رواية التضحية الفصل الثاني والعشرون 22 بقلم آية حسن

رواية التضحية الفصل الثاني والعشرون 22 بقلم آية حسن

رواية التضحية البارت الثاني والعشرون

رواية التضحية الجزء الثاني والعشرون

رواية التضحية الحلقة الثانية والعشرون

اكرم صدق كلام رغد وتعاطف معاها، مهما كان هي اول حب بالنسبة ليه وفترة علاقتهم طويلة هلبا وكل يوم يتلاقو 😑
واللي زاد الموضوع هو خاله وليد اللي طبعا مايبيش شهد ويبي رغد لانه كان يبي اختها قعد يزن عليه يرجعلها 🙂
وليد: معرفة نت شن بادير بيها، وفوق منها واخد محلها ت وربي ح اذلك بيه فوتها مش ليك هادي اللي يقولولها شهد وحدة منحلة شوفها كيف تطلع وتخش وخدمة وقرايا 😠
رغد لعبتها صح بدت تتلاقى معاه واحضان وسهريات مع اكرم وهو عاد ماصدق 🔞😑🤭
بعتت في يوم من الايامات رسالة لشهد قالتلها: نبي حد في المحل، نتمنى تكوني انتي عندي عرس ونبي بروفا عندك😶
جت رغد للمحل وقعدت تتلصق علي اكرم ولقطات مش لايقةمعاه وهو ضعف قدامها 🤭🔞
علي جية شهد، نزلت من سيارتها في يدها طاسة قهوتها لما شافت المنظر انصدمت وسمعاته يقوللها نحبك رغودتي 💔
طاحت منها طاسة القهوة وهني اكرم انتبه، ومعش عرف شن يدير، غريبة جية شهد توا،😧😧
رغد زي الغبية كأنها مش دايرة شي ساكتة وشادة يده🐍😉
شهد نزلت دمعتها وركبت سيارتها وطلعت بيها تجري لحوش ندى 💔😔

لقت نوري وندى راقدة، شهد من شدت كسرها حضنت نوري وقعدت تبكي 😭😭
نوري حضنها بكل نية صافية وندى ناضت تجري انصدمت لما شافتها هكي😧😧
ندى: خيرك شهودي شن صاير معاك؟ خيرك تبكي قوليلي😢
شهد: يخون فيا، باسها قدامي، وحدة منعرفهاش، لكن سمعته يقوللها رغد، رجعلها الحقير بعد اللي درتهوله كله 💔
نوري: امسحي دموعك مايستاهلش منك ولادمعة ياغالية🥺
ناضت شهد خشت للحمام بتغسل وجهها، اكرم يتصل بيها😠
نوري: سبق وحذرتك من اللحظة هادي وانت مسكر راسك، تمام يا اكرم مزال تتصل تعرف مصيرك كويس راهو🤬😡
ندى: وربي اخر مرة شفتها منهارة هكي لما مات عبدو، حرفيا مدمرة شهد كيف حلها توا؟ 🥺💔
نوري: شهد طيبة وربي اكيد معاها، وحني مش ح نخلوها💕
طلعت شهد من الحمام (حاشاكم) وعيونها كانو مخوخات💔
شهد: نوري، كلمه قوله يطلع من المحل ومن حياتي واعطيه حقه وزيادة اهم شي ما يلوتش مكان عبدو وذكراياتي الحلوة اللي في المحل مع المرحوم اني شريت المحل بش نحافظ علي احلى ايام عمري 😔💔🦋
مشي نوري للمحل طلع اكرم وعطاه حقه وكل مايبي وسكر المحل، روح لشهد عطاها المفتاح وكأن شيئا لم يكن 🥺💔
شهد: خليه عندك المفتاح وانت تكفل بيه المحل اجره علي نفس السعر اللي متفقين عليه اني مستحيل نخش للمحل تاني الفترة هادي بنقعد مع بريق توا 💔🦋
روحت شهد حكت لامها كل شي، كانت اول مرة تصارحها🥺
شهد: لقيت روحي خاشة في موضوع مش من مستواي ك مهندسة اني عييت، وخايفة يرجع قلبي يتازم، اني مش مكسورة علي خاطره، لابالعكس اني فرحانة اني سيبته قبل ما يفوت الاوان، قبل مرحلة الندم اللي عمري والحمد لله ما وصلتلهاش، اني سكرت المحل وعطيت المفتاح لندى، بنخدم في محل بريق معاها لين يطلعو نتايج السيم هدا اللي ماباش يتم، وبعدين عندي موضوع تاني لو صار منه نقوللكم عليه توا لا، وهدا هو الموضوع كله ي امي🥺💔🦋
امل: اني مش خايفة عليك لانك انتي عاقلة وتفكيرك مش حيقولك الا الصح ديما، ربي يريح قلبك يارب💕🥺
مر اسبوع وشهد مزال مصدومة لكن مش محسسة حد، قعدت شادة محل بريق طول الوقت لان بريق مزال عندها امتحانات كانت واخدة اجازة،💕
من شدة الحقارة بعد اسبوع من انفصالهم هي واكرم تجي رغد تاخد قفطان خطوبتها وتحجز فيلو عرسها لانه بعد شهر😱😲
شهد من داخل مدمرة لكن من برا عادية وباردة، كملت معاها عادي وكملتلها كل مايلزم القفطان والفيلو وكأن ماصاير شي قبلها 👌🏻💔
طلعت النتيحة والحمد بعد اللي صارها كله تفوقت ونجحت في السيم الاول، مشت للجامعة خدت ملفها صورت منه نسخة وكلمت ندى🥺🦋
شهد: انتي قاعدة في الحوش ولا؟ جاياتك توا نبيك 🦋
ندى: الحوش حوشك تعالي قاعدة اني شهودي🥺💜🤰🏻
حتى لو وضحت ل رغد انها قوية ومش هامها شي لكن مع ذلك شهد مكسورة خدت قرار ح يغير حياتها بالكامل👌🏻
وصلت لحوش ندى لقت نوري كيف مروح من الخدمة 🤍
شهد: اسفة عاللي صار المرة اللي فاتت قربت منك وهكي🥺
نوري: ع شنو بتتاسفي، انتي وخيتي ومافيش بيناتنا💜
ندى: مشالله جايين مع بعض، متفقين عليا؟ هات عليك 🤤

