رواية حب غير مشروط الفصل السابع والعشرون 27 بقلم لولا
رواية حب غير مشروط الفصل السابع والعشرون 27 بقلم لولا
رواية حب غير مشروط البارت السابع والعشرون
رواية حب غير مشروط الجزء السابع والعشرون
رواية حب غير مشروط الحلقة السابعة والعشرون
عند شهد في المستشفي الدكتوره حكت ليها كل حاجه
شهد وهي دموعها بتنزل بصمت اكملت اممم وحضرتك يا دكتوره قولتيله ايه بقي سبب تعب الرحم عندي بلشكل ده
الدكتوره بتنهيده ابدا يا شهد هو يا اما ابتلاء من ربنا او اعتداء متكرر بس جوزك ميعملش كده لا ده بيحبك وكمان واضح اوي انه كان خايف عليكي وانا بحكيله فاهو فعلا ابتلاء وتنهدت بحزن واكملت متزعليش نفسك يا حبيبتي جوزك بيهتم بيكي وحملك ماشي تمام وباذن الله هتجيبي ملك وتقوملنا بالف خير
شهد بوجع في سرها علشان كده بقي كنت بتخاف عليا اوي اااه يارب وانا اللي فكرته اتغير وحبني اتاريه حاسس بلذمب تجاهي بس … لاني كنت ممكن اتحرم من اني ابقي ام طول العمر بسببه
الدكتوره شهد انتي معايا ?
شهد بانتباه وحزن اه يا دكتوره وتنهدت بحزن واكملت وشكرا تعبت حضرتك اوي
الدكتوره بابتسامه لا ولا تعب ولا حاجه في داخله حاتم الاوضه واكمل بحب امسكي يا حبيبتي العصير اهو
شهد بملامح خاليه من اي تعابير اكملت مليش نفس
حاتم مينفعش يا شهد هتتعبي وتدوخي لو مشربتيش امسكي
شهد نفخت واكملت هو بلعافيه انا لو شربت هرجع مليش نفس في ايه
حاتم استغرب طريقتها واكمل بتنهيده طب معلش تعالي علي نفسك ومتكمليهوش يا ستي بس معلش اشربي بس حبه واداهولها وبص للدكتوره واكمل التحليل اهو
الدكتوره مسكته منه وقرائته واكملت بابتسامه زي الفل هي الضعط بس عندها عايزه يتظبط انما الباقي حلو اوي. كترلها بقي حوادق واابعدها نهائي عن الشاي
حاتم بابتسامه ماشي حاضر تعبناكي يا دكتوره
الدكتوره بابتسامه لا العفو ده شغلي وربنا يقومهم ليك بخير
حاتم بحب يارب ومسك ايد شهد واكمل يلا تعالي
شهد بصتله بحزن وقامت من سكات وطلعت معاه
حاتم بتنهيده مالك يا شهد مش طبيعيه
شهد بجمود مفيش يا حاتم كويسه
حاتم بتنهيده طيب هتقدري نفوت علي المول اجبلك الهدوم ولا أجلها شويه
شهد بتنهيده لا روحني ونبقي نجيب بعدين مش قادره
حاتم طيب يا حبيبتي علي راحتك بس اشربي عصيرك
شهد بجمود تمام
في البيت
شهد دخلت وقعدت علي الكنبه بتعب واضح
حاتم بقلق مالك في ايه
شهد بتعب مفيش حاسه بارهاق وشويه دوخه بس
حاتم طب تعالي اساعدك تغيري هدومك
شهد بحده لا شكرا هعرف اغير لنفسي
حاتم بستغراب مالك يا شهد في ايه هو انا شتمتك انا بقولك هغيرلك بس يا حبيبتي علشان انتي دايخه
شهد قامت وقفت وهي دايخه واكملت بجمود مفيش انا مش حابه اتعبك وكانت هتقع
حاتم سندها واكمل بقلق حرام عليكي يا شهد انتي علشان مكملتيش عصيرك شكلك هتتعبي وتدوخي
شهد بدوخه دخلني اوضتي مش قادره
حاتم شالها بين ايديه وقعدها علي السرير واكمل بتنهيده انتي بجد عنيده اوي حرام عليكي نفسك يا شهد ده هي ازازه عصير كانت تتشرب بس ازاي متحرقيش دمي وتعاندي وخلاص وراح جبلها دريس بيتي
شهد بتوتر انت هتعمل ايه اوعي تقرب احسنلك
حاتم بضحك ربنا يهدييكي يابنتي ليه محسساني ان جارك كده مش جوزك
شهد وهي بتغمض عنيها اكملت حاتم بجد اتلم
حاتم ساعدها تغير هدومها ورجع ضهرها لورا واكمل بحب ادينا خلصنا ها اجبلك باقي العصير تكمليه ?
شهد بصتله بوجع واكملت بدموع للدرجه دي حاسس بلذمب ??
حاتم بستغراب ذمب !!! ذمب ايه يا شهد
شهد بدموع علشاان تهتم بيا كده
حاتم بابتسامه بت انتي عبيطه هو انا علشان بهتم بمراتي وبنتي ابقي حاسس بلذمب
شهد بابتسامه حزينه لا مش علشان كده انت بنتك دي انت مكنتش عايزها بس وافقت تخليها لما اكتشفت اني مش هخلف تاني بسبب رحمي اللي اتضر بسببك فحسيت بلذمب اهو
حاتم بصلها بصدمه واكمل انتي عرفتي ?
