رواية ملجأي وأماني الفصل الثاني 2 بقلم رقية محمد

رواية ملجأي وأماني الفصل الثاني 2 بقلم رقية محمد

رواية ملجأي وأماني البارت الثاني

رواية ملجأي وأماني الجزء الثاني

رواية ملجأي وأماني الحلقة الثانية

صحيت علي صوت خبط كبير ، قمت بخضه وفتحت وانا برجع ورا
في اييي
انا اسف والله اني خبطت بالطريقه دي بس صدقيني انا بقالي نص ساعه بخبط ومش بتفتحي وبقالك ١٢ ساعه نايمه انا قلقت عليكي اوي
بصيتله بصدمه : ١٢ ساعه!!!
شكلك بقالك كتير مش بتنامي
بصيت لمريم : مريم برضو بقالها ١٢ ساعه !!!
اه
بصيت باستغراب لاني دايما كنت بحطها علي السرير بدري وبتكون نايمه !
مريوم حبيبي اصحيي يا جميله ، يلا بقالك كتير نايمه
– صباح الخير يا مامي

صباح النور يا قلب مامي يلا نخرج بقي مع عمو حسام
_ ده انا مجهزلكم فطار ملوكي
بصيت لمريم وضحكنا إحنا الاتنين وخرجنا فطرنا لان دايما بحكيلها عن صحابي والمقربين مني وهي عارفه أنه مش بيعرف يطبخ اصلا .
بعد الفطار بصيت علي مريم بحب وهي بتلعب علي التليفون وانا قاعده مع حسام في البلكونه بنشرب الشاي بالنعناع
الي كنت بتمنى اشربه مع شريك حياتي ، كان نفسي في المشهد ده في حياتي مع عمر ، كان نفسي تكون مريم قاعده بتلعب وهي فرحانه وانا وعمر قاعدين في البلكونه بنهزر وبنشرب شاي بالنعناع ، يكون بيت لطيف ومليان دفئ
بس للاسف الواقع مُر بكتير
كانت كل يوم مريم في المدرسه ترجع تذاكر وتنام عشان ده بيبقي الروتين بتاعها
وانا بصحيها وبصحي اتعذب شويه علي حسب مزاجه وبعد كده بقوم اجهز الاكل وأكل قبل ما يجي انا ومريم وبعد كده انيمها وبعد كده يجي ياكل ويكمل تعذيب فيا شويه ، بس انا مش هعمل زي بقيت الروايات ، اتجلد واتهان واقول اصل بيحبني ، اصله مريض نفسي عشان وهو صغير جوز مامته كان بيفرجه علي ياسمين عز وهو صغير
فقت علي صوت حسام
اي يا بنتي مالك سرحانه في اي
لا مش سرحانه ولا حاجه
امم طيب ، بما إني حالياً محامي مش حسام ف أنا عايز اعرف تفاصيل لأن ده هيساعدنا كتير في القضيه
بلعت ريقي وانا بقول : كان بيضربني ويوصل كهرباء لمخي عشان أبان معنديش عقل عشان يكسب حضانه مريم ويثبت إني مش أمينه عليها
بصلي بشفقه اكتر نظره محبتش إن حد يبصهالي بعد كل الي مريت بيه .

خلاص متكمليش ، انا هعرف اتصرف ، اهم حاجه انا مش هعرف اسيبكم هنا لوحدكم تعالوا معايا المكتب
بصيتله بموافقه ودخلت لبست انا ومريم وخرجنا معاه
تشربي اي يا مريم
متشكره مش عايزه
ازاي يا مريوم ما تقولي ليها حاجه يا أمنيه
خلاص جيبلها عصير فراوله
تمام
عدي ساعه كامله وهو بيشتغل علي قضيتي بس مش راضي حتي يستقبل اي حد
بصلي بقلق وقال : امنيه إحنا لازم نتجوز
بصيتله بصدمه
انت متخلف انا متجوزه !
هو انتي كده كده هتخلعيه الموضوع مفهوش نقاش
بس بعد ما تخلعيه لازم نتجوز
بصتله بعصبيه : انت بتستغل الي حصلي !
مش بستغل والله ولا حاجه كل الموضوع أنه هيثبت عليكي قواضي كتير فـ عشان تقطعي كل الشكوك لازم تتجوزي بعد العده بساعه
بصيتله بخذلان : المفروض كنت فكرت قبل إما اجيلك واعرف انا باجي لمين هل هاجي لشخص كان بيحبني زمان واختار أنه يستغل الظروف ، مش واخد بالك إن الشخصيه الي قدامك مدمره ، مش واخد بالك إني كارهه كل الرجاله ، مش واخد بالك إن الوضع دلوقتي مختلف انا عندي طفله ، ياريت ما شفش وشك تاني بجد
بصتلي مريم بعياط : هو عمو حسام هو كمان بيضربك
قعدت علي الارض في مستواها وانا بقولها بدموع : عمو حسام كويس ، بس إحنا لازم نمشي ماشي
لا اناا عايزه اقعد مع عمو حسام