نوري: لا عمري اني توا ندخل الكيسات، شوية فواكه، هي شوية ونجيبلكم منه مدامه شهودة عندنا😂😍😍
شهد: نوري نعمة ي ندى، ربي يدومكم لبعض، كيف حالك وحال البيبي شن قالولك لما مشيتي؟ قداش عمره🥺🦋
ندى: الحمد لله والله تعبانة الحق لكن ماشي الحال، سمعنا صوت قلبه، تعرفي لين خفت من الصوت، توا عمره 12اسبوع بعني قريب 3شهور🥺🤰🏻
شهد: يقولو ان الصوت عالي وعميق، حليلي من حبيب خالته🤤🤤💜🦋
نوري: مصح وجهك حبيب خالته؟ حبيب عمته قولي🥲💜
ندى: تبصر صح! لينا 12سنه مع بعض وتقول خالته لا🥲🥲
شهد: مافيش فرق عادي، المهم خلوني نقوللكم شن مخططة، اني كملت السيم وطلعت النتيجة ونجحت الحمد لله، عندي خالي في كندا بعتتله ملفي وسجلني في جامعة كندا، اني مسافرة الاسبوع الجاي مافيش حد يعرف الا انتو، مانبيش نقعد هني حاليا، نبي نرتاح شوية وبعد مانكمل قرايتي ح نرجع، انتو اكتر ناس تعرف اني قداش حسيت💔
ندى: تبصري ولا؟ مش م تمشي وتخليني! كيف هكي🥺💔
نوري: عمري خليها، هدا احسن قرار تاخده في حياتها، هكي اريحلها صدقيني، معش تبكي باهي علاش توا هي💔
شهد: شكرا نوري، انت ديما فاهمني، ربي يحفظك🥺💜🦋
ندى: من بيقعد معاي اني ويحضر جيابي وياخد معاي حاجات البيبي ترا قوليلي؟ 😭💔
نوري: ندى خلاص عاد حتى شهد عندها حياة خاصة مش ديما تضحي علي خاكر غيرها، لو سمحتي خليها 💕😶
شهد: اني مسافرة مش ميتة، هي نستادنكم بنجهز اوراقي، عادي نوري تعاوني ولا؟ 🥺🦋
نوري: ادللي، اللي تبيه نديروه، عينك من روحك شهودة🤍
طلعت شهد ركبت سيارتها ومشت للبحر لمكانها هي وعبدو، الشتي ع الابواب كان الجو صقع، وقفت وقعدت تبكي 💔
ودعت المكان وتوكلت لحوشها قالت لامها وعيلتها وكالكل انصدمو من قرارها، لكن هادي رغبتها 💔🥺
بريق تاثرت هلبا من الموضوع خصوصا انها اقرب وحدة ل شهد ف اخر فترة، وتوا معش بتشوفها كلمت اكرم بتقوله🥺
بريق: ايوه اكرم مبروك الخطوبة، نبيك في موضوع مهم🥺
اكرم: يبارك فيك. لو علي شهد ننصحك ماتتكلميش هي حتى مكالمة ماخسرتهاش فيا ولا عبرتني لاشي فوتوني😠
بريق: اكرم الموضوع ضروري……حي سكر عليا 🥲💔
اكرم في باله ان شهد تبي تتاسف منه وتبيه يرجعلها وحتضعف قدامه، لكن انت غالط هلباا يا اكرم👌🏻🙂
اتصلت شهد ب اكرم وطبعا غدوة طيارتها 🥺✈️✈️
شهد: ايواه اكرم كيف حالك وشن اخبارك، مبروك الخطوبة، مشالله حتى العروسة طلعت قنينة الله يبارك💔💍
اكرم: الحمد لله، يبارك فيك. انتي جيتي ولا كيف؟ 🤔🤔