شهد بحده ودموع اه عرفت وكفاياك بقي اهتمام مالوش لازمه ومزيف ارجوك كفايه انا هخاف علي بنتي وههتم بيها كويس اوي وفعلا مش مسمحاك علي الحااله اللي وصلتني ليها
حاتم بدموع شهد انا اسف بس والله
شهد بماقطعه وحده اسف علي ايه ولا ايه يا حاتم واصلا كلمه اسف دي هتعمل ايه جواايا اصلا هو انت ينفع تجيب كوبايه وتكسرهااا لميت حته بعدين تحاول تلمها من تاني ?? اكيد لا ولو اتلمت وكنت صبور عمرها ابدا ماشكلها هيرجع زي الاول هتبقي مشوهه من الكسور وبصتله بوجع واكملت وانا قلبي شاف منك بما فيه الكفايه فا بجد سيبك مني يا حاتم واطلع برا حياتي ارجوك وروح شوف انت عايز تعمل اي بعيد عني
حاتم بتنهيده شهد ممكن تهدي وتسمعيني
شهد نامت واتغطت واكملت بدموع ممكن انت تخرج وملكش دعوه بيا دلوقتي ارجوك
حاتم بتنهيده طب اسمعيني
شهد بحده ودموع مش عااايزه اسمع حددد اطلع وسبني
حاتم نفخ بضيق ونزل
منه اتصدمت بشده وبصت لابراهيم واكملت بصدمه نعمم ابوك ازاي
ادم نزل من العربيه ووراه مالك اللي كان مستغرب اوي
ادم بصدمه بابا انت بتعمل ايه هنا
منه بستغراب ابوك !!!! ابوك ازاي يا ادم فهمني
ابراهيم بتوتر بعمل ايه يعني يا ادم بشتغل انت اللي بتعمل ايه هنا وجيت ليه
ادم غمض عنيه بوجع واكمل ده بيت منه يابابا وجيت اوصلها لانها تعبانه واظن ماما حكتلك عن منه
ابراهيم بتوتر اه حكتلي بس هي طلعت منه دي انا مكنتش اعرف ربنا يتمملك بخير يا حبيبي
مالك بضيق وحزن بابا ممكن يلا من هنا
ابراهيم في ايه يا مالك انت التاني انا هنا في شغلي عايزني امشي اروح فين
منه برفعه حاجب هو ده عمو ابراهيم يا ادم ?
ادم بصلها واكمل بتنهيده اه هو ده بابا اللي كنت بقولك
منه قاطعته واكملت بسخريه ده شكلي كنت هبله اوي علشان فضلت بحبك 4 سنين ومسألتش انت عايش فين ومين اهلك وعيلتك
مالك بصلها بصدمه واكمل منه انتي
ادم وهو مصدوم اكمل استني انت يا مالك وبصلها واكمل بصدمه ووجع اممم وانتي عايزه تعرفي ايه بقي يا منه
منه بحده بصراحه عمري ماتخيلت انك مستواك كده للدرجه دي انت ازاي متعرفنيش حاجه زي كده هو مش انا هعيش معاك ازاي تخبي عليا حقيقه مستواك
ادم اتصدم اوي واكمل بوجع ودموعه متجمعه علي احرف عنيه افندم ? يعني انتي اصلا فارق معاكي حته اني مش نفس مستواكي ? وضحك بسخريه واكمل هو اصلا في مين اغني من ابوكي في البلد كلها
منه بعصبيه علي الاقل يكون زي حاتم معاه يعيشني زي مانا بعيش او حد من اولاد رجال الاعمال انا وافقت اتجوزك وانت ابن دكتور سليم الشافعي المعروف واللي سيرته لسه لحد الان حلوه انما مش ابن ابراهيم البواب عندي
ادم ضربها بلقلم بقوه لدرجه وقعت علي الارض ومالك وابراهيم اتصدموا من كلامها اوي واكمل ادم بعصبيه وعنيه مليانه دموع البواب ده انضف منك انتي واهلك نفر نفر وهو اللي رباني وكبرني وخلاني الدكتور اللي حضرتك كنتي بتفتخري بيه من فتره ووقعتي في غرامه وبرغم ظروفه دي الا انه طلع دكاتره ورجاله وانتي يابنت الاكابر حبيتي ابن البواب بس خليني اقولك انا من انهارده فعلا مبقتش عايزك
مالك بصدمه ادم اهدي ده شيطان ودخل بينكم هي بس علشان انت كدبت عليها بس الموضوع
ادم قاطعه بعصبيه ودموع واكمل بسسس انت يا مااالك لو سمحت وبص لمنه واكمل بعصبيه ودموع انا كنت ممكن استحمل كلامك السخيف ده عني ومش هقول لا انما انك تتكلمي علي الراجل اللي انا عايش من خيره وبقيت دكتور بفضله بعد ربنا يبقي لااا والف لا مش هسمحلك
منه قامت واكملت بعصبيه وانت مين قالك بقي اني هفضل عايزاك بعد ماعرفت حقيقتك الزباله
ادم راح مسكها من حجابها جامد واكمل بعصبيه حقيقتي الزباله ?? ده والله مفيش زباله غيرك بس انا اللي كنت معمي وغبي
وهنا طلعت جيسي واتصدمت واكمت بس بس في ايه يا ادم
مالك شدها بحزن واكمل اهدي يا جيسي انتي علشان بطنك اقفي هنا علي جمب وراح يحاول يسلك بين منه وادم
ادم بعصبيه قولتلك اوعي يا مالك انت متشيلش عنها
منه بدموع اوعي سبني انت اتجننت يعني كداب وبجح وكمان بتمد ايدك عليااا
ادم سابها وفضل بصصلها بصدمه اكبر واكمل بوجع للدرجه دي يا منه للدرجه دي هان عليكي حب ماشين في الخمس سنين هان في لحظه وعلشان ايه ?? علشان الفلوس ??
