رواية التضحية الفصل الثالث والعشرون 23 بقلم آية حسن

رواية التضحية الفصل الثالث والعشرون 23 بقلم آية حسن

رواية التضحية البارت الثالث والعشرون

رواية التضحية الجزء الثالث والعشرون

رواية التضحية الحلقة الثالثة والعشرون

عادل: راجل ليبي عايش في امريكا ليه حوالي 20سنة، حكيم وطيب عنده بنت وحدة وتقرا في المانيا مع امها ، كان ملجأ لكل من يبي ينسى ويحاول يتاقلم، عنده محل حلويات في كندا، ملجأ منو عادل؟ 💕
فراس: شاب امريكي، دكتور في اكبر مستشفى في كندا، حلو وقنين من اصول ليبية، لكن معقولة روايتنا توصل لامريكا؟ خليكم في المتابعة 💕
الحلقة التالتة وعشرين 🔥
بعد ساعتين طيارة شهد ودعت امها وطلعت من الحوش قبل الموعد، سكرت تليفونها وشرت غرسة فيها وردة بيضا وحدة 🌸🌱
ركبت سيارتها ومشت لحبيب قلبها “عبدو” زرعت الوردة و سقتها بالمية، قرت الفاتحة عليه وعيونها دموع تكلم فيه💔
شهد: من 4سنين وانت مخليني بروحي، صبرت لكن طفح الكيل، ليبيا منغيرك مش حلوة بالنسبة ليا، بنقولك ان قررت نمشي لامريكا لعل نعيش براحة، مانبيش ننساك لان انت شخص مايستحقش النسيان، انت قبل ماتموت اخر شخص كلمته كان اني، واني اخر شخص حنكلمه في ليبيا انت 💔
طلعت من المقبرة كلمت نوري رسايل لين وصل فيها حطها في المطار ومعاها بريق وهي ولا كلمة قاعدة علي وعدها مع عبدو 🥺
خشت شهد طول لان طيارتها قريب تركب، ومن جي ترا؟ اكرم لكن للاسف مالحقش عليها، شده نوري ضربه في نص المطار، جو الشرطة شدوهم الزوز، قعدو شوية في المركز بعدين طلعو لان مافيش شكوى 😠😠
بريق: كله بسببك شهد سيبتنا،كله بسبب طمعك وخيانتك💔
روح اكرم وجهه وفمه مضربين، طبعا رغد جارته طلعتله😱
رغد: خيرك من دار فيك هكي؟ منوو قولي 😱😲💔
اكرم: وراس امك بري خشي عليا داخل بري 😠😠

شهد ركبت الطيارة انفكت عقدة لسانها، كان مقعمز قدامها شاب واضح عليه امريكي من جواز السفر متاعه، توترت لان قعد يشوفلها وبعدين خافت من طلعت الطيارة ف بان عليها الخوف، جاها الشاب وتكلم معاها بالعربي، ت ليبي 😲🥲
شهد: انت ليبي؟ كنت نحسابك امريكي فهمني لو سمحت🥲
الولد: اني بوي ليبي مصراتي وامي امريكية، عشت في ليبيا لعمر 15سنة بعدين مشيت لامريكا كملت الطب بسرعة وتوا كنت في زيارة لاهل والدي وراجع لعيادتي في كندا 🤍
شهد: حلو، حتى اني ماشية ل كندا، معناها نقعد معاك لين نوصل، لو ماعندكش مانع يا ……عفوا شن اسمك🥲🥲
الولد: اسمي فراس وبالامريكي فرانس، عمري 26سنة، امي وبوي توفو في حادث سير في امريكا، قريت الطب وكملته وتوا الحمد لله دكتور جراحة، عادي اقعدي معاي لين توصلي لعيلتك، انتي بروحك؟ لمنو جاية؟🤔
شهد: لخالي اسمه (عادل) وبنكمل قرايتي هندسة 🦋
فراس: مشالله طموحة ي بنت بلادي، اسمك حلو ع فكرة💕
شهد: يحلي ايامك يارب، اني نخاف من الطيارة هلبا لحق🥲
فراس: ماتخافيش، انيمعاك واصلا معش مزال هلبا ونوصلو، حوالي 3ساعات بس، ارتاحي انتي ارقدي💕🌸
قعد فراس جنب شهد وهي خداها النوم غطاها لان كان صقع وخدالها صورة وهي راقدة منغير علمها ودسها، للامانة عجباته شهد قعد يتامل فيها لين خداه النوم حتى هو 🥀
مزال ساعة ويوصلو كندا صارت مطبات جوية، ناضت شهد مخلوعة وخايفة 🥺💔
فراس: هدي روحك شهد اني جنبك هدا مطب جوي بس💕
شهد خايفة لدرجة ان النفس هرب عليها، فراس تلفت لقي الركاب اجانب، حضن شهد🤍🥺
فراس: اني جنبك ، خودي نفس، خلاص قريب نوصلو🥺🤍
شهد ارتاحت لما حضنها بعدين باعدت عليه تحشمت🥲
شهد: شكرا توا احسن الحمد لله، قداش الساعة بتوقيت كندا توا؟ 🥲🦋
فراس: توا 3الفجر، اشربي امية وجهك اصفر🥺💔
شهد: اي ممكن لاني ماكليت شي من قبل مانركب الطيارة🦋
فراس: معقولة هكي، اول مانوصلو لازم تاكلي طول، واني عازمك علي فطور، هي وتي حاجاتك وصلنا هي🤤💚
وصلت الطيارة وفراس مهتم بشهد اهتمام فضيع، نزلها معاه شاد يدها، لان لو مادارش هكي الامريكان ح يطمعوا فيها☺️
حركته كانت عبارة علي ان شهد خطيبته قدام الناس السوء غادي، طبعا هو امريكي ليه الحق يطلع قبل الاجانب فكان الوضع ساهل معاه لشهد 🦋
خشو للمطار شهد مالقتش خالها: حي شكله نساني، الطيارة وصلت بكري هلبا المفروض الساعة 8مش5🤭🦋
فراس: عادي خليك معاي، اليوم احد عطلة، مرات راقد☺️
شهد: اني منعرفش نتعامل هني هلبااا الحق 🥲
فراس: التعامل هني صعب شوية مش زي ليبيا لكن شوية وقت وح تتعودي، عندك فلوس وانترنت؟ 🤔🥀
شهد: فلوس عندي شوية والباقي في حساب خالي، النت منعرفش كيف نظامه، بنكلم امي اهم شي بس 🥺💔🦋
فراس: مافيش اغلى من الام اصلا، عندي نت اني كلميها عندهم الساعة 9الصبح توا، اهو درتلك في هاتفك🤍
خدت شهد كلمت امها شوية وسكرت لانها بتبكي💔🥺