شهد: لاماجيتش، اني المسؤولة متع المحل اللي شرت منه القفطان ومستلزماتة، والفيلو هدية مني🥺💔🥲
اكرم: كيييف؟ شن وصلها ليك هي؟ والله ماتتحشم 😠😱
شهد: مش موضوعي، اني اتصلت بيك لحاجة تانية اصلا🥲
اكرم: اسف شهد علي موقف رغد، اني خطبتها لان هي ماعندها حد الا اني اما انتي الله يبارك قرايتك وخدمتك وسيارتك، ربي يبعتلك اللي خير مني ويصونك 🥺💔
شهد: وانت من قالك اني اتصلت بيك نبي نرجعلك؟ اطمن مش ح نعكر عليك حياتك ولا ندمرلك علاقتك ولا نضايقك، اني بنقولك ان اني مسافرة وطيارتي غدوة بس حبيت نودعلك ربي يهنيك باختيارك ياغالي عادي☺️☺️
اكرم: بتسافري! وين بتمشي؟ ولامتا بتقعدي؟ علاش بتسافري اساسا؟ 🥺💔
شهد بعياط: اني سالتك علاش خطبت؟ وعلاش اخترتها هي بدالي اني اللي حبيتك ولا عمري خنتك؟ مايخصنيش الموضوع ولا، اذا حتى انت لو سمحت ماتدخلش فيا هي سلامات وربي يهنيك في حياتك……نشوفك بخير💔💔
شهد اول مرة تتكلم بالاسلوب القاسي هدا في حياتها لدرجة انها بكت بعد ما سكرت الخط من كترة قسوتها،🥺💔
اكرم فاق علي روحه لكن متاخر، بدي يخبط ويعيط لكن شن الفايدة يا سيد اكرم، اتصل برغد وكالعادة بدي يهزب😑
اكرم: انتي كيف تمشي لمحلها وتاخدي منها؟ وتلبسي عندهم فوق منها، والفيلو برضو، وهدية ولاا😠😠
رغد: بش تعرف ان انت ليا اني بس مش ليها😒😒😒
اكرم: ريحي روحك ادوة مسافرة معش بتولي، ارتحتي؟ 😠
رغد: معاد ترجع انشالله، تستاهل ماقاللها حد تاخد حاجة ماتخصهاش، افتكينا منها ياقلبي🤤🤤🖤
مر يوم شهد وهيا تجهز في روحها وتودع في اقاربها، لين قريب المغرب تفكرت سعاد لازم ماتودعها قبل ماتمشي💔
شهد: عندي مشوار شوية ونجي، تمام ماما🥺🥺🤍
امل: ردي بالك علي روحك، وما تعطليش تمام؟ 🥺💔💔
طلعت شهد خدت هدية لسعاد كانت شال🧣ومشتلها 🦋
لقت العيلة كلها مهناش سعاد قاعدة بروحها خشت شهد هدرزت عليها وودعتها وباست يديها وطلعت 😢💔
روحت قعدت مع امها في حضنها رقدت وخداها النوم وامل تلعب بشعر شهد واجعتها بنتها، معقولة خيبة الامل تخليها تسيب بلاد وتمشي؟ 💔

اكرم الليل كله يشرب من كتر الصدمة، ورغد فاصلة ومحملة شهد مسؤولية كل شي كالعادة طبعا هي ووليد 😠😠
اذن الفجر، ناضت شهد لقت روحها راقدة في الصالون وامها مغطيتها ببطانية، ناضت صلت وقعدت تدعي ربي يوصلها بالسلامة، بعدين تفكرت حاجة ضرورية وقررت تطلع مع جو الساعة 8الصبح علما بان طيارتها ال10ونص 🥺💜🦋
مزال اخر مكان بتزوره شهد وبعدها باي باي يا ليبيا، وين زعما بتمشي؟ وكيف بتتعامل مع السفر؟ هدا اللي بنعرفوه في الحلقة التالتة والعشرين 🥀