منه بدموع علشان انت كداب مش عشان الفلوس
ادم بوجع اممم طب انا بردو مش عايزك بس انا معنديش الحاجه اللي اتكسف انك تعرفيها الحمدلله لا عمري مديت ايدي لحد ولا خدت حاجه من حد كل حاجه بجيبها بجيبها بتعبي الخاص الراجل اللي انتي شيفاه ده اكتر واحد بحبه في الدنيا وفخور انه ابويا
جيسي بصت لابراهيم بصدمه بس سكتت فاكمل ادم بدموع لانه برغم مرضه وتعبه عمره ما قالي كفايه يا ادم ومتكملش تعليم لا حقق وعده هو وماما ساميه لابويا وامي وعمره ما اشتكي وقالنا تعبت لا كان جبل عمره مايتهز ولا يميل طلعنا رجاله بحق وحقيقي عنده عزه نفس تخليه حتي ولاده ميرضاش يقبل منهم جنيه لعلاجه ويقول شيلوا فلوسكم بكره تشوفوا تحتاجوها وتتجوزوا وانا مكنتش اعرف انه شغال عندكم وكنتي هتشوفيه عادي في المستشفي بس انتي اللي مشيتي وحتي لو كنت اعرف عمري ما اقدر استعر منه ده انا اعيش احط جزمته فوق راسي طول العمر ده عمل اللي معملوش عمي وخالي اللي رموا وكل واحد سافر وشاف طريقه ورايح يوطي علي رجله
ابراهيم وقفه واكمل بدموع لالا يا حبيبي متعملش كده انت ابني يا ادم متقولش كده يا حبيبي انا معملتش معاك جميله بس انا فعلا مقدرش اعيش من غيرك
ادم بدمع ووجع حضنه واكمل بدموع لا يابابا انت عملت وعملت اللي محدش عمله في حياتي كلها انا اتصدمت فكل اللي اعرفهم في حياتي وبص لمنه واكمل بوجع حتي اللي قولت عنها حته مني ومراتي .. وتنهد بوجع واكمل عموما انا مش بررلك علشان حاجه انا بررت علشان فعليا مفيش حاجه اتكسف منها امي وانتي شوفيتها ست طيبه وحبيتك اوي وعايشين في بيت كبير هنا في القاهره انا وهي وبابا ومالك وحقيقي ظروفنا الماديه متجيش جمبكم حاجه انا بس محبتش احسسك اني قليل في نظرك استنيت اعمل اسم بشهادتي واعيشك نفس مستواكي وده االلي قولته لابوكي بس اديكي عرفتي كل حاجه واعتقد اسالتك كلها اتجاوب عليها وبردو انا مش عايزك يا منه ورايح يمشي وقفته منه واكملت بسخريه وانت فكرك بعد كل اللي عرفته ده نا االي كنت هاجي اقولك انا اسفه يا ادم حقك عليا كنت فاهمه غلط ده انتوا عيله جميله ومترابطه وقدروا اهلك يكبروك كده في عز فقرهم لا انسي مش منه كمال الشريف بص لنفسك ومستواك وبص للي انت كنت عايز تتجوزها ده انت ابوك شغال عندنا عايز بكره عيالي لما يجوا هنا يقولوا ايه جدو ابو بابا هيفتحلنا الباب
جيسي شهقت واكملت بصدمه ودموع منه انتي بتقولي ايه
ادم راح ناحيتها وضربها قلم اقوي من الاول ومسكها من طرحتها واكمل بعصبيه قولتلك وهقولك انتي كلك علي بعضك بكلامك مبقتيش تفرقيلي بس ابويا ده جزمته فوقك انتي واهلك يا زباله اياااكي ابدااا تجيبي سيرته علي لسانك القذر ده انتي فاااهمه فعلا يا منه فعلا انا عايز اشكرك واكمل بدموع وعصبيه خلتيني اتغير من اللحظه دي 180 درجه خلتيني اقتنع اني كنت مغفل طول اافتره اللي فاتت مش علشان صدقت انك فعلا بنت مفيش منها ومتواضعه وبتحبيني انا وبس ومش فارق معاكي حاجه غيري لا علشان انا لسه لحد دلوقتي حاسس اني واقف قصاد واحده انا معرفهاش مستني منك تقوليلي كان هزار او مقلب او غيره وساب حجابها واكمل بوجع ودموع انما لالا مش انتي منه اللي حبيتها مش قادر اصدق ان الكلام ده يطلع منك انتي مش قادر ومش هعتبره حب زياده مني علي قد ما هعتبر اني غبي غبي اوي لاول مره افشل في فهمي لشخص وثقتي فيه تتطلع مش في محلها لاول مره احس ان اني كنت 4 سنين بضيع وقت وطاقه ومشاعر ومخدوع وبيضحك عليا ولحد دلوقتي فعليا لسه مقابلتش اللي تحبني بجد وضحك بسخريه واكمل بوجع واضح في عنيه باباكي طلع يعرفك اكتر مني قاالي بنتي متعيش في شقه بنتي عايزه فيلا بنتي متعوده علي الوسع بنتي تصرف مرتبك ده في 10 ساعات وانا وقفت مش هقول بكل ثقه لان خلاص طلعت مغفل فهقول وقفت بكل غباء قولتله منه عارفه ومش عايزه غيري وهتشوف اني هاخدها يعني هاخدها يا كمال بيه ودموعه نزلت واكمل بس صدقيني مش بلومك انتي حقك بنت حلوه وصغيره وخوفتي من الفقر انتي مش هتقدري تعيشي اقل من عيشتك انتي صح بس انا كنت بتعب لاجل اجبلك كل اللي بتتمنيه زي مانتي متعوده انا قلبي واجعني اوي وحاسس اني خدت طعنه من اكتر حد كنت بحبه وبشكيله واترمي في حضنه يعني كنت بهرب ليكي من الاذي فأذتيني انتي وبدم بارد وتنهد بوجع واكمل بس شكرااا شكرا 100 مره عارفه ليه شكراا علشان غيرتي وجهه