بصيتلها بحزن : مش انتي بتحبي ماما
بصيتلي بموافقه فكملت : انتي لازم تسمعي كلامها عشان هي كبيره وعارفه اي الصح واي الغلط
بصلي بمعارضة: لو كنتي عارفه اي الصح واي الغلط كنتي اختارتي من الاول صح ، مجبتيش طفله تعذبيها في الدنيا ، انتي حتي دلوقتي مش عارفه تختاري صح ، كده كده برضاكي أو غصب عنك لازم تتجوزي
بصيتله بمعارضة: وحضانه مريم ، إنت متعرفش إن شرعا وقانونا قالوا إن لو المرأه اتجوزت لازم الطفل يروح لوالده !
بصلي وكمل : هنعمل اي حاجه وكل حاجه هنخليه يتنازل عن قضيه الحضانه
مستحيل !
بصلي بمكر : هنشوف
هنشوف اي ده عايز يثبت إني مريضه عشان يكسب الحضانه
اصبري بس
بصيتله بخوف
عدي أسبوعين كاملين علي ميعاد اول جلسه خلع
جاهزه ؟
بصيتله بخوف : اه
خرجنا انا ومريم وحسام متجهين لقاعه محكمه الاسره
كلمه كبيره ومش سهله (محكمه الاسره ) الكلمه دي دايما بنصادفها في اي طلاق .. عشان الزوج يعند مع الزوجه … بس مينفعش تستسلمي
دخلنا المحكمه ونص ساعه ودخلنا القاعه
ده كله وانا عيني بتلف في المكان خوفاً منه خايفه يكون موجود ويشوفنيى
اي الهبل ده مهو هيشوفني جوا

دخلنا ولقيته دخل بعدي علطول
القاضي : قوليلي يا بنتي ، دي بنتك
بصيتله بقلق : اه مريم
بصلها بلطف وقال : احكيلي يا مدام أمينه ، ليه طالبه الخلع
بصيت علي الارض بدموع ورفعت راسي تاني وقولت : عمر مريض نفسي ، عندو جهاز كهربا في البيت ، عشان يثبت إني مريضه نفسياً ويكسب حضانه البنت ، اقسم بالله إنه مش امين ولا واحد في الميه علي البنت
بص لمريم : انتي عارفه إن بابا بيضرب ماما
: ايوا يا عمو ، دايما بسمع صوت ماما وهي بتصوت عشان بابا بيضربها ، وكانت بتحطني علي السرير عشان انام بدري وبعديها بشويه اسمع صويت ماما وصوت بابا بيزعق ، وكمان كنت كل يوم مابنمش عشان كنت بكون خايفه علي ماما ، لحد ما في مره اتسحبت براحه عشان اشوف ماما بتصوت لي ، لقيه بابا ماسك المقص وبيقص شعرها
بصيتلها بصدمه وافتكرت أنها نامت كتير معايا عشان برضو مكنتش بتنام
بصلي عمر بكره وزعق : كدب يا سياده القاضي محفظاها شويه كلمتين وخلاص
بصتلي مريم بخوف وعياط : خبيني بابا هيضربني

حضنتها بخوف وحسام جه جري علينا قعدنا علي الكراسي وقال : سياده القاضي ، زي ما حضرتك خدت أقوالهم ، اقدر اثبت إنه مش امين واحد في الميه علي الطفله ، ده غير إثباته أنه مريض نفسياً
بصله عمر بكره وحقد وهو لسه متعصب
_ فـ انا بتمني إن الخلع يتم في اقرب وقت ، وكمان حتي لو أمينه اتجوزت الطفله تفضل معاها عشان الطفله متعلقه جداً بالام
تم الخلع الحمد لله وثبت ليا كمان الحضانه
بصيتله بطمأنينه
خرج عمر من جنبنا وهو حرفيا هيموت دخل العربيه وخرج تاني خدت مريم في حضني
عمر وجه المسدس علي حسام

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ملجأي وأماني)