شهد: تعرف حتى خالو ماردش عليا، اني حتى عمارته بالتحديد منعرفهاش، كيف الحل توا؟ 🥲🦋
فراس: غر كولي وكله ساهل، وجهك اصفر ي بنت 🤍
كلو الزوز وقعدو للساعة 8الصبح، جي خالها واخييرااا🔥
عادل: شهودي، ياهلا نورتي كندا كلهاا بجيتك 🤤💜
شهد: خالو، منورة بيك ربي يحفظك، حقا نعرفك ع فراس رفيق السفر، ليبي عموما 🤤🦋
عادل: اهلا وسهلا بيك، وجهك مش غريب عليا والله😁
فراس: اهلين بيك استاذ عادل، ممكن متلاقيين صح💕
ودعت شهد فراس وخدت رقمه وشرت شفرة امريكية، بش يقعدو علي تواصل، وروحت مع خالها حكتله عاللي صار معاها وشن خلاها تسيب البلاد كلها وتهج💔🦋
عادل: الله يرحم من مات وحسبنا الله في اللي حي بس💔
شهد: احسن كلاام، اني نبي نقرا ونكمل اهم شي ي خالو🦋
عادل: الجامعة، عربية بشهادة معتمدة امريكية كويسة🤍
شهد: تمام حلو، لانيمش متمكنة كويس من اللغة 🦋
عادل: شهودي اني ماعندي حد هني الا انتي، ومحل الحلويات متاعي اللي تحت العمارة هدا لهوتي، خشي لدارك جهزتهالك وبعدين نوضي من النوم نطلعو نتفسحو شوية💕
شهد حضنت عادل: ربي يخليك ليا ياأحلى خال في الدنيا🦋
خشت شهد للدار لقتها بيضاء وموف اللون اللي تحبه🤍💜
فرحت وقعدت تتامل في السرير والمكتب، والروشن اللي يطل ع الشارع والمباني من فوق المنظر حلو والدار تحفة خصوصا ان الجو شتوي ومطر 🏙🌧🦋
رتبت حوايجها وواست شناطيها، خلت الدار جنة بعد ماشهد نورتها، حطت راسها ع المخدة طقطق الباب💕
شهد: تفضل خالو، كنت نرتب في حاجاتي وبضاعتي 🦋
عادل: شن رايك في الدار، قلت انك تحبيه اللون، عجبك؟
شهد: هلبا حلو، دار الاحلام هادي، الجو خيالي فيها🤤🤤
رقدت شهد ونوم عميق، نست ليبيا واللي فيها، ناضت لقت خالها مهناش، مزال خايفة من البلاد لانها جديدة عليها 🥲
كلماته ونزلت للمحل، طلعو غيرو جوهم ومشو للسينما لان في ليبيا زي مانعرفو مافيش🥲💔
مر الاسبوع الاول لشهد وهي ماتطلعش من دارها عاجبها المنظر في الدار ومن الروشن، وتاني شي البلاد غريبة، خافت من العنصرية، تكلم في فراس مرة مرة وهو في العيادة وهي في جنتها الصغيرة وفرحانة، سكرت الخط🦋
عادل: انزلي معاي للمحل تعلمي وقت نخدم في الشركة معش نسكره تقعدي انتي فيه🤍
شهد: علمني وانشالله نبيضلك وجهك🤤🤍
عادل: انتي من جمالك نلقاهم طابور قدام المحل، تعرفي تتكلمي ولا؟ اكيد تعرفي صح😁💕
شهد: اي نعرف نتكلم كلام عادي، زمان قريت في كورس وتمكنت من الاساسي (خطرت عليها ايامات المرحوم)💔
عادل زبطها: الله يرحمه هي تعالي معاي ليك اسبوع في الدار وعالروشن بس، ماتحركتيش منه، البسي كويس ثلج برا 🌧💙
كيف شهد تلبس في وشاحها كلمها فراس فيديو، ردت عليه عرفها طالعة 🤤🤍
فراس: كملي لبسك وخلي الخط مفتوح، اني نسوق ومعاك ع الخط🤤💜
شهد: رد بالك تاخد مخالفة مقومة، شن رايك😂🦋💜
فراس: ههههه مداير مثبت مش ممنوع، وين طالعة انتي🤔
شهد: لمحل خالو بنخدم فيه بش ناخده اني وهو بيمشي للشركة، دوامه مسائي معناها ايامات الجامعة كويس🦋
فراس: حلو ي حلو وبتخدمي في محل حلو، الامريكان بيهبلو من الحلو كله، هههه امتا الجامعة تبدا؟؟ 😂🤔
شهد: الشهر الجاي ممكن، مش متاكدة من التاريخ تحديدا🦋
فراس: به كويس، بنتلاقو قبل ماتبدي، ليك وحشة كبيرة💕