نظري في الحياه يا منه شكراا علشان عرفتيني ان ممكن جداا اخويا انهارده يبقي عدوي بكره وان صاحبي دلوقتي يطعني بعدين بس كل ده مكنش هيفرقلي قدك كل دول بديلهم حب وبتخدع انما انتي الوحيده اللي اديتك كياني وقلبي وكل ما فيا حبيتك لدرجه بحس بخنقتك وقلبي بيوجعني زيك كنت بقف كل يوم الفجر ادعي تكوني نصيبي وام ولادي كنتي تقوليلي طول منتا شاري يا ادم انا هحارب وراضيه بأي حاجه المهم اني هنام في حضنك كنتي تعيطي وتقوليلي انا تعبت هتيجي تاخدني امتي يا ادم بقي نفسي انام واصحي معاك كل يوم من غير خوف كنت كل ما نروح فرح حد من صحابك او صحابي ابص في عنيكي واقولك عقبالنا والاقي منك ابتسامه مليانه فرح وحب وتقوليلي بدعي بكده كل يوم بس انا طلعت مغفل كبير اوي واكبر مغفل لان الحب طلع اكبر من كلامك الحلو ووقفتك جمبي وعياطك في حضني وتشاركيني يومك وتسمعي كلامي و اوحشك لا الحب اكبر من كل ده واول بند مهم فيه ان مش بيتبني علي شرط معين مالك اهو حب جيسي علي الرغم من ااكلام اللي بيتقال عنها في الجامعه وانها بنت هاي ولبسها مش محتشم حبها من غير شرط يحبها علشانه حبها بقلبه برغم كل عيوبها بس انا مش زعلان عارفه ليه لان رغم تجاربى البسيطه في الحياة بس كانت كلها وجع اكتشفت ان ربنا ميرضليش بقلب مش شبهي سواء صاحب او حبيب حتى لو انا راضى بيه هو ميرضليش بالقليل ابدااا وانتي طلعتي قليله اوي و فاضيه من جوه يا منه فاضيه اوي وبقولها من قلبي ندمان اني ضيعت سنين من حياتي بحبك بجد
منه بدموع وانا زيك بلظبط ندمانه اوي يا ادم انا يمكن حبيتك بس بحب نفسي اكتر واعتبر ااه مش الحب اللي في خيالك لاني فعلا مش هقدر اعيش اقل من مستوي اهلي وانت اكيد عرفت فيها بنت كمال الشريف وغنيه بقي حبيتني
ادم ضحك بسخريه واكمل بوجع ياااه للدرجه دي طب غبيه وطلعتي مش بتعرفي تحبي وقولنا ماشي انما حتي طول االسنين دي معرفتيش شخصيتي اناا عمري ما خدت منك جنيه ولا دلوقتي ولا كنت هعملها بعدين انا ابويا كان بيموت ومردتش اخد منك بردو ولا جنيه بس معلش يمكن انا فقير فلوس انما انتي فقيره في قلبك وعقلك ولا بتعرفي تحبي ولا بتعرفي تفكري وطلعتي وطماعه اوي وكلك غدر وكل حاجه بينا هنهيا خلاص متقلقيش وبكره تشوفيني مع اللي بتحبني بجد وساعتها هتتمني تكوني مكانها ومش هعبرك يا منه مهما تعملي ساعتها مش هبص ورايا تاني
حاتم دخل واكمل بضحك الله الله هو انت هنا يا دوما مالك بتزعق لاميرتي الحلوه كده ليه
ادم بصله بسخريه فاكملت منه سيبك منه يا حاتم ده ابوه طلع البواب بتاعنا وجاي يقول كلام غريب كده عن الحب .. حب ايييه اللي من غير فلوس لو مشيت وراك كلامك هنموت من الجوع
ادم ضربها بلقلم بقوه واكمل بعصبيه غوري في ستين داهيه مش عايزك انما قولتلك سيره ابويا متجيش علي لسانك يا زباااله
حاتم بعصبيه انت اتجننت انت ازاي تضربها كده ورايح يمسك فيه منه وقفته واكملت بس يا حبيبي بس متضربش حد لايروح يبلغ عنك وتدفعله فلوس علشان يرضي يتنازل مش ناقصين المستوي ده يطلع منه اي حاجه علشان الفلوس
ادم اتصدم بشده وقلبه وجعه لدرجه كبيره وبصلها بدموع واكمل بصوت متقطع حبيبك !!!!! وضحك بدموع ووجع واكمل بجد حاتم بقي حبيبك !!!!! وفضل يضحك بسخريه وعنيه مليانه دموع
جيسي بدموع راحت حضنته واكملت حقك عليا انا يا ادم وفضلت تعيط واكملت متعيطش علشان حد دي متستاهلكش ومسحت دموعه وبصت لمنه واكملت بعصبيه ودموع اختك ماتت من انهارده انتي فاهمه
ادم طبطب علي ضهرها واكمل بدموع انتي ملكيش ذمب يا جيسي انا مبسوط ان مفرقش معاكي حاجه ناحيه مالك ووالله هو بيحبك اوي
جيسي بدموع عارفه والله ومحدش اختار اهله وانت اهلك طلعوكم رجاله صح ظروفكم الماديه مش حاجه تعيب ابداا
منه بضحك مبقاش الا انتي تعملي نفسك طيبه ومش فارق معاكي المستوي يالهوي علي النفاق بجد بس يلا في ستين داهيه موتي .. موتي
ادم رايح ناحيتها بعصبيه فاستخبت ورا حاتم
حاتم بحده احترم نفسك وارجع ورا اظن مبقاش في بينكم حاجه دلوقتي ولا ايه يا منه
ادم بسخريه وعنيه مليانه دموع اكمل يااااه للدرجه دي بتستخبي مني انا فحاتم ياامنه !!!! وضحك بدموع
منه جات وقفت جمبه واكملت بابتسامه اه كده مبقاش في بينا حاجه
ادم بصلها باحتقار ووجع وهز راسه بيأس ورايح يمشي
وقفه حاتم واكمل استني مش عايز تشوف زي اللقطه اللي انت وريتهااني في المستشفي
