب:والله ووقعت يا جميل ..خلاص مفيش مفر
بصتله بكسوف:بس بقا ..بتكسف
مش وقت كسوف وخسوف الصراحه
بس بجد
ششش بس كمان وهتندمي
…….
مر اربع شهور علي مجينا دمياط
انهارده عيد ميلاد حمزه
عملت غدا ..وكيكه ..وبلالين ..في الحديقه ..كنت ملبسه العيال كلها لبس جديد ولبست فستان احمر وسبت شعري وحطيت ميكب خفيف ..
طبعا السور عالي محدش يشوفني
رجع من الشغل انبهر ..وكان مبسوط
كل واحد قدم هديته
بس هديتي مختلفه:حمزه…انا حامل .. انت طلعت بتخلف
بصلي بدموع ومسك بطني وهو بيترعش :بجد يا ليانني
بجد يا حموزتي
حضني جامد ..ودموعه نزلت :انا مبسوط اووي
بصتله بخبث :يلا يا عيال ضرب
كله رش عليه ميا وغرقناه
راح شالني ..ولف بيا وخلاهم يرشو علي وشي ..وغرقنا كلنا
وبس خلصت علي الحب اللي بنا
حمزه انا بعشقك
وانا كمان لياني
وكملت
حارس شخصي
تمت
لقراءة باقي حلقات الرواية اضغط على : (رواية حارس شخصي)
حروعه
💐
رو
روعه
رميله
روعه