رواية انتقام الجميلة الفصل الثامن 8 بقلم سارة الفقي

رواية انتقام الجميلة الفصل الثامن 8 بقلم سارة الفقي

رواية انتقام الجميلة البارت الثامن

رواية انتقام الجميلة الجزء الثامن

رواية انتقام الجميلة الحلقة الثامن

_ ده بابا يا ماما ؟
‏قالها نادر ببراءة و هو ينظر لنادر ، فأماءت جميلة وبابتسامة و دموعها علي وشك الهطول ..
كان نادر يحدق بشوق و حب غريزي ، فرغم أنه لم يراه من قبل ، لكنه يقسم أن حب ذاك الطفل في قلبه من قبل أن يولد حتي ..
اقترب نادر ببراءة منه ، و من ثم رفع رأسه نحوه و أخذ يحدق بوجه أبيه ..
_ ماما بتقول انك قرأت جواباتي ، علشان كده جيت ، مش صح ؟
أماء سيف برأسه و عيونه تلمع بالدموع ، لم يستطع منع نفسه أكثر من ذلك و من ثم ضمن إلي صدره بقوة و أخذ يشم رائحته التي حُرِمَ منها …
كانت جميلة تنظر لهم و دموعها تنهمر كالشلال دون توقف ، لم تستطع كبحها ..
_ انت وحشتني اوي يا بابا

قالها نادر ببراءة ، فرد سيف بشوق و دموعه علي خده
_ و انت كمان يا روح بابا
لم يستوعب سيف جمال تلك الكلمه ، مجرد تلك الكلمه تهون عليه مشقة و عذاب سنوات بل قرون حتي ،
لم يكن يدري أن مذاق تلك الكلمة بتلك اللذاذة و الجمال
‏
ظل نادر مع سيف لفترة طويلة ، لعبوا سويا و تحدثوا كثيرا ، فسيف أراد أن يعوضه عن تلك السنين التي لم يقضيها معه ،
‏و بعد وقت طويل، أخيرا قرر سيف الرحيل …
_ طيب يا دودي ، انا همشي بقا
_ بس انت مش قعدت معايا كتير
_ هاجي تاني يا حبيبي
_ وعد ؟
_ وعد
قالها سيف بابتسامه و من ثم قبله من خده و غادر ، غمز لجميلة لتخرج معه …
_ كمل انت لعب يا حبيبي و أنا جاية
_ ماشي
_______________________

_ عايز ايه ؟
قالتها جميلة بحدة
_ انا عايز ابني يا جميلة
_ انت مجنون ، متقدرش تاخده مني ، نادر هيفضل معايا
قالتها بانفعال و هلع
_ لا مش مجنون يا جميلة و علفكرة انا أقدر اخده منك و بالقانون كمان ، بس أنا مش هعمل كده علشان الأصول ، ميصحش اعمل كده في … بنت عمي
_ لا و انت بتراعي الأصول اوي
_ من الآخر يا جميلة ، الأيام هتتقسم بيني و بينك ، انا هاخده تلت ايام في الأسبوع و انتي اربعه
_ تاخده ازاي ؟
قالتها بلهفه و خوف
_ هاخده يبات معايا يا جميلة ، مش حقي بردو ؟
قالها سيف بتزمر

_ يبات معاك ازاي ؟ لا مش هينفع ، انا مقدرش أفارق نادر و لو ثانيه ، ده لما كان مسافر ، كنت بحس روحي بتتسحب ، لا يا سيف مش هينفع
_ خلاص يومين
قالها بضيق و نفاذ صبر
_ لا يا سيف قولتك مش هينفع ، مقدرش ، حس بيا ، مقدرش يا سيف
قالتها جميلة بلوعة و خوف شديد
_ الله يعني اعمل ايه يا جميلة ، ما حقي بردو ، مش كفاية انك خبتيه عني 6 سنين بحالهم
_ أرجوك يا سيف ، متاخدهوش ، مش هقدر
قالتها جميلة بدموع و ترجي
_ طب اهدي خلاص متعيطيش ، هشوف حل و اكلمك ، خلاص بقا متعيطيش ، يلا سلام دلوقتي
قالها سيف باهتمام و من ثم غادر بمشاعر مختلفه .. و أخذ يفكر طوال الطريق ، حتي وصل إلي حل …
~~~~~~~~~~~~~~

علي الجانب الآخر في النادي …
كانت نانسي تمارس بعض التمارين ، حتي لمحت أدم أمامها ..فتوقفت و نظرت إليه بتهكم …
_ ايه جاي بردو علشان تعرفني الطريقة الصحيحة ؟!
_ لا المرة دي جاي علشان اتدرب
_ طب ، روح بقا اعمل اي تمرين ، الصالة واسعة
_ لا انا هعمل معاكي
قالها أدم بإصرار و هو ينظر لها بابتسامه ، أدارت نانسي وجهها و بدأت بالتمرين و لم تعره اهتمام ، حتي بدأ هو الحديث :
_ كنت عايز .. اعتذرلك عن طريقتي السخيفة آخر مرة
قالها أدم بتوتر
_ اي واحدة فيهم ؟ علشان من اول ما شوفتك و انت بتتعامل بسخافة
_ ميبقاش قلبك اسود ، طب علشان اثبتلك حسن نيتي هعزمك علي ايس كوفي بعد التمرين
_ ماشي
قالتها نانسي بابتسامة و لكن سرعان ما اخفتها ، فأخذ أدم يحدق لها بابتسامه ..
~~~~~~~~~~~~

في اليوم التالي _ في الشركة _
_ جميلة ممكن نتكلم ؟
ناداها أدم من وسط الفريق ، فأخذوا يتهامسون ، نهضت جميلة و ذهبت معه …
_ سيف انت ناسي أنهم ميعرفوش أنا مين ؟ مينفعش تيجي تناديني كده من وسطهم
قالتها جميلة بانفعال
_ خلاص متزعليش ، مش هعمل كده تاني
_ تمام ، كنت عايز ايه بقا ؟
_ انا فكرت في حل مرضي للطرفين ، هيكون سيف معانا احنا الإتنين
_ ازاي ده ؟
_ نتجوز يا جميلة و ابننا يبقي في حضننا

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)