كلهم اتصدموا ورايح حاتم يقرب لمنه مسكه ادم بعصبيه واكمل بعصبيه لا ياروح امك متقدرش تعملها انسي الكلام ده
حاتم بضحك وانت مال اهلك مش علاقتكم انتهت وهي قالت اني حبيبها
ادم بعصبيه لا علاقتنا منتهتش كليااا لما تنتهي كليااا تبقي تعمل اللي تعمله انما دلوقتي لا ده انا اكسرها تحت رجلي لو فكرت تقرب لراجل غريب الفتره دي وبس وبعدها في ستين داهيه تعمل اللي تعمله وضحك بسخريه واكمل بس انت مخدوع اوي يا حاتم بردو وهيضحك عليك تعرف ليه علشان اقسم بالله اللي انت عايزه من منه مش هتلاقيه
حاتم ضحك بسخريه واكمل اللي انا عايزه عملته خلاص روح شوف انت بقي هتعمل ايه دلوقتي علشان تداري كسفتك قدامي لما قولتلي في المستشفي حاجه كده هي ايه يا حاتم هي ايه ااه افتكرت انك خدتها خلاص ضحك واكمل ساعتها قولتلك شوف مين هيضحك في الاخر وانهارده اهو مكنش بعيد يلا بقي ورينا عرض كتافك يا ابن البواب وقتك خلص وفيلا الشريف للاكابر بس
ادم ضربه بلبوكس وقعه بقوه واكمل بعصبيه سيرت ابويا متجيش علي لسان وسخ منكم انتوا الاتنين فااااهمين
جيسي بحده انتوا بجد مريضين نفسيااا ايه اللي بتقولوه ده انا مش هقعدلكم فيها مالك انا عايزه اجي معاك
مالك بدموع ووجع من اجل اخوه اكمل انا معيش بيت دلوقتي يا جيسي استني شويه وهحاول هاجي اخدك قبل الشهرين
جيسي بحده لا هنطلع علي المـأذون وهاجي معاك دلوقتي وهنقعد في اوضتك وبراحتك هات اابيت
حاتم بضحك الله الله هو السحر اتفك من منه لبس فيكي يا جيسي ولا ايه هتتجوزي ازاي يا حلوه من غير وكيل بقي ولا انتي ملقتيش حد يربيكي
جيسي بحده ملكش دعوه انا مش قاصر
ادم انا هبقي وكيلها فجيسي بصتله بحب ودموع واكملت شكراا بجد
ادم باس جبينها واكمل ده انا اللي بشكرك ويلا بسرعه لمي هدومك ويلا
وفعلا جيسي طلعت لمت هدومها وهدوم مالك اللي كانت معاها ولبست بنطلون بوي فريند وبلوزه ونزلت
حاتم بعصبيه استني عندك ابوكي لما يجي هنقوله ايه
جيسي بدموع قوله جيسي حامل في ابن مالك وغصب عنك هتتجوزه
ابراهيم بصدمه اييه حامل في ابن مين وبص لمالك واكمل بعصبيه انت عملت كددده
مالك بحزن بابا والله غصب عني
ابراهيم ضربه بلقلم واكمل بعصبيه غصب عنك يعني ايه يا حيوااان ابني انا يعمل كددده دي تربيتي ليك يااا ماالك
جيسي بدموع عمه هو فعلا غصب عنه هنقول لحضرتك بعدين
ادم بتنهيده بابا فعلا مالك مظلوم انا هقولك بيني وبينك كل الحوار
حاتم اتصدم واكمل بعصبيه انتي بتقولي ايه يا حيوانه انتي حامل ازاي يعني ورايح يضربها بلقلم مالك مسكه واكمل بحده مسمحلكيش ابعد ايدك دي كده ورماها بعيد واكمل بحده قالت اللي انت سمعته غلطنا وحامل في ابني فاهتجوزها
حاتم بصدمه انتي ازاي تعملي كده يا جيسي انتي يطلع منك كل ده ومسك مالك من هدومه واكمل بعصبيه ده انا هوديك في ستين داهيه ازاي يا زباله انت تتجرا وتقرب لبنت عمي
ادم مسكه زقه بعيد عن اخوه واكمل بحده ايدك الوسخه دي متتمدش علي اخويا يا حيوان
منه بتنهيده حاتم مالك كان متخدر وغصب عنه لما حصل بينهم كده سيبهم يتجوزورا علشان ابنهم ولما يجي بابا خلاص لازم يعرف
مالك بحده مطلبتش رايك يا منه هانم انا كده كده هتجوزها
كمال بحده من وراه تتجوز مين يا حيوان انت
ابراهيم اتصدم من وجوده
مالك وقف قدامه واكمل هتجوز بنتك وغصب عنك هتجوزهاني عارف هتجوزها لمين لابن البواب اللي من الصبح انت وبنتك بتهينوا في عياله
كمال اتصدم واكمل نعمم انت ابن ابراهيم
ادم بحده اه ده اخويا ومنه عندك خليهالك انما جيسي هتيجي معانا
كمال بعصبيه ده انا اوديكم في 60 داهيه جيسي مين اللي تيجي معاكم بنتي ااناااا تتجوز ابن بواب انتوا عايزيني اتفضح اتجننتوا ولا ايييه
ادم بعصبيه احترم نفسك وانت بتتكلم ومن انهارده ابويا مش هيشتغل عند حد وبنتك هتتجوز اخويا وده مش بمزاجك
كمال بعصبيه مستحييل انتوا عايزين الجرايد تكتب ايه غور يا ابراهيم من هنا وخد عيالك معاك علشان قسمااا عظماااا انا ممكن اتصرف تصرف مش هيعجبكم عايزين الصحافه تكتب بنت رجل الاعمال تتزوج من ابن البواب ليييه انشاء الله
جيسي وقفت قدامه واكملت بدموع مش احسن مايكتبوا بنت رجل الاعمال حامل من نفس الشخص ده بس من غير جواز وساعتها هتبقي فصيحه صح
كمال ضربها بلقلم بقوه واكمل.بعصبيه انتي بتقولي ايييه يا وس*ه انتيييي حااامل ازاي ومن ميين انتي اتجننتييي.