شهد: حتى انت والله هي سلامات توا بنعطل علي خالو💜
نزلت شهد للمحل وكان حلو من برا فيه غرسات وورد🎍🌹
ومن داخل في حوض سمك 🐠والحلويات منظرهم حلو🤤
لقت زباين تكلمت معاهم وعرفت تتصرف من اول مرة، خالها فرح هلبا بشهد وكيف تتعامل بضحكتها الخرافية🤤
عادل: مشالله عليك من اول يوم واول زبون جوك حلو، اني بنمشي للشركة، في كيكات في المطبخ جيبيهم رتبيهم وعليهم السعر، تبي اي شي كلميني 🤍❤
خشت شهد تجيب في الكيكات للفترينا خش شخص عربي وقال: السلام عليكم، can you help me please?
شهد متلفتة للخلف: وعليكم السلام، ياهلا بالعرب🤤🦋
وتلفتت شهد ومن يكون؟! فراس وعم الصمت من الصدمة🤭😲
شهد: اني مصدومة خليني نستوعب شوية بس😂😲
فراس: اني نسكن في الشارع المقابل فالعمارة الاولى، حي معناها حني جيران، بنتلاقو كل يوم معش في سبلة😂🌹
شهد: اي احسن شي جيران ديما مكسدة بروحي😂🦋🤤
فراس: توا عرفت وين شايف خالك، جيت خديت كيكة حفلة تخرجي من هني حرفيا تحفة الكيكات متاعكم🤤
شهد: هكي الباين مزال ماكليتش منهم، خاطري في وحدة
فراس: وكان نعزمك علي وحدة توا؟ وبلا اعتراض من فضلك ❤
كلت شهد وفراس كيكة والحق حلواات، المعمل اللي ياخدو منه مش بعيد، المهم فراس عزم شهد ع العشي، هي في الاول ترددت لكل كالعادة الجواب الشافي جاها🦋💕🌹
عادل: هني عادي الطلوع، وفراس ليبي ويعرف ردت فعلك واهم شي انتي عاقلة وتعرفي شن اديري ووين ماشية وكيف طالعة 👌🏻❤
طلعت شهد والحاحة اللي مميزتها بين الامريكيات حجابها تلاقت هي وفراس، وهو طبعا معجب بيها بشكل رهيب لدرجة انه بدي يحبها 💜
فراس مش ناقصه شي مسالله دكتور بحوشه، بسيارته، بجنسيته، بعيادته، بفلوسه، ناقصاته بنت الحلال اللي تهنيه وتسعده وتلم حوشه💍🤍

هدرز هو وشهد ع المستقبل وسن مخططين وكيف نظرتها للحياة وهلبا اسئلة فضولية، عجبه تفكيرها وطريقة كلامها هلبا وقعد يتامل فيها لين هي توترت معش قدرت تتكلم🥲
فراس معجب بشهد وبدي يحبها، زعما يصير بينهم شي، وتكمل معاه شهد وتستقر في امريكا متهنية بعيدة عالهم في ليبيا؟ 🤔
هدا اللي بنشوفوه في الحلقة الرابعة والعشرين🥀