رواية بسمة الفصل الرابع 4 بقلم شهد ياسر

رواية بسمة الفصل الرابع 4 بقلم شهد ياسر

رواية بسمة البارت الرابع

رواية بسمة الجزء الرابع

رواية بسمة الحلقة الرابعة

كنت قاعده فدرس وبعدين جت بنوته قعدت جمبي فرحت وقولت جوايا شكلك هيبقا عندك اصحاب ولأن انا مش اجتماعية قعدت اشجع فنفسي اني اكلمها واتعرف عليها لحد ما فالآخر اتشجعت وكلمتها
_ا..انتِ جج..جديده ؟
=ايوة دي تقريباً تاني حصة ليا.
ابتسمت وقولت
_ ا..اس..سمك ايه؟ انا..بب..بسمة.
ابتسمتلي وقالت
=وانا يسرا انتِ اسمك جميل علي فكرة يا بسمة وابتسامتك جميلة.
اتكسفت ووشي احمر وابتسمت بخجل
_ اا..انتِ اجمل.
ضحكتلي وسكتت وانا كنت فرحانه اوي لأن دي اول مرة اتكلم مع حد اول مرة اشوفه من فترة كبيرة ودا بسبب اني انطوائيه لأقصي الحدود وكمان عشان محدش بيحب يتكلم معايا لأني بتعثلم فالكلام ومعني اني اتعثلم اني اتهته فالكلام .
*مش معقول يسرا انتِ جيتِ عند المستر من امتي .
=من الحصة الي فاتت يا ناريمان .
*وحشتيني اوي يا بنتِ بجد ان…
بصتلي وبعدين بصتلها وكملت
*ايه ده قاعده جمب ام نص لسان دي ليه؟ خلي بالك لا تعديكي بقا .
ضحكت هي وصحابها وانا بصتلها وانا عيوني بدأت تلمع بالدموع وساكته وبعدين بصيت ليسرا .
فأتكلمت يسرا بأنفعال معاها
=ايه الي انتِ بتقوليه دا يا ناريمان عيب كدة ..فاتت سنتين وانتِ لسه متنمره وشايفه نفسك احسن الناس ، لا وكمان دا انتِ بتزيدي ما شاء اللَّه!

كانت لسه ناريمان هترد عليها بس المستر كان هيبدأ خلاص فراحوا قعدوا فمكانهم وانا ميلت علي يسرا
_ ش..شكراً .
بصتلي يسرا وابتسمتلي وبصت قدامها تاني بس انا شوفت فعنيها نظرة شفقه منها انا حفظت النظره دي من كتر ما بشوفها فعيون ناس كتير.
عدي ساعتين والحصة خلصت وكل واحد قام عشان يروح بيته بس لما طلعت من السنتر لقيت ناريمان وصحابها واقفين مستنيني يا اللَّه! شكلهم هيفضلو يتنمروا عليا زي العادة ، انا زهقت بجد هما مزهقوش !
وقفت قدامي ناريمان وبصتلي من تحت لفوق وقالتلي بسخرية..
*ايه يا سوسو عامله ايه واخبار لسانك الي عايز يتعدل دا ايه؟
رديت عليها وانا باصه فالأرض ومتوتره
_ كك..كويس ، ع..عن اذنك عشش..ان ع..ايزه اروح.
*طط..طيب
قلدتني ناريمان وهي بتضحك كنوع من السخريه مني وضحك اصحابها عليا
*يلا بقا قولي انا غبية ٣ مرات عشان اسيبك تروحي لبابا وماما يا شاطرة
=سبيها تروح يا ناريمان .
*اهلاً اهلاً بأستاذة يسرا الي بتدافع عن بسمة الي احنا يا حرام “بنتنمر عليها”وهي الطيبة وطبعاً احنا الشريرين الي فالنهاية هنحس بغلطنا والدنيا هتيجي عليها اما انتو فحياتكو هتبقا وردي .
=انتِ مريضة يا ناريمان بجد انا مشفقه عليكي يا بنتِ واللَّه ربنا يشفيكي .
ابتسمتلها ناريمان بأستفزاز
*يارب يا يويو
بصتلي وبعدين كملت
*يلا احنا ماشين يا يسرا اهو بس اخر حاجه بقا .
قربت ناريمان مني وميلت علي ودني وهي بصالي نظرة شر
*مش هسيبك يا بسمه غير لما تن*تحري.

• لقراءة الفصل التالي : اضغط هنا
• لقراءة باقي حلقات الرواية اضغط على (رواية بسمة)