مالك شد جيسي اللي بتعيط لحضنه واكمل بحده انت ازاي تمد ايدك عليها يا عم انت
كمال بعصبيه ده انتوا ليله ابوكوا سودا اعتديت علي بنتي علشان تلوي دراعي وتتجوزها يا زباااله
جيسي بعياط صدقني هيبقي احسنلك من الفضيحه انا عارفه كده كده انك بتخاف علي اسمك اكتر مني انا ومنه فابلاش دور الاب المثالي ده
كمال بعصبيه انتي بتقولي اييه انتي عبيطه ولا جراااا لدماغك حااااجه
منه بحده بابا هي صح انت بتخاف من الفضيحه اكتر فسيبهم يشوفوا حياتهم وكده كده عم ابراهيم ساب الشغل ولا فيها بواب ولا نيله اتجوزت واحد عادي سيبهم من فضلك انا وانت عارفين انك مش قد اافضيحه دي وان لو اتعرفت سمعتك هتضر في السوق
كمال بص لجيسي بحده واكمل بعصبيه حلو اللي عملتيه ده يا جيسييي كده تكسري ضهري وثقتي فيكي
ادم بحده كمال بيه بنتك معملتش حاجه غلط مالك كان متخدر وغلط معاها غصب عنه بنتك ضحيه واحنا قولنا هنجوزهاله خلاص خلصت
كمال بحده شهرين وبنتي ترجعلي وهجوزها سيد سيده
مالك ضحك بسخريه واكمل ده لو طلقت بقي وبص لجيسي واكمل يلا وشال شطنتها
ادم وقف قدام كمال واكمل بوجع واضح في صوته كنت عايز اقولك انك طلعت بتفهم اكتر مني وابتسم والدموع في عنيه واكمل وعارف تربيتك كويس وبنتك وفعلا اهي مستحملتش الفقر وبص لمنه بوجع اللي حطت عنيها في الارض واكمل واختارت اللي شبهاا .. لاول مره في حياتي بعلن خسارتي واني بسيب الحرب بدري اوي كسبت يا كمال بيه ومطولتش علشان تكسب كمان حقيقي برافو طلعت عارف تربيتك وقد كلامك وعنيه دمعت واكمل وفوقتني اوي انت وبنتك خدت قلم لو عشت عمري كله اتوجع مش هيبقي زيه واتذليت صح قدامك وقدام حاتم وبص لمنه واكمل بوجع بنتك عندك عن اذنكم يلا يا بابا
وطلعوا كلهم من اافيلا
منه عنيها دمعت فاكمل كمال بابتسامه جدعه بنتي بحق وحقيقي فرحتي ابوكي واتعصب واكمل مش الحيوانه التانيه دي بس صبرها علياااا بنت الكلب دي اللي راحت اتجوزت كلب ولا يسوي
حااتم بحده بنتك حطت راسنا في الارض وصغرتنا اوي قصاد ناس ملهاش قيمه
كمال بحده عارف وهربيها بس الصبررر وبص لمنه واكمل اجهزي خطوبتك انتي وحاتم بكره خلاص
حاتم اتصدم وميعرفش ليه لما لقي الموضوع قلب جد وانه هيخطب منه حس بخوف ووجع وفكر اول حاجه في شهد
ومنه اتصدمت ووقفت زي الصنم متكلمتش
كمال وهو طالع انا هعرف الصحافه علشان المعازيم جهزوا نفسكم
عند تاليا وعمرر
تاليا عمر يلا يا حبيبي جهزت الاكل اهو
عمر طلع واكمل بحب تسلم ايدك يا قلبي
تاليا فتحت ااشاشه واكملت وهي بتقعد جمبه الله يسلمك يا حبيبي
عمر بحزن بتتعقد مع ادم اوي
تاليا بستغراب ليه مش ابوها وافق يشوفه
عمر بتنهيده ابوها ده حيوان رفضه يابنتي وهو راجع من عنده كلمني وبيقولي ااهانه اوي
تاليا بستغراب وهو يهينه ليه يعني
عمر بتنيهيده تاليا ادم مش نفس مستوايا ولا مستوي منه ادم ظروفه الماديه صعبه نوعا ما ومنه متعرفش لسه حقيقه مستواه وعلشان كده معرفش يعمل عمليه ابوه مش علشان فلوسه واقفه زي منا قولت
تاليا اااه فهمتك طب وايه المشكله منه اختي وانا عارفها لو هتعيش مع ادم في عشه هتعملها وخلاص طلما ابوها رفض تعمل الخطه اللي قولناها بقي وتقف قصاده وتروح مع ادم ويبنوا حياتهم سوا عادي ادم دكتور وهيوصل يا عمر هي بس تقف جمبه
عمر بابتسامه انا والله قولتله كده وهو الحمدلله موضوعه اسهل من مالك
تاليا بتنهيده ااه بجد الله يكون في عونه. منه حاكتلي ويجمعه بجيسي علي خير يارب
عمر بحب يارب
تاليا بس سؤال يا عمر هو ليه ادم معرفش منه الحقيقه من زمان
عمر بتنهيده ادم عارف انه هينجح وهيوصل محبش يحس انه قليل في نظرها وكمان عمرها ماطلبت حاجه غير وجبها ليها مش مهم ازاي بس فعلا مش مخليها عاوزه حاجه وجابلها شقه علي النيل ولا اجمل وواسعه اوي وجامده بس عاملها مفاجاه فاهو حب انه يكبر اهون من انه يقول لحبيبته انا فقير
تاليا بابتسامه اااه فاهمه وحاسه بيه و ادم بجد شخص ناجح وطموح وبيحب منه اوي ربنا يحميهم لبعض ومنه واثقه هتقف جمبه وقريب اوي كمان هنشوفهم سوا علني خلاص
عمر بحب يارب بجد يا تاليا
عند المأذون ادم قاعد وقدامه مالك وبيعملوا طقوس الزواج المعروفه ومضت جيسي ومالك
وذياد كان واقف معاهم ومضي هو وابراهيم من الشهود وصافي واقفه جمب جيسي ومبسوطه ليها اوي وتم كتب الكتاب بانهاء المأذون وقوله كلمته الشهيره بارك الله لكم وبارك عليكما وجمع بينكما في خير وهنا صافي زغرطت بفرح لصاحبتهاا ومالك قام حضن جيسي بفرح واكمل بحب وهمس وهو حاضنها مبروك يا حبيبتي
جيسي بابتسامه الله يبارك فيك يارب
مالك باس جبينها بحب واكمل مبقتش عاوز حاجه تاني خلاص ربنا يخليكي ليا يا نورعيني
صافي بضحك ماخلاص يا عم روميو عرفنا انك واقع
ادم ابتسم واكمل بحب الف مليون مبروك يا حبيبي وعقبال مانشوف حبيب عمو علي خير
جيسي برفعه حاجب حبيب عمو هاا وشغال بس اختي اختي
ادم ضحك واكمل بحب ولا تزعلي ياست البنات وحبيب خالو
جيسي بحب ربنا يخليك لينا يا دوما يارب وشكرا بجد لوقفتك جمبي كانك من اهلي
ادم باس جبينها واكمل بحب ويخليكي لينا يا مرات اخويا ومتقوليش كده ده واجبي ربنا يعلم غلاوتك عندي بجد وبص لمالك واكمل في عنيك
مالك بحب متقلقش دي في قلبي
ذياد بفرح اخيرا يا راجل هتبطل زن علي اهلي في سيرتها كل يوم جيسي جيسي بقيت مراتك اهو
جيسي ابتسمت بخجل واكمل مالك بضحك يابني عيب كده خلي اخوك يبان تقيل
صافي بضحك تقيل مين اسالها كده من ساعه ماشوفتك بتسندها قولتلها هو ده اللي بيبعت الورد
ذياد بضحك بتحسي اكتر من صاحبتك
صافي بضحك لا صاحبتي دي لوح تلج
جيسي بضحك ماشي يا مهزقه تشكري
ابراهيم بحب طيب يلا يا ولاد علشان نمشي
صافي هروح انا بقي وحضنتها واكملت مليون مبروك يا قلبي
جيسي بحب الله يبارك فيكي عقبالك يارب
ذياد تعالي اروحك يا صافي يلا
صافي بابتسامه مش عايزه اتعبك شكرا
ادم بصلهم واكمل لا يا صافي خليه يروحك مينفعش تروحي لوحدك انتي حتي مجتيش بعربيتك
صافي ابتسمت واكملت مش عايزه اتعبه
ذياد بضحك ياستي هو انا اشتكيتلك يلا بس
صافي بابتسامه حاضر يلا وطلعت فذياد بص لادم واكمل بهمس تسلم يابرو
ادم بضحك عد الجمايل بس
مالك بضحك هو مقالكش حاجه انت عرفت منين
ذياد بضحك ده معلم ده زي ماعرف انك بتحب بردو من نفسه من غير ماتقول
مالك بضحك بس معرفش مين
ادم بابتسامه ده لانك مشوفتش جيسي ولا مره قدامي انما لو شوفتها قدامي هفهم نظرتك زي مافهمت نظره ذياد دلوقتي ويلا اجري بقي روح للجو
جيسي بضحك انت بتحب صاحبتي طب ايه رايك هفضحك
مالك بصلها واكمل بضحك بس يابت يا خباصه انتي ملناش دعوه
ذياد بضحك طيب ليه كده يا مرات اخويا ماخلينا حلوين مع بعض
جيسي بضحك خلاص مش هقولها صعبت عليا بس شد حيلك بقي
ذياد بضحك عنيا يلا باي مبروك يا لوكا هنرتاح منك بس متخديهوش مننا يا جوجو ها
جيسي بضحك لا متقلقش انت عوز تقابله بس وانا هرميهولك من فوق مش هسيبه ينزل علي السلم علشان ميضيعش وقت
ذياد بضحك بتعززك اووي
مالك بضحك منا عارف انت هتقولي يلا روح
ذياد بضحك باي
ادم بابتسامه يلا يا مالك علشان هتليل اوي كده
مالك بتنهيده انت كويس يا ادم
ادم بابتسامه حزينه اول مره اكون كويس زي دلوقتي وتنهد بوجع واكمل يلا علشان الجو ابتدي يبقي هوا ومراتك واقفه بنص كم
مالك بتنيهده يلا وطلعوا ركبوا عربيه جيسي ومالك اللي كان بيسوق وجيسي جمبه وورا ابوه وادم
جيسي بصت بحزن. علي.ادم من المرايه لقيته باصص للطريق وبيعيط بصمت فاتنهدت بحزن من اجله
ادم كان بيفتكر
فلااااش باااك
منه حطت ايديها علي وشه واكملت بدموع حبيبي انت كرامتك من كرامتي وانا مرداش ابدااا اي حد مهما كان يرفضك فعلشان كده عايزاك تستني شويه وكده كده منه لادم وبس انت عارف صح عارف ان منه مش ملك لحد غيرك ولالا
ادم حضنها واكمل بصوت موجوع عارف يا حبيبتي عارف بس تعبت من اني افضل مستخبي نفسي امسك ايديك ونمشي في الشارع وميمهمنيش حد يا منه حقيقي تعبت
منه بدموع هيحصل ياقلب منه والله هيحصل ولو فضل بابا معند راسه يبقي هو اللي اجبرني اتصرف تصرف مش هيعجبه بس اي كانت النتيجه هتستحمل يا ادم وتحاربه علشاني
ادم بحب وهو حاضنها اكمل ادم مستعد يحارب الدنيا كلها علشان تكوني معايا قدام اي حد مش ابوكي بس يا منه
منه بدموع حقيقي مش بحبك من فراغ يا كل دنيتي
بااااااك
ادم عينه دمعت غصب عنه وتنهد بوجع واكمل في سره ااااه اروح اشكي لمين وجعي منك يا منه وانا كنت بشتكي من وجع الدنيا كلها في حضنك
ليه تكسريني وتدمريني بلشكل ده ليه ده انا حبيتك اكتر من كل دنيتي يامنه انا حاسس اني في حلم ومش قادر اصدق ..
.يارب يطلع حلم يارب يطلع حلم بقي وفضلت دموعه تنزل بوجع من غير مايطلع اي صوت
في بيت شهد خدت شاور ولبست بيجامه قامت قعدت قدام الشاشه واللي هو وعمر وتاليا وساميه شافوه في نفس الوقت وكان كالتالي
المذيعه قرر رجل الاعمال المعروف كمال الشريف بعمل حفله خطوبه بنته الاكبر غداا علي ابن اخيه المهندس حاتم الشريف ودعي علي هذه الحفله كبار رجال الاعمال ليشاركوا فرحته ببنته البكر
شهد دموعها نزلت واكملت بصدمه ووجع اييه هيخطبها ????
عند عمر وتاليااا
تاليا بعياط اهدي ايه ياعمر انت مسمعتش
عمر وهو رافع الفون علي ودنه اكمل بحده بكلمه مش بيرد اهدي بقي
تاليا بعياط ازاي منه تعمل كده ازاااي تسمح لنفسها تتخطب لحاتم وتكسر ادم بلشكل ده
عمر بحده دي قله ادب انا لو مكان ادم كنت جبتها من شعرها
تاليا بدموع استني يا عمر نشوف الاول متظلمهاش ممكن غصب عنها ابوها اجبرها انت عارف بتموت في ادم ازاي
عمر وهو بيلبس اكمل بقلق لالا انا هروح لصاحبي مش هينفع اقعد وانتي خليكي انا هطمنك
ساميه لما سمعت وقعت منها كوبايه المايه اتكسرت واكملت بصدمه ودموعها متحجره هتتخطب !!! .. هتتخطب وكسرتك يا نورعيني اااه يابنت الكلب ياااازبااله الغدر فيكم وراااثه ولقيت الباب اتفتح ودخلوا كلهم
ساميه بحده ودموع كسررتك بنت كماال كسرررتك يا ادم بنت… بنت كلاب متستهلش حبك ليهااا
ادم حضنها وبقي يبكي بوجع وقهر واكمل ااااه يا ماما دمرتني مش كسرتني بس انا قلبي واجعني اووي اووي بجد
ساميه بعياط سلامه قلبك يانورعيني متقولش كده دي متستاهلش الكلمه دي وفضلت تطبطب عليه وتضمه ليها جامد
مالك بصدمه ماما انتي عرفتي منين
ساميه بدموع من الشاشه
ادم بستغراب وهو دموعه في عنيه الشاشه ازاي يعني خبر زي ده يتقال ليه
ساميه شاورت علي المكتوب علي الشاشه واكملت بدموع اقري ده كده
ادم ومالك وجيسي وابراهيم قروا وهنا ادم حس بسكينه في قلبه وكان هيقع سنده مالك بخوف
في فيلا الشريف تحديدا اوضه حاتم الباب خبط
حاتم كان قاعد قدام اللابتوب واكمل اادخل
منه بعصبيه ودموع اظن نفذت اتفاقي معاك وكسرت ادم وبعدته عني بلا رجعه مستحيل بعد اللي عملته فيه يحبني تاني وعيطت بوجع واكملت فاجيه دورك بقي تتصل برجالتك وقولهم محدش يفكر يقتل ادم زي ما كنت هتعمل
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حب غير